AN COIMISIÚN EORPACH

An Bhruiséil,20.7.2018

COM(2018) 548 final

Togra le haghaidh

CINNEADH Ó PHARLAIMINT NA hEORPA AGUS ÓN gCOMHAIRLE

maidir leis an gCiste Eorpach um Choigeartú don Domhandú a úsáid tar éis
iarratas ón Ísiltír – FMT:ItalicEGF/2018/001 NL/Financial service activities

MEABHRÁN MÍNIÚCHÁIN

COMHTHÉACS AN TOGRA

1.Leagtar síos na rialacha is infheidhme maidir le ranníocaíochtaí airgeadais ón gCiste Eorpach um Choigeartú don Domhandú (CED) i Rialachán (AE) Uimh. 1309/2013 ó Pharlaimint na hEorpa agus ón gComhairle an 17 Nollaig 2013 maidir leis an gCiste Eorpach um Choigeartú don Domhandú (2014-2020) agus lena naisghairtear Rialachán (CE) Uimh. 1927/2006 1 (an ‘Rialachán maidir le CED’).

2.An 23 Feabhra 2018, rinne an Ísiltír iarratas a thíolacadh EGF/2018/001 NL/Financial service activities ar íocaíocht airgeadais, de dheasca iomarcaíochtaí 2 san earnáil eacnamaíoch a aicmítear faoi Rannán NACE 64 Athbhreithniú 2 - gníomhaíochtaí seirbhísí airgeadais, cé is moite de chistiú árachais agus pinsin sna réigiúin leibhéal 2 NUTS, is iad sin NL12 - An Fhreaslainn, NL13 - Drenthe and NL21 - Overijssel san Ísiltír.

3.Tar éis dó measúnú a dhéanamh ar an iarratas sin, bhain an Coimisiún de chonclúid as, i gcomhréir leis na forálacha uile is infheidhme den Rialachán maidir le CED, gur comhlíonadh na coinníollacha maidir le ranníocaíocht airgeadais ó CED a dhámhachtain.

ACHOIMRE AR AN IARRATAS

MEASÚNÚ AR AN IARRATAS

Nós imeachta

4.Rinne an Ísiltír an tiarratas EGF/2018/001  NL/Financial service activities a thíolacadh an 23 Feabhra 2018, faoi cheann 12 sheachtain ón dáta a comhlíonadh na critéir idirghabhála a leagtar amach in Airteagal 4 den Rialachán maidir le CED. D’admhaigh an Coimisiún go bhfuarthas an tiarratas ar an lá céanna, agus an 9 Márta 2018, d’iarr sé ar an Ísiltír faisnéis bhreise a sholáthar. Soláthraíodh an fhaisnéis bhreise sin tar éis síneadh coicíse a chur leis an spriocdháta de shé seachtaine ar iarratas a raibh údar cuí leis ón Ísiltír An spriocdháta 12 sheachtain ó fháil an iarratais chomhlánaithe ar lena linn ba cheart don Choimisiún a mheasúnú a chur i gcrích ar an gcaoi a bhfuil na coinníollacha maidir le ranníocaíocht airgeadais a sholáthar á gcomhlíonadh leis an iarratas, rachaidh sé in éag an 27 Iúil 2018.

Incháilitheacht an iarratais

Na fiontair agus na tairbhithe lena mbaineann

5.Baineann an tiarratas le 1 324 oibrí a cuireadh ar iomarcaíocht san earnáil eacnamaíoch arna haicmiú faoi NACE Rannán 2 Athbhreithniú 64 - Gníomhaíochtaí seirbhísí airgeadais, cé is moite de chistiú árachais agus pinsin. Tá na hiomarcaíochtaí lonnaithe sna réigiúin NUTS leibhéil 2, is iad sin NL12 - An Fhreaslainn, NL13 - Drenthe and NL21 - Overijssel 6 .

Critéir idirghabhála

Chuir an Ísiltír an tiarratas isteach faoi na critéir idirghabhála a leagtar amach in Airteagal 4(1)(b) den Rialachán maidir le CED, lena néilítear 500 oibrí iomarcach ar a laghad a bheith déanta iomarcach le linn tréimhse thagartha naoi mí i bhfiontair atá ag oibriú san earnáil eacnamaíoch chéanna arna sainiú ag Rannán NACE Athbhreithniú 2 agus iad lonnaithe i réigiún amháin nó dhá réigiún arna sainiú ag NUTS leibhéal 2 i mBallstát. Bhí 610 iomarcaíocht sa réigiún NUTS leibhéal 2 NL21 - Overijssel. Maireann an tréimhse thagartha naoi mí don iarratas ón 24 Márta 2017 go dtí an 24 Nollaig 2017.

