“—

32009 L 0029: Id-Direttiva 2009/29/KE tal-Parlament Ewropew u tal-Kunsill tat-23 ta’ April 2009 (ĠU L 140, 5.6.2009, p. 63).”.

(a)

Bla ħsara għall-iżviluppi futuri mill-Kumitat Konġunt taż-ŻEE, għandu jiġi nnutat li l-atti li ġejjin tal-Komunità mhumiex inkorporati f’dan il-Ftehim:

(b)

Fiż-żmien tal-inkorporazzjoni tad-Direttiva, il-Liechtenstein m’għandu ebda attivitajiet ta’ avjazzjoni kif definiti fid-Direttiva operati fit-territorju tiegħu. Il-Liechtenstein ser jikkonforma mad-Direttiva meta attivitajiet tal-avjazzjoni rilevanti jseħħu fit-territorju tiegħu.

(c)

Is-subparagrafu li ġej jiżdied fl-Artikolu 3c(4):

“Il-Kumitat Konġunt taż-ŻEE għandu, f’konformità mal-proċeduri stabbiliti fil-Ftehim u fuq il-bażi taċ-ċifri provduti mill-Awtorità ta’ Sorveljanza tal-EFTA f’kooperazzjoni mal-Eurocontrol, jiddeċiedi dwar emissjonijiet storiċi tal-avjazzjoni fiż-ŻEE kollha billi jżid in-numri rilevanti rigward titjiriet fi ħdan u bejn it-territorji tal-Istati tal-EFTA u titjiriet bejn l-Istati tal-EFTA u pajjiżi terzi mad-deċiżjoni tal-Kummissjoni meta jinkorpora din tal-aħħar fil-Ftehim taż-ŻEE.”.

(d)

Fl-Artikolu 3d(4), it-tieni subparagrafu jitħassar.

(e)

Is-subparagrafu li ġej jiżdied fl-Artikolu 3e(2) u 3f(4):

“Sal-istess data, l-Istati tal-EFTA għandhom jippreżentaw l-applikazzjonijiet li jirċievu lill-Awtorità ta’ Sorveljanza tal-EFTA, li għandha tgħaddihom mill-ewwel lill-Kummissjoni.”.

(f)

Is-subparagrafi segwenti jiżdiedu fl-Artikolu 3e(3):

“Il-Kumitat Konġunt taż-ŻEE għandu, f’konformità mal-proċeduri stabbiliti fil-Ftehim u fuq il-bażi taċ-ċifri provduti mill-Awtorità ta’ Sorveljanza tal-EFTA f’kooperazzjoni mal-Eurocontrol, jiddeċiedi dwar in-numru għaż-ŻEE kollha għat-total tan-numru ta’ kwoti, in-numru ta’ kwoti li jridu jiġu irkantati, in-numru ta’ kwoti fir-riżerva speċjali u n-numru ta’ kwoti b’xejn, billi jżid in-numri rilevanti rigward it-titjiriet fi ħdan u bejn it-territorji tal-Istati tal-EFTA u titjiriet bejn l-Istati tal-EFTA u pajjiżi terzi mad-deċiżjoni tal-Kummissjoni meta jinkorpora din tal-aħħar fil-Ftehim taż-ŻEE.

Il-Kummissjoni għandha tiddeċiedi dwar il-valur referenzjarju għaż-ŻEE kollha. Matul il-proċess ta’ teħid tad-deċiżjonijiet il-Kummissjoni għandha tikkoopera mill-qrib mal-Awtorità ta’ Sorveljanza tal-EFTA. Il-kalkolazzjoni u l-pubblikazzjoni mill-Istati tal-EFTA skont l-Artikolu 3e(4) għandhom iseħħu sussegwentement għad-deċiżjoni tal-Kumitat Konġunt taż-ŻEE li tinkorpora d-deċiżjoni adottata mill-Kummissjoni fil-Ftehim taż-ŻEE.”.

(g)

Is-subparagrafu li ġej jiżdied fl-Artikolu 3f(5):

“Il-Kummissjoni għandha tiddeċiedi dwar il-valur referenzjarju għaż-ŻEE kollha. Matul il-proċess ta’ teħid tad-deċiżjonijiet il-Kummissjoni għandha tikkoopera mill-qrib mal-Awtorità ta’ Sorveljanza tal-EFTA. Il-kalkolu u l-pubblikazzjoni mill-Istati tal-EFTA taħt l-Artikolu 3f(7) għandhom isiru sussegwentement għad-deċiżjoni tal-Kumitat Konġunt taż-ŻEE li tinkorpora d-deċiżjoni adottata mill-Kummissjoni fil-Ftehim taż-ŻEE.”.

