Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

  • Archived: true

    • Comhar idir tíortha AE ar mhaithe le cosaint tomhaltóirí

     

    ACHOIMRE AR:

    Rialachán (CE) Uimh. 2006/2004 maidir le comhar idir údaráis náisiúnta atá freagrach as dlíthe cosanta tomhaltóirí a chur i bhfeidhm

    CAD É IS AIDHM LEIS AN RIALACHÁN?

    • Leagtar amach leis gréasán ar fud AE d’údaráis atá freagrach as monatóireacht a dhéanamh ar chur i bhfeidhm dlíthe cosanta tomhaltóirí.
    • Tá feidhm aige maidir le sáruithe trasteorann ar an dlí tomhaltóirí a dhéantar in AE amháin.
    • Déanfar é a aisghairm le Rialachán (AE) 2017/2394 (Comhar idir údaráis náisiúnta atá freagrach as dlíthe cosanta tomhaltóirí) agus cuirfear an Rialachán sin ina ionad ón 17 Eanáir 2020.

    PRÍOMHPHOINTÍ

    Comhair idir údaráis i dtíortha AE

    Ainmníonn gach tír AE an t–údarás náisiúnta a bheidh freagrach as dlíthe um chosaint tomhaltóirí a fhorfheidhmiú, a ghlacfaidh páirt sa ghréasán um chomhar forfheidhmiúcháin. I ngach tír, áirithíonn oifig idirchaidrimh aonair comhordú idir na húdaráis náisiúnta.

    Leis an ngréasán féadfaidh údaráis náisiúnta faisnéis a mhalartú agus comhoibriú lena gcomhghleacaithe i dtíortha eile AE chun bac a chur ar sháruithe ar an dlí tomhaltóirí.

    Cumhdaítear sa rialachán cásanna a bhaineann le comhleasanna tomhaltóirí agus éascaítear leis comhoibriú idir údaráis chun bac a chur ar sháruithe ar an dlí tomhaltóirí i gcás go bhfuil an gnólacht agus an tomhaltóir lonnaithe i dtíortha éagsúla.

    Tá ceanglais faisnéise i gCinneadh 2007/76/CE, mar shampla an t–íosmhéid faisnéise a chaithfear a sholáthar i gcúnamh frithpháirteach* agus i bhfoláirimh, na tréimhsí ama nach mór cloí leo, rochtain ar fhaisnéis agus úsáid teangacha.

    Tá feidhm ag comhar idir údaráis náisiúnta maidir le reachtaíocht tomhaltóirí ina gclúdaítear, mar shampla:

    Cúnamh frithpháirteach agus gníomhaíochtaí AE

    Féadfaidh gach údarás cúnamh a iarraidh ó bhaill eile den ghréasáin chun imscrúdú a dhéanamh agus stop a chur le sáruithe féideartha ar chearta tomhaltóirí.

    Lena chois sin, chun bac a chur ar sháruithe a tharlaíonn ag an am céanna i roinnt tíortha AE nó i ngach tír AE, féadfaidh na húdaráis an méid seo a leanas a dhéanamh:

    • gníomhaíochtaí comhpháirteacha a dhéanamh amhail “scuab-imscrúduithe”*, a bhaineann le scagadh ar fud AE ar láithreáin ghréasáin earnála faoi leith (aerthicéid, ráthaíochtaí earraí leictreonacha tomhaltóirí, áirithintí taistil, trédhearcacht praghsanna, etc.) faoi oibríocht bhliantúil faoi stiúir an Choimisiúin Eorpaigh;
    • glacadh le cuir chuige chomhpháirteacha, i gcomhar leis an gCoimisiún, maidir le dlíthe cosanta tomhaltóirí a chur i bhfeidhm i ndáil le fadhb áirithe.

    Na chéad chinn de na gníomhaíochtaí comhordaithe* sin atá clúdaithe i gceannacháin ionaipe i gcluichí ar líne.

    CÉN UAIR ATÁ TOSACH FEIDHME AN RIALACHÁIN?

    Tá feidhm leis ón 29 Nollaig 2005 seachas na rialacha maidir le cúnamh frithpháirteach atá i bhfeidhm ón 29 Nollaig 2006.

    CÚLRA

    Le haghaidh tuileadh faisnéise, féach:

    PRÍOMHTHÉARMAÍ

    Cúnamh frithpháirteach: féadfaidh údarás inniúil i dtír ina bhfuil sárú á dhéanamh ar chearta tomhaltóirí a iarraidh ar a chomhghleacaí sa tír ina bhfuil an trádálaí bunaithe faisnéis a sholáthar maidir le sárú líomhnaithe nó beart a dhéanamh chun bac a chur ar an sárú dlí sin.
    Scuab-imscrúdú: tacar seiceálacha a dhéantar ar láithreáin ghréasáin ag an am céanna chun sáruithe ar dhlí tomhaltóirí AE in earnáil faoi leith a shainaithint. Comhordaíonn an Coimisiún Eorpach na scuab-imscrúduithe agus déanann údaráis náisiúnta forfheidhmiúcháin sna tíortha rannpháirteacha iad go comhuaineach.
    Gníomhaíochtaí comhordaithe: cur chuige coiteann na húdaráis forfheidhmithe náisiúnta maidir leis an dlí um chosaint tomhaltóirí a chur i bhfeidhm chun dul i ngleic le sáruithe ar fud na hEorpa ar an dlí tomhaltóirí. Tacaíonn an Coimisiún Eorpach leis na gníomhaíochtaí sin.

    PRÍOMHDHOICIMÉAD

    Rialachán (CE) Uimh. 2006/2004 ó Pharlaimint na hEorpa agus ón gComhairle an 27 Deireadh Fómhair 2004 maidir le comhar idir údaráis náisiúnta atá freagrach as dlíthe cosanta tomhaltóirí a fhorfheidhmiú (an Rialachán maidir le comhar ar mhaithe le cosaint tomhaltóirí) (IO L 364, 9.12.2004, lgh. 1-11)

    Rinneadh leasuithe comhleanúnacha ar Rialachán (CE) Uimh. 2006/2004 a chorprú sa bhundoiciméad. Níl de luach ar an leagan comhdhlúite seo ach luach doiciméadach amháin.

    DOICIMÉID GHAOLMHARA

    Rialachán (AE) 2017/2394 ó Pharlaimint na hEorpa agus ón gComhairle an 12 Nollaig 2017 maidir le comhar idir na húdaráis náisiúnta atá freagrach as dlíthe cosanta tomhaltóirí a fhorfheidhmiú agus lena n–aisghairtear Rialachán (CE) Uimh. 2006/2004 (IO L 345, 27.12.2017, lgh. 1-26)

    Féach an leagan comhdhlúite.

    Cinneadh 2007/76/CE ón gCoimisiún an 22 Nollaig 2006 lena gcuirtear chun feidhme Rialachán (CE) Uimh. 2006/2004 ó Pharlaimint na hEorpa agus ón gComhairle an 12 Nollaig 2017 maidir le comhar idir údaráis náisiúnta atá freagrach as na dlíthe um chosaint tomhaltóirí a fhorfheidhmiú i ndáil le cúnamh frithpháirteach (IO L 32, 6.2.2007, lgh. 192-197)

    Féach an leagan comhdhlúite.

    Nuashonraithe 11.06.2019

    Top