52024PC0114

AN COIMISIÚN EORPACH

An Bhruiséil,6.3.2024

COM(2024) 114 final

2024/0063(NLE)

Togra le haghaidh

RIALACHÁN ÓN gCOMHAIRLE

lena leasaítear agus lena gceartaítear Rialachán (AE) 2024/257 ón gComhairle lena socraítear le haghaidh 2024, 2025 agus 2026 na deiseanna iascaireachta le haghaidh stoic éisc áirithe is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Le Rialachán (AE) 2024/257 ón gComhairle 1 socraítear le haghaidh 2024, 2025 agus 2025 na deiseanna iascaireachta le haghaidh stoic éisc áirithe, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad. Leasaítear leis an togra na deiseanna iascaireachta sin chun an chomhairle eolaíoch agus na forbairtí is déanaí a chur san áireamh. Ina theannta sin, ceartaítear leis an togra earráidí áirithe i Rialachán (AE) 2024/257.

•Comhsheasmhacht le forálacha beartais atá sa réimse beartais cheana

Tá na bearta atá beartaithe comhsheasmhach le cuspóirí agus rialacha an chomhbheartais iascaigh (CBI).

•Comhsheasmhacht le beartais eile de chuid an Aontais

Tá na bearta atá beartaithe comhsheasmhach le beartais eile de chuid an Aontais, go háirithe leis na beartais i réimse an chomhshaoil.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Is é Airteagal 43(3) den Chonradh ar Fheidhmiú an Aontais Eorpaigh (CFAE) an bunús dlí atá leis an togra.

•Coimhdeacht

Tagann an togra faoi inniúlacht eisiach an Aontais dá dtagraítear in Airteagal 3(1)(d) CFAE. Dá bhrí sin, níl feidhm ag prionsabal na coimhdeachta.

•Comhréireacht

Leis an togra, déantar deiseanna iascaireachta a chionroinnt ar na Ballstáit i gcomhréir le cuspóirí Rialachán (AE) Uimh. 1380/2013 ó Pharlaimint na hEorpa agus ón gComhairle maidir leis an gComhbheartas Iascaigh 2 . De bhun Airteagail 16 agus 17 de Rialachán (AE) Uimh. 1380/2013, déanfaidh na Ballstáit cinneadh maidir leis an gcaoi a bhféadfar na deiseanna iascaireachta atá ar fáil dóibh a chionroinnt ar shoithí atá faoina mbratach i gcomhréir le critéir áirithe maidir le cionroinnt na ndeiseanna iascaireachta. Dá bhrí sin, agus na Ballstáit ag dáileadh na ngabhálacha iomlána incheadaithe cionroinnte (TACanna), bíonn an corrlach lánroghnach is gá acu i gcomhréir leis an tsamhail shóisialta/eacnamaíoch chun na deiseanna iascaireachta atá ar fáil dóibh a shaothrú.

•An rogha ionstraime

Ós rud é go leasaítear rialachán atá ann cheana leis an togra, rialachán is fearr a oireann mar ionstraim dhlíthiúil.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

Ní bhaineann le hábhar.

•Comhairliúcháin leis na páirtithe leasmhara

Chuaigh an Coimisiún i gcomhairle leis na páirtithe leasmhara, trí na comhairlí comhairleacha go háirithe, ar bhonn na Teachtaireachta bliantúla uaidh ‘Iascaireacht inbhuanaithe san Aontas: staid na himeartha agus treoshuíomhanna le haghaidh 2024’ (COM(2023) 303 final).

I bhfreagraí na bpáirtithe leasmhara ar an teachtaireacht bhliantúil sin, leagtar amach na tuairimí a bhí acu maidir le meastóireacht an Choimisiúin ar staid na n‑acmhainní agus maidir leis an bhfreagairt iomchuí bainistithe. Chuir an Coimisiún na freagraí sin san áireamh agus an togra á cheapadh aige.

•Bailiú agus úsáid saineolais

Tá comhairle eolaíoch ón gComhairle Idirnáisiúnta um Thaiscéalaíocht na Mara (ICES) bunaithe ar chreat arna fhorbairt ag a chuid grúpaí saineolaithe agus comhlachtaí cinnteoireachta, agus arna eisiúint i gcomhréir lena chreatchomhaontú comhpháirtíochta leis an gCoimisiún.

•Measúnú tionchair

Cuireann Airteagal 43(3) de CFAE teorainn le raon feidhme an togra.

Leis an togra féachtar le cur chuige gearrthéarmach a sheachaint ar mhaithe leis an inbhuanaitheacht fhadtéarmach. Cuirtear san áireamh ann tionscnaimh ó na páirtithe leasmhara agus ó na comhairlí comhairleacha más rud é go ndearna ICES athbhreithniú dearfach orthu. Bhí an togra ón gCoimisiún maidir le CBI a athchóiriú bunaithe ar mheasúnú tionchair (SEC(2011) 891) inar measadh, cé gur coinníoll riachtanach é an cuspóir maidir leis an uastáirgeacht inbhuanaithe a bhaint amach chun inbhuanaitheacht comhshaoil, eacnamaíoch agus shóisialta a áirithiú, nach féidir na trí chuspóir sin a bhaint amach astu féin.

A mhéid a bhaineann le deiseanna iascaireachta ERBI agus le stoic a ndéantar bainistíocht chomhpháirteach orthu le tíortha nach Ballstáit den Aontas iad, is éard a dhéantar leis an togra bearta a comhaontaíodh go hidirnáisiúnta a chur chun feidhme. Le linn ullmhú na caibidlíochta idirnáisiúnta ar faoina cuimsiú a dhéantar deiseanna iascaireachta an Aontais a chomhaontú le tíortha nach Ballstáit den Aontas iad agus lena linn, déileáiltear le haon ghné atá ábhartha maidir le measúnú a dhéanamh ar na tionchair a d’fhéadfadh a bheith ag na deiseanna iascaireachta.

•Oiriúnacht rialála agus simpliú

Ní bhaineann le hábhar.

•Cearta bunúsacha

Leis an togra urramaítear cearta bunúsacha, agus go háirithe na cearta sin a aithnítear i gCairt um Chearta Bunúsacha an Aontais Eorpaigh.

4.IMPLEACHTAÍ BUISÉADACHA

Ní bheidh impleachtaí buiséadacha ag na bearta atá beartaithe.

5.EILIMINTÍ EILE

• Míniúchán mionsonraithe ar fhorálacha sonracha an togra

Leis an togra, féachtar le Rialachán (AE) 2024/257 ón gComhairle a leasú mar a thuairiscítear thíos.

An roc mionsúileach i Muir nIocht Thiar

Le Rialachán (AE) 2024/257 bunaíodh TAC le haghaidh sciataí agus roc (Rajiformes) in uiscí an Aontais agus in uiscí na Ríochta Aontaithe i ranna 6a, 6b, 7a go 7c agus 7e go 7k ICES (Iarthar na hAlban, na Farraigí Ceilteacha deisceartacha agus Muir nIocht). Bunaíodh coinníoll speisialta faoin TAC sin leis an Rialachán sin freisin. Leis an gcoinníoll speisialta sin, ceadaítear don Aontas agus don Ríocht Aontaithe gabhálacha roc mionsúileach (Raja microocellata) a dhéanamh i roinn 7e ICES (Muir nIocht Thiar) in 2024, chun gur féidir iascach faire a bheith ann chun bailiú sonraí iascachbhunaithe a cheadú le haghaidh an stoic sin arna mheasúnú ag ICES. Chun foráil a dhéanamh maidir le deimhneacht dhlíthiúil agus chun go bhféadfar ‘cláir faireacháin’ san iascach faire a dhéanamh, ba cheart cainníochtaí faoin gcoinníoll speisialta sin a chionroinnt ar na Ballstáit i gcomhréir le prionsabal na cobhsaíochta coibhneasta agus leis an scála cionroinnte le haghaidh sciataí agus roc in uiscí an Aontais agus na Ríochta Aontaithe i ranna 6a, 6b, 7a go 7c agus 7e go 7k ICES.

An leathóg bhán agus an leathóg mhín in Skagerrak-Kattegat

An 6 Nollaig 2023 thug an tAontas agus an Ríocht Aontaithe comhairliúcháin dhéthaobhacha i gcrích maidir le deiseanna iascaireachta a shocrú le haghaidh na stoc a liostaítear in Iarscríbhinn 35 a ghabhann leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile 3 (‘Comhaontú Trádála agus Comhair’). Rinneadh toradh na gcomhairliúchán sin a dhoiciméadú i dTaifead i Scríbhinn a síníodh an 6 Nollaig 2023, a forlíonadh le haguisín an 8 Nollaig 2023 agus a cuireadh i bhfeidhm i ndlí an Aontais trí Rialachán (AE) 2024/257.

Sna comhairliúcháin dhéthaobhacha sin, bhunaigh an tAontas agus an Ríocht Aontaithe, inter alia, TACanna den chéad uair le haghaidh na speiceas seo a leanas: (i) an leathóg bhán (Glyptocephalus cynoglossus) in uiscí an Aontais i roinn 3a ICES (Skagerrak-Kattegat); agus (ii) an leathóg mhín (Microstomus kitt) sa limistéar céanna. Go dtí go dtiocfar ar chomhaontú idir na Ballstáit maidir leis an gcaoi a ndéanfar na deiseanna iascaireachta sin a chionroinnt, is le ‘le bunú’ a marcáladh na TACanna le haghaidh na stoc sin i Rialachán (AE) 2024/257. Chun gur féidir leis na Ballstáit na deiseanna iascaireachta sin a úsáid, ba cheart TACanna agus cuótaí an Aontais maidir leis na stoic sin a shocrú ar na leibhéil a leagtar amach sa Taifead i Scríbhinn. Ós rud é go bhfuil an plé fós ar siúl idir na Ballstáit maidir le cionroinnt, níl cuótaí na mBallstát san áireamh. A luaithe a bheifear ar an eolas faoi thoradh an phlé sin, déanfaidh seirbhísí an Choimisiúin an togra a thabhairt cothrom le dáta trí bhíthin páipéar leathoifigiúil ina molfar na nithe seo a leanas: (i) cuótaí na mBallstát; nó (ii) gan cuótaí an Aontais a chionroinnt ar na Ballstáit agus cead a thabhairt do na Ballstáit uile iascaireacht a dhéanamh ar chuótaí an Aontais go dtí go n‑úsáidfear ina n‑iomláine iad.

