1.   Dan l-Anness ġie elaborat għall-implimentazzjoni ta’ kooperazzjoni fl-oqsma li ġejjin, skont il-paragrafu 2 tal-Artikolu 3 ta’ dan il-Ftehim, u jiddeskrivi t-termini, il-kundizzjonijiet u l-metodi għall-aċċettazzjoni reċiproka ta’ sejbiet ta’ konformità u ta’ ċertifikati:

2.   Minkejja l-paragrafu 1, il-prodotti ajrunawtiċi ċivili użati, għajr l-inġenji tal-ajru użati, huma esklużi mill-kamp ta’ applikazzjoni ta’ dan l-Anness.

1.   Il-Bord ta’ Superviżjoni taċ-Ċertifikazzjoni, responsabbli lejn il-Kumitat Konġunt stabbilit skont l-Artikolu 11 ta’ dan il-Ftehim, huwa b’dan stabbilit taħt il-kopresidenza tal-aġenti tekniċi, bħala korp ta’ koordinazzjoni teknika responsabbli għall-implimentazzjoni effettiva ta’ dan l-Anness. Dan għandu jkun magħmul minn rappreżentanti mill-aġent tekniku ta’ kull Parti u jista’ jistieden parteċipanti addizzjonali biex jiffaċilitaw it-twettiq tal-mandat tiegħu.

2.   Il-Bord ta’ Superviżjoni taċ-Ċertifikazzjoni għandu jiltaqa’ f’intervalli regolari fuq talba ta’ kwalunkwe aġent tekniku, u għandu jieħu d-deċiżjonijiet u jagħmel rakkomandazzjonijiet b’kunsens. Għandu jizviluppa u jadotta r-regoli ta’ proċedura tiegħu.

1.   L-awtoritajiet kompetenti fir-rigward taċ-ċertifikazzjoni tad-disinn huma:

2.   L-awtoritajiet kompetenti fir-rigward taċ-ċertifikazzjoni tal-produzzjoni u ċ-ċertifikati tal-esportazzjoni huma:

1.   Il-proċeduri ta’ implimentazzjoni teknika għandhom jiġu żviluppati mill-aġenti tekniċi permezz tal-Bord ta’ Superviżjoni taċ-Ċertifikazzjoni sabiex jiġu pprovduti proċeduri speċifiċi li jiffaċilitaw l-implimentazzjoni ta’ dan l-Anness, billi jiġu definiti l-proċeduri għall-attivitajiet ta’ komunikazzjoni bejn l-awtoritajiet kompetenti tal-Partijiet.

2.   Il-proċeduri ta’ implimentazzjoni teknika għandhom jindirizzaw ukoll id-differenzi bejn l-istandards, ir-regoli, il-prattiki, il-proċeduri u s-sistemi tal-avjazzjoni ċivili tal-Partijiet relatati mal-implimentazzjoni ta’ dan l-Anness, kif previst fil-paragrafu 2 tal-Artikolu 3 ta’ dan il-Ftehim.

1.   Id-data u l-informazzjoni skambjati fl-implimentazzjoni ta’ dan l-Anness għandhom ikunu soġġetti għad-dispożizzjonijiet tal-Artikolu 10 ta’ dan il-Ftehim.

2.   Id-data u l-informazzjoni skambjati waqt il-proċess ta’ validazzjoni għandhom ikunu limitati fin-natura u l-kontenut għal dak li huwa meħtieġ għall-iskop ta’ dimostrazzjoni ta’ konformità mar-rekwiżiti tekniċi applikabbli, kif iddettaljat fil-proċeduri ta’ implimentazzjoni teknika.

3.   Kwalunkwe nuqqas ta’ qbil fir-rigward ta’ skambju ta’ data u informazzjoni bejn l-awtoritajiet kompetenti tal-Partijiet għandu jiġi ttrattat kif iddettaljat fil-proċeduri ta’ implimentazzjoni teknika. Kull Parti għandha żżomm id-dritt li tirreferi n-nuqqas ta’ qbil lill-Bord ta’ Superviżjoni taċ-Ċertifikazzjoni għal soluzzjoni.

