(1)

Bíonn pacáistíocht ag teastáil chun táirgí a chosaint agus chun gurb éasca iad a iompar ón áit a dtáirgtear iad go dtí an áit a n-úsáidtear nó a dtomhlaítear iad. Tá sé ríthábhachtach d’fheidhmiú an mhargaidh inmheánaigh do tháirgí go ndéantar bacainní ar an margadh inmheánach do phacáistíocht a chosc. Bíonn rialacha ilroinnte agus ceanglais dhoiléire ina gcúis le costais bhreise d’oibreoirí eacnamaíocha.

(1)

Bíonn pacáistíocht iomchuí ag teastáil chun táirgí a chosaint agus chun gurb éasca iad a iompar ón áit a dtáirgtear iad go dtí an áit a n-úsáidtear nó a dtomhlaítear iad Is rud ríthábhachtach d’fheidhmiú an mhargaidh inmheánaigh do tháirgí bacainní ar an margadh inmheánach do phacáistíocht a chosc. Bíonn rialacha ilroinnte agus ceanglais dhoiléire ina gcúis le héiginnteacht agus costais bhreise d’oibreoirí eacnamaíocha.

(2)

Ina theannta sin, úsáideann an phacáistíocht méideanna móra óghábhar (is le haghaidh pacáistíochta a úsáidtear 40 % de na plaistigh agus 50 % den pháipéar san Aontas) agus is ionann í agus 36 % den dramhaíl sholadach chathrach (30). Cruthaíonn leibhéil arda pacáistíochta a ghintear, agus a mhéadaíonn i gcónaí, chomh maith le leibhéil ísle athúsáide agus droch-athchúrsáil, bacainní suntasacha ar gheilleagar ciorclach ísealcharbóin a bhaint amach. Ar na cúiseanna sin, ba cheart leis an Rialachán seo rialacha a bhunú maidir le saolré iomlán na pacáistíochta a rannchuideoidh le feidhmiú éifeachtúil an mhargaidh inmheánaigh trí bhearta náisiúnta a chomhchuibhiú, agus drochthionchair na pacáistíochta agus na dramhaíola ó phacáistíocht ar an gcomhshaol agus ar shláinte an duine a chosc agus a laghdú. Trí bhearta a leagan amach i gcomhréir le hordlathas na dramhaíola, ba cheart go rannchuideodh sé leis an aistriú chuig geilleagar ciorclach.

(2)

Ina theannta sin, úsáideann an phacáistíocht méideanna móra óghábhar (is le haghaidh pacáistíochta a úsáidtear 40 % de na plaistigh agus 50 % den pháipéar san Aontas) agus is ionann í agus 36 % den dramhaíl sholadach chathrach (30). Cruthaíonn leibhéil arda pacáistíochta a ghintear, agus a mhéadaíonn i gcónaí, chomh maith le leibhéil ísle athúsáide agus bhailiúcháin agus droch-athchúrsáil, bacainní suntasacha ar gheilleagar ciorclach ísealcharbóin a bhaint amach. Ar na cúiseanna sin, ba cheart leis an Rialachán seo rialacha a bhunú maidir le saolré iomlán na pacáistíochta a rannchuideoidh le feidhmiú éifeachtúil an mhargaidh inmheánaigh trí bhearta náisiúnta a chomhchuibhiú, agus drochthionchair na pacáistíochta agus na dramhaíola ó phacáistíocht ar an gcomhshaol agus ar shláinte an duine a chosc agus a laghdú. Trí bhearta a leagan amach i gcomhréir le hordlathas na dramhaíola, ba cheart go rannchuideodh sé leis an aistriú chuig geilleagar ciorclach.

(5)

I gcomhréir leis an gComhaontú Glas (33), tugtar gealltanas sa Phlean Gníomhaíochta nua um an nGeilleagar Ciorclach (CEAP) (34) go ndéanfar na ceanglais fhíor-riachtanacha maidir le pacáistíocht a atreisiú d’fhonn an phacáistíocht go léir a dhéanamh in-athúsáidte nó in-athchúrsáilte faoi 2030, agus bearta eile a bhreithniú chun laghdú ar an (ró)phacáistíocht agus ar an dramhphacáistíocht, dearadh ar mhaithe le hathúsáid agus in-athchúrsáilteacht pacáistíochta a spreagadh, ábhair phacáistíochta a shimpliú agus ceanglais maidir leis an gcion athchúrsáilte i bpacáistíocht phlaisteach a thabhairt isteach. Cuirtear de cheangal ar an gCoimisiún ann measúnú a dhéanamh ar a indéanta a bheidh lipéadú uile-Aontais lena n-éascaítear deighilt cheart na dramhphacáistíochta ag an bhfoinse.

(5)

I gcomhréir leis an gComhaontú Glas (33), tugtar gealltanas sa Phlean Gníomhaíochta nua um an nGeilleagar Ciorclach (CEAP) (34) go ndéanfar na ceanglais fhíor-riachtanacha maidir le pacáistíocht a atreisiú d’fhonn an phacáistíocht go léir a dhéanamh in-athúsáidte nó in-athchúrsáilte faoi 2030, agus bearta eile a bhreithniú chun laghdú ar an (ró)phacáistíocht agus ar an dramhphacáistíocht, dearadh ar mhaithe le hathúsáid agus in-athchúrsáilteacht pacáistíochta a spreagadh, ábhair phacáistíochta a shimpliú , ceanglais maidir leis an gcion athchúrsáilte i bpacáistíocht phlaisteach a thabhairt isteach , agus measúnú a dhéanamh ar na ceanglais maidir leis an gcion athchúrsáilte a theastaíonn i gcás pacáistíocht a dhéantar as ábhair seachas plaisteach. Tugtar chun suntais ann gur den riachtanas laghdú ar an gcur amú bia agus féachtar le cuir chuige chiorclacha a spreagadh maidir le húsáid uisce agus cuirtear de cheangal ar an gCoimisiún measúnú a dhéanamh ar a indéanta a bheidh lipéadú uile-Aontais lena n-éascaítear deighilt cheart na dramhphacáistíochta ag an bhfoinse.

(9a)

Tá an Rialachán seo i gcomhréir leis na cuspóirí a leagtar amach i [an treoir atá le teacht maidir le maíomhanna comhshaoil (2023/0085(COD))], agus i ... [an treoir atá le teacht maidir le tomhaltóirí a chumhachtú san aistriú chuig an ngeilleagar glas (2022/0092(COD))]. Tá mar aidhm leis roghanna substaintithe le haghaidh réitigh phacáistíochta níos inbhuanaithe a chur chun cinn agus tacaíocht a thabhairt dóibh.

(11)

Níor cheart mír, ar cuid dhílis de tháirge í agus ina riachtanas chun an táirge sin a choinneáil, chun feidhmiú mar thacaíocht dó nó chun é a chaomhnú ar feadh a shaolré agus i gcás ina mbeartaítear na heilimintí go léir a úsáid, a thomhailt nó a dhiúscairt i dteannta a chéile, níor cheart í a áireamh mar phacáistíocht ós rud é go bhfuil dlúthnasc idir a feidhmiúlacht agus í a bheith ina cuid den táirge. Mar sin féin, i bhfianaise iompraíocht tomhaltóirí maidir le diúscairt málaí tae agus caife chomh maith le haonaid aonfhreastail de chuid córais caife nó tae, a dhiúscraítear in éineacht le hiarmhar an táirge de ghnáth, as a leanann éilliú sruthanna inmhúirínithe agus athchúrsála, ba cheart déileáil leis na míreanna sonracha sin mar phacáistíocht, áfach. Tá sé sin i gcomhréir leis an gcuspóir chun bailiú ar leithligh na bithdhramhaíola a mhéadú, mar a cheanglaítear le hAirteagal 22 de Threoir 2008/98/CE ó Pharlaimint na hEorpa agus ón gComhairle (41). Thairis sin, chun comhleanúnachas a áirithiú maidir le hoibleagáidí airgeadais agus oibriúcháin deiridh ré, ba cheart na haonaid aonfhreastail go léir de chuid córais caifé nó tae a bhíonn ag teastáil chun caife nó tae a choinneáil a áireamh mar phacáistíocht freisin.

(11)

Níor cheart mír, ar cuid dhílis de tháirge í agus ina riachtanas chun an táirge sin a choinneáil, chun feidhmiú mar thacaíocht dó nó chun é a chaomhnú ar feadh a shaolré agus i gcás ina mbeartaítear na heilimintí go léir a úsáid, a thomhailt nó a dhiúscairt i dteannta a chéile, níor cheart í a áireamh mar phacáistíocht ós rud é go bhfuil dlúthnasc idir a feidhmiúlacht agus í a bheith ina cuid den táirge. Mar sin féin, i bhfianaise iompraíocht tomhaltóirí maidir le diúscairt málaí tae agus caife nó córas bog a dhiúscraítear tar éis a úsáide in éineacht le hiarmhar an táirge de ghnáth, as a leanann éilliú sruthanna inmhúirínithe agus athchúrsála, ba cheart déileáil leis na míreanna sonracha sin mar phacáistíocht, áfach. Tá sé sin i gcomhréir leis an gcuspóir chun bailiú ar leithligh na bithdhramhaíola a mhéadú, mar a cheanglaítear le hAirteagal 22 de Threoir 2008/98/CE ó Pharlaimint na hEorpa agus ón gComhairle (41). Thairis sin, chun comhleanúnachas a áirithiú maidir le hoibleagáidí airgeadais agus oibriúcháin deiridh ré, ba cheart na haonaid aonfhreastail go léir de chuid córais caifé nó tae a bhíonn ag teastáil chun caife nó tae a choinneáil a áireamh mar phacáistíocht freisin.

(12)

I gcomhréir le hord na réiteach dramhaíola a leagtar amach in Airteagal 4(2) de Threoir 2008/98/CE, agus i gcomhréir le smaointeoireacht saolré chun an toradh foriomlán is fearr ó thaobh an chomhshaoil de a sholáthar, tá sé d’aidhm ag na bearta dá bhforáiltear faoin Rialachán seo laghdú i dtéarmaí toirte agus meáchain ar an méid pacáistíochta a chuirtear ar an margadh, agus giniúint dramhaíola ó phacáistíocht a chosc, go háirithe trí íoslaghdú pacáistíochta, chun pacáistíocht nach gá a sheachaint, agus athúsáid pacáistíochta a mhéadú. Ina theannta sin, tá sé d’aidhm ag na bearta úsáid ábhar athchúrsáilte i bpacáistíocht a mhéadú, go háirithe i bpacáistíocht phlaisteach, ina mbíonn an glacadh le hábhar athchúrsáilte an-íseal, chomh maith le rátaí athchúrsála níos airde don phacáistíocht go léir agus ardcháilíocht na n-amhábhar tánaisteach mar thoradh air sin agus cineálacha eile aisghabhála agus diúscartha deiridh a laghdú freisin.

(12)

I gcomhréir le hord na réiteach dramhaíola a leagtar amach in Airteagal 4(2) de Threoir 2008/98/CE, agus i gcomhréir le smaointeoireacht saolré chun an toradh foriomlán is fearr ó thaobh an chomhshaoil de a sholáthar, tá sé d’aidhm ag na bearta dá bhforáiltear faoin Rialachán seo laghdú i dtéarmaí toirte agus meáchain ar an méid pacáistíochta a chuirtear ar an margadh, agus giniúint dramhaíola ó phacáistíocht a chosc, go háirithe trí íoslaghdú pacáistíochta, chun pacáistíocht nach gá a sheachaint, agus athúsáid pacáistíochta a mhéadú. Ina theannta sin, tá sé d’aidhm ag na bearta úsáid ábhar athchúrsáilte i bpacáistíocht a mhéadú, go háirithe i bpacáistíocht phlaisteach ina mbíonn an glacadh le hábhar athchúrsáilte an-íseal, trí chórais athchúrsála ar ardchaighdeán a neartú, rud a mhéadóidh ar na rátaí athchúrsála don phacáistíocht go léir agus a fheabhsóidh cáilíocht na n-amhábhar tánaisteach a bheidh mar thoradh air sin , agus cineálacha eile aisghabhála agus diúscartha deiridh a laghdú freisin.

(12a)

I gcomhréir le hord na réiteach dramhaíola arb í diúscairt dramhaíola trí líonadh talún an rogha is lú tosaíochta, ba cheart na bearta dá bhforáiltear faoin Rialachán seo a chomhlánú le hathbhreithniú ar Threoir 1999/31/CE  (1a) d’fhonn a bheith níos sciobtha i mbun líonadh talún le dramhphacáistíocht a chéimniú amach.

(13)

Ba cheart pacáistíocht a dhearadh, a mhonarú agus a thráchtálú ar bhealach a fhágann gur féidir í a athúsáid nó athchúrsáil ar ardcháilíocht a dhéanamh uirthi, agus chun a tionchar ar an gcomhshaol a íoslaghdú le linn a saolré uile agus le linn shaolré na dtáirgí ar lena n-aghaidh a dearadh í.

(13)

Ba cheart pacáistíocht a dhearadh, a mhonarú agus a thráchtálú ar bhealach a fhágann gur féidir í a athúsáid a mhéad uair is féidir nó athchúrsáil ar ardcháilíocht a dhéanamh uirthi, agus chun a tionchar ar an gcomhshaol a íoslaghdú le linn a saolré uile agus le linn shaolré na dtáirgí ar lena n-aghaidh a dearadh í. Ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a bheith ag an gCoimisiún chun an Rialachán seo a fhorlíonadh trí líon íosta uainíochtaí a bhunú le haghaidh pacáistíocht in-athúsáidte i gcatagóirí pacáistíochta sonracha.

(15a)

Is fine mór iad substaintí sárfhluarailcile agus polafluarailcile (PFASanna) ina bhfuil níos mó ná 4 700 ceimiceán de dhéantús an duine de réir shainmhínithe ECFE 20181a. Ó tháinig siad chun cinn ag deireadh na 1940idí, baineadh úsáid as PFASanna i réimse táirgí tomhaltais agus feidhmeanna tionsclaíocha atá ag dul i méid, ó phacáistiú bia, éadaí go leictreonaic, eitlíocht agus cúr comhraic dóiteáin. Úsáidtear iad as a gcumas sail agus uisce a éaradh, agus as a n-ardchobhsaíocht agus a bhfriotaíocht in aghaidh teochtaí arda, mar gheall ar a nasc carbóin-fluairín. Is é an nasc sin is cúis lena ndianmharthanacht sa chomhshaol freisin. Tá baint ag nochtadh do na PFASanna is mó a ndearnadh staidéar orthu le raon éifeachtaí díobhálacha sláinte1b, lena n-áirítear galar tíoróideach, damáiste don ae, meáchan breithe laghdaithe, otracht, diaibéiteas, hipearcolaistéaróiléime agus freagairt laghdaithe ar ghnáthvacsaínithe, chomh maith le baol méadaithe ailse cíche, duáin agus uiríocha.

