2012R0351 — MT — 14.05.2012 — 000.001

---

Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu

►B

REGOLAMENT TAL-KUMMISSJONI (UE) Nru 351/2012 tat-23 ta' April 2012 li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar ir-rekwiżiti għall-approvazzjoni tat-tip għall-installazzjoni ta’ sistemi ta’ indikazzjoni ta’ ħruġ mill-karreġġata f’vetturi bil-mutur (ĠU L 110, 24.4.2012, p.18)

Ikkoreġut b'

►C1	Rettifika, ĠU L 121, 8.5.2012, p. 44  (351/2012)

---

▼B

REGOLAMENT TAL-KUMMISSJONI (UE) Nru 351/2012

tat-23 ta' April 2012

li jimplimenta r-Regolament (KE) Nru 661/2009 tal-Parlament Ewropew u tal-Kunsill dwar ir-rekwiżiti għall-approvazzjoni tat-tip għall-installazzjoni ta’ sistemi ta’ indikazzjoni ta’ ħruġ mill-karreġġata f’vetturi bil-mutur

Artikolu 1

Kamp ta’ Applikazzjoni

Dan ir-Regolament japplika għal vetturi tal-kategoriji M2, N2, M3 u N3, kif definit fl-Anness II mad-Direttiva 2007/46/KE tal-Parlament Ewropew u tal-Kunsill ( 2 ), bl-eċċezzjoni ta’ dawn li ġejjin:

Artikolu 2

Definizzjonijiet

Għall-iskopijiet ta’ dan ir-Regolament, għandhom japplikaw id-definizzjonijiet li ġejjin flimkien mad-definizzjonijiet stabbiliti fir-Regolament (KE) Nru 661/2009:

Artikolu 3

L-approvazzjoni tat-tip KE ta’ tip ta’ vettura fir-rigward tal-LDWS

1.  Il-manifattur jew ir-rappreżentant tiegħu għandhom jissottomettu l-applikazzjoni għall-approvazzjoni tat-tip KE ta’ vettura lill-awtorità li tapprova t-tip fir-rigward ta’ sistemi ta’ indikazzjoni ta’ ħruġ mill-karreġġata.

2.  L-applikazzjoni għandha tkun ippreparata skont il-mudell tad-dokument tal-informazzjoni stabbilit fil-Parti 1 tal-Anness I.

3.  Jekk jiġu sodisfatti r-rekwiżiti rilevanti stabbiliti fl-Anness II ma’ dan ir-Regolament, l-awtorità tal-approvazzjoni għandha tagħti approvazzjoni tat-tip KE u toħroġ numru tal-approvazzjoni tat-tip skont is-sistema ta’ numerazzjoni stabbilita fl-Anness VII mad-Direttiva 2007/46/KE.

Stat Membru ma jistax jagħti l-istess numru lil tip ieħor ta’ vettura.

4.  Għall-iskopijiet tal-paragrafu 3, l-awtorità tal-approvazzjoni tat-tip għandha toħroġ ċertifikat ta’ approvazzjoni tat-tip KE stabbilit skont il-mudell stabbilit fil-Parti 2 tal-Anness I.

Artikolu 4

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

---

ANNESS I

Mudelli standard għad-dokument ta’ informazzjoni u ċ-ċertifikat tal-approvazzjoni tat-tip KE

PARTI 1

Dokument ta’ Informazzjoni

MUDELL

Dokument ta’ informazzjoni Nru … li jirrelata mal-approvazzjoni tat-tip KE ta’ vettura fir-rigward ta’ sistemi ta’ indikazzjoni ta’ ħruġ mill-karreġġata.

L-informazzjoni li ġejja għandha tiġi pprovduta fi tliet kopji u tinkludi lista tal-kontenut. Kwalunkwe disinn irid jiġi pprovdut fi skala xierqa u b’dettall suffiċjenti fuq karta ta’ daqs A4 jew fowlder ta’ format A4. Jekk ikun hemm xi ritratti għandu jkun fihom dettalji suffiċjenti.

Jekk is-sistemi, il-komponenti jew unitajiet tekniċi oħra msemmija f’dan l-anness ikollhom kontrolli elettroniċi, għandha tiġi pprovduta informazzjoni dwar il-prestazzjoni tagħhom.