An chorr ghainimh sa Mhuir Thuaidh

Le Rialachán (AE) 2024/257 socraíodh ag nialas go sealadach an TAC le haghaidh corra gainimh agus foghabhálacha gaolmhara (Ammodytes spp.) in uiscí na Ríochta Aontaithe agus an Aontais d’fholimistéar 4 ICES (an Mhuir Thuaidh), in uiscí na Ríochta Aontaithe i roinn 2a ICES agus in uiscí an Aontais i roinn 3a (Skagerrak agus Kattegat) le haghaidh 2024, go dtí go bhfoilseofar an chomhairle eolaíoch ó ICES le haghaidh an stoic sin le haghaidh 2024.

Meastar go ndéanfaidh ICES a chomhairle eolaíoch le haghaidh 2024 le haghaidh corra gainimh i bhfolimistéar 4 ICES agus i roinn 3a ICES a fhoilsiú an 29 Feabhra 2024. Tar éis fhoilsiú na comhairle sin, reáchtálfaidh an tAontas comhairliúcháin dhéthaobhacha leis an Ríocht Aontaithe maidir le leibhéal TAC le haghaidh 2024 le haghaidh an stoic sin de bhun Airteagal 498(2), (4) agus (6) den Chomhaontú Trádála agus Comhair. Go dtí go bhfaighfear toradh foirmiúil na gcomhairliúchán déthaobhach sin, tá téacs na haithrise ábhartha de Rialachán (AE) 2023/194 ón gComhairle 4 san áireamh idir lúibíní cearnacha agus is le pm (pro memoria) a mharcáiltear an TAC le haghaidh corra gainimh i bhfolimistéar 4 agus i ranna 2a agus 3a ICES le haghaidh 2024 ‘pm’ (pro memoria). A luaithe a bheifear ar an eolas faoi thoradh foirmiúil na gcomhairliúchán déthaobhach sin, déanfaidh seirbhísí an Choimisiúin an togra a thabhairt cothrom le dáta trí bhíthin páipéar leathoifigiúil lena moltar an TAC ábhartha le haghaidh 2024 ar an leibhéal a comhaontaíodh leis an Ríocht Aontaithe.

SPRFMO

I Rialachán (AE) 2024/257, is le ‘le bunú’ a mharcáiltear TACanna i limistéar Choinbhinsiún na hEagraíochta Réigiúnaí um Bainistíocht Iascaigh san Aigéan Ciúin Theas (SPRFMO) agus coinnítear ar bun go sealadach bearta atá nasctha go feidhmiúil leis na TACanna, go dtí go mbeidh toradh ar chruinniú bliantúil SPRFMO 2024 a bhí ar siúl ón 29 Eanáir go dtí an 2 Feabhra 2024.

Ag an 12ú cruinniú bliantúil a bhí aige in 2024, ghlac SPRFMO teorainneacha gabhála le haghaidh an bholmáin ghoirm (Trachurus murphyi) agus choinnigh sé iascaigh thaiscéalaíocha le haghaidh an déadéisc (Dissostichus spp.). Ina theannta sin, rinne SPRFMO na bearta atá nasctha go feidhmiúil a choinneáil ar bun nó a leasú. Ba cheart, dá bhrí sin, na bearta sin a chur chun feidhme i ndlí an Aontais.

WCPFC

I Rialachán (AE) 2024/257, is le ‘le bunú’ a mharcáiltear deiseanna iascaireachta i limistéar Choinbhinsiún an Choimisiúin Iascaigh don Aigéan Ciúin Iartharach agus don Aigéan Ciúin Láir (WCPFC) agus coinnítear ar bun go sealadach na bearta atá nasctha go feidhmiúil leo, go dtí go mbeidh toradh ar chruinniú bliantúil WCPFC 2023 a bhí ar siúl ón 4 go dtí an 8 Nollaig 2023.

Ag an gcruinniú bliantúil a bhí aige in 2023, chinn WCPFC na teorainneacha iarrachta peas‑saighne agus an líon uasta soithí sin a dhéanann iascaireacht ar thuinníní trópaiceacha a choinneáil ar bun. Thairis sin, leasaigh WCPFC bearta a bhaineann le feistí comhthiomsaithe éisc (FADanna) a bhainistiú in iascach tuinníní trópaiceacha, go háirithe maidir le tréimhse choiscthe FADanna. Ba cheart na bearta sin a chur chun feidhme i ndlí an Aontais.

ICCAT

Maidir le teorainneacha iarrachta iascaireachta le haghaidh shoithí an Aontais a dhéanann iascaireacht ar an tuinnín gorm (Thunnus thynnus) i limistéar Choinbhinsiún an Choimisiúin Idirnáisiúnta um Thuinníní Atlantacha a Chaomhnú (ICCAT) agus maidir le huas‑ionchur agus uas‑acmhainneacht le haghaidh fheirmeacha tuinníní gorma an Aontais, tá siad bunaithe ar fhaisnéis a sholáthraítear sna pleananna iascaireachta bliantúla, sna pleananna bainistíochta maidir le hacmhainneacht iascaireachta agus sna pleananna bainistíochta feirmeoireachta bliantúla le haghaidh tuinníní gorma atá ag na Ballstáit. Tá na Ballstáit leis na pleananna sin a tharchur chuig an gCoimisiún faoin 31 Eanáir gach bliain, de bhun Airteagal 16(1) de Rialachán (AE) 2023/2053 ó Pharlaimint na hEorpa agus ón gComhairle 5 . Tiomsóidh an Coimisiún na pleananna sin ina dhiaidh sin agus beidh siad ina mbonn chun plean bliantúil de chuid an Aontais a bhunú, ar plean é a chuirtear ar aghaidh chuig Rúnaíocht ICCAT lena phlé agus lena fhormheas, mar a cheanglaítear le hAirteagal 16(2) de Rialachán (AE) 2023/2053. Go dtí go gcuirfidh ICCAT plean bliantúil an Aontais isteach agus go dtí go bhformheasfaidh ICCAT é, tá téacs na haithrise ábhartha de Rialachán (AE) 2023/194 ón gComhairle san áireamh idir lúibíní cearnacha agus is le pm (pro memoria) a mharcáiltear teorainneacha iarrachta iascaireachta an Aontais, agus uas‑ionchur agus uas‑acmhainneacht feirmeoireachta an Aontais le haghaidh 2024. A luaithe a dhéanfaidh ICCAT plean bliantúil an Aontais a fhormheas, déanfaidh seirbhísí an Choimisiúin an togra a thabhairt cothrom le dáta trí bhíthin páipéar leathoifigiúil lena molfar na teorainneacha iarrachta iascaireachta ábhartha agus uas‑ionchur agus uas‑acmhainneacht na feirmeoireachta le haghaidh 2024.

An siorc tíograch gainimh

Ag an 14ú cruinniú a bhí aici in Samarkand na hÚisbéiceastáine, ón 12 go dtí an 17 Feabhra 2024, chuir Comhdháil na bPáirtithe (COP) sa Choinbhinsiún maidir le Caomhnú na Speiceas Imirceach Ainmhithe Fiáine (CMS) an siorc tíograch gainimh (Carcharias taurus) leis na liostaí de speicis faoi chosaint in bhFoscríbhinní I agus II den Choinbhinsiún sin. Dá bhrí sin, ba cheart na bearta sin a chur chun feidhme i ndlí an Aontais trí thoirmeasc a chur ar an méid seo a leanas: (i) soithí iascaireachta de chuid an Aontais sna huiscí uile; agus (ii) soithí tríú tír in uiscí an Aontais i dtaca leis an speiceas sin a iascach, a choinneáil ar bord, a thrasloingsiú nó a thabhairt i dtír.

Mar sin féin, le hAirteagal 98(2) de Rialachán (AE) 2023/2124 ó Pharlaimint na hEorpa agus ón gComhairle 6 , tá toirmeasc den sórt sin bunaithe cheana féin maidir leis an siorc tíograch gainimh sa Mheánmhuir. Chun forálacha forluiteacha maidir leis an ábhar céanna a sheachaint, níor cheart, dá bhrí sin, toirmeasc den sórt sin a bhunú sa Mheánmhuir, ach amháin do shoithí de chuid an Aontais sna huiscí uile, seachas sa Mheánmhuir, agus do shoithí tríú tír in uiscí an Aontais.

Ba cheart feidhm a bheith ag an toirmeasc sin maidir leis an siorc tíograch gainimh ón 1 Aibreán 2024, is é sin: (i) tar éis an 14ú cruinniú de Chomhdháil na bPáirtithe sa Choinbhinsiún maidir le Caomhnú na Speiceas Imirceach Ainmhithe Fiáine, a bhí ar siúl ón 12 go dtí an 17 Feabhra 2024; agus (ii) roimh theacht i bhfeidhm an leasaithe ar Fhoscríbhinní I agus II de CMS an 17 Bealtaine 2024.

Ceartú earráidí

Tagraíonn Airteagal 41, mír 4, agus Airteagal 43 de Rialachán (AE) 2024/257 araon don líon uasta céanna soithí iascaireachta de chuid an Aontais a údarófar chun an colgán (Xiphias gladius) a iascach i limistéir de limistéar Choinbhinsiún WCPFC. Ba cheart, dá bhrí sin, an fhoráil a bhí ann roimhe seo a scriosadh ar mhaithe le soiléireacht dhlíthiúil.

Airteagal 59 de Rialachán (AE) 2024/257 maidir le teacht i bhfeidhm agus cur i bhfeidhm, ba cheart é a cheartú maidir le bearta ar an eascann Eorpach (Anguilla anguilla) in uiscí muirí agus goirte an Aontais i bhfolimistéir 3, 4, 6, 7, 8 agus 9 ICES agus in uiscí goirte de chuid an Aontais atá cóngarach dóibh, mar a leanas:

–Tá feidhm ag Airteagal 13(4) de Rialachán (AE) 2023/194, lena gceanglaítear ar na Ballstáit tréimhsí coiscthe a chinneadh le haghaidh gníomhaíochtaí iascaireachta tráchtála le haghaidh eascanna Eorpacha ag gach céim dá saolré sa limistéar sin, ón 1 Márta 2023 go dtí an 31 Márta 2024. Dá bhrí sin, ba cheart feidhm a bheith ag Airteagal 13(6) de Rialachán (AE) 2024/257 lena mbunaítear beart den sórt sin ón 1 Aibreán 2024; agus

–Bearta a bhaineann le gníomhaíochtaí iascaireachta tráchtála le haghaidh eascanna Eorpacha ag gach céim dá saolré sa limistéar sin a leagtar amach i Rialachán (AE) 2024/257, beidh feidhm acu go dtí an 31 Márta 2025. Dá bhrí sin, ba cheart feidhm a bheith ag an toirmeasc ar iascach áineasa na heascainne Eorpaí ag gach céim dá saolré sa limistéar sin de bhun Airteagal 13(7) den Rialachán sin go dtí an 31 Márta 2025.

