Foilsiú iarratais ar leasú Aontais ar shonraíocht táirge maidir le hainm in earnáil an fhíona, de bhun Airteagal 97(3) de Rialachán (AE) Uimh. 1308/2013 ó Pharlaimint na hEorpa agus ón gComhairle.

(2023/C 36/05)

Le foilsiú an iarratais seo, tugtar an ceart chun cur i gcoinne an iarratais de bhun Airteagal 98 de Rialachán (AE) Uimh. 1308/2013 ó Pharlaimint na hEorpa agus ón gComhairle (1) laistigh de 2 mhí ó dháta an fhoilsithe seo.

IARRATAS AR LEASÚ AONTAIS AR AN TSONRAÍOCHT TÁIRGE

“Monti Lessini”

PDO-IT-A0462-AM02

Dáta cur i bhfeidhm: 23.9.2021

1.   Iarratasóir agus leas dlisteanach

Consorzio Tutela Vini Lessini Durello

Comhlachas deonach maidir le fíonta a chumhdaítear leis an sonrúchán tionscnaimh faoi chosaint (STFC) a chosaint.

2.   Ceannteideal sa tsonraíocht táirge a ndéanann an leasú (na leasuithe) difear dó

☐	Ainm an táirge

☒	Catagóir an táirge fíniúna

☒

Nasc

☐	Srianta margaíochta

3.   Tuairisc ar an leasú agus na cúiseanna atá leis

3.1.    An chatagóir “Fíon súilíneach ar ardchaighdeán” a thabhairt isteach

Baineann an leasú le tabhairt isteach na catagóire “Fíon súilíneach ar ardchaighdeán”, lena n-áirítear na leaganacha Riserva agus Crémant.

Is é an chúis atá leis an leasú seo táirgeadh na catagóire táirge fíniúna a táirgeadh go stairiúil i limistéar sonrúcháin “Monti Lessini” a chumasú. A bhuí le teicnící fíonsaothraithe agus fíonóireachta nua-aimseartha, is féidir é a tháirgeadh ar chaighdeán sonrach ardcháilíochta, nasctha le tionscnamh geografach an fhíona.

Sa chomhthéacs seo, ba cheart a lua go raibh an chatagóir fíona seo á dhéanamh cheana sa limistéar a chumhdaítear faoin sonrúchán go dtí 2011, ach rinneadh é a áireamh i ndiaidh sin faoin sonrúchán tionscnaimh faoi chosaint “Lessini Durello” ón limistéar céanna.

Tá gá leis an leasú faoi láthair chun freastal ar éilimh tháirgiúla agus thráchtála nua agus an tráth céanna ag leanúint le meas a léiriú ar thraidisiún.

Is é an phríomhaidhm atá ann próifíl na catagóire “Fíon súilíneach ar ardchaighdeán” ar a bhfuil STFC “Monti Lessini” ionas go mbeidh baint níos dlúithe idir an limistéar agus an fíon súilíneach a dhéantar as fíonchaora Durella mar an príomhchineál. Tá na fíonchaora seo an-oiriúnach chun fíon súilíneach a dhéanamh díobh, rud a léiríonn an acmhainneacht shonrach a bhaineann le limistéar táirgthe an STFC sin, lena ithir uathúil agus dálaí aeráide agus teicnící fíonóireachta traidisiúnta.

Baineann an leasú leis na ranna a leanas den doiciméad aonair: “Catagóirí na dtáirgí fíniúna”, “Tuairisc ar an bhfíon nó ar na fíonta”“cleachtais fíoneolaíochta shonracha”, “Uastáirgeachtaí” agus “Nasc leis an limistéar geografach”.

3.2.    Tuairisc ar na cineálacha fíonchaor atá údaraithe le haghaidh na catagóire “Fíon súilíneach ar ardchaighdeán” a chur isteach

I gcomhréir le reachtaíocht an Aontais agus leis an reachtaíocht náisiúnta is infheidhme, tá tuairisc ar na cineálacha fíonchaor le haghaidh na catagóire “Fíon súilíneach ar ardchaighdeán” curtha isteach.

Sonraítear go háirithe, go háirithe, gurb é Durella, an príomhchineál, ar cheart gurbh ionann é agus 85 % i dtáirgeadh na catagóire seo. Féadfar Garganega, Pinot Bianco, Chardonnay agus Pinot Nero a úsáid mar chineálacha tánaisteacha ach níor cheart iad a bheith níos mó ná 15 %.

Ní dhéanann an leasú seo aon athrú ar an doiciméad aonair, toisc gur áiríodh na cineálacha i Roinn 7 cheana, ós rud é go bhfuil raon na gcineálacha údaraithe mar an gcéanna le táirgí finiúna “Monti Lessini” sa chatagóir “Fíon”.

3.3.    Cur isteach torthaí táirgeachta agus neart alcóil nádúrtha de réir líon na bhfíonchaor le haghaidh na catagóire “Fíon súilíneach ar ardchaighdeán”

Is é an chúis atá leis an leasú seo nach mór, faoi dhlí is infheidhme an Aontais agus faoi reachtaíocht náisiúnta, uastorthaí fíonchaor in aghaidh an heicteáir agus neart alcóil nádúrtha de réir líon na bhfíonchaor a shonrú le haghaidh na catagóire “Fíon súilíneach ar ardchaighdeán”.