0.   ĠENERALI

0.1.	Il-marka (marka tal-fabbrika tal-manifattur): …

0.2.	Tip: … 0.2.0.1. Chassis: … 0.2.0.2. Karozzerija/vettura kompluta: … 0.2.1. Isem (ismijiet) kummerċjali (jekk disponibbli): …

0.3.	Mezzi ta’ identifikazzjoni tat-tip, jekk indikat fuq il-vettura ( 3 ): … 0.3.0.1. Chassis: … 0.3.0.2. Karozzerija/vettura kompluta: … 0.3.1. Fejn tinsab din il-marka: … 0.3.1.1. Chassis: … 0.3.1.2. Karozzerija/vettura kompluta: …

0.4.	Kategorija ta’ vettura ( 4 ): …

0.5.	L-isem u l-indirizz tal-manifattur: …

0.6.	Fejn jitqiegħdu l-plejts statutorji u l-metodu ta’ twaħħil tagħhom u fejn jitqiegħed in-numru ta’ identifikazzjoni tal-vettura: … 0.6.1. Fuq ix-chasis: … 0.6.2. Fuq il-karozzerija: …

0.9.	L-isem u l-indirizz tar-rappreżentant tal-manifattur (jekk jeżisti): …

1.   IL-KARATTERISTIĊI TAL-BINI ĠENERALI TAL-VETTURA

1.1.	Ritratti u/jew disinji ta’ eżempju rappreżentattiv tal-vettura: …

1.2.	Disinn dimensjonali tal-vettura sħiħa: …

1.3.	L-għadd tal-fusien u roti: … 1.3.1. L-għadd u l-pożizzjoni tal-fusien b’roti doppji: … 1.3.2. L-għadd u l-pożizzjoni tal-fusien bi steering: … 1.3.3. Fusien powered (għadd, pożizzjoni, interkonnessjoni): …

1.8.	Naħa tas-sewqan: xellug/lemin ( 5 ).

2.   MASES U DIMENSJONIJIET ( 6 ) ( 7 )

(f’kg u mm) (Irreferi għad-disinn fejn applikabbli)

2.1.   Bażi(jiet) ta’ bejn ir-roti (b’tagħbija sħiħa) ( 8 )

2.1.1.

Vetturi b’żewġ fusien: … 2.1.1.1.   Vetturi b’żewġ fusien jew tlieta

2.3.   Tul(ijiet) u wisa’(wisgħat) tal-fus

2.3.1.

Tul ta’ kull fus li huwa steered ( 9 ): …

2.3.2.

Tul tal-fusien l-oħra kollha (9) : …

2.3.3.

Wisa’ tal-aktar fus wiesa’ ta’ wara: …

2.3.4.

Il-wisa’ tal-fus ta’ quddiem nett (imkejla fuq it-tarf ta’ barra tat-tajers għajr għall-bużżieqa mbuzzata ‘l barra tat-tajers qrib l-art): …

2.4.   Il-medda tad-dimensjonijiet tal-vettura (b’kollox)

2.4.1.   Għal chassis mingħajr karozzerija

2.4.1.1.

Tul ( 10 ): … 2.4.1.1.1. Tul massimu permissibbli: … 2.4.1.1.2. Tul minimu permissibbli: …

2.4.1.2.

Wisa’ ( 12 ): … 2.4.1.2.1. Wisa’ massima permissibbli: … 2.4.1.2.2. Wisa’ minima permissibbli: …

2.4.2.   Għal chassis bil-karozzerija

2.4.2.1.

Tul (12) : … 2.4.2.1.1. Tul tal-parti tat-tagħbija: …

2.4.2.2.

Wisa’ (12) : …

2.4.3.   Għal karozzerija approvata mingħajr chassis (vetturi M2 u M3)

2.4.3.1.

Tul (12) : …

2.4.3.2.

Wisa’ (12) : …

2.6.   Massa f’kundizzjoni ta’ sewqan

Massa tal-vettura bil-karozzerija u, fil-każ ta’ vettura tal-irmonk ta’ kategorija għajr għal M1, b’tagħmir ta’ gganċjar, jekk imqiegħed mill-manifattur, f’kundizzjoni ta’ sewqan, jew massa tax-chassis jew chassis bil-kabina, mingħajr karozzerija u/jew tagħmir ta’ gganċjar jekk il-manifattur ma jqigħedx il-karozzerija u/jew it-tagħmir ta’ gganċjar (inklużi likwidi, għodda, rota żejda, jekk tkun imqiegħda, u s-sewwieq u, għal karozzi tal-linja u kowċis, kunduttur jekk ikun hemm sit għall-kunduttur fil-vettura) ( 13 ) (massimu u minimu għal kull varjant): …