In Iarscríbhinn IA, Cuid B, a ghabhann le Rialachán (AE) 2024/257, ba cheart na hearráidí seo a leanas a cheartú:

–Tábla 60: ba cheart cuótaí na mBallstát le haghaidh sóil líomóide agus leathóga bána in uiscí na Ríochta Aontaithe agus an Aontais i bhfolimistéar 4 ICES agus in uiscí na Ríochta Aontaithe i roinn 2a le haghaidh 2024 a cheartú chun aghaidh a thabhairt ar earráid i ríomh na gcuótaí sin. Ina theannta sin, i bhfonótaí 3 agus 4 faoi seach, ba cheart na cóid tuairiscithe maidir leis an méid seo a leanas a cheartú: (i) sóil líomóide in uiscí an Aontais i roinn 3a; agus (ii) an leathóg bhán in uiscí an Aontais i roinn 3a;

–Tábla 93: an TAC le haghaidh an turbaird agus na broite (Scophthalmus maximus agus Scophthalmus rhombus) in uiscí na Ríochta Aontaithe agus an Aontais i bhfolimistéar 4 ICES agus in uiscí na Ríochta Aontaithe i roinn 2a le haghaidh 2024, ba cheart ‘TAC anailíseach’ a chur air i gcomhréir leis an gcomhairle ábhartha ó ICES 7 . Ina theannta sin, i bhfonóta 4, ba cheart an cód tuairiscithe le haghaidh broiteanna in uiscí an Aontais i roinn 3a a cheartú;

–Tábla 101: sna táblaí TAC le haghaidh an roic dústríoctha (Raja undulata) in uiscí an Aontais i bhfolimistéir 8 agus 9 ICES faoi seach, ba cheart a shoiléiriú gur cheart gabhálacha ón gcionroinnt bhreise ar shoithí atá rannpháirteach san iascach faire a thuairisciú ar leithligh;

–Tábla 103: sa tábla TAC le haghaidh an ronnaigh (Scomber scombrus) sa Mhuir Thuaidh agus i Muir Bhailt: (i) ba cheart an tuairisc limistéir agus an cód tuairiscithe a cheartú chun raon feidhme geografach an dá TAC le haghaidh ronnach sa Mhuir Thuaidh agus i Muir Bhailt a cuimsíodh i Rialachán (AE) 2023/194 a léiriú 8 ; (ii) ba cheart an dara habairt d’fhonóta 1 a scriosadh, rud a thagann salach ar an gcuid eile den fhonóta sin; (iii) i bhfonóta 2, an chéad cholún den tábla, ba cheart an tuairisc limistéir agus an cód tuairiscithe a cheartú chun an tuairisc limistéir ar an TAC a léiriú; agus (iii) i bhfonóta 4, ba cheart an teideal ‘aistriú ina dhiaidh sin’ a scriosadh ar mhaithe le soiléireacht dhlíthiúil; agus

–Tábla 106: sa tábla TAC le haghaidh an tsóil choitinn (Solea solea) in uiscí na Ríochta Aontaithe agus an Aontais i bhfolimistéar 4 ICES agus in uiscí na Ríochta Aontaithe i roinn 2a, fonóta 1, ba cheart an cód tuairiscithe a cheartú.

In Iarscríbhinn XI a ghabhann le Rialachán (AE) 2024/257, ba cheart na hearráidí seo a leanas a cheartú:

–pointe 2: sa tábla TAC le haghaidh an ronnaigh (Scomber scombrus) sa Mhuir Thuaidh agus i Muir Bhailt: (i) ba cheart an dara habairt d’fhonóta 1 a scriosadh, rud a thagann salach ar an gcuid eile den fhonóta; (ii) i bhfonóta 2, an chéad cholún den tábla, ba cheart an tuairisc limistéir agus an cód tuairiscithe a cheartú chun an tuairisc limistéir ar an TAC a léiriú; agus (iii) i bhfonóta 4, ba cheart an teideal ‘aistriú ina dhiaidh sin’ a scriosadh ar mhaithe le soiléireacht dhlíthiúil.

2024/0063 (NLE)

Togra le haghaidh

RIALACHÁN ÓN gCOMHAIRLE

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(3) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)Le Rialachán (AE) 2023/257 ón gComhairle 9 socraítear le haghaidh 2024, 2025 agus 2025 na deiseanna iascaireachta le haghaidh stoic éisc áirithe is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad. Maidir leis na gabhálacha iomlána incheadaithe (TACanna) agus na teorainneacha iarrachta, agus na bearta atá nasctha go feidhmiúil leis na TACanna agus na teorainneacha iarrachta a shocraítear le Rialachán (AE) 2024/257, ba cheart iad a leasú chun foilsiú na comhairle eolaíche a chur san áireamh chomh maith le torthaí na gcomhairliúchán le tríú tíortha agus torthaí chruinnithe na n‑eagraíochtaí réigiúnacha bainistithe iascaigh (ERBInna).

(2)Le Rialachán (AE) 2024/257, bunaíodh TAC le haghaidh sciataí agus roc (Rajiformes) in uiscí an Aontais agus na Ríochta Aontaithe i ranna 6a, 6b, 7a go 7c agus 7e go 7k de chuid na Comhairle Idirnáisiúnta um Thaiscéalaíocht na Mara (ICES). Bunaíodh coinníoll speisialta faoin TAC sin leis an Rialachán sin freisin. Leis an gcoinníoll speisialta sin, ceadaítear don Aontas agus don Ríocht Aontaithe gabhálacha roc mionsúileach (Raja microocellata) a dhéanamh i roinn 7e ICES (Muir nIocht Thiar) in 2024, chun gur féidir iascach faire a bheith ann d’fhonn bailiú sonraí iascachbhunaithe a cheadú le haghaidh an stoic sin arna mheasúnú ag ICES. Chun foráil a dhéanamh maidir le deimhneacht dhlíthiúil agus chun go bhféadfar ‘cláir faireacháin’ san iascach faire a dhéanamh, ba cheart cainníochtaí faoin gcoinníoll speisialta sin a chionroinnt ar na Ballstáit i gcomhréir le prionsabal na cobhsaíochta coibhneasta agus leis an scála cionroinnte le haghaidh sciataí agus roc in uiscí an Aontais agus na Ríochta Aontaithe i ranna 6a, 6b, 7a go 7c agus 7e go 7k ICES.

(3)Sna comhairliúcháin dhéthaobhacha maidir le deiseanna iascaireachta a shocrú le haghaidh na stoc a liostaítear in Iarscríbhinn 35 a ghabhann leis an gComhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile 10 (‘Comhaontú Trádála agus Comhair’), bhunaigh an tAontas agus an Ríocht Aontaithe, den chéad uair, TACanna le haghaidh na nithe seo a leanas: (i) an leathóg bhán (Glyptocephalus cynoglossus) in uiscí an Aontais i roinn 3a ICES (Skagerrak-Kattegat); agus (ii) an leathóg mhín (Microstomus kitt) sa limistéar céanna. Go dtí go dtiocfar ar chomhaontú idir na Ballstáit maidir leis an gcaoi a ndéanfar na deiseanna iascaireachta sin a chionroinnt, is le ‘le bunú’ a marcáladh na TACanna le haghaidh na stoc sin i Rialachán (AE) 2024/257. Chun gur féidir leis na Ballstáit na deiseanna iascaireachta sin a úsáid, ba cheart TACanna agus cuótaí an Aontais le haghaidh na stoc sin a shocrú ar na leibhéil a comhaontaíodh leis an Ríocht Aontaithe agus, más ábhartha, ba cheart iad a chionroinnt ar na Ballstáit i gcomhréir le toradh an phlé idir na Ballstáit maidir leis an gcionroinnt sin

(4)[Idir an 9 agus an 13 Márta 2023, rinneadh comhairliúcháin dhéthaobhacha idir an tAontas agus an Ríocht Aontaithe maidir le leibhéal an TAC le haghaidh corra gainimh agus foghabhálacha gaolmhara (Ammodytes spp.) in uiscí na Ríochta Aontaithe agus an Aontais d’fholimistéar 4 ICES, uiscí na Ríochta Aontaithe i roinn 2a ICES agus uiscí an Aontais i roinn 3a. Rinneadh na comhairliúcháin sin de bhun Airteagal 498(2), (4) agus (6) den Chomhaontú Trádála agus Comhair agus ar bhonn sheasamh an Aontais a d’fhormhuinigh an Chomhairle an 2 Márta 2023. Rinneadh toradh na gcomhairliúchán sin a dhoiciméadú i dTaifead i Scríbhinn. Ba cheart, dá bhrí sin, an TAC ábhartha a shocrú ar an leibhéal a chomhaontaíodh leis an Ríocht Aontaithe.] [Déanfar an aithris agus na forálacha ábhartha a thabhairt cothrom le dáta tar éis na gcomhairliúchán idir an tAontas agus an Ríocht Aontaithe a thabhairt i gcrích.]

(5)Ag an 12ú cruinniú bliantúil a bhí aici in 2022, ghlac an Eagraíocht Réigiúnach um Bainistíocht Iascaigh san Aigéan Ciúin Theas (SPRFMO) teorainneacha gabhála le haghaidh an bholmáin ghoirm (Trachurus murphyi) agus choinnigh sí iascaigh thaiscéalaíocha le haghaidh an déadéisc (Dissostichus spp.). Ina theannta sin, rinne SPRFMO na bearta atá nasctha go feidhmiúil a choinneáil ar bun nó a leasú. Ba cheart na bearta sin a chur chun feidhme i ndlí an Aontais.

