Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006R0400R(01)

400/2006/KE: Rettifika għar-Regolament tal-Kummissjoni (KE) Nru 400/2006 tat- 8 ta' Marzu 2006 li jikkonċerna l-klassifikazzjoni ta’ ċerti oġġetti fin-Nomenklatura Magħquda ( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )

HL L 84M., 2009.3.31, p. 295–297 (MT)

ELI: http://data.europa.eu/eli/reg/2006/400/corrigendum/2009-03-31/oj

Date of document:
31/03/2009
Author:
Európai Bizottság
Form:
Rendelet Helyesbítés
Link
Link
Link
Select all documents mentioning this document
Modifies:
Relation Act Comment Subdivision concerned From To
Corrigendum to 32006R0400 (MT)
Link

31.3.2009   

MT

Il-Ġurnal Uffiċjali tal-Unjoni Ewropea

L NaN/295

Rettifika għar-Regolament tal-Kummissjoni (KE) Nru 400/2006 tat-8 ta' Marzu 2006 li jikkonċerna l-klassifikazzjoni ta’ ċerti oġġetti fin-Nomenklatura Magħquda

( Il-Ġurnal Uffiċjali tal-Unjoni Ewropea L 348 M, tal-24 ta' Diċembru 2008 )

Ir-Regolament tal-Kummissjoni (KE) Nru 400/2006 għandu jaqra:

REGOLAMENT TAL-KUMMISSJONI (KE) Nru 400/2006

tat-8 ta' Marzu 2006

li jikkonċerna l-klassifikazzjoni ta’ ċerti oġġetti fin-Nomenklatura Magħquda

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta' Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni tad-Dwana (1) b’mod partikulari l-Artikolu 9(1)(a) tiegħu,

Billi:

(1)

Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness għal dan ir-Regolament.

(2)

Ir-Regolament (KEE) Nru 2658/87 jistipula r-regoli ġenerali għall-interpretazzjoni tan-Nomenklatura Magħquda. Dawk ir-regoli japplikaw ukoll għal kwalunkwe nomenklatura oħra li hija bbażata, totalment jew parzjalment fuq in-Nomenklatura Magħquda jew li żżid magħha kwalunkwe subdiviżjoni addizzjonali u li hija stabbilita permezz ta’ dispożizzjonijiet Komunitarji speċifiċi, bil-ħsieb li jiġu applikati tariffi u miżuri oħrajn li għandhom x'jaqsmu mal-kummerċ tal-oġġetti.

(3)

Skont dawk ir-regoli ġenerali, l-oġġetti deskritti fil-kolonna 1 tat-tabella mniżżla fl-Anness għal dan ir-Regolament għandhom jiġu kklassifikati taħt il-kodiċijiet tan-NM indikati fil-kolonna 2, bis-saħħa tar-raġunijiet mniżżla fil-kolonna 3 ta' dik it-tabella.

(4)

Huwa xieraq li ssir dispożizzjoni li informazzjoi tariffarja vinkolanti li tkun inħarġet mill-awtoritajiet doganali tal-Istati Membri fir-rigward tal-klassifikazzjoni tal-oġġetti fin-Nomenklatura Magħquda, iżda li mhiex skont dan ir-Regolament tista', għal perjodu ta' tliet xhur, tkompli tkun invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta' Ottubru 1992 li jistabbilixxi l-Kodiċi Doganali tal-Komunità (2).

(5)

Il-miżuri pprovduti f'dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna 1 tat-tabella mniżżla fl-Anness għandhom ikunu kklassifikati fi ħdan in-Nomenklatura Magħquda taħt il-kodiċijiet tan-NM indikati fil-kolonna 2 ta' dik it-tabella.

Artikolu 2

Informazzjoni tariffarja vinkolanti maħruġa mill-awtoritajiet doganali tal-Istati Membri, li mhiex skont dan ir-Regolament, tista' tkompli tkun invokata għal perjodu ta' tliet xhur skont l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 8 ta' Marzu 2006.

Għall-Kummissjoni

László KOVÁCS

Membru tal-Kummissjoni

ANNESS

Id-deskrizzjoni tal-oġġetti

Il-klassifikazzjoni

(Il-kodiċi tan-NM)

Ir-raġunijiet

(1)

(2)

(3)

1.

Sett imtella’ għall-bejgħ bl-imnut li jikkonsisti minn:

—

Apparat diġitali li jinġarr għar-rekordjar u għar-riproduzzjoni tal-ħoss li jaħdem bil-batteriji, u li għandu l-komponenti li ġejjin f’unità waħda: Sistema elettronika ta' sinjalazzjoni li għandha konvertitur diġitali/analogu, memorja flash, buttuni tal-kontroll, kompartament għall-batterija, plakka għall-USB u konnettur għall-kuffji tar-ras;

—

Riċevitur tax-xandir tar-radju li jaħdem bil-batteriji, li għandu l-earphones b'kejbil għall-konnessjoni,

—

Kejbil tal-USB,

—

CD-ROM u

—

manwal.

L-apparat diġitali għar-rekordjar u għar-ripproduzzjoni tal-ħoss jirrekordja l-ħoss fil-format MP3 u jista' jiġi konness ma' makkinarju awtomatiku li jipproċessa d-dejta permezz ta' USB port sabiex wieħed iniżżel jew itella’ l-MP3 jew formati oħrajn. Jista’ wkoll jirrekordja l-leħen.

