(a)

L-Istati ta' l-EFTA għandhom jipparteċipaw fix-xogħol ta' l-Aġenzija Ewropea għas-Sustanzi Kimiċi, minn hawn 'il quddiem imsejħa ‘l-Aġenzija’, kif stabbilita mill-Parlament Ewropew u mir-Regolament tal-Kunsill (KE) Nru 1907/2006.

(b)

Sakemm mhux stabbilit xort'oħra aktar 'l isfel, u minkejja d-dispożizzjonijiet tal-Protokoll Nru 1 għall-Ftehim, il-kliem ‘Stat Membru/Stati Membri’ fir-Regolament għandu, b'żieda mat-tifsira tagħhom fir-Regolament, jinftiehem li jinkludi l-Istati Membri fl-EFTA.

(ċ)

Fir-rigward ta' l-Istati ta' l-EFTA, skond kif ikun il-każ, l-Aġenzija għandha tassisti lill-Awtorità ta' Sorveljanza ta' l-EFTA jew lill-Kumitat fit-twettiq tal-kompiti tagħhom.

(d)

Għall-prodotti koperti bid-Direttiva tal-Kunsill 91/414/KEE, l-Istati ta' l-EFTA għandhom ikunu ħielsa li jillimitaw l-aċċess għas-suq tagħhom skond il-ħtiġiet tal-leġislazzjoni eżistenti tagħhom fid-data tad-dħul fis-seħħ ta' dan il-Ftehim. Il-regoli ġodda tal-KE għandhom ikunu ttrattati skond il-proċeduri stabbiliti fl-Artikoli 97 sa 104 tal-Ftehim.

(e)

Jekk iqum xi diżgwid bejn il-partijiet kontraenti fuq l-amministrazzjoni ta' dawn id-dispożizzjonijiet, il-Parti VII tal-Ftehim għandha tapplika mutatis mutandis.

(f)

Fl-Artikolu 3 paragrafu 10, dan li ġej għandu jiġi miżjud fit-tmiem: ‘jew fit-territorju ta' l-Istati ta' l-EFTA’.

(g)

L-Artikolu 64(8) għandu jiġi sostitwit b'dan li ġej:

‘Meta l-Kummissjoni tieħu deċiżjonijiet ta' awtorità, l-Istati ta' l-EFTA fl-istess ħin u sa 30 jum mid-Deċiżjoni tal-Kummissjoni, ser tieħu d-deċiżjonijiet korrispondenti. Il-Kumitat Konġunt taż-ŻEE għandu jiġi infurmat u għandu jippubblika b'mod perjodiku il-listi ta' dawn id-deċiżjonijiet fis-Suppliment taż-ŻEE fil-Ġurnal Ufficjali.’

(h)

Il-paragrafu li ġej għandu jiġi miżjud fl-Artikolu 79:

‘4.   L-Istati Membri ta' l-EFTA għandhom jipparteċipaw b'mod sħiħ fil-Bord Amministrattiv u fi ħdanu għandu jkollhom l-istess drittijiet u obbligi bħall-Istati Membri tal-KE ħlief għad-dritt għall-vot. Ir-regoli interni ta' proċedura tal-Kumitat għandhom jippermettu l-parteċipazzjoni sħiħa ta' l-Istati ta' l-EFTA.’

(i)

Il-paragrafu li ġej għandu jiġi miżjud fl-Artikolu 85:

‘10.   L-Istati ta' l-EFTA għandhom jipparteċipaw bis-sħiħ fil-Kumitat ta' l-Istati Membri, fil-Kumitat tal-Valutazzjoni tar-Riskju u fil-Kumitat għall-Analiżi Soċjo-ekonomika, u għanu ikollhom l-istess drittijiet u obbligi bħall-Istati tal-KE, ħlief id-dritt għall-vot. Ir-regoli interni ta' proċedura tal-Kumitat għandhom jippermettu l-parteċipazzjoni sħiħa ta' l-Istati ta' l-EFTA.’

(j)

Il-paragrafu li ġej għandu jiġi miżjud fl-Artikolu 86:

‘5.   L-Istati ta' l-EFTA għandhom jipparteċipaw fil-Forum għall-Iskambji ta' l-Informazzjoni dwar ir-Rinforz. Ir-regoli interni ta' proċedura tal-Kumitat għandhom jiġu jippermettu l-parteċipazzjoni sħiħa ta' l-Istati ta' l-EFTA.’

(k)

Il-paragrafu li ġej għandu jiġi miżjud fl-Artikolu 89:

‘Iċ-ċittadini ta' l-Istati ta' l-EFTA ser ikunu eleġibbli bħala membri, jew bħala sostituti, fil-Bord ta' l-Appell.’

(l)

Il-paragrafu li ġej għandu jiġi miżjud fl-Artikolu 96:

‘12.   L-Istati ta' l-EFTA għandhom jipparteċipaw fil-finanzjament ta' l-Aġenzija, sa mid-data tad-dħul fis-seħħ ta' din id-Deċiżjoni. Għal dan il-għan, il-proċeduri stabbiliti fl-Artikolu 82(1)(a) u fil-Protokoll 32 tal-Ftehim għandhom japplikaw mutatis mutandis.’

(m)

Dan li ġej għandu jiġi miżjud ma' l-Artikolu 102:

‘L-Istati ta' l-EFTA għandhom jagħtu lill-Aġenzija privileġġi u immunitajiet ekwivalenti għal dawk li jinsabu fil-Protokoll dwar il-Privileġġi u l-Immunitajiet tal-Komunitajiet Ewropej.’

(n)

Il-paragrafu li ġej għandu jiżdied ma' l-Artikolu 103:

‘Permezz ta' deroga mill-Artikolu 12(2)(a) tal-Kondizzjonijiet għall-impjieg ta' persunal ieħor tal-Komunitajiet Ewropej, ċittadini ta' l-Istati ta' l-EFTA li jgawdu d-drittijiet kollha tagħhom bħala ċittadini jistgħu jiddaħħlu jaħdmu b'kuntratt mid-Direttur Eżekuttiv ta' l-Aġenzija.’

(o)

Il-paragrafu li ġej għandu jiġi miżjud fl-Artikolu 118:

‘5.   Ir-Regolament (KE) Nru 1049/2001 tal-Parlament Ewropew u tal-Kunsill tat-30 ta' Mejju 2001 rigward l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni, għall-fini ta' applikazzjoni tar-Regolament (KE) Nru 1907/2006, għandu japplika wkoll għal kull dokument ta' l-Aġenzija rigward l-Istati Membri tal-EFTA.’

(p)

Il-paragrafu li ġej għandu jiġi miżjud fl-Artikolu 124:

‘Il-Liechtenstein mhux ser ikun obbligat li jkollu servizz nazzjonali ta' assistenza teknika. Minflok, il-Liechtenstein ser jippubblika ħolqa mas-servizz ta' assistenza teknika ta' l-Istitut Federali Ġermaniż għas-Sikurezza u s-Saħħa fil-homepage ta' l-awtorità kompetenti tal-Liechtenstein għas-sustanzi kimiċi, l-Uffiċju għall-Protezzjoni ta' l-Ambjent.’”