This document is an excerpt from the EUR-Lex website
Document 21999D0173
Decision of the EEA Joint Committee No 173/1999 of 26 November 1999 amending Protocol 31 to the EEA Agreement, on cooperation in specific fields outside the four freedoms
Deċiżjoni tal-Kumitat Konġunt taż-ŻEE Nru 173/1999 tas-26 ta' Novembru 1999 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet
Deċiżjoni tal-Kumitat Konġunt taż-ŻEE Nru 173/1999 tas-26 ta' Novembru 1999 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet
ĠU L 61, 1.3.2001, p. 33–34
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Relation | Act | Comment | Subdivision concerned | From | To |
---|---|---|---|---|---|
Modifies | 21994A0103(32) | Żieda | artikolu 6 paragrafu 3 | 01/01/2000 | |
Modifies | 21994A0103(32) | Żieda | artikolu 6 paragrafu 4 | 01/01/2000 | |
Modifies | 21994A0103(32) | Żieda | artikolu 6 paragrafu 5 | 01/01/2000 |
Official Journal L 061 , 01/03/2001 P. 0033 - 0034
Deċiżjoni tal-Kumitat Konġunt taż-ŻEE Nru 173/1999 tas-26 ta' Novembru 1999 li temenda l-Protokoll 31 għall-Ftehim taż-ŻEE, dwar il-kooperazzjoni f'oqsma speċifiċi barra l-erba' libertajiet IL-KUMITAT KONĠUNT TAŻ-ŻEE, Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala l-Ftehim, u b'mod partikolari l-Artikoli 86 u 98 tiegħu, Billi: (1) Il-Protokoll 31 għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 8/94 tas-7 ta' Ġunju 1994 [1]. (2) Huwa xieraq li l-kooperazzjoni tal-Partijiet Kontraenti għall-Ftehim tiġi estiża sabiex tinkludi qafas ġenerali għall-attivitajiet tal-Komunità favur il-konsumaturi (Deċiżjoni Nru 283/1999/KE tal-Parlament Ewropew u tal-Kunsill [2]). (3) Il-Protokoll 31 għall-Ftehim għandu għalhekk jiġi emendat sabiex jippermetti li din il-kooperazzjoni estiża sseħħ sa mill-1 ta' Jannar 2000, IDDEĊIEDA KIF ĠEJ: Artikolu 1 Dan li ġej għandu jiġi miżjud fl-Artikolu 6 tal-Protokoll 31 għall-Ftehim wara l-paragrafu 2: "3. L-Istati ta' l-EFTA għandhom, mill-1 ta' Jannar 2000, jipparteċipaw fl-attivitajiet tal-Komunità li jistgħu jirriżultaw mill-att li ġej kif ukoll mill-atti li ġejjin minnu: 399 D 0283 : Id-Deċiżjoni Nru 283/1999/KE tal-Parlament Ewropew u tal-Kunsill tal-25 ta' Jannar 1999 li tistabbilixxi qafas ġenerali għall-attivitajiet tal-Komunità favur il-konsumaturi (ĠU L 34, tad-9.2.1999, p. 1). 4. L-Istati ta' l-EFTA għandhom jikkontribwixxu finanzjarjament għall-attivitajiet li hemm referenza għalihom fil-paragrafu 3 bi qbil ma' l-Artikolu 82(1)(a) tal-Ftehim. 5. L-Istati ta' l-EFTA għandhom, sa mill-bidu tal-kooperazzjoni fl-attivitajiet li hemm referenza għalihom fil-paragrafu 3, jipparteċipaw b'mod sħiħ fil-kumitati u korpi oħra tal-KE li jgħinu lill-Kummissjoni tal-KE fl-amministrazzjoni u l-iżvilupp ta' dawn l-attivitajiet." Artikolu 2 Din id-Deċiżjoni għandha tidħol fis-seħħ nhar l-1 ta' Jannar 2000, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE. Artikolu 3 Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej. Magħmula fi Brussel, fis-26 ta' Novembru 1999. Għall-Kumitat Konġunt taż-ŻEE Il-President N. v. Liechtenstein [1] ĠU L 198, tat-30.7.1994, p. 142. [2] ĠU L 34, tad-9.2.1999, p. 1. --------------------------------------------------