(15b)

An 27 Bealtaine 2020, d’fhoilsigh an Danmhairg Ordú Uimh. 681 an 25 Bealtaine 2020‘Ordú Feidhmiúcháin maidir le hÁbhair Theagmhála Bia agus Cód Coiriúil um Shárú Gníomhartha gaolmhara de chuid an Aontais’ ina hIris Oifigiúil (Lovtidende A) chun ceimiceáin PFASanna a thoirmeasc i bpáipéar a bhíonn i dteagmháil le bia agus in ábhair agus earraí adhmaid. Ag leanúint an tsampla sin, i bhfianaise na héigeandála sláinte agus comhshaoil de bharr PFASanna agus ag feitheamh le tuairim ECHA maidir le toirmeasc níos leithne ar PFASanna i gcás na pacáistíochta go léir agus i gcás earnálacha eile ar an bpáipéar go léir, níor cheart pacáistíocht chairtchláir bhia ina bhfuil PFASanna a chur ar mhargadh an Aontais.

(15c)

Is comhdhúil cheimiceach é bisfeanól A (RBA) a úsáidtear i monarú ábhar a bhíonn i dteagmháil le bia, amhail earraí boird inathúsáidte plaisteacha nó líneálacha le haghaidh cannaí, go príomha mar shraith chosantach. Is féidir le hiarmhair ó BPA aistriú isteach i mbia agus deoch agus a bheith á n-iongabháil ag tomhaltóirí. Is féidir BPA ó fhoinsí seachas bia, lena n-áirítear páipéar teirmeach, cosmaidí agus deannach, a ionsú tríd an gcraiceann agus trí ionanálú.

(15d)

I dtuairim eolaíoch  (1a) a foilsíodh i mí Eanáir 2015, agus i bhfianaise sonraí nua shonraigh grúpaí saineolaithe EFSA gur dócha go mbeadh éifeachtaí díobhálacha ar na duáin agus ar an ae as a bheith neamhchosanta ar bisfeanól A,. Thug na torthaí ar shaineolaithe EFSA laghdú suntasach a dhéanamh ar an leibhéal sábháilte BPA - ó 50 micreagram in aghaidh an chileagraim de mheáchan coirp sa lá ((μg/kg de mheáchan coirp/lá) go 4 μg/kg de mheáchan coirp/lá.

(15e)

Ag cur san áireamh a chontúirtí atá sé bisfeanól A a bheith i láthair agus an riosca go n-aistreofar isteach i mbia é, ba cheart láithreacht BPA a chuirtear le pacáistíocht d’aon ghnó a thoirmeasc sa phacáistíocht a thagann i dteagmháil le bia.

(19)

Leis an Rialachán seo níor cheart srianadh substaintí a chumasú bunaithe ar chúiseanna sábháilteachta ceimiceacha, nó ar chúiseanna a bhaineann le sábháilteacht bia, cé is moite de na srianta ar luaidhe, caidmiam, mearcair agus cróimiam heicsifhiúsach a bunaíodh cheana féin ar bhonn Threoir 94/62/CE agus ar cheart aghaidh a thabhairt orthu i gcónaí faoin Rialachán seo, ós rud é go dtugtar aghaidh ar na srianta sin faoi reachtaíocht eile de chuid an Aontais. Mar sin féin, ba cheart a fhágáil leis gur féidir srian a chur , go príomha ar chúiseanna seachas sábháilteacht cheimiceach nó bia, ar shubstaintí atá i bpacáistíocht agus i gcomhpháirteanna pacáistíochta nó a úsáidtear ina bpróisis mhonaraíochta, a mbíonn tionchar diúltach acu ar inbhuanaitheacht na pacáistíochta, go háirithe maidir lena ciorclaíocht, i.e. athúsáid nó athchúrsáil .

(19)

Gan dochar do shrianadh PFASanna agus bisfeanól A, níor cheart leis an Rialachán seo srianadh substaintí a chumasú bunaithe ar chúiseanna sábháilteachta ceimiceacha, nó ar chúiseanna a bhaineann le sábháilteacht bia, ach amháin má tá riosca do-ghlactha ann do shláinte an duine nó don chomhshaol, lena n-áirítear ach gan a bheith teoranta do na srianta ar luaidhe, caidmiam, mearcair agus cróimiam heicsifhiúsach a bunaíodh cheana féin ar bhonn Threoir 94/62/CE agus ar cheart aghaidh a thabhairt orthu i gcónaí faoin Rialachán sin, ós rud é go dtugtar aghaidh ar na srianta sin faoi reachtaíocht eile de chuid an Aontais. Ba cheart a fhágáil leis freisin gur féidir srian a chur ar shubstaintí atá i bpacáistíocht agus i gcomhpháirteanna pacáistíochta nó a úsáidtear ina bpróisis mhonaraíochta, a mbíonn tionchar diúltach acu ar inbhuanaitheacht na pacáistíochta, go háirithe maidir lena ciorclaíocht, go speisialta i gcás próisis athúsáide nó athchúrsála .

(23)

Chun nuálaíocht i bpacáistíocht a spreagadh, is iomchuí a cheadú go dtabharfar teorainn ama breise 5 bliana do phacáistíocht, a léiríonn gnéithe nuálacha as a dtagann feabhas suntasach ar chroí-fheidhm na pacáistíochta agus a bhfuil sochair chomhshaoil inléirithe aici, chun na ceanglais in-athchúrsáilteachta a chomhlíonadh. Ba cheart na gnéithe nuálacha a mhíniú sa doiciméadacht theicniúil a ghabhann leis an bpacáistíocht.

(23)

Chun nuálaíocht i bpacáistíocht a spreagadh, is iomchuí a cheadú go dtabharfar teorainn ama breise 5 bliana do phacáistíocht, a léiríonn gnéithe nuálacha as a dtagann feabhas suntasach ar chroí-fheidhm na pacáistíochta agus a bhfuil sochair chomhshaoil inléirithe aici, chun na ceanglais in-athchúrsáilteachta a chomhlíonadh. Ba cheart údar a bheith leis na gnéithe nuálacha, go háirithe maidir le húsáid ábhar nua nó nuálach agus ba cheart iad a mhíniú sa doiciméadacht theicniúil a ghabhann leis an bpacáistíocht.

(24)

Chun sláinte agus sábháilteacht an duine agus ainmhithe a chosaint, de bharr chineál na dtáirgí pacáistithe agus na gceanglas gaolmhar, is iomchuí nach mbeadh feidhm ag na ceanglais in-athchúrsáilteachta maidir le neasphacáistíocht mar a shainmhínítear in Airteagal 1 de Threoir 2001/83/CE ó Pharlaimint na hEorpa agus ón gComhairle (50) agus in Airteagal 4(25) de Rialachán (AE) 2019/6 ó Pharlaimint na hEorpa agus ón gComhairle (51), atá i dteagmháil dhíreach leis an táirge íocshláinte, chomh maith le pacáistíocht phlaisteach atá íogair ó thaobh teagmhála de ar fheistí leighis a chumhdaítear le Rialachán (AE) 2017/745 ó Pharlaimint na hEorpa agus ón gComhairle (52) agus ar na feistí leighis diagnóisice in vitro a chumhdaítear le Rialachán (AE) 2017/746 ó Pharlaimint na hEorpa agus ón gComhairle (53). Ba cheart feidhm a bheith ag na díolúintí sin go dtí an 1 Eanáir 2035.

(24)

Chun sláinte agus sábháilteacht an duine agus ainmhithe a chosaint, de bharr chineál na dtáirgí pacáistithe agus na gceanglas gaolmhar, is iomchuí nach mbeadh feidhm ag na ceanglais in-athchúrsáilteachta maidir le neasphacáistíocht mar a shainmhínítear in Airteagal 1 de Threoir 2001/83/CE ó Pharlaimint na hEorpa agus ón gComhairle (50) agus in Airteagal 4(25) de Rialachán (AE) 2019/6 ó Pharlaimint na hEorpa agus ón gComhairle (51), atá i dteagmháil dhíreach leis an táirge íocshláinte, ar phacáistíocht phlaisteach atá íogair ó thaobh teagmhála de ar fheistí leighis a chumhdaítear le Rialachán (AE) 2017/745 ó Pharlaimint na hEorpa agus ón gComhairle (52), ar na feistí leighis diagnóisice in vitro a chumhdaítear le Rialachán (AE) 2017/746 ó Pharlaimint na hEorpa agus ón gComhairle (53) , ar phacáistíocht phlaisteach atá íogair ó thaobh teagmhála de le haghaidh bianna atá beartaithe do naíonáin agus do leanaí óga agus bia chun críoch speisialta míochaine a chumhdaítear le Rialachán (AE) Uimh. 609/2013 ó Pharlaimint na hEorpa agus ón gComhairle  (53a) chomh maith le pacáistiú soláthairtí, comhpháirteanna, agus comhpháirteanna neasphacáistíochta le haghaidh monarú táirgí íocshláinte faoi Threoir 2001/83/CE agus le haghaidh táirgí íocshláinte tréidliachta faoi Rialachán (AE) 2019/6 i gcás inar gá don phacáistíocht sin caighdeáin cháilíochta an táirge íocshláinte a chomhlíonadh . Ba cheart feidhm a bheith ag na díolúintí sin go dtí an 1 Eanáir 2035.

(25)

Tá roinnt Ballstát i mbun gníomhaíochta chun in-athchúrsáilteacht na pacáistíochta a spreagadh trí tháillí um fhreagracht leathnaithe táirgeora a mhodhnú; féadfaidh tionscnaimh den sórt sin a ghlactar ar an leibhéal náisiúnta éiginnteacht rialála a chruthú do na hoibreoirí eacnamaíocha, go háirithe i gcás ina soláthraíonn siad pacáistíocht i roinnt Ballstát. An tráth céanna, is ionstraim eacnamaíoch éifeachtach é modhnú táillí um fhreagracht leathnaithe táirgeora chun dearadh pacáistíochta níos inbhuanaithe a dhreasú chun pacáistíocht in-athchúrsáilte níos fearr a bhaint amach agus feidhmiú an mhargaidh inmheánaigh a fheabhsú ag an am céanna. Is gá, dá bhrí sin, na critéir maidir le modhnú na dtáillí um fhreagracht leathnaithe táirgeora a chomhchuibhiú bunaithe ar an ngrád feidhmíochta in-athchúrsáilteachta a fhaightear trí mheasúnú a dhéanamh ar in-athchúrsáilteacht, agus gan méideanna iarbhír na dtáillí sin a shocrú. Ós rud é gur cheart baint a bheith ag na critéir leis na critéir maidir le hin-athchúrsáilteacht na pacáistíochta, is iomchuí cumhacht a thabhairt don Choimisiún critéir chomhchuibhithe den sórt sin a ghlacadh an tráth céanna lena mbunófar an dearadh mionsonraithe le haghaidh na gcritéar athchúrsála de réir catagóirí pacáistíochta.

(25)

Tá roinnt Ballstát i mbun gníomhaíochta chun in-athchúrsáilteacht na pacáistíochta a spreagadh trí tháillí um fhreagracht leathnaithe táirgeora a mhodhnú; féadfaidh tionscnaimh den sórt sin a ghlactar ar an leibhéal náisiúnta éiginnteacht rialála a chruthú do na hoibreoirí eacnamaíocha, go háirithe i gcás ina soláthraíonn siad pacáistíocht i roinnt Ballstát. An tráth céanna, is ionstraim eacnamaíoch éifeachtach é modhnú táillí um fhreagracht leathnaithe táirgeora chun dearadh pacáistíochta níos inbhuanaithe a dhreasú chun pacáistíocht in-athchúrsáilte níos fearr a bhaint amach agus feidhmiú an mhargaidh inmheánaigh a fheabhsú ag an am céanna. Is gá, dá bhrí sin, na critéir maidir le modhnú na dtáillí um fhreagracht leathnaithe táirgeora a chomhchuibhiú bunaithe ar an ngrád feidhmíochta in-athchúrsáilteachta a fhaightear trí mheasúnú a dhéanamh ar in-athchúrsáilteacht, agus gan méideanna iarbhír na dtáillí sin a shocrú agus a áirithiú go gcuirfear táillí den sórt sin ar leataobh chun glanchostas bailithe, sórtála agus athchúrsála pacáistíochta a mhaoiniú . Ós rud é gur cheart baint a bheith ag na critéir leis na critéir maidir le hin-athchúrsáilteacht na pacáistíochta, is iomchuí cumhacht a thabhairt don Choimisiún critéir chomhchuibhithe den sórt sin a ghlacadh an tráth céanna lena mbunófar an dearadh mionsonraithe le haghaidh na gcritéar athchúrsála de réir catagóirí pacáistíochta.

(28)

Chun ardleibhéal cosanta do shláinte an duine agus do shláinte ainmhithe a áirithiú i gcomhréir le ceanglais i reachtaíocht an Aontais agus chun aon riosca do shlándáil an tsoláthair agus do shábháilteacht leigheasanna agus feistí leighis a sheachaint, is iomchuí foráil a dhéanamh maidir le heisiamh ón oibleagáid d’íosmhéid cion athchúrsáilte i bpacáistíocht phlaisteach le haghaidh neasphacáistíocht mar a shainmhínítear in Airteagal 1, pointe 23, de Threoir 2001/83/CE agus in Airteagal 4, pointe 25, de Rialachán (AE) 2019/6, chomh maith le pacáistíocht phlaisteach atá íogair ó thaobh teagmhála de ar fheistí leighis a chumhdaítear le Rialachán (AE) 2017/745 agus pacáistíocht atá íogair ó thaobh teagmhála de ar fheistí leighis diagnóisice in vitro a chumhdaítear le Rialachán (AE) 2017/746. Ba cheart feidhm a bheith ag an eisiamh seo freisin maidir le pacáistíocht sheachtrach táirgí íocshláinte don duine agus táirgí íocshláinte tréidliachta mar a shainmhínítear in Airteagal 1, pointe 24, de Threoir 2001/83/CE agus in Airteagal 4, pointe 26, de Rialachán (AE) 2019/6 i gcásanna ina gcaithfidh sí ceanglais shonracha a chomhlíonadh chun cáilíocht an táirge íocshláinte a chaomhnú.

(28)

Chun ardleibhéal cosanta do shláinte an duine agus do shláinte ainmhithe a áirithiú i gcomhréir le ceanglais i reachtaíocht an Aontais agus chun aon riosca do shlándáil an tsoláthair agus do shábháilteacht leigheasanna agus feistí leighis a sheachaint, is iomchuí foráil a dhéanamh maidir le heisiamh ón oibleagáid d’íosmhéid cion athchúrsáilte i bpacáistíocht phlaisteach le haghaidh neasphacáistíocht mar a shainmhínítear in Airteagal 1, pointe 23, de Threoir 2001/83/CE agus in Airteagal 4, pointe 25, de Rialachán (AE) 2019/6, chomh maith le pacáistíocht phlaisteach atá íogair ó thaobh teagmhála de ar fheistí leighis a chumhdaítear le Rialachán (AE) 2017/745 , le haghaidh pacáistíocht atá íogair ó thaobh teagmhála de ar fheistí leighis diagnóisice in vitro a chumhdaítear le Rialachán (AE) 2017/746 agus le haghaidh pacáistíocht atá íogair ó thaobh teagmhála de ar bhianna a bheartaítear a úsáid do naíonáin agus do leanaí óga agus bia chun críocha speisialta míochaine a chumhdaítear le Rialachán (AE) Uimh. 609/2013 . Ba cheart feidhm a bheith ag an eisiamh seo freisin maidir le pacáistíocht sheachtrach táirgí íocshláinte don duine agus táirgí íocshláinte tréidliachta mar a shainmhínítear in Airteagal 1, pointe 24, de Threoir 2001/83/CE agus in Airteagal 4, pointe 26, de Rialachán (AE) 2019/6 i gcásanna ina gcaithfidh sí ceanglais shonracha a chomhlíonadh chun cáilíocht an táirge íocshláinte a chaomhnú. Ar deireadh, ba cheart feidhm a bheith ag an eisiamh sin maidir le dúigh, greamacháin, péinteanna, vearnaisí agus laicir a úsáidtear ar phacáistíocht agus le haghaidh aon pháirt phlaisteach ar lú í ná 5 % de mheáchan iomlán an aonaid phacáistíochta uile.