1.   Din it-Taqsima tindirizza ċ-ċertifikati tad-disinn u l-bidliet tagħhom kollha li jaqgħu fil-kamp ta’ applikazzjoni ta’ dan l-Anness, b’mod partikolari:

2.   L-awtorità ta’ validazzjoni għandha jew tivvalida, filwaqt li tqis il-livell ta’ involviment imsemmi fl-Artikolu 12 ta’ dan l-Anness, jew taċċetta awtomatikament ċertifikat tad-disinn jew bidlali tkun inħarġet, jew li tkun fil-proċess li tinħareġjew li tiġi approvata mill-awtorità ta’ ċertifikazzjoni, skont it-termini u l-kundizzjonijiet stabbiliti f’dan l-Anness u kif iddettaljat fil-proċeduri ta’ implimentazzjoni teknika, inkluż il-modalitajiet tagħha ta’ aċċettazzjoni awtomatika u ta’ validazzjoni taċ-ċertifikati.

3.   Għall-implimentazzjoni ta’ dan l-Anness, kull Parti għandha tiżgura li fis-sistema regolatorja tagħha għas-sikurezza fl-avjazzjoni ċivili, id-dimostrazzjoni tal-kapaċità ta’ kwalunkwe organizzazzjoni tad-disinn li tassumi r-responsabbiltajiet tagħha tkun ikkontrollata biżżejjed permezz ta’ sistema ta’ ċertifikazzjoni għall-organizzazzjonijiet tad-disinn.

1.   Għandha ssir applikazzjoni għall-validazzjoni ta’ ċertifikat tad-disinn ta’ prodott ajrunawtiku ċivili lill-awtorità ta’ validazzjoni permezz tal-awtorità ta’ ċertifikazzjoni kif iddettaljat fil-proċeduri ta’ implimentazzjoni teknika.

2.   L-awtorità ta’ ċertifikazzjoni għandha tiżgura li l-awtorità ta’ validazzjoni tirċievi d-data u l-informazzjoni rilevanti kollha meħtieġa għall-validazzjoni taċ-ċertifikat tad-disinn, kif iddettaljat fil-proċeduri ta’ implimentazzjoni teknika.

3.   Hekk kif tirċievi l-applikazzjoni għall-validazzjoni taċ-ċertifikat tad-disinn, l-awtorità ta’ validazzjoni għandha tiddetermina l-bażi taċ-ċertifikazzjoni għall-validazzjoni skont l-Artikolu 11 ta’ dan l-Anness, kif ukoll il-livell ta’ involviment tal-awtorità ta’ validazzjoni fil-proċess ta’ validazzjoni skont l-Artikolu 12 ta’ dan l-Anness.

4.   L-awtorità ta’ validazzjoni għandha, kif iddettaljat fil-proċeduri ta’ implimentazzjoni teknika, tibbaża l-validazzjoni tagħha kemm jista’ jkun fuq l-evalwazzjonijiet tekniċi, it-testijiet, l-ispezzjonijiet u s-sejbiet ta’ konformità magħmula mill-awtorità ta’ ċertifikazzjoni.

5.   L-awtorità ta’ ċertifikazzjoni għandha, wara li teżamina d-data u l-informazzjoni rilevanti pprovduta mill-awtorità ta’ ċertifikazzjoni toħroġ iċ-ċertifikat tad-disinn tagħha għall-prodott ajrunawtiku ċivili validat (minn hawn ’il quddiem imsejjaħ “ċertifikat ta’ disinn validat”) meta:

6.   Kull Parti għandha tiżgura li sabiex jikseb u jżomm ċertifikat tad-disinn validat, l-applikant ikollu u jżomm għad-dispożizzjoni tal-awtorità ta’ ċertifikazzjoni l-informazzjoni rilevanti kollha dwar id-disinn, it-tpinġijiet u r-rapporti tat-testijiet, inkluż ir-rekords ta’ spezzjoni għall-prodott ajrunawtiku ċivili ċċertifikat, sabiex jipprovdi l-informazzjoni meħtieġa biex jiġu żgurati l-ajrunavigabbiltà kontinwa u l-konformità mar-rekwiżiti ta’ protezzjoni ambjentali applikabbli tal-prodott ajrunawtiku ċivili.