(h)

Il-paragrafi li ġejjin jiddaħħlu fl-Artikolu 9:

“Iż-żieda fil-medja tal-kwantità globali annwali ta’ kwoti fl-EU ETS minħabba l-estensjoni tal-iskema biex tkopri l-Liechtenstein u n-Norveġja skont il-paragrafu 1 għandhom ikunu skont id-deċiżjonijiet tal-awtorità ta’ Sorveljanza tal-EFTA dwar il-pjanijiet nazzjonali ta’ allokazzjoni tagħhom għall-perjodu mill-2008 sal-2012.

Iż-żieda fil-medja tal-kwantità globali annwali ta’ kwoti fl-EU ETS minħabba l-estensjoni tal-iskema biex tkopri l-Islanda skont il-paragrafu 1 għandha tikkorrispondi għal 23 934 tunnellata ta’ ekwivalenti ta’ CO2.

Fir-rigward tal-Istati tal-EFTA, il-figuri li għandhom jitqiesu għall-kalkolu tal-kwantità tal-kwoti fiż-ŻEE li għandhom jinħarġu mill-2013 ‘il quddiem skont dan l-Artikolu huma stabbiliti fil-Parti A tal-Appendiċi.”.

(i)

Is-sentenza li ġejja tiżdied fl-Artikolu 9a(1):

“Għan-Norveġja, il-medja tal-kwantità annwali ta’ kwoti maħruġa fir-rigward tal-installazzjonijiet imsemmija f’ dan il-paragrafu hija 878 850.”.

(j)

Is-subparagrafu li ġej jiżdied fl-Artikolu 9a(2):

“Fir-rigward tal-installazzjonijiet fl-Istati tal-EFTA li jwettqu l-attivitajiet elenkati fl-Anness I li huma inklużi biss fl-iskema Komunitarja mill-2013 ‘il quddiem, il-medja tal-emissjonijiet annwali tal-perjodu rapportat għall-aġġustament għandha tkun:

(k)

Il-paragrafi li ġejjin jiżdiedu wara l-Artikolu 9a(4):

“5.   Fir-rigward tal-Istati tal-EFTA, il-figuri li għandhom jitqiesu għall-aġġustament tal-kwantità tal-kwoti fiż-ŻEE li għandhom jinħarġu mill-2013 ‘il quddiem skont dan l-Artikolu huma stabbiliti fil-Parti A tal-Appendiċi.

6.   Il-Kummissjoni għandha tikkalkula u taġġusta l-kwantità ta’ kwoti annwali fiż-ŻEE li jinħarġu mill-2013 ‘il quddiem skont l-Artikolu 9 u dan l-Artikolu sabiex jiġu inklużi ċ-ċifri tal-Istati tal-EFTA kif stabbilit fil-Parti A tal-Appendiċi. Il-Kummissjoni għandha tippubblika l-kwantitajiet tal-kwoti aġġustati fiż-ŻEE għall-2013 u ‘l quddiem.”.

(l)

Il-paragrafu li ġej jiżdied fl-Artikolu 10(2):

“Għall-finijiet tal-punt (a), fir-rigward tal-Liechtenstein u n-Norveġja, l-ishma tagħhom għandhom jiġu kkalkulati fuq il-bażi ta’ dawn l-emissjonijiet:

Fir-rigward tal-Islanda, is-sehem imsemmi fil-punt (a) għandu jiġi kkalkulat fuq il-bażi ta’ 36 196 tunnellata ta’ ekwivalenti ta’ CO2 aġġustati bi 899 645 tunnellata ta’ ekwivalenti ta’ CO2, li jirrappreżentaw is-sehem tal-emissjonijiet verifikati għall-2005 minn installazzjonijiet li jwettqu l-attivitajiet elenkati fl-Anness I, li huma inklużi biss fl-iskema Komunitarja mill-2013 ‘il quddiem. Għalhekk is-sehem tal-Islanda għandu jiġi kklakulat fuq il-bażi ta’ 935 841 tunnellata ta’ ekwivalenti ta’ CO2.”.

