Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52023XX0620(03)

Achoimre ar Thuairim an Mhaoirseora Eorpaigh ar Chosaint Sonraí maidir leis an sainordú caibidlíochta chun comhaontú idirnáisiúnta a thabhairt i gcrích maidir le malartú sonraí pearsanta idir Europol agus údaráis forfheidhmithe dlí na Bolaive 2023/C 217/09 (Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECShttps://edps.europa.eu)

IO C 217, 20.6.2023, p. 21–24 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

20.6.2023   

GA

Iris Oifigiúil an Aontais Eorpaigh

C 217/21

Achoimre ar Thuairim an Mhaoirseora Eorpaigh ar Chosaint Sonraí maidir leis an sainordú caibidlíochta chun comhaontú idirnáisiúnta a thabhairt i gcrích maidir le malartú sonraí pearsanta idir Europol agus údaráis forfheidhmithe dlí na Bolaive

(2023/C 217/09)

(Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECShttps://edps.europa.eu)

An 9 Márta 2023 d’eisigh an Coimisiún Eorpach Moladh le haghaidh Cinneadh ón gComhairle lena n-údaraítear tús a chur leis an gcaibidlíocht ar chomhaontú idir an tAontas Eorpach agus Stát Ilnáisiúnach na Bolaive maidir le malartú sonraí pearsanta idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis na Bolaive atá inniúil chun an choireacht thromchúiseach agus an sceimhlitheoireacht a chomhrac (1) (‘an Moladh’).

Is é cuspóir an Mholta tús a chur leis an gcaibidlíocht leis an mBolaiv chun comhaontú idirnáisiúnta a shíniú agus a thabhairt i gcrích lena gcumasófar malartú sonraí pearsanta idir Europol agus údaráis na Bolaive atá inniúil chun an choireacht thromchúiseach agus an sceimhlitheoireacht a chomhrac. Leagtar síos san Iarscríbhinn a ghabhann leis an Moladh treoracha caibidlíochta na Comhairle don Choimisiún, i.e. ba cheart go mbeadh sé d’aidhm ag an gCoimisiún na cuspóirí a bhaint amach thar ceann an Aontais le linn na gcaibidlíochtaí sin.

D’fhéadfadh tionchar suntasach a bheith ag aistrithe sonraí pearsanta arna mbailiú i gcomhthéacs imscrúduithe coiriúla agus arna bpróiseáil tuilleadh ag Europol chun faisnéis choiriúil a tháirgeadh ar shaol na ndaoine aonair lena mbaineann. Ar an gcúis sin, ní mór a áirithiú leis an gcomhaontú idirnáisiúnta nach mbeidh feidhm ag na teorainneacha ar na cearta chun na príobháideachta agus chun na cosanta sonraí i ndáil leis an gcomhrac i gcoinne na coireachta tromchúisí agus na sceimhlitheoireachta ach amháin a mhéid a mbíonn fíorghá leis.

Tugann MECS dá aire go dearfach go bhfuil tacar cuspóirí dea-struchtúrtha (treoracha caibidlíochta) bunaithe ag an gCoimisiún faoin am seo, bunaithe ar roinnt moltaí ó Thuairimí an Mhaoirseora Eorpaigh ar Chosaint Sonraí roimhe seo maidir leis an ábhar seo, lena n-ionchorpraítear prionsabail bhunúsacha maidir le cosaint sonraí, a bhfuil sé mar aidhm ag an gCoimisiún iad a bhaint amach thar ceann an Aontais le linn caibidlíochtaí idirnáisiúnta chun comhaontuithe a thabhairt i gcrích maidir le malartú sonraí pearsanta idir Europol agus údaráis forfheidhmithe dlí tríú tíortha.

I ndáil leis an méid sin, tá na moltaí sa Tuairim seo dírithe ar na coimircí agus ar na rialuithe sa Chomhaontú a bheidh ann amach anseo idir an tAontas agus an Bholaiv maidir le cosaint sonraí pearsanta a shoiléiriú agus, i gcás inar gá, a fhorbairt tuilleadh. Sa chomhthéacs sin, molann MECS go leagfaí síos go sainráite sa Chomhaontú a bheidh ann amach anseo liosta na gcionta coiriúla a bhféadfaí sonraí pearsanta a mhalartú ina leith; foráiltear d’athbhreithniú tréimhsiúil ar an ngá atá leis na sonraí pearsanta arna n-aistriú a stóráil chomh maith le bearta iomchuí eile lena n-áirithítear go gcloítear leis na teorainneacha ama; tugann sé coimircí breise ar aird maidir le haistriú catagóirí speisialta sonraí; áirithíonn sé nach ndéanfaí aon chinneadh uathoibrithe bunaithe ar na sonraí a fuarthas faoin gComhaontú gan an deis a bheith ag an duine idirghabháil a dhéanamh ar bhealach éifeachtach agus fóinteach; leagtar síos leis rialacha soiléire agus mionsonraithe maidir leis an bhfaisnéis ba cheart a chur ar fáil do na hábhair sonraí.