(28a)

Chun na spriocanna a bhaint amach maidir le comhtháthú an chion athchúrsáilte dá dtagraítear sa Rialachán seo, ba chóir go bhfoilseodh an Coimisiún, tráth nach déanaí ná 31 Nollaig 2025, tuarascáil ina ndéantar measúnú féachaint an bhféadfaí spriocanna a leagan síos maidir le húsáid amhábhar plaisteach bithbhunaithe i bpacáistíocht chun an sprioc a bhaint amach suas go dtí uasmhéid 50 %, bunaithe ar cheanglais inbhuanaitheachta.

(29)

Chun bacainní ar an margadh inmheánach a chosc agus cur chun feidhme éifeachtúil na n-oibleagáidí a áirithiú, ba cheart d’oibreoirí eacnamaíocha a áirithiú go bhfuil íoschéatadán áirithe d’ábhar athchúrsáilte a aisghabhadh ó dhramhaíl phlaisteach iarthomhaltais sa chuid phlaisteach de gach aonad pacáistíochta .

(29)

Chun bacainní ar an margadh inmheánach a chosc agus chun cur chun feidhme éifeachtúil na n-oibleagáidí a áirithiú, ba cheart d’oibreoirí eacnamaíocha a áirithiú go bhfuil íoschéatadán áirithe d’ábhar athchúrsáilte a aisghabhadh ó dhramhaíl phlaisteach iarthomhaltais i bpacáistíocht phlaisteach , ar meán de réir formáide, in aghaidh na monarchan monaraíochta, agus in aghaidh na bliana .

(31)

D’fhonn coinníollacha aonfhoirmeacha a áirithiú le haghaidh cur chun feidhme na rialacha maidir le ríomh agus fíorú an sciar atá i láthair de chion athchúrsáilte a aisghabhadh ó dhramhaíl phlaisteach iarthomhaltais, in aghaidh an aonaid dramhaíola plaistí iarthomhaltais sa phacáistíocht, agus maidir le bunú formáide don doiciméadacht theicniúil, ba cheart a thabhairt de chumhacht don Choimisiún forálacha cur chun feidhme a ghlacadh, i gcomhréir le hAirteagal 5 de Rialachán (AE) Uimh. 182/2011 ó Pharlaimint na hEorpa agus ón gComhairle (55).

(31)

D’fhonn coinníollacha aonfhoirmeacha a áirithiú le haghaidh chur chun feidhme na rialacha maidir le ríomh agus fíorú an sciar atá i láthair de chion athchúrsáilte a aisghabhadh ó dhramhaíl phlaisteach iarthomhaltais, in aghaidh dramhaíl phlaisteach iarthomhaltais san fhormáid phacáistíochta, in aghaidh na monarchan monaraíochta, agus in aghaidh na bliana, i bhfianaise thionchar an phróisis athchúrsála ar an gcomhshaol agus bunú formáide don doiciméadacht theicniúil, ba cheart a thabhairt de chumhacht don Choimisiún forálacha cur chun feidhme a ghlacadh, i gcomhréir le hAirteagal 5 de Rialachán (AE) Uimh. 182/2011 ó Pharlaimint na hEorpa agus ón gComhairle (55).

(33)

Chun na rioscaí a bhaineann le soláthar féideartha neamhleor de dhramhaíl phlaisteach shonrach le haghaidh athchúrsála a bhféadfadh praghsanna iomarcacha nó éifeachtaí díobhálacha ar shláinte, ar shábháilteacht agus ar an gcomhshaol a bheith mar thoradh air, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún i ndáil leis na spriocanna maidir le hábhar sainordaitheach athchúrsáilte i bpacáistíocht phlaisteach a leasú go sealadach . Agus an bonn cirt le gníomh tarmligthe den sórt sin á mheas, ba cheart don Choimisiún measúnú a dhéanamh ar iarrataí dea-réasúnaithe ó dhaoine nádúrtha agus dlítheanacha.

(33)

Ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún i ndáil le leasú na spriocanna maidir le hábhar sainordaitheach athchúrsáilte i bpacáistíocht phlaisteach. Agus an bonn cirt le gníomh tarmligthe den sórt sin á mheas, ba cheart don Choimisiún measúnú a dhéanamh ar iarrataí dea-réasúnaithe ó dhaoine nádúrtha agus dlítheanacha.

(33a)

Ba cheart margadh athchúrsála pacáistíochta an Aontais a neartú chun an ráta athchúrsála a fheabhsú, líonadh talún a sheachaint agus onnmhairiú dramhaíola chuig tríú tíortha a íoslaghdú. Ba cheart gur i gcomhar le gníomhaithe agus tionscail na hearnála a tharlódh acmhainneachtaí athchúrsála an Aontais, agus ba cheart í a bheith bunaithe ar shlabhra luacha rialáilte lenar féidir seiceálacha cáilíochta, dearbhú cáilíochta, deimhniú, lóistíocht agus praghsáil a dhéanamh.

(35)

Is minic a bhíonn an sruth dramhaíola ó bhithdhramhaíl éillithe le gnáthphlaistigh agus is minic a bhíonn na sruthanna athchúrsála ábhair éillithe le plaistigh inmhúirínithe. Mar thoradh ar an tras-éilliú sin cuirtear acmhainní amú, bíonn amhábhair thánaisteacha ar cháilíocht níos ísle agus ba cheart an tras-éilliú a chosc ag an bhfoinse. Toisc go bhfuil an bealach diúscartha ceart do phacáistíocht phlaisteach inmhúirínithe ag éirí níos mearbhlaí do thomhaltóirí, tá údar maith agus gá le rialacha soiléire agus comhchoiteanna a leagan síos maidir le húsáid pacáistíochta plaistí inmhúirínithe, gan sainordú a dhéanamh ach amháin nuair a thugann a úsáid leas soiléir don chomhshaol nó do shláinte an duine. Is amhlaidh atá go háirithe i gcás ina gcuidíonn úsáid phacáistíochta inmhúirínithe le bailiú nó diúscairt na bithdhramhaíola.

(35)

Is minic a bhíonn an sruth dramhaíola ó bhithdhramhaíl éillithe le gnáthphlaistigh agus is minic a bhíonn na sruthanna athchúrsála ábhair éillithe le plaistigh inmhúirínithe. Mar thoradh ar an tras-éilliú sin cuirtear acmhainní amú, bíonn amhábhair thánaisteacha ar cháilíocht níos ísle agus ba cheart an tras-éilliú a chosc ag an bhfoinse. Toisc go bhfuil an bealach diúscartha ceart do phacáistíocht phlaisteach inmhúirínithe ag éirí níos mearbhlaí do thomhaltóirí, tá údar maith agus gá le rialacha soiléire agus comhchoiteanna a leagan síos maidir le húsáid pacáistíochta plaistí inmhúirínithe, gan sainordú a dhéanamh ach amháin nuair a thugann a úsáid leas soiléir don chomhshaol nó do shláinte an duine. Is amhlaidh atá go háirithe i gcás ina gcuidíonn úsáid phacáistíochta inmhúirínithe le bailiú nó diúscairt na bithdhramhaíola , mar shampla i gcás táirgí ina bhfuil deighilt an-chasta idir an t-ábhar agus an phacáistíocht, amhail málaí tae nó podaí caife .

(36)

Maidir le feidhmeanna pacáistíochta teoranta déanta as polaiméirí plaisteacha in-bhithmhillte, tá sochair comhshaoil inléirithe ann maidir le pacáistíocht inmhúirínithe a úsáid, a théann isteach i ngléasraí múirínithe, lena n-áirítear saoráidí don bhith-dhíghrádú anaeróbach faoi choinníollacha rialaithe. Thairis sin, sa chás ina bhfuil scéimeanna iomchuí bailithe dramhaíola agus bonneagair chóireála dramhaíola ar fáil i mBallstát, ba cheart solúbthacht theoranta a bheith ann maidir le cinneadh a dhéanamh faoinar cheart úsáid plaisteach inmhúirínithe do mhálaí siopadóireachta éadroma plaisteacha ina chríoch a shainordú . Chun nach mbeidh mearbhall ar thomhaltóirí maidir le diúscairt cheart agus i bhfianaise an tsochair comhshaoil a bhaineann le ciorclaíocht an charbóin, ba cheart úsáid a bhaint as gach pacáistíocht phlaisteach eile chun críche athchúrsála ábhair agus ba cheart a áirithiú le dearadh na pacáistíochta sin nach ndéanann sé difear d’in-athchúrsáilteacht sruthanna dramhaíola eile .

(36)

Maidir le feidhmeanna pacáistíochta teoranta déanta as polaiméirí plaisteacha in-bhithmhillte, tá sochair comhshaoil inléirithe ann maidir le pacáistíocht inmhúirínithe a úsáid, a théann isteach i ngléasraí múirínithe, lena n-áirítear saoráidí don bhith-dhíghrádú anaeróbach faoi choinníollacha rialaithe. Ina theannta sin, níor cheart go mbeadh éilleáin sa mhúirín mar thoradh ar an dramhaíl in-bhithmhillte. Chun éascaíocht a dhéanamh ar úsáid pacáistíochta inmhúirínithe a chuidíonn le húsáid nó diúscairt na bithdhramhaíola, ba chóir ceanglais EN 13432 "Packaging - Requirements for packaging recoverable by composting and biodegradation - Test scheme and evaluation criteria for final acceptance of packaging" a athbhreithniú maidir le hamanna múirínithe, leibhéil incheadaithe éilleán agus sriantachtaí maidir le scaoileadh na micreaphlaisteach chun go bhféadfar na hábhair sin a phróiseáil i saoráidí cóireála bithdhramhaíola ar bhealach iomchuí. Rud eile de, ba chóir caighdeán comhchosúil don mhúiríniú baile a bhunú san Aontas.

(40)

Ba cheart an phacáistíocht a dhearadh sa chaoi go laghdófar a toirt agus a meáchan agus ag an am céanna go mbeidh ar a cumas na feidhmeanna pacáistíochta a chur i gcrích. Ba cheart do mhonaróir na pacáistíochta an phacáistíocht a mheasúnú in aghaidh na gcritéar feidhmíochta, mar a liostaítear in Iarscríbhinn IV den Rialachán seo iad. I bhfianaise chuspóir an Rialacháin seo chun giniúint pacáistíochta agus dramhphacáistíochta a laghdú agus ciorclaíocht na pacáistíochta ar fud an mhargaidh inmheánaigh a fheabhsú, is iomchuí na critéir atá ann faoi láthair a shonrú tuilleadh agus iad a dhéanamh níos déine. Ba cheart, dá bhrí sin, liosta na gcritéar feidhmíochta pacáistíochta, mar a liostaítear sa chaighdeán comhchuibhithe EN 13428:2000 (57) atá ann faoi láthair, a mhodhnú. Cé go bhfuil an mhargaíocht agus glacadh tomhaltóirí fós ábhartha maidir le dearadh pacáistíochta, níor cheart iad a bheith ina gcuid de chritéir feidhmíochta a thugann údar astu féin do mheáchan agus do thoirt bhreise phacáistíochta. Mar sin féin, níor cheart go mbainfeadh sé de shonraíochtaí táirge i gcás táirgí ceardaíochta agus tionsclaíocha agus bia agus talmhaíochta atá cláraithe agus faoi chosaint faoi scéim an Aontais um chosaint tásc geografach, mar chuid de chuspóir an Aontais an oidhreacht chultúrtha agus saineolas traidisiúnta a chosaint. Ar an taobh eile, d’fhéadfadh in-athchúrsáilteacht, úsáid ábhar athchúrsáilte, agus athúsáid údar a thabhairt do mheáchan breise nó toirt bhreise sa phacáistíocht, agus ba cheart iad a chur leis na critéir feidhmíochta. Níor cheart pacáistíocht le ballaí dúbailte, íochtair bhréige agus tréithe eile a bhfuil sé d’aidhm acu toirt bhraite an táirge a mhéadú a chur ar an margadh, toisc nach gcomhlíonann sí an ceanglas maidir le híoslaghdú pacáistíochta. Ba cheart an riail chéanna a bheith i bhfeidhm maidir le pacáistíocht iomarcach nach bhfuil gá léi chun feidhmiúlacht na pacáistíochta a áirithiú.

(40)

Ba cheart an phacáistíocht a dhearadh sa chaoi go laghdófar a toirt agus a meáchan agus ag an am céanna go mbeidh ar a cumas na feidhmeanna pacáistíochta a chur i gcrích. Ba cheart do mhonaróir na pacáistíochta an phacáistíocht a mheasúnú in aghaidh na gcritéar feidhmíochta, mar a liostaítear in Iarscríbhinn IV den Rialachán seo iad. I bhfianaise chuspóir an Rialacháin seo chun giniúint pacáistíochta agus dramhphacáistíochta a laghdú agus ciorclaíocht na pacáistíochta ar fud an mhargaidh inmheánaigh a fheabhsú, is iomchuí na critéir atá ann faoi láthair a shonrú tuilleadh agus iad a dhéanamh níos déine. Ba cheart, dá bhrí sin, liosta na gcritéar feidhmíochta pacáistíochta, mar a liostaítear sa chaighdeán comhchuibhithe EN 13428:2000 (57) atá ann faoi láthair, a mhodhnú. Cé go bhfuil an mhargaíocht agus glacadh tomhaltóirí fós ábhartha maidir le dearadh pacáistíochta, níor cheart iad a bheith ina gcuid de chritéir feidhmíochta a thugann údar astu féin do mheáchan agus do thoirt bhreise phacáistíochta. Mar sin féin, níor cheart go mbainfeadh sé de shonraíochtaí táirge i gcás táirgí ceardaíochta agus tionsclaíocha agus bia agus talmhaíochta atá cláraithe agus faoi chosaint faoi scéim an Aontais um chosaint tásc geografach, mar chuid de chuspóir an Aontais an oidhreacht chultúrtha agus saineolas traidisiúnta a chosaint , nó de dhearadh pacáistíochta atá faoi réir cosaint dhlíthiúil faoi Rialachán (CE) Uimh. 6/2002 ón gComhairle  (57a). Ar an taobh eile, d’fhéadfadh in-athchúrsáilteacht, úsáid ábhar athchúrsáilte, agus athúsáid údar a thabhairt do mheáchan breise nó toirt bhreise sa phacáistíocht, agus ba cheart iad a chur leis na critéir feidhmíochta. Níor cheart pacáistíocht le ballaí dúbailte, íochtair bhréige agus tréithe eile a bhfuil sé d’aidhm acu toirt bhraite an táirge a mhéadú a chur ar an margadh, toisc nach gcomhlíonann sí an ceanglas maidir le híoslaghdú pacáistíochta. Ba cheart an riail chéanna a bheith i bhfeidhm maidir le pacáistíocht iomarcach nach bhfuil gá léi chun feidhmiúlacht na pacáistíochta a áirithiú.