Baineann an leasú seo leis an roinn maidir le “Uastáirgeachtaí” sa doiciméad aonair.

3.4.    Cur isteach an mhaolaithe ar tháirgeadh laistigh den limistéar críochaithe le haghaidh na catagóire “Fíon súilíneach ar ardchaighdeán”

Baineann an leasú seo le cur isteach an mhaolaithe ar oibríochtaí fíonóireachta le haghaidh na catagóire “Fíon súilíneach ar ardchaighdeán” a tugadh isteach le déanaí. I gcomhréir le dlí an Aontais, féadfar na hoibríochtaí seo a dhéanamh in aon cuid de chríoch na n-aonad riaracháin a luaitear faoin Roinn maidir leis an “limistéar geografach críochaithe”, chomh maith le laistigh den limistéar táirgthe críochaithe a chlúdaíonn na cúigí Verona agus Vincenza.

Tá gá leis an leasú seo chun go mbeidh táirgeoirí áirithe in ann leanúint dá n-oibríochtaí chun fíonta súilíneacha ar ardchaighdeán a tháirgeadh lasmuigh den limistéar críochaithe, mar a mhínítear thuas, ionas gur féidir leo leas a bhaint as gabháltais tríú páirtí a mbeidh na teicneolaíochtaí iomchuí acu chun an cineál fíona seo a dhéanamh, go háirithe le haghaidh chéim an choipthe thánaistigh.

Baineann an leasú seo leis an roinn “Coinníollacha Breise” den doiciméad aonair.

3.5.    Cur isteach na rialacha fíonóireachta le haghaidh na catagóire “Fíon súilíneach ar ardchaighdeán”

Baineann an leasú le cur isteach na dteicnící fíonóireachta a cheadaítear do tháirgeadh na catagóire “Fíon súilíneach ar ardchaighdeán”, lena n-áirítear na leaganacha Riserva agus Crémant.

Tá gá leis an leasú seo chun na príomhtheicnící fíonóireachta a bhaineann leis an gcatagóir nua “Fíon súilíneach ar ardchaighdeán”, lena n-áirítear na leaganacha Riserva agus Crémant a shonrú. Leagtar amach mionsonraí sonracha maidir leis an modh ullmhúcháin, fad thréimhse aosaithe sa bhuidéal, agus an méid siúcra le haghaidh gach ceann de na leaganacha seo.

Baineann an leasú seo leis an roinn “Cleachtais fhíoneolaíocha shonracha”.

3.6.    Cur isteach tuairisc ar shaintréithe anailíseacha agus orgánaileipteacha na catagóire “Fíon súilíneach ar ardchaighdeán”, lena n-áirítear na leaganacha Riserva agus Crémant.

Baineann an leasú le cur isteach shaintréithe na catagóire “Fíon súilíneach ar ardchaighdeán” a tugadh isteach le déanaí, lena n-áirítear na leaganacha Riserva agus Crémant.

Is é an chúis atá leis an leasú seo an gá atá ann faisnéis maidir leis an gcatagóir “Fíon súilíneach ar ardchaighdeán” (lena n-áirítear na leaganacha Riserva agus Crémant) a áireamh sa tsonraíocht táirge, rud a léiríonn na príomhpharaiméadair thagartha chun é a scaoileadh lena chaitheamh.

Baineann an leasú seo leis an roinn: “Tuairisc ar an bhfíon (ar na fíonta)”.

3.7.    Tuairisc ar an nasc leis an timpeallacht gheografach le haghaidh na catagóire “Fíon súilíneach ar ardchaighdeán” a chur isteach

Baineann an leasú seo le tabhairt isteach na tuairisce ar an nasc leis an timpeallacht gheografach le haghaidh na catagóire nua “Fíon súilíneach ar ardchaighdeán” lena n-áirítear na leaganacha Riserva agus Crémanta.

Is é an chúis atá leis an leasú seo a léiriú gurb ann do cheanglais cháilíochtúla agus saintréithe sonracha na bhfíonta súilíneacha nua ar ardchaighdeán a tugadh isteach go bunúsach mar gheall ar an timpeallacht gheografach shonrach a d’oir go traidisiúnta don fhíonsaothrú, na tosca nádúrtha agus daonna faoi seach san áireamh. Tugtar le fios leis an gcur isteach conas a áirithíonn an cineál ithreacha, airde, gné agus acmhainní daonna (cleachtais fháis, córais bhainistíochta, baint láimhe, córais phróiseála) in éineacht lena chéile go bhfuil an táirge a eascraíonn as uathúil agus nach féidir é a mhacasamhlú in áit eile.

Baineann an leasú seo leis an roinn “Nasc leis an limistéar geografach” den doiciméad aonair.

DOICIMÉAD AONAIR

1.   Ainm an táirge

Monti Lessini

2.   Cineál táisc gheografaigh

STFC – Sonrúchán Tionscnaimh Faoi Chosaint

3.   Catagóirí na dtáirgí fíniúna

1.