Meabhraíonn MECS, de bhun Airteagal 8(3) den Chairt, gur gné bhunriachtanach den cheart go ndéanfar sonraí pearsanta a chosaint é an rialú a dhéanann údarás neamhspleách. Dá bhrí sin, molann MECS don Choimisiún aird ar leith a thabhairt, le linn na caibidlíochta, ar mhaoirseacht ag comhlachtaí poiblí neamhspleácha atá freagrach as cosaint sonraí ag a bhfuil cumhachtaí éifeachtacha i dtaca le forfheidhmiú an dlí agus údaráis inniúla eile na Bolaive a úsáidfidh na sonraí pearsanta aistrithe. Ina theannta sin, chun cur chun feidhme cuí an Chomhaontaithe a áirithiú, molann MECS freisin go ndéanfadh na Páirtithe faisnéis a mhalartú ar bhonn rialta maidir le feidhmiú cearta ag ábhair sonraí chomh maith le faisnéis ábhartha maidir le húsáid na sásraí maoirseachta agus sásaimh a bhaineann le cur i bhfeidhm an Chomhaontaithe.

1.   RÉAMHRÁ

1.

 An 9 Márta 2023 d’eisigh an Coimisiún Eorpach Moladh le haghaidh Cinneadh ón gComhairle lena n-údaraítear tús a chur leis an gcaibidlíocht ar chomhaontú idir an tAontas Eorpach agus Stát Ilnáisiúnach na Bolaive maidir le malartú sonraí pearsanta idir Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus údaráis na Bolaive atá inniúil chun an choireacht thromchúiseach agus an sceimhlitheoireacht a chomhrac. Tá Iarscríbhinn faoi seach ag gabháil leis an Moladh.

2.

 Is é cuspóir an Mholta tús a chur leis an gcaibidlíocht le Stát Ilnáisiúnach na Bolaive (dá ngairtear ‘an Bholaiv’ anseo feasta) chun comhaontú idirnáisiúnta a shíniú agus a thabhairt i gcrích lena gcumasófar malartú sonraí pearsanta idir Europol agus údaráis na Bolaive atá inniúil chun an choireacht thromchúiseach agus an sceimhlitheoireacht a chomhrac. Leagtar síos san Iarscríbhinn a ghabhann leis an Moladh treoracha caibidlíochta na Comhairle don Choimisiún, i.e. ba cheart go mbeadh sé d’aidhm ag an gCoimisiún na cuspóirí a bhaint amach thar ceann an Aontais le linn na gcaibidlíochtaí sin.

3.

 Sa Mheabhrán Míniúcháin a ghabhann leis an Moladh, measann an Coimisiún gur bagairt thromchúiseach iad grúpaí coireachta eagraithe Mheiriceá Laidineach do shlándáil inmheánach an Aontais toisc go mbíonn a ngníomhaíochtaí nasctha níos mó ná riamh le sraith coireanna laistigh den Aontas, go háirithe i réimse na gáinneála ar dhrugaí (2). I Measúnú an Aontais Eorpaigh 2021 ar Bhagairt na Coireachta Tromchúisí agus Eagraithe (‘SOCTA’) ó Europol, léirítear go ndéantar gáinneáil ar chainníochtaí drugaí aindleathacha nach bhfacthas a leithéid riamh cheana ó Mheiriceá Laidineach go dtí an tAontas, rud a ghineann brabús sna hilbhilliún euro a úsáidtear chun réimse éagsúil eagraíochtaí coiriúla a mhaoiniú (idir coireacht idirnáisiúnta agus coireacht laistigh den Aontas) agus chun riail an dlí san Aontas a lagú (3).

4.

 Iompraítear formhór na ndrugaí a urghabhtar san Aontas ar muir, go príomha i gcoimeádáin loingseoireachta mhuirí (4), agus seoltar iad chuig an Aontas go díreach ó thíortha a dtáirgthe agus ó thíortha imeachta comharsanachta i Meiriceá Laidineach (5). Is í an Bholaiv an tríú tír is mó saothraithe cóca ar fud an domhain agus 12,5 % de shaothrú domhanda cóca ag an tír sin (6).

