This document is an excerpt from the EUR-Lex website
Document 31989R3537
Commission Regulation (EEC) No 3537/89 of 27 November 1989 on the marketing stage to which the average price for pig carcases refers
Ir-Regolament tal-Kummissjoni (KEE) Nru 3537/89 tas-27 ta’ Novembru 1989 dwar l-istadju kummerċjali li għalih jirreferi l-prezz medju tal-karkassi tal-majjal
Ir-Regolament tal-Kummissjoni (KEE) Nru 3537/89 tas-27 ta’ Novembru 1989 dwar l-istadju kummerċjali li għalih jirreferi l-prezz medju tal-karkassi tal-majjal
ĠU L 347, 28.11.1989, p. 20–21
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO)
No longer in force, Date of end of validity: 13/08/2006; Imħassar b' 32006R1128
Relation | Act | Comment | Subdivision concerned | From | To |
---|---|---|---|---|---|
Repeal | 31986R2342 | 29/11/1989 |
Relation | Act | Comment | Subdivision concerned | From | To |
---|---|---|---|---|---|
Modified by | 31995R1572 | Emenda | artikolu 2.2 | 01/07/1995 | |
Repealed by | 32006R1128 |
Official Journal L 347 , 28/11/1989 P. 0020 - 0021
Finnish special edition: Chapter 3 Volume 30 P. 0208
Swedish special edition: Chapter 3 Volume 30 P. 0208
Ir-Regolament tal-Kummissjoni (KEE) Nru 3537/89 tas-27 ta’ Novembru 1989 dwar l-istadju kummerċjali li għalih jirreferi l-prezz medju tal-karkassi tal-majjal IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jwaqqaf il-Komunità Ekonomika Ewropea, Wara li kkunsidrat ir-Regolament tal-Kunsill (KEE) Nru 2759/75 tad-29 ta’ Ottubru 1975 fuq l-organizzazzjoni komuni tas-suq fil-laħam tal-majjal [1], kif l-aħħar emendat bir-Regolament (KEE) Nru 1249/89 [2] u b’mod partikolari Artikolu 4(6) tiegħu, Billi s-swieq rappreżentattivi jikkomprendu, għal kull pajjiż, is-swieq kollha elenkati fl-Anness li jinsab mar-Regolament tal-Kummissjoni (KEE) Nru 2123/89 [3]; Billi, skond Artikolu 4(2) tar-Regolament (KEE) Nru 2759/75, il-prezz medju mkejjel għall-karkassi tal-majjal fis-swieq rappreżentattivi tal-Komunità għandu jiġi stabbilit sabiex issir stima jekk is-sitwazzjoni fis-suq tkunx teħtieġ miżuri ta’ intervent; Billi, sabiex ikun jista’ jiġi stabbilit dak il-prezz medju għall-karkassi tal-majjal, prezzijiet Komunitarji komparabbli għandhom ikunu disponibbli; billi, għal dan il-għan, kwalità waħda tal-karkassi tal-majjal li tkun tikkorrispondi mal-istandard ta’ kwalità msemmi f’Artikolu 4(1) tar-Regolament (KEE) Nru 2759/75 u stadju li jkun definit b’mod ċar għandu jintuża; billi, minħabba li l-karkassi tal-majjal ġeneralment jinbiegħu waqt l-istadju tal-biċċerija, dak l-istadju għandu jkun dak li jiġi adottat; Billi l-kwotazzjonijiet għall-karkassi tal-majjal għandhom minn issa ’l quddiem jiġu stabbiliti mal-Komunità kollha billi tintuża l-iskala tal-Komunità għall-klassifika tal-karkassi tal-majjal kif stabbilita fir-Regolament tal-Kunsill (KEE) Nru 3220/84 [4], kif emendat bir-Regolament (KEE) Nru 3530/86 [5], u r-regoli dettaljati għall-applikazzjoni stabbiliti fir-Regolament tal-Kummissjoni (KEE) Nru 2967/85 [6]; billi d-definizzjoni tal-kwalità standard skond Artikolu 2(2) u (3) tar-Regolament (KEE) Nru 3220/84 kienet ġiet simplifikata bir-Regolament tal-Kunsill (KEE) Nru 1250/89 tat-3 ta’ Mejju 1989 li kien jiffissa l-prezz bażiku u l-livell tal-kwalità għall-majjali maqtula fil-perjodu bejn l-l