Reachtaíocht um chineálcheadú AE maidir le tarraingt siar na Ríochta Aontaithe (1)

 

ACHOIMRE AR:

Rialachán (AE) 2019/26 — lena gcomhlánaítear reachtaíocht maidir le cineálcheadú an Aontais Eorpaigh i ndáil le tarraingt siar na Ríochta Aontaithe (1) ón Aontas Eorpach

CAD IS AIDHM LEIS AN RIALACHÁN?

Bunaítear leis rialacha úra chun aistriú réidh a áirithiú maidir le cineálcheadú* mótarfheithiclí, chomh maith le córas, comhpháirteanna agus aonad teicniúil ar leithligh atá beartaithe do na feithiclí sin, nuair a fhágfaidh an Ríocht Aontaithe (1) an tAontas Eorpach.

PRÍOMHPHOINTÍ

Comhthéacs dlíthiúil

• Faoi dhlí AE, tá ceadú cineáil feithicle i dtír amháin AE bailí ar fud AE gan gá le tuilleadh tástálacha agus athdheimhniú i dtíortha eile AE.
• I ndiaidh tharraingt siar na Ríochta Aontaithe (1) ó AE (nó ag deireadh na hidirthréimhse, má dhaingneofar an Comhaontú um Tharraingt Siar), ní bheidh údarás um chineálcheadú na Ríochta Aontaithe (1) ina údarás náisiúnta thír AE a thuilleadh.
• Dá réir sin, gan comhaontú maidir le caidreamh úr idir an dá pháirtí, ní fhéadfaidh monaróirí feithiclí a chur ar mhargadh an 27 tír AE atá fágtha (AE-27) a thuilleadh ar bhonn an chineálcheadaithe a dheonaítear in AE.

Cineálcheadú AE-27

• Féadfaidh monaróirí iarratas a dhéanamh chuig údarás um chineálcheadú AE-27 le haghaidh na gcineálacha a cheadaigh údarás na Ríochta Aontaithe (1) roimhe seo.
• Ní mór do mhonaróirí:
  • táillí a íoc don údarás um chineálcheadú AE as a fheidhmeanna agus a dhualgais a dhéanamh;
  • doiciméid agus faisnéis a sholáthar d’údarás AE má iarrtar é sin.

Coinníollacha maidir le ceadú

• Ní mór don chineál cloí leis na rialacha maidir le feithiclí úra, comhpháirteanna nó aonaid theicniúla is infheidhme a chur ar an margadh, a chlárú nó a chur i seirbhíse nuair a thiocfaidh cineálcheadú AE i bhfeidhm.
• Féadfar cineálcheadú a dheonú ar bhonn na dtuairiscí tástála céanna a úsáidtear chun cineálcheadú na Ríochta Aontaithe (1) a dheonú i gcomhréir leis na rialacha is infheidhme, beag beann ar cibé an ndearna tír AE a dheonaigh cineálcheadú AE an tseirbhís theicniúil a d’eisigh an tuairisc thástála a ainmniú nó nach ndearna nó ar thug sí fógra di nó nár thug.
• Féadfaidh údarás AE a iarraidh go ndéanfaí na tástálacha faoi leith arís. Ní mór seirbhís theicniúil a d’aimnigh an t–údarás sin agus ar chuir an t–údarás sin fógra chuici iad sin a dhéanamh.
• Tiocfaidh cineálcheadú AE i bhfeidhm an lá a dheonófar é mura sonraítear a mhalairt. Tiocfaidh cineálcheadú na Ríochta Aontaithe (1) chun bheith neamhbhailí an lá roimhe an lá a thiocfaidh cineálcheadú AE i bhfeidhm.
  • I gcás ar bith, tiocfaidh cineálcheadú na Ríochta Aontaithe (1) chun bheith neamhbhailí ar a dhéanaí an lá a thiocfaidh deireadh le feidhm a bheith ag reachtaíocht um chineálcheadú AE maidir leis an Ríocht Aontaithe (1) agus sa Ríocht Aontaithe (1).

