EUR-Lex Access to European Union law
This document is an excerpt from the EUR-Lex website
Document 52022XC1201(04)
Publication of a communication of approval of a standard amendment to the product specification for a name in the wine sector referred to in Article 17 (2) and (3) of Commission Delegated Regulation (EU) 2019/33 2022/C 458/10
Foilsiú cumarsáide maidir le leasú caighdeánach a fhormheas ar shonraíocht an táirge le haghaidh ainm in earnáil an fhíona dá dtagraítear in Airteagal 17 (2) agus (3) de Rialachán Tarmligthe (AE) 2019/33 ón gCoimisiún 2022/C 458/10
Foilsiú cumarsáide maidir le leasú caighdeánach a fhormheas ar shonraíocht an táirge le haghaidh ainm in earnáil an fhíona dá dtagraítear in Airteagal 17 (2) agus (3) de Rialachán Tarmligthe (AE) 2019/33 ón gCoimisiún 2022/C 458/10
PUB/2022/1219
IO C 458, 1.12.2022, p. 15–21
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
1.12.2022 |
GA |
Iris Oifigiúil an Aontais Eorpaigh |
C 458/15 |
Foilsiú cumarsáide maidir le leasú caighdeánach a fhormheas ar shonraíocht an táirge le haghaidh ainm in earnáil an fhíona dá dtagraítear in Airteagal 17 (2) agus (3) de Rialachán Tarmligthe (AE) 2019/33 ón gCoimisiún
(2022/C 458/10)
Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).
FORMHEAS LEASAITHE CHAIGHDEÁNAIGH A CHUR IN IÚL
“Lechinţa”
PDO-RO-A0369-AM02
Dáta na teachtaireachta: 15 Meán Fómhair 2022
TUAIRISC AR AN LEASÚ FORMHEASTA AGUS NA CÚISEANNA ATÁ LEIS
1. Fíonghoirt a chur, ag úsáid cineálacha nua fíonchaoire chun fíon dearg a tháirgeadh
Bhain neart táirgeoirí i limistéar an tsonrúcháin tionscnaimh seo leas as cistí Eorpacha ó chláir athstruchtúraithe/thiontaithe chun cineálacha fíonchaoire idirnáisiúnta a thabhairt isteach i bhfíonghoirt chun fíonta dearga a tháirgeadh chun an ceanglas éagsúlaithe maidir le táirgeadh fíona sa réigiún a chomhlíonadh, réigiún inar cuireadh cineálacha fíonchaoire gile amháin roimhe sin. Fágann sainiúlacht an limistéir (aeráid, rilíf) go bhfuil sé fabhrach do charnadh siúcraí sna fíonchaora, agus tagann fíonta a bhfuil acmhainn mhaith alcóil agus déine datha bharrmhaith acu as antóiciaininí i gcraiceann na bhfíonchaor.
Cuireadh cineálacha nua fíonchaoire chun fíonta dearga socra a tháirgeadh leis an tsonraíocht.
Leasaíodh Caibidlí IV, V agus VIII den tsonraíocht agus pointe 7 den doiciméad aonair.
2. Leasú chun síneadh a chur leis an limistéar geografach críochaithe
Leasaíodh Caibidil III den tsonraíocht, ina dtagraítear don limistéar táirgthe críochaithe, chun limistéar geografach an STFC a leathnú chuig bardas Cetate lena sráidbhailte Satu Nou agus Petris.
Tá bardas Cetate lonnaithe ag bunchnoic shléibhte Călimani, in aice le hardchlár na Trasalváin, ar theorainn phíodmant Călimani san oirthear, cnoic Bistrița san iarthuaisceart agus lagrach Livezile-Bîrgău san oirthuaisceart.
Tá bardas Cetate agus a shráidbhailte cóngarach dá chéile go geografach, suite tuairim is 10 km ó bhardas Budacu de Jos, atá i limistéar críochaithe STFC Lechința, agus tá an ithir agus na dálaí aeráide ansin cosúil leo siúd sa chuid eile den limistéar críochaithe STFC.