Iomarcaíochtaí agus deireadh le gníomhaíocht a ríomh

6.Rinneadh na 1 324 oibrí ar fad a cuireadh ar iomarcaíocht le linn na tréimhse tagartha a ríomh ó dháta fhógra aonair an fhostóra lenar léiríodh go raibh an toibrí le leagan as nó go raibh conradh fostaíochta an oibrí le foirceannadh.

7.Is é 1 324 dhuine an líon iomlán tairbhithe incháilithe.

Nasc idir na hiomarcaíochtaí agus an ghéarchéim dhomhanda airgeadais agus eacnamaíoch a dtugtar aghaidh uirthi i Rialachán (AE) Uimh. 546/2009”]

8.Chun nasc a bhunú idir na hiomarcaíochtaí agus an ghéarchéim dhomhanda airgeadais agus eacnamaíochta a dtugtar aghaidh uirthi i Rialachán (CE) Uimh. 546/2009, tá an cás á dhéanamh ag an Ísiltír go raibh tionchar tromchúiseach ag an ngéarchéim airgeadais agus eacnamaíoch ar na seirbhísí agus ar fheidhmíocht na mbanc Ollannach 7   8   9 .

9.I ngeall ar timpeallacht ina bhfuil ráta úis íseal, a tugadh isteach mar fhreagra ar an ngéarchéim airgeadais, na coinníollacha rialála níos déine, an titim mhór i margadh na morgáistí agus i soláthar creidmheasa d’Fhiontair Bheaga agus Mheánmhéide (FBManna), thit an bhrabúsacht, rud ba chúis le géarghá le costais a laghdú. Sa tuarascáil tíre 2018 ón gCoimisiún deimhnítear na rátaí úis ísle , an titim in iasachtaí do FBManna agus na fiacha atá ar líonta tí príobháideacha san Ísiltír 10 .

10.Maidir leis an margadh morgáistí, is féidir titim mhór a thabhairt faoi deara idir 2006 agus 2015 11 . Tá téarnamh beag ann ó bhí 2016 ann, ach tá na leibhéil i bhfad níos ísle ná mar a bhí roimh an ngéarchéim airgeadais eacnamaíoch. Is ar éigean go bhfuil ráta fáis ar bith ar mhorgáistí nua bliantúla; cé go raibh an ráta idir 4 % agus 5 % in aghaidh na bliana, roimh an ngéarchéim in 2008. Ó tháinig gníomhaithe nua isteach sa mhargadh - amhail cistí pinsean agus cuideachtaí árachais - cuireadh dlús le titim ghnó na morgáistí do bhainc.

11.Is féidir titim láidir a shonrú sa soláthar creidmheasa le haghaidh fiontair bheaga agus mheánmhéide (FBManna) 12 le 10 mbliana anuas, gan aon téarnamh ann i dtreo an leibhéil a bhí ann in 2008.

12.Mar thoradh air sin laghdaigh na bainc a gcuid foirne, rud a rinneadh go príomha trí oifigí brainsí réigiúnacha a dhúnadh agus seirbhísí a aistriú i dtreo baincéireacht ar líne. D’imigh leathchuid de na hoifigí brainse as feidhm idir 2004 agus 2014 13 agus tá an treocht sin ann go fóill. Is iad na daoine a bhí ag déileáil go díreach go díreach leis na cliaint agus a rinne an riarachán a bhain leis, is mó a cuireadh ar iomarcaíocht.

13.Go dtí seo, an earnáil a bhaineann le ‘Gníomhaíochtaí seirbhísí airgeadais, cé is moite de chistiú árachais agus pinsin’, ní raibh sí ina hábhar iarratais ar mhaoiniú ó CED.

Eachtraí as ar tháinig na hiomarcaíochtaí agus an deireadh le gníomhaíocht

14.Bhí tionchar díreach diúltach ag rátaí úis ísle (corrlaigh úis ísle) ar bhrabúsacht na mbanc. Déantar brabúsacht a athbhunú go príomha trí chostais a laghdú, trí gach brainse réigiúnach a dhúnadh agus trí ghnó uathoibríoch a éascú, chun an gnó a choinneáil ar obair. Dá thoradh sin, tá laghdú ag teacht de réir a chéile ar líon na noibrithe sna bainc ar fad.

15.Tháinig méadú 8.6 % ar líon na niomarcaíochtaí in earnáil bhaincéireachta na hÍsiltíre idir Aibreán 2016 agus Aibreán 2017, agus san am céanna tháinig laghdú 12.8 % 14 ar mheánlíon na niomarcaíochtaí ar fud earnálacha éagsúla. Bhí 1 434 oifig bhrainse ag Rabobank in 2004; in 2014 ní raibh fágtha ach 566 (-60 %). Dhún ABN-AMRO 427 dá gcuid oifigí le linn na tréimhse céanna (-57 %) 15 . Dhún Volksbank (SNS) 14 % dá chuid oifigí réigiúnacha idir 2004 agus 2014. Is sa Fhreaslainn, in Drenthe agus in Overijssel is mó a bhí an laghdú ar líon na noifigí réigiúnacha le sonrú. Ós rud é nach raibh an oiread céanna oifigí réigiúnacha riamh ag ING ná mar a bhí ag na bainc eile (276), níor dhún sé oifig ar bith, ach laghdaigh sé an líon foirne sna hoifigí a bhí ann cheana.