1.   Iċ-ċertifikati tat-tip maħruġa mill-Unjoni Ewropea bħala l-awtorità ta’ ċertifikazzjoni għandhom jiġu vvalidati mill-Ġappun bħala l-awtorità ta’ validazzjoni. Ċertu data, kif iddettaljat fil-proċeduri ta’ implimentazzjoni teknika, għandha tiġi aċċettata awtomatikament. Din id-data tinkludi d-dokumenti li ġejjin, kif applikabbli:

2.   Iċ-ċertifikati tat-tip supplimentari sinifikanti u l-approvazzjonijiet għal bidliet maġġuri sinifikanti maħruġa mill-Unjoni Ewropea bħala l-awtorità ta’ ċertifikazzjoni għandhom jiġu vvalidati mill-Ġappun bħala l-awtorità ta’ validazzjoni. Bħala prinċipju għandu jintuża proċess ta’ validazzjoni simplifikat limitat għall-familjarizzazzjoni teknika mingħajr l-involviment tal-awtorità ta’ validazzjoni fl-attivitajiet ta’ dimostrazzjoni ta’ konformità mill-applikant sakemm ma jiġix deċiż mod ieħor mill-aġenti tekniċi fuq bażi ta’ każ b’każ.

3.   Iċ-ċertifikati tat-tip u l-approvazzjonijiet tat-tip għal magna ta’ inġenju tal-ajru u skrun ta’ inġenju tal-ajru maħruġa mill-Ġappun bħala l-awtorità ta’ ċertifikazzjoni għandhom jiġu vvalidati mill-Unjoni Ewropea bħala l-awtorità ta’ validazzjoni.

4.   L-approvazzjonijiet tat-tip għal prodott ajrunawtiku ċivili għajr magna ta’ inġenju tal-ajru jew skrun ta’ inġenju tal-ajru, iċ-ċertifikati tat-tip supplimentari, u l-approvazzjonijiet għal bidliet maġġuri, tiswijiet maġġuri u speċifikazzjonijiet maħruġa mill-Ġappun bħala l-awtorità ta’ ċertifikazzjoni għandhom jiġu vvalidati mill-Unjoni Ewropea bħala l-awtorità ta’ validazzjoni. Jistà jintuża proċess ta’ validazzjoni simplifikat limitat għall-familjarizzazzjoni teknika mingħajr l-involviment tal-awtorità ta’ validazzjoni fl-attivitajiet ta’ dimostrazzjoni ta’ konformità mill-applikant meta dan jiġi deċiż mill-aġenti tekniċi fuq bażi ta’ każ b’każ.

1.   Għall-fini tal-validazzjoni ta’ ċertifikat tad-disinn ta’ prodott ajrunawtiku ċivili, l-awtorità ta’ validazzjoni għandha tirreferi għar-rekwiżiti li ġejjin stabbiliti fil-liġijiet, ir-regolamenti u d-dispożizzjonijiet amministrattivi tal-Parti tagħha biex tiddetermina l-bażi taċ-ċertifikazzjoni:

2.   L-awtorità ta’ validazzjoni għandha tispeċifika, meta applikabbli, kwalunkwe:

3.   Minbarra r-rekwiżiti speċifikati fil-paragrafi 1 u 2 ta’ dan l-Artikolu, l-awtorità ta’ validazzjoni għandha tispeċifika kwalunkwe kundizzjoni speċjali li għandha tiġi applikata jekk il-kodiċijiet tal-ajrunavigabbiltà, il-liġijiet, ir-regolamenti u d-dispożizzjonijiet amministrattivi relatati ma jkunx fihom rekwiżiti ta’ sikurezza adegwati jew xierqa għall-prodott ajrunawtiku ċivili, minħabba li:

4.   Meta tispeċifika eżenzjonijiet, devjazzjonijiet, fatturi ta’ kumpens jew kundizzjonijiet speċjali, l-awtorità ta’ validazzjoni għandha tagħti l-konsiderazzjoni dovuta għal dawk applikati mill-awtorità ta’ ċertifikazzjoni u dawn m’għandhomx ikunu aktar eżiġenti biex il-prodotti ajrunawtiċi ċivili jiġu vvalidati milli kieku jkun għal prodotti simili tagħha stess. L-awtorità ta’ validazzjoni għandha tinnotifika lill-awtorità ta’ ċertifikazzjoni bi kwalunkwe eżenzjoni, devjazzjoni, fattur ta’ kumpens jew kundizzjoni speċjali bħal dawn.

