Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 52023XX00713

    Achoimre ar Thuairim an Mhaoirseora Eorpaigh ar Chosaint Sonraí i leith an Togra le haghaidh Rialachán maidir le paitinní caighdeánacha bunriachtanacha agus lena leasaítear Rialachán (AE) 2017/1001 (Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECS https://edps.europa.eu)

    IO C, C/2023/713, 14.11.2023, ELI: http://data.europa.eu/eli/C/2023/713/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    ELI: http://data.europa.eu/eli/C/2023/713/oj

    European flag

    Iris Oifigiúil
    an Aontais Eorpaigh

    GA

    Sraith C

    C/2023/713

    14.11.2023

    Achoimre ar Thuairim an Mhaoirseora Eorpaigh ar Chosaint Sonraí i leith an Togra le haghaidh Rialachán maidir le paitinní caighdeánacha bunriachtanacha agus lena leasaítear Rialachán (AE) 2017/1001

    (C/2023/713)

    (Tá téacs iomlán na Tuairime seo le fáil i mBéarla, i bhFraincis agus i nGearmáinis ar shuíomh gréasáin MECS https://edps.europa.eu)

    An 27 Aibreán 2023, d’eisigh an Coimisiún Eorpach Togra le haghaidh Rialachán ó Pharlaimint na hEorpa agus ón gComhairle maidir le paitinní caighdeánacha bunriachtanacha agus lena leasaítear Rialachán (AE) 2017/1001.

    Is é is aidhm don Togra (i) faisnéis mhionsonraithe a chur ar fáil maidir le paitinní caighdeánacha bunriachtanacha (SEPanna) agus maidir le téarmaí agus coinníollacha cothroma, réasúnacha agus neamh-idirdhealaitheacha (‘FRAND’) atá ann cheana chun caibidlíocht cheadúnúcháin a éascú; (ii) feasacht a ardú maidir le ceadúnú SEP sa slabhra luacha agus (iii) foráil a dhéanamh maidir le sásra um réiteach malartach díospóide chun téarmaí agus coinníollacha FRAND a shocrú. Chruthódh an Togra lárionad inniúlachta laistigh d’Oifig Maoine Intleachtúla an Aontais Eorpaigh (EUIPO) a mbeadh sé de chúram air bunachair sonraí, clár agus na nósanna imeachta le haghaidh seiceálacha fíor-riachtanacha ar SEPanna agus cinneadh FRAND a riar.

    Tugann MECS dá aire go mbeadh próiseáil sonraí pearsanta i gceist leis an Togra, go háirithe sonraí pearsanta a bhaineann le sealbhóirí SEP agus/nó a n-ionadaithe dlíthiúla, chomh maith le sonraí pearsanta a bhaineann le meastóirí agus comhréiteoirí. Ar an gcúis sin, molann MECS a shonrú in aithris go mbeidh próiseáil sonraí pearsanta i gcomhréir leis an Rialachán seo faoi réir RCSAE (1) agus Rialachán (AE) 2016/679 ó Pharlaimint na hEorpa agus ón gComhairle (2) (‘an RGCS’).

    Maidir leis an gclár agus na bunachair sonraí arna mbainistiú ag EUIPO, ba cheart a leagan amach go soiléir sa Togra an cuspóir sonrach nó na cuspóirí sonracha ar féidir sonraí pearsanta a chur ar fáil ina leith agus foráil a dhéanamh maidir le nós imeachta lena n-áiritheofar nach mbeidh rochtain ach ag tríú páirtithe a léiríonn leas dlisteanach ar na sonraí sin. Ba cheart ról EUIPO mar rialaitheoir faoi RCSAE a shonrú freisin sna téarmaí achtúcháin.

    Ar deireadh, iarrann MECS ar reachtóir an Aontais a mheas cibé an bhféadfaí an tréimhse choinneála 18 mí a fhorordú mar riail maidir le sonraí pearsanta (beag beann ar iarraidh a chur isteach), agus, i gcás ar bith, a shonrú cé a bheadh i dteideal iarraidh den sórt sin a thaisceadh le EUIPO.

    1.   Réamhrá

    1.

    		 An 27 Aibreán 2023, d’eisigh an Coimisiún Eorpach Togra le haghaidh Rialachán ó Pharlaimint na hEorpa agus ón gComhairle maidir le paitinní caighdeánacha bunriachtanacha agus lena leasaítear Rialachán (AE) 2017/1001 (3) (‘an Togra’).

    2.