16.Idir 2010 agus 2016 thit líon foriomlán na bhfostaithe sna ceithre bhanc a luadh cheana ó 158 588 go dtí 122 556; titim 23 % is ea é sin 16 .

17.Ina theannta sin, tá iomarcaíochtaí mórscála á dtuar ag ABN-AMRO 17 , ag ING 18 agus ag Rabobank 19 . Maidir le Volksbank, banc nach ndearnadh atheagrú cuimsitheach nó athstruchtúrú air le blianta beaga anuas, tá sé tar éis pleananna a fhógairt go bhfuil sé lena atheagrú féin agus go mbeidh iomarcaíochtaí 20 ann.

18.Tá méadú de bhreis agus trí oiread tagtha ar an líon daoine atá ar shochair dífhostaíochta san earnáil ná mar a bhí ag tús na tréimhse idir 2008 agus 2015 21   22 agus in 2016 tháinig méadú 27.7 % ar an líon daoine as an earnáil bhaincéireachta a d’iarr sochair dífhostaíochta, i gcomparáid le 2015 mar gheall ar atheagrú na hearnála. Ina theannta sin, ba í an earnáil bhaincéireachta an taon earnáil a raibh titim ann ó thaobh fostaíochta de in 2016; bhí níos lú daoine nua ag iarraidh sochar dífhostaíochta sna hearnálacha eile ar fad.

19.Pearsanra ar leibhéil íseal nó ar mheánleibhéal oideachais ba mhó a bhí thíos le laghduithe, amhail pearsanra riaracháin agus fáilteoirí. Ní mheastar go dtiocfaidh feabhas rómhór ar an ionchas fostaíochta i leith na gcineálacha oibre sin. San earnáil bhaincéireachta is ag mná a bhí feidhmeanna ar leibhéal íseal nó ar mheánleibhéal; Dá bhrí sin, tá an céatadán dífhostaíochta i measc na mban (55 %) níos airde ná an céatadán i measc na bhfear (45 %). Tá 45 % de na daoine dífhostaithe san earnáil bhaincéireachta 55 bliana d’aois nó níos sine.

An tionchar a mheastar a bheidh ag na hiomarcaíochtaí ar an ngeilleagar áitiúil, réigiúnach nó náisiúnta agus ar an bhfostaíocht

20.Tá dúshlán ar leith ag baint leis an iomarcaíocht sa bhaincéireacht maidir leis na trí chúige lena mbaineann 23 . Tá an dífhostaíocht níos airde sna trí réigiúin ar fad ná an meán náisiúnta, 5.4 %. Sa Fhreaslainn is ag 10,8 % 24 atá sé, 7 % 25 in Drenthe agus 6,3 % 26 in Overijssel. Tríd agus tríd d’éirigh le 66 % de na daoine post nua a fháil faoi cheann bliain amháin tar éis a ndífhostaithe. San earnáil bhaincéireachta níor éirigh ach le 39 % de na daoine post nua a fháil faoi cheann bliana 27 .

21.De réir Ghníomhaireacht um Árachas Fostaíochta na hÍsiltíre (UWV), is beag dóchas atá ann do na daoine sin post eile a fháil san earnáil chéanna, ó tharla nach bhfuil aon téarnamh á thuar san earnáil ó thaobh fostaíochta de. De réir na réamhfhaisnéisí, beidh titim eile san fhostaíocht ann san earnáil in 2018 28 .

22.Sa Fhreaslainn bhí post san earnáil bhaincéireachta roimhe sin ag 16 % de na daoine atá ag cur isteach ar shochair dífhostaíochta, cineálacha post nach bhfuil de dhíth sa réigiún a thuilleadh mar gheall ar dhúnadh bhrainsí réigiúnacha na mbanc, i measc cúiseanna eile 29 .

23.In Overijjssel tá an earnáil bhaincéireachta sa dara háit ar liosta chúlraí gairme na ndaoine a dhéanann iarratas ar shochair dífhostaíochta 30 .

24.An tionchar atáthar á thuar sna críocha sin a ndéanann sé difear dóibh, tá sé nasctha leis na deacrachtaí a bhaineann le hath-imlonnú oibrithe laistigh den earnáil chéanna. Molann UWV do dhaoine san earnáil bhaincéireachta sna trí chúige sin féachaint le bogadh go gairm, earnáil nó réigiún eile 31   32 .. Na trí réigiún lena mbaineann, áiteanna inar FBManna iad tromlach na gcuideachtaí 33 , níl siad chomh tionsclaithe agus chomh héagsúlaithe céanna le réigiúin eile san Ísiltír.. Mar sin féin, tá deiseanna nua fostaíochta ann sna hearnálacha sláinte, TFC, lóistíochta, rialú airgeadais agus in earnálacha eile.

