This document is an excerpt from the EUR-Lex website
Document 22004D0068
Decision of the EEA Joint Committee No 68/2004 of 4 May 2004 extending the application of certain Decisions of the EEA Joint Committee to the New Contracting Parties and amending certain Annexes to the EEA Agreement following the enlargement of the European Union
Deċiżjoni tal-Kumitat Konġunt taż-ŻEE Nru 68/2004 ta' l-4 ta' Mejju 2004 li testendi l-applikazzjoni ta' ċerti Deċiżjonijiet tal-Kumitat Konġunt taż-ŻEE għall-Partijiet Kontraenti Ġodda u li temenda ċerti Annessi għall-Ftehim taż-ŻEE wara t-tkabbir ta' l-Unjoni Ewropea
Deċiżjoni tal-Kumitat Konġunt taż-ŻEE Nru 68/2004 ta' l-4 ta' Mejju 2004 li testendi l-applikazzjoni ta' ċerti Deċiżjonijiet tal-Kumitat Konġunt taż-ŻEE għall-Partijiet Kontraenti Ġodda u li temenda ċerti Annessi għall-Ftehim taż-ŻEE wara t-tkabbir ta' l-Unjoni Ewropea
ĠU L 277, 26.8.2004, p. 33–38
(CS, ET, LV, LT, HU, MT, PL, SK, SL) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 277, 26.8.2004, p. 187–192
(ES, DA, DE, EL, EN, FR, IT, NL, PT, FI, SV)
Date of entry into force unknown (pending notification) or not yet in force.
Relation | Act | Comment | Subdivision concerned | From | To |
---|---|---|---|---|---|
Modifies | 21994A0103(51) | Żieda | kapitolu I parti 3.1 punt 3 inċiż | ||
Modifies | 21994A0103(51) | Żieda | kapitolu I parti 3.1 punt 9b Test | ||
Modifies | 21994A0103(51) | Żieda | kapitolu I parti 7.1 punt 12 inċiż | ||
Modifies | 21994A0103(51) | Żieda | kapitolu I parti 9.2 punt 2 Test | ||
Modifies | 21994A0103(51) | Żieda | kapitolu III parti 1 punt 10 Test | ||
Modifies | 21994A0103(51) | Żieda | kapitolu III parti 1 punt 12 Test | ||
Modifies | 21994A0103(52) | Żieda | kapitolu IV punt 4g inċiż | ||
Modifies | 21994A0103(54) | Żieda | punt 11g inċiż | DATEFF | |
Modifies | 21994A0103(57) | Żieda | punt 28 inċiż |
26.8.2004 |
MT |
Il-Ġurnal Uffiċjali ta’ l-Unjoni Ewropea |
L 277/33 |
DEĊIŻJONI TAL-KUMITAT KONĠUNT TAŻ-ŻEE
Nru 68/2004
ta' l-4 ta' Mejju 2004
li testendi l-applikazzjoni ta' ċerti Deċiżjonijiet tal-Kumitat Konġunt taż-ŻEE għall-Partijiet Kontraenti Ġodda u li temenda ċerti Annessi għall-Ftehim taż-ŻEE wara t-tkabbir ta' l-Unjoni Ewropea
Il-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat mill-Protokoll li jaġġusta l-Ftehim dwar iż-Żona Ekonomika Ewropea, min hawn il-quddiem “il-Ftehim taż-ŻEE” u b'mod partikolari l-Artikolu 98 tiegħu,
Billi:
(1) |
L-Artikolu 128 tal-Ftehim taż-ŻEE jistipula li kull Stat Ewropew li jsir membru tal-Komunità għandu japplika biex jaderixxi mal-Ftehim taż-ŻEE, u li t-termini u l-kondizzjonijiet għal din il-parteċipazzjoni ser tkun soġġetta għal ftehim bejn il-Partijiet Kontraenti u l-Istat li jkun applika. |
(2) |
Wara s-suċċess fil-konklużjoni tan-negozjati għat-tkabbir, ir-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika ta' l-Ungerija, ir-Repubblika tal-Latvja, ir-Repubblika tal-Litwanja, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika tas-Slovakkja (“Il-Partijiet Kontraenti Ġodda”) ressqu l-applikazzjonijiet sabiex jaderixxu għall-Ftehim taż-ŻEE. |