Fíon

5.	Fíon súilíneach ar ardchaighdeán

4.   Tuairisc ar an bhfíon nó ar na fionnta

1.   “Monti Lessini” Durello

TUAIRISC THÉACSÚIL GHAIRID

—	dath: dath buí tuí de dhéine éagsúil;

—	dea-bholadh: torthaíoch séimh agus sainiúil;

—	blas: tirim, tathagach, meántirim ar leibhéil éagsúla, le blas spleodrach traidisiúnta;

—	neart alcóil iomlán íosta de réir toirte: 10,50 % de réir toirte;

—	eastóscán íosta saor ó shiúcra: 15,0 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)
Íosmhéid aigéadachta iomláine	5,5 gram in aghaidh an lítir, arna léiriú mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

2.   “Monti Lessini” Bianco

TUAIRISC THÉACSÚIL GHAIRID

—	dath: dath buí tuí de dhéine éagsúil;

—	dea-bholadh: taitneamhach, sainiúil;

—	blas: úr, blasta agus comhchuí;

—	neart alcóil iomlán íosta de réir toirte: 11,50 % de réir toirte;

—	eastóscán íosta saor ó shiúcra: 17,0 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)
Íosmhéid aigéadachta iomláine	4,5 i ngraim in aghaidh an lítir arna shloinneadh mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

3.   “Monti Lessini” Pinot Nero

TUAIRISC THÉACSÚIL GHAIRID

—	dath: dath dearg an rúibín is féidir le ruainnín gairnéid;

—	dea-bholadh: fíneáilte, taitneamhach, sainiúil;

—	blas: tirim, láidir, searbh ar bhealach deas;

—	neart alcóil iomlán íosta de réir toirte: 12,5 % de réir toirte;

—	eastóscán íosta saor ó shiúcra: 24,0 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)
Íosmhéid aigéadachta iomláine	4,5 i ngraim in aghaidh an lítir arna shloinneadh mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

4.   “Monti Lessini” passito

TUAIRISC THÉACSÚIL GHAIRID

—	dath: buí órga

—	dea-bholadh: sainiúil, dian agus torthaíoch;

—	blas: meánmhilis nó milis, veilbhitiúil ar bhealach comhchuí, tathagach;

—	neart alcóil iomlán íosta de réir toirte: 14,50 % de réir toirte;

—	eastóscán íosta saor ó shiúcra: 26,0 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)	11,50
Íosmhéid aigéadachta iomláine	5,5 gram in aghaidh an lítir, arna léiriú mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

5.   Fíon súilíneach ar ardchaighdeán “Monti Lessini”

TUAIRISC THÉACSÚIL GHAIRID

—	cúr: mín agus buan;

—	dath: buí ar dhath na tuí le déine éagsúil;

—	dea-bholadh: sainiúil le ruainnín giosta éadroim;

—	blas: idir dáileogacht nialasach nó pas dosé agus an-brut, brut, an-tirim, tirim agus demi-sec;

—	neart alcóil iomlán íosta de réir toirte: 11,5 % de réir toirte;

—	eastóscán íosta saor ó shiúcra: 15 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)
Íosmhéid aigéadachta iomláine	5,5 gram in aghaidh an lítir, arna léiriú mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

6.   Fíon súilíneach ar ardchaighdeán “Monti Lessini” - Riserva

TUAIRISC THÉACSÚIL GHAIRID

—	cúr: mín, dian;

—	dath: idir dath buí amhail tuí agus buí órga le déine éagsúil;

—	dea-bholadh: bolaithe casta forbartha atá ina samplaí maithe de thréimhse fhada aosaithe sa bhuidéal;

—	blas: idir dáileogacht nialasach nó pas dosé agus an-brut, brut, an-tirim, tirim agus demi-sec;

—

eastóscán íosta saor ó shiúcra: 15,00 g/l. Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais. Saintréithe anailíseacha ginearálta Neart alcóil iomlán uasta (mar % den toirt)   Neart alcóil iarbhír íosta (mar % den toirt) 11,50 Íosmhéid aigéadachta iomláine 5,5 gram in aghaidh an lítir, arna léiriú mar aigéad tartarach Aigéadacht luaineach uasta (mar mhilleachoibhéisí in aghaidh an lítir)   Uasmhéid dé-ocsaíde sulfair iomláine (mar mhilleagraim in aghaidh an lítir)

7.   Fíon súilíneach ar ardchaighdeán “Monti Lessini” - Crémant

TUAIRISC THÉACSÚIL GHAIRID

—	cúr: mín, uachtarúil;

—	dath: buí ar dhath na tuí le déine éagsúil, le corrimreacha crónbhuí;

—	dea-bholadh: fíneáilte, mín le bolaithe a chuireann coipeadh tánaisteach sa bhuidéal i gcuimhne;

—	blas: idir dáileogacht nialasach nó pas dosé agus an-brut, brut, an-tirim, tirim agus demi-sec;

—	eastóscán íosta saor ó shiúcra: 15,00 g/l.

Comhlíonann aon pharaiméadar anailíseach nach dtaispeántar sa tábla thíos na teorainneacha a leagtar síos sa reachtaíocht náisiúnta agus i reachtaíocht an Aontais.