(6)Ag an gcruinniú bliantúil a bhí aige in 2023, chinn an Coimisiún Iascaigh don Aigéan Ciúin Iartharach agus don Aigéan Ciúin Láir (WCPFC) na teorainneacha iarrachta peas‑saighne agus an líon uasta soithí sin a dhéanann iascaireacht ar thuinníní trópaiceacha a choinneáil ar bun. Leasaíodh forálacha a bhaineann le feistí comhthiomsaithe éisc (FADanna) a bhainistiú in iascach tuinníní trópaiceacha, agus go háirithe maidir le tréimhse choiscthe FADanna. Ba cheart na bearta sin a chur chun feidhme i ndlí an Aontais.

(7)[Maidir le teorainneacha iarrachta iascaireachta le haghaidh shoithí an Aontais a dhéanann iascaireacht ar an tuinnín gorm (Thunnus thynnus) i limistéar Choinbhinsiún an Choimisiúin Idirnáisiúnta um Thuinníní Atlantacha a Chaomhnú (ICCAT) agus maidir le huas‑ionchur agus uas‑acmhainneacht le haghaidh fheirmeacha tuinníní gorma an Aontais, tá siad bunaithe ar fhaisnéis a sholáthraítear sna pleananna iascaireachta bliantúla, sna pleananna bainistíochta maidir le hacmhainneacht iascaireachta agus sna pleananna bainistíochta feirmeoireachta bliantúla le haghaidh tuinníní gorma atá ag na Ballstáit. Tá na Ballstáit leis na pleananna sin a tharchur chuig an gCoimisiún faoin 31 Eanáir gach bliain, de bhun Airteagal 16(1) de Rialachán (AE) 2023/2053 ó Pharlaimint na hEorpa agus ón gComhairle 11 . Tiomsóidh an Coimisiún na pleananna sin ina dhiaidh sin agus beidh siad ina mbonn chun plean bliantúil de chuid an Aontais a bhunú, ar plean é a chuirtear ar aghaidh chuig Rúnaíocht ICCAT lena phlé agus lena fhormheas, mar a cheanglaítear le hAirteagal 16(2) de Rialachán (AE) 2023/2053. D’fhormheas ICCAT an plean bliantúil is déanaí de chuid an Aontais an 8 Márta 2023. Dá bhrí sin, ba cheart teorainneacha iarrachta iascaireachta an Aontais agus uas‑ionchur agus uas‑acmhainneacht feirmeoireachta an Aontais le haghaidh 2023 a leasú i gcomhréir leis an bplean bliantúil sin.] [Déanfar an aithris agus na forálacha ábhartha a thabhairt cothrom le dáta tar éis do ICCAT an Aontais an plean bliantúil a fhormheas.]

(8)Ag an 14ú cruinniú a bhí aici in Samarkand na hÚisbéiceastáine, ón 12 go dtí an 17 Feabhra 2024, chuir Comhdháil na bPáirtithe (COP) sa Choinbhinsiún maidir le Caomhnú na Speiceas Imirceach Ainmhithe Fiáine (CMS) an siorc tíograch gainimh (Carcharias taurus) leis na liostaí de speicis faoi chosaint i bhFoscríbhinní I agus II den Choinbhinsiún sin. Dá bhrí sin, ba cheart na bearta sin a chur chun feidhme i ndlí an Aontais trí thoirmeasc a chur ar na soithí seo a leanas: (i) soithí iascaireachta de chuid an Aontais sna huiscí uile; agus (ii) soithí tríú tír in uiscí an Aontais i dtaca leis an speiceas sin a iascach, a choinneáil ar bord, a thrasloingsiú nó a thabhairt i dtír. Le hAirteagal 98(2) de Rialachán (AE) 2023/2124 ó Pharlaimint na hEorpa agus ón gComhairle, mar sin féin, tá toirmeasc den sórt sin bunaithe cheana féin maidir leis an siorc gainimh sa Mheánmhuir. Chun forálacha forluiteacha maidir leis an ábhar céanna a sheachaint, níor cheart, dá bhrí sin, toirmeasc den sórt sin a bhunú sa Mheánmhuir, ach amháin do shoithí de chuid an Aontais sna huiscí uile, seachas sa Mheánmhuir, agus do shoithí tríú tír in uiscí an Aontais.

(9)Tagraíonn Airteagal 41, mír 4, agus Airteagal 43 de Rialachán (AE) 2024/257 araon don líon uasta céanna soithí iascaireachta de chuid an Aontais a údarófar chun an colgán (Xiphias gladius) a iascach i limistéir de limistéar Choinbhinsiún WCPFC. Ba cheart, dá bhrí sin, an fhoráil a bhí ann roimhe seo a scriosadh ar mhaithe le soiléireacht dhlíthiúil.

(10)Ba cheart Airteagal 59 de Rialachán (AE) 2024/257 maidir le teacht i bhfeidhm agus cur i bhfeidhm a cheartú maidir le bearta ar an eascann Eorpach (Anguilla anguilla) in uiscí muirí agus goirte an Aontais i bhfolimistéir 3, 4, 6, 7, 8 agus 9 ICES agus in uiscí goirte de chuid an Aontais atá cóngarach dóibh.

(11)Ba cheart earráidí áirithe sna táblaí TAC sna hIarscríbhinní a ghabhann le Rialachán (AE) 2024/257 a cheartú. Áirítear orthu sin earráidí a bhaineann leis na nithe seo a leanas: (i) cuótaí na mBallstát; (ii) an cineál TAC (i.e. ‘TAC anailíseach’ nó ‘TAC réamhchúraim’); (iii) tuairiscí limistéir; agus (iv) cóid tuairiscithe. Ina theannta sin, sna hIarscríbhinní sin, ba cheart forálacha áirithe a shoiléiriú sna táblaí TAC seo a leanas: (i) na táblaí TAC le haghaidh an roic dústríoctha (Raja undulata) in uiscí an Aontais i bhfolimistéir 8 agus 9 ICES faoi seach; agus (ii) na táblaí TAC le haghaidh an ronnaigh (Scomber scombrus) sa Mhuir Thuaidh agus i Muir Bhailt.

(12)Dá bhrí sin, ba cheart Rialachán (AE) 2024/257 a leasú agus a cheartú dá réir sin.

(13)Tá feidhm ón 1 Eanáir 2024 ag na deiseanna iascaireachta dá bhforáiltear i Rialachán (AE) 2024/257. Dá bhrí sin, na forálacha maidir le deiseanna iascaireachta a thugtar isteach leis an Rialachán seo, ba cheart feidhm a bheith acu ón dáta sin chomh maith. Ní dhéanann an cur i bhfeidhm cúlghabhálach sin difear do phrionsabal na deimhneachta dlíthiúla ná don phrionsabal i dtaobh ionchais dhlisteanacha a chosaint, mar go bhfuil méadú tagtha ar na deiseanna iascaireachta atá i gceist nó nár ídíodh go fóill iad.

(14)Ba cheart feidhm a bheith ag forálacha an Rialacháin seo maidir leis an siorc tíograch gainimh ón 1 Aibreán 2024, is é sin: (i) tar éis an 14ú cruinniú de Chomhdháil na bPáirtithe sa Choinbhinsiún maidir le Caomhnú na Speiceas Imirceach Ainmhithe Fiáine, a bhí ar siúl ón 12 go dtí an 17 Feabhra 2024; agus (ii) roimh theacht i bhfeidhm an leasaithe ar Fhoscríbhinní I agus II de CMS an 17 Bealtaine 2024.

(15)I bhfianaise na práinne atá le briseadh sna gníomhaíochtaí iascaireachta a sheachaint, ba cheart an Rialachán seo a theacht i bhfeidhm lá a fhoilsithe in Iris Oifigiúil an Aontais Eorpaigh,

TAR ÉIS AN RIALACHÁN SEO A GHLACADH:

Airteagal 1
Leasú agus ceartúchán ar Rialachán (AE) 2024/257

Leasaítear Rialachán (AE) Uimh. 2024/257 mar a leanas:

(1)In Airteagal 20(1), cuirtear an pointe seo a leanas isteach:

‘(ba)an siorc gainimh (Carcharias taurus) sna huiscí uile seachas sa Mheánmhuir;’

(2)Scriostar Airteagal 41, mír 3.

(3)Cuirtear an méid seo a leanas in ionad Airteagal 42:

‘Airteagal 42

Iascaireacht a bhainistiú le FADanna

1.Sa chuid sin de limistéar Choinbhinsiún WCPFC idir 20° T agus 20° D, ní dhéanfaidh soithí peas‑saighne, soithí tairisceana, agus aon soitheach eile a oibríonn mar thacaíocht do shoithí peas‑saighne, FADanna a imscaradh, a sheirbhísiú nó eangacha a chur orthu idir 00.00 uair an chloig an 1 Iúil 2024 agus 24.00 uair an chloig an 30 Meán Fómhair 2024.

2.I dteannta an toirmisc i mír 1, toirmeascfar eangacha a chur ar FADanna ar mórmhuir i limistéar Choinbhinsiún WCPFC atá suite idir 20° T agus 20° D ar feadh mí bhreise amháin, ó 00.00 uair an chloig an 1 Aibreán 2024 go 24.00 uair an chloig an 31 Aibreán 2024, nó 00.00 uair an chloig an 1 Bealtaine 2024 go 24.00 uair an chloig an 31 Bealtaine 2024, nó ó 00.00 uair an chloig an 1 Samhain 2024 go 24.00 uair an chloig an 30 Samhain 2024, nó ó 00.00 uair an chloig an 1 Nollaig 2024 go 24.00 uair an chloig an 31 Nollaig 2024.

3.Déanfaidh na Ballstáit lena mbaineann a chinneadh go comhpháirteach cé acu de na tréimhsí coiscthe dá dtagraítear i mír 2 a mbeidh feidhm aici maidir le soithí peas‑saighne atá faoina mbratach. Déanfaidh na Ballstáit an Coimisiún a chur ar an eolas go comhpháirteach faoin 15 Feabhra 2024 maidir leis an tréimhse choiscthe a roghnaíodh. Tabharfaidh an Coimisiún fógra do rúnaíocht WCPFC maidir leis an gcomhthréimhse choiscthe a roghnaigh na Ballstáit lena mbaineann roimh an 1 Márta 2024.