(3) |
Il-Ftehim dwar il-parteċipazzjoni tar-Repubblika Ċeka, tar-Repubblika ta' l-Estonja, tar-Repubblika ta' Ċipru, tar-Repubblika ta' l-Ungerija, tar-Repubblika tal-Latvja, tar-Repubblika tal-Litwanja, tar-Repubblika ta' Malta, tar-Repubblika tal-Polonja, tar-Repubblika tas-Slovenja u tar-Repubblika tas-Slovakkja fiż-Żona Ekonomika Ewropea (“Ftehim tat-Tkabbir taż-ŻEE”) ġie ffirmat fl-14 ta' Ottubru 2003 fil-Lussemburgu. |
(4) |
Insegwitu għall-Artikolu 1(2) tal-Ftehim tat-Tkabbir ŻEE, id-dispożizzjonijiet tal-Ftehim taż-ŻEE, kif emendat mid-Deċiżjoni tal-Kumitat Konġunt taż-ŻEE adottati qabel l-1 ta' Novembru 2002, għandhom, mid-dħul fis-seħħ tal-Ftehm tat-Tkabbir taż-ŻEE, jorbtu lill-Partijiet Kontraenti Ġodda taħt l-istess kondizzjonijiet bħal tal-Partijiet Kontraenti attwali u taħt it-termini u kondizzjonijiet stipulati fil-Ftehim tat-Tkabbir taż-ŻEE. |
(5) |
Mill-1 ta' Novembru 2002, numru ta' atti tal-KE ġew imdaħħla fil-Ftehim taż-ŻEE permezz ta' Deċiżjonijiet tal-Kumitat Konġunt taż-ŻEE. |
(6) |
Sabiex tiġi ggarantità l-omoġeneità tal-Ftehim taż-ŻEE u s-sigurtà legali għal individwi u operaturi ekonomiċi, għandu jkun ċar li l-atti tal-KE jorbtu lill-Partijiet Kontraenti Ġodda sa mid-dħul fis-seħħ tal-Ftehim tat-Tkabbir taż-ŻEE. |
(7) |
L-Att ta' l-Adeżjoni tas-16 ta' April 2003 jagħti derogi u jadatta wħud mill-atti tal-KE li ġew inkorporati fil-Ftehim taż-ŻEE permezz ta' Deċiżjonijiet tal-Kumitat Konġunt taż-ŻEE adottat wara l-1 ta' Novembru 2002. |
(8) |
Insegwitu għall-Artikolu 3(5) tal-Ftehim tat-Tkabbir taż-ŻEE, adattazzjonijiet għall-atti inkorporati fil-Ftehim taż-ŻEE qabel id-data tad-dħul fis-seħħ tal-Ftehim tat-Tkabbir taż-ŻEE saru meħtieġa minħabba l-parteċipazzjoni tal-Partijiet Kontraenti Ġodda fil-Ftehim taż-ŻEE, li ma ġewx ipprovduti għalihom fil-Ftehim tat-Tkabbir taż-ŻEE, ser jiġu indirizzati bi qbil mal-proċeduri stabbiliti fil-Ftehim taż-ŻEE. |
(9) |
Insegwitu għall-Artikolu 4(2) tal-Ftehim tat-Tkabbir taż-ŻEE, kull miżura ta' rilevanza għall-Ftehim taż-ŻEE msemmi fl-Att ta' l-Adeżjoni ta' l-UE tas-16 ta' April 2003, li mhumiex riflessi fl-Anness B tal-Ftehim tat-Tkabbir taż-ŻEE, ser jiġu indirizzati bi qbil mal-proċeduri stipulati fil-Ftehim taż-ŻEE. |
(10) |
Il-Kumitat Konġunt taż-ŻEE għandu għalhekk jinkorpora dawn l-adattazzjonijiet u d-derogi fil-Ftehim taż-ŻEE. |
(11) |
Kif il-Ftehim taż-ŻEE jestendi s-suq intern għall-Istati ta' l-EFTA, huwa meħtieġ li għat-tħaddim tajjeb tas-suq intern tiġi applikata din id-deċiżjoni fil-mument eżatt tad-dħul fis-seħħ tat-Trattat ta' l-Adeżjoni ta' l-UE u tal-Ftehim tat-Tkabbir taż-ŻEE. |
(12) |
Ladarba l-Ftehim tat-Tkabbir taż-ŻEE għadu ma daħalx fis-seħħ, imma japplika biss fuq bażi proviżorja, din id-Deċiżjoni ser, sakemm jidhol fis-seħħ il-Ftehim tat-Tkabbir taż-ŻEE, tapplika proviżjonalment ukoll, |
IDDEĊIEDA KIF ĠEJ:
Artikolu 1
Id-Deċiżjonijiet kollha tal-Kumitat Konġunt taż-ŻEE adottati wara l-1 ta' Novembru 2002 huma hawnhekk iddikjarati li jorbtu lill-Partijiet Kontraenti Ġodda.