(44)

Is gá tomhaltóirí a chur ar an eolas agus a chur ar a gcumas dramhaíl ó phacáistíocht a dhiúscairt go hiomchuí , lena n-áirítear málaí siopadóireachta plaisteacha éadroma agus an-éadroim inmhúirínithe . Is é an bealach is iomchuí chun é sin a dhéanamh córas lipéadaithe comhchuibhithe a bhunú bunaithe ar chomhdhéanamh ábhar pacáistíochta chun dramhaíl a shórtáil, agus é a phéireáil le lipéid chomhfhreagracha ar ghabhdáin dramhaíola.

(44)

Is gá tomhaltóirí a chur ar an eolas agus a chur ar a gcumas aon dramhaíl ó phacáistíocht a dhiúscairt go hiomchuí. Is é an bealach is iomchuí chun é sin a dhéanamh córas lipéadaithe comhchuibhithe a bhunú bunaithe ar chomhdhéanamh ábhar pacáistíochta chun dramhaíl a shórtáil, agus é a phéireáil le lipéid chomhfhreagracha ar ghabhdáin dramhaíola. Ba cheart an gá go mbeadh córas lipéadaithe comhchuibhithe den sórt sin aitheanta ag gach saoránach, beag beann ar a gcúinsí, amhail aois agus eolas ar theangacha, a bheith ina threoirghné don dearadh. D’fhéadfaí é a dhéanamh le picteagraim agus gan ach fíorbheagán foclaíochta a úsáid. D’íoslaghdófaí dá réir ar na costais aistriúcháin don fhoclaíocht a bhí in úsáid.

(44a)

Is céim riachtanach í an tsórtáil chun ciorclaíocht níos fearr a chinntiú maidir le pacáistíocht. Ba cheart feabhsú an chumais sórtála a spreagadh, go háirithe trí nuálaíochtaí teicneolaíochta, chun gur féidir sórtáil ar chaighdeán níos fearr a dhéanamh, agus, ar an gcaoi sin, amhábhair ar cháilíocht níos fearr a chur ar fáil don athchúrsáil.

(49)

Chun tacú le cur chun feidhme chuspóirí an Rialacháin seo, ba cheart tomhaltóirí a chosaint ar fhaisnéis mhíthreorach agus mhearbhlach faoi shaintréithe na pacáistíochta agus faoin gcóireáil iomchuí maidir le deireadh a saolré, a bhfuil lipéid chomhchuibhithe bunaithe ina leith faoin Rialachán seo. Ba cheart é a bheith indéanta pacáistíocht a áirítear sa scéim freagrachta leathnaithe táirgeora a shainaithint trí bhíthin siombail chreidiúnaithe ar fud chríoch an chórais sin. Ba cheart an tsiombail sin a bheith soiléir agus gan athbhrí do thomhaltóirí nó d’úsáideoirí maidir le hin-athchúrsáilteacht na pacáistíochta. Chuige sin, d’fhéadfaí a mheas go bhféadfadh an tsiombail ‘Ponc Glas’, a úsáidtear i roinnt Ballstát chun a chur in iúl go bhfuil ranníocaíocht airgeadais déanta ag táirgeoir le córas náisiúnta um aisghabháil phacáistíochta  (58) , tomhaltóirí a chur amú agus go gceapfaidís maidir le pacáistíocht a raibh siombail den sórt sin uirthi gur pacáistíocht inathchúrsáilte i gcónaí í.

(49)

Chun tacú le cur chun feidhme chuspóirí an Rialacháin seo, ba cheart tomhaltóirí a chosaint ar fhaisnéis mhíthreorach agus mhearbhlach faoi shaintréithe na pacáistíochta agus faoin gcóireáil iomchuí maidir le deireadh a saolré, a bhfuil lipéid chomhchuibhithe bunaithe ina leith faoin Rialachán seo.

(50a)

Ba cheart grúpa saineolaithe a bhunú ina mbeidh rannpháirtíocht chothrom ag ionadaithe na mBallstát agus ag na páirtithe go léir a bhfuil baint acu le pacáistíocht. Ba cheart an “Fóram um Pacáistíocht” a thabhairt ar an ngrúpa agus ba cheart go rannchuideodh sé go háirithe chun ceanglais inbhuanaitheachta a ullmhú, a fhorbairt agus a shoiléiriú, chun athbhreithniú a dhéanamh ar a éifeachtaí atá sásraí faireachais margaidh seanbhunaithe agus chun measúnú a dhéanamh ar aon bhearta féinrialála.

(60)

Ní leor oibleagáidí maidir le dearadh pacáistíochta a leagan síos chun díriú ar an bhfadhb a bhaineann le róghiniúint dramhphacáistíochta. I gcás cineálacha áirithe pacáistíochta, ba cheart oibleagáidí chun an spás folamh a laghdú a chur ar oibreoirí eacnamaíocha i dtéarmaí an spás folamh a laghdú nuair a úsáidtear pacáistíocht den sórt sin. I gcás pacáistíocht ghrúpáilte, iompair agus ríomhthráchtála a úsáidtear chun táirgí a sholáthar do dháileoirí deiridh nó don úsáideoir deiridh, níor cheart an chiondáil spáis fholaimh a bheith níos mó ná 40 %. I gcomhréir le hord na réiteach dramhaíola, ba cheart go bhféadfaí oibreoirí eacnamaíocha a úsáideann pacáistíocht díolacháin mar phacáistíocht ríomhthráchtála a dhíolmhú ón oibleagáid sin.

(60)

Ní leor oibleagáidí maidir le dearadh pacáistíochta a leagan síos chun díriú ar an bhfadhb a bhaineann le róghiniúint dramhphacáistíochta. I gcás cineálacha áirithe pacáistíochta, ba cheart oibleagáidí chun an spás folamh a laghdú a chur ar oibreoirí eacnamaíocha i dtéarmaí an spás folamh a laghdú nuair a úsáidtear pacáistíocht den sórt sin. I gcás pacáistíocht ghrúpáilte, iompair agus ríomhthráchtála a úsáidtear chun táirgí a sholáthar do dháileoirí deiridh nó don úsáideoir deiridh, níor cheart an chiondáil spáis fholaimh a bheith níos mó ná 40 %. I gcomhréir le hord na réiteach dramhaíola, ba cheart go bhféadfaí oibreoirí eacnamaíocha a úsáideann pacáistíocht díolacháin mar phacáistíocht ríomhthráchtála a dhíolmhú ón oibleagáid sin. Ní bheidh feidhm ag an oibleagáid sin maidir le pacáistíocht in-athúsáidte.

(65)

Chun cosc dramhaíola a dhreasú, ba cheart coincheap nua maidir le ‘hathlíonadh’ a thabhairt isteach. Ba cheart athlíonadh a áireamh mar bheart sainiúil um chosc dramhaíola a chuirtear san áireamh agus a bhfuil gá leis chun na spriocanna athúsáide agus athlíonta a bhaint amach. Ní pacáistíocht de réir bhrí an Rialacháin seo iad coimeádáin ar leis an tomhaltóir iad, a bhfuil feidhm phacáistíochta i gcomhthéacs athlíonta acu, áfach, amhail cupáin, mugaí, buidéil nó boscaí in-athúsáidte .

(65)

Chun cosc dramhaíola a dhreasú, ba cheart coincheap nua maidir le ‘hathlíonadh’ a thabhairt isteach. Ba cheart athlíonadh a áireamh mar bheart sainiúil um chosc dramhaíola a chuirtear san áireamh agus a bhfuil gá leis chun na spriocanna um chosc mar a leagtar amach sa Rialachán seo iad a bhaint amach.

(66)

I gcás ina dtugann oibreoirí eacnamaíocha an deis táirgí a cheannach trí athlíonadh, ba cheart dóibh a áirithiú go gcomhlíonann a stáisiúin athlíonacháin ceanglais áirithe chun sláinte agus sábháilteacht na dtomhaltóirí a áirithiú. Sa chomhthéacs sin, i gcás ina n-úsáideann tomhaltóirí a gcoimeádáin féin, ba cheart do na hoibreoirí eacnamaíocha, dá bhrí sin, eolas a thabhairt faoi na coinníollacha a bhaineann le hathlíonadh agus le húsáid shábháilte na gcoimeádán sin. Chun athlíonadh a spreagadh, níor cheart d’oibreoirí eacnamaíocha pacáistíocht a sholáthar saor in aisce nó gan bheith ina cuid den chóras éarlaise agus aisíoca ag na stáisiúin athlíonacháin.

(66)

I gcás ina dtugann oibreoirí eacnamaíocha an deis táirgí a cheannach trí athlíonadh, ba cheart dóibh a áirithiú go gcomhlíonann a stáisiúin athlíonacháin ceanglais áirithe chun sláinte agus sábháilteacht na dtomhaltóirí a áirithiú. Sa chomhthéacs sin, i gcás ina n-úsáideann tomhaltóirí a gcoimeádáin féin, ba cheart do na hoibreoirí eacnamaíocha, dá bhrí sin, eolas a thabhairt faoi na coinníollacha a bhaineann le hathlíonadh agus le húsáid shábháilte na gcoimeádán sin. Chun athlíonadh a spreagadh, níor cheart d’oibreoirí eacnamaíocha pacáistíocht a sholáthar saor in aisce nó gan bheith ina cuid den chóras éarlaise agus aisíoca ag na stáisiúin athlíonacháin. Ba cheart gníomhaithe eacnamaíocha a dhíolmhú ó dhliteanas i leith fadhbanna sábháilteachta bia a d’fhéadfadh eascairt as coimeádáin a úsáid atá curtha ar fáil ag tomhaltóirí.

(67)

Chun laghdú ar an cion gméadaitheach de phacáistíocht aon úsáide agus ar na méideanna méadaitheacha dramhphacáistíochta a ghintear, is gá spriocanna cainníochtúla athúsáide agus athlíonacháin a bhunú maidir le pacáistíocht in earnálacha a measúnaíodh gurb iad na hearnálacha is mó iad a mbaineann acmhainn laghdaithe dramhphacáistíochta leo, is é sin bia agus deochanna beir leat, earraí bána móra agus pacáistíocht iompair. Rinneadh é sin a mheas bunaithe ar fhachtóirí amhail na córais athúsáide atá ann faoi láthair, an gá atá le pacáistíocht a úsáid agus an fhéidearthacht na ceanglais fheidhmiúla a chomhlíonadh maidir le coimeád, slacht, sláinte, sláinteachas agus sábháilteacht. Cuireadh difríochtaí na dtáirgí agus a gcóras táirgthe agus dáileacháin san áireamh freisin. Táthar ag dréim leis go dtacóidh leagan amach na spriocanna leis an nuálaíocht agus go méadófar cion na réiteach athúsáide agus athlíonacháin. Níor cheart úsáid pacáistíochta aon úsáide a cheadú le haghaidh bia agus deochanna a líontar agus a dtomhlaítear laistigh den áitreabh in earnáil na n-óstán, na mbialann agus na gcaiféanna (HORECA).

(67)

Chun laghdú ar an cion gméadaitheach de phacáistíocht aon úsáide agus ar na méideanna méadaitheacha dramhphacáistíochta a ghintear, is gá spriocanna cainníochtúla athúsáide a bhunú maidir le pacáistíocht in earnálacha a measúnaíodh gurb iad na hearnálacha is mó iad a mbaineann acmhainn laghdaithe dramhphacáistíochta leo, is é sin bia agus deochanna beir leat, earraí bána móra agus pacáistíocht iompair. Rinneadh é sin a mheas bunaithe ar fhachtóirí amhail na córais athúsáide atá ann faoi láthair, an gá atá le pacáistíocht a úsáid agus an fhéidearthacht na ceanglais fheidhmiúla a chomhlíonadh maidir le coimeád, slacht, sláinte, sláinteachas agus sábháilteacht. Cuireadh difríochtaí na dtáirgí agus a gcóras táirgthe agus dáileacháin san áireamh freisin. Táthar ag dréim leis go dtacóidh leagan amach na spriocanna leis an nuálaíocht agus go méadófar cion na réiteach athúsáide agus athlíonacháin. Níor cheart pacáistíocht aon úsáide a cheadú le haghaidh bia agus deochanna a líontar agus a dtomhlaítear laistigh den áitreabh in earnáil na n-óstán, na mbialann agus na gcaiféanna (HORECA). Ba chóir é bheith de rogha ag tomhaltóirí i gcónaí bia agus deochanna beir leat a cheannach i gcoimeádáin inathúsáidte nó dá gcuid féin ar choinníollacha nach lú fabhair ná bia agus deochanna a thairgtear i bpacáistíocht aon úsáide. Ba chóir d’oibreoirí eacnamaíocha a dhíolann bia agus deochanna beir leat an rogha a thairiscint do thomhaltóirí an bia nó na deochanna a cheannach i gcoimeádáin dá gcuid féin agus an rogha deochanna a cheannach i bpacáistíocht in-athúsáidte.

(68)

Chun a n-éifeachtacht a mhéadú agus chun cóir chomhionann oibreoirí eacnamaíocha a áirithiú, ba cheart na spriocanna athúsáide agus athlíonacháin a chur ar na hoibreoirí eacnamaíocha . I gcás spriocanna maidir le deochanna, ba cheart iad a chur ar na monaróirí freisin, toisc go bhfuil na gníomhaithe sin in ann na formáidí pacáistíochta a úsáidtear do na táirgí a thairgeann siad a rialú. Ba cheart na spriocanna a ríomh mar chéatadán de na díolacháin de phacáistíocht in-athúsáidte laistigh de chóras athúsáide nó trí athlíonadh nó, i gcás pacáistíocht iompair, mar chéatadán úsáidí. Ba cheart na spriocanna a bheith neodrach ó thaobh ábhair de. Chun coinníollacha aonfhoirmeacha a áirithiú maidir le cur chun feidhme na spriocanna athúsáide agus athlíonacháin, ba cheart an chumhacht chun gníomh cur chun feidhme a ghlacadh i gcomhréir le hAirteagal 291 den Chonradh maidir leis an modheolaíocht chun iad a ríomh, a tharmligean chuig an gCoimisiún.

(68)

Chun a n-éifeachtacht a mhéadú agus chun cóir chomhionann oibreoirí eacnamaíocha a áirithiú, ba cheart na spriocanna athúsáide a chur ar na dáileoirí críochnaitheacha . Ba cheart na spriocanna a ríomh mar chéatadán de na díolacháin de phacáistíocht in-athúsáidte laistigh de chóras athúsáide nó, i gcás pacáistíocht iompair, mar chéatadán úsáidí. Ba cheart na spriocanna a bheith neodrach ó thaobh ábhair de. Chun coinníollacha aonfhoirmeacha a áirithiú maidir le cur chun feidhme na spriocanna athúsáide agus athlíonacháin, ba cheart an chumhacht chun gníomh cur chun feidhme a ghlacadh i gcomhréir le hAirteagal 291 den Chonradh maidir leis an modheolaíocht chun iad a ríomh, a thabhairt don Choimisiún .

