1)

An gcaithfear Airteagal 23(4) de Threoir [2019/1023] (1) a léiriú sa chaoi nach gceadaítear leis fiachais eile (seachas na fiachais a sonraítear ina phointí faoi seach) a eisiamh ach amháin nuair atá “údar cuí” leis?

2)

An gcaithfear an fhéidearthacht go n-eiseoidh na Ballstáit catagóirí áirithe d’fhiachais ó urscaoileadh fiachais (ar chuntar go bhfuil údar cuí leis an eisiamh sin, mar a fhoráiltear in Airteagal 23(4) de Threoir 2019/1023) a léiriú sa chaoi go gceadaítear léi do na Ballstáit dliteanais chánach a eisiamh (nach sonraítear san Airteagal sin), agus staid fhabhrach a chruthú sa chaoi sin ina leith?

3)

I gcás go dtugtar freagra dearfach ar na ceisteanna sin, cad iad na critéir nach mór a chomhlíonadh leis an údar sin, de réir bhrí dhlí an Aontais Eorpaigh, d’fhonn prionsabail ghinearálta de dhlí an Aontais agus na cearta bunúsacha a urramú, a bhfuil reachtóirí an Aontais agus na reachtóirí náisiúnta faoina réir [“toirmeasc ar idirdhealú de bhíthin náisiúntachta” (Airteagal 18 CFAE) agus “an tsaoirse chun gnó a sheoladh” (Airteagal 16 den [Chairt um Chearta Bunúsacha an Aontais Eorpaigh]), chomh maith leis na saoirsí eacnamaíocha bunúsacha den mhargadh inmheánach]?

4)

I gcás go dtugtar freagra diúltach ar an gceist sin, an gcumhdaítear leis na sainmhínithe (de réir bhrí dhlí an Aontais Eorpaigh agus d’fhonn an Treoir atá i gceist a léiriú) ar na coincheapa “fiachais a eascraíonn as pionóis choiriúla nó atá nasctha leis na pionóis sin” agus “fiachais a eascraíonn as dhliteanas de dhroim torta” fiachais chánach freisin, mar a fhoráiltear sa ghníomh reachtach inmheánach lena dtrasuitear Treoir 2019/1023 (Dlí Uimh. 9/2022 an 11 Eanáir)?