25.Tá grúpaí leochaileacha ann mar chuid de na 1 324 oibrí a dífhostaíodh foireann cléireachais/díolacháin (52 % san iarratas), mná (59 %) agus daoine aosta thar 55 bliana d’aois (27 %). Is i bpoist ghairmiúla/theicniúla a d’oibrigh leathchuid de na daoine a dífhostaíodh. Dá bhrí sin, tá sé tábhachtach tacú le hath-imeascadh tapa na noibrithe a dífhostaíodh sa mhargadh saothair, mar go mbeidh sé deacair acu teacht ar phost nua astu féin. 

26.Is faide i bhfad an mheántréimhse a chaitheann pearsanra baincéireachta dífhostaithe ar shochar dífhostaíochta ná daoine dífhostaithe as earnálacha eile. Ina theannta sin, léirítear i sonraí ó UWV go raibh post san earnáil bhaincéireachta roimhe sin ag 12 % ar a laghad de na daoine a rinne iarratas ar shochar dífhostaíochta 34 .

Na tairbhithe ar a bhfuiltear ag díriú agus na gníomhaíochtaí atá beartaithe

Na tairbhithe ar a bhfuiltear ag díriú

27.Meastar gurb é 450 duine an líon oibrithe iomarcacha a ghlacfaidh páirt sna bearta. Na hoibrithe incháilithe eile, tá siad ag aistriú go dtí earnálacha nó go dtí réigiúin eile, ag dul ar scor nó ag glacadh páirte i scéimeanna náisiúnta agus áitiúla le haghaidh athfhostaithe. Is mar seo a leanas atá an miondealú ar na hoibrithe sin de réir gnéis, saoránachta agus aoisghrúpa:

*: % slánaítear na figiúirí sin

Incháilitheacht na ngníomhaíochtaí atá beartaithe

28.Tá na gníomhaíochtaí seo a leanas i gceist leis na seirbhísí pearsantaithe a sholáthrófar d’oibrithe iomarcacha:

–Iontógáil: mapálfaidh an beart seo na rannpháirtithe de réir a gcumas, a nionchas agus a bpeirspictíochtaí fostaíochta. Ag deireadh gach iontógála, cuirfear comhairle orthu.

–Cúnamh cuardaigh poist: déanfar clár saincheaptha a thairiscint ag tús an bhirt seo. Ar na nithe a bheidh san áireamh ann beidh ullmhúchán doiciméid aistrithe, dianoiliúint le haghaidh iarratais ar fhostaíocht, margaí fostaíochta a eagrú agus dianstocaireacht ar fhostaitheoirí, i measc nithe eile.

–Comhthiomsú soghluaisteachta: comhthiomsú solúbtha atá sa bheart seo le haghaidh cuardaitheoirí post agus fostóirí a bhfuil poist shealadacha le tairiscint acu. Bunófar comhthiomsuithe soghluaisteachta réigiúnacha, arb iad iaroibrithe na hearnála baincéireachta an sainréimse speisialtóireachta a bheidh acu. Cuirfidh an beart seo taithí oibre ar fáil do na hoibrithe (a fuair athoiliúint) agus cuideoidh sé leo iad féin a chur i láthair d'fhostóirí nua.

–Oiliúint agus cóitseáil chun fiontraíocht a chur chun cinn: is féidir le roinnt de na rannpháirtithe a gcuid scileanna agus taithí a úsáid chun a ngnó féin a thionscnamh. Cuirfidh an beart seo oiliúint agus cóitseáil ar fáil dóibh, trína scileanna a fhorbairt, plean gnó inbhuanaithe a dhréachtú agus iad a threorú trí na nósanna imeachta reachtacha.

–Oiliúint agus athoiliúint: cuirfidh an beart seo oiliúint, athoiliúint agus saoráidí oideachais eile ar fáil don earnáil mhiondíola agus do phróifílí gairme nua , amhail iompar, seirbhísí TF, gairmeacha teicniúla agus cinn eile nach iad.

–Cúnamh socrúcháin sheachtraigh: tabharfaidh an beart seo treoir agus comhairle ghairme agus oiliúint inniúlachta.

–Deontas chun fiontraíocht a chur chun cinn: tabharfaidh an beart seo deontas chun costais infheistíochta a chumhdach, má éiríonn leis an rannpháirtí na scileanna is gá a fháil agus má tá plean inbhuanaithe gnó aige.