Leasaíodh CAIBIDIL III den tsonraíocht agus pointe 6 den doiciméad aonair.
3. Tásc ar chineál fíona shocair nua atá á tháirgeadh – fíon tuí
Cuireadh an fhéidearthacht cineál fíona shocair nua a tháirgeadh ar a dtugtar fíon tuí ó Muscat Ottonel leis an tsonraíocht. Táirgtear fíon tuí trí shainmhodhanna próiseála: fágtar na fíonchaora ar racaí tuí ar feadh 6 mhí ar a mhéad go dtí an fáscadh, agus téann siad faoi dhá phróiseas le linn an ama sin, díhiodráitiú ar dtús agus reo agus díhiodráitiú nádúrtha ansin ó mhí Mheán Fómhair go mí na Samhna, agus reo nádúrtha ó mhí na Nollag go mí Feabhra.
Nuair a bhíonn tiúchan siúcra 400 g/l ar a laghad carntha ag na fíonchaora, fáisctear i gcantaoir láimhe iad, agus ansin coiptear i mbairillí darach le giostaí sonracha iad, agus críochnaítear agus stóráiltear ag teocht íseal in umair cruach dosmálta iad. Baineann an cineál fíona seo úsáid iomlán as cumas chineál Muscat Ottonel sa limistéar STFC sin.
Leasaíodh CAIBIDIL XI den tsonraíocht agus pointe 4 den doiciméad aonair.
DOICIMÉAD AONAIR
1. Ainm(neacha)
Lechinţa
2. Cineál an táisc gheografaigh
STFC – Sonrúchán Tionscnaimh Faoi Chosaint
3. Catagóirí táirgí fíniúna
1. |
Fíon |
4. Tuairisc ar an bhfíon nó ar na fionnta
1. Fionnta geala
TUAIRISC THÉACSÚIL GHAIRID
Léiríonn na fíonta geala torthaíocht, saintréithe fíona agus úire. Tá cáil orthu mar gheall ar an aigéadacht níos airde a bhaineann leo de thoradh na haeráide, a thugann úire agus beocht don fhíon.
Boladh luibheach, luibheolaíoch peitil róis agus blátha acáise, blas a bhíonn beagán spíosrach in amanna, le neart alcóil níos airde, olartha agus tathagach. Coipthe ag teochtaí ísle, is féidir boladh tánaisteach coipthe teacht ar na fíonta, agus is féidir boladh sonrach meala agus círe meala teacht orthu trína stóráil le linn a n-aibithe agus a n-aosaithe.
Dath idir scothghlas agus buí amhail tuí, dath buí scothghlas le himirceacha órga, le cion úisc agus gliocóil ard, agus blas mín olartha. Cuireann an fíon óg féar úrghearrtha i gcuimhne uaireanta. Bíonn blasanna searbhmhilse spíosracha sa bhéal, agus bolaithe míne citris, agus bíonn blas mealltach chomh mín le veilbhit air mar gheall ar aibiúchán i mbairillí adhmaid agus aosú i mbuidéil.
Saintréithe anailíseacha ginearálta |
|
Uasmhéid nirt alcóil iomláin (mar % den toirt) |
15,00 |
Íosmhéid nirt alcóil iarbhír (mar % den toirt) |
11,00 |
Íosmhéid aigéadachta iomláine |
4,5 gram in aghaidh an lítir, arna léiriú mar aigéad tartarach |
Uasmhéid aigéadachta luainí (i milleachoibhéisí in aghaidh an lítir) |
18 |
Uasmhéid dé-ocsaíde sulfair iomláine (i milleagraim in aghaidh an lítir) |
200 |
2. Fíonta dearga
TUAIRISC THÉACSÚIL GHAIRID
Loirg rísíní dubha, ar a bhfuil dath dúdhearg, dath corcra fiú i bhfíon óg, dath idir dúdhearg an rúibín agus donnrua i bhfíonta níos atá sine ná 2 bhliain, dearg an rúibín ar a bhfuil imreacha terracotta tar éis an aosaithe, dath an ghairnéid.