(71)

Chun comhlíontacht na spriocanna athúsáide agus athlíonacháin a fhíorú, is gá go dtuairisceodh na hoibreoirí eacnamaíocha faoi seach do na húdaráis inniúla. Ba cheart d’oibreoirí eacnamaíocha na sonraí ábhartha a thuairisciú do gach bliain féilire, ag tosú ón 1 Eanáir 2030. Ba cheart do na Ballstáit na sonraí sin a chur ar fáil go poiblí.

(71)

Chun comhlíontacht na spriocanna athúsáide a fhíorú, is gá go dtuairisceodh na hoibreoirí eacnamaíocha faoi seach do na húdaráis inniúla. Ba cheart d’oibreoirí eacnamaíocha na sonraí ábhartha a thuairisciú do gach bliain féilire, ag tosú ón 1 Eanáir 2030. Ba cheart do na Ballstáit na sonraí sin a chur ar fáil go poiblí.

(73a)

Ós rud é go bhfuil riosca ard go ndéanfaí dramhaíl de mhálaí siopadóireachta plaisteacha an-éadrom agus go bhféadfaidís cur leis an truailliú muirí, ba cheart bearta a dhéanamh chun a gcur ar an margadh a shrianadh ach amháin i gcás úsáidí a bhfuil géarghá leo. Níor cheart na málaí plaisteacha sin a chur ar an margadh mar phacáistíocht le haghaidh bulc-earraí bia, ach amháin ar chúiseanna sláinteachais nó le haghaidh pacáistiú bulc-earraí fliucha amhail feoil amh, iasc nó táirgí déiríochta.

(74a)

I gcás laghdú ar úsáid málaí siopadóireachta plaisteacha níor cheart málaí siopadóireachta páipéir a chur ina n-ionad. Ba cheart go ndéanfadh an Coimisiún faireachán ar úsáid málaí siopadóireachta páipéir agus sprioc a mholadh, agus, i gcás inarb iomchuí, bearta chun laghdú ar thomhailt na málaí siopadóireachta páipéir.

(91)

Chun an laghdú uaillmhianach agus marthanach ar ghiniúint na dramhphacáistíochta i gcoitinne a bhaint amach, ba cheart spriocanna a leagan síos le haghaidh laghdú na dramhphacáistíochta in aghaidh an duine a bheidh le baint amach faoi 2030. Chun an sprioc laghdú 5 % a bhaint amach in 2030 i gcomparáid le 2018, ba cheart gur dearbhlaghdú foriomlán thart ar 19 % ar an meán a bheadh i gceist ar fud an Aontais in 2030 i gcomparáid le bonnlíne 2030. Ba cheart do na Ballstáit an dramhphacáistíocht a laghdú 10 % i gcomparáid le 2018, faoi 2035; meastar go gcuirfidh sé sin laghdú 29 % ar an dramhphacáistíocht i gcomparáid le bonnlíne 2030. Chun a áirithiú go leanfar de na hiarrachtaí laghdú a dhéanamh tar éis 2030, ba cheart sprioc 10 % de laghdú ó 2018 arb ionann é agus laghdú 29 % i gcomparáid leis an mbonnlíne a shocrú do 2035 agus, maidir le 2040 ba cheart laghdú 15 % ó 2018 a bhunú mar sprioc, arb ionann é agus laghdú 37 % i gcomparáid leis an mbonnlíne.

(91)

Chun an laghdú uaillmhianach agus marthanach ar ghiniúint na dramhphacáistíochta i gcoitinne a bhaint amach, ba cheart spriocanna a leagan síos le haghaidh laghdú na dramhphacáistíochta in aghaidh an duine a bheidh le baint amach faoi 2030. Chun an sprioc laghdú 5 % a bhaint amach in 2030 i gcomparáid le 2018, ba cheart gur dearbhlaghdú foriomlán thart ar 19 % ar an meán a bheadh i gceist ar fud an Aontais in 2030 i gcomparáid le bonnlíne 2030. Ba cheart do na Ballstáit an dramhphacáistíocht a laghdú 10 % i gcomparáid le 2018, faoi 2035; meastar go gcuirfidh sé sin laghdú 29 % ar an dramhphacáistíocht i gcomparáid le bonnlíne 2030. Chun a áirithiú go leanfar de na hiarrachtaí laghdú a dhéanamh tar éis 2030, ba cheart sprioc 10 % de laghdú ó 2018 arb ionann é agus laghdú 29 % i gcomparáid leis an mbonnlíne a shocrú do 2035 agus, maidir le 2040 ba cheart laghdú 15 % ó 2018 a bhunú mar sprioc, arb ionann é agus laghdú 37 % i gcomparáid leis an mbonnlíne. Maidir leis na Ballstáit a bhfuil córas difriúil bunaithe acu chun dramhaíl ó phacáistíocht tí a bhainistiú, ar thaobh amháin, agus chun dramhaíl ó phacáistíocht thionsclaíoch agus tráchtála a bhainistiú, ar an taobh eile, ba cheart an deis a bheith acu a sainiúlacht a choinneáil.

(91a)

Mar chuid dá Phlean Gníomhaíochta um an nGeilleagar Ciorclach, ghlac an Coimisiún Eorpach Teachtaireacht an 16 Eanáir 2018 maidir le Straitéis Eorpach le haghaidh Plaisteach i nGeilleagar Ciorclach chun truailliú muirí, astaíochtaí gás ceaptha teasa agus ár spleáchas Eorpach ar bhreoslaí iontaise a laghdú. Agus tomhaltas plaisteach ag dul i méid, iarrtar sa straitéis ciorclaíocht níos fearr ar phlaistigh agus bearta coisctheacha éifeachtacha. I gcomhréir leis an straitéis sin, ba cheart an Rialachán seo a bheith ina ionstraim chun dul i ngleic le plaistigh dhromchlacha nach bhfuil gá leo, chun an treocht maidir le táirgeadh agus tomhaltas plaisteach, go háirithe plaistigh aon úsáide, a mhalartú.

(92)

Féadfaidh na Ballstáit na spriocanna sin a bhaint amach le hionstraimí eacnamaíocha agus bearta eile chun dreasachtaí a sholáthar maidir le hord na réiteach dramhaíola a chur i bhfeidhm, lena n-áirítear bearta a bheidh le cur chun feidhme trí scéimeanna freagrachta leathnaithe táirgeora, agus bunú agus feidhmiú éifeachtach córas athúsáide a chur chun cinn agus oibreoirí eacnamaíocha a spreagadh chun tuilleadh féidearthachtaí athlíonacháin a chur ar fáil d’úsáideoirí deiridh. Ba cheart bearta den sórt sin a ghlacadh go comhuaineach agus i dteannta le bearta eile faoin Rialachán seo, bearta atá dírithe ar phacáistíocht agus dramhaíl ó phacáistíocht a laghdú, amhail ceanglais maidir le híoslaghdú pacáistíochta, spriocanna athúsáide agus athlíonacháin, tairseacha méideanna agus bearta chun laghdú marthanach tomhailte málaí siopadóireachta plaisteacha éadroma a bhaint amach. Féadfaidh Ballstát a chloíonn leis na rialacha ginearálta a leagtar síos sa Chonradh agus a chomhlíonann na forálacha a leagtar amach sa Rialachán seo, forálacha a théann níos faide ná na híoscheanglais a leagtar amach san Airteagal seo a ghlacadh.

(92)

Féadfaidh na Ballstáit na spriocanna sin a bhaint amach le hionstraimí eacnamaíocha agus bearta eile chun dreasachtaí a sholáthar maidir le hord na réiteach dramhaíola a chur i bhfeidhm, lena n-áirítear bearta a bheidh le cur chun feidhme trí scéimeanna freagrachta leathnaithe táirgeora, agus bunú agus feidhmiú éifeachtach córas athúsáide a chur chun cinn agus oibreoirí eacnamaíocha a spreagadh chun tuilleadh féidearthachtaí athlíonacháin a chur ar fáil d’úsáideoirí deiridh. Ba cheart bearta den sórt sin a ghlacadh go comhuaineach agus i dteannta le bearta eile faoin Rialachán seo, bearta atá dírithe ar phacáistíocht agus dramhaíl ó phacáistíocht a laghdú, amhail ceanglais maidir le híoslaghdú pacáistíochta, spriocanna athúsáide , oibleagáidí athlíonacháin, tairseacha méideanna agus bearta chun laghdú marthanach tomhailte málaí siopadóireachta plaisteacha éadroma a bhaint amach. Féadfaidh Ballstát a chloíonn leis na rialacha ginearálta a leagtar síos sa Chonradh agus a chomhlíonann na forálacha a leagtar amach sa Rialachán seo, forálacha a théann níos faide ná na híoscheanglais a leagtar amach san Airteagal seo a ghlacadh.

(96)

I gcomhréir leis an bprionsabal gurb é údar an truaillithe a íocfaidh as a léirítear in Airteagal 191(2) den Chonradh, tá sé fíor-riachtanach go nglacfaidh na táirgeoirí a chuireann pacáistíocht agus táirgí pacáistithe ar mhargadh an Aontais freagracht as iad a bhainistiú ag deireadh a saolré. Ba cheart a mheabhrú nach mór scéimeanna freagrachta leathnaithe táirgeora a bhunú, a ndéantar foráil dóibh i dTreoir 94/62/CE, faoin 31 Nollaig 2024, toisc gurb iad na modhanna is iomchuí chun é sin a bhaint amach agus d’fhéadfadh tionchar dearfach a bheith acu ar an gcomhshaol trí ghiniúint na dramhphacáistíochta a laghdú agus bailiú agus athchúrsáil na dramhaíola sin a mhéadú. Is iomaí éagothromaíocht atá ann maidir leis an mbealach a mbunaítear iad, lena n-éifeachtúlacht agus le raon feidhme fhreagracht na dtáirgeoirí. Ba cheart, dá bhrí sin, feidhm a bheith ag na rialacha, i ndáil le freagracht leathnaithe táirgeora a leagtar síos i dTreoir 2008/98/CE, maidir le scéimeanna freagrachta leathnaithe táirgeora do tháirgeoirí pacáistíochta, agus ba cheart forálacha sonracha eile a chur leo i gcás inar gá agus inarb iomchuí.

96

I gcomhréir leis an bprionsabal gurb é údar an truaillithe a íocfaidh as a léirítear in Airteagal 191(2) den Chonradh, lena n-áirítear gníomhaithe ríomhthráchtála, tá sé fíor-riachtanach go nglacfaidh na táirgeoirí a chuireann pacáistíocht agus táirgí pacáistithe ar mhargadh an Aontais freagracht as a mbainistíocht ag deireadh a saolré. Ba cheart a mheabhrú nach mór scéimeanna freagrachta leathnaithe táirgeora a bhunú, a ndéantar foráil dóibh i dTreoir 94/62/CE, faoin 31 Nollaig 2024, toisc gurb iad na modhanna is iomchuí chun é sin a bhaint amach agus d’fhéadfadh tionchar dearfach a bheith acu ar an gcomhshaol trí ghiniúint na dramhphacáistíochta a laghdú agus bailiú agus athchúrsáil na dramhaíola sin a mhéadú. Is iomaí éagothromaíocht atá ann maidir leis an mbealach a mbunaítear iad, lena n-éifeachtúlacht agus le raon feidhme fhreagracht na dtáirgeoirí. Ba cheart, dá bhrí sin, feidhm a bheith ag na rialacha, i ndáil le freagracht leathnaithe táirgeora a leagtar síos i dTreoir 2008/98/CE, maidir le scéimeanna freagrachta leathnaithe táirgeora do tháirgeoirí pacáistíochta, agus ba cheart forálacha sonracha eile a chur leo i gcás inar gá agus inarb iomchuí.

(98)

Leagtar síos i Rialachán (AE) 2022/2065 ó Pharlaimint na hEorpa agus ón gComhairle68 rialacha maidir le hinrianaitheacht trádálaithe, rialacha ina bhfuil oibleagáidí sonracha do sholáthraithe ardáin ar líne a ligeann do thomhaltóirí cianchonarthaí a dhéanamh le táirgeoirí a thairgeann pacáistíocht do thomhaltóirí atá lonnaithe san Aontas. Chun saorthairbhiú de bharr na n-oibleagáidí um fhreagracht leathnaithe táirgeora a chosc, ba cheart a shonrú conas ba cheart do na soláthraithe ardán ar líne sin na hoibleagáidí sin a chomhlíonadh i ndáil le cláir na dtáirgeoirí pacáistíochta a bhunaítear de bhun an Rialacháin seo. Sa chomhthéacs sin, maidir le soláthraithe ardáin ar líne, a thagann faoi raon feidhme Roinn 4 de Chaibidil 3 de Rialachán (AE) 2022/2065, ardáin a chuireann ar chumas tomhaltóirí cianchonarthaí a dhéanamh le táirgeoirí, ba cheart dóibh faisnéis a fháil ó na táirgeoirí sin maidir leis an mbealach a gcomhlíonann siad na rialacha freagrachta leathnaithe táirgeora a leagtar amach sa Rialachán seo. Tá na rialacha maidir le hinrianaitheacht trádálaithe a dhíolann pacáistíocht ar líne faoi réir na rialachán forfheidhmiúcháin a leagtar amach i Rialachán (AE) 2022/2065. (66)

(98)

Leagtar síos i Rialachán (AE) 2022/2065 ó Pharlaimint na hEorpa agus ón gComhairle68 rialacha maidir le hinrianaitheacht trádálaithe, rialacha ina bhfuil oibleagáidí sonracha do sholáthraithe ardán ar líne a ligeann do thomhaltóirí cianchonarthaí a dhéanamh le táirgeoirí a thairgeann pacáistíocht do thomhaltóirí atá lonnaithe san Aontas. Chun saorthairbhiú de bharr na n-oibleagáidí um fhreagracht leathnaithe táirgeora a chosc, ba cheart a shonrú conas ba cheart do na soláthraithe ardán ar líne sin na hoibleagáidí sin a chomhlíonadh i ndáil le cláir na dtáirgeoirí pacáistíochta a bhunaítear de bhun an Rialacháin seo. Sa chomhthéacs sin, ba cheart soláthraithe ardán ar líne, a thagann faoi raon feidhme Roinn 4 de Chaibidil 3 de Rialachán (AE) 2022/2065, lena gceadaítear do thomhaltóirí cianchonarthaí a thabhairt i gcrích le táirgeoirí, a bheith faoi cheangal ag oibleagáidí áirithe is infheidhme maidir le táirgeoirí, ach amháin má chruthaíonn siad go bhfuil na hoibleagáidí sin comhlíonta cheana féin ag an tríú páirtí a n-éascaítear ciandíol nó cianseachadadh ina leith. Ina theannta sin, ba cheart dóibh faisnéis a fháil ó na táirgeoirí sin faoi chomhlíonadh na rialacha maidir le freagracht leathnaithe táirgeora a leagtar amach sa Rialachán sin. Tá na rialacha maidir le hinrianaitheacht trádálaithe a dhíolann pacáistíocht ar líne faoi réir na rialachán forfheidhmiúcháin a leagtar amach i Rialachán (AE) 2022/2065. (66)

(101a)

Is céim ríthábhachtach é an phacáistíocht a bhailiú ar leithligh chun ciorclaíocht na pacáistíochta a áirithiú, agus chun margadh láidir d’amhábhair thánaisteacha a áirithiú. Is dreasacht é ráta bailithe éigeantach a bhunú chun córais bailithe éifeachtúla agus spriocdhírithe a fhorbairt ar an leibhéal náisiúnta, agus, ar an gcaoi sin, cainníocht na dramhaíola atá sórtáilte agus a d’fhéadfaí a athchúrsáil a mhéadú.