4. Áiritheoidh gach Ballstát nach mó ná 350 an líon FADanna a mbeidh baoithe gléasta gníomhachtaithe acu a dhéanfaidh soithí peas‑saighne dá chuid a imscaradh ar muir ag aon am amháin. Ní dhéanfar na baoithe a ghníomhachtú ach amháin ar bord soithigh peas‑saighne.’

(4)In Airteagal 55(1), cuirtear an méid seo a leanas isteach:

‘(aa)an siorc gainimh (Carcharias taurus) in uiscí uile an Aontais;’

(5) In Airteagal 59, cuirtear an méid seo a leanas in ionad phointí (a) agus (b):

‘(a)Beidh feidhm ag Airteagal 13(1) agus (7) ón 1 Eanáir 2024 go dtí an 31 Márta 2025;

(b)Beidh feidhm ag Airteagal 13(2) go (6) ón 1 Aibreán 2024 go dtí an 31 Márta 2025;

(6) In Airteagal 59, cuirtear isteach na pointí (ca) agus (ga) seo a leanas:

‘ (ca)Beidh feidhm ag Airteagal 20(1), pointe (ba), ón 1 Aibreán 2024;

(ga) Beidh feidhm ag Airteagal 55(1), pointe (aa), ón 1 Aibreán 2024;’

(7)leasaítear agus ceartaítear Iarscríbhinní IA, IG, IH, VI, IX agus XI i gcomhréir leis an Iarscríbhinn a ghabhann leis an Rialachán seo.

Airteagal 2
Teacht i bhfeidhm agus cur i bhfeidhm

Tiocfaidh an Rialachán seo i bhfeidhm lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Eanáir 2024.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

Thar ceann na Comhairle

An tUachtarán

(1) Rialachán (AE) 2024/257 ón gComhairle an 10 Eanáir 2024 lena socraítear le haghaidh 2024, 2025 agus 2026 na deiseanna iascaireachta le haghaidh stoic éisc áirithe, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad, agus lena leasaítear Rialachán (AE) 2023/194 (IO L, 2024/257, 11.1.2024).

(2) Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialacháin (CE) Uimh. 1954/2003 agus (CE) Uimh. 1224/2009 ón gComhairle agus lena n‑aisghairtear Rialacháin (CE) Uimh. 2371/2002 agus (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lch. 22).

(3) IO L 149, 30.4.2021, lch. 10.

(4) Rialachán (AE) 2023/194 ón gComhairle an 30 Eanáir 2023 lena socraítear le haghaidh 2023 na deiseanna iascaireachta le haghaidh stoic éisc áirithe, is infheidhme in uiscí an Aontais, agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad, chomh maith le deiseanna iascaireachta den sórt sin a shocrú le haghaidh 2023 agus 2024 le haghaidh stoic éisc áirithe dhomhainfharraige (IO L 28, 31.1.2023, lch. 1).

(5) Rialachán (AE) 2023/2053 ó Pharlaimint na hEorpa agus ón gComhairle an 13 Meán Fómhair 2023 lena mbunaítear plean bainistíochta ilbhliantúil don tuinnín gorm san Atlantach thoir agus sa Mheánmhuir, lena leasaítear Rialacháin (CE) Uimh. 1936/2001, (AE) 2017/2107 agus (AE) 2019/833, agus lena n‑aisghairtear Rialachán (AE) 2016/1627 (IO L 238, 27.9.2023, lch. 1)

(6) Rialachán (AE) 2023/2124 ó Pharlaimint na hEorpa agus ón gComhairle an 4 Deireadh Fómhair 2023 maidir le forálacha áirithe i ndáil le hiascaireacht i limistéar Chomhaontú an Choimisiúin Ghinearálta Iascaigh don Mheánmhuir (CGIM) (athmhúnlú) (IO L, 2023/2124, 12.10.2023).

(7) https://doi.org/10.17895/ices.advice.21864321.v1 https://doi.org/10.17895/ices.advice.21840735.v1

(8) Rialachán (AE) 2023/194 ón gComhairle an 30 Eanáir 2023 lena socraítear le haghaidh 2023 na deiseanna iascaireachta le haghaidh stoic éisc áirithe, is infheidhme in uiscí an Aontais, agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad, chomh maith le deiseanna iascaireachta den sórt sin a shocrú le haghaidh 2023 agus 2024 le haghaidh stoic éisc áirithe dhomhainfharraige (IO L 28, 31.1.2023, lch. 1).

(9) Rialachán (AE) 2024/257 ón gComhairle an 10 Eanáir 2024 lena socraítear le haghaidh 2024, 2025 agus 2026 na deiseanna iascaireachta le haghaidh stoic éisc áirithe, is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad, agus lena leasaítear Rialachán (AE) 2023/194 (IO L, 2024/257, 11.1.2024).

(10) IO L 149, 30.4.2021, lch. 10.

(11) Rialachán (AE) 2023/2053 ó Pharlaimint na hEorpa agus ón gComhairle an 13 Meán Fómhair 2023 lena mbunaítear plean bainistíochta ilbhliantúil don tuinnín gorm san Atlantach thoir agus sa Mheánmhuir, lena leasaítear Rialacháin (CE) Uimh. 1936/2001, (AE) 2017/2107 agus (AE) 2019/833, agus lena n‑aisghairtear Rialachán (AE) 2016/1627 (IO L 238, 27.9.2023, lch. 1).

Top

AN COIMISIÚN EORPACH

An Bhruiséil,6.3.2024

COM(2024) 114 final

IARSCRÍBHINN

a ghabhann leis an

Togra le haghaidh

RIALACHÁN ÓN gCOMHAIRLE

IARSCRÍBHINN

Leasuithe agus ceartúcháin ar Rialachán (AE) 2024/257

Leasaítear agus ceartaítear Rialachán (AE) 2024/257 mar a leanas:

(1)I gCuid B d’Iarscríbhinn IA, cuirtear an méid seo a leanas in ionad Thábla 1:

‘

Tábla

Speiceas:

An chorr ghainimh agus foghabhálacha gaolmhara

Limistéar:

Uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a; Uiscí an Aontais in 3a

Ammodytes spp.

An Danmhairg

(1)

TAC anailíseach

An Ghearmáin

(1)

Ní bheidh feidhm ag Airteagal 3(2) agus (3) de Rialachán (CE) Uimh. 847/96

An tSualainn

(1)

Ní bheidh feidhm ag Airteagal 4 de Rialachán (CE) Uimh. 847/96

An tAontas

An Ríocht Aontaithe

TAC

(1)

Féadfaidh foghabhálacha faoitíní agus ronnach (OT1/*2A3A4X) a bheith i suas le 2 % den chuóta. Foghabhálacha faoitíní agus ronnach arna gcomhaireamh in aghaidh an chuóta de bhun na forála seo agus foghabhálacha speiceas arna gcomhaireamh in aghaidh an chuóta de bhun Airteagal 15(8) de Rialachán (AE) Uimh. 1380/2013, ní rachaidh siad, i dteannta a chéile, thar 9 % den chuóta.

Coinníoll speisialta: laistigh de theorainneacha na gcuótaí sin, ní fhéadfar níos mó ná na cainníochtaí a thugtar thíos a ghabháil sna limistéir bhainistíochta seo a leanas le haghaidh corra gainimh, mar a shainítear in Iarscríbhinn III:

Limistéar: uiscí na Ríochta Aontaithe agus uiscí an Aontais ina bhfuil limt‑istéir bainistithe corr gainimh

(SAN/234_1R)(1)

(SAN/234_2R)(1)

(SAN/234_3R)(1)

(SAN/234_4)(1)

(SAN/234_5R)(1)

(SAN/234_6)(1)

(SAN/234_
7R)(1)

An Danmhairg

An Ghearmáin

An tSualainn

An tAontas

An Ríocht Aontaithe

Iomlán

(1)

Laistigh den limistéar bainistíochta sin amháin, is féidir suas le 10 % den chuóta sin a thaisceadh agus a úsáid an bhliain dár gcionn.

’

(2) I gCuid B d’Iarscríbhinn IA, cuirtear an méid seo a leanas in ionad Thábla 29:

‘

			Tábla	29
Speiceas:	An leathóg bhán			Limistéar:	Uiscí an Aontais in 3a
	Glyptocephalus cynoglossus					(WIT/*03A-C.)
An tAontas		657	(1)
TAC		657
(1)	A bhféadfar suas le 100 % de a iascach in uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a (WIT/*2AC4-C1)

’

(3) I gCuid B d’Iarscríbhinn IA, cuirtear an méid seo a leanas in ionad Thábla 60:

‘

Tábla

Speiceas:

An leathóg mhín agus an leathóg bhán

Limistéar:

Uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a

Microstomus kitt agus Glyptocephalus cynoglossus

(L/W/2AC4-C)

An Bheilg

121

TAC réamhchúraim

An Danmhairg

335

An Ghearmáin

An Fhrainc

An Ísiltír

278

An tSualainn

An tAontas

873

(3)(4)

An Ríocht Aontaithe

1 666

(1)(2)

TAC

2 539

(1)

A bhféadfar suas le 1 125 thona de leathóga míne a iascach in uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a (LEM/*2AC4-C); agus Uiscí na Ríochta Aontaithe agus uiscí an Aontais in 7d (LEM/*07D.).

(2)

A bhféadfar suas le 541 thona de leathóga bána a iascach in uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a (WIT/*2AC4-C); agus Uiscí na Ríochta Aontaithe agus uiscí an Aontais in 7d (WIT/*07D.).

(3)

A bhféadfar suas le 590 tona de leathóga míne a iascach in uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a (LEM/*2AC4-C); Uiscí an Aontais in 3a (LEM/*03A-C); agus Uiscí na Ríochta Aontaithe agus uiscí an Aontais in 7d (LEM/*07D.).

An Bheilg	82
An Danmhairg	226
An Ghearmáin	29
An Fhrainc	62
An Ísiltír	188
An tSualainn	3

(4)

A bhféadfar suas le 283 thona de leathóga bána a iascach in uiscí na Ríochta Aontaithe agus uiscí an Aontais in 4, agus in uiscí na Ríochta Aontaithe in 2a (WIT/*2AC4-C), uiscí an Aontais in 3a (WIT/*03A-C); agus Uiscí na Ríochta Aontaithe agus uiscí an Aontais in 7d (WIT/*07D.).