29.Na gníomhaíochtaí atá beartaithe, a bhfuil tuairisc orthu anseo, is bearta gníomhacha maidir leis an margadh saothair iad laistigh de na gníomhaíochtaí incháilithe a leagtar amach in Airteagal 7 den Rialachán maidir le CED. Ní chuirfear na gníomhaíochtaí sin in ionad bearta éighníomhacha cosanta sóisialta.

30.Sholáthair an Ísiltír an fhaisnéis a theastaíonn maidir le gníomhaíochtaí atá éigeantach do na fhiontair lena mbaineann de bhua an dlí náisiúnta nó de bhun comhaontuithe comhchoiteanna. Dheimhnigh sí nach dtiocfadh ranníocaíocht airgeadais ó CED in ionad na ngníomhaíochtaí sin.

Buiséad measta

31.Is é EUR 1 987 500 na costais mheasta iomlána, a chuimsíonn caiteachas EUR 1 908 000 ar sheirbhísí pearsantaithe agus caiteachas EUR 79 500 ar ghníomhaíochtaí ullmhúcháin, bainistíochta, faisnéise agus poiblíochta, rialaithe agus tuairiscithe.

32.Is é EUR 1 192 500 (60 % de na costais iomlána) an ranníocaíocht airgeadais iomlán a iarradh ar CED.

*: slánaítear na figiúirí sin

33.Dheimhnigh an Ísiltír nach sáródh costais na ninfheistíochtaí le haghaidh féinfhostaíochta, gnólachtaí nuathionscanta agus táthcheangail ag fostaithe EUR 15 000 in aghaidh an tairbhithe.

Tréimhse incháilitheachta caiteachais

34.An 1 Eanáir 2018, thosaigh an Ísiltír na seirbhísí pearsantaithe a sholáthar do na tairbhithe ar a bhfuiltear ag díriú. Dá bhrí sin, beidh an caiteachas ar na gníomhaíochtaí incháilithe le haghaidh ranníocaíocht airgeadais ó CED ón 1 Eanáir 2018 go dtí an 23 Feabhra 2020.

35.An 1 Deireadh Fómhair 2017, thosaigh an Ísiltír ag tabhú an chaiteachais riaracháin chun CED a chur chun feidhme. Dá bhrí sin, beidh an caiteachas ar ghníomhaíochtaí ullmhúcháin, bainistíochta, faisnéise agus poiblíochta, rialaithe agus tuairiscithe incháilithe le haghaidh ranníocaíocht airgeadais ó CED ón 1 Deireadh Fómhair 2017 go dtí an 23 Lúnasa 2020.

Comhlántacht maidir le gníomhaíochtaí arna maoiniú ó chistí náisiúnta nó ó chistí an Aontais

36.Is iad cistí na Gníomhaireachta um Árachas Fostaíochta (UWV), na cúigí, cistí oideachais agus cistí na gcomhpháirtithe sóisialta na foinsí atá ann le haghaidh réamh-mhaoiniú náisiúnta nó comhchistiú náisiúnta.

37.Maidir leis na bearta a bhfuil tuairisc orthu thuas agus atá ag fáil ranníocaíocht airgeadais ó CED, dheimhnigh an Ísiltír nach bhfaighidís ranníocaíochtaí airgeadais freisin ó ionstraimí airgeadais eile de chuid an Aontais.

Nósanna imeachta maidir le dul i gcomhairle leis na tairbhithe ar a bhfuiltear ag díriú nó lena nionadaithe nó leis na comhpháirtithe sóisialta agus le húdaráis áitiúla agus réigiúnacha

38.Thug an Ísiltír le fios gur tarraingíodh suas pacáiste comhordaithe na seirbhísí pearsantaithe i ndlúthchomhairle le páirtithe leasmhara agus le comhpháirtithe sóisialta amhail Comhlachas Baincéireachta na hÍsiltíre (NVB), Cónaidhm na hÍsiltíre le haghaidh Ceardchumann (FNV) agus Cónaidhm na gCeardchumann Náisiúnta Críostaí (CNV), go háirithe maidir leis an bpacáiste comhordaithe de sheirbhísí a dhréachtú. Beidh na comhpháirtithe sóisialta rannpháirteach sa choiste stiúrtha, coiste a bhunófar chun bearta uile an mhargaidh shaothair a chomhordú.

39.Ar na gníomhaíochtaí ullmhúcháin bhí cruinnithe le hionadaithe earnála, le bardas Leeuwarden agus leis na trí chúige. Na comhpháirtithe lena mbaineann (comhpháirtithe sóisialta, ionadaithe na hearnála baincéireachta) mar aon le UWV, rinne siad tuairisc mhionsonraithe ar chineál agus ar mhéid na faidhbe. Ullmhaíodh plean do na hoibrithe iomarcacha le go mbeidh seans níos fearr acu teacht ar phost úr.