1.   Il-livell ta’ involviment tal-awtorità ta’ validazzjoni ta’ Parti waqt il-proċess ta’ validazzjoni msemmi fl-Artikolu 9 ta’ dan l-Anness u kif iddettaljat fil-proċeduri ta’ implimentazzjoni teknika għandu jiġi ddeterminat prinċipalment minn:

2.   L-awtorità ta’ validazzjoni għandha teżerċita proċeduri u skrutinju speċjali, b’mod partikolari fir-rigward tal-proċessi u l-metodi tal-awtorità ta’ ċertifikazzjoni, waqt l-ewwel validazzjoni ta’ kategorija ta’ prodott partikolari, kif iddettaljat fil-proċeduri ta’ implimentazzjoni teknika.

3.   L-implimentazzjoni effettiva tal-prinċipji speċifikati fil-paragrafi 1 u 2 ta’ dan l-Artikolu għandha titkejjel, tiġi sorveljata u rieżaminata regolarment mill-Bord ta’ Superviżjoni taċ-Ċertifikazzjoni, bl-użu ta’ metriċi kif iddettaljat fil-proċeduri ta’ implimentazzjoni teknika.

1.   Għal ċertifikat tad-disinn soġġett għall-aċċettazzjoni awtomatika, l-awtorità ta’ validazzjoni għandha taċċetta ċ-ċertifikat tad-disinn maħruġ mill-awtorità ta’ ċertifikazzjoni mingħajr ebda attività ta’ validazzjoni. F’dan il-każ, iċ-ċertifikat tad-disinn għandu jiġi rikonoxxut mill-awtorità ta’ validazzjoni bħala ekwivalenti għal ċertifikat maħruġ skont il-liġijiet, ir-regolamenti u d-dispożizzjonijiet amministrattivi tal-Parti tagħha u l-awtorità ta’ validazzjoni m’għandhiex toħroġ iċ-ċertifikat korrispondenti tagħha.

2.   Ċertifikati tat-tip supplimentari mhux sinifikanti, bidliet maġġuri mhux sinifikanti jew tiswijiet maġġuri mhux sinifikanti u approvazzjonijiet tal-ordni ta’ standard tekniku maħruġa mill-aġent tekniku tal-Unjoni Ewropea bħala l-awtorità ta’ ċertifikazzjoni għandhom jiġu aċċettati awtomatikament mill-aġent tekniku tal-Ġappun bħala l-awtorità ta’ validazzjoni.

3.   Bidliet minuri u tiswijiet minuri approvati mill-aġent tekniku tal-Unjoni Ewropea bħala l-awtorità ta’ ċertifikazzjoni jew minn organizzazzjoni approvata skont il-liġi tal-Unjoni Ewropea għandhom jiġu aċċettati awtomatikament mill-aġent tekniku tal-Ġappun bħala l-awtorità ta’ validazzjoni.

4.   Bidliet minuri u tiswijiet minuri approvati mill-aġent tekniku tal-Ġappun bħala l-awtorità ta’ ċertifikazzjoni jew minn organizzazzjoni approvata skont il-liġijiet u r-regolamenti tal-Ġappun għandhom jiġu aċċettati awtomatikament mill-aġent tekniku tal-Unjoni Ewropea bħala l-awtorità ta’ validazzjoni.

1.   Il-klassifikazzjonijiet ta’ bidla minuri jew ta’ bidla maġġuri għandhom isiru mill-awtorità ta’ ċertifikazzjoni skont id-definizzjonijiet stabbiliti f’dan l-Anness u interpretati skont ir-regoli u l-proċeduri applikabbli tal-awtorità ta’ ċertifikazzjoni.

2.   Sabiex tikklassifika ċertifikat tat-tip supplimentari jew bidla maġġuri bħala sinifikanti jew mhux sinifikanti, l-awtorità ta' ċertifikazzjoni għandha tikkunsidra l-bidla fil-kuntest tal-bidliet kollha tad-disinn rilevanti preċedenti u r-reviżjonijiet relatati kollha mal-ispeċifikazzjonijiet taċ-ċertifikazzjoni applikabbli inkorporati fiċ-ċertifikat tat-tip għall-prodott ajrunawtiku ċivili. Il-bidliet li jissodisfaw kwalunkwe wieħed minn dawn il-kriterji li ġejjin huma kkunsidrati awtomatikament bħala sinifikanti:

1.   L-aġenti tekniċi għandhom jiżguraw li, fejn meħtieġ, id-data u l-informazzjoni relatati mar-rekwiżiti operazzjonali relatati mad-disinn jiġu skambjati waqt il-proċess ta’ validazzjoni.

