EUR-Lex Access to European Union law
This document is an excerpt from the EUR-Lex website
Document 31992R0762
Commission Regulation (EEC) No 762/92 of 27 March 1992 modifying Annex V to Council Regulation (EEC) No 2377/90 laying down a Community procedure for the establishment of maximum residue limits of veterinary medicinal products in foodstuffs of animal origin
Ir-regolament tal-kummissjoni (KEE) Nru. 762/92 tas-27 ta' Marzu 1992 li jimmodifika Anness V ma’ Regolament tal-Kunsill (KEE) Nru. 2377/90 li jistabilixxi proċedura tal-Komunità għat-twaqqif tal-limiti massimi ta' residwu ta' prodotti mediċinali veterinarji f'oġġetti tal-ikel u li ġejjin mill-annimali
Ir-regolament tal-kummissjoni (KEE) Nru. 762/92 tas-27 ta' Marzu 1992 li jimmodifika Anness V ma’ Regolament tal-Kunsill (KEE) Nru. 2377/90 li jistabilixxi proċedura tal-Komunità għat-twaqqif tal-limiti massimi ta' residwu ta' prodotti mediċinali veterinarji f'oġġetti tal-ikel u li ġejjin mill-annimali
ĠU L 83, 28.3.1992, p. 14–16
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO, HR)
No longer in force, Date of end of validity: 05/07/2009; Impliċitament imħassar minn 32009R0470
Relation | Act | Comment | Subdivision concerned | From | To |
---|---|---|---|---|---|
Modifies | 31990R2377 | Sostituzzjoni | anness 5 | 28/03/1992 |
Relation | Act | Comment | Subdivision concerned | From | To |
---|---|---|---|---|---|
Implicitly repealed by | 32009R0470 | 06/07/2009 |
Official Journal L 083 , 28/03/1992 P. 0014 - 0016
Finnish special edition: Chapter 3 Volume 41 P. 0173
Swedish special edition: Chapter 3 Volume 41 P. 0173
Ir-Regolament tal-Kummissjoni (KEE) Nru. 762/92 tas-27 ta’ Marzu 1992 li jimmodifika Anness V ma’ Regolament tal-Kunsill (KEE) Nru. 2377/90 li jistabilixxi proċedura tal-Komunità għat-twaqqif tal-limiti massimi ta’ residwu ta’ prodotti mediċinali veterinarji f’oġġetti tal-ikel u li ġejjin mill-annimali IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunità Ekonomika Ewropea, Wara li kkunsidrat ir-Regolament tal-Kunsill (KEE) Nru. 2377/90 tas-26 ta’ Ġunju 1990 li jistabilixxi proċedura tal-Komunità għat twaqqif tal-limiti massimi ta’ residwu ta’ prodotti mediċinali veterinarji f’oġġetti tal-ikel [1], kif emendat mir-Regolament tal-Kummissjoni (KEE) nru. 675/92 [2] u b’mod partikolari Artikoli 11 dwar dan, Billi hu mixtieq fl-interess ta’ effiċjenza amministrattiva li l-informazzjoni u d-dettalji li jridu jiġu inklużi f’kull applikazzjoni għat-twaqqif ta’ kull limitu massimu ta’ residwu għal kull sustanza farmakoloġikament attiva użata fi prodotti mediċinali veterinarji b’mod konformi mar-Regolament (KEE) Nru 2377/90 għandhom jikkorrispondu possibilment bl-iktar mod qrib mal-informazzjoni u d-dettalji li jridu jiġu mogħtija lill-Istati Membri f’kull applikazzjoni għall-awtorizzazzjoni biex jiġi mqiegħed fis-suq sottomess skond Artikolu 5 tad-Direttiva tal-Kunsill 81/851/KEE tat-28 ta’ Settembru 1981 fuq l-approssimazzjoni tal-liġijiet tal-Istati Membri relatati mal-prodotti mediċinali veterinarji [3], kif emendat mid-Direttiva 90/676/KEE [4]; Billi huwa meħtieġ li jiġi emendat Anness V mar-Regolament (KEE) Nru. 2377/90 biex jittieħed kont tal-bidlet għal-ħtiġiet għall-prova ta’ prodotti mediċinali veterinarji introdotti bid-Direttiva tal-Kunsill 92/18/KEE tal-20 ta’ Marzu 1992 li timmodifika l-Anness għad-Direttiva tal-Kunsill 81/852/KEE fuq l-approssimazzjoni tal-liġijiet tal-Istati Membri dwar standards u protokolli analitiċi, farmako-tossikoloġiċi u kliniċi u protokolli rigward l-ittestjar ta’ prodotti mediċinali veterinarji; Billi d-dispożizzjonijiet ta’ dan ir-Regolament huma skond il-fehma tal-Kumitat fuq l-Adattament għall-Progress Tekniku tad-Direttivi fuq it-Tneħħija tal-Barrieri Tekniċi għall-Kummerċ fil-Qasam tal-Prodotti Mediċinali Veterinarji stabbilit taħt Artikolu 2b tad-Direttiva tal-Kunsill 81/852/KEE [5], kif emendat bid-Direttiva 87/20/KEE [6], ADDOTTAT DAN IR-REGOLAMENT: Artikolu 1 Anness V għar-Regolament (KEE) Nru 2377/90 huwa hawnhekk mibdul bl-Anness ma’ dan ir-Regolament. Artikolu 2 Dan