ta’ Lulju 1989 u t-30 ta’ Ġunju 1990 [7]; billi, b’żieda ma’ dan, il-lista tas-swieq rappreżentattivi għal-laħam tal-majjal fil-Komunità, kif stabbilit fir-Regolament tal-Kunsill (KEE) Nru 43/81 [8], kif l-aħħar emendat bir-Regolament (KEE)Nru 3553/88 [9], kienet ġiet sostitwita b’dik fir-Regolament (KEE) Nru 2123/89; billi, għal dawk ir-raġunijiet, ir-regoli ta’ l-istadju kummerċjali li għalih il-prezz medju tal-karkassi tal-majjal jirreferi għandhom jiġu emendati; Billi għal-raġuni ta’ċarezza Regolament ġdid li jgħaqqad ir-regoli kollha dwar l-istadju tas- kummerċjali li għalih il-prezz medju tal-karkassi tal-majjal jirreferi għandu jiġi adottat; billi r-Regolament tal-Kummissjoni (KEE) Nru 2342/86 [10], kif emendat bir-Regolament (KEE) Nru 2847/87 [11], għandu b’hekk jitħassar; Billi l-miżuri previsti f’dan ir-Regolament jaqblu ma’l-opinjoni tal-Kumitat ta’Ġesstjoni tal-Laħam tal-Majjal, ADDOTTAT DAN IR-REGOLAMENT: Artikolu 1 1. Il-prezz Komunitarju tas-suq tal-karkassi tal-majjal imsemmi f’Artikolu 4(2) tar-Regolament (KEE) Nru 2759/75 għandu jiġi stabbilit fuq il-bażi tal-prezzijiet waqt id-dħul fil-biċċerija, eskluża t-taxxa fuq il-valur miżjud, imħallsa lill-provdituri ta’ majjali ħajjin. 2. Il-prezz imsemmi fil-paragrafu 1 għandu jinkludi l-valur tal-iskart u l-fdalijiet tal-annimali mhux proċessati u għandu jkun ikkwotat għal kull 100 kilo ta’ karkassi kiesħa tal-majjal: - preżentati skond il-preżentazzjoni tar-referenza stabbilita f’Artikolu 2(1) tar-Regolament (KEE) Nru 3220/84, u - miżuna u klassifikati fuq il-ganċ tal-biċċerija, waqt li l-piż reġistrat jiġi konvertit f’piż tal-karkassa kiesħa skond il-metodi stabbiliti f’Artikolu 2 tar-Regolament (KEE) Nru 2967/85. Artikolu 2 1. Il-prezz tal-karkassa tal-majjal fi Stat Membru għandha tkun egwali għall-medja tal-kwotazzjonijiet tal-karkassi tal-majjal reġistrata fis-swieq jew fiċ-ċentri tal- kwotazzjoni ta’ dak l-Istat Membru elenkat fl-Anness li jinsab mar-Regolament (KEE) Nru 2123/89. 2. Il-prezz imsemmi fil-paragrafu 1 għandu jiġi stabbilit billi jintużaw il-kwotazzjonijiet reġistrati waqt li jintiżnu l-karkassi: - 60 sa anqas minn 120 kilo ta’ grad U, - 120 sa anqas minn 180 kilo ta’ grad R. L-għażla tal-kategoriji tal-piż u kwalunkwe użin tagħhom għandu jitħalla f’idejn l-Istati Membri kkonċernati; dawn ta’ l-aħħar għandhom jinfurmaw lill-Kummissjoni bihom. Artikolu 3 1. Ir-Regolament (KEE) Nru 2342/86 qiegħed b’dan jitħassar. 2. Ir-referenzi għar-Regolament (KEE) Nru 2342/86 għandhom jiftiehmu bħala li jirreferu għal dan ir-Regolament. Artikolu 4 Dan ir-Regolament għandu jidħol fis-seħħ fil-jum li jiġi wara dak li fih jiġi ppubblikat fil-Ġurnal Uffiċjali tal-Komunitajiet Ewropej. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fis-27 ta’ Novembru 1989. Għall-Kummissjoni Ray Mac Sharry Membru tal-Kummissjoni [1] ĠU L 282, ta’ l-1.11.1975, p. 1. [2] ĠU L 129, tal-11.5.1989, p. 12. [3] ĠU L 203, tal-15.7.1989, p. 23. [4] ĠU L 301, ta’ l-20.11.1984, p. 1. [5] ĠU L 326, tal-21.11.1986, p. 8. [6] ĠU L 285, tal-25.10.1985, p. 39. [7] ĠU L 129, tal-11.5.1989, p. 14. [8] ĠU L 3, ta’ l-1.1.1981, p. 15. [9] ĠU L 311, tas-17.11.1988, p. 4. [10] ĠU L 203, tas-26.7.1986, p. 18. [11] ĠU L 272, tal-25.9.1987, p. 12. --------------------------------------------------