1.

An gcaithfear Airteagal 12(2) de Rialachán (CE) Uimh. 2015/2001 (1), arna léamh i gcomhar le hAirteagail 3 go 7 de Threoir 2001/86/CE (2), a léiriú sa chaoi, i gcás ina bhfoirmítear SE sealbhaíochta le cuideachtaí rannpháirtíochta nach bhfuil aon fhostaí acu agus nach bhfuil fo-chuideachtaí acu a bhfuil fostaithe acu agus gur cláraíodh an SE sealbhaíochta i gclár Ballstáit (“SE gan fostaithe”) gan tabhairt faoi nós imeachta caibidlíochta le haghaidh rannpháirtíocht na bhfostaithe sa SE ar dtús, nach mór faoin Treoir sin tabhairt faoin nós imeachta caibidlíochta sin go cúlghabhálach má thagann an SE chun bheith ina ghnóthas rialaithe d’fho-chuideachtaí i roinnt Ballstát den Aontas Eorpach a bhfuil fostaithe acu?

2.

I gcás go dtabharfaidh an Chúirt freagra dearfach ar an gcéad cheist:

An gan teorainn ama gur féidir agus gur ghá tabhairt faoin nós imeachta caibidlíochta go cúlghabhálach i gcás den sórt sin?

3.

I gcás go dtabharfaidh an Chúirt freagra dearfach ar an dara ceist:

An gcuirtear cosc le hAirteagal 6 de Threoir 2001/86 ar chur i bhfeidhm dhlí an Bhallstáit ina bhfuil a oifig chláraithe ag an SE anois chun tabhairt faoin nós imeachta caibidlíochta go cúlghabhálach i gcás go raibh an “SE gan fostaithe” cláraithe sa chlár i mBallstát eile gan dó tabhairt faoi nós imeachta den sórt sin ar dtús agus fiú, sular aistríodh a oifig chláraithe, a tháinig chun bheith ina chuideachta rialaithe d’fho-chuideachtaí i roinnt Ballstát den Aontas Eorpach a bhfuil fostaithe acu?

4.

I gcás go dtabharfaidh an Chúirt freagra dearfach ar an tríú ceist:

An bhfuil feidhm aige sin freisin i gcás ina bhfuil an Stát inar cláraíodh an “SE gan fostaithe” sin ar dtús tar éis tarraingt siar as an Aontas Eorpach, i ndiaidh aistriú na hoifige cláraithe, agus nach bhfuil aon fhoráil a thuilleadh ina dhlí i leith tabhairt faoi nós imeachta caibidlíochta le haghaidh rannpháirtíocht fostaithe sa SE?