This document is an excerpt from the EUR-Lex website
Document 22010D0054
Decision of the EEA Joint Committee No 54/2010 of 30 April 2010 amending Annex XVIII (Health and safety at work, labour law, and equal treatment for men and women) to the EEA Agreement
Deċiżjoni tal-Kumitat Konġunt taż-ŻEE Nru 54/2010 tat- 30 ta’ April 2010 li temenda l-Anness XVIII (Is-saħħa u s-sigurtà fuq il-post tax-xogħol, il-liġi tax-xogħol u t-trattament ugwali għall-irġiel u n-nisa) tal-Ftehim taż-ŻEE
Deċiżjoni tal-Kumitat Konġunt taż-ŻEE Nru 54/2010 tat- 30 ta’ April 2010 li temenda l-Anness XVIII (Is-saħħa u s-sigurtà fuq il-post tax-xogħol, il-liġi tax-xogħol u t-trattament ugwali għall-irġiel u n-nisa) tal-Ftehim taż-ŻEE
ĠU L 181, 15.7.2010, p. 22–22
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 21994A0103(68) | Żieda | punt 27 | 01/05/2010 | |
Modifies | 21994A0103(68) | Emenda | punt 27 | 01/05/2010 | |
Modifies | 21994A0103(68) | Tħassir | punt 27a | 06/06/2011 |
15.7.2010 |
MT |
Il-Ġurnal Uffiċjali tal-Unjoni Ewropea |
L 181/22 |
DEĊIŻJONI TAL-KUMITAT KONĠUNT TAŻ-ŻEE
Nru 54/2010
tat-30 ta’ April 2010
li temenda l-Anness XVIII (Is-saħħa u s-sigurtà fuq il-post tax-xogħol, il-liġi tax-xogħol u t-trattament ugwali għall-irġiel u n-nisa) tal-Ftehim taż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat permezz tal-Protokoll li jaġġusta l-Ftehim dwar iż-Żona Ekonomika Ewropea, minn issa ’l quddiem imsejjaħ ’il-Ftehim’, u b’mod partikolari l-Artikolu 98 tiegħu,
Billi:
(1) |
L-Anness XVIII tal-Ftehim kien emendat permezz tad-Deċiżjoni tal-Kumitat Konġunt taż-ŻEE Nru 147/2009 tal-4 ta’ Diċembru 2009 (1). |
(2) |
Id-Direttiva 2009/38/KE tal-Parlament Ewropew u tal-Kunsill tas-6 ta’ Mejju 2009 dwar l-istabbiliment ta’ Kunsill Ewropew tax-Xogħlijiet jew ta’ proċedura fl-impriżi fuq skala Komunitarja u fil-gruppi ta’ impriżi fuq skala Komunitarja għall-għanijiet ta’ tagħrif u ta’ konsultazzjoni għall-impjegati (Tfassil mill-ġdid) (2) għandha tiġi inkorporata fil-Ftehim. |
(3) |
Id-Direttiva 2009/38/KE tħassar, b’effett mis-6 ta’ Ġunju 2011, id-Direttiva tal-Kunsill 94/45/KE (3), li hija inkorporata fil-Ftehim u li għalhekk għandha tiġi mħassra skont l-istess Ftehim b’effett mis-6 ta’ Ġunju 2011, |
IDDEĊIEDA KIF ĠEJ:
Artikolu 1
L-Anness XVIII tal-Ftehim għandu jiġi emendat kif ġej:
(1) |
Il-punt attwali 27 (id-Direttiva tal-Kunsill 94/45/KE) għandu jiġi nnumerat mill-ġdid bħala l-punt 27a. |
(2) |
Il-punt li ġej għandu jiddaħħal wara l-punt 26 (id-Direttiva tal-Kunsill 92/56/KEE li ġiet imħassra):
|
(3) |
It-test tal-punt il-ġdid 27a (id-Direttiva tal-Kunsill 94/45/KE) għandu jitħassar b’effett mis-6 ta’ Ġunju 2011. |
Artikolu 2
It-testi tad-Direttiva 2009/38/KE li għandhom jiġu ppubblikati fl-ilsien Iżlandiż u dak Norveġiż, fis-Suppliment taż-ŻEE ta’ Il-Ġurnal Uffiċjali tal-Unjoni Ewropea għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-1 ta’ Mejju 2010, sakemm ikunu saru n-notifiki kollha skont l-Artikolu 103(1) tal-Ftehim lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppubblikata fis-Sezzjoni taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, it-30 ta’ April 2010.
Għall-Kumitat Konġunt taż-ŻEE
Il-President
Alan SEATTER
(1) ĠU L 62, 11.3.2010, p. 45.
(2) ĠU L 122, 16.5.2009, p. 28.
(3) ĠU L 254, 30.9.1994, p. 64.
(*) Ir-rekwiżiti kostituzzjonali huma indikati.