Córais bhainistíochta agus rialaithe

40.Déantar tuairisc san iarratas ar an gcóras bainistíochta agus rialaithe lena sonraítear freagrachtaí na gcomhlachtaí lena mbaineann. Tá sé ar aon dul leis an struchtúr le haghaidh CSE. Na costais a bhaineann leis na gníomhaíochtaí sin, tá siad san áireamh i gcostais iomlána an tionscadail. Chuir an Ísiltír in iúl don Choimisiún gurb é an rannán den roinn Seirbhíse, Comhoibrithe agus Cur chun Feidhme a bhíonn ag plé le Beartas a Chur chun Feidhme a dhéanfaidh an bhainistíocht (SZV; An Aireacht Gnóthaí Sóisialta agus Fostaíochta).

41.Is é Ard-Stiúrthóir Gníomhaíocht Fiontraíochta na hÍsiltíre (RVO) ón Aireacht Gnóthaí Eacnamaíocha agus Beartas Aeráide a dhéanfaidh an rialú airgeadais, ina cháil mar údarás deimhniúcháin. Is é Seirbhís Iniúchóireachta an Lár-Rialtais a bheidh ina údarás neamhspleách iniúchóireachta (an Aireacht Airgeadais).

42.I dtaca le rialú inmheánach agus córais cuntasaíochta, tá oibleagáid ar Rialtas cúigeach Drenthe taifid riaracháin infhíoraithe a choinneáil le haghaidh iniúchtaí.

Na gealltanais a thug an Ballstát lena mbaineann

43.Thug an Ísiltír na dearbhuithe go léir a theastaíonn maidir leis na nithe seo:

–cloífear leis na prionsabail um chóir chomhionann agus neamh-idirdhealú maidir leis an rochtain ar na gníomhaíochtaí atá beartaithe agus maidir le cur chun feidhme na ngníomhaíochtaí sin,

–comhlíonadh na ceanglais atá leagtha síos sa dlí náisiúnta agus i ndlí an Aontais maidir le hiomarcaíochtaí comhchoiteanna,

–ní bhfaighidh na gníomhaíochtaí atá beartaithe tacaíocht airgeadais as cistí eile nó as ionstraimí airgeadais eile de chuid an Aontais agus coiscfear aon mhaoiniú dúbailte,

–beidh na gníomhaíochtaí atá beartaithe ag teacht le gníomhaíochtaí a mhaoinítear leis na Cistí Struchtúracha,

–cloífidh an ranníocaíocht airgeadais ó CED le rialacha nós imeachta agus ábhartha an Aontais maidir le Státchabhair.

IMPLEACHTAÍ BUISÉADACHA

Togra buiséadach

44.Ní sháróidh CED uasmhéid bliantúil EUR 150 milliún (praghsanna 2011), mar a leagtar síos in Airteagal 12 de Rialachán (AE, Euratom) Uimh. 1311/2013 ón gComhairle an 2 Nollaig 2013 lena leagtar síos an creat airgeadais ilbhliantúil do na blianta 2014 go 2020 35 .

45.Tar éis dó an tiarratas a scrúdú i dtaca leis na coinníollacha a leagtar amach in Airteagal 13(1) den Rialachán maidir le CED, agus tar éis dó an líon tairbhithe ar a bhfuiltear ag díriú a chur san áireamh, na gníomhaíochtaí atá beartaithe agus na costais mheasta a chur san áireamh, tá sé beartaithe ag an gCoimisiún CED a úsáid le haghaidh EUR 1 192 500, suim arb ionann í agus 60 % de chostais iomlána na ngníomhaíochtaí atá beartaithe, chun ranníocaíocht airgeadais a sholáthar don iarratas.

46.Maidir le CED a úsáid, is iad Parlaimint na hEorpa agus an Chomhairle i gcomhpháirt le chéile a dhéanfaidh an cinneadh atá beartaithe , mar a leagtar síos i bpointe 13 den Chomhaontú Idirinstitiúideach an 2 Nollaig 2013 idir Parlaimint na hEorpa, an Chomhairle agus an Coimisiún maidir le smacht buiséadach, le comhar i gcúrsaí buiséid agus le bainistíocht fhónta airgeadais 36 .

Gníomhartha gaolmhara

47.An tráth céanna a thíolacfaidh sé an togra seo le haghaidh cinneadh CED a úsáid, déanfaidh an Coimisiún togra a thíolacadh do Pharlaimint na hEorpa agus don Chomhairle le haghaidh EUR 1 192 500 a aistriú chuig an líne bhuiséadach iomchuí.

48.An tráth céanna a ghlacfaidh sé an togra seo le haghaidh cinneadh CED a úsáid, glacfaidh an Coimisiún cinneadh maidir le ranníocaíocht airgeadais trí bhíthin gníomh cur chun feidhme, cinneadh a thiocfaidh i bhfeidhm ar an dáta a ghlacfaidh Parlaimint na hEorpa agus an Chomhairle an cinneadh atá beartaithe CED a úsáid.