(103a)

Ba cheart éagsúlacht na gcóras éarlaise agus aisíoca arb ann dóibh san Eoraip a chur san áireamh sa Rialachán seo, agus a áirithiú nach gcuirfear bac ar fhorbairtí teicneolaíochta sna córais sin i gcás ina gcomhlíonann siad na coinníollacha agus na critéir chun rátaí bailithe a mhéadú agus athchúrsáil ar cháilíocht níos fearr a áirithiú. Mar shampla, le córas digiteach éarlaise agus aisíoca cuirtear córas cód QR ar fáil do thomhaltóirí, agus déantar an éarlais a aisíoc nuair a fhágtar an t-earra ag pointe bailithe ar leithligh sa bhaile nó ar an mbealach.

(107)

Maidir le Ballstáit a bhaineann amach ráta bailithe de 90 % de na cineálacha pacáistíochta a ndírítear orthu gan córas éarlaise agus aisíoca ar feadh 2 bhliain féilire roimh theacht i bhfeidhm na hoibleagáide sin, féadfaidh siad a iarraidh nach mbeadh orthu córas éarlaise agus aisíoca a bhunú.

107

Maidir le Ballstáit a bhaineann amach ráta bailithe 85 % ar a laghad de na cineálacha pacáistíochta a ndírítear orthu gan córas éarlaise agus aisíoca ar feadh 2 bhliain féilire roimh theacht i bhfeidhm na hoibleagáide sin, féadfaidh siad a iarraidh nach mbeadh orthu córas éarlaise agus aisíoca a bhunú.

(108)

Mar bheart sonrach chun giniúint dramhphacáistíochta a chosc, ba cheart do na Ballstáit na réitigh athúsáide agus athlíonacháin a chur chun cinn go gníomhach. Ba cheart dóibh tacú le bunú na gcóras athúsáide agus athlíonacháin agus faireachán a dhéanamh ar a bhfeidhmiú agus a gcomhlíonadh i ndáil leis na caighdeáin sláinteachais. Moltar do na Ballstáit bearta eile a dhéanamh freisin, amhail córais éarlaise agus aisíoca lena gcumhdaítear formáidí pacáistíochta in-athúsáidte a bhunú, trí bhíthin dreasachtaí eacnamaíocha a úsáid nó ceanglais a bhunú lena gceanglófar ar dháileoirí deiridh céatadán áirithe de tháirgí eile dá chuid, seachas na cinn a chumhdaítear faoi spriocanna athúsáide agus athlíonacháin, a chur ar fáil i bpacáistíocht in-athúsáidte nó i bpacáistíocht is féidir a athlíonadh ar choinníoll nach gcruthófaí leis sin ilroinnt sa mhargadh aonair ná bacainní trádála.

(108)

Mar bheart sonrach chun giniúint dramhphacáistíochta a chosc, ba cheart do na Ballstáit na réitigh athúsáide agus athlíonacháin a chur chun cinn go gníomhach. Ba cheart dóibh tacú le bunú na gcóras athúsáide agus athlíonacháin agus faireachán a dhéanamh ar a bhfeidhmiú agus a gcomhlíonadh i ndáil leis na caighdeáin sláinteachais. Moltar do na Ballstáit bearta eile a dhéanamh freisin, amhail córais éarlaise agus aisíoca lena gcumhdaítear formáidí pacáistíochta in-athúsáidte a bhunú, trí bhíthin dreasachtaí eacnamaíocha a úsáid nó ceanglais a bhunú lena gceanglófar ar dháileoirí deiridh céatadán áirithe de tháirgí eile dá chuid, seachas na cinn a chumhdaítear faoi spriocanna athúsáide agus oibleagáidí athlíonacháin, a chur ar fáil i bpacáistíocht in-athúsáidte nó i bpacáistíocht is féidir a athlíonadh ar choinníoll nach gcruthófaí leis sin ilroinnt sa mhargadh aonair ná bacainní trádála.

(113a)

Cé go bhfuil sé tábhachtach don Choimisiún na teicneolaíochtaí próiseála uile a chur san áireamh agus na gníomhartha tarmligthe lena mbunaítear na critéir in-athchúrsáilteachta, chomh maith leis na critéir maidir le hin-athchúrsáilteacht ar scála, á ndréachtú aige, tá sé ríthábhachtach go ndéanfaidh an Coimisiún tuilleadh measúnaithe ar an mbreisluach a bhaineann le hathchúrsáil ceimiceán i gcás na gcodán sin nach féidir a phróiseáil le teicneolaíochtaí athchúrsála meicniúla. I gcomhthéacs na gcuspóirí a leagadh síos le Rialachán (AE) 2021/1119 ó Pharlaimint na hEorpa agus ón gComhairle  (1a) , ba cheart don Choimisiún an t-ídiú fuinnimh a bhaineann le teicneolaíochtaí nua, tomhailt uisce agus ábhar amú a chur san áireamh agus, i gcomhthéacs an athbhreithnithe ar chreat reachtach an Aontais maidir le maíomhanna comhshaoil, maíomhanna míthreoracha comhshaoil a sheachaint, trí na feidhmeanna sin a theorannú do chur chuige fíorchiorclach, agus, mar shampla, cuir chuige chun ábhair a thiontú ina mbreosla a eisiamh.

(113b)

Níor chóir go bhféadfadh oibreoir eacnamaíoch maíomhanna comhshaoil a dhéanamh maidir le pacáistíocht a chuirtear ar an margadh seachas i gcás ina ndéantar iad a shuí i gcomhréir leis an Treoir maidir le Maíomhanna Ghlasa. I dtaca le hathchúrsáilteacht, le leibhéal an chion athchúrsáilte agus le hin-athúsáidteacht, níor cheart na maíomhanna sin a bheith inghlactha seachas i gcás airíonna pacáistíochta a sháraíonn na híoscheanglais is infheidhme a leagtar amach sa Rialachán seo.

(117a)

Is gné thábhachtach é bailiú ar leithligh lasmuigh den áit chónaithe chun rátaí bailithe pacáistíochta a mhéadú, agus chun ciorclaíocht na pacáistíochta a fheabhsú. Ba cheart go bhféadfadh na Ballstáit agus gníomhaithe eacnamaíocha bearta sonracha a dhéanamh maidir le bailiú ar leithligh lasmuigh den áit chónaithe, agus iad in oiriúint do shuíomh agus do nósanna tomhaltóirí.

(123)

Tá forfheidhmiú éifeachtach na gceanglas inbhuanaitheachta fíor-riachtanach chun iomaíocht chóir a áirithiú agus chun a áirithiú go mbainfear amach na tairbhí a mheastar a thiocfaidh as an Rialachán seo agus an méid a mheastar a chuirfidh sé le cuspóirí aeráide, fuinnimh agus ciorclaíochta an Aontais a bhaint amach. Dá bhrí sin, ba cheart feidhm a bheith ag Rialachán (AE) 2019/1020 ó Pharlaimint na hEorpa agus ón gComhairle (73) lena leagtar amach creat cothrománach le haghaidh faireachas margaidh ar tháirgí agus rialú táirgí a thagann isteach i margadh an Aontais maidir le pacáistíocht dá socraítear ceanglais inbhuanaitheachta de bhun an Rialacháin seo.

(123)

Tá forfheidhmiú éifeachtach na gceanglas inbhuanaitheachta fíor-riachtanach chun iomaíocht chóir a áirithiú agus chun a áirithiú go mbainfear amach na tairbhí a mheastar a thiocfaidh as an Rialachán seo agus an méid a mheastar a chuirfidh sé le cuspóirí aeráide, fuinnimh agus ciorclaíochta an Aontais a bhaint amach. Dá bhrí sin, ba cheart íoslíon seiceálacha a bhunú i gcás oibreoirí eacnamaíocha a chuireann pacáistíocht ar mhargadh an Aontais, agus ba cheart feidhm a bheith ag Rialachán (AE) 2019/1020 ó Pharlaimint na hEorpa agus ón gComhairle (73) lena leagtar amach creat cothrománach le haghaidh faireachas margaidh ar tháirgí agus rialú táirgí a thagann isteach i margadh an Aontais maidir le pacáistíocht dá socraítear ceanglais inbhuanaitheachta de bhun an Rialacháin seo.

(130)

Maidir le pacáistíocht a thagann isteach i margadh an Aontais, ba cheart tús áite a thabhairt don chomhar sa mhargadh idir údaráis um fhaireachas margaidh agus oibreoirí eacnamaíocha. Dá bhrí sin, cé go bhféadfaidís a bheith bainteach le haon phacáistíocht a thagann isteach chuig margadh an Aontais, ba cheart idirghabhálacha na n-údarás a ainmnítear de bhun Airteagal 25(1) de Rialachán (AE) 2019/1020 a bheith dírithe ar phacáistíocht, atá faoi réir na mbeart toirmisc a ghlacann údaráis um fhaireachas margaidh, go príomha. I gcás ina ndéanann siad bearta toirmisc den sórt sin, agus nach mbíonn siad teoranta don chríoch náisiúnta, ba cheart d’údaráis um fhaireachas margaidh na sonraí riachtanacha chun an phacáistíocht neamhchomhlíontach sin a shainaithint ag na teorainneacha, lena n-áirítear faisnéis maidir leis na táirgí pacáistithe agus na hoibreoirí eacnamaíocha, a chur in iúl do na húdaráis a ainmnítear maidir le rialuithe ar phacáistíocht a thagann isteach chuig margadh an Aontais chun cur chuige rioscabhunaithe a chumasú i ndáil le táirgí a thagann isteach chuig margadh an Aontais. Sna cásanna sin, déanfaidh lucht custaim a dhícheall an phacáistíocht sin a shainaithint agus stop a chur leis ag na teorainneacha.

(130)

Chun feidhmiú an mhargaidh inmheánaigh a choimirciú, agus chun go mbeidh cothrom na Féinne ann, is gá a áirithiú maidir le pacáistíocht ó thríú tíortha a thagann isteach i margadh an Aontais go mbeidh sí i gcomhréir leis an Rialachán seo, bíodh sí á hallmhairiú mar phacáistíocht neamhspleách nó i dtáirge pacáistithe. Is gá, go háirithe, a áirithiú gur chuir na monaróirí nósanna imeachta iomchuí um measúnú comhréireachta i gcrích maidir leis an bpacáistíocht sin. Ba cheart tús áite a thabhairt don chomhar sa mhargadh idir údaráis um fhaireachas margaidh agus oibreoirí eacnamaíocha. Dá bhrí sin, cé go bhféadfaidís a bheith bainteach le haon phacáistíocht a thagann isteach chuig margadh an Aontais, ba cheart idirghabhálacha na n-údarás a ainmnítear de bhun Airteagal 25(1) de Rialachán (AE) 2019/1020 a bheith dírithe ar phacáistíocht, atá faoi réir na mbeart toirmisc a ghlacann údaráis um fhaireachas margaidh, go príomha. I gcás ina ndéanann siad bearta toirmisc den sórt sin, agus nach mbíonn siad teoranta don chríoch náisiúnta, ba cheart d’údaráis um fhaireachas margaidh na sonraí riachtanacha chun an phacáistíocht neamhchomhlíontach sin a shainaithint ag na teorainneacha, lena n-áirítear faisnéis maidir leis na táirgí pacáistithe agus na hoibreoirí eacnamaíocha, a chur in iúl do na húdaráis a ainmnítear maidir le rialuithe ar phacáistíocht a thagann isteach chuig margadh an Aontais chun cur chuige rioscabhunaithe a chumasú i ndáil le táirgí a thagann isteach chuig margadh an Aontais. Sna cásanna sin, déanfaidh lucht custaim a dhícheall an phacáistíocht sin a shainaithint agus stop a chur leis ag na teorainneacha.

(f)

málaí tae nó caife atá riachtanach chun táirge tae nó caife a choinneáil agus a bhfuil sé beartaithe a úsáid agus a dhiúscairt in éineacht leis an táirge;

(f)

málaí tae nó caife tréscaoilteacha nó córas bog iarúsáide agus aonaid aonfhreastail ina gcoinnítear táirge tae nó caife agus a bhfuil sé beartaithe a úsáid agus a dhiúscairt in éineacht leis an táirge;

(g)

aonad aonfhreastail caife nó tae atá riachtanach chun táirge caife nó tae a choinneáil agus a bhfuil sé beartaithe a úsáid agus a dhiúscairt in éineacht leis an táirge;

(g)

aonad neamh-thréscaoilteach aonfhreastail caife nó tae atá riachtanach chun táirge caife nó tae a choinneáil agus a bhfuil sé beartaithe a úsáid agus a dhiúscairt in éineacht leis an táirge;

(4)

ciallaíonn ‘pacáistíocht iompair’ pacáistíocht a cheaptar chun láimhseáil agus iompar roinnt aonad díolacháin nó pacáistí grúpáilte a éascú, lena n-áirítear pacáistíocht ríomhthráchtála, ach gan coimeádáin bóthair, iarnróid, loinge ná aeir a bheith a áireamh, chun damáiste ó láimhseáil fhisiceach agus ón iompar a chosc;

(4)

ciallaíonn ‘pacáistíocht iompair’ pacáistíocht a cheaptar chun láimhseáil agus iompar líon ar bith aonad díolacháin nó pacáistí grúpáilte a éascú, lena n-áirítear pacáistíocht ríomhthráchtála, ach gan coimeádáin bóthair, iarnróid, loinge ná aeir a bheith a áireamh, chun damáiste don táirge ó láimhseáil fhisiceach agus ón iompar a chosc;

(16)

ciallaíonn ‘dáileoir deiridh’ an dáileoir a sheachadann ar an úsáideoir deiridh táirgí pacáistithe nó táirgí ar féidir iad a cheannach trí athlíonadh;

(16)

ciallaíonn ‘dáileoir deiridh’ an dáileoir a sheachadann ar an úsáideoir deiridh táirgí pacáistithe nó táirgí ar féidir iad a cheannach trí athlíonadh nó trí athúsáid ;

(19)

ciallaíonn ‘pacáistíocht ilchodach’ aonad pacáistíochta atá comhdhéanta de dhá ábhar éagsúla nó níos mó, seachas ábhair a úsáidtear le haghaidh lipéad, dúntóirí agus séalú, nach féidir a scaradh de láimh agus ar aonad comhtháite amháin iad dá bhrí sin;

(19)

ciallaíonn ‘pacáistíocht ilchodach’ aonad pacáistíochta atá comhdhéanta de dhá ábhar éagsúla nó níos mó, seachas ábhair a úsáidtear le haghaidh lipéad, cumhdach, líneáil, vearnaisí, péinteanna, dúch, greamachán, laicir, dúntóirí agus séalú, ar ábhair iad atá ina gcuid de mheáchan an phríomhábhair pacáistíochta agus nach féidir a dheighilt ó chéile de láimh agus ar aonad comhtháite amháin iad dá bhrí sin , seachas ábhar ar leith nach bhfuil ann ach cuid gan tábhacht den aonad pacáistíochta, agus in aon chás nach mó é ná 10 % de mhais iomlán an aonaid pacáistíochta ;