2.   Soġġett għal deċiżjoni bejn l-aġenti tekniċi għal xi rekwiżiti operazzjonali relatati mad-disinn, l-awtorità ta’ validazzjoni tista’ taċċetta d-dikjarazzjoni ta’ konformità tal-awtorità ta' -ċertifikazzjoni permezz tal-proċess ta’ validazzjoni.

1.   Xi settijiet speċifiċi tat-tip ta’ dokumenti operazzjonali u data, inkluż data dwar l-idoneità operazzjonali fis-sistema tal-Unjoni Ewropea u data ekwivalenti fis-sistema Ġappuniża, ipprovduti mid-detentur taċ-ċertifikat tat-tip, għandhom jiġu approvati jew aċċettati mill-awtorità ta’ ċertifikazzjoni u, jekk meħtieġ, jiġu skambjati waqt il-proċess ta’ validazzjoni.

2.   Id-dokumenti u operazzjonali u d-data msemmija fil-paragrafu 1 ta’ dan l-Artikolu jistgħu jkunu jew awtomatikament aċċettati jew ivvalidati mill-awtorità ta’ validazzjoni kif iddettaljat fil-proċeduri ta’ implimentazzjoni teknika.

1.   L-aġenti tekniċi għandhom jieħdu azzjoni biex jindirizzaw kundizzjonijiet mhux sikuri fi prodotti ajrunawtiċi ċivili li għalihom huma jkunu l-awtorità ta’ ċertifikazzjoni.

2.   Fuq talba, awtorità kompetenti ta’ Parti għandha, fir-rigward ta’ prodotti ajrunawtiċi ċivili ddisinjati jew immanifatturati taħt is-sistema regolatorja tagħha, tassisti lill-awtorità kompetenti tal-Parti l-oħra biex tiddetermina kwalunkwe azzjoni meqjusa meħtieġa għall-ajrunavigabbiltà kontinwa tal-prodotti ajrunawtiċi ċivili.

3.   Meta diffikultajiet waqt is-servizz jew kwistjonijiet ta’ sikurezza potenzjali oħra li jaffettwaw prodott ajrunawtiku ċivili fil-kamp ta’ applikazzjoni ta’ dan l-Anness iwasslu għal investigazzjoni mwettqa mill-aġent tekniku ta’ Parti li tkun l-awtorità ta’ ċertifikazzjoni għall-prodott ajrunawtiku ċivili, l-aġent tekniku tal-Parti l-oħra għandu, fuq talba, jappoġġa dik l-investigazzjoni, inkluż billi jipprovdi l-informazzjoni rilevanti rrapportata mill-entitajiet rilevanti dwar fallimenti, malfunzjonijiet, difetti jew okkorrenzi oħra li jaffettwaw dak il-prodott ajrunawtiku ċivili.

4.   L-obbligi ta’ rappurtar tad-detenturi taċ-ċertifikat tad-disinn lill-awtorità ta’ ċertifikazzjoni u l-mekkaniżmu ta’ skambju ta’ informazzjoni stabbilit b’dan l-Anness għandhom jitqiesu li jissodisfaw l-obbligu ta’ kull detentur ta’ ċertifikat tad-disinn li jirrapporta fallimenti, malfunzjonijiet, difetti jew okkorrenzi oħra li jaffettwaw dak il-prodott ajrunawtiku ċivili lill-awtorità ta’ validazzjoni.

5.   L-azzjonijiet biex jiġu indirizzati kundizzjonijiet mhux sikuri u l-iskambju ta’ informazzjoni dwar is-sikurezza msemmija fil-paragrafi 1 sa 4 ta’ dan l-Artikolu għandhom jiġu ddettaljati fil-proċeduri ta’ implimentazzjoni teknika.

6.   L-aġent tekniku ta’ Parti għandu jżomm lill-aġent tekniku tal-Parti l-oħra infurmat bl-informazzjoni obbligatorja dwar l-ajrunavigabbiltà kontinwa fir-rigward ta’ prodotti ajrunawtiċi ċivili ddisinjati jew immanifatturati taħt is-sistema ta’ sorveljanza tal-Parti tiegħu, u li huma fil-kamp ta’ applikazzjoni ta’ dan l-Anness.

7.   Kwalunkwe bidla fl-istatus ta’ ajrunavigabbiltà ta’ ċertifikat maħruġ minn aġent tekniku ta’ Parti għandha tiġi kkomunikata f'waqtha lill-aġent tekniku tal-Parti l-oħra.