Cumhracht – piobair ghlasa, fraocháin ghorma, silíní dubha, boladh sainiúil fásra fhiáin, féar, acáise agus bláth teile, triopaill fíonchaor sa chéad chéim dá bhforbairt; fásra glas, asparagas, ológa glasa, spíosrach (sinséar, sillí glas); tugann an t-aosú mionbhlasanna sméar dubh, plumaí aibí, silíní searbha agus caife; ag brath ar an aois, faightear blasanna tobac le blas láidir na tainnine.
Blas – mín, comhchuí, corr, saibhir, tainniní boga, blas mín ach so-aitheanta torthaíoch de phrúnaí (gan a bheith deataithe), sméara dubha, bolaithe beaga fanaile nó cainéil le haosú, boladh mín cuiríní dubha.
Iarbhlas láidir agus blas atá beagán subhúil. Cumhracht torthaí foraoise, súnna craobh, silíní géara, silíní searbha, blas úr mín; faightear iarbhlas fada taitneamhach le haibiú agus le haosú.
Saintréithe anailíseacha ginearálta |
|
Uasmhéid nirt alcóil iomláin (mar % den toirt) |
15,00 |
Íosmhéid nirt alcóil iarbhír (mar % den toirt) |
11,00 |
Íosmhéid aigéadachta iomláine |
4,5 gram in aghaidh an lítir, arna léiriú mar aigéad tartarach |
Uasmhéid aigéadachta luainí (i milleachoibhéisí in aghaidh an lítir) |
20 |
Uasmhéid dé-ocsaíde sulfair iomláine (i milleagraim in aghaidh an lítir) |
150 |
3. Fíon tuí
TUAIRISC THÉACSÚIL GHAIRID
Dath buí amhail tuí, idir glasbhuí agus buí órga, le cumhracht thipiciúil Muscat (torthaí coimhthíocha, citreas, blasanna bláthacha de bhláthanna fíniúna, féar tirim úrghearrtha, seasmain, acáise), deas corr agus mín. Bíonn na fíonta úr, torthaíoch (piorraí, aibreoga, torthaí buí aibí) agus mín sa bhéal; agus iad ag aosú, tagann cumhracht chasta ar roinnt cineálacha a mbíonn aigéadacht acu atá comhtháite go maith.
Saintréithe anailíseacha ginearálta |
|
Uasmhéid nirt alcóil iomláin (mar % den toirt) |
15,00 |
Íosmhéid nirt alcóil iarbhír (mar % den toirt) |
11,00 |
Íosmhéid aigéadachta iomláine |
4,5 gram in aghaidh an lítir, arna léiriú mar aigéad tartarach |
Uasmhéid aigéadachta luainí (i milleachoibhéisí in aghaidh an lítir) |
18 |
Uasmhéid dé-ocsaíde sulfair iomláine (i milleagraim in aghaidh an lítir) |
200 |
5. Cleachtais fíon oireachta
5.1. Cleachtais fíon oireachta shonracha
1. Cleachtais fíon oireachta
Modh fáis
— |
dlús plandála – íosmhéid 3 500 fíniúin in aghaidh an heicteáir; |
— |
glasbhuaint – líon na dtriopall fíonchaoire a laghdú ag veraison (tús an aibithe) má sháraíonn an táirgeacht ionchasach na huasteorainneacha atá ceadaithe de réir na sonraíochta maidir le fíonta a bhfuil sonrúchán tionscnaimh cláraithe Lechinţa orthu. |
5.2. Uastáirgeacht
1. |
buantar ag lánaibíocht (CMD), cineálacha Pinot gris, Sauvignon, Neuburger, Fetească regală, Traminer roz 12 000 cileagram fíonchaor in aghaidh an heicteáir |
2. |