5.

 Ina Dhoiciméad Clársceidealaithe 2022-2024, chuir Europol in iúl go bhfuil bonn cirt, i measc nithe eile, leis an éileamh méadaitheach ar dhrugaí agus leis an méadú ar bhealaí gáinneála ar dhrugaí isteach san Aontas, ar an ngá atá le comhar feabhsaithe le tíortha Mheiriceá Laidineach. Sa chiall sin, i mí na Nollag 2022, áiríodh an Bholaiv ar liosta Europol de chomhpháirtithe tosaíochta lena bhféadfaidh an ghníomhaireacht Socruithe Oibre a thabhairt i gcrích (7).

6.

 Sainaithníodh an Bholaiv freisin mar phríomh-chomhpháirtí idirnáisiúnta chun an soláthar domhanda cócaoin ag EMCDDA a laghdú.

7.

 Eisítear an Tuairim reatha ó MECS mar fhreagairt ar chomhairliúchán a rinne an Coimisiún Eorpach ar an 9 Márta 2023, de bhun Airteagal 42(1) Rialachán (AE) 2018/1725 ó Pharlaimint na hEorpa agus ón gComhairle (8) (RCSAE). Is díol sásaimh do MECS go ndeachthas i gcomhairle leis maidir leis an Moladh agus tá sé ag súil go gcuirfear tagairt don Tuairim seo san áireamh i mbrollach an Chinnidh ón gComhairle. Ina theannta sin, is díol sásaimh do MECS an tagairt, in Aithris 4 den Mholadh, d’Aithris 35 de Rialachán (AE) 2016/794 ó Pharlaimint na hEorpa agus ón gComhairle (9) (‘Rialachán Europol’), lena bhforáiltear gur cheart don Choimisiún a bheith in ann dul i gcomhairle le MECS freisin le linn na gcaibidlíochtaí maidir leis an gComhaontú agus, ar chaoi ar bith, sula dtabharfar an Comhaontú i gcrích.

8.

 Meabhraíonn MECS go raibh an deis aige cheana féin barúil a thabhairt in 2018 agus in 2020 maidir le malartú sonraí pearsanta idir Europol agus údaráis forfheidhmithe dlí tríú tíortha ar bhonn Rialachán Europol (10).

9.

 Tugann MECS dá aire go dearfach go bhfuil tacar cuspóirí dea-struchtúrtha (treoracha caibidlíochta) bunaithe ag an gCoimisiún faoin am seo, bunaithe ar roinnt moltaí ó Thuairimí an Mhaoirseora Eorpaigh ar Chosaint Sonraí roimhe seo maidir leis an ábhar seo, lena n-ionchorpraítear prionsabail bhunúsacha maidir le cosaint sonraí, a bhfuil sé mar aidhm ag an gCoimisiún iad a bhaint amach thar ceann an Aontais le linn caibidlíochtaí idirnáisiúnta chun comhaontuithe a thabhairt i gcrích maidir le malartú sonraí pearsanta idir Europol agus údaráis forfheidhmithe dlí tríú tíortha.

10.

 I ndáil leis an méid sin, tá na moltaí sa Tuairim seo dírithe ar na coimircí agus ar na rialuithe sa Chomhaontú a bheidh ann amach anseo idir an tAontas agus an Bholaiv maidir le cosaint sonraí pearsanta a shoiléiriú agus, i gcás inar gá, a fhorbairt tuilleadh. Tá siad gan dochar d’aon mholtaí breise a d’fhéadfadh MECS a dhéanamh ar bhonn tuilleadh faisnéise atá ar fáil agus d’fhorálacha an dréacht-chomhaontaithe le linn na caibidlíochta.

11.   CONCLÚIDÍ

38.

 I bhfianaise an méid thuas, molann MECS an méid seo a leanas:

(1)

go n-eiseofar sa Chomhaontú a bheidh ann amach anseo aistrithe sonraí pearsanta a fhaightear de shárú follasach ar chearta an duine,

(2)

go leagfar síos go sainráite sa Chomhaontú a bheidh ann amach anseo liosta na gcionta coiriúla a bhféadfaí sonraí pearsanta a mhalartú ina leith agus nach mór baint a bheith ag na sonraí pearsanta arna n-aistriú le cásanna aonair,

(3)

go bhforálfar sa Chomhaontú a bheidh ann amach anseo d’athbhreithniú tréimhsiúil ar an ngá atá leis na sonraí pearsanta arna n-aistriú a stóráil chomh maith le bearta iomchuí eile lena n-áirithítear go gcloífear leis na teorainneacha ama,