Saintréithe anailíseacha ginearálta
Neart alcóil iomlán uasta (mar % den toirt)
Neart alcóil iarbhír íosta (mar % den toirt)	11,50
Íosmhéid aigéadachta iomláine	5,5 gram in aghaidh an lítir, arna léiriú mar aigéad tartarach
Aigéadacht luaineach uasta (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

5.   Cleachtais fíon oireachta

a.   Cleachtais fíoneolaíochta áirithe

Modh claisiceach chun fíon súilíneach a dhéanamh

Cleachtas fíoneolaíochta sonrach

Coipeadh tánaisteach nádúrtha sa bhuidéal, ag baint úsáid as an modh claisiceach i gcomhréir leis na rialacha atá i bhfeidhm maidir le táirgeadh fíonta súilíneacha.

b.   Táirgeacht uasta

1.	“Monti Lessini” Durello 16 000 cileagram fíonchaor in aghaidh an heicteáir

2.	“Monti Lessini” Bianco 12 000 cileagram fíonchaor in aghaidh an heicteáir

3.	“Monti Lessini” Pinot Nero 12 000 cileagram fíonchaor in aghaidh an heicteáir

4.	Fíon súilíneach ar ardchaighdeán “Monti Lessini” 16 000 cileagram fíonchaor in aghaidh an heicteáir

5.	Fíon súilíneach ar ardchaighdeán “Monti Lessini” - Riserva 16 000 cileagram fíonchaor in aghaidh an heicteáir

6.	Fíon súilíneach ar ardchaighdeán “Monti Lessini” - Crémant 16 000 cileagram fíonchaor in aghaidh an heicteáir

6.   Limistéar geografach críochaithe

Áirítear leis an limistéar táirgthe le haghaidh fíonta atá cumhdaithe ag sonrúchán tionscnaimh cláraithe “Monti Lessini”:

a)	cúige Verona: críoch iomlán na mbardas: Vestenanova, San Giovanni Ilarione agus cuid de chríoch bhardais: Montecchia di Crosara, Roncà, Cazzano di Tramigna, Tregnago agus Badia Calavena.

b)

cúige Vicenza: críoch iomlán bhardais Arzignano, Castelgomberto, Chiampo, Brogliano, Gambugliano, Trissino agus cuid de chríoch bhardais Cornedo, Costabissara, Gambellara, Isola Vicentina, Malo, Marano Vicentino, Monte di Malo, Montebello Vicentino, Montecchio Maggiore, Montorso Vicentino, Nogarole Vicentino, San Vito di Leguzzano, Schio agus Zermeghedo.