ar feadh an téarma thraidisiúnta DOC-CMD, cineálacha Cabernet Sauvignon, Fetească neagră, Merlot, Pinot noir 12 000 cileagram fíonchaor in aghaidh an heicteáir |
3. |
buantar ag lánaibíocht (CMD), cineálacha Riesling Iodálach, Fetească albă, Chardonnay 10 000 cileagram fíonchaor in aghaidh an heicteáir |
4. |
buantar ag lánaibíocht (CMD), cineál Muscat Ottonel 8 000 cileagram fíonchaor in aghaidh an heicteáir |
5. |
buantar ag lánaibíocht (CMD), cineálacha Pinot gris, Sauvignon, Neuburger, Fetească regală, Traminer roz 80 heictilítear in aghaidh an heicteáir |
6. |
buantar ag lánaibíocht (CMD), cineálacha Cabernet Sauvignon, Fetească neagră, Merlot, Pinot noir 78 heictilítear in aghaidh an heicteáir |
7. |
buantar ag lánaibíocht (CMD), cineálacha Riesling Iodálach, Fetească albă, Chardonnay 66 heictilítear in aghaidh an heicteáir |
8. |
buantar ag lánaibíocht (CMD), cineál Muscat Ottonel 53 cileagram fíonchaor in aghaidh an heicteáir |
9. |
fíon tuí (Muscat Ottonel) 5 000 cileagram fíonchaor in aghaidh an heicteáir |
10. |
fíon tuí (Muscat Ottonel) 12.50 heictilítear in aghaidh an heicteáir |
6. Limistéar geografach críochaithe
Contae Bistrița-Năsăud:
— |
Bardas Lechinţa – sráidbhailte Lechinţa, Sângeorzu Nou, Vermeş, Ţigău agus Sâniacob; |
— |
Bardas Galaţii Bistriţei – sráidbhailte Galaţii Bistriţei, Herina agus Tonciu; |
— |
Bardas Matei – sráidbhailte Matei, Corvineşti, Enciu agus Bidiu; |
— |
Bardas Braniştea – sráidbhaile Braniştea; |
— |
Bardas Petru Rareş – sráidbhailte Petru Rareş agus Reteag; |
— |
Bardas Uriu – sráidbhaile Uriu; |
— |
Bardas Şieu-Odorhei – sráidbhailte Şieu-Odorhei agus Bretea; |
— |
Sráidbhailte Teaca, Viile Tecii, Archiud, Ocniţa agus Pinticu; |
— |
Sráidbhaile Urmeniş; |
— |
Sráidbhaile Milas; |
— |
Sráidbhailte Șieu, Ardan, Posmuș agus Șoimuș. |
— |
Bardas Bistrița, a bhfuil na ceantair Ghinda agus Viișoara ann |
— |
Sráidbhailte Dumitra agus Cepari; |
— |
Sráidbhailte Budacu de Jos, Buduș agus Jelna; |
— |
Sráidbhaile Livezile; |
— |
Bardas Cetate – sráidbhailte Satu Nou agus Petriș. |
— |
Contae Mures: |
— |
Sráidbhailte Batoș, Dedrad, Goreni agus Uila; |
— |
Sráidbhailte Band, Mădăraș, Mărășești, Drăculea Bandului, Fânațe, Negrenii de Câmpie agus Fânațele Mădărașului; |
— |
Sráidbhailte Ceuașu de Câmpie agus Culpiu |
7. Cineál/cineálacha fíniúna
Cabernet Sauvignon N – Petit Vidure, Bourdeos tinto
Chardonnay B – Gentil blanc, Pinot blanc Chardonnay
Fetească albă B – Păsărească albă, Poama fetei, Mädchentraube, Leanyka, Leanka
Fetească neagră N – Schwarze Mädchentraube, Poama fetei neagră, Păsărească neagră, Coada rândunicii
Fetească regală B – Königliche Mädchentraube, Königsast, Kiralyleanka, Dănășană, Galbenă de Ardeal
Merlot N – Bigney rouge