(22)

ciallaíonn ‘athúsáid’ aon oibríocht lena n-úsáidtear pacáistíocht in-athúsáidte arís chun na críche céanna ar ceapadh di é;

(22)

ciallaíonn ‘athúsáid’ aon oibríocht lena n-úsáidtear pacáistíocht in-athúsáidte arís roinnt uaireanta chun na críche céanna ar ceapadh di é agus atá indéanta mar thoradh ar lóistíocht leordhóthanach agus a chuirtear chun cinn le córais oiriúnacha dreasachta, trí scéim éarlaise de ghnáth ;

(26)

ciallaíonn ‘córais athúsáide’ socruithe eagraíochtúla, teicniúla /nó airgeadais, lena n-éascaítear an athúsáid i gcóras lúbiata nó i gcóras lúboscailte. Meastar gur cuid de ‘chóras athúsáide’ iad córais éarlaise agus aisíoca nuair a áirithítear leo go mbailítear pacáistíocht lena hathúsáid;

(26)

ciallaíonn ‘córais athúsáide’ socruithe eagraíochtúla, teicniúla agus/nó airgeadais, mar aon le dreasachtaí, a thugann deis athúsáide i gcóras lúbiata nó i gcóras lúboscailte. Meastar gur cuid de ‘chóras athúsáide’ iad córais éarlaise agus aisíoca nuair a áirithítear leo go mbailítear pacáistíocht lena hathúsáid;

(28)

ciallaíonn ‘athlíonadh’ oibríocht ina líonann úsáideoir deiridh a choimeádán féin, a chomhlíonann an fheidhm phacáistíochta, le táirge nó roinnt táirgí a thairgeann an dáileoir deiridh i gcomhthéacs idirbheart tráchtála ;

(28)

ciallaíonn ‘athlíonadh’ oibríocht ina líonann úsáideoir deiridh a choimeádán féin nó coimeádán arna chur ar fáil ag an bpointe díolacháin ag an dáileoir deiridh, ar coimeádán é a chomhlíonann an fheidhm phacáistíochta, le táirge nó roinnt táirgí a ceannaíodh trí dháileoir deiridh;

(31)

ciallaíonn ‘dearadh le haghaidh athchúrsála’ dearadh pacáistíochta, lena n-áirítear comhpháirteanna aonair pacáistíochta, chun a áirithiú gur féidir í a athchúrsáil i gcomhar le próisis bailiúcháin, sórtála agus athchúrsála úrscothacha;

(31)

ciallaíonn ‘dearadh le haghaidh athchúrsála’ dearadh pacáistíochta, lena n-áirítear comhpháirteanna aonair pacáistíochta, chun a áirithiú gur féidir í a athchúrsáil i gcomhar le próisis bailiúcháin, sórtála agus athchúrsála úrscothacha , ina dtugtar tús áite do phróisis athchúrsála mheicniúla ;

(31a)

ciallaíonn ‘in-athchúrsáilteacht’ measúnú ar a chomhoiriúnaí atá an phacáistíocht do bhainistiú dramhaíola agus dá próiseáil trí dhearadh, bunaithe ar bhailiú ar leithligh, sórtáil i sruthanna ar leithligh, athchúrsáil ar scála, agus ábhair athchúrsáilte a úsáid in ionad amhábhar príomhúil i bpacáistíocht nua;

(32)

ciallaíonn ‘athchúrsáilte ar scála’ go ndéantar an bailiú, an tsórtáil agus an athchúrsáil le bonneagar suiteáilte úrscothach agus trí phróisis úrscothacha, faoina gcumhdaítear 75 % ar a laghad de dhaonra an Aontais, lena n-áirítear dramhaíl ó phacáistíocht a onnmhairítear ón Aontas agus a chomhlíonann ceanglais Airteagal 47(5);

(32)

ciallaíonn ‘athchúrsáilte ar scála’ acmhainneacht leordhóthanach a bheith ann chun an dramhphacáistíocht a bhailítear a threorú i dtreo sruthanna dramhaíola sainithe agus aitheanta trí phróisis thionsclaíocha sheanbhunaithe lena hathphróiseáil i gcórais iarbhír a cruthaíodh sa timpeallacht oibríochtúil, lena n-áirítear dramhaíl ó phacáistíocht a onnmhairítear ón Aontas agus a chomhlíonann ceanglais Airteagal 47(5);

(32 a)

ciallaíonn ‘athchúrsáil ardcháilíochta’ aon oibríocht aisghabhála, mar a shainmhínítear in Airteagal 3, pointe (17), de Threoir 2008/98/CE, lena n-áirithítear go ndéantar cáilíocht ar leith na dramhaíola a bhailítear agus a shórtáiltear le linn na hoibríochta aisghabhála sin a chaomhnú nó a aisghabháil, ionas go mbíonn na hábhair athchúrsáilte iardain de cháilíocht leordhóthanach chun teacht in ionad amhábhair phríomhúla;

(34)

ciallaíonn ‘comhpháirt chomhtháite’ comhpháirt phacáistíochta a d’fhéadfadh a bheith difriúil le cuid phríomha an aonaid pacáistíochta, agus a bhféadfadh ábhar difriúil a bheith inti, ach gur cuid ríthábhachtach den aonad pacáistíochta agus dá fheidhm í agus nach gá a scaradh ón bpríomhphacáistíocht chun an táirge a thomhailt agus a dhiúscraítear an tráth céanna leis an aonad pacáistíochta de ghnáth, ach nach gá gur ar an gconair diúscartha chéanna a dhéanfaí sin

(34)

ciallaíonn ‘comhpháirt chomhtháite’ comhpháirt phacáistíochta a d’fhéadfadh a bheith difriúil le cuid phríomha an aonaid pacáistíochta, agus a bhféadfadh ábhar difriúil a bheith inti, ach gur cuid ríthábhachtach den aonad pacáistíochta agus dá fheidhm í agus nach gá a scaradh ón bpríomhphacáistíocht agus a dhiúscraítear an tráth céanna leis an aonad pacáistíochta de ghnáth, ach nach gá gur ar an gconair diúscartha chéanna a dhéanfaí sin;

(35)

ciallaíonn ‘comhpháirt ar leithligh’ comhpháirt pacáistíochta atá difriúil le cuid phríomha an aonaid pacáistíochta, a bhféadfadh ábhar difriúil a bheith ann, comhpháirt nach mór í a bhaint ina hiomláine agus ar bhonn buan den phríomh-aonad pacáistíochta chun rochtain a fháil ar an táirge , agus comhpháirt a dhiúscraítear roimh an aonad pacáistíochta agus ar bhealach ar leithligh de ghnáth;

(35)

ciallaíonn ‘comhpháirt ar leithligh’ comhpháirt pacáistíochta atá difriúil le cuid phríomha an aonaid pacáistíochta, a bhféadfadh ábhar difriúil a bheith ann, comhpháirt nach mór í a bhaint ina hiomláine agus ar bhonn buan den phríomh-aonad pacáistíochta, agus comhpháirt a dhiúscraítear roimh an aonad pacáistíochta agus ar bhealach ar leithligh de ghnáth;

(37)

ciallaíonn ‘pacáistíocht nuálach’ cineál pacáistíochta a mhonaraítear le hábhair, próisis deartha nó próisis táirgthe nua, as a dtagann feabhas suntasach ar na feidhmeanna pacáistíochta, amhail coimeád, cosaint, láimhseáil, seachadadh nó cur i láthair táirgí, agus sochair chomhshaoil inléirithe, cé is moite de phacáistíocht a thagann as pacáistíocht atá ann cheana a mhodhnú chun cur i láthair na dtáirgí agus an margú a fheabhsú agus chun na críche sin amháin ;

(37)

ciallaíonn ‘pacáistíocht nuálach’ cineál pacáistíochta a mhonaraítear le hábhair, próisis deartha nó próisis táirgthe nua agus nuálacha , as a dtagann feabhas suntasach ar na feidhmeanna pacáistíochta, amhail coimeád, cosaint, láimhseáil, seachadadh táirgú, agus sochair chomhshaoil inléirithe i gcoitinne , cé is moite den phacáistíocht a thagann as pacáistíocht atá ann cheana a mhodhnú chun cur i láthair na dtáirgí agus an margú a fheabhsú go príomha ;

(38)

ciallaíonn ‘amhábhair thánaisteacha’ ábhair a fuarthas trí phróisis athchúrsála agus ar féidir a úsáid in ionad bun-amhábhar;

(38)

ciallaíonn ‘amhábhair thánaisteacha’ ábhair a fuarthas trí phróisis athchúrsála agus a ndearnadh an tseiceáil agus an tsórtáil riachtanach uile orthu agus ar féidir a úsáid in ionad amhábhair phríomhúla;

(40)

ciallaíonn ‘pacáistíocht atá íogair ó thaobh teagmhála de’ pacáistíocht a bhfuil sé beartaithe í a úsáid in aon fheidhmeanna pacáistíochta faoi raon feidhme na Rialachán a leanas: (CE) Uimh. 1831/2003, (CE) Uimh. 1935/2004,(CE) Uimh. 767/2009, (CE) Uimh. 2009/1223, (AE) 2017/745, (AE) 2017/746, (AE) 2019/4, (AE) 2019/6, Treoir 2001/83/CE, nó Treoir 2008/68/CE;

(40)

ciallaíonn ‘pacáistíocht atá íogair ó thaobh teagmhála de’ pacáistíocht a bhfuil sé beartaithe í a úsáid in aon fheidhmeanna pacáistíochta faoi raon feidhme na Rialachán a leanas: (CE) Uimh. 1831/2003, (CE) Uimh. 1935/2004,(CE) Uimh. 767/2009, (CE) Uimh. 2009/1223, (AE) 2017/745, (AE) 2017/746, (AE) 2019/4, (AE) 2019/6, Treoir 2001/83/CE, Treoir 2002/46/CE ó Pharlaimint na hEorpa agus ón gComhairle  (1a) , nó Treoir 2008/68/CE;

(41)

ciallaíonn ‘pacáistíocht inmhúirínithe’ pacáistíocht ar féidir dianscaoileadh fisiceach, ceimiceach, teirmeach nó bitheolaíoch a dhéanamh uirthi ionas go ndianscaoiltear an chuid is mó den mhúirín críochnaithe sa deireadh ina dhé-ocsaíd charbóin, ina shalainn mhianracha, ina bhithmhais agus ina uisce, de réir Airteagal  47(4) , agus nach gcuireann bac ar an mbailiú ar leithligh agus ar an bpróiseas múirínithe nó ar an ngníomhaíocht mhúirínithe ina gcuirtear é faoi choinníollacha a rialaítear go tionsclaíoch;

(41)

ciallaíonn ‘pacáistíocht inmhúirínithe’ pacáistíocht ar féidir dianscaoileadh fisiceach, ceimiceach, teirmeach nó bitheolaíoch a dhéanamh uirthi ionas go ndianscaoiltear an chuid is mó den mhúirín críochnaithe sa deireadh ina dhé-ocsaíd charbóin, ina shalainn mhianracha, ina bhithmhais agus ina uisce de réir Airteagal 47(8) , agus nach gcuireann bac ar an mbailiú ar leithligh nó ar an bpróiseas múirínithe nó díleá anaeróbach nó gníomhaíocht mhúirínithe nó díleá anaeróbach ina gcuirtear é faoi choinníollacha a rialaítear go tionsclaíoch , i gcomhréir leis na caighdeáin is infheidhme a leagtar síos sna caighdeáin chomhchuibhithe Eorpacha EN 13432 .

(41a)

ciallaíonn ‘pacáistíocht inmhúirínithe sa bhaile’ pacáistíocht atá in ann bithdhígrádú freisin faoi dhálaí neamhrialaithe i gcomparáid le saoráidí múirínithe ar scála tionsclaíoch agus gur daoine aonair príobháideacha a dhéanann í a mhúiríniú d’fhonn múirín a tháirgeadh dá n-úsáid féin.

(41b)

ciallaíonn ‘plaisteach bithbhunaithe’ plaisteach arb as bithmhais a dhéantar na hamhábhair atá ann (1a);

(50)

ciallaíonn ‘éarlais’ suim sheasta airgid, nach bhfuil mar chuid de phraghas an táirgthe phacáistithe nó líonta a bhailítear ón úsáideoir deiridh nuair a cheannaítear táirge pacáistithe nó líonta den sórt sin, a chumhdaítear faoi chóras éarlaise agus aisíoca i mBallstát faoi leith agus atá infhuascailte nuair a thugann an t-úsáideoir deiridh an phacáistíocht, lena ngabhann an éarlais, ar ais chuig pointe bailiúcháin a bhunaítear chun na críche sin;

(50)

ciallaíonn ‘éarlais’ suim shainithe airgid, nach bhfuil mar chuid de phraghas an táirgthe phacáistithe nó líonta a bhailítear ón úsáideoir deiridh nuair a cheannaítear an táirge pacáistithe nó líonta sin, a chumhdaítear faoi chóras éarlaise agus aisíoca i mBallstát faoi leith agus atá infhuascailte nuair a thugann an t-úsáideoir deiridh , nó aon duine eile, an phacáistíocht, lena ngabhann an éarlais, ar ais chuig pointe bailiúcháin a bhunaítear chun na críche sin;

(51)

ciallaíonn ‘córas éarlaise agus aisíoca’ córais, ina ngearrtar éarlais ar an úsáideoir deiridh nuair a cheannaítear táirge pacáistithe nó líonta a chumhdaítear faoin gcóras sin, éarlais a aisíoctar leis an úsáideoir deiridh nuair a thugtar an phacáistíocht, lena ngabhann an éarlais, ar ais chuig pointe bailiúcháin a bhunaítear chun na críche sin;

(51)

ciallaíonn ‘córas éarlaise agus aisíoca’ córas, ina ngearrtar éarlais ar an úsáideoir deiridh nuair a cheannaítear táirge pacáistithe nó líonta a chumhdaítear faoin gcóras sin, éarlais a aisíoctar leis an úsáideoir deiridh nuair a thugtar an phacáistíocht, lena ngabhann an éarlais, ar ais chuig pointe bailiúcháin a bhunaítear chun na críche sin nó nuair a thaisctear i gceart í sa chineál gabhdán dramhaíola a chuirtear ar fáil chun na críche sin, sa bhaile nó i spásanna poiblí ;

(57)

ciallaíonn ‘pacáistíocht lena mbaineann riosca’ pacáistíocht a d’fhéadfadh dochar a dhéanamh don chomhshaol nó do leasanna poiblí eile a chosnaítear le ceanglas a leagtar amach sa Rialachán seo nó de bhun an Rialacháin seo, seachas na cinn sin a liostaítear in Airteagal 56(1), mura gcomhlíonann sí an ceanglas sin;

(57)

ciallaíonn ‘pacáistíocht lena mbaineann riosca’ pacáistíocht a d’fhéadfadh dochar a dhéanamh don chomhshaol , don tsláinte, nó do leasanna poiblí eile a chosnaítear le ceanglas a leagtar amach sa Rialachán seo nó de bhun an Rialacháin seo, seachas na cinn sin a liostaítear in Airteagal 56(1), mura gcomhlíonann sí an ceanglas sin;

(a)

deartar í lena hathchúrsáil;

(a)

deartar í lena hathchúrsáil , mar a leagtar amach sna gníomhartha tarmligthe arna nglacadh ag an gCoimisiún de bhun mhír 4 ;

(d)

féadtar í a athchúrsáil ionas go mbeidh amhábhair thánaisteacha a thagann aisti ar cháilíocht leordhóthanach gur féidir iad a úsáid in ionad bun-amhábhar;

(d)

féadtar í a athchúrsáil ionas go mbeidh na hamhábhair thánaisteacha a thiocfaidh aisti ar cháilíocht leordhóthanach gur féidir iad a úsáid in ionad bun-amhábhar;

(e)

féadtar í a athchúrsáil ar scála.