ir-Regolament għandu jidħol fis-seħħ fid-data tal-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u jkun direttament applikabbli f’kull Stat Membru. Magħmul fi Brussel, fis-27 ta’ Marzu 1992. Għall-Kummissjoni Martin Bangemann Viċi-President [1] ĠU L 224, tat-18.8.1990, p. 1. [2] ĠU L 73, tad-19.3.1992, p. 8. [3] ĠU L 317, tas-6.11.1981, p. 1. [4] ĠU L 373, tal-31.12.1990, p. 15. [5] ĠU L 317, tas-6.11.1981, p. 16. [6] ĠU L 15, tas-17.1.1987, p. 34. -------------------------------------------------- ANNEX ANNESS V Informazzjoni u partikolaritajiet li jridu jiġu inklużi f’kull applikazzjoni għat-twaqqif ta’ limitu massimu ta’ residwu għal kull sustanza farmakoloġikament attiva użata fi prodotti mediċinali veterinarji. Dettalji amministrattivi 1. Isem jew isem korporattiv u indirizz permanenti tal-applikant 2. Isem tal-prodott mediċinali veterinarju. 3. Komposizzjoni kwantitattiva u kwalitattiva f’termini ta’ prinċipji attivi, b’riferiment għall-isem internazzjonali mhux proprjetarju rakkomandat mill-Organizzazzjoni tas-Saħħa Dinija, fejn dan l-isem jeżisti. 4. Awtorizzazzjoni għall-manifattura, jekk hemm. 5. Awtorizzazzjoni għall-marketing, jekk hemm. 6. Taqsira tal-karatteristiċi tal-prodott(i) mediċinali veterinarji ppreparati b’mod konformi ma’ Artikolu 5a tad-Direttiva 81/851/KEE. A. Dokumentazzjoni tas-sigurtà A. 0. Rapport tal-espert A. 1. Identifikazzjoni preċiża tas-sustanza kkonċernata bl-applikazzjoni 1.1 Isem internazzjonali mhux proprjetarju (INN). 1.2 Isem tal-Unjoni Internazzjonali tal-Kimika Pura u Applikata (IUPAC). 1.3 Isem tas-Servizz tal-Kompendju Kimiku (CAS). 1.4 Klassifikazzjoni: - terapewtika; - farmakoloġika. 1.5 Sinonimi u abbrevjazzjonijiet. 1.6 Formula strutturali. 1.7 Formola molekolari. 1.8 Piż molekolari. 1.9 Grad ta’ impurtià. 1.10 Komposizzjoni kwalitattiva u kwantitattiva tal-impuritajiet. 1.11 Deskrizzjoni tal-propjetajiet fiżiċi: - punt li jinħall; - punt ta’ tgħolija; - pressjoni tal-fwar; - solubilità fl-ilma u solventi organiċi, espressi f’grammi għal kull litru, b’indikazzjoni ta’ temperatura; - densità - indiċi ta’ rifrazzjoni, rotazzjoni, eċċ. A. 2. Studji farmakoloġiċi rilevanti 2.1 farmakodinamiċità, 2.2 Farmakokinetiċità, A.3. Studji tossikoloġiċi 3.1 Tossiċità ta’ doża waħda. 3.2 Tossiċità ta’ doża ripetuta. 3.3 Tolleranza fl-ispeċi bbersaljata ta’ annimal. 3.4 Tossiċità riproduttiva, b’inklużjoni tat-teratoġenoċità. 3.4.1 Studju tal-effetti fuq ir-reproduzzjoni. 3.4.2 Embrijotossiċità/fetotossiċità, b’inklużjoni tat-teratoġeniċità. 3.5 Mutaġenoċità. 3.6 Karċinoġeniċità. A.4 Studji ta’ effetti oħra. 4.1 Immunotossiċità. 4.2 Propjetajiet mikrobijoloġiċi tar-residwi. 4.2.1 Fuq il-flora tal-imsaren uman; 4.2.2 Fuq l-organiżmi u mikro-organiżżmi użati għall-ipproċessar tal-ikel industrijali. 4.3 Osservazzjonijiet fil-bniedem. B. Dokumentazzjoni tar-residwu B.0 Rapport tal-espert B.1. Identifikazzjoni preċiża tas-sustanza konċernata bl-applikazzjoni. Is-sustanza konċernata għandha tiġi identifikata skond il-punt A.1. Madankollu, fejn l-applikazzjoni għandha x’taqsam ma wieħed jew aktar prodotti mediċinali veterinarji, il-prodott innifsu għandu jiġi identifikat b mod dettaljat, inkluz: - kompożizzjoni kwalitattiva u kwantiattiva-purità; - identifikazzjoni tal-lott tal-fabrikant użat fl-istudji; relazzjoni mal-prodott finali; - attività speċifika u radjo-purità ta’ sustanzi ttikettjati; - pożizzjoni ta’ atomi ttikkettjati fuq il-molekola. B.2. Studji fuq ir-residwi 2.1 Farmakokinetiċità (assorbiment, distribuzzjoni, biotrasformazzjonijiet, eskrezjoni). 2.2 Tnaqqis ta’ residwi, 2.3 Elaborazzjoni ta’ limiti massimu ta’ residwu (LMR). B.3. Metodu ta’ analiżi rutina għall-intraċċar tar-residwi 3.1 Deskrizzjoni tal-metodu. 3.2 Validazzjoni tal-metodu. 3.2.1 speċifiċità; 3.2.2 akkuratezza, inkluż is-sensittività; 3.2.3 preċiżjoni; 3.2.4 limitu tal-intraċċar; 3.2.5 limitu ta’ kwantitazzjoni; 3.2.6 prattikabilità u applikabilità taħt kondizzjonijiet laboratorji normali; 3.2.7 suxxettibilità għall-interferenza. --------------------------------------------------