Muscat Ottonel B – Muscat Ottonel blanc
Neuburger B – Neuburg
Pinot Gris G – Affumé, Grauer Burgunder, Grauburgunder, Grauer Mönch, Pinot cendré, Pinot Grigio, Ruländer
Pinot noir N – Blauer Spätburgunder, Burgund mic, Burgunder roter, Klăvner Morillon Noir
Riesling Italian B – Olasz Riesling, Olaszriesling, Welschriesling
Sauvignon B – Sauvignon verde
Traminer Rose Rs – Rosetraminer, Savagnin Rose, Gewürztraminer
8. Tuairisc ar an nasc (na naisc)
8.1. Mionsonraí an limistéir
Tá an tír-raon go hiomlán cnocach, ina bhfuil na cnoic Fo-Chairp (cnoic Bistrița agus Mureșu) san oirthear, agus cnoic arda Mhachaire thoir na Trasalváin (cnoic Jimboru, Lechinţa, Comlod agus Mădăraș) san iarthar. Bíonn barr na gcnoc ag airde 300-500 m de ghnáth agus bíonn fánaí acu atá claonta go measartha nó go géar (5° go 25°), agus bíonn na fíonghoirt scaipthe amach go forleathan. Bíonn an mheánfhrasaíocht thaifeadta 650-700 mm/bliain sna gleannta (715 in Beclean, 680 in Bistrița, 655 in Reghin, 647 in Chiochiș, 640 in Lechței, 635 in Teaca) agus thart ar 800 mm ar mhullaí na gcnoc, a bhaineann uasmhéid frasaíochta amach idir mí na Bealtaine agus mí Lúnasa agus íosmhéid frasaíochta amach sa gheimhreadh, nuair a bhíonn an sneachta i réim ar feadh idir 30 agus 40 lá ar an meán.
8.2. Nasc leis an limistéar críochaithe
Bíonn na fíonghoirt ar na fánaí theas, thoir theas nó thiar theas, agus sna gleannta idir cnoic, ina mbíonn teas agus solas.
Leis na teochtaí ísle (5-10 oC) le linn na tréimhse buainte, tagann laghdú ar na próisis ocsaídiúcháin agus einsímeacha, rud a chuidíonn le dea-riocht a choimeád sna fíonchaora agus cáilíocht na mbolaithe a bhaineann go sonrach leis na cineálacha a chothabháil. Is toisc thábhachtach í aigéadacht ard an úrfhíona maidir le hoibríochtaí léirghlanta úrfhíona agus cuidíonn sé sin le dlús a chur faoin bpróiseas coipthe.
Mar gheall ar na laethanta ceomhara a tharlaíonn ag deireadh an tsamhraidh, a leanann ar aghaidh ar feadh thrian an fhómhair beagnach (Meán Fómhair agus Deireadh Fómhair), tagann na fíonchaora in aibíocht go mall agus coimeádtar na bolaithe agus na hardleibhéil thairiseacha aigéadachta arda, rud a mbíonn tionchar dearfach aige ar cháilíocht na bhfíonta a fhaightear. Ina theannta sin, le linn thréimhse aibithe na bhfíonchaor, bíonn na meánteochtaí lae thart ar 23 oC agus bíonn na meánteochtaí oíche thart ar 12 oC. Mar gheall ar an dá thoisc sin tagann méadú tairiseach ar an méid siúcra agus tagann laghdú ar an aigéadacht, nó fanann sé tairiseach nó beagnach tairiseach. Tá an comhshaol sin d’ocsaídiúchán fíonchaoire laghdaithe fabhrach do mhéadú tairiseach i gcáilíocht na mbolaithe saora agus ceangailte, a bhíonn ag leibhéil arda ag deireadh na tréimhse aibithe.