(e)

beidh sí in-athchúrsáilte ar scála de réir na modheolaíochta a bunaíodh sna gníomhartha tarmligthe arna nglacadh ag an gCoimisiún de bhun mhír 6 .

(a)

comhlíonfaidh sí na critéir don ‘dearadh le haghaidh athchúrsála’ mar a leagtar síos sna gníomhartha tarmligthe a glacadh de bhun mhír 4 agus, tráth nach déanaí ná 36 mhí tar éis dháta foislithe na ngníomhartha tarmligthe dá dtagraítear i mír 4; agus

(b)

comhlíonfaidh sí na ceanglais maidir le hin-athchúrsáilteacht ar scála a leagtar síos sna gníomhartha tarmligthe a glacadh de bhun mhír 6 tráth nach déanaí ná 36 mhí tar éis dháta foilsithe na ngníomhartha tarmligthe dá dtagraítear i mír 6, de bhreis ar phointe (a) den mhír seo .

(a)

an tslí chun toradh an mheasúnaithe in-athchúrsáilteachta a léiriú i ngráid feidhmíochta in-athchúrsáilteachta ó A go E, mar a leagtar amach i dTábla 3 d’Iarscríbhinn II, bunaithe ar chéatadán an aonaid pacáistíochta, ó thaobh meáchain de, atá in-athchúrsáilte de réir mhír 1;

(b)

critéir mhionsonraithe don ‘dearadh le haghaidh athchúrsála’ lena n-áirítear ceanglais shonracha le haghaidh athchúrsáil ardcháilíochta, i gcás inarb iomchuí, i gcás gach ábhair agus catagóire pacáistíochta a liostaítear i dTábla 1 d’Iarscríbhinn II;

(c)

tuairisc ar na coinníollacha comhlíontachta i ndáil leis na gráid feidhmíochta faoi seach i gcás gach catagóire pacáistíochta a liostaítear i dTábla 1 d’Iarscríbhinn II;

(d)

modhnú na ranníocaíochtaí airgeadais a bheidh le híoc ag táirgeoirí chun a n-oibleagáidí um fhreagracht leathnaithe táirgeora a chomhlíonadh dá dtagraítear in Airteagal 40, bunaithe ar ghrád feidhmíochta na pacáistíochta;

(e)

an bealach chun measúnú a dhéanamh ar an in-athchúrsáilteacht ar scála i gcás gach catagóire pacáistíochta a liostaítear i dTábla 1 d’Iarscríbhinn II chun na gráid nuashonraithe feidhmíochta in-athchúrsáilteachta a bhunú.

(a)

critéir a bhunú don ‘dearadh le haghaidh athchúrsála’ agus do ghráid feidhmíochta athchúrsála, bunaithe ar na critéir agus na paraiméadair a liostaítear i dTáblaí 2 agus 2a d’Iarscríbhinn II maidir le catagóirí pacáistíochta a liostaítear i dTábla 1 den Iarscríbhinn sin ; breithneofar faoi na critéir don ‘dearadh le haghaidh athchúrsála’ próisis bhailiúcháin, sórtála agus athchúrsála úrscothacha agus cumhdófar na comhpháirteanna pacáistíochta uile leo;

(b)

rialacha a bhunú maidir le modhnú na ranníocaíochtaí airgeadais a bheidh le híoc ag táirgeoirí chun a n-oibleagáidí um fhreagracht leathnaithe táirgeora, a leagtar amach in Airteagal 40(1), a chomhlíonadh, bunaithe ar an ngrád maidir le feidhmíocht athchúrsála na pacáistíochta, agus i gcás inarb iomchuí, an céatadán de chion athchúrsáilte.

(b)

méideanna dramhphacáistíochta a bhailítear ar leithligh, in aghaidh an ábhair pacáistíochta arna liostú i dTábla 1 d’Iarscríbhinn II, san Aontas ina iomláine agus i ngach Ballstát;

(b)

méideanna dramhphacáistíochta a bhailítear ar leithligh, in aghaidh an ábhair pacáistíochta arna liostú i dTábla 1 d’Iarscríbhinn II, san Aontas ina iomláine agus i ngach Ballstát , agus oibleagáidí na mBallstát faoi Airteagal 43 den Rialachán seo á gcur san áireamh ;

(d)

acmhainneachtaí bonneagair atá suiteáilte le haghaidh sórtáil agus athchúrsáil san Aontas ina iomláine i gcás gach cineál pacáistíochta a liostaítear i dTábla 1 d’Iarscríbhinn II.

(d)

acmhainneachtaí bonneagair atá suiteáilte le haghaidh sórtáil agus athchúrsáil san Aontas ina iomláine i gcás gach cineál pacáistíochta a liostaítear i dTábla 1 d’Iarscríbhinn II , agus oibleagáidí na mBallstát faoi Airteagal 43 den Rialachán seo á gcur san áireamh .

(a)

an bealach chun toradh an mheasúnaithe in-athchúrsáilteachta a léiriú i ngráid feidhmíochta in-athchúrsáilteachta ó A go E, mar a thuairiscítear i dTábla 3 d’Iarscríbhinn II, bunaithe ar chéatadán an aonaid pacáistíochta, ó thaobh meáchain de, atá in-athchúrsáilte de réir mhír 1;

(b)

critéir mhionsonraithe don ‘dearadh le haghaidh athchúrsála’ le haghaidh gach ábhair agus catagóire pacáistíochta a liostaítear i dTábla 1 d’Iarscríbhinn II;

(c)

tuairisc ar na coinníollacha comhlíontachta i ndáil leis na gráid feidhmíochta faoi seach i gcás gach catagóire pacáistíochta a liostaítear i dTábla 1 d’Iarscríbhinn II;

(d)

modhnú na ranníocaíochtaí airgeadais a bheidh le híoc ag táirgeoirí chun a n-oibleagáidí um fhreagracht leathnaithe táirgeora a chomhlíonadh dá dtagraítear in Airteagal 40, bunaithe ar ghrád feidhmíochta na pacáistíochta;

(e)

an bealach chun measúnú a dhéanamh ar in-athchúrsáilteacht ar scála i gcás gach catagóire pacáistíochta a liostaítear i dTábla 1 d’Iarscríbhinn II chun na gráid nuashonraithe feidhmíochta in-athchúrsáilteachta a bhunú, ó 2035 amach.

(a)

i gcás ina bhfuil comhpháirteanna comhtháite in aonad pacáistíochta, áireofar na comhpháirteanna comhtháite uile sa mheasúnú ar chomhlíonadh na gcritéar maidir le ‘dearadh le haghaidh athchúrsála’ agus le comhlíonadh na gceanglas maidir le hin-athchúrsáilteacht ar scála;

(b)

i gcás ina bhfuil comhpháirteanna ar leithligh in aonad pacáistíochta, déanfar an measúnú ar chomhlíonadh na gceanglas ‘dearadh le haghaidh athchúrsála’ agus comhlíonadh na gceanglas maidir le hin-athchúrsáilteacht ar scála ar leithligh i gcás gach comhpháirt ar leithligh; i gcás inar féidir comhpháirt den aonad pacáistíochta a scaradh go furasta de láimh agus ina bhfuil treoracha soiléire ann don tomhaltóir, is cumasc de na measúnuithe le haghaidh gach comhphairt ar leith a bheidh san in-athchúrsáilteacht i gcoitinne;

(c)

beidh comhpháirteanna uile aonaid pacáistíochta comhoiriúnach leis na próisis bhailiúcháin, sórtála agus athchúrsála úrscothacha agus ní chuirfidh siad bac ar in-athchúrsáilteacht phríomhchuid an aonaid pacáistíochta.

(b)

pacáistíocht phlaisteach atá íogair ó thaobh teagmhála de ar fheistí leighis a chumhdaítear faoi Rialachán (AE) 2017/745;

(b)

pacáistíocht atá íogair ó thaobh teagmhála de ar fheistí leighis a chumhdaítear faoi Rialachán (AE) 2017/745;

(c)

pacáistíocht phlaisteach atá íogair ó thaobh teagmhála de ar fheistí leighis diagnóisice in vitro a chumhdaítear faoi Rialachán (AE) 2017/746.

(c)

pacáistíocht atá íogair ó thaobh teagmhála de ar fheistí leighis diagnóisice in vitro a chumhdaítear faoi Rialachán (AE) 2017/746.

(ca)

pacáistíocht atá íogair ó thaobh teagmhála de le haghaidh bainne foirmle do naíonáin agus bainne foirmle leantach, bia gránachbhunaithe próiseáilte agus bia do naíonáin, agus bia chun críoch speisialta míochaine mar a shainmhínítear in Airteagal 1, pointí (a), (b) agus (c), de Rialachán (AE) Uimh. 609/2013.

(a)

30 % i gcás pacáistíocht atá íogair ó thaobh teagmhála de, a dhéantar de theireataláit phoileitléine (TPE), arb í sin an mhór-chomhpháirt;

(a)

30 % i gcás pacáistíocht atá íogair ó thaobh teagmhála de, seachas buidéil dí aon úsáide, a dhéantar de theireataláit phoileitléine (TPE), arb í sin an mhór-chomhpháirt;

(b)

10  % i gcás pacáistíocht atá íogair ó thaobh teagmhála de a dhéantar d’ábhair phlaisteacha seachas TPE, taobh amuigh de bhuidéil dí ar táirgí plaisteacha aon úsáide iad;

(b)

7,5  % i gcás pacáistíocht atá íogair ó thaobh teagmhála de a dhéantar d’ábhair phlaisteacha seachas TPE, taobh amuigh de bhuidéil dí ar táirgí plaisteacha aon úsáide iad;

(d)

35 % i gcás pacáistíochta seachas an phacáistíocht dá dtagraítear i bpointí (a), (b) agus (c).

(d)

35 % i gcás pacáistíocht phlaisteach seachas an phacáistíocht dá dtagraítear i bpointí (a), (b) agus (c).

(aa)

25 % i gcás pacáistíocht atá íogair ó thaobh teagmhála de a dhéantar d’ábhair phlaisteacha seachas TPE.

(b)

pacáistíocht phlaisteach atá íogair ó thaobh teagmhála de ar fheistí leighis a chumhdaítear faoi Rialachán (AE) 2017/745;

(b)

pacáistíocht phlaisteach atá íogair ó thaobh teagmhála de ar fheistí leighis nó feistí atá beartaithe go heisiach don úsáid taighde agus feistí iniúchóireachta a chumhdaítear faoi Rialachán (AE) 2017/745;

(da)

pacáistíocht atá íogair ó thaobh teagmhála de le haghaidh bia atá beartaithe do naíonáin agus leanaí óga, bia chun críoch speisialta míochaine agus pacáistíocht le haghaidh deochanna agus bia a úsáidtear de ghnáth le haghaidh leanaí óga mar a shainmhínítear in Airteagal 1, pointí (a), (b) agus (c) de Rialachán (AE) Uimh. 609/2013;

(db)

pacáistiú solathairtí, comhpháirteanna, agus comhpháirteanna neasphacáistíochta le haghaidh monarú táirgí íocshláinte faoi Threoir 2001/83/CE agus le haghaidh táirgí íocshláinte tréidliachta faoi Rialachán (AE) 2019/6 sa chás go bhfuil gá leis an bpacáistíocht sin chun bheith i gcomhréir le caighdeáin cháilíochta an táirge íocshláinte.

(a)

pacáistíocht phlaisteach inmhúirínithe;

(b)

dúigh, greamacháin, péinteanna, vearnaisí agus laicir a úsáidtear ar phacáistíocht;

(c)

aon pháirt phlaisteach arb ionann í agus míos lú ná 5 % de mheáchan iomlán an aonaid pacáistíochta uile.

(a)

foráil a dhéanamh maidir le maoluithe ar raon feidhme, uainiú nó leibhéal an íoschéatadáin a leagtar síos i mír  1, pointí b agus d, le haghaidh pacáistíocht phlaisteach shonrach, agus, de réir mar is iomchuí ,

(a)

foráil a dhéanamh maidir le maoluithe ar raon feidhme, uainiú nó leibhéal an íoschéatadáin a leagtar síos i mír  2 ,

(aa)

na spriocanna a bunaíodh i míreanna 1 agus 2 a mhodhnú,

(a)

spriocanna a leagan síos maidir le bunábhar plaisteach bithbhunaithe a úsáid sa phacáistíocht;

(b)

ceanglais inbhuanaitheachta a leagan síos maidir le bunábhar plaisteach bithbhunaithe a bheith incháilithe chun rannchuidiú leis na spriocanna, agus na critéir inbhuanaitheachta atá leagtha síos faoi láthair in Airteagal 29 de Threoir (AE) 2018/2001 á gcur san áireamh;

(c)

an fhéidearthacht a thabhairt isteach chun suas le huasmhéid 50 % de na spriocanna a leagtar amach in Airteagal 7(1) agus (2) a chomhlíonadh trí bhunábhar plaisteach bithbhunaithe a úsáid.

(a)

ceanglais inbhuanaitheachta a leagan síos maidir le bunábhar bithbhunaithe i bpacáistíocht phlaisteach, agus na critéir inbhuanaithe atá ann cheana a leagtar síos in Airteagal 29 de Threoir (AE) 2018/2001 á gcur san áireamh;

(b)

spriocanna a leagan síos maidir le bunábhar bithbhunaithe a úsáid i bpacáistiú plaisteach;

(c)

aon toradh tástála, staidéir nó foinsí eile a úsáidtear chun measúnú a dhéanamh ar thoirt riachtanach íosta nó meáchan riachtanach íosta na pacáistíochta.

(c)

aon toradh tástála, staidéir nó foinsí eile , amhail samhaltú agus ionsamhlúchán, a úsáidtear chun measúnú a dhéanamh ar thoirt riachtanach íosta nó meáchan riachtanach íosta na pacáistíochta.

(a)

rinneadh í a cheapadh, a dhearadh agus a chur ar an margadh chun í a athúsáid nó a athlíonadh ;

(a)

rinneadh í a cheapadh, a dhearadh agus a chur ar an margadh í chun í a athúsáid arís is arís eile ;

(b)

rinneadh í a cheapadh agus a dhearadh ionas go ndéanfadh sí a mhéad turas nó uainíochtaí ab fhéidir faoi ghnáthchoinníollacha intuartha úsáidte;

(b)

rinneadh í a cheapadh agus a dhearadh ionas go ndéanfadh sí a mhéad uainíochtaí ab fhéidir faoi ghnáthchoinníollacha intuartha úsáidte;

(ha)

comhlionann sí na ceanglais i dtaca le sláinte, sábháilteacht agus sláinteachas tomhaltóirí.