This document is an excerpt from the EUR-Lex website
Document 22022D2165
Decision of the EEA Joint Committee No 173/2019 of 14 June 2019 amending Annex XIX (Consumer protection) to the EEA Agreement [2022/2165]
Deċiżjoni tal-Kumitat Konġunt taż-ŻEE Nru 173/2019 tal-14 ta’ Ġunju 2019 li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2165]
Deċiżjoni tal-Kumitat Konġunt taż-ŻEE Nru 173/2019 tal-14 ta’ Ġunju 2019 li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2165]
ĠU L 291, 10.11.2022, p. 62–62
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
Relation | Act | Comment | Subdivision concerned | From | To |
---|---|---|---|---|---|
Modifies | 21994A0103(69) | Tħassir | punt 7j punt (c) Test |
10.11.2022 |
MT |
Il-Ġurnal Uffiċjali tal-Unjoni Ewropea |
L 291/62 |
DEĊIŻJONI TAL-KUMITAT KONĠUNT TAŻ-ŻEE Nru 173/2019
tal-14 ta’ Ġunju 2019
li temenda l-Anness XIX (Protezzjoni tal-konsumatur) tal-Ftehim dwar iż-ŻEE [2022/2165]
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea (“il-Ftehim dwar iż-ŻEE”), u b’mod partikolari l-Artikolu 98 tiegħu,
Billi:
(1) |
Ir-Regolament (UE) Nru 524/2013 tal-Parlament Ewropew u tal-Kunsill tal-21 ta’ Mejju 2013 dwar is-soluzzjoni online għal tilwim mal-konsumaturi u li jemenda r-Regolament (KE) Nru 2006/2004 u d-Direttiva 2009/22/KE (ir-Regolament dwar l-ODR tal-konsumaturi) kien inkorporat fil-Ftehim dwar iż-ŻEE permezz tad-Deċiżjoni tal-Kumitat Konġunt taż-ŻEE Nru 194/2016 tat-23 ta’ Settembru 2016 (1). |
(2) |
Il-funzjonijiet tat-traduzzjoni pprovduti mill-pjattaforma tal-ODR fir-rigward tal-lingwa Iżlandiża issa jiżguraw kwalità komparabbli tal-funzjonijiet kollha ma’ dik offruta għal-lingwi l-oħra. Huwa għalhekk xieraq li jintemmu l-miżuri rigward il-funzjonijiet tat-traduzzjoni lejn u mil-lingwa Iżlandiża stabbiliti fl-Anness XIX tal-Ftehim dwar iż-ŻEE. |
(3) |
Jenħtieġ għalhekk, li l-Anness XIX tal-Ftehim dwar iż-ŻEE jiġi emendat skont dan, |
ADOTTA DIN ID-DEĊIŻJONI:
Artikolu 1
It-test tal-adattament (c) fil-punt 7j (ir-Regolament (UE) Nru 524/2013 tal-Parlament Ewropew u tal-Kunsill) fl-Anness XIX jitħassar.
Artikolu 2
Din id-Deċiżjoni għandha tidħol fis-seħħ fil-15 ta’ Ġunju 2019, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*).
Artikolu 3
Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, l-14 ta’ Ġunju 2019.
Għall-Kumitat Konġunt taż-ŻEE
Il-President
Claude MAERTEN
(1) ĠU L 80, 22.3.2018, p. 37.
(*) Ma huwa indikat l-ebda rekwiżit kostituzzjonali.