An Bheilg	39
An Danmhairg	109
An Ghearmáin	14
An Fhrainc	30
An Ísiltír	90
An tSualainn	1

’

(4) I gCuid B d’Iarscríbhinn IA, cuirtear an méid seo a leanas in ionad Thábla 61:

‘

			Tábla	61
Speiceas:	An leathóg mhín			Limistéar:	Uiscí an Aontais in 3a
	Microstomus kitt				(LEM/*03A-C.)
An tAontas		187	(1)	TAC anailíseach
TAC		187
(1)	A bhféadfar suas le 100 % de a iascach in uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a (LEM/*2AC4-C1)

’

(5) I gCuid B d’Iarscríbhinn IA, cuirtear an méid seo a leanas in ionad Thábla 93:

‘

Tábla

Speiceas:

An turbard agus an bhroit

Limistéar:

Uiscí na Ríochta Aontaithe agus uiscí an Aontais in 4; Uiscí na Ríochta Aontaithe in 2a

Scophthalmus maximus agus Scophthalmus rhombus

(T/B/2AC4-C)

An Bheilg

251

TAC anailíseach

An Danmhairg

537

Tá feidhm ag Airteagal 7(2) den Rialachán seo

An Ghearmáin

137

An Fhrainc

An Ísiltír

1 904

An tSualainn

An tAontas

2 898

(3)(4)

An Ríocht Aontaithe

708

(1)(2)

TAC

3 606

(1)

A bhféadfar suas le 400 tona de thurbaird a iascach in uiscí na Ríochta Aontaithe agus uiscí an Aontais in 4, agus in uiscí na Ríochta Aontaithe in 2a (TUR/*2AC4-C).

(2)

A bhféadfar suas le 308 dtona de bhroiteanna a iascach in uiscí na Ríochta Aontaithe agus uiscí an Aontais in 4, agus in uiscí na Ríochta Aontaithe in 2a (BLL/*2AC4-C); agus Uiscí na Ríochta Aontaithe agus uiscí an Aontais in 7d agus 7e (BLL/*7DE.).

(3)

A bhféadfar suas le 1 638 dtona de thurbaird a iascach in uiscí na Ríochta Aontaithe agus uiscí an Aontais in 4, agus in uiscí na Ríochta Aontaithe in 2a (TUR/*2AC4-C).


An Bheilg	142
An Danmhairg	303
An Ghearmáin	77
An Fhrainc	37
An Ísiltír	1 077
An tSualainn	2

(4)

A bhféadfar suas le 1 260 tona de bhroiteanna a iascach in uiscí na Ríochta Aontaithe agus uiscí an Aontais in 4, agus in uiscí na Ríochta Aontaithe in 2a (BLL/*2AC4-C); Uiscí an Aontais in 3a (BLL/*03A-C); agus Uiscí na Ríochta Aontaithe agus uiscí an Aontais in 7d agus 7e (BLL/*7DE.).


An Bheilg	109
An Danmhairg	233
An Ghearmáin	60
An Fhrainc	28
An Ísiltír	828
An tSualainn	2

’

(6) I gCuid B d’Iarscríbhinn IA, cuirtear an méid seo a leanas in ionad Thábla 98:

‘

							Tábla		98
Speiceas:	Sciataí agus roic								Limistéar:		Uiscí na Ríochta Aontaithe agus uiscí an Aontais in 6a, 6b, 7a-c agus 7e-k
	Rajiformes										(SRX/67AKXD)
An Bheilg				824			(1)(2)(3)(4)(5)		TAC réamhchúraim
An Eastóin				5			(1)(2)(3)(4)(5)
An Fhrainc				3 702			(1)(2)(3)(4)(5)
An Ghearmáin				11			(1)(2)(3)(4)(5)
Éire				1 191			(1)(2)(3)(4)(5)
An Liotuáin				19			(1)(2)(3)(4)(5)
An Ísiltír				3		(1)(2)(3)(4)(5)
An Phortaingéil				20			(1)(2)(3)(4)(5)
An Spáinn				996			(1)(2)(3)(4)(5)
An tAontas				6 771			(1)(2)(3)(4)(5)
An Ríocht Aontaithe				2 985		(1)(2)(3)(4)(5)
TAC				9 756			(3)(4)(5)
(1)	Déanfar gabhálacha roc na súl dubh (Leucoraja naevus) (RJN/67AKXD), roc garbh (Raja clavata) (RJC/67AKXD), roc fionn (Raja brachyura) (RJH/67AKXD), roc mín (Raja montagui) (RJM/67AKXD), roc gainmheach (Raja circularis) (RJI/67AKXD) agus roc úcaire (Raja fullonica) (RJF/67AKXD) a thuairisciú ar leithligh.
(2)	Coinníoll speisialta: a bhféadfar suas le 5 % de a iascach in 7d (SRX/*07D.), gan dochar do na toirmisc a leagtar amach i ndlí an Aontais agus na Ríochta Aontaithe le haghaidh na limistéar a shonraítear iontu. Déanfar gabhálacha roc na súl dubh (Leucoraja naevus) (RJN/07D), roc garbh (Raja clavata) (RJC/07D), roc fionn (Raja brachyura) (RJH/07D), roc mín (Raja montagui) (RJM/07D), roc gainmheach (Raja circularis) (RJI/07D) agus roc úcaire (Raja fullonica) (RJF/07D) a thuairisciú ar leithligh. Ní bheidh feidhm ag an gcoinníoll speisialta sin maidir leis an roc mionsúileach (Raja microocellata) ná an roc dústríoctha (Raja undulata).
(3)	Ní bheidh feidhm aige seo maidir leis an roc dústríoctha (Raja undulata). Déanfar gabhálacha an speicis seo in 7e a chomhaireamh in aghaidh na gcainníochtaí dá bhforáiltear sa TAC ar leithligh sin (RJU/7DE.). I gcás ina ngabhfar an speiceas seo de thaisme in 6a, 6b, 7a-c agus 7f-k, ní dhéanfar dochar dó. Scaoilfear saor na heiseamail go pras. Spreagfar iascairí le teicnící agus trealamh a fhorbairt agus a úsáid chun scaoileadh saor tapa sábháilte na speiceas a éascú.
(4)	Ní bheidh feidhm aige seo maidir leis an roc mionsúileach (Raja microocellata) ach amháin in uiscí an Aontais in 7e, 7f agus 7g. I gcás ina ngabhfar an speiceas sin de thaisme, ní dhéanfar díobháil dó. Scaoilfear saor na heiseamail go pras. Spreagfar iascairí le teicnící agus trealamh a fhorbairt agus a úsáid chun scaoileadh saor tapa sábháilte na speiceas a éascú. Laistigh de theorainneacha na gcuótaí thuasluaite, ní fhéadfar níos mó ná na cainníochtaí den roc mionsúileach a thugtar thíos a ghabháil in 7f agus 7g:
	Speiceas:		An roc mionsúileach					Limistéar:		7f agus 7g
			Raja microocellata							(RJE/*7FG.)
	An Bheilg				5			(1)		TAC réamhchúraim
	An Eastóin				0			(1)
	An Fhrainc				22			(1)
	An Ghearmáin				0			(1)
	Éire				7			(1)
	An Liotuáin				0			(1)
	An Ísiltír				0			(1)
	An Phortaingéil				0			(1)
	An Spáinn				6			(1)
	An tAontas				40			(1)
	An Ríocht Aontaithe				46			(1)

	TAC				86
	(1)	Coinníoll speisialta: a bhféadfar suas le 5 % de a iascach in 7d agus a thuairisciú faoin gcód seo a leanas: (RJE/*07D.). Tá an coinníoll speisialta sin gan dochar do na toirmisc a leagtar amach i ndlí an Aontais agus na Ríochta Aontaithe le haghaidh na limistéar a shonraítear ann.
(5)	Laistigh de theorainneacha an chuóta thuasluaite, ní fhéadfar níos mó ná na cainníochtaí den roc mionsúileach dá bhforáiltear thíos a ghabháil i roinn 7e ionas go bhféadfar iascach faire a dhéanamh chun gur féidir iascach faire a bheith ann chun bailiú sonraí iascachbhunaithe a cheadú le haghaidh an stoic arna mheasúnú ag ICES.
	Speiceas:		An roc mionsúileach					Limistéar:		7e
			Raja microocellata							(RJE/*07E.)
	An Bheilg				1			(1)		TAC réamhchúraim
	An Eastóin				0			(1)
	An Fhrainc				6			(1)
	An Ghearmáin				0			(1)
	Éire				2			(1)
	An Liotuáin				0			(1)
	An Ísiltír				0			(1)
	An Phortaingéil				0			(1)
	An Spáinn				2			(1)
	An tAontas				11			(1)
	An Ríocht Aontaithe				5			(1)

	TAC				16
	(1)	Ní fhéadfaidh ach soithí atá rannpháirteach i ‘gcláir faireacháin’ san iascach faire le haghaidh roic mhionsúileacha in 7e gabháil an stoic sin a thabhairt i dtír. Eiseamail a ghabhann soithí eile, ní dhéanfar aon dochar dóibh agus scaoilfear saor go pras iad. Cinnfidh gach Páirtí go neamhspleách conas a chuóta a chionroinnt ar na soithí atá rannpháirteach ina chláir faireacháin. Ceanglófar ar shoithí rannpháirteacha sonraí a bhailiú agus a chomhroinnt maidir leis na nithe seo a leanas: tabhairt i dtír agus ábhar muirí aischurtha, agus sonraí saintréithe bitheolaíocha na gabhála (fad, meáchan agus gnéas), más féidir.