Il-kapaċità ta' ħżin hija ta' 128 MB.

Ir-riċevitur għax-xandir tar-radju jista' jaħdem waħdu.

8520 90 00

Il-klassifikazzjoni hija determinata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda kif ukoll bil-kliem tal-Kodiċijiet tan-NM 8520 u 8520 90 00.

L-apparat diġitali għar-rekordjar u għar-riproduzzjoni tal-ħoss jagħti lis-sett kollu l-karattru essenzjali tiegħu.

2.

Apparat li jinġarr u jaħdem bil-batteriji għar-riċeviment tax-xandir tar-radju kkombinat fl-istess unità mal-apparat għar-rekordjar u għar-riproduzzjoni tal-ħoss. Dan fih l-elementi li ġejjin:

—

memorja flash,

—

Mikroproċessur fl-għamla ta' ċirkuwiti integrati (ċipep),

—

Sistema elettronika, inkluż amplifikatur tal-awdjo-frekwenza,

—

display LCD,

—

tuner tar-radju u

—

buttuni tal-kontroll.

Il-mikroproċessur huwa programmat għall-użu tal-format MP3.

L-apparat fih konnetturi sterjo għall-kuffji tar-ras u tal-widna kif ukoll konnettur għall-kontroll remot.

Jista’ jiġi konness ma’ makkinarju awtomatiku għall-ipproċessar tad-dejta permezz ta’ USB port sabiex wieħed ikun jista' jniżżel jew itella’ l-MP3 jew formati oħra.. Jista’ wkoll jirrekordja l-leħen.

Il-kapaċità ta' ħżin hija ta' 128 MB.

8527 13 99

Il-klassifikazzjoni hija determinata mir-Regoli Ġenerali 1 u 6 għall-interpretazzjoni tan-Nomenklatura Magħquda, u bil-kliem tal-kodiċijiet tan-NM 8527, 8527 13 u 8527 13 99.

Il-klassifikazzjoni hija bbażata fuq il-kliem tal-intestatura 8527; apparat ta' riċeviment għax-xandir tar-radju kemm jekk huwa kkombinat fl-istess unità, ma’ apparat għar-rekordjar jew għar-riproduzzjoni tal-ħoss u kemm jekk mhux.

3.

Karretta tal-golf bil-mutur, bi frejm tubulari tal-aluminju, fuq ir-roti, b'siġġu għall-użu meta l-karretta ma tkunx miexja u manubriju. Huwa makkinarju kontrollat min-nies miexja.

Il-mekkaniżmu ta' kontrolli li jħaddem il-karretta tal-golf jinsab fuq il-manubriju.

Il-karretta tal-golf għandha veloċità massima ta' 6,5 km/h u hija mgħammra b'mutur ta' 24 volts li jaħdem bil-batterija.

Hija ddisinjata biex iġġorr basket wieħed bil-bsaten tal-golf.

(Ara r-ritratt) (3)

8704 90 00

Il-klassifikazzjoni hija determinata mir-Regoli Ġenerali 1 u 6 għall-interpretazzjoni tan-Nomenklatura Magħquda, u l-kliem tal-kodiċijiet tan-NM 8704 u 8704 90 00.

Il-karretta tal-golf tħalliet barra mill-intestatura 8703 għax ma tistax iġġorr persuna.

Barra minn hekk, tħalliet barra mill-intestatrua 8709 għax mhix tat-tip li tintuża fil-fabbriki, fl-imħażen, fiż-żoni tal-baċiri jew fl-ajruporti għall-ġarr tal-oġġetti f'distanza qasira.

L-użu ewlieni tagħha hu ta' vettura li tintuża fuq il-korsa tal-golf biex iġġorr il-basktijiet tal-golf.

4.

Apparat multifunzjonali li kapaċi jwettaq il-funzjonijiet li ġejjin:

—

skannjar

—

stampar bil-lażer,

—

ikkuppjar bil-lażer (proċess indirett).

L-apparat, li fih bosta trejs li jieħdu l-karti, huwa kapaċi jirriproduċi sa 40 karta A4 kull minuta.

L-apparat jaħdem jew waħdu (bħala kopjatur) jew flimkien ma' makkinarju awtomatiku li jipproċessa d-dejta jew f'netwerk (bħala stampatur, skanner jew kopjatur).

9009 12 00

Il-klassifikazzjoni hija determinata mir-Regoli Ġenerali 1, 3(c) u 6 għall-interpretazzjoni tan-Nomenklatura Magħquda, Nota 5(E) tal-Kapitolu 84 u bil-kliem tal-kodiċijiet tan-NM 9009 u 9009 12 00.

L-apparat għandu bosta funzjonijiet u l-ebda waħda mhi meqjusa li tagħti lill-prodott il-karattru essenzjali tiegħu.

Image

(1)  ĠU L 256, 7.9.1987, p. 1. Ir-Regolament kif emendat l-aħħar bir-Regolament (KE) Nru 267/2006 (ĠU L 47, 17.2.2006, p. 1).

(2)  ĠU L 302, 19.10.1992, p. 1. Ir-Regolament kif emendat l-aħħar bir-Regolament (KE) Nru 648/2005 tal-Parlament Ewropew u tal-Kunsill (ĠU L 117, 4.5.2005, p. 13).

(3)  Ir-ritratt huwa purament għall-informazzjoni.

Top