(m)

L-Artikolu 10(3) m’għandux japplika għall-Istati tal-EFTA.

(n)

Is-subparagrafu li ġej jiżdied wara l-ħames subparagrafu tal-Artikolu 11a(8):

“Fir-rigward tal-Istati tal-EFTA, iċ-ċifri li għandhom jitqiesu għall-kalkolu tat-tnaqqis fiż-ŻEE skont il-ħames subparagrafu qed jiġu stabbiliti fil-Parti B tal-Appendiċi.”.

(o)

It-tieni sentenza tal-Artikolu 16(3) hija sostitwita minn dan li ġej:

“L-Istati tal-EFTA għandhom jipprovdu għal multi għal emissjonijiet eċċessivi li huma ekwivalenti għal dawk tal-Istati Membri tal-UE.”.

(p)

Il-paragrafu li ġej jiddaħħal wara l-Artikolu 16(12):

“13.   L-Istati tal-EFTA għandhom jippreżentaw kwalunkwe talba skont l-Artikolu 16(5) u (10) lill-Awtorità ta’ Sorveljanza tal-EFTA, li għandha tgħaddihom mill-ewwel lill-Kummissjoni.”

(q)

Is-subparagrafu li ġej jiżdied fl-Artikolu 18a(1):

“Ir-riallokazzjoni tal-operaturi tal-inġenji tal-ajru lejn l-Istati tal-EFTA, għandha sseħħ matul is-sena 2011, wara li l-operatur jissodisfa l-obbligi tiegħu għall-2010. Skeda differenti għar-riallokazzjoni tal-operaturi tal-inġenji tal-ajru inizjalment assenjati lil Stat Membru fuq il-bażi tal-kriterji msemmija fil-punt (b) ta’ dan il-paragrafu, jistgħu jiġu maqbula mill-Istat Membru amministratur inizjali, wara talba espliċita introdotta mill-operatur fi żmien 6 xhur mill-adozzjoni mill-Kummissjoni ta’ lista ta’ operaturi fiż-ŻEE kollha li hemm provvediment għaliha fil-punt (b) tal-Artikolu 18a(3). F’dan il-każ, ir-riallokazzjoni għandha sseħħ mhux aktar tard mill-2020 fir-rigward tal-perjodu ta’ skambju li jibda fl-2021.”.

(r)

Fil-punt (b) tal-Artikolu 18a(3), il-kliem “għaż-ŻEE kollha” jiddaħħlu wara “operaturi tal-inġenji tal-ajru”.

(s)

Is-subparagrafu li ġej jiżdied fl-Artikolu 18b:

“Għall-finijiet tat-twettiq tal-obbligi tagħhom skont id-Direttiva, l-Istati tal-EFTA u l-Awtorità ta’ Sorveljanza tal-EFTA jistgħu jitolbu l-assistenza tal-Eurocontrol jew ta’ organizzazzjoni rilevanti oħra u jistgħu jikkonkludu għal dak il-għan kwalunkwe ftehim xieraq ma’ dawk l-organizzazzjonijiet.”.

(t)

Fl-Artikolu 20 jiżdied il-paragrafu li ġej:

“4.   Il-kwistjoni, trasferiment u kanċellazzjoni ta’ kwoti li jikkonċernaw l-Istati tal-EFTA, l-operaturi tagħhom u l-operaturi tal-inġenji tal-ajru amministrati minnhom, tiġi rreġistrata fir-reġistru indipendenti.ta’ tranżazzjonijiet imsemmi fil-paragrafu 1.

L-Amministratur Ċentrali ser ikun kompetenti biex iwettaq il-kompiti msemmija fil-paragrafi 1 sa 3 fejn jidħlu l-Istati tal-EFTA, l-operaturi tagħhom jew l-operaturi tal-ajruplani li huma amministrati minnhom.”.

(u)

Fl-Artikolu 25 jiżdied il-paragrafu li ġej:

“3.   L-iskambji ta’ kwoti tas-sistema tal-Komunità tinkludi l-iskambji maħruġa mill-istati tal-EFTA jew mill-operaturi tagħhom taħt is-sistema Komunitarja. Malli jkun konkluż ftehim mill-Komunità msemmi f’dan l-Artikolu, ma għandha ssir l-ebda distinzjoni bejn dawn l-iskambji.

