Misean an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA)
ACHOIMRE AR:
Cinneadh (CBES) 2016/610 ón gComhairle maidir le Misean CBSC an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA)
CAD IS AIDHM LEIS AN GCINNEADH?
Fógraítear leis an gcinneadh misean oiliúna míleata de chuid chomhbheartas slándála agus cosanta an Aontais Eorpaigh (AE) chun cur le hathchóiriú na hearnála cosanta laistigh de Phoblacht na hAfraice Láir mar chuid de phróiseas athchóirithe na hearnála slándála arna chomhordú ag Misean Ilghnéitheach Comhtháite Cobhsúcháin na Náisiún Aontaithe i bPoblacht na hAfraice Láir (MINUSCA).
PRÍOMHPHOINTÍ
An misean reatha
Agus é ag oibriú i dtreo na sprice maidir le Fórsaí Armtha na hAfraice Láir, a bheidh nua–aimseartha, éifeachtach agus freagrach go daonlathach, le Misean an Aontais Eorpaigh le haghaidh Oiliúint Mhíleata i bPoblacht na hAfraice Láir (EUTM RCA) déanfar an méid seo a leanas:
- soláthrófar comhairle straitéiseach d’Aireacht Cosanta Phoblacht na hAfraice Láir agus d’fhoireann ghinearálta Fhórsaí Armtha na hAfraice Láir d’fhonn fórsaí slándála cumasach faoi rialú daonlathach a chruthú;
- cuirfear oideachas ar Fhórsaí Armtha na hAfraice Láir i réimsí neamhoibríochtúla, lena n–áirítear cearta an duine, an dlí daonnúil idirnáisiúnta agus caighdeáin idirnáisiúnta maidir le saincheisteanna inscne;
- tabharfar cosaint do shibhialtaigh, do chlár na Náisiún Aontaithe maidir le mná, an tsíocháin agus an tslándáil, agus don chlár oibre maidir le leanaí agus coinbhleacht armtha;
- tabharfar comhairle d’fhorais oiliúna oifigigh Fhórsaí Armtha na hAfraice Láir maidir le córas oideachais le haghaidh ceannaireacht chumasach a chruthú;
- cuirfear oiliúint ar Fhórsaí Armtha na hAfraice Láir, má chinneann Coiste Polaitiúil agus Slándála an Aontais (PSC) go gcomhlíontar na coinníollacha;
- tabharfar tacaíocht d’iarrachtaí luachanna an Aontais a chothú, gníomhaíocht an Aontais a chur chun cinn agus sáruithe ar chearta an duine agus an dlí daonnúil idirnáisiúnta agus mí–úsáid astu ag fórsaí eachtracha i bPoblacht na hAfraice Láir a nochtadh;
- soláthrófar aineolas maidir le slándáil agus an smacht reachta do thoscaireacht an Aontais Eorpaigh chuig Poblacht na hAfraice Láir;
- soláthrófar tacaíocht leanúnach chomhtháite do rialtas agus d’fhórsaí slándála Phoblacht na hAfraice Láir i gcomhar le Misean Comhairleach AE i bPoblacht na hAfraice Láir (EUAM RCA) agus i gcomhlachtaí idirnáisiúnta eile, go háirithe Misean Ilghnéitheach Comhtháite Cobhsúcháin na Náisiún Aontaithe i bPoblacht na hAfraice Láir.
Ceannasaí agus ceanncheathrú misin an Aontais Eorpaigh
- Ceaptar Stiúrthóir an Chumais Mhíleata Pleanála agus Seolta (MPCC) mar Cheannasaí Mhisean EUTM RCA.
- Is é an MPCC an struchtúr statach ceannais agus rialaithe ar an leibhéal míleata straitéiseach lasmuigh den réimse oibríochtaí atá freagrach as pleanáil agus stiúradh oibríochtúil EUTM RCA.
- Tá ceanncheathrú fhórsa an mhisin lonnaithe in Bangui agus feidhmíonn sé faoi cheannas Cheannasaí Fhórsa an Mhisin.
- Tá cill tacaíochta sa Bhruiséil sa MPCC go dtí go sroichfidh sé a chumas iomlán oibriúcháin.
Rialú polaitiúil, stiúradh straitéiseach agus treoir mhíleata
Tíortha nach tíortha den Aontas Eorpach iad
Féadfar cuireadh a thabhairt do thíortha nach tíortha den Aontas Eorpach iad páirt a ghlacadh sa mhisean. Beidh na cearta agus na hoibleagáidí céanna ag tíortha a thugann cuidiú suntasach míleata ó thaobh bhainistíocht laethúil an mhisin de agus atá ag na Ballstáit a bhfuil páirt á glacadh acu sa mhisean.
Cill an tionscadail
Tá ceall tionscadail ag EUTM RCA chun tionscadail a shainaithint agus a chur chun feidhme, arna maoiniú ag an Aontais, ag na Ballstáit nó ag tíortha rannpháirteacha nach tíortha den Aontas Eorpach iad, atá comhsheasmhach lena chuspóirí agus a chuireann leis an misean.
CÉN UAIR ATÁ TOSACH FEIDHME AN CHINNIDH?
Tháinig an cinneadh lenar seoladh an misean i bhfeidhm an 19 Aibreán 2016. Faoi réir measúnú straitéiseach a dhéanfaidh an Coiste Polaitiúil agus Slándála tráth nach déanaí ná Márta 2024, críochnóidh EUTM RCA an 19 Meán Fómhair 2024.
CÚLRA
Le haghaidh tuilleadh faisnéise, féach:
PRÍOMHDHOICIMÉAD
Cinneadh (CBES) 2016/610 ón gComhairle an 19 Aibreán 2016 maidir le Misean Míleata Oiliúna CBSC an Aontais Eorpaigh i bPoblacht na hAfraice Láir (EUTM RCA) (IO L 104, 20.4.2016, lgh. 21–26).
Ionchorpraíodh sa bhuntéacs leasuithe i ndiaidh a chéile ar Chinneadh (CBES) 2016/610. Níl de luach ar an leagan comhdhlúite seo ach luach doiciméadach amháin.
DOICIMÉID GHAOLMHARA
Cinneadh (CBES) 2021/509 ón gComhairle an 22 Márta 2021 lena mbunaítear Saoráid Síochána Eorpach, agus lena n-aisghairtear Cinneadh (CBES) 2015/528 (IO L 102, 24.3.2021, lgh. 14–62).
Féach an leagan comhdhlúite.
Nuashonraithe 20.10.2023