Is mar a leanas atá teorainn an limistéir: san oirthear, ag tosú ag an teorainn le cúige Vicenza, sa cheantar Calderina ag pointe airde de 36 m, gabhann sé le taobh an bhóthair a théann chuig Roncà, ag dul trí na ceantair Binello agus Momello. Trasnaíonn sé tríd an sráidbhaile Roncà agus leanann ansin feadh an bhóthair agus trasnaíonn sé le chéile le bóthar cúigeach Monteforte-Montecchia a fhad agus teorainn bhardas Montecchia di Crosara. Téann sé le hais teorann den bhardas seo chuig an bpointe airde 64 m agus ansin an bóthar a théann arís eile chuig an mbóthar cúigeach ó dheas ón gcomharchumann fíona Montecchia di Crosara. Coinníonn sé air ó thuaidh ar feadh achar gearr in aice an bhóthair chúigigh Val d’Alpone a fhad agus an droichead thar an sruth den ainm céanna agus ansin le hais an bhóthair bhardasaigh a théann trí na ceantair Molino, Castello agus San Pietro ó dheas ón sráidbhaile Montecchia di Corsara. Ansin coinníonn sé air a fhad agus an sruth Rio Albo (pointe airde 85 m) a theorannaíonn an limistéar a fhad agus airde 406 m ó dheas ó Corgnan agus Tolotti, mar a mbuaileann sé le teorainn bhardasach Cazzano di Tramigna. Gabhann sé ansin feadh an bhóthair bhardasaigh chuig Marsilio agus téann sé le hais na hairde geodasaí trí Rio V. Brà agus V. Magragna a fhad agus an pointe airde 149 m i gceantar Caliari. Ó cheantar Caliari coinníonn sé ó thuaidh feadh an bhóthair a théann chuig Campiano a fhad agus an ceantar Panizzolo (airde 209 m)mar a mbuaileann sé le sruth Tramigna; téann sé le hais an Tramigna ó thuaidh a fhad agus an teorainn bhardas Tregano agus ansin gabhann sé siar lena thaobh ar feadh achar gearr, ag teacht chuig ceantar Rovere (airde 357 m agus ansin 284 m). Gabhann sé feadh an bhóthair a théann chuig Tregnano, ag dul thar an bpointe airde 295 m go dtí an pointe mar a dtéann sé isteach sráidbhaile Tregano agus trasnaíonn sé é feadh an phríomhbhóthair a fhad agus an pointe airde 330 m. Ón bpointe sin, téann sé isteach an bóthar bardasach chuig Marcemigo, trasnaíonn sé an sráidbhaile seo agus tagann sé amach ag an gceantar Morini (airde 481 m), agus ansin leanann sé an bóthar cúigeach chuig San Mauro di Saline (airde 523 m). Gabhann sé feadh an bhóthair chúigigh chuig S. Mauro di Saline (airde 523 m). Leanann sé an bóthar cúigeach chuig S. Mauro di Saline ó thuaidh a fhad agus ceantar Bettola ar an teorainn le bardas Badia Calavena. Ón gceantar Bettola, leanann sé an bóthar bardasach a théann síos sa ghleann ag dul trí na ceantair Canovi, Valle, Antonelli, Riva, Fornari agus ag dul isteach i gcríoch Badia Calavena. Ón bpointe airde 451 m leanann sé an bothar bardasach soir ag teacht amach ag ceantar Colli (airde 734 m) mar a mbuaileann sé le teorainn Vestenanova (airde 643 m). Ar an mbóthar bardasach fós, téann sé trí shráidbhaile Castelvero, ag dul a fhad agus Vestenavecchia go dtí lár Vestenanova amach. Leanann sé a fhad leis an Siveri ar an mbóthar bardasach, chomh fada le ceantar Alberomato. Ón áit sin, téann sé trí shráidbhaile Bacchi mar a gcasann sé le teorainn chúige Vincenza. Leanann sé teorannacha cúigí ó thuaidh go dtí airde 474 m os cionn leibhéal na farraige agus ansin feadh theorainn thuaidh bhardas Chiampo ar an taobh thoir agus ansin ó dheas, go dtí an trasnú idir an teorainn sin agus an bóthar cúige a nascann Chiampo le Nogarole Vicentino (airde 468 m os cionn leibhéal na farraige). Leanann sé feadh an bhóthair seo trí shráidbhaile Nogarole agus leanann feadh an bhóthair chuig Selva di Trissino a fhad agus Capitello díreach i ndiaidh an phointe airde 543 m mar a gcasann sé ar chlé feadh na conaire a théann chuig an t-uiscerian. Téann sé feadh na conaire seo trí Prizzi go dtí, ag airde 530 m, buaileann sé leis an mbóthar chuig Cornedo, leanann sé an bóthar sin trí Pellizzari agus Duello a fhad agus an t-acomhal leis an mbóthar bardasach a théann chuig Caliari, Stella agus Ambrosi, ag dul trí sráidbhaile Grigio sula mbuaileann sé an bóthar cúigeach chuig Cornedo arís. I Cornedo buaileann sé le mórbhealach stáit 246, agus leanann sé é beagnach a fhad agus droichead Nori sula gcasann sé soir ar an mbóthar bardasach a théann thar Colombara, Bastianci, Muzzolon agus Milani (airde 547 m). Ón bpointe sin, leanann sé an bóthar cairte soir ó thuaidh a fhad agus Crestani (airde 532 m). Téann sé ansin feadh an bhóthair bhardasaigh chuig Mieghi, Milani (airde 626 m), Casare di Sopra, Casare di Sotto agus Godeghe a fhad agus an t-acomhal leis an mbóthar bardasach Monte di Malo-Monte Magrè leanannn sé an bóthar seo a fhad agus Monte Magrè. Ón bpointe sin, leanann sé an bóthar chuig Magrè suas go dtí airde 294 m, leanann sé siar ó thuaidh go dtí airde 214 m, téann sé feadh bhóthar Valfreda a fhad agus Raga (airde 414 m), agus ansin a fhad leis an teorainn bhardasach idir Schio agus Torrebelvicino, agus leanann sé í sin a fhad agus an pointe airde 216 m. Ón bpointe sin, leanann sé sruth Leogra a fhad agus an droichead ar mhórbhealach stáit 46, ag leanúint feadh bóthar na habhann a fhad agus an pointe airde 188 m. Leanann sé ansin an mórbhealach stáit 46 Schio-Vicenza a fhad agus an ceantar Fonte di Castelnovo. Trasnaíonn sé an ceantar seo agus leanann sé ansin bóthar Costabissara, ag dul trí na ceantair Ca' de Tommasi agus Pilastro.

Leanann teorainn an limistéir ansin an bóthar bardasach ó Costabissara chuig Creazzo, ag dul thar ceantar S. Valentino go dtí go mbaineann sé an teorainn thoir de bhardas Costabissara amach. Téann sé siar ansin a fhad agus an teorainn thoir de bhardas Costabissara, go dtí an trasnú leis an mbóthar ó Gamgubliano a théann go dtí Sovizzo, taobh leis an mbóthar Valdiezza. Leanann sé an bóthar i dtreo Castelgomberto go dtí go sroicheann sé an bóthar chuig sráidbhailte Busa, Pilotto agus Vallorona ar chlé. Ag an gcomhartha stop, casann sé ar chlé agus ansin glacann sé an dara casadh ar chlé agus leanann thar an acomhal atá ann le haghaidh Monteschiavi. Ag an acomhal le haghaidh Contrà Vallorona, Rubbo agus Spinati téann sé ón mbóthar chuig na sráidbhailte sin agus leanann sé go díreach go dtí go sroicheann sé Via Vallorona ag an mbun. Leanann sé ar dheis, ag leanúint comhrian an chnoic chuig Valdimolino. Leanann sé feadh an bhóthair a théann chuig Sant’Urbano di Montecchio Maggiore (bóthar Cavallara). Ansin glacann sé bóthar Bastian a fhad agus an trasnú leis an mbóthar ó Castelgomberto. Leanann sé feadh bhóthar Bernuffi ag glacadh casadh ar chlé a fhad agus sráidbhaile Sant’Urbano. Ag an acomhal glacann sé casadh ar chlé agus téann sé feadh bhóthar Sovizzo Alto a fhad agus Casa Cattani, áit a gcasann sé ar dheis feadh bhóthar Caussa, agus ina dheireadh sin glacann sé casadh eile ar dheis feadh an bhóthair (i dtreo Carbonara) go dtí go sroicheann sé Bastia Bassa, áit a leanann sé ar aghaidh chuig Campestrini agus ansin, ar deireadh, sroicheann sé an taobh dheas de Villa Cordellina. Casann sé ar dheis ansin go dtí an trasnú le mórbhealach stáit 246, ag casadh ar chlé ar an mbóthar Montorsina agus suíomh na gcaisleán Romeo agus Juliet laistigh den cheantar san áireamh.