8.3. Sonraí faoin táirge
Léiríonn na fíonta geala torthaíocht, saintréithe fíona agus úire. Tá cáil orthu mar gheall ar an aigéadacht níos airde a bhaineann leo de thoradh na haeráide, a thugann úire agus beocht don fhíon. Dath idir scothghlas agus buí amhail tuí, dath scothghlas buí le himirceacha órga, le cion úisc agus gliocóil ard, agus blas mín olartha.
Bíonn bolaithe tarraingteacha luibheolaíocha orthu, de pheitil róis, bláth acáise, súnna craobh, silíní géara, agus blas a bhíonn beagán spíosrach in amanna. Bíonn siad cothromaithe de thoradh an nirt alcóil níos airde, agus d’fhéadfadh an gliocról iad a dhéanamh olartha agus tathagach. Coipthe ag teochtaí ísle, is féidir boladh tánaisteach coipthe teacht ar na fíonta, agus is féidir boladh sonrach meala teacht orthu trína stóráil le linn a n-aibithe agus a n-aosaithe (agus cuireann an fíon óg féar tirim úrghearrtha i gcuimhne uaireanta).
Bíonn sé de nós acu blas idir searbh agus milis a bheith acu sa bhéal, beagán spíosrach nó bolaithe míne citris, agus le haibiú i mbairillí adhmaid agus le haosú i mbuidéil, faightear blas deas taitneamhach veilbhitiúil.
Bíonn loirg bheaga rísíní ar na fíonta dearga, blas láidir tar éis iad a bheith á stóráil ar feadh 18 mí ar a laghad, dath dúdhearg agus beagán corcra agus iad óg, dúdhearg an rúibín agus iad á n-aosú ar feadh breis agus 2 bhliain, donnrua nó dearg an rúibín uaireanta, geal, agus imirceacha terracotta tar éis iad a aosú.
Is de fhraocháin ghorma, de shilíní dubha, de bholadh sainiúil fásra fhiáin, agus de thriopaill fíonchaor iad na bolaithe torthaíocha. Is minic a fhaightear bolaithe de sméara dubha, de phlumaí aibí, de shilíní searbha agus de chaife le haosú: ag brath ar an aois, éiríonn an blas láidir tainnine níos séimhe, ag tabhairt blasanna beaga tobac, fanaile, cnó cócó, liocrais, piobair ghlasa, ológa glasa, tósta agus sinséir.
bolaithe beaga ach so-aitheanta de phrúnaí (gan a bheith deataithe) agus sméara dubha; ag brath ar an tréimhse aosaithe, tagann blasanna d’fhanaile agus de chainéal, loirg bheaga cuiríní dubha. Bíonn na fíonta an-searbh agus tathagach, le blas agus boladh luibheolaíoch. D’fhéadfadh sé go n-éireodh roinnt fíonta beagán níos lú olartha le haosú, ach faigheann siad cumhracht chomhchuí.
9. Coinníollacha breise fíor-riachtanacha (pacáistiú, lipéadú, ceanglais eile)
Coinníollacha margaíochta (lipéadú)
Creat dlíthiúil:
Sa reachtaíocht náisiúnta
An cineál coinníll bhreise:
Forálacha breise a bhaineann le lipéadú
Tuairisc ar an gcoinníoll:
Gan forálacha breise.
I gcomhréir le mianta na dtáirgeoirí, agus chun an bhaint idir logainmneacha ceantar áirithe agus traidisiúin fíonóireachta a fheabhsú, is féidir go gcuirfear, nó nach gcuirfear, ceann de na sonrúcháin fíonghoirt singil seo a leanas le sonrúchán tionscnaimh faoi chosaint Lechința: VERMEȘ, SÂNIACOB, SÂNGEORZU NOU, TEACA, URMENIȘ, DUMITRA, VIIȘOARA (STEINIGER), BATOȘ, CULPIU.
Nasc chuig an tsonraíocht táirge
https://www.onvpv.ro/sites/default/files/caiet_sarcini_doc_lechinta_modif_cf_cererii_2_de_modif_din_28.06.2018_no_track_changes_0.pdf