’

(7) I gCuid B d’Iarscríbhinn IA, fonóta 2 de Thábla 101, cuirtear an méid seo a leanas in ionad na dtáblaí:

‘

Speiceas:	An roc dústríoctha		Limistéar:	Uiscí an Aontais in 8
	Raja undulata			(RJU/*8-C.)
An Bheilg	0		TAC réamhchúraim
An Fhrainc	13	(1)
An Phortaingéil	10
An Spáinn	10	(2)
An tAontas	33
An Ríocht Aontaithe	0
TAC	33
(1)	Féadfar 28,5 tona breise a chionroinnt ar shoithí a bheidh rannpháirteach san iascach faire chun bailiú sonraí iascachbhunaithe a cheadú le haghaidh an stoic sin mar a dhear institiúid eolaíoch náisiúnta é. Tuairisceofar ar leithligh na gabhálacha a dhéanfar faoin gcionroinnt bhreise sin (RJU/8-C.SEN). Cuirfidh an Fhrainc ainmneacha na soithí in iúl don Choimisiún sula gceadófar aon ghabháil. Beidh sin gan dochar don chobhsaíocht choibhneasta.
(2)	Féadfar 21,5 tona breise a chionroinnt ar shoithí a bheidh rannpháirteach san iascach faire chun bailiú sonraí iascachbhunaithe a cheadú le haghaidh an stoic sin mar a dhear institiúid eolaíoch náisiúnta é. Tuairisceofar ar leithligh na gabhálacha a dhéanfar faoin gcionroinnt bhreise sin (RJU/8-C.SEN). Cuirfidh an Spáinn ainmneacha na soithí in iúl don Choimisiún sula gceadófar aon ghabháil. Beidh sin gan dochar don chobhsaíocht choibhneasta.
Speiceas:	An roc dústríoctha		Limistéar:	Uiscí an Aontais in 9
	Raja undulata			(RJU/*9-C.)
An Bheilg	0		TAC réamhchúraim
An Fhrainc	20
An Phortaingéil	15	(1)
An Spáinn	15
An tAontas	50
An Ríocht Aontaithe	0
TAC	50
(1)	Féadfar 50 tona breise a chionroinnt ar shoithí a bheidh rannpháirteach san iascach faire chun bailiú sonraí iascachbhunaithe a cheadú le haghaidh an stoic sin mar a dhear institiúid eolaíoch náisiúnta é. Tuairisceofar ar leithligh na gabhálacha a dhéanfar faoin gcionroinnt bhreise sin (RJU/9-C.SEN). Cuirfidh an Phortaingéil ainmneacha na soithí in iúl don Choimisiún sula gceadófar aon ghabháil. Beidh sin gan dochar don chobhsaíocht choibhneasta.

’

(8) I gCuid B d’Iarscríbhinn IA, cuirtear an méid seo a leanas in ionad Thábla 103:

‘

							Tábla	103
Speiceas:	An ronnach							Limistéar:	Uiscí an Aontais in 3a, 3b, 3c agus 3d Uiscí na Ríochta Aontaithe in 2a; Uiscí an Aontais agus uiscí na Ríochta Aontaithe in 4; Uiscí na hIorua in 2a agus 4a
	Scomber scombrus								(MAC/2A34-N)
An Bheilg				476			(1)(2)	TAC anailíseach
An Danmhairg				27 882			(1)(2)(4)	Tá feidhm ag Airteagal 7(2) den Rialachán seo
An Ghearmáin				496			(1)(2)
An Fhrainc				1 498			(1)(2)
An Ísiltír				1 508			(1)(2)
An tSualainn				4 569			(1)(2)(3)
An tAontas				36 429			(1)(2)
TAC				739 386
(1)	Coinníoll speisialta: laistigh de theorainneacha na gcuótaí seo, ní fhéadfar níos mó ná na cainníochtaí a thugtar thíos a thógáil sna limistéir seo a leanas:
		3a (MAC/*03A.)			Uiscí na Ríochta Aontaithe agus uiscí an Aontais in 3a, 4b agus 4c (MAC/*3A4BC)			4b (MAC/*04B.)		4c (MAC/*04C.)	Uiscí na Ríochta Aontaithe agus uiscí idirnáisiúnta in 2a, 5b, 6, 7, 8d, 8e, 12 agus 14 (MAC/*2AX14)
	An Bheilg	0			0			0		0	286
	An Danmhairg	0			4 130			0		0	9 775
	An Ghearmáin	0			0			0		0	298
	An Fhrainc	0			490			0		0	899
	An Ísiltír	0			490			0		0	905
	An tSualainn	0			0			390		10	2 741
	An tAontas	0			5 110			390		10	14 903
(2)	Laistigh de theorainneacha na gcuótaí sin, agus i gcomhaontú leis an Stát cósta ábhartha, ní fhéadfar níos mó ná na cainníochtaí a thugtar thíos a ghabháil freisin sa dá limistéar seo a leanas:
			uiscí na hIorua in 2a agus 4a (MAC/*02A4AN‑)			uiscí Fharó (MAC/*FRO1)
	An Bheilg		0			Le bunú
	An Danmhairg		0			Le bunú
	An Ghearmáin		0			Le bunú
	An Fhrainc		0			Le bunú
	An Ísiltír		0			Le bunú
	An tSualainn		0			Le bunú
	An tAontas		0			Le bunú
(3)	Coinníoll speisialta: lena n‑áirítear an tonnáiste seo a leanas atá le gabháil in uiscí na hIorua in 2a agus 4a (MAC/*2A4AN):
			322
	Nuair a bheifear ag iascach faoin gcoinníoll speisialta seo, ní mór foghabhálacha trosc, cadóg, mangach, faoitíní agus glasán a chomhaireamh in aghaidh na gcuótaí le haghaidh na speiceas sin.
(4)	Laistigh de theorainneacha an chuóta seo, déanfaidh an Danmhairg na haistrithe seo a leanas a bheidh le hiascach in uiscí na Ríochta Aontaithe agus uiscí an Aontais in 6, 7, 8a; Uiscí an Aontais in 8a, 8b agus 8e; uiscí idirnáisiúnta in 12 agus 14; agus Uiscí na Ríochta Aontaithe agus uiscí idirnáisiúnta in 2a agus 5b (MAC/*2A14):
	An Ghearmáin		531
	An Spáinn		1
	An Eastóin		4
	An Fhrainc		354
	Éire		1 769
	An Laitvia		3
	An Liotuáin		3
	An Ísiltír		774
	An Pholainn		37

’

(9) I gCuid B d’Iarscríbhinn IA, cuirtear an méid seo a leanas in ionad Thábla 106, fonóta 1:

‘Ní fhéadfar é a iascach ach in uiscí an Aontais in 4 (SOL/*04-EU).’

(10)Cuirtear an méid seo a leanas in ionad Iarscríbhinn IG:

‘

IARSCRÍBHINN IG

LIMISTÉAR CHOINBHINSIÚN WCPFC

			Tábla	1
Speiceas:	An tuinnín mórshúileach Thunnus obesus			Limistéar:	Limistéar Choinbhinsiún WCPFC (BET/WCPFC)
An tAontas		2 000	(1)	TAC réamhchúraim
TAC		Ní bhaineann le hábhar	(1)
(1)	Ní fhéadfaidh ach soithí a úsáideann spiléir an cuóta seo a iascach.

			Tábla	2
Speiceas:	An colgán Xiphias gladius			Limistéar:	Limistéar Choinbhinsiún WCPFC laisteas de 20°D (SWO/F7120S)
An tAontas		3 170,36		TAC réamhchúraim
TAC		Ní bhaineann le hábhar

’

(11)Cuirtear an méid seo a leanas in ionad Iarscríbhinn IH:

‘

IARSCRÍBHINN IH

LIMISTÉAR CHOINBHINSIÚN WCPFC

				Tábla	1
Speiceas:	Déadéisc Dissostichus spp.				Limistéar:	Limistéar Choinbhinsiún SPRFMO, bloic thaighde A agus B(1) (TOT/SPR-AB)
TAC	162		(2)(3)(4)		TAC réamhchúraim
(1)	Bloc taighde A:
	-TT	50°30’ D, 136°O
	-OT	50°30’ D, 140°30’ O
	-OD	54°50’ D, 140°30’ O
	-ID	54°50’ D, 136°O
	Bloc taighde B:
	-TT	52°45’ D, 140°30’ O
	-OT	52°45’ D, 145°30’ O
	-OD	54°50’ D, 145°30’ O
	-ID	54°50’ D, 140°30’ O
(2)	Is le haghaidh iascaigh thaiscéalaíocha amháin an TAC bliantúil seo. Beidh an iascaireacht teoranta do dhoimhneacht idir 600 m agus 2 500 m. Beidh an iascaireacht teoranta d’aon turas amháin nach faide ná 60 lá as a chéile agus a d’fhéadfadh tarlú aon am idir an 1 Bealtaine agus an 15 Samhain 2024. Ón 1 go dtí an 15 Samhain 2024, socrófar spiléir san oíche amháin agus cuirfear deireadh leis an iascaireacht uile láithreach má fhaigheann an méid seo a leanas bás: a)ceann d’aon cheann de na speicis seo a leanas: an t‑albatras fáin (Diomedea exulans), an t‑albatras ceannliath (Thalassarche chrysostoma), an t‑albatras dú-mhalach (Thalassarche melanophris), an guairdeall liath (Procellaria cinerea), an guairdeall clúmhach (Pterodroma mollis); nó b)trí cinn d’aon cheann de na speicis seo a leanas: an t‑albatras éadrombhratach (Phoebetria palpebrata), an guairdeall mór deisceartach (Macronectes giganteus) agus an guairdeall mór tuaisceartach (Macronectes halli). Beidh an iascaireacht teoranta freisin do 5 000 duán ar a mhéad in aghaidh an tacair, agus 100 tacar ar a mhéad. Socrófar spiléir 3 mhuirmhíle ar a laghad seachas a chéile, agus ní shocrófar iad ag suíomhanna spiléar inar socraíodh línte roimhe sin laistigh d’aon bhliain féilire amháin. Scoirfear den iascaireacht nuair a shroichfear an TAC nó má cuireadh agus má tarlaíodh 100 tacar le linn an turais, cibé acu is túisce.
(3)	A bhféadfar suas le 129 dtona de a iascach i mbloc taighde A. Déanfar gabhálacha déadiasc i mbloc taighde A a thuairisciú ar leithligh (TOT/SPR-A).
(4)	A bhféadfar suas le 33 thona de a iascach i mbloc taighde B. Déanfar gabhálacha déadiasc i mbloc taighde B a thuairisciú ar leithligh (TOT/SPR-B).

