DEĊIŻJONI Nru 1/2006 TAL-KUMITAT KONĠUNT KE-ŻVIZZERA

tal-31 ta' Jannar 2006

li jibdel it-Tabelli III u IV (b) tal-Protokoll Nru 2

(2006/92/KE)

IL-KUMITAT KONĠUNT,

Wara li kkunsidra l-Ftehima bejn il-Komunità Ekonomika Ewropea, min-naħa, u l-Konfederazzjoni Żvizzera min-naħa l-oħra, iffirmata fi Brussell fit-22 ta' Lulju 1972, minn hawn 'il-quddiem “il-Ftehima”, kif emendata mill-Ftehima bejn il-Komunità Ewropea u l-Konfederazzjoni Żvizzera sabiex il-ftehima tkun emendata fir-rigward tad-dispożizzjonijiet applikabbli għal prodotti agrikoli pproċessati ffirmata fil-Lussemburgu fis-26 ta' Ottubru 2004, u l-Protokoll tagħha Nru 2, u b'mod partikolari l-Artikolu 7 tiegħu;

Billi għall-implimentazzjoni tal-Protokoll Nru 2 tal-Ftehima, prezzijiet ta' referenza interna huma stabbiliti għall-Partijiet Kontraenti mill-Kumitat Konġunt

Billi prezzijiet attwali nbidlu fuq is-swieq domestiċi tal-Partijiet Kontraenti fir-rigward tal-materjali mhux ipproċessati li għalihom huma applikati miżuri ta' kumpens tal-prezzijiet

Billi huwa għalhekk meħtieġ li l-prezzijiet u l-ammonti ta' referenza elenkati fit-Tabelli III u IV b) tal-Protokoll Nru 2 jkunu aġġornati skond dan

IDDEĊIEDA KIF ĠEJ:

Artikolu 1

It-Tabella III u t-tabella taħt it-Tabella IV punt (b) tal-Protokoll Nru 2 huma mibdula bit-tabelli fl-Anness I u l-Anness II ta' din id-Deċiżjoni.

Artikolu 2

Din id-Deċiżjoni għandha tidħol fis-seħħ fl-1 ta' Frar 2006.