    		 Is iad seo a leanas cuspóirí foriomlána an Togra: (i) a áirithiú go mbainfidh úsáideoirí deiridh, lena n-áirítear gnólachtaí beaga agus tomhaltóirí an Aontais, tairbhe as táirgí atá bunaithe ar na teicneolaíochtaí caighdeánaithe is déanaí; (ii) an tAontas a dhéanamh tarraingteach don nuálaíocht ó thaobh caighdeán de; agus (iii) sealbhóirí paitinní caighdeánacha bunriachtanacha (‘SEP’) a spreagadh chun nuáil a dhéanamh san Aontas, táirgí a dhéanamh agus a dhíol san Aontas agus a bheith iomaíoch i margaí lasmuigh den Aontas. Is é is aidhm don tionscnamh rannpháirtíocht gnólachtaí Eorpacha sa phróiseas forbartha caighdeánaí agus cur chun feidhme leathan na dteicneolaíochtaí caighdeánaithe sin a dhreasú, go háirithe i dtionscail Idirlíon na Rudaí Nithiúla (4).

    3.

    		 Sa chomhthéacs seo, tá sé beartaithe ag an ngníomhaireacht an méid seo a leanas a dhéanamh: (i) faisnéis mhionsonraithe a chur ar fáil maidir le SEPanna agus maidir le téarmaí agus coinníollacha cothroma, réasúnacha agus neamh-idirdhealaitheacha (‘FRAND’) atá ann cheana chun caibidlíocht maidir le ceadúnú ceadúnaithe a éascú; (ii) feasacht a ardú maidir le ceadúnú SEP sa slabhra luacha agus (iii) foráil a dhéanamh maidir le sásra um réiteach malartach díospóide chun téarmaí agus coinníollacha FRAND a shocrú (5).

    4.

    		 Chun na cuspóirí sin a bhaint amach, áirítear sa Togra forálacha lena mbunaítear ionad inniúlachta laistigh d’Oifig Maoine Intleachtúla an Aontais Eorpaigh (‘ionad inniúlachta EUIPO’), a gcuirfí de chúram air, inter alia, uainchlár meastóirí agus comhréiteoirí a chur ar bun agus a bhainistiú (6), clár SEPanna (‘an clár’) a bhunú agus a chothabháil (7) agus bunachar sonraí leictreonach a bhunú agus a chothabháil le haghaidh SEPanna (‘an bunachar sonraí’) (8).

    5.

    		 Eisítear an Tuairim reatha ó MECS mar fhreagairt ar chomhairliúchán a rinne an Coimisiún Eorpach an 19 Aibreán 2023 de bhun Airteagal 42(1) RCSAE. Is díol sásaimh do MECS an tagairt don chomhairliúchán seo in aithris 40 den Togra.

    6.   Conclúidí

    18.

    		 I bhfianaise an mhéid thuasluaite, déanann MECS na moltaí seo a leanas:

    (1)

    a shonrú in Aithris 14 go mbeidh próiseáil sonraí pearsanta i gcomhréir leis an Rialachán seo faoi réir RCSAE agus Rialachán (AE) 2016/679 (‘an RGCS’);

    (2)

    na críocha sonracha ar chucu a bhféadfar sonraí pearsanta a chur ar fáil a shonrú in Airteagal 4 agus foráil a dhéanamh maidir le nós imeachta lena n-áiritheofar nach mbeidh rochtain ar shonraí pearsanta ach ag tríú páirtithe a léiríonn leas dlisteanach;

    (3)

    a shonrú in Airteagal 5 an cuspóir sonrach ar féidir sonraí pearsanta a chur ar fáil ina leith agus a shonrú nach dtabharfar rochtain ar shonraí pearsanta ach do thríú páirtithe cláraithe a léiríonn leas dlisteanach;

    (4)

    an ról mar rialaitheoir EUIPO faoi RCSAE a shonrú i dtéarmaí achtúcháin an Togra;

    (5)

    a mheas an bhféadfaí tréimhse choinneála 18 mí a fhorordú mar riail le haghaidh sonraí pearsanta beag beann ar iarraidh a chur isteach, agus, i gcás ar bith, a shonrú cé a bheadh i dteideal iarraidh den sórt sin ar shonraí pearsanta a bhaint a thaisceadh le EUIPO.

    An Bhruiséil, 19 Meitheamh 2023.

    Wojciech Rafał WIEWIÓROWSKI

    (1)  Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n-aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

    (2)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

    (3)  COM(2023) 232 final.

    (4)  COM(2023) 232 final, lch. 1.

    (5)  COM(2023) 232 final, lch. 1.

    (6)  Airteagal 3(2)(b) den Togra.

    (7)  Airteagal 4 den Togra.

    (8)  Airteagal 5 den Togra.

    ELI: http://data.europa.eu/eli/C/2023/713/oj

    ISSN 1977-107X (electronic edition)

    Top