4.7.	Veloċità ddisinjata massima tal-vettura (f’km/s) ( 14 ): …

13.   DISPOŻIZZJONIJIET SPEĊJALI GĦAL KAROZZI TAL-LINJA U KOWĊIS

13.1.   Klassi tal-vettura: Klassi III/Klassi B (14) 

Noti ta’ spjegazzjoni

PARTI 2

MUDELL

(format massimu: A4 (210 × 297 mm))

ĊERTIFIKAT TAL-APPROVAZZJONI TAT-TIP KE

Komunikazzjoni li tikkonċerna:

ta’ tip ta’ vettura għal sistemi ta’ indikazzjoni ta’ ħruġ mill-karreġġata

fir-rigward tar-Regolament tal-Kummissjoni (UE) Nru 351/2012 kif emendat

Numru tal-approvazzjoni tat-tip KE: _

Raġuni għall-estensjoni:

TAQSIMA I

0.1.	Il-marka (marka tal-fabbrika tal-manifattur):

0.2.	Tip: 0.2.1. Isem(ismijiet) kummerċjali (jekk dan huwa disponibbli)

0.3.	Mezz ta’ identifikazzjoni tat-tip jekk dan huwa mmarkat fuq il-vettura ( 16 ) 0.3.1. Fejn tinsab din il-marka:

0.4.	Il-kategorija tal-vettura ( 17 )

0.5.	Isem u indirizz tal-manifattur:

0.8.	L-ismijiet u l-indirizz(i) tal-impjant(i) tal-immuntar:

0.9.	Ir-rappreżentant tal-manifattur

TAQSIMA II

1.	Informazzjoni addizzjonali (fejn japplika): Ara l-Addendum

2.	Is-servizz tekniku responsabbli mit-twettiq tat-testijiet:

3.	Id-data tar-rapport tat-test:

4.	In-numru tar-rapport tat-test:

5.	Rimarki (jekk hemm): Ara l-Addendum

6.

Post:

7.

Data:

8.

Firma:

Dokumenti mehmużin

:

Pakkett ta’ tagħrif. Rapport tat-test.

---

Addendum

għaċ-ċertifikat tal-approvazzjoni tat-tip KE Nru …

1.   Informazzjoni addizzjonali

1.1.	Deskrizzjoni qasira tas-sistema ta’ indikazzjoni tal-ħruġ mill-karreġġata mwaħħla mal-vettura:

4.   Ir-riżultati tat-test fl-Anness II

4.1.	Marki viżibbli tal-karreġġata użati għall-ittestjar

4.2.	Dokumentazzjoni li turi konformità mal-marki l-oħra kollha tal-karreġġata identifikati fl-Appendiċi mal-Anness II tar-Regolament tal-Kummissjoni (UE) Nru 351/2012

4.3.	Deskrizzjoni tal-varjanti tas-sistema ta’ indikazzjoni ta’ ħruġ mill-karreġġata b’aġġustamenti reġjonali speċifiċi li jissodisfaw ir-rekwiżiti.

4.4.	Massa u kundizzjoni tat-tagħbija tal-vettura meta tkun ittestjata

4.5.	L-issettjar tal-limitu tat-twissija (biss fil-każ fejn is-sistema ta’ indikazzjoni tal-ħruġ mill-karreġġata hija mgħammra b’limitu tat-twissija li jista’ jkun aġġustat mill-utent)

4.6.	Ir-riżultat tat-test tal-verifika tas-sinjal tat-twissija ottiku

4.7.	Ir-riżultati tat-test tal-indikazzjoni tal-ħruġ mill-karreġġata

4.8.	Ir-riżultati tat-test tad-detezzjoni ta’ nuqqas ta’ funzjoament

4.9.	Ir-riżultati tat-test tad-diżattivazzjoni (isir biss jekk il-vettura hija mgħammra b’mezzi ta’ diżattivazzjoni tas-sistema ta’ indkazzjoni tal-ħruġ mill-karreġġata)

5.	Rimarki (jekk hemm):

---

ANNESS II

Rekwiżiti u testijiet għall-approvazzjoni tat-tip ta’ vetturi bil-mutur fir-rigward tas-sistemi ta’ indikazzjoni ta’ ħruġ mill-karreġġata

1.    Rekwiżiti

1.1.    Rekwiżiti ġenerali

1.1.1.

