Questo documento è un estratto del sito web EUR-Lex.
Documento 62022TN0269
Case T-269/22: Action brought on 16 May 2022 — Biogen Netherlands v Commission
Cás T-269/22: Caingean arna tabhairt an 16 Bealtaine 2022 – Biogen Netherlands v an Coimisiún
Cás T-269/22: Caingean arna tabhairt an 16 Bealtaine 2022 – Biogen Netherlands v an Coimisiún
IO C 284, 25.7.2022, pagg. 44–45
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 284, 25.7.2022, pagg. 44–44
(GA)
25.7.2022 |
GA |
Iris Oifigiúil an Aontais Eorpaigh |
C 284/44 |
Caingean arna tabhairt an 16 Bealtaine 2022 – Biogen Netherlands v an Coimisiún
(Cás T-269/22)
(2022/C 284/61)
Teanga an cháis: an Béarla
Páirtithe
Iarratasóir: Biogen Netherlands BV (Badhoevedorp, an Ísiltír) (ionadaí: C. Schoonderbeek, Dlíodóir)
Cosantóir: an Coimisiún Eorpach
An t-ordú atá á lorg
Iarrann an t-iarratasóir ar an gCúirt Ghinearálta:
— |
cinneadh C(2022)3253 (final) ón gCoimisiún Eorpach an 13 Bealtaine 2022 lena ndeonaítear údarú margaíochta faoi Rialachán (CE) Uimh. 726/2004 (1)“[d”]f[h]úmaráit démheitil Polpharma – fúmáráit dé-mheitil”, ar táirge íocshláinte lena n-úsáid ag an duine í; agus |
— |
a ordú don Choimisiún na costais a íoc. |
Saincheisteanna dlí agus príomhargóintí.
Mar thaca leis an gcaingean, maíonn an t-iarratasóir dhá shaincheist dlí.
1. |
An chéad saincheist dlí lena n-éilítear gur mainníodh córas na Treorach 2001/83/CE (2) i ndáil leis na rialacha maidir le cosaint rialála sonraí, lena n-áirítear Airteagal 6(1) den Treoir sin agus na hoibleagáidí atá ag iarratasóirí ar údaruithe margaíochta do tháirgí íocshláinte cineálacha faoi Airteagal 10(1) den Treoir sin a chomhlíonadh. |
2. |
An dara saincheist dlí lena n-éilítear gur mainníodh iarmhairtí Tuairim an Choiste um Tháirgí Íocshláinte lena nÚsáid ag an Duine an 11 Samhain 2021 a aithint maidir le cibé an bhfuil tús inchurtha ag an táirge íocsláinte Fumaderm le húdarú idirnáisiúnta margaíochta don táirge íocsláinte Tecfidera i gcomhréir leis an dara fomhír d’Airteagal 6(1) de Threoir 2001/83/CE. |
(1) Rialachán (CE) Uimh. 726/2004 ó Pharlaimint na hEorpa agus ón gComhairle an 31 Márta 2004 lena leagtar síos nósanna imeachta Comhphobail maidir le húdarú agus maoirseacht táirgí íocshláinte lena n-úsáid ag an duine agus le haghaidh úsáid tréidliachta agus lena mbunaítear Gníomhaireacht Leigheasra Eorpach (IO L 136, 30.4.2004, lch. 1).
(2) Treoir 2001/83/CE ó Pharlaimint na hEorpa agus ón gComhairle an 6 Samhain 2001 maidir leis an gcód Comhphobail a bhaineann le táirgí íocshláinte le húsáid ag an duine (IO 2001 L 311, lch. 67).