Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62022CN0083

Cás C-83/22: Iarraidh ar réamhrialú ón Juzgado de Primera Instancia de Cartagena (an Spáinn) a taisceadh an 8 Feabhra 2022 –RTG v Tuk Tuk Traval S.L

IO C 213, 30.5.2022, p. 24–24 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
IO C 213, 30.5.2022, p. 22–22 (GA)

30.5.2022   

GA

Iris Oifigiúil an Aontais Eorpaigh

C 213/22

Iarraidh ar réamhrialú ón Juzgado de Primera Instancia de Cartagena (an Spáinn) a taisceadh an 8 Feabhra 2022 –RTG v Tuk Tuk Traval S.L

(Cás C-83/22)

(2022/C 213/33)

Teanga an cháis: an Spáinnis

An chúirt a rinne an tarchur

Juzgado de Primera Instancia de Cartagena

Páirtithe sna príomhimeachtaí

Iarratasóir: RTG

Cosantóir: Tuk Tuk Travel S.L.

Na ceisteanna a tharchuirtear:

1.

An gcaithfear Airteagail 169(1), 169(2)(a), agus 114(3) de CFAE a léirmhíniú de réir an bhrí go gcuirtear cosc leo ar Airteagal 5 de Threoir 205/2302 (1) maidir le taisteal láneagraithe agus socruithe taistil gaolmhara, toisc nach n-áirítear, i measc na faisnéise réamhchonarthaí riachtanaí atá le soláthar don taistealaí, an ceart, a aithnítear in Airteagal 12 den Treoir, chun an conradh a fhoirceannadh sula gcuirfear tús leis agus aisíoc iomlán ar an méid a íocadh a fháil, i gcás go dtarlaíonn imthosca dosheachanta agus neamhghnácha a théann i bhfeidhm ar chomhlíonadh an taistil?

2.

An bhfuiltear ag cur cosc le hAirteagail 114 agus 169 CFAE agus le hAirteagal 15 de Threoir 2015/2302 ar chur chun feidhme an dá phrionsabal sin; prionsabal um chinnteacht ábhar na caingne arna socrú ag na páirtithe agus prionsabal um chomhghaol idir na héilimh arna ndéanamh sa chaingean agus na rialaithe atá sa chuid oibríochtúil den bhreithiúnas, a aithnítear in Airteagal 216 agus 218(1) LEC, nuair a d’fhéadfadh na prionsabail nós imeachta sin bac a chur ar chosaint iomlán an tomhaltóra is iarratasóir?

(1)  Treoir (AE) Uimh. 2015/2302 ó Pharlaimint na hEorpa agus ón gComhairle an 25 Samhain 2015 maidir le taisteal láneagraithe agus socruithe taistil gaolmhara, lena leasaítear Rialachán (CE) Uimh. 2006/2004 agus Treoir 2011/83/AE ó Pharlaimint na hEorpa agus ón gComhairle agus lena n-aisghairtear Treoir 90/314/CEE ón gComhairle (IO L 326, 11.12.2015, lch. 1)

Top