1.   Il-Parti li timporta għandha tirrikonoxxi ċ-ċertifikazzjoni tal-produzzjoni u s-sistema ta’ sorveljanza tal-produzzjoni tal-Parti li tesporta, peress li s-sistema hija meqjusa bħala ekwivalenti biżżejjed għas-sistema tal-Parti li timporta fil-kamp ta’ applikazzjoni ta’ dan l-Anness, soġġett għad-dispożizzjonijiet tal-paragrafu 2 tal-Artikolu 26 ta’ dan l-Anness .

2.   Id-dispożizzjonijiet tal-paragrafu 1 ta’ dan l-Artikolu għandhom japplikaw ukoll:

1.   Approvazzjoni tal-produzzjoni maħruġa mill-awtorità kompetenti tal-Parti li tesporta lil manifattur li jkun jinsab primarjament fit-territorju tal-Parti li tesporta u rikonoxxuta skont id-dispożizzjonijiet tal-paragrafu 1 tal-Artikolu 20 ta’ dan l-Anness tista’ tiġi estiża biex tinkludi siti u faċilitajiet ta' manifattura tal-manifattur li jkun jinsab fit-territorju tal-Parti li timporta jew fit-territorju ta’ pajjiż terz, irrispettivament mill-istatus legali ta’ dawn is-siti u l-faċilitajiet ta’ manifattura, u irrispettivament mit-tip ta’ prodott ajrunawtiku ċivili manifatturat f’dawn is-siti u l-faċilitajiet. F’dan il-każ, l-awtorità kompetenti tal-Parti li tesporta għandha tibqa’ responsabbli għas-sorveljanza ta’ dawn is-siti u l-faċilitajiet ta’ manifattura u l-awtorità kompetenti tal-Parti li timporta m’għandhiex toħroġ l-approvazzjoni tal-produzzjoni tagħha stess għal dawk is-siti u l-faċilitajiet ta' manifattura għall-istess prodott ajrunawtiku ċivili.

2.   L-approvazzjonijiet tal-produzzjoni indipendenti maħruġa mill-awtorità kompetenti ta’ Parti lil manifattur li jkun jinsab f’territorju ta’ Parti oħra, li jkunu għadhom fis-seħħ fiż-żmien tal-iffirmar ta’ dan il-Ftehim, għandhom jiġu eżaminati mill-ġdid fuq bażi ta’ każ b’każ mill-aġenti tekniċi. B’konsultazzjoni mad-detenturi tal-approvazzjonijiet tal-produzzjoni indipendenti, xi ftit minn dawn l-approvazzjonijiet tal-produzzjoni indipendenti jistgħu jintemmu f’perijodu ta’ żmien raġonevoli.

1.   F’każijiet fejn id-detentur ta’ approvazzjoni tal-produzzjoni għal prodott ajrunawtiku ċivili jkun regolat mill-awtorità kompetenti ta’ Parti, u d-detentur ta’ ċertifikat tad-disinn għall-istess prodott ajrunawtiku ċivili jkun regolat mill-awtorità kompetenti tal-Parti l-oħra, l-awtoritajiet kompetenti tal-Partijiet għandhom jistabbilixxu proċeduri biex jiddefinixxu r-responsabbiltajiet ta’ kull Parti biex tikkontrolla l-interfaċċa bejn id-detentur ta’ approvazzjoni tal-produzzjoni u d-detentur ta’ ċertifikat tad-disinn.

2.   Għall-iskop ta’ esportazzjoni ta’ prodotti ajrunawtiċi ċivili fil-qafas ta’ dan l-Anness, meta d-detentur ta’ ċertifikat tad-disinn u d-detentur ta’ approvazzjoni tal-produzzjoni ma jkunux l-istess entità, l-awtoritajiet kompetenti tal-Partijiet għandhom jiżguraw li d-detentur ta’ ċertifikat tad-disinn jistabbilixxi arranġamenti xierqa mad-detentur ta’ approvazzjoni tal-produzzjoni biex jiġu żgurat li jkun hemm koordinazzjoni sodisfaċenti bejn id-disinn u l-produzzjoni u l-appoġġ xieraq tal-ajrunavigabbiltà kontinwa tal-prodott ajrunawtiku ċivili.