L-effikaċja tas-sistema ta’ indikazzjoni ta’ ħruġ mill-karreġġata (LDWS) ma għandhiex tkun affettwata b’mod negattiv minn kampijiet manjetiċi jew tal-elettriku. Dan għandu jintwera bil-konformità mar-Regolament Nru 10 ( 18 ) tal-UNECE.

1.2.    Rekwiżiti ta’ prestazzjoni

1.2.1.

Kull meta s-sistema tkun attiva, kif speċifikat fil-punt 1.2.3., l-LDWS għandha tavża lis-sewwieq jekk il-vettura taqsam minn fuq marka tal-karreġġata viżibbli għal karreġġata li tkun qed issuq fiha, fuq triq b’forma direzzjonali li tvarja bejn triq dritta u kurva li jkollha marka ta’ karreġġata fuq in-naħa ta’ ġewwa b’raġġ minimu ta’ 250 m, fejn ma jkun hemm l-ebda talba motivata biex isir dan. Speċifikament: 1.2.1.1. din għandha tipprovdi lis-sewwieq bit-twissija speċifikata fil-punt 1.4.1., meta din tkun ittestjata skont id-dispożizzjonijiet tal-punt 2.5. (test tat-twissija tal-ħruġ) u bil-marki tal-karreġġata kif speċifikat fil-punt 2.2.3., 1.2.1.2. it-twissija msemmija fil-punt 1.2.1. tista’ titwaqqaf meta jkun hemm azzjoni tas-sewwieq li tindika l-intenzjoni li jrid joħroġ minn dik il-karreġġata.

1.2.2.

Is-sistema għandha tipprovdi wkoll lis-sewwieq bit-twissija speċifikata fil-punt 1.4.2., meta din tkun ittestjata skont id-dispożizzjonijiet tal-punt 2.6. (it-test tad-detezzjoni ta’ nuqqas ta’ funzjonament). Is-sinjal għandu jkun kostanti.

1.2.3.

L-LDWS għandha tkun attiva mill-inqas għal veloċitajiet tal-vettura ta’ aktar minn 60 km/s, sakemm din ma tkunx diżattivata manwalment skont il-punt 1.3.

1.3.

Jekk vettura tkun mgħammra b’mezz għad-diżattivazzjoni tal-funzjoni tal-LDWS, għandhom japplikaw il-kundizzjonijiet li ġejijn kf jixraq: 1.3.1. Il-funzjoni tal-LDWS għandha terġa’ tiddaħħal awtomatikament mal-bidu ta’ kull ċiklu ġdid meta tkun startjata “on” (taħdem). 1.3.2. Sinjal ta’ twissija ottiku kostanti għandu jinforma lis-sewwieq li l-funzjoni tal-LDWS tkun ġiet diżattivata. Is-sinjal ta’ twissija isfar speċifikat fil-punt 1.4.2. għandu jintuża għal dan il-għan.

1.4.

Indikazzjoni ta’ twissija 1.4.1. It-twissija msemmija fil-punt 1.2.1. għandha tkun tista’ tiġi nnutata mis-sewwieq u tingħata b’xi wieħed minn dawn il-modi li ġejjin: (a) mill-anqas żewġ mezzi ta’ twissija, li għandhom jintgħażlu bejn dawk ottiċi, akustiċi jew tattili (b) mezz wieħed ta’ twissija, li għandu jintgħażel bejn dak tattili u akustiku, b’indikazzjoni tal-ispazju dwar id-direzzjoni ta’ moviment mhux intenzjonat tal-vettura. 1.4.1.1. Fejn jintuża sinjal ottiku għat-twissija tal-ħruġ mill-karreġġata, dan jista’ juża s-sinjal ta’ twissija ta’ nuqqas ta’ funzjonament kif speċifikat fil-punt 1.2.2. meta dan ikun qed iteptep. 1.4.2. It-twissija ta’ nuqqas ta’ funzjonament imsemmija fil-punt 1.2.2. għandha tkun sinjal ta’ twissija ottiku isfar. 1.4.3. Is-sinjali ta’ twissija ottiċi tal-LDWS għandhom ikunu attivati jew meta s-swiċċ tal-istartjar (start) huwa mdawwar fuq il-pożizzjoni “on” (taħdem) jew meta s-swiċċ tal-istartjar (start) ikun f’pożizzjoni bejn “on” (taħdem) u “start” li hija magħżula mill-manifattur bħala pożizzjoni ta’ kontroll (sistema inizjali (power-on)). Ir-rekwiżit ma japplikax għal sinjali ta’ twissija murija fi spazju komuni. 1.4.4. Is-sinjali ta’ twissija ottiċi għandhom ikunu viżibbli anke fid-dawl tal-ġurnata, il-kundizzjoni sodisfaċenti tas-sinjali għandha tkun tista’ tiġi vverifikata mis-sewwieq mis-sit tas-sewwieq. 1.4.5. Meta s-sewwieq jingħata sinjal ta’ twissija ottiku biex jindika li l-LDWS temporanjament mhix disponibbli, pereżempju minħabba kundizzjonijiet tat-temp ħżiena, is-sinjal għandu jkun kostanti. Is-sinjal tat-twissija ta’ nuqqas ta’ funzjonament speċifikat fil-punt 1.4.2. jista’ jintuża għal dan l-għan.

