14.12.2012   

GA

Iris Oifigiúil an Aontais Eorpaigh

L NaN/1

(1)

I gCás C-249/10 P (2), rialaigh an Chúirt Bhreithiúnais nach bhféadfar an teicníc samplála dá bhforáiltear in Airteagal 17 de Rialachán (CE) Uimh. 1225/2009 (3) a chur chun feidhme chun críocha éilimh a chinneadh maidir le cóir gheilleagair mhargaidh atá le déanamh de bhun fhomhír (c) d’Airteagal 2(7) den Rialachán sin.

(2)

Chuirfeadh an rialú ón gCúirt Bhreithiúnais de cheangal ar an gCoimisiún go scrúdódh sé na héilimh go léir ar chóir gheilleagair mhargaidh a dhéanfadh táirgeoirí onnmhairiúcháin comhoibríocha nach n-áirítear sa sampla iad a chur isteach, bíodh líon na dtáirgeoirí comhoibríocha mór nó beag. Chuirfeadh an cleachtas sin ualach díréireach ar údaráis imscrúdúcháin an Aontais, áfach. Is iomchuí, dá bhrí sin, Rialachán (CE) Uimh. 1225/2009 a leasú.

(3)

Thairis sin, ceadaítear úsáid na teicníce samplála dá bhforáiltear in Airteagal 17 de Rialachán (CE) Uimh. 1225/2009 chun críocha éilimh a chinneadh maidir le cóir gheilleagair mhargaidh de bhun fhomhír (c) d’Airteagal 2(7) den Rialachán sin faoi rialacha na hEagraíochta Domhanda Trádála. Mar shampla, chinn painéal Chomhlacht um Réiteach Díospóide na hEagraíochta Domhanda Trádála i ndíospóid DS405 “an tAontas Eorpach — Bearta Frithdhumpála maidir le Coisbhearta Áirithe ón tSín” (4) (tuarascáil a glacadh an 22 Feabhra 2012) nár shuigh an tSín gur ghníomhaigh an tAontas ar bhealach nach raibh comhsheasmhach le hAirteagal 2.4 ná le hAirteagal 6.10.2 den Chomhaontas Frithdhumpála, Mír 15(a)(ii) de Phrótacal Aontachas na Síne, agus Mír 151(e) agus (f) de Thuarascáil Meithle faoi Aontachas na Síne, tríd an gcaoi ar mhainnigh sé na hiarratais ar chóir gheilleagair mhargaidh a rinne táirgeoirí onnmhairiúcháin comhoibríocha Síneacha nár áiríodh sa sampla le haghaidh an imscrúdaithe bhunaidh, a chur isteach.

(4)

Ar an ábhar sin, tar éis an cúlra sin a chur san áireamh agus ar chúiseanna maidir le deimhneacht dhlíthiúil, meastar gur iomchuí foráil a thabhairt isteach chun a shoiléiriú go bhfuil an cinneadh sin nach ndéanfaí imscrúdú ach ar líon réasúnta páirtithe trí shamplaí a úsáid ar bhonn Airteagal 17 de Rialachán (CE) Uimh. 1225/2009 infheidhme fosta maidir leis na páirtithe atá faoi réir scrúdú i gcomhréir le fomhír (b) agus le fomhír (c) d’Airteagal 2(7) den Rialachán sin. Dá bharr sin, is iomchuí fosta a shoiléiriú nár cheart cinneadh faoi fhomhír (c) d’Airteagal 2(7) a dhéanamh maidir le táirgeoirí onnmhairiúcháin nach n-áirítear sa sampla iad mura n-iarrfaidh na táirgeoirí sin imscrúdú aonair agus mura lámhálfar an t-iarratas i gcomhréir le hAirteagal 17(3) de.

(5)

Lena chois sin, meastar gur iomchuí a shoiléiriú, maidir leis an dleacht frithdhumpála atá le cur i bhfeidhm ar allmhairí ó onnmhaireoirí nó ó tháirgeoirí a chuir iad féin in aithne de réir Airteagal 17 de Rialachán (CE) Uimh. 1225/2009 ach nár áiríodh sa scrúdú, nach rachaidh sé thar an meánchorrlach ualaithe dumpála arna shocrú do na páirtithe sa sampla, is cuma cé acu ar cinneadh an gnáthluach a socraíodh do na páirtithe sin ar bhonn Airteagail 2(1) go (6) nó fhomhír (a) d’Airteagal 2(7) den Rialachán sin nó nár cinneadh.

(6)

Ar deireadh, léiríodh nárbh fhéidir cinneadh de bhun fhomhír (c) d’Airteagal 2(7) de Rialachán (CE) Uimh. 1225/2009 a dhéanamh laistigh den teorainn thrí mhí, mar a bhí ceangailte, i gcás nósanna imeachta, go háirithe má bhí sampláil a bhí i gcomhréir le hAirteagal 17 den Rialachán sin á cur i bhfeidhm. Meastar, dá bhrí sin, gurb iomchuí an teorainn sin a fhadú.

(7)

Ar mhaithe le deimhneacht dhlíthiúil agus prionsabal an dea-riaracháin, is gá foráil a dhéanamh go dtiocfaidh na leasuithe ar Rialachán (CE) Uimh. 1225/2009 dá bhforáiltear sa Rialachán seo i bhfeidhm a luaithe is féidir maidir leis na himscrúduithe nua go léir agus maidir leis na himscrúduithe go léir atá ar feitheamh.

(8)

Ba cheart, da bhrí sin, Rialachán (CE) Uimh. 1225/2009 a leasú dá réir sin,

(1)

leasaítear Airteagal 2(7) mar a leanas:

(2)

in Airteagal 9(6), cuirtear an méid seo a leanas in ionad na chéad abairte:

“Nuair a bheidh teorainn curtha ag an gCoimisiún lena scrúdú i gcomhréir le hAirteagal 17, ní rachaidh aon dleacht frithdhumpála a chuirfear i bhfeidhm ar allmhairí ó onnmhaireoirí nó ó tháirgeoirí a chuir iad féin in aithne de réir Airteagal 17 ach nár áiríodh sa scrúdú thar an meánchorrlach ualaithe dumpála arna shocrú do na páirtithe sa sampla, is cuma cé acu ar cinneadh an gnáthluach do na páirtithe sin ar bhonn Airteagail 2(1) go (6) nó ar bhonn fhomhír (a) d’Airteagal 2(7) nó nár cinneadh.”.

14.12.2012   

GA

Iris Oifigiúil an Aontais Eorpaigh

L NaN/3