This document is an excerpt from the EUR-Lex website
Document 22024D0025
Decision of the EEA Joint Committee No 3/2021 of 5 February 2021 amending Annex I (Veterinary and phytosanitary matters) to the EEA Agreement [2024/25]
Deċiżjoni tal-Kumitat Konġunt taż-ŻEE Nru 3/2021 tal-5 ta’ Frar 2021 li temenda l-Anness I (Kwistjonijiet veterinarji u fitosanitarji) tal-Ftehim dwar iż-ŻEE 2024/25
Deċiżjoni tal-Kumitat Konġunt taż-ŻEE Nru 3/2021 tal-5 ta’ Frar 2021 li temenda l-Anness I (Kwistjonijiet veterinarji u fitosanitarji) tal-Ftehim dwar iż-ŻEE 2024/25
ĠU L, 2024/25, 11.1.2024, ELI: http://data.europa.eu/eli/dec/2024/25/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Relation | Act | Comment | Subdivision concerned | From | To |
---|---|---|---|---|---|
Modifies | 21994A0103(51) | Żieda | kapitolu I parti 1.1 punt 13e | 17/04/2021 | |
Modifies | 21994A0103(51) | Żieda | kapitolu I parti 1.1 punt 13f | 17/04/2021 | |
Modifies | 21994A0103(51) | Tħassir | kapitolu I parti 3.1 punt 1a Test | 21/04/2021 | |
Modifies | 21994A0103(51) | Tħassir | kapitolu I parti 3.1 punt 3 Test | 21/04/2021 | |
Modifies | 21994A0103(51) | Tħassir | kapitolu I parti 3.1 punt 5a Test | 21/04/2021 | |
Modifies | 21994A0103(51) | Tħassir | kapitolu I parti 3.1 punt 6 Test | 21/04/2021 |
Il-Ġurnal Uffiċjali |
MT Serje L |
2024/25 |
11.1.2024 |
DEĊIŻJONI TAL-KUMITAT KONĠUNT TAŻ-ŻEE Nru 3/2021
tal-5 ta’ Frar 2021
li temenda l-Anness I (Kwistjonijiet veterinarji u fitosanitarji) tal-Ftehim dwar iż-ŻEE 2024/25
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,
Billi:
(1) |
Ir-Regolament Delegat tal-Kummissjoni (UE) 2020/687 tas-17 ta’ Diċembru 2019 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għall-prevenzjoni u l-kontroll ta’ ċertu mard elenkat (1) għandu jiġi inkorporat fil-Ftehim dwar iż-ŻEE. |
(2) |
Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (2) għandu jiġi inkorporat fil-Ftehim dwar iż-ŻEE. |
(3) |
Ir-Regolament Delegat (UE) 2020/687 iħassar, b’effett mill-21 ta’ April 2021, id-Direttivi tal-Kunsill 92/66/KEE (3), 2001/89/KE (4), 2003/85/KE (5) u 2005/94/KE (6), li huma inkorporati fil-Ftehim dwar iż-ŻEE u li konsegwentement iridu jitħassru skont il-Ftehim dwar iż-ŻEE b’effett mill-21 ta’ April 2021. |
(4) |
Din id-Deċiżjoni tikkonċerna l-leġiżlazzjoni dwar kwistjonijiet veterinarji. Il-leġiżlazzjoni dwar kwistjonijiet veterinarji ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fi prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I tal-Ftehim dwar iż-ŻEE. Għaldaqstant, din id-Deċiżjoni ma għandhiex tapplika għal-Liechtenstein. |
(5) |
Jenħtieġ għalhekk, li l-Anness I tal-Ftehim dwar iż-ŻEE jiġi emendat skont dan, |
ADOTTA DIN ID-DEĊIŻJONI:
Artikolu 1
Il-Kapitolu I tal-Anness I tal-Ftehim dwar iż-ŻEE għandu jiġi emendat kif ġej:
1. |
Il-punti li ġejjin jiddaħħlu wara l-punt 13d (ir-Regolament ta’ Implimentazzjoni tal-Kummissjoni (UE) Nru 2020/999) fil-Parti 1.1:
|
2. |
It-testi tal-punt 1a (id-Direttiva tal-Kunsill 2003/85/KE), tal-punt 3 (id-Direttiva tal-Kunsill 2001/89/KE), tal-punt 5a (id-Direttiva tal-Kunsill 2005/94/KE) u tal-punt 6 (id-Direttiva tal-Kunsill 92/66/KEE) fil-Parti 3.1, għandhom jitħassru b’effett mill-21 ta’ April 2021. |
Artikolu 2
It-testi tar-Regolamenti Delegati (UE) 2020/687 u (UE) 2020/692 bil-lingwa Iżlandiża u b’dik Norveġiża, li għandhom jiġu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fis-6 ta’ Frar 2021, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1), jew fil-jum tad-dħul fis-seħħ tad-Deċiżjoni tal-Kumitat Konġunt taż-ŻEE Nru 179/2020 tal-11 ta’ Diċembru 2020 (7), skont liema data tkun l-iżjed tard.
Artikolu 4
Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, il-5 ta’ Frar 2021.
Għall-Kumitat Konġunt taż-ŻEE
Il-President
Clara GANSLANDT
(1) ĠU L 174, 3.6.2020, p. 64.
(2) ĠU L 174, 3.6.2020, p. 379.
(4) ĠU L 316, 1.12.2001, p. 5.
(5) ĠU L 306, 22.11.2003, p. 1.
(6) ĠU L 10, 14.1.2006, p. 16.
(*1) Ma huwa indikat l-ebda rekwiżit kostituzzjonali.
ELI: http://data.europa.eu/eli/dec/2024/25/oj
ISSN 1977-074X (electronic edition)