Artikolu 2
It-testi tad-Deċiżjonijiet tal-Kumitat Konġunt taż-ŻEE msemmija fl-Artikolu 1 ser jiġu mfassla u awtentikati mill-Partijiet Kontraenti fil-lingwa Ċeka, Estona, Ungeriża, Latvjana, Litwana, Maltija, Pollakka, Slovakka u Slovena.
Artikolu 3
1. Dan l-inċiż ser jiġi miżjud fil-punti ta' l-Annessi u tal-Protokolli tal-Ftehim taż-ŻEE mniżżel fl-Anness A ta' din id-Deċiżjoni:
— |
“1 03 T: Att dwar il-kondizzjonijiet ta' adeżjoni tar-Repubblika Ċeka, tar-Repubblika ta' l-Estonja, tar-Repubblika ta' Ċipru, tar-Repubblika tal-Latvja, tar-Repubblika tal-Litwanja, tar-Repubblika ta' l-Ungerija, tar-Repubblika ta' Malta, tar-Repubblika tal-Polonja, tar-Repubblika tas-Slovenja u tar-Repubblika Slovakka u l-miżuri għat-Trattati li fuqhom hija msejsa l-Unjoni Ewropea, adottati fis-16 ta' April 2003 (ĠU L 236, tat-23.9.2003, p. 33).” |
2. Jekk l-inċiż imsemmi f'paragrafu 1 huwa l-ewwel inċiż fil-punt in kwistjoni, qablu għandu jkun hemm il-kliem “, kif emendat minn:”
Artikolu 4
L-miżuri transitorji msemmija fl-Anness B ta' din id-Deċiżjoni huma hawnhekk inkorporati u jiffurmaw parti mill-Ftehim taż-ŻEE.
Artikolu 5
It-testi tal-partijiet ta' l-Att ta' Adeżjoni ta' l-UE tas-16 ta' April 2003 elenkati fl-Anness C fil-lingwa Iżlandiża u Norveġiża, li għandu jiġi ppubblikat fis-Supplement taż-ŻEE tal-Ġurnal Uffiċjali ta' l-Unjoni Ewropea, ser ikun awtentiku.
Artikolu 6
Din id-Deċiżjoni ser tidħol fis-seħħ fil-ġurnata ta' wara l-aħħar notifika lill-Kumitat Konġunt taż-ŻEE skond l-Artikolu 103(1) tal-Ftehim (*).
Kull ħtieġa kostituzzjonali indikata minn kwalunkwe Parti Kontraenti rigward kwalunkwe deċiżjoni tal-Kumitat Konġunt taż-ŻEE msemmi fl-Artikolu 1, mhux ser tintlaqat minn din id-Deċiżjoni.
Din id-Deċiżjoni ser tapplika sa mid-data tad-dħul fis-seħħ tal-Ftehim tat-Tkabbir taż-ŻEE. Sakemm jidħol fis-seħħ il-Ftehim tat-Tkabbir taż-ŻEE, din id-Deċiżjoni ser tapplika proviżorjament mid-data ta' l-applikazzjoni proviżorja tal-Ftehim tat-Tkabbir taż-ŻEE.
Artikolu 7
Din id-Deċiżjoni ser tkun ippubblikata fis-Taqsima taż-ŻEE u fis-Suppliment taż-ŻEE tal-Ġurnal Uffiċjali ta' l-Unjoni Ewropea.
Magħmula fi Brussel, l-4 ta' Mejju 2004
Għall-Kumitat Konġunt taż-ŻEE
Il-President
S. GILLESPIE
(*) Ebda ħtiġijiet kostituzzjonali ma huma indikati.