Togra le haghaidh

CINNEADH Ó PHARLAIMINT NA hEORPA AGUS ÓN gCOMHAIRLE

maidir leis an gCiste Eorpach um Choigeartú don Domhandú a úsáid tar éis
iarratas ón Ísiltír – EGF/2018/001 NL/Financial service activities

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 1309/2013 ó Pharlaimint na hEorpa agus ón gComhairle an 17 Nollaig 2013 maidir leis an gCiste Eorpach um Choigeartú don Domhandú (2014-2020) agus lena naisghairtear Rialachán (CE) Uimh. 1927/2006 37 , agus go háirithe Airteagal 15(4) de,

Ag féachaint don Chomhaontú Idirinstitiúideach an 2 Nollaig 2013 idir Parlaimint na hEorpa, an Chomhairle agus an Coimisiún maidir le smacht buiséadach, le comhar i gcúrsaí buiséadacha agus le bainistíocht fhónta airgeadais 38 , agus go háirithe pointe 13 de,

Ag féachaint don togra ón gCoimisiún Eorpach,

De bharr an méid seo a leanas:

(1)Is é an aidhm atá leis an gCiste Eorpach um Choigeartú don Domhandú (CED) tacaíocht a thabhairt d’oibrithe a cuireadh ar iomarcaíocht agus do dhaoine féinfhostaithe a bhfuil deireadh tagtha lena ngníomhaíocht i ngeall ar mhórathruithe struchtúracha ar phatrúin na trádála domhanda de thoradh an domhandaithe nó mar gur lean an ghéarchéim dhomhanda airgeadais agus eacnamaíochta ar aghaidh nó i ngeall ar ghéarchéim dhomhanda airgeadais agus eacnamaíochta nua, agus cabhrú le hath-imeascadh na noibrithe sin sa mhargadh saothair.

(2)Ní sháróidh CED uasmhéid bliantúil EUR 150 milliún (praghsanna 2011), mar a leagtar síos in Airteagal 12 de Rialachán (AE, Euratom) Uimh. 1311/2013 39 ón gComhairle.

(3)An 23 Feabhra 2018, rinne an Ísiltír iarratas a thíolacadh CED a úsáid, i ndáil le hiomarcaíochtaí san earnáil eacnamaíoch arna haicmiú faoi aicmiú staidrimh gníomhaíochtaí eacnamaíocha sa Chomhphobal Eorpach (‘NACE’) athbhreithniú 2 Rannán NACE athbhreithniú 2 Rannán 64 (Gníomhaíochtaí seirbhísí airgeadais, cé is moite de chistiú árachais agus pinsin) in aicmiú comhchoiteann na naonad críche maidir le staidreamh (‘NUTS’) 40 leibhéal 2 réigiúin NL 12 - An Fhreaslainn, NL 13 - Drenthe and NL 21 - Overijssel san Ísiltír Mar fhorlíonadh ar an iarratas sin, bhí faisnéis bhreise a soláthraíodh i gcomhréir le hAirteagal 8(3) de Rialachán (AE) Uimh. 1309/2013. Comhlíontar san iarratas sin na ceanglais le haghaidh ranníocaíocht airgeadais ó CED a shocrú, mar a leagtar síos in Airteagal 13 de Rialachán (AE) Uimh. 1309/2013.

(4)Dá bhrí sin, ba cheart CED a úsáid chun ranníocaíocht airgeadais EUR 1 192 500 a sholáthar i leith an iarratais a chuir an Ísiltír isteach.

(5)Chun íoslaghdú a dhéanamh ar an am a thógfar chun úsáid a bhaint as CED, ba cheart feidhm a bheith ag an gcinneadh sin ó dháta a ghlactha,

TAR ÉIS AN CINNEADH SEO A GHLACADH:

Airteagal 1

Le haghaidh bhuiséad ginearálta an Aontais don bhliain airgeadais 2018, bainfear úsáid as an gCiste Eorpach um Choigeartú don Domhandú chun méid EUR 1 192 500 a sholáthar i leithreasuithe faoi chomhair gealltanas agus i leithreasuithe íocaíochta.

Airteagal 2

Tiocfaidh an Cinneadh seo i bhfeidhm lá a fhoilsithe in Iris Oifigiúil an Aontais Eorpaigh Beidh feidhm aige ón [dáta a ghlactha]*.

Arna dhéanamh sa Bhruiséil,

(1)    IO L 347, 20.12.2013, lch. 855.

(2)    De réir bhrí Airteagal 3 den Rialachán maidir le CED.