				Tábla	2
Speiceas:	An bolmán gorm Trachurus murphyi				Limistéar:	Limistéar Choinbhinsiún SPRFMO (CJM/SPRFMO)
An Ghearmáin	18 622,82				TAC anailíseach
An Ísiltír	20 185,21				Ní bheidh feidhm ag Airteagal 3(2) agus (3) de Rialachán (CE) Uimh. 847/96
An Liotuáin	12 958,23				Ní bheidh feidhm ag Airteagal 4 de Rialachán (CE) Uimh. 847/96
An Pholainn	22 280,74
An tAontas	74 047,00

TAC	Ní bhaineann le hábhar

’

(12)In Iarscríbhinn VI, cuirtear an méid seo a leanas in ionad phointe 4:

‘4.An líon uasta soithí iascaireachta de chuid gach Ballstáit a fhéadfar a údarú le tuinníní gorma a iascach, a choinneáil ar bord, a thrasloingsiú, a iompar nó a thabhairt i dtír san Atlantach Thoir agus sa Mheánmhuir.

Tábla A

	An líon soithí iascaireachta(1)(2)
	An Ghréig(3)	An Spáinn	An Fhrainc	An Chróit	An Iodáil	An Chipir(4)	Málta(5)	An Phortaingéil
Soithí peas‑saighne(6)	pm	pm	pm	pm	pm	pm	pm	pm
Soithí spiléireachta	pm	pm	pm	pm	pm	pm	pm	pm
Bád bhaoite	pm	pm	pm	pm	pm	pm	pm	pm
Dorú láimhe	pm	pm	pm	pm	pm	pm	pm	pm
Trálaeir	pm	pm	pm	pm	pm	pm	pm	pm
Mionscála	pm	pm	pm	pm	pm	pm	pm	pm
Soithí iascaireachta mionscála eile(7)	pm	pm	pm	pm	pm	pm	pm	pm
(1) Bunófar na huimhreacha sa tábla seo tar éis do ICCAT plean bainistíochta iascaireachta, feirmeoireachta agus acmhainne an Aontais a fhormheas, i gcomhréir le moltaí infheidhme ICCAT agus le rialacha an Aontais. (2) Féadfar na huimhreacha sa Tábla seo a mhéadú a thuilleadh, ar choinníoll go gcomhlíonfar oibleagáidí idirnáisiúnta an Aontais. (3) In ionad soitheach peas‑saighne meánmhéide amháin cuireadh líon nach mó ná 10 soitheach spiléireachta, nó soitheach peas‑saighne beag amháin agus trí shoitheach iascaireachta mionscála eile. (4) Féadfar líon nach mó ná 10 soitheach spiléireachta nó soitheach peas‑saighne beag amháin agus líon nach mó ná trí shoitheach spiléireachta a chur in ionad soitheach peas‑saighne meánmhéide amháin. (5) Féadfar líon nach mó ná 10 soitheach spiléireachta a chur in ionad soitheach peas‑saighne meánmhéide amháin. (6) Is de thoradh aistrithe idir Ballstáit é líon aonair na soithí peas‑saighne sa tábla seo agus ní hionann é agus cearta stairiúla don todhchaí. (7) Soithí ilchuspóireacha, a bhaineann úsáid as iltrealamh (spiléar, dorú láimhe, dorú trollála).

’

(13) In Iarscríbhinn VI, cuirtear an méid seo a leanas in ionad phointe 5:

‘5.An líon uasta gaistí le húsáid in iascach tuinníní gorma san Atlantach Thoir agus sa Mheánmhuir arna údarú ag gach Ballstát

An líon uasta gaistí(1)
An Ballstát	An líon gaistí
An Spáinn	pm
An Iodáil	pm
An Phortaingéil	pm
(1) Déanfar na huimhreacha sa tábla seo a oiriúnú tar éis do ICCAT plean bainistíochta iascaireachta, feirmeoireachta agus acmhainne an Aontais a fhormheas, i gcomhréir le moltaí infheidhme ICCAT agus le rialacha an Aontais.

’

(14) In Iarscríbhinn VI, cuirtear an méid seo a leanas in ionad phointe 6:

‘6.Uas‑acmhainneacht i dtaca le feirmeoireacht agus ramhrú tuinníní gorma le haghaidh gach Ballstáit agus uas‑ionchur tuinníní gorma a ghabhfar go fiáin a fhéadfaidh gach Ballstát a chionroinnt ar a fheirmeacha san Atlantach Thoir agus sa Mheánmhuir

Tábla A

Uas‑acmhainneacht i dtaca le feirmeoireacht agus ramhrú tuinníní(1)
	An líon feirmeacha	Acmhainneacht (ina tonaí)
An Ghréig	pm	pm
An Spáinn	pm	pm
An Chróit	pm	pm
An Iodáil	pm	pm
An Chipir	pm	pm
Málta	pm	pm
An Phortaingéil	pm	pm
(1) Déanfar na huimhreacha sa tábla seo a oiriúnú tar éis do ICCAT plean bainistíochta iascaireachta, feirmeoireachta agus acmhainne an Aontais a fhormheas, i gcomhréir le moltaí infheidhme ICCAT agus le rialacha an Aontais.

Tábla B

Ionchur uasta tuinníní gorma a ghabhtar go fiáin (ina dtonaí)(1)
An Ghréig	pm
An Spáinn	pm
An Chróit	pm
An Iodáil	pm
An Chipir	pm
Málta	pm
An Phortaingéil	pm
(1) Déanfar na huimhreacha sa tábla seo a oiriúnú tar éis do ICCAT plean bainistíochta iascaireachta, feirmeoireachta agus acmhainne an Aontais a fhormheas, i gcomhréir le moltaí infheidhme ICCAT agus le rialacha an Aontais.

’

(15)Cuirtear an méid seo a leanas in ionad Iarscríbhinn IX:

‘

IARSCRÍBHINN IX

LIMISTÉAR CHOINBHINSIÚN WCPFC

1. An líon uasta soithí iascaireachta de chuid an Aontais a úsáideann spiléir agus atá údaraithe chun an colgán (Xiphias gladius) a iascach i limistéir laisteas de 20° D de limistéar Choinbhinsiún WCPFC

An Spáinn	14
An tAontas	14

2 An líon uasta soithí iascaireachta peas‑saighne de chuid an Aontais atá údaraithe le tuinníní trópaiceacha a iascach i limistéir idir 20° T agus 20° D de limistéar Choinbhinsiún WCPFC

An Spáinn	4
An tAontas	4

’

(13)In Iarscríbhinn XI, cuirtear an méid seo a leanas in ionad phointe 2:

‘2. In Iarscríbhinn IA, Cuid B, a ghabhann le Rialachán (AE) 2023/194, na táblaí le haghaidh an ronnaigh (Scomber scombrus) in uiscí an Aontais i ranna 3a, 3b, 3c agus 3d ICES; uiscí na Ríochta Aontaithe i roinn 2a; uiscí an Aontais agus uiscí na Ríochta Aontaithe i bhfolimistéar 4 ICES; agus in uiscí na hIorua i ranna 2a agus 4a, cuirtear an méid seo a leanas ina n‑ionad:

‘

Speiceas:	An ronnach Scomber scombrus					Limistéar:		Uiscí an Aontais in 3a, 3b, 3c agus 3d Uiscí na Ríochta Aontaithe in 2a; Uiscí an Aontais agus uiscí na Ríochta Aontaithe in 4; Uiscí na hIorua in 2a agus 4a (MAC/2A34-N)
An Bheilg		501		(1)(2)		TAC anailíseach
An Danmhairg		29 446		(1)(2)(4)		Tá feidhm ag Airteagal 8(2) den Rialachán seo
An Ghearmáin		523		(1)(2)
An Fhrainc		1 579		(1)(2)
An Ísiltír		1 589		(1)(2)
An tSualainn		4 743		(1)(2)(3)
An tAontas		38 381		(1)(2)

TAC		782 066
(1)	Coinníoll speisialta: laistigh de theorainneacha na gcuótaí seo, ní fhéadfar níos mó ná na cainníochtaí a thugtar thíos a thógáil sna limistéir seo a leanas:
	3a		Uiscí na Ríochta Aontaithe agus uiscí an Aontais in 3a, 4b agus 4c		4b		4c		Uiscí na Ríochta Aontaithe agus uiscí idirnáisiúnta in 2a, 5b, 6, 7, 8d, 8e, 12 agus 14
	(MAC/*03A.)		(MAC/*3A4BC)		(MAC/*04B.)		(MAC/*04C.)		(MAC/*2AX14)
An Bheilg	0		0		0		0		301
An Danmhairg	0		4 130		0		0		10 312
An Ghearmáin	0		0		0		0		314
An Fhrainc	0		490		0		0		947
An Ísiltír	0		490		0		0		953
An tSualainn	0		0		390		10		2 846
An tAontas	0		5 110		390		10		15 673
(2)	Laistigh de theorainneacha na gcuótaí sin, agus i gcomhaontú leis an Stát cósta ábhartha, ní fhéadfar níos mó ná na cainníochtaí a thugtar thíos a ghabháil freisin sa dá limistéar seo a leanas:
		uiscí na hIorua in 2a agus 4a (MAC/*02A4AN‑)		uiscí Fharó (MAC/*FRO1)
	An Bheilg	0		0
	An Danmhairg	0		0
	An Ghearmáin	0		0
	An Fhrainc	0		0
	An Ísiltír	0		0
	An tSualainn	0		0
	An tAontas	0		0

(3)	Coinníoll speisialta: lena n‑áirítear an tonnáiste seo a leanas atá le gabháil in uiscí na hIorua in 2a agus 4a (MAC/*2A4AN):
		266
	Nuair a bheifear ag iascach faoin gcoinníoll speisialta seo, ní mór foghabhálacha trosc, cadóg, mangach, faoitíní agus glasán a chomhaireamh in aghaidh na gcuótaí le haghaidh na speiceas sin.
(4)	Laistigh de theorainneacha an chuóta seo, déanfaidh an Danmhairg na haistrithe seo a leanas a bheidh le hiascach in uiscí na Ríochta Aontaithe agus uiscí an Aontais in 6, 7, 8a; Uiscí an Aontais in 8a, 8b agus 8e; uiscí idirnáisiúnta in 12 agus 14; agus Uiscí na Ríochta Aontaithe agus uiscí idirnáisiúnta in 2a agus 5b (MAC/*2A14):
	An Ghearmáin	749
	An Spáinn	1
	An Eastóin	6
	An Fhrainc	499
	Éire	2 495
	An Laitvia	5
	An Liotuáin	5
	An Ísiltír	1 092
	An Pholainn	53

’

Top

Choose the experimental features you want to try