Údarás um chineálcheadú AE

• Ón am sin a thiocfaidh cineálcheadú AE i bhfeidhm, beidh údarás AE lena mbaineann freagrach as feithiclí, córais, comhpháirteanna agus aonaid theicniúla ar leithligh a monaraíodh ar bhonn chineálcheadú na Ríochta Aontaithe (1) agus a chuirfear nó a bheidh le cur ar an margadh, a chlárú nó a chur i seirbhís in AE.
• Ní mór don mhonaróir chomh maith a iarraidh go nglacfaidh údarás AE lena mbaineann oibleagáidí údarás um chineálcheadú na Ríochta Aontaithe (1) i ndáil le feithiclí, córais, comhpháirteanna nó aonaid theicniúla ar leithligh de chuid an mhonaróra a cuireadh ar an margadh, a cláraíodh nó a cuireadh i seirbhísí in AE ar bhonn chineálcheadú na Ríochta Aontaithe (1) atá tagtha chun bheith neamhbhailí, nó nach lorgaíodh cineálcheadú AE ar bith ina leith faoin rialachán seo.
• Ní mór an t–iarratas sin a dhéanamh maidir le gach feithicil, gach córas, gach comhpháirt agus gach aonad teicniúil ar leithligh atá bunaithe ar chineálcheadú na Ríochta Aontaithe (1) i seilbh an mhonaróra a deonaíodh i ndiaidh an 1 Eanáir 2008 mura rud é go bhféadfaidh an monaróir cruthúnas a sholáthar ar chomhaontú le húdarás eile um chineálcheadú AE a chlúdaíonn na feithiclí, na córais, na comhpháirteanna nó na haonaid theicniúla ar leithligh sin.
• Níl údarás AE freagrach as gníomhartha nó neamhghníomhartha de chuid údarás na Ríochta Aontaithe (1).

CÉN UAIR ATÁ TOSACH FEIDHME AN RIALACHÁIN?

Tá feidhm leis ón 13 Eanáir 2019.

CÚLRA

• Ghlac AE rialacha sonracha maidir le cineálcheadú agus faireachas margaidh le haghaidh feithiclí talmhaíochta agus foraoiseachta, chomh maith le feithiclí 2 agus 3 roth agus cuadrothair.

PRÍOMHTHÉARMAÍ

PRÍOMHDHOICIMÉAD

Rialachán (AE) 2019/26 ó Pharlaimint na hEorpa agus ón gComhairle an 8 Eanáir 2019 lena gcomhlánaítear reachtaíocht maidir le cineálcheadú an Aontais i ndáil le tarraingt siar na Ríochta Aontaithe (1) ón Aontas (IO L 8I, 10.1.2019, lgh. 1-7). Téacs arna athfhoilsiú mar cheartúchán (IO L 851, 27.3.2019, lgh. 69-71)

DOICIMÉID GHAOLMHARA

Rialachán (AE) 2016/1628 ó Pharlaimint na hEorpa agus ón gComhairle an 14 Meán Fómhair 2016 maidir le ceanglais a bhaineann le teorainneacha astaíochtaí le haghaidh truailleáin ghásacha agus cháithníneacha agus cineálcheadú i dtaca le hinnill dócháin inmheánaigh le haghaidh innealra soghluaiste nach innealra bóthair é, lena leasaítear Rialachán (AE) Uimh. 1024/2012 agus Rialachán (AE) Uimh. 167/2013, agus lena leasaítear agus lena n–aisghairtear Treoir 97/68/CE (IO L 252, 16.9.2016, lgh. 53-117)

Treoir 2007/46/CE ó Pharlaimint na hEorpa agus ón gComhairle an 5 Meán Fómhair 2007 lena mbunaítear creat le haghaidh mótarfheithiclí agus a leantóirí, agus córais, comhpháirteanna agus aonaid theicniúla ar leithligh atá beartaithe d’fheithiclí den sórt sin (Creat-Treoir) (IO L 263, 9.10.2007, lgh. 1-160)

Rinneadh leasuithe comhleanúnacha ar Threoir 2007/46/CE a chorprú sa bhuntéacs. Níl de luach ar an leagan comhdhlúite seo ach luach doiciméadach amháin.

Rialachán (AE) Uimh. 167/2013 ó Pharlaimint na hEorpa agus ón gComhairle an 5 Feabhra 2013 maidir le ceadú agus faireachas margaidh feithiclí talmhaíochta agus foraoiseachta (IO L 60, 2.3.2013, lgh. 1-51)

Féach an leagan comhdhlúite.

Rialachán (AE) Uimh. 168/2013 ó Pharlaimint na hEorpa agus ón gComhairle an 15 Eanáir 2013 maidir le ceadú agus le faireachas margaidh ar fheithiclí dhá nó trí roth agus cuadrothair (IO L 60, 2.3.2013, lgh. 52-128)

Féach an leagan comhdhlúite.

Nuashonraithe 16.05.2019

---

(1) Tharraing an Ríocht Aontaithe siar as an Aontas Eorpach agus rinneadh tríú tír (tír neamh-AE) di ón 1 Feabhra 2020.