Leanann an teorainn ansin an bóthar i dtreo Montecchio Maggiore agus Montorso a fhad agus an droichead thar sruth Chiampo. Trasnaíonn sé an sruth agus leanann sé ó dheas a fhad agus bóthar Zermeghedo via Mieli. Ón acomhal Mieli leanann sé ar chlé i dtreo Belloccheria lena gcuimsítear comhrian an chnoic a fhad agus an t-acomhal le via Perosa laistigh den limistéar críochaithe. Ón bpointe sin, leanann sé i dtreo sráidbhaile Montebello feadh via Castelletto go dtí an trasnú le bóthar Mira. Ón bpointe sin, téann sé feadh an bhóthair chuig Selva a fhad agus an trasnú Casa Cavazza agus an bóthar Zermeghedo.

Leanann an teorainn an bóthar Agugliana agus leanann sé i dtreo La Guarda. Thart faoi 300 méadar ón sráidbhaile seo, chasann sé ar chlé feadh conaire a nascann é leis an teorainn le Gambellara, ag leanúint ó thuaidh go dtí an pointe airde 143 m.

Téann sé ansin síos mionbhóthar a théann chuig Gambellara, a trasnaíonn siar feadh an bhóthair ó Gambellara chuig Calderina áit a mbuaileann sé le críochú an limistéir thosaigh sa chúige Verona.

7.   Cineál/cineálacha fíniúna

CHARDONNAY B

Durella B - Durello

Garganega B. - Garganego

Pinot Bianco B. - Pinot

Pinot Grigio - Pinot

Pinot noir – pinot nero

Sauvignon B – Sauvignon Blanc

8.   Tuairisc ar an nasc (na naisc)

STFC “Monti Lessini” (Fíon agus Fíon Súilíneach ar Ardchaighdeán)

Mionsonraí an limistéir gheografaigh

Tosca nádúrtha is ábhartha don nasc

Luíonn an limistéar táirgthe le haghaidh fhíonta STFC “Monti Lessini” leis an gcuid chnocach de na sléibhte Lessini thoir atá ar dhá thaobh na teorann idir na cúigí Verona agus Vicenza. Tá geolaíocht an limistéir casta agus ilghnéitheach go leor, le buncharraigeacha bolcánacha agus drámh-bholcánacha is mó sna limistéir tiomanta d’fhíonsaothrú faoi láthair. Dá bharr sin is saibhir iad na hithreacha a bhíonn ann ó thaobh mianraí de agus bíonn siad measartha domhain, bíonn uigeacht mhín acu agus cion carraige basailt nach bhfuil mórán ann ar an dromchla ach ina bhfuil tiúchain níos airde go domhain síos san ithir. Tá próifíl mhianraí na n-ithreacha fabhrach do phróisis choipthe na n-úrfhíonta déanta as fíonchaora Durella, cineál fíonchaoire gile nach minic a fhaightear ach amháin sa limistéar.

Bíonn aeráid shéimh agus mheasartha ag limistéar STFC “Monti Lessini” le frasaíocht bhliantúil thart ar 1 000 mm, nach dtarlaíonn, den chuid is mó, ach san earrach nó san fhómhar, agus meánteochtaí bliantúla thart ar 56.435 oF.

Saintréithrítear struchtúr fiseagrafach an limistéir, atá ag an réigiún Lessini ina iomláine, ag na gleannta faide agus in amanna caola ag leathadh amach den chuid is mó i dtreo ó thuaidh siar ó thuaidh - ó dheas soir ó dheas (NNW-SSE) deighilte ó chéile ag dromanna i bpatrún comhfhreagrach a shíneann ó dheas go dtí go n-imíonn siad as radharc faoi shil-leagan glárach mhachaire ghleann na Po. Tá difríocht thart ar 800 m in airde sa limistéar, toisc atá fabhrach d’athruithe suntasacha idir teochtaí lae agus oíche.

Tosca stairiúla agus daonna is ábhartha don nasc

De bharr go dtéann saothrú fíniúnacha i limistéar Monti Lessini siar ar feadh seacht gcéad cuirtear i dtábhacht ar bhealach an-chumhachtach an cúram lenar chothaigh daoine an fhíniúin sa limistéar seo de chnoic arda a chlúdaíonn na cúigí Verona agus Vincenza.

