Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62022CN0658

Cás C-658/22: Iarraidh ar réamhrialú ó Sąd Najwyższy (an Pholainn) a taisceadh an 19 Deireadh Fómhair 2022

IO C 35, 30.1.2023, p. 30–31 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

30.1.2023   

GA

Iris Oifigiúil an Aontais Eorpaigh

C 35/30

Iarraidh ar réamhrialú ó Sąd Najwyższy (an Pholainn) a taisceadh an 19 Deireadh Fómhair 2022

(Cás C-658/22)

(2023/C 35/36)

Teanga an cháis: an Pholainnis

An chúirt a rinne an tarchur

Sąd Najwyższy

Na ceisteanna a tharchuirtear:

(1)

Ar cheart Airteagal 2, Airteagail 6(1) agus (3), agus an dara fomhír d’Airteagal 19(1) den Chonradh ar an Aontas Eorpach (“CAE”), arna léamh i gcomhar le hAirteagal 47 den Chairt um Chearta Bunúsacha an Aontais Eorpaigh (“an Chairt”) agus le hAirteagal 267 den Chonradh ar Fheidhmiú an Aontais Eorpaigh (“CFAE”), a léirmhíniú ar chaoi a chiallaíonn, i gcás cúirt céime deiridh de chuid Ballstáit (Sąd Najwyższy (an Chúirt Uachtarach, an Pholainn)) a n-áirítear ina comhdhéanamh daoine a ceapadh chun an phoist mar bhreitheamh agus rialacha bunúsacha dlí an Bhallstáit atá infheidhme maidir le ceapacháin bhreithiúnacha chun na Cúirte Uachtaraí á sárú, nach ionann an chúirt sin agus cúirt neamhspleách, binse neamhchlaonta a bunaíodh roimhe ré le dlí agus a thugann cosaint dlí éifeachtach do dhaoine aonair i réimsí a chumhdaítear le dlí an Aontais, i gcás ina bhfuil an méid seo a leanas i gceist leis an sárú thuasluaite:

(a)

an Prezydent Rzeczypospolitej Polskiej (Uachtarán Phoblacht na Polainne) ag fógairt folúntas breithiúnach sa Chúirt Uachtarach gan réamhshíniú ón Prezes Rady Ministrów (Príomh-Aire);

(b)

imeachtaí réamhcheapachán á reáchtáil gan aird á tabhairt ar phrionsabail na trédhearcachta agus na cothroime ag comhlacht náisiúnta (Krajowa Rada Sądownictwa — Comhairle Náisiúnta na mBreithiúna, an Pholainn) nach gcomhlíonann, i bhfianaise na n-imthosca a bhaineann lena bhunú (roghnú na mbreithiúna) agus leis an gcaoi ina bhfheidhmíonn sé, na ceanglais a ghabhann le comhlacht bunreachtúil a sheasann le neamhspleáchas na gcúirteanna agus na mbreithiúna;

(c)

Uachtarán Phoblacht na Polainne ag tabhairt litreacha ceapacháin don phost mar bhreitheamh sa Chúirt Uachtarach d’ainneoin go ndearnadh agóid roimhe sin os comhair na cúirte náisiúnta inniúla maidir leis an rún ó Chomhairle Náisiúnta na mBreithiúna, lena n-áirítear an tairiscint i gcomhair ceapacháin chuig post an bhreithimh, os comhair na cúirte náisiúnta is inniúil (Naczelny Sąd Administracyjny (an Chúirt Riaracháin Uachtarach, an Pholainn)), gur chuir an Chúirt Uachtarach Riaracháin cur chun feidhme an rúin sin ar fionraí i gcomhréir leis an dlí náisiúnta, agus nár tugadh na himeachtaí achomhairc i gcrích, agus gur chuir an Chúirt Uachtarach Riaracháin, i ndiaidh na n-imeachtaí sin, an rún a ndearnadh agóid ina choinne ó Chomhairle Náisiúnta na mBreithiúna ar leataobh go bailí mar gheall ar a neamhdhleathacht agus gur bhain sí é go buan den ord dlí, ag baint dá réir sin, den cheapachán chun post mar bhreitheamh sa Chúirt Uachtarach, an bunús a cheanglaítear le hAirteagal 179 den Konstytucja Rzeczypospolitej Polskiej (Bunreacht Phoblacht na Polainne), arb é atá sa bhunús sin tairiscint ó Chomhairle Náisiúnta na mBreithiúna le ceapadh don phost mar bhreitheamh?

