Iarraidh ar réamhrialú ón Corte di giustizia tributaria di secondo grado della Lombardia (an Iodáil) an 24 Eanáir 2024 – Banca Mediolanum SpA v Agenzia delle Entrate - Direzione Regionale della Lombardia

(Cás C-92/24, Banca Mediolanum)

(C/2024/2926)

Teanga an cháis: an Iodáilis

An chúirt a rinne an tarchur

Corte di giustizia tributaria di secondo grado della Lombardia

Páirtithe sna príomhimeachtaí

Iarratasóir: Banca Mediolanum SpA

Cosantóir: Agenzia delle Entrate - Direzione Regionale della Lombardia

An cheist a tharchuirtear

An bhfuil ceanglas Phoblacht na hIodáile, atá leagtha síos in Airteagal 6(1) d’Fhoraithne Reachtach Uimh. 446/1997, a chur faoi réir cánach IRAP 50 % de na díbhinní arna bhfáil ag idirghabhálaithe airgeadais a bhfuil cónaí orthu san Iodáil a cháilíonn mar mháthairchuideachtaí chun críocha Threoir 2011/96/AE ón gComhairle an 30 Samhain 2011  (1) agus a dháiltear ag cuideachtaí a chónaíonn i mBallstáit eile de chuid an tAontas Eorpach a cháilíonn mar fhochuideachtaí de réir bhrí na Treorach sin, gan údarú a thabhairt do na máthairchuideachtaí an codán sin den cháin chorparáide a bhaineann leis na brabúis sin a d’íoc an chuideachta sin, a asbhaint ó IRAP, ar neamhréir leis an toirmeasc ar bhrabúis a ghearradh ar mháthairchuideachtaí a bhfuil cónaí orthu i mBallstát amháin óna gcuid fochuideachtaí a bhfuil cónaí orthu i mBallstáit eile ag ráta níos airde ná 5 % den mhéid ábhartha a leagtar síos in Airteagal 4 den Treoir sin?

(1)  Treoir 2011/96/AE ón gComhairle an 30 Samhain 2011 maidir leis an gcóras coiteann cánachais is infheidhme ar mháthairchuideachtaí agus fochuideachtaí Ballstát éagsúil (IO 2011 L, lch. 8).