ANNESS A
Lista msemmija fl-Artikolu 3 tad-Deċiżjoni
L-inċiż imsemmi fl-Artikolu 3(1) għandu jitniżżel fil-postijiet segwenti fl-Annessi u fil-Protokolli tal-Ftehim taż-ŻEE:
|
Fl-Anness I (Kwistjonijiet veterinarji u fitosanitarji), Kapitolu I (Kwistjonijiet Veterinarji):
|
|
Fl-Anness II (Regolamenti tekniċi, normi, provi u ċertifikazzjoni), Kapitolu IV (Tagħmir domestiku):
|
|
Fl-Anness IV (Enerġija):
|
|
Fl-Anness VII (Rikonoxximent reċiproku tal-kwalifiki professjonali):
|
ANNESS B
Miżuri transitorji msemmija fl-Artikolu 4 tad-Deċiżjoni
Anness I (Kwistjonijiet veterinarji u fitosanitarji) għall-Ftehim taż-ŻEE għandu jiġi emendat kif ġej:
1) |
Fil-Kapitolu III, Parti 1, Punt 10 (Direttiva tal-Kunsill 2002/53/KE), qabel it-test ta' adattament għandu jiddaħħal li ġej: “Ser japplikaw il-miżuri transitorji stabbiliti fl-Annessi għall-Att ta' Adeżjoni tas-16 ta' April 2003 għal Ċipru (Anness VII, Kapitolu 5, Taqsima B, Parti II, Punt 2), għal-Latvja (Anness VIII, Kapitolu 4, Taqsima B, Parti II), għal Malta (Anness XI, Kapitolu 4, Taqsima B, Parti II), għas-Slovenja (Anness XIII, Kapitolu 5, Taqsima B, Parti II).” |
2) |
Fil-Kapitolu III, Parti 1, Punt 12 (Direttiva tal-Kunsill 2002/55/KE), qabel it-test ta' adattament għandu jiddaħħal li ġej: “Ser japplikaw il-miżuri transitorji stabbliti fl-Anness għall-Att ta' l-Adeżjoni tas-16 ta' April 03 għal Ċipru (Anness VII, Kapitolu 5, Taqsima B, Parti II, Punt 2), għal-Latvja (Anness VIII, Kapitolu 4, Taqsima B, Parti II), għal Malta (Anness XI, Kapitolu 4, Taqsima B, Parti II), għas-Slovenja (Annesss XIII, Kapitolu 5, Taqsima B, Parti II).” |
ANNESS C
Lista msemmija fl-Artikolu 5 tad-Deċiżjoni
It-testi tal-partijiet ta' l-Att ta' l-Adeżjoni ta' l-UE tas-16 ta' April 2003 fil-lingwa Iżlandiża u Norveġiża, li għandu jiġi ppubblikat fis-Supplement taż-ŻEE tal-Ġurnal Uffiċjali ta' l-Unjoni Ewropea, ser ikun awtentiku.
— |
Anness II, Kapitolu 3, Punt 2 (Direttiva tal-Kunsill 74/557/KEE), |
— |
Anness II, Kapitolu 6, Taqsima B, Parti I, Punt 83 (Direttiva tal-Kunsill 2001/89/KE), |
— |
Anness II, Kapitolu 6, Taqsima B, Part I, Punt 86 (Regolament (KE) Nru 999/2001 tal-Parlament Ewropew u tal-Kunsill), |
— |
Anness II, Kapitolu 6, Taqsima B, Part I, Punt 87 (Direttiva tal-Kummissjoni 2001/4/KE), |
— |
Anness II, Kapitolu 6, Taqsima B, Parti I, Punt 89 (Direttiva tal-Kunsill 2002/60/KE), |
— |
Anness II, Kapitolu 12, Taqsima B, Punt 7 (Direttiva tal-Kummissjoni 2002/40/KE), |
— |
Anness VII, Kapitolu 5, Taqsima B, Parti II, Punt 2 (Direttivi tal-Kunsill 2002/53/KE u 2002/55/KE), |
— |
Anness VIII, Kapitolu 4, Taqsima B, Parti II (Direttivi tal-Kunsill 2002/53/KE u 2002/55/KE), |
— |
Anness XI, Kapitolu 4, Taqsima B, Parti II (Direttivi tal-Kunsill 2002/53/KE u 2002/55/KE), |
— |
Anness XIII, Kapitolu 5, Taqsima B, Parti II (Direttivi tal-Kunsill 2002/53/KE u 2002/55/KE). |