(2)

Ar cheart Airteagal 2, Airteagail 6(1) agus (3), agus an dara fomhír d’Airteagal 19(1) CAE, arna léamh i gcomhar le hAirteagal 47 den Chairt agus le hAirteagal 267 CFAE, a léiriú ar chaoi go gcuirtear cosc leo ar chur i bhfeidhm dlíthe náisiúnta den sórt sin ar nós Airteagal 29(2) agus (3), Airteagal 26(3), agus Airteagail 72(1), (2) agus (3) den Ustawa z dnia 8 grudnia 2017 r. o Sądzie Najwyższym (Dlí an 8 Nollaig 2017 maidir leis an gCúirt Uachtarach, téacs comhdhlúite: Dz. U. de 2021, ítim 154) [“an Dlí maidir leis an gCúirt Uachtarach”], a mhéid a gcuirtear cosc leis na dlíthe sin ar bhreithiúna na Cúirte Uachtaraí, faoi phionós araíonachta an dífhostaithe, cinneadh nó measúnú a dhéanamh ar dhlíthiúlacht ceapacháin breithimh nó ar an údarás a bheidh aige nó aici mar thoradh air sin chun cúraimí breithiúnacha a chomhlíonadh chomh maith le measúnú a dhéanamh i dtéarmaí substainteacha ar thairiscintí chun breitheamh a eisiamh ar na forais sin, ag glacadh leis go mbeadh údar maith leis an toirmeasc sin toisc gur ghá don Aontas féiniúlacht bhunreachtúil na mBallstát a urramú?

(3)

Ar cheart Airteagal 2 agus Airteagail 4(2) agus (3) CAE, arna léamh i gcomhar le hAirteagal 19 CAE agus le hAirteagal 267 CFAE, a léirmhíniú ar chaoi a chiallaíonn nach féidir le breithiúnas ó chúirt bhunreachtúil de chuid Ballstáit (Trybunał Konstytucyjny (an Chúirt Bhunreachtúil, an Pholainn) ina ndearbhaítear nach bhfuil rialú ón gcúirt céime deiridh náisiúnta (an Chúirt Uachtarach) ag luí le Bunreacht Phoblacht na Polainne, a bheith ina chonstaic ar neamhspleáchas cúirte a mheasúnú agus ar chinneadh an binse í, arna bhunú le dlí de réir bhrí dhlí an Aontais Eorpaigh, cúirt, ós rud é, ina theannta sin, go raibh sé d’aidhm ag rialú na Cúirte Uachtaraí breithiúnas Chúirt Bhreithiúnais an Aontais Eorpaigh a chur chun feidhme ar chaoi nach dtabharfaí, le forálacha Bhunreacht Phoblacht na Polainne ná leis na dlíthe is infheidhme (dlíthe náisiúnta), an inniúlacht don Chúirt Bhunreachtúil athbhreithniú a dhéanamh ar rialuithe breithiúnacha, lena n-áirítear rúin lena réitítear neamhréireachtaí i léirmhíniú dlíthe arna nglacadh de bhun Airteagal 83 den [Dlí maidir leis an gCúirt Uachtarach] agus, ina theannta sin, ós rud é nach binse arna bhunú le dlí í, de réir bhrí Airteagal 6(1) den Choinbhinsiún chun Cearta an Duine agus Saoirsí Bunúsacha a Chosaint, an Chúirt Bhunreachtúil, de bharr an mhodha ina bhfuil sí comhdhéanta faoi láthair (U. de 1993, Uimh. 61, mír 284, arna leasú)?
Top