EUR-Lex Access to European Union law
This document is an excerpt from the EUR-Lex website
Document 22012D0221
2012/221/EU: Decision No 1/2012 of the EU-EFTA Joint Committee on the simplification of formalities in trade in goods of 19 January 2012 concerning an invitation to Croatia to accede to the Convention of 20 May 1987 on the simplification of formalities in trade in goods
2012/221/UE: Deċiżjoni Nru 1/2012 tal-Kumitat Konġunt UE-EFTA dwar is-simplifikazzjoni tal-formalitajiet fil-kummerċ tal-merkanzija tad- 19 ta’ Jannar 2012 dwar stedina lill-Kroazja biex taderixxi mal-Konvenzjoni tal- 20 ta’ Mejju 1987 dwar is-simpilfikazzjoni tal-formalitajiet fil-kummerċ tal-merkanzija
2012/221/UE: Deċiżjoni Nru 1/2012 tal-Kumitat Konġunt UE-EFTA dwar is-simplifikazzjoni tal-formalitajiet fil-kummerċ tal-merkanzija tad- 19 ta’ Jannar 2012 dwar stedina lill-Kroazja biex taderixxi mal-Konvenzjoni tal- 20 ta’ Mejju 1987 dwar is-simpilfikazzjoni tal-formalitajiet fil-kummerċ tal-merkanzija
ĠU L 114, 26.4.2012, p. 31–32
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
26.4.2012 |
MT |
Il-Ġurnal Uffiċjali tal-Unjoni Ewropea |
L 114/31 |
DEĊIŻJONI Nru 1/2012 TAL-KUMITAT KONĠUNT UE-EFTA DWAR IS-SIMPLIFIKAZZJONI TAL-FORMALITAJIET FIL-KUMMERĊ TAL-MERKANZIJA
tad-19 ta’ Jannar 2012
dwar stedina lill-Kroazja biex taderixxi mal-Konvenzjoni tal-20 ta’ Mejju 1987 dwar is-simpilfikazzjoni tal-formalitajiet fil-kummerċ tal-merkanzija
(2012/221/UE)
IL-KUMITAT KONĠUNT,
Wara li kkunsidra l-Konvenzjoni tal-20 ta’ Mejju 1987 dwar is-simplifikazzjoni tal-formalitajiet fuq il-kummerċ f’merkanzija (1) (il-“Konvenzjoni”), u b’mod partikolari l-Artikolu 11(3) tagħha,
Billi:
(1) |
L-iskambju ta’ merkanzija mal-Kroazja ikun iffaċilitat b’ simplifikazzjoni tal-formalitajiet li jolqtu l-kummerċ tal-merkanzija bejn il-Kroazja u l-Unjoni Ewropea, ir-Repubblika tal-Islanda, ir-Renju tan-Norveġja u l-Konfederazzjoni Svizzera. |
(2) |
Bil-ħsieb li jinkiseb tali faċilitazzjoni, huwa xieraq li l-Kroazja tiġi mistiedna biex taderixxi mal-Konvenzjoni, |
ADOTTA DIN ID-DEĊIŻJONI:
Artikolu 1
F’konformità mal-Artikolu 11a tal-Konvenzjoni, il-Kroazja hija mistiedna, fil-forma ta’ skambju ta’ ittri bejn il-Kunsill tal-Unjoni Ewropea u l-Kroazja mehmuż ma’ din id-Deċiżjoni, biex taderixxi mal-Konvenzjoni mill-1 ta’ Lulju 2012.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-19 ta’ Jannar 2012.
Għall-Kumitat konġunt
Il-President
Mirosław ZIELIŃSKI
(1) ĠU L 134, 22.5.1987, p. 2.
ANNESS
Sinjur,
Għandi l-unur ninfurmak bid-Deċiżjoni tal-Kumitat Konġunt tal-UE-EFTA dwar is-simplifikazzjoni tal-formalitajiet fil-kummerċ tal-merkanzija tad-19 ta’ Jannar 2012 (Deċiżjoni Nru 1/2012) li tistieden lill-Kroazja biex issir Parti Kontraenti għall-Konvenzjoni tal-20 ta’ Mejju 1987 dwar is-simplifikazzjoni tal-formalitajiet fil-kummerċ tal-merkanzija.
L-adeżjoni tal-Kroazja għall-Konvenzjoni tista’ ssir billi jiġi ppreżentat l-Istrument tal-Adeżjoni tagħha mas-Segretarjat Ġenerali tal-Kunsill tal-Unjoni Ewropea flimkien ma’ traduzzjoni tal-Konvenzjoni fil-lingwa uffiċjali tal-Kroazja skont l-Artikolu 11a tal-Konvenzjoni.
Sinjur, jekk jogħġbok aċċetta l-assigurazzjoni tal-ogħla stima tiegħi.
Is-Segretarju Ġenerali
Is-Segretarjat Ġenerali tal-Kunsill tal-Unjoni Ewropea
Il-Kroazja,
B’kont meħud tad-Deċiżjoni tal-Kumitat Konġunt tal-UE-EFTA dwar is-simplifikazzjoni tal-formalitajiet fil-kummerċ tal-merkanzija tad-19 ta’ Jannar 2012 (id-Deċiżjoni Nru 1/2012) li tistieden lill-Kroazja biex taderixxi mal-Konvenzjoni tal-20 ta’ Mejju 1987 dwar is-simplifikazzjoni tal-formalitajiet fil-kummerċ tal-merkanzija (il-“Konvenzjoni”).
Waqt li tixtieq issir Parti Kontraenti għall-Konvenzjoni,
B’DAN
Taderixxi mal-Konvenzjoni;
Tehmeż ma’ dan l-Istrument traduzzjoni tal-Konvenzjoni fil-lingwa uffiċjali tal-Kroazja;
Tiddikjara li taċċetta r-Rakkomandazzjonijiet u d-Deċiżjonijiet kollha tal-Kumitat Konġunt tal-UE-EFTA dwar is-simplifikazzjoni tal-formalitajiet fil-kummerċ tal-merkanzija adottati bejn id-19 ta’ Jannar 2012 u d-data li l-Adeżjoni tal-Kroazja ssir effettiva skont l-Artikolu 11a tal-Konvenzjoni.
Magħmula fi …