Is minic a leagtar béim, i ndoiciméid stairiúla maidir le talmhaíocht i limistéar Monti Lessini ar an bhfrása “Terra cum vineis”, i.e. talamh atá go hiomlán faoi fhíonghoirt. Ón 19ú céad ar aghaidh, i ngeall ar fhíonsaothrú agus fíonóireacht sna cúigí faoin sonrúchán bhí méadú suntasach sa táirgeacht agus ardú i gcáilíocht na bhfíonta a táirgeadh.

Tar éis an mhéadaithe seo tháinig na bearta tosaigh chun na fíonta tipiciúla a chosaint agus bunú an chomhlachais ina dhiaidh chun ionadaíocht a dhéanamh do na táirgeoirí. I ndiaidh dó a chruthú le Foraithne ón Aire Uimh. 25/06/1987 - Iris Oifigiúil Uimh. 6 an 9 Eanáir 1988, laistigh de STFC “Lessini Durello”, in 2011 athraíodh ainm an tsonrúcháin go “Monti Lessini” ag an am céanna agus ar tugadh aitheantas do STFC “Lessini Durello”. Tá an Cuibhreannas chun “Lessini Durello” a Chosaint [Consorzio di Tutela del Lessini Durello], ar tugadh aitheantas dó ag Aireacht na hIodáile i mí na Samhna 2000, tiomanta do próifíl na sonrúchán a tháirgtear sa limistéar a ardú, chomh maith leis na dálaí táirgiúla agus socheacnamaíocha sna gleannta Verona agus Vincenza sa limistéar a chumhdaítear faoin tsonraíocht táirge. Tá táirgeoirí an sonrúcháin i gcomhar leis an gCuibhreannas tar éis an teicníc a úsáidtear chun fíon súilíneach a dhéanamh as fíonchaora Durella a fheabhsú, agus dá réir sin áit mór le rá a thabhairt dó i measc na bhfíonta súilíneacha a tháirgtear i réigiún na Veinéise.

Táirgtear na barra is fearr in ithreacha sárnochta de bhunadh bolcánach, agus teicnící saothraithe cliste a úsáid i gcomhréir le traidisiúin áitiúla. Tagann rath ar chineál Durella i ngeall ar nochtadh maith do sholas na gréine ach thar aon rud eile bíonn aershreabh mhaith de dhíth air san fhíonghort.

Tháinig forbairt ar chórais treoraithe fíniúnacha i gcaitheamh na mblianta i gcomhréir leis na cuspóirí fíoneolaíochta atá á saothrú. Sa lá atá inniu ann, is iad na córais is fearr don chineál táirgthe seo ná an peargóla agus an modh Guyot. Baintear úsáid as peargólaí ar na cnoic chrochta áit a dtugtar aire do na fíniúnacha de láimh den chuid is mó. Tá na córais Espalier nó Guyot le fáil níos coitianta i limistéir atá níos inrochtana agus in áiteanna nach bhfuil na fánaí chomh géar sin. Áirithítear leis na córais treoraithe fíniúnacha go n-aibíonn na fíonchaora go maith agus go bhfanann siad sláintiúil. Saintréith atá iontu, ní amháin den tírdhreach ach de cháilíocht na bhfíonta agus de chomhsheasmhacht na dtorthaí chomh maith.

Tá clú agus cáil ar limistéar STFC “Monti Lessini” anois mar gheall ar fheabhas a chuid fíoneolaíochta, atá aitheanta ag comórtais le haghaidh fíonta san Iodáil agus in áiteanna eile ar domhan.

STFC “Monti Lessini” – Catagóir fíona

Nasc cúisíoch idir an cháilíocht, saintréithe an táirge agus an comhshaol geografach, leis na fachtóirí nádúrtha agus daonna.

Bíonn dath buí amhail tuí ar na fíonta Durello - STFC “Monti Lessini” le déine datha éagsúil chomh maith le dea-bholadh suaithinseach agus torthaíoch ar bhealach mín agus blas tirim tathagach orthu agus déine éagsúil blais, agus is iondúil go mbíonn siad beoga. Athraíonn dea-bholaithe úlla a bhíonn glas a bheag nó a mhór le blasanna níos láidre agus níos casta de bhunadh mianrach agus breochloiche, lena n-áirítear dea-bholadh muirí d’iaidín agus sulfar.

Bíonn dath buí amhail tuí ar na fíonta Bianco - STFC “Monti Lessini” le déine éagsúil agus dea-bholadh deas mar shaintréith iontu chomh maith le blas úr blasta agus comhchuí.

Bíonn dath an rúibín ar fhíonta Pinot Nero - STFC “Monti Lessini” uaireanta le himreacha a bhfuil dath an ghairnéid orthu le dea-bholadh éadrom deas agus sainiúil agus blas tirim, tathagach agus searbh ar bhealach deas.

Bíonn dath buí órga ar fhíonta Passito - STFC “Monti Lessini” le dea-bholaithe déine agus torthaíocha mar shaintréith orthu. Maidir le blas, bíonn siad idir meánach agus milis, veilbhitiúil, comhchuí agus tathagach.

Tá an timpeallacht is fearr le fáil i limistéar Monti Lessini chun raon na bhfíonta a chumhdaítear le STFC “Monti Lessini” a tháirgeadh: tá na hithreacha bolcánacha atá mar shaintréith saibhir ó thaobh cothaithigh de agus i ngeall ar na leoithní fionnuara a shéideann anuas ó Monti Lessini is féidir aibiú optamach a bhaint amach agus aigéadacht na bhfíonchaor is gá a choinneáil an tráth céanna. Is marcóirí sonracha iad na blasanna mianracha do na cineálacha fíona seo.