1.5.

Dispożizzjonijiet għal spezzjoni teknika perjodika 1.5.1. Matul spezzjoni teknika perjodika għandu jkun possibbli li jiġi kkonfermat l-istat ta’ tħaddim tajjeb tal-LDWS permezz ta’ osservazzjoni viżibbli tal-istat tas-sinjal ta’ twissija ta’ nuqqas ta’ funzjonament, wara “power-ON” (mitfija – sistema OK, mixgħula – hemm ħsara fis-sistema). Fil-każ ta’ sinjal ta’ twissija ta’ nuqqas ta’ funzjonament li jsir fi spazju komuni, għandu jkun osservat li l-ispazju komuni jkun funzjonali qabel ma jsir il-kontroll tal-istat tas-sinjal tat-twissija ta’ nuqqas ta’ funzjonament. 1.5.2. Fiż-żmien tal-approvazzjoni tat-tip, għandhom ikunu identifikati b’mod kunfidenzjali l-mezzi ta’ protezzjoni kontra modifika sempliċi mhux awtirozzata tat-tħaddim tas-sinjal tat-twissija ta’ nuqqas ta’ funzjonament magħżul mill-manifattur. B’mod alternattiv, dan ir-rekwiżit ta’ protezzjoni jiġi sodisfatt meta jkun disponibbli mezz sekondarju għall-kontroll tal-istat ta’ tħaddim tajjeb tal-LDWS.

2.    Proċeduri tat-test

2.1.

Il-manifattur għandu jipprovdi pakkett ta’ dokumentazzjoni qasira li jagħti aċċess għad-disinn bażiku tas-sistema u, jekk japplika, il-mezzi li bihom dan huwa konness ma’ sistemi oħra fil-vettura. Il-funzjoni tas-sistema għandha tkun spjegata u d-dokumentazzjoni għandha tiddeskrivi kif l-istat ta’ tħaddim tas-sistema huwa kkontrollat, jekk hemmx xi effett fuq sistemi oħra tal-vettura, u l-metodu(i) użat(i) biex ikunu stabbiliti s-sitwazzjonijiet li jistgħu jirriżultaw biex jintwera sinjal ta’ twissija ta’ nuqqas ta’ funzjonament.

2.2.

Kundizzjonijiet tat-test 2.2.1. It-test għandu jitwettaq fuq superfiċje lixxa u xotta tal-asfalt jew konkrit. 2.2.2. It-temperatura tal-ambjent għandha tkun bejn 0 °C u 45 °C. 2.2.3. Marki tal-karreġġata viżibbli 2.2.3.1. Il-marki viżibbli tal-karreġġata użati fit-testijiet tat-twissija tal-ħruġ mill-karreġġata tal-punt 2.6. għandhom ikunu wieħed minn dawk identifikati fl-Appendiċi ma’ dan l-Anness, fejn il-marki għandhom ikunu f’kundizzjoni tajba u ta’ materjal li jikkonforma mal-istandard għal marki viżibbli tal-karreġġata applikat fl-Istat Membru kkonċernat. L-arranġament tal-marki viżibbli tal-karreġġata użati għall-ittestjar għandu jkun irreġistrat. 2.2.3.2. Il-manifattur tal-vettura għandu juri, permezz tal-użu ta’ dokumentazzjoni, li hemm konformità mal-marki l-oħra kollha tal-karreġġata li huma identifikati fl-Appendiċi ma’ dan l-Anness. Kwalunkwe dokumentazzjoni ta’ dan it-tip għandha tinkiteb mar-rapport tat-test. 2.2.3.3. Fejn it-tip tal-vettura jista’ jkun mgħammar b’varjanti differenti tal-LDWS b’aġġustamenti reġjonali speċifiċi, il-manifattur għandu juri permezz ta’ dokumentazzjoni li r-rekwiżiti ta’ dan ir-Regolament huma sodisfatti fil-varjanti kollha. 2.2.4. It-test għandu jitwettaq f’kundizzjonijiet ta’ viżibilità li jippermettu s-sewqan sikur skont il-veloċità mitluba matul it-test.

