This document is an excerpt from the EUR-Lex website
Document 52023M10920
Prior notification of a concentration (Case M.10920 – AMAZON / IROBOT) (Text with EEA relevance) 2023/C 202/12
Réamhfhógra faoi chomhchruinniú (Cás M.10920 — AMAZON / IROBOT) (Téacs atá ábhartha maidir le LEE) 2023/C 202/12
Réamhfhógra faoi chomhchruinniú (Cás M.10920 — AMAZON / IROBOT) (Téacs atá ábhartha maidir le LEE) 2023/C 202/12
PUB/2023/677
IO C 202, 9.6.2023, p. 51–52
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
9.6.2023 |
GA |
Iris Oifigiúil an Aontais Eorpaigh |
C 202/51 |
Réamhfhógra faoi chomhchruinniú
(Cás M.10920 — AMAZON / IROBOT)
(Téacs atá ábhartha maidir le LEE)
(2023/C 202/12)
1.
An 31 Bealtaine 2023, fuair an Coimisiún fógra maidir le comhchruinniú atá beartaithe de bhun Airteagal 4 de Rialachán (CE) Uimh. 139/2004 ón gComhairle (1).Is leis na gnóthais seo a leanas a bhaineann an fógra sin:
— |
Amazon.com, Inc. (‘Amazon’, na Stáit Aontaithe) |
— |
iRobot Corporation (‘iRobot’, Stáit Aontaithe Mheiriceá) |
Gheobhaidh Amazon urlámhas aonair, de réir bhrí Airteagal 3(1)(b) den Rialachán um Chumaisc, ar iRobot ina iomláine.
Baintear an comhchruinniú amach trí bhíthin ceannach scaireanna.
2.
Is iad seo a leanas gníomhaíochtaí gnó na ngnóthas lena mbaineann:
— |
Oibríonn Amazon raon gnóthaí lena n-áirítear miondíol, siamsaíocht, leictreonaic do thomhaltóirí, agus seirbhísí teicneolaíocha. Cuireann sé seirbhísí idirghabhála ar líne ar fáil freisin do dhíoltóirí tríú páirtí trína mhargaí ar líne Amazon a ligeann do dhíoltóirí tríú páirtí táirgí a fhógairt agus a dhíol le custaiméirí. |
— |
Is monaróir domhanda de tháirgí cúraim urláir é iRobot, agus é gníomhach go príomha i ndearadh agus soláthar folúsghlantóirí róbat. |
3.
Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.
4.
Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:
M.10920 — AMAZON / IROBOT
Is féidir barúlacha a sheoladh chuig an gCoimisiún le ríomhphost nó tríd an bpost. Baintear úsáid as na sonraí teagmhála:
R-phost: COMP-MERGER-REGISTRY@ec.europa.eu
Seoladh poist:
An Coimisiún Eorpach |
Ard-Stiúrthóireacht na hIomaíochta |
Clárlann na gCumasc |
1049 Bruxelles/Brussel |
BELGIQUE/BELGIË |
(1) IO L 24, 29.1.2004, lch. 1 (an ‘Rialachán um Chumaisc’).