(4)

chun a áirithiú go gcuirfear leis an gComhaontú amach anseo na coimircí dá bhforáiltear in Airteagal 30 de Rialachán Europol,

(5)

a áirithiú go gcumhdófar leis na bearta slándála sonraí arna bpróiseáil ag an gceann scríbe, agus le linn idirthurais chomh maith,

(6)

a áirithiú nach dtarlóidh aon chinneadh uathoibrithe bunaithe ar na sonraí a fuarthas faoin gComhaontú gan an deis a bheith ag duine idirghabháil a dhéanamh ar bhealach éifeachtach agus fóinteach,

(7)

go leagfar síos sa Chomhaontú a bheidh ann amach anseo rialacha soiléire mionsonraithe maidir leis an bhfaisnéis ba cheart a chur ar fáil do na hábhair sonraí,

(8)

go dtabharfaidh an Coimisiún aird ar leith, le linn na gcaibidlíochtaí, ar dhréacht-treoir 3(k) maidir le maoirseacht ag comhlachtaí poiblí neamhspleácha atá freagrach as cosaint sonraí ag a bhfuil cumhachtaí éifeachtacha i dtaca le forfheidhmiú an dlí agus údaráis inniúla eile na Bolaive a úsáidfidh na sonraí pearsanta aistrithe,

(9)

chun críocha an athbhreithnithe seo ar an gComhaontú, go ndéanfaidh na Páirtithe faisnéis a mhalartú ar bhonn rialta maidir le feidhmiú ceart ag ábhair sonraí agus faisnéis ábhartha maidir le húsáid na sásraí maoirseachta agus sásaimh a bhainfidh le cur i bhfeidhm an Chomhaontaithe.

An Bhruiséil, 3 Bealtaine 2023.

Wojciech Rafał WIEWIÓROWSKI

(1)  COM(2023) 130 final.

(2)  Féach leathanach 2 de Mheabhrán Míniúcháin an Mholta.

(3)  Measúnú an Aontais Eorpaigh ar Bhagairt na Coireachta Tromchúisí Eagraithe: Tionchar éillitheach: Insíothlú gheilleagar agus shochaí na hEorpa tríd an gcoireacht eagraithe agus an bonn a bhaint díobh , leathanach 12.

(4)  Europol agus an trádáil dhomhanda cócaoin, ar fáil ag https://www.emcdda.europa.eu/publications/eu-drug-markets/cocaine/europe-and-global-cocaine-trade_en

(5)  Europol agus an trádáil dhomhanda cócaoin, ar fáil ag at https://www.emcdda.europa.eu/publications/eu-drug-markets/cocaine/europe-and-global-cocaine-trade_en

(6)  Margadh Drugaí an Aontais Eorpaigh: Cócaon lch. 10, ar fáil ar Mhargadh Drugaí an Aontais Eorpaigh: Cócaon, www.emcdda.europa.eu

(7)  Meabhrán míniúcháin, lch. 2.

(8)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

(9)  Rialachán (AE) 2016/794 ó Pharlaimint na hEorpa agus ón gComhairle an 11 Bealtaine 2016 maidir le Gníomhaireacht an Aontais Eorpaigh i ndáil le Comhar i bhForfheidhmiú an Dlí (Europol) agus lena n-aisghairtear Cinntí 2009/371/CGB, 2009/934/CGB, 2009/935/CGB, 2009/936/CGB agus 2009/968/CGB ón gComhairle agus a thagann in ionad na gCinntí sin (IO L 135, 24.5.2016, lch. 53).

(10)  Féach Tuairim 2/2018 ó MECS maidir le hocht sainordú caibidlíochta chun comhaontuithe idirnáisiúnta a thabhairt i gcrích lena gceadaítear malartú sonraí idir Europol agus tríú tíortha, a glacadh an 14 Márta 2018, https://edps.europa.eu/sites/edp/files/publication/18-03-19_opinion_international_agreements_europol_en.pdf agus Tuairim 1/2020 ó MECS maidir leis an sainordú caibidlíochta chun comhaontú idirnáisiúnta a thabhairt i gcrích maidir le malartú sonraí pearsanta idir Europol agus údaráis forfheidhmithe dlí na Nua-Shéalainne, a eisíodh an 31 Eanáir 2020 https://edps.europa.eu/sites/default/files/publication/20-01-31_opinion_recommendation_europol_en.docx.pdf

Top