Il-Kummissjoni għandha żżomm lill-Istati tal-EFTA informati fi stadju bikri fir-rigward tan-negozjati u l-konklużjoni ta’ ftehimiet jew arranġamenti mhux vinkolanti skont dan l-Artikolu.”.

(v)

L-Istati tal-EFTA li jieħdu sehem fl-Iskema ta’ Skambji ta’ Emissjonijiet tal-UE ser jipprovdu l-informazzjoni skont il-ħtiġiet rilevanti fl-ewwel subparagrafu tal-Artikolu 30(3), filwaqt li ħtiġiet tar-rapportaġġ taħt it-tieni subparagrafu m’għandhomx japplikaw għalihom.

(w)

Dan li ġej jiżdied wara l-Anness V:

“21ala.

32010 R 1031: Ir-Regolament tal-Kummissjoni (UE) Nru 1031/2010 tat-12 ta’ Novembru 2010 dwar l-għażla taż-żmien, l-amministrazzjoni u aspetti oħra ta’ rkantar ta’ kwoti ta’ emissjonijiet ta’ gassijiet b’effett ta’ serra skont id-Direttiva 2003/87/KE tal-Parlament Ewropew u tal-Kunsill li tistabbilixxi skema għall-iskambju ta’ kwoti ta’ emissjonijiet ta’ gassijiet b’effett ta’ serra ġewwa l-Komunità (ĠU L 302, 18.11.2010, p. 1), kif emendata bi:

Id-dispożizzjonijiet tar-Regolament għandhom, għall-finijiet ta’ dan il-Ftehim, jinqraw bl-adattamenti li ġejjin:

21alb.

32010 D 0002: Id-Deċiżjoni tal-Kummissjoni 2010/2/UE tal-24 ta’ Diċembru 2009 li tiddetermina, skont id-Direttiva 2003/87/KE tal-Parlament Ewropew u tal-Kunsill, lista ta’ setturi u subsetturi meqjusa li huma esposti għal riskju sinifikanti ta’ rilaxx tal-karbonju (ĠU L 1, 5.1.2010, p. 10), kif emendata bi:

21alc.

32011 D 0278: Id-Deċiżjoni tal-Kummissjoni 2011/278/UE tas-27 ta’ April 2011 li tiddetermina regoli tranżizzjonali li japplikaw fl-UE kollha għal allokazzjoni b’xejn u armonizzata tal-kwoti tal-emissjonijiet skont l-Artikolu 10a tad-Direttiva 2003/87/KE tal-Parlament Ewropew u tal-Kunsill (ĠU L 130, 17.5.2011, p. 1), kif emendata bi:

21ald.

32010 D 0670: Id-Deċiżjoni tal-Kummissjoni 2010/670/UE tat-3 ta’ Novembru 2010 li tistabbilixxi l-kriterji u l-miżuri għall-finanzjament ta’ proġetti kummerċjali ta’ dimostrazzjoni li l-għan tagħhom huwa l-qbid u l-ħżin ġeoloġiku ta’ CO2, f’kundizzjonijiet ta’ sigurtà għall-ambjent, kif ukoll ta’ proġetti ta’ dimostrazzjoni ta’ teknoloġiji innovattivi ta’ enerġija rinnovabbli, fl-ambitu tal-iskema għall-iskambju ta’ kwoti ta’ emissjonijiet ta’ gassijiet serra ġewwa l-Komunità, stabbilita bid-Direttiva 2003/87/KE tal-Parlament Ewropew u tal-Kunsill (ĠU L 290, 6.11.2010. p. 39).

21ale.

32011 R 0550: Ir-Regolament tal-Kummissjoni (UE) Nru 550/2011 tas-7 ta’ Ġunju 2011 li jiddetermina, skont id-Direttiva 2003/87/KE tal-Parlament Ewropew u tal-Kunsill, ċertu restrizzjonijiet applikabbli għall-użu ta’ krediti internazzjonali minn proġetti li jinvolvu gassijiet industrijali (ĠU L 149, 8.6.2011, p. 1).”.

“—

32010 D 0345: Id-Deċiżjoni tal-Kummissjoni 2010/345/UE tat-8 ta’ Ġunju 2010 (ĠU L 155, 22.6.2010, p. 34).

—

32011 D 0540: Id-Deċiżjoni tal-Kummissjoni 2011/540/UE tat-18 ta’ Awwissu 2011 (ĠU L 244, 21.9.2011, p. 1).”.