(3)    Rialachán (AE) Uimh. 1046/2012 ón gCoimisiún an 8 Samhain 2012 lena gcuirtear chun feidhme Rialachán (CE) Uimh. 1059/2003 ó Pharlaimint na hEorpa agus ón gComhairle maidir le haicmiú comhchoiteann na naonad críche le haghaidh staidreamh (NUTS) a bhunú i dtaca le tarchur na hamshraithe le haghaidh an mhiondealaithe réigiúnaigh nua (IO L 310, 9.11.2012, lch. 34).

(4)    IO L 393, 30.12.2006, lch. 1

(5)    I gcomhréir leis an gceathrú mír d’Airteagal 7 de Rialachán (AE) Uimh. 1309/2013.

(6)    An Fhreaslainn (445), Drenthe (269), Overijssel (610)

(7)     https://www.rabobank.com/nl/about-rabobank/results-and-reports/annual-review/2015/organisational-structure/index.html

(8)     https://www.rabobank.com/nl/about-rabobank/results-and-reports/annual-review/2015/organisational-structure/index.html

(9)     https://www.dnb.nl/en/news/news-and-archive/persberichten-2016/dnb341434.jsp https://www.ecb.europa.eu/press/key/date/2016/html/sp161003.en.html https://www.ecb.europa.eu/press/key/date/2017/html/ecb.sp170510.en.html

(10)     https://ec.europa.eu/info/sites/info/files/2018-european-semester-country-report-netherland-en.pdf

(11)    Foinse: https://www.dnb.nl/nieuws/nieuwsoverzicht-en-archief/statistisch-nieuws-2017/dnb358895.jsp

(12)     https://www.dnb.nl/nieuws/nieuwsoverzicht-en-archief/dnbulletin-2014/dnb309784.jsp     Bileog Eolais Chónaidhm Bhainc na hÍsiltíre, Seirbhísí Airgeadais 2016 https://www.nvb.nl/media/document/000258_od15799-nvb-factsheet-zakelijke-dienstverlening-2016-04-07-def.pdf .

(13)     https://fd.nl/frontpage/fd-outlook/1086750/hoe-de-bank-uit-de-buurt-verdwijnt-en-straks-elders-weer-verschijnt

(14)    Newsflash Labourmarket, UWV, April 2017

(15)     https://fd.nl/frontpage/fd-outlook/1086750/hoe-de-bank-uit-de-buurt-verdwijnt-en-straks-elders-weer-verschijnt

(16)    Foinse: tuarascálacha bliantúla ó ING, ABN-AMRO, RABO-bank agus Volksbank

(17)    Roinnt tuarascálacha bliantúla ó ABN-AMRO 2011-2016

(18)    Tuarascálacha bliantúla ó ING Bank 2015 agus 2016.

(19)    Homas Escritt agus Toby Sterling (Nollaig 11, 2015). "Rabobank chun 9,000 post a ghearradh siar agus fáil réidh le sócmhainní chun borradh a chur faoi bhrabús"

(20)     http://www.volkskrant.nl/economie/weer-een-ontslagronde-ook-sns-schrapt-honderden-voltijdbanen~a4435538/

(21)    Deiseanna fostaíochta do dhaoine san earnáil airgeadais, UWV Márta 2017

(22)     https://fd.nl/economie-politiek/1176581/somber-perspectief-voor-ontslagen-bankmedewerker

(23)    Figiúirí ó UWV maidir le dífhostaíocht san earnáil bhaincéireachta.

(24)    Fíricí agus figiúirí, cúige na Freaslainne; http://fryslan.databank.nl

(25)    Fíricí agus figiúirí, cúige Drenthe; http://www.provincie.drenthe.nl/feitenencijfers/cijfers/economie/

(26)    Foinse: CBS Statline https://www.cbs.nl

(27)    Bileog eolais maidir le margadh saothair na hearnála airgeadais, UWV 23 Bealtaine 2017

(28)     https://fd.nl/frontpage/ondernemen/1086910/banken-houden-nog-20-tot-30-kantoren

(29)    Fócas ar réigiún: An Fhreaslainn, UWV 2016

(30)    Fócas ar réigiún: Zwolle, UWV 2016, Fócas ar réigiún: Twente, UWV 2016

(31)    Féach nótaí 28 – 30

(32)    Bileog eolais maidir le margadh saothair na hearnála airgeadais, UWV 23 Bealtaine 2017

(33)    Fíricí agus figiúirí, cúige Overijssel; http://www.overijssel.nl/over-overijssel/cijfers-kaarten/

(34)    Fócas ar réigiún: Drenthe, UWV 2016

(35)    IO L 347, 20.12.2013, lch. 884.

(36)    IO C 373, 20.12.2013, lch. 1.

(37)    IO L 347, 20.12.2013, lch. 855.

(38)    IO C 373, 20.12.2013, lch. 1.

(39)    Rialachán (AE, Euratom) Uimh. 1311/2013 ón gComhairle an 2 Nollaig 2013 lena leagtar síos an creat airgeadais ilbhliantúil do na blianta 2014 go 2020