2.3.

Il-kundizzjonijiet tal-vettura 2.3.1.    Il-piż tat-test Il-vettura tista’ tkun ittestjata fi kwalunkwe kundizzjoni ta’ tagħbija, id-distribuzzjoni tal-massa fuq il-fusien għandha tkun dik iddikjarata mill-manifattur tal-vettura mingħajr ma teċċedi l-massa massima permissibbli għal kull fus. Ma għandha ssir l-ebda bidla ladarba tkun inbdiet il-proċedura tat-test. Il-manifattur tal-vettura għandu juri permezz ta’ dokumentazzjoni li s-sistema taħdem f’kull kundizzjoni ta’ tagħbija. 2.3.2. Il-vettura għandha tkun ittestjata bil-pressjoni tat-tajers kif irrakkomandata mill-manifattur tal-vettura. 2.3.3. Fejn l-LDWS tkun mgħammra b’limitu ta’ twissija li jista’ jkun aġġustat mill-utent, it-test għandu jitwettaq kif speċifikat fil-punt 2.5. bil-limitu tat-twissija stabbilit skont l-issettjar massimu tal-ħruġ mill-karreġġata. Ma għandha ssir l-ebda bidla ladarba tkun inbdiet il-proċedura tat-test.

2.4.	Test ta’ verifika tas-sinjal ta’ twissija ottiku Meta l-vettura tkun stazzjonarja ċċekkja li s-sinjal(i) ottiku(ċi) ta’ twissija jikkonformaw mar-rekwiżiti tal-punt 1.4.3.

2.5.

It-test tat-twissija tal-ħruġ mill-karreġġata 2.5.1. Suq il-vettura b’veloċità ta’ 65 km/s +/- 3 km/s lejn iċ-ċentru tal-karreġġata tat-test mingħajr skossi sabiex il-vettura tibqa’ stabbli. Filwaqt li żżomm il-veloċità preskritta, ħalli l-vettura tmur bil-mod lejn ix-xellug jew lejn il-lemin, b’rata ta’ tluq bejn 0.1 u 0.8 m/s sabiex il-vettura taqsam il-marka tal-karreġġata. Irrepeti t-test b’rata ta’ ħruġ differenti fil-medda ta’ 0.1 u 0.8 m/s. Irrepeti dawn it-testijiet ta’ moviment fid-direzzjoni opposta. 2.5.2. L-LDWS għandha tipprovdi l-indikazzjoni ta’ twissija ta’ ħruġ mill-karreġġata kif imsemmija fil-punt 1.4.1. mhux aktar tard meta l-parti ta’ barra tat-tajer tar-rota ta’ quddiem tal-vettura li tinstab l-eqreb tal-marki tal-karreġġata taqsam linja 0.3 m lil hinn mit-tarf ta’ barra tal-marka tal-karreġġata viżibbli fejn tkun qed tmur il-vettura.

2.6.

It-test ta’ detezzjoni tan-nuqqas ta’ funzjonament 2.6.1. Agħmel simulazzjoni tan-nuqqas ta’ funzjonament tal-LDWS, pereżempju billi tneħħi s-sors tal-enerġija lil kull komponent tal-LDWS jew tneħħi kull konnessjoni elettrika bejn il-komponenti tal-LDWS. Il-konnessjonijiet elettriċi għas-sinjal ta’ twissija tan-nuqqas ta’ funzjonament tal-punt 1.4.2. u l-kontroll tad-diżattivazzjoni tal-LDWS tal-punt 1.3. ma għandhomx ikunu diżattivati waqt simulazzjoni tan-nuqqas ta’ funzjonament tal-LDWS. 2.6.2. Is-sinjal tat-twissija ta’ nuqqas ta’ funzjonament imsemmi fil-punt 1.4.2. għandu jkun attivat u jibqa’ attivat waqt li tkun qed tinsaq il-vettura, u jerġa’ jkun attivat wara startjar sussegwenti f’ċiklu “off” - “on” sakemm jibqa’ jeżisti n-nuqqas ta’ funzjonament simulat.

