Sliocht as cinneadh foirceanta atá le foilsiú de bhun Airteagal 13 de Threoir 2001/24/CE ó pharlaimint na hEorpa agus ón gComhairle

Féimheacht Amsterdam Trade Bank N.V.

(2022/C 211/08)

An 22 Aibreán 2022, dhearbhaigh Cúirt Dúiche Amstardam féimheacht Amsterdam Trade Bank N.V. (“ATB”) (F.13/22/77), a bhíonn ag trádáil freisin faoi na hainmneacha ATBANK, ATBConnect, ATBSavings, FIBR agus FIBR Bank freisin, atá cláraithe leis an gComhlachas Tráchtála faoi uimhir 33260432, de bhun Airteagal 212h et seq. d’Acht Féimheachta na hÍsiltíre. Tá oifig chláraithe Amsterdam Trade Bank N.V. suite ag Strawinskylaan 1939 (1077XX) in Amstardam. Cheap an chúirt an Breitheamh C.H. Rombouts le bheith ina Bhreitheamh Maoirseoireachta. Ceapadh A. van Hees agus J.E.P.A. van Hooff, Bosca PO 75640 (1070 AP) Amstardam, an Ísiltír, le bheith ina n-iontaobhaithe i bhféimheacht le haghaidh Amsterdam Trade Bank N.V. Seachas i gcásanna eisceachtúla, tá feidhm ag dlí na hÍsiltíre maidir leis na himeachtaí féimheachta. Is é De Nederlandsche Bank N.V. an maoirseoir inniúil. Rachaidh na hiontaobhaithe i bhféimheacht i dteagmháil le gach creidiúnaí atá aitheanta. Más creidiúnaí de chuid ATB thú agus má tá aon cheist sonrach eile agat maidir leis an bhféimheacht, déan teagmháil le deasc faisnéise na n-iontaobhaithe i bhféimheacht trí ríomhphost a sheoladh chuig infoatb@stibbe.com.