Tagann na córais treoraithe fíniúnacha traidisiúnta pergola agus espalier, saineolas teicniúil na saothróirí fíniúna, na céadta blianta de thraidisiún agus na hinfheistíochtaí i dteicneolaíocht fíoneolaíochta le chéile chun fíonta le dea-bholaithe iontach casta a tháirgeadh. Go deimhin, níl na fíonta STFC “Monti Lessini” uathúil mar gheall ar stóinseacht an struchtúir a bhaineann leo. Is iad na saintréithe boltanacha a chruthaíonn agus a shainmhíníonn céannacht an táirge a bheag nó a mhór.

STFC “Monti Lessini” - Catagóir Fíona Shúilínigh ar Ardchaighdeán

Nasc cúisíoch idir an cháilíocht, saintréithe an táirge agus an comhshaol geografach, leis na fachtóirí nádúrtha agus daonna.

Bíonn cúr mín agus seasmhach ar fhíon súilíneach ar ardchaighdeán STFC “Monti Lessini”. Bíonn dath buí amhail dath na tuí air le déine éagsúil chomh maith le dea-bholadh sainiúil le ruainnín giosta éadroim. Bíonn an cion siúcra idir dáileogacht nialasach nó pas dosé agus demi-sec.

Bíonn bolgáin an-mhín ag fíonta súilíneacha ar ardchaighdeán Riserva STFC “Monti Lessini”. Idir dath buí amhail tuí le déine éagsúil agus buí órga bíonn dea-bholaithe casta acu agus blasanna dea-fhorbartha atá ina samplaí maithe de thréimhse fhada aosaithe sa bhuidéal. Bíonn an cion siúcra idir dáileogacht nialasach nó pas dosé agus demi-sec.

Bíonn bolgáin an-mhín uachtarúil ag fíonta súilíneacha ar ardchaighdeán Crémant STFC “Monti Lessini”. Idir dath buí amhail tuí le déine éagsúil agus buí órga bíonn dea-bholaithe casta acu agus blasanna dea-fhorbartha atá ina samplaí maithe de thréimhse fhada aosaithe sa bhuidéal. Bíonn an cion siúcra idir dáileogacht nialasach nó pas dosé agus demi-sec.

Bíonn ról lárnach ag an aeráid mheasartha agus ag na héagsúlachtaí móra idir na teochtaí i gcaitheamh an lae agus istoíche atá tipiciúil i limistéar STFC “Monti Lessini” maidir le cuid mhór de réamhtheachtaithe aramatacha lena gcuirtear feabhas ar shaintréithe orgánaileipteacha agus blasanna tipiciúla fhíonchaora Durella.

I ngeall ar cion mianrach na n-ithreacha, in éineacht le haigéadacht úr chineál Durella, tá an fhíon an-oiriúnach chun fíon súilíneach a dhéanamh. Leis an teicníc dheireanach seo (a úsáideadh mar mhodh chun na tréithe is fearr de chineál Durella a tharraingt amach ó bunaíodh an sonrúchán den chéad uair) tarraingítear amach na gnáth-shaintréithe thuas luaite, ag brath ar an tréimhse aosaithe. Más giorra an tréimhse aosaithe beidh blasanna níos deise agus dea-bholaithe d’úlla glasa agus torthaí citris, mianracht tipiciúil agus comhsheasmhacht tainneach atá uathúil i bhfíonta geala agus bíonn bolgáin ghalánta fhíneálta de thoradh air. Maolaíonn tréimhse aosaithe níos faide (cineálacha Riserva) spleodar an chineáil agus bíonn fíonta níos léirithí mar gheall air seo agus ról tábhachtach ag blasanna iar-uathalaithe ag cruthú blasanna fíorghaláta orgánaileipteacha. Bíonn na blasanna muirí tipiciúla ann i gcónaí agus cé nach mbíonn an fhíon róthathagach riamh, is rud iontach é i gcónaí an blas a bhíonn ann, feabhsaithe ag iarbhlas mianrach searbh.

9.   Ceanglais shonracha bhreise (pacáistiú, lipéadú, ceanglais eile)

Fíonta súilíneacha a tháirgeadh

Creat dlíthiúil:

Reachtaíocht an Aontais

An cineál coinníll bhreise:

Maolú ar tháirgeadh sa limistéar geografach críochaithe

Tuairisc ar an gcoinníoll:

I gcomhréir le the maolú dá ndéantar foráil in Airteagal 5(1)(b) de Rialachán Tarmligthe (AE) Uimh. 2019/33 (2) ón gCoimisiún, féadfar oibríochtaí fíonóireachta le haghaidh fíonta súilíneacha ar ardchaighdeán a dhéanamh laistigh den limistéar táirgthe críochaithe agus sna cúigí Verona agus Vincenza.

Nasc chuig an tsonraíocht táirge

https://www.politicheagricole.it/flex/cm/pages/ServeBLOB.php/L/IT/IDPagina/17283

---

(1)  IO L 347, 20.12.2013, lch. 671.

(2)  IO L 9, 11.1.2019, lch. 2.