2.7.

It-Test tad-Diżattivazzjoni 2.7.1. Jekk il-vettura hija mgħammra b’mezzi għad-diżattivazzjoni tal-LDWS, dawwar is-swiċċ tal-istartjar (start) għal pożizzjoni “on” (ħidma) u itfi l-LDWS. Is-sinjal ta’ twissija msemmi fil-punt 1.3.2. għandu jkun attivat. Dawwar is-swiċċ tal-istartjar (start) għall-pożizzjoni “off”. Għal darba oħra, erġa’ dawwar is-swiċċ tal-istartjar (start) għall-poizzjoni “on” (ħidma) u vverifika li s-sinjal ta’ twissija li kien attivat qabel issa ma reġax xegħel, biex b’hekk jindika li l-LDWS reġgħet ġiet installata kif speċifikat fil-punt 1.3.1. Jekk is-sistema ta’ startjar hija attivata permezz ta’ “ċavetta”, dan ir-rekwiżit għandu jkun sodisfatt mingħajr ma titneħħa ċ-ċavetta.

▼C1

---

Appendiċi

Identifikazzjoni tal-marki tal-karreġġata viżibbli

Tabella 1

Marki viżibbli tal-karreġġata identifikati

---

( 1 ) ĠU L 200, 31.7.2009, p. 1.

( 2 ) ĠU L 263, 9.10.2007, p. 1.

( 3 ) Jekk il-mezz ta’ identifikazzjoni tat-tip fih karattri mhux rilevanti biex jiddeskrivu t-tip tal-vettura, komponenti jew unità teknika separata koperti minn dan id-dokument ta’ informazzjoni, dawn il-karattri għandhom jiġu rrappreżentati fid-dokumentazzjoni bis-simbolu “?” (pereżempju ABC??123??).

( 4 ) Ikklassifikati skont id-definizzjonijiet stabbiliti fil-Parti A tal-Anness II mad-Direttiva 2007/46/KE.

( 5 ) Ħassar fejn mhux applikabbli (jeżistu każijiet fejn xejn ma jkun jeħtieġ jitħassar fejn tkun applikabbli aktar minn annotazzjoni waħda)

( 6 ) Meta hemm verżjoni waħda b’kabina normali u oħra b’kabina tal-irqad, iż-żewġ gruppi ta’ mases u dimensjonijiet għandhom jiġu ddikjarati

( 7 ) Standard ISO 612: 1978 – Vetturi tat-triq – Dimensjonijiet tal-vetturi bil-mutur u vetturi rmonkati – kundizzjonijiet u definizzjonijiet.

( 8 ) 

(g1)   

( 9 ) 

( 10 ) 

( 11 ) ĠU L 233, 25.8.1997, p. 1.

( 12 ) 

( 13 ) Il-massa tas-sewwieq u, jekk applikabbli, tal-membru tal-ekwipaġġ hija valutata 75 kg (sottodiviża f’68 kg massa tal-okkupanti u 7 g massa tal-bagalji skont l-Istandard ISO 2416 – 1992), it-tank tal-karburant ikun mimli sa 90 u s-sistemi l-oħra li jkun fihom likwidu (ħlief dawk għal ilma użat) ikunu mimlija sa 100 tal-kapaċità speċifikata mill-manifattur.

( 14 ) Fir-rigward ta’ trejlers, il-veloċità massima permessa mill-manifattur.

( 15 ) Ħassar fejn ma japplikax.

( 16 ) Jekk il-mezz ta’ identifikazzjoni tat-tip fih karattri mhux rilevanti biex jiddeskrivu t-tip tal-vettura, komponenti jew unità teknika separata koperti minn dan id-dokument ta’ informazzjoni, dawn il-karattri għandhom jiġu rrappreżentati fid-dokumentazzjoni bis-simbolu “?” (pereżempju ABC??123??).

( 17 ) Kif definit fit-Taqsima A mal-Anness II mad-Direttiva 2007/46/KE.

( 18 ) ĠU L 116, 8.5.2010, p. 1.