1.   Meta toħroġ ċertifikat tal-ajrunavigabbiltà għall-esportazzjoni għal inġenju tal-ajru ġdid jew ċertifikat tar-rilaxx awtorizzat għal prodott ajrunawtiku ċivili ġdid li mhux inġenju tal-ajru, l-awtorità kompetenti tal-Parti li tesporta għandha tiżgura li tali prodott ajrunawtiku ċivili:

2.   Meta toħroġ ċertifikat tal-ajrunavigabbiltà għall-esportazzjoni għal inġenju tal-ajru użat u rreġistrat fil-Parti li tesporta, minbarra r-rekwiżiti msemmija fis-subparagrafi (a) sa (d) fil-paragrafu 1 ta’ dan l-Artikolu, l-awtorità kompetenti tal-Parti li tesporta għandha tiżgura li tali inġenju tal-ajru tkun saritlu manutenzjoni kif suppost bl-użu tal-proċeduri u l-metodi approvati tal-Parti li tesporta matul il-ħajja tas-servizz tiegħu, kif muri mill-ġurnali ta’ abbord u r-rekords tal-manutenzjoni.

1.   Soġġett għad-dispożizzjonijiet tat-Taqsima E ta’ dan l-Anness u tal-paragrafu 2 ta’ dan l-Artikolu, l-awtorità kompetenti tal-Parti li timporta għandha taċċetta ċertifikat tal-esportazzjoni maħruġ mill-awtorità kompetenti jew minn detentur ta’ approvazzjoni tal-produzzjoni bħala organizzazzjoni approvata tal-Parti li tesporta għal prodott ajrunawtiku ċivili ġdid, skont it-termini u l-kundizzjonijiet stabbiliti f’dan l-Anness u kif iddettaljat fil-proċeduri ta’ implimentazzjoni teknika.

2.   Fil-każ ta’ kategoriji ta’ prodotti ajrunawtiċi ċivili li ma ġewx aċċettati preċedentement skont is-sistema regolatorja għas-sikurezza fl-avjazzjoni ċivili tal-Parti li timporta, l-awtorità kompetenti tal-Parti li timporta tista’ tiddeċiedi, qabel ma taċċetta ċ-ċertifikati tal-esportazzjoni għal dawk il-prodotti ajrunawtiċi ċivili skont dan l-Artikolu, li twettaq valutazzjoni tad-detentur ta’ approvazzjoni tal-produzzjoni kif iddettaljat fil-proċeduri ta’ implimentazzjoni teknika sabiex tikkonferma li d-dispożizzjonijiet previsti fil-paragrafu 1 tal-Artikolu 25 ta’ dan l-Anness huma ssodisfati b'mod effettiv. Meta l-Parti li timporta jkollha l-intenzjoni li twettaq tali valutazzjoni, din il-Parti għandha tinforma lill-Parti li tesporta. Il-lista ta’ detenturi ta’ approvazzjoni tal-produzzjoni li jkunu temmew b’suċċess tali valutazzjoni għandha tiġi ppubblikata fil-pubblikazzjoni uffiċjali tal-aġent tekniku tal-Parti li timporta.

1.   L-awtorità kompetenti tal-Parti li timporta għandha taċċetta ċertifikat tal-ajrunavigabbiltà għall-esportazzjoni maħruġ mill-awtorità kompetenti tal-Parti li tesporta għal inġenju tal-ajru użat skont it-termini u l-kundizzjonijiet stabbiliti f’dan l-Anness u l-proċeduri ta’ implimentazzjoni teknika biss jekk id-detentur taċ-ċertifikat tat-tip jew taċ-ċertifikat tat-tip ristrett ikun jeżisti għall-inġenju tal-ajru użat biex isostni l-ajrunavigabbiltà kontinwa ta’ dak it-tip ta’ inġenju tal-ajru.

2.   Sabiex ċertifikat tal-ajrunavigabbiltà għall-esportazzjoni għal inġenju tal-ajru użat manifatturat taħt is-sorveljanza tal-produzzjoni tal-Parti li tesporta jiġi aċċettat skont il-paragrafu 1 ta’ dan l-Artikolu, l-awtorità kompetenti tal-Parti li tesporta għandha tassisti, fuq talba, lill-awtorità kompetenti tal-Parti li timporta biextinkiseb data u informazzjoni dwar:

3.   Il-Parti li timporta tista’ titlob rekords ta’ spezzjoni u manutenzjoni kif iddettaljat fil-proċeduri ta’ implimentazzjoni teknika.

4.   Jekk, fil-proċess tal-valutazzjoni tal-istatus tal-ajrunavigabbiltà ta’ inġenju tal-ajru użat li jkun qed jitqies għall-esportazzjoni, l-awtorità kompetenti tal-Parti li tesporta ma tkunx tista’ tissodisfa r-rekwiżiti kollha speċifikati fil-paragrafu 2 tal-Artikolu 25 ta’ dan l-Anness u l-paragrafi 1 u 2 ta’ dan l-Artikolu, hija għandha:

1.   Sabiex tinżamm fiduċja reċiproka fis-sistemi regolatorji ta’ xulxin fir-rigward tal-implimentazzjoni ta’ dan l-Anness biex dawn jiżguraw livell ta’ sikurezza li jkun ekwivalenti biżżejjed, l-aġent tekniku ta’ kull Parti għandu jivvaluta regolarment il-konformità tal-awtoritajiet kompetenti tal-Parti l-oħra mar-rekwiżiti tal-kwalifiki msemmija fl-Artikolu 28 ta’ dan l-Anness. Il-modalitajiet ta’ dawn il-valutazzjonijiet reċiproċi kontinwi għandhom jiġu ddettaljati fil-proċeduri ta’ implimentazzjoni teknika.

2.   L-awtorità kompetenti ta’ Parti għandha tikkoopera mal-awtorità kompetenti tal-Parti l-oħra kull meta dawn il-valutazzjonijiet ikunu meħtieġa u għandha tiżgura li l-entitajiet regolati soġġetti għas-sorveljanza tagħha jipprovdu aċċess għall-aġenti tekniċi.

3.   Jekk l-aġent tekniku ta’ kwalunkwe Parti jemmen li l-kompetenza teknika ta’ awtorità kompetenti tal-Parti l-oħra ma għadhiex aktar adegwata, jew li l-aċċettazzjoni ta’ sejbiet ta’ konformità magħmula jew iċ-ċertifikati maħruġa minn dik l-awtorità kompetenti għandhom jiġu sospiżi minħabba li s-sistema tal-Parti l-oħra fir-rigward tal-implimentazzjoni ta’ dan l-Anness ma għadhiex tiżgura livell ta’ sikurezza li huwa ekwivalenti biżżejjed sabiex jippermetti tali aċċettazzjoni, l-aġenti tekniċi għandhom jikkonsultaw sabiex jidentifikaw azzjonijiet ta’ rimedju.

4.   Jekk il-fiduċja reċiproka ma tiġix restawrata b’mezzi aċċettabbli reċiprokament, l-aġent tekniku ta’ kull Parti jista’ jirreferi l-kwistjoni msemmija fil-paragrafu 3 ta’ dan l-Artikolu lill-Bord ta’ Superviżjoni taċ-Ċertifikazzjoni.

5.   Jekk il-kwistjoni ma tiġix solvuta mill-Bord ta’ Superviżjoni taċ-Ċertifikazzjoni, kull Parti tista’ tirreferi l-kwistjoni msemmija fil-paragrafu 3 ta’ dan l-Artikolu lill-Kumitat Konġunt stabbilit permezz tal-Artikolu 11 ta’ dan il-Ftehim.

1.   L-aġenti tekniċi għandhom jindirizzaw il-kwistjonijiet li jikkonċernaw l-implimentazzjoni ta’ dan l-Anness permezz ta’ konsultazzjonijiet.

2.   Jekk, permezz tal-konsultazzjonijiet li jsiru skont il-paragrafu 1 ta’ dan l-Artikolu, ma tinsabx soluzzjoni aċċettabbli reċiprokament, l-aġent tekniku ta’ kull Parti jista’ jirreferi l-kwistjoni msemmija fil-paragrafu 1 ta’ dan l-Artikolu lill-Bord ta’ Superviżjoni taċ-Ċertifikazzjoni.

3.   Jekk il-kwistjoni ma tiġix solvuta mill-Bord ta’ Superviżjoni taċ-Ċertifikazzjoni, kull Parti tista’ tirreferi l-kwistjoni msemmija fil-paragrafu 1 ta’ dan l-Artikolu lill-Kumitat Konġunt stabbilit permezz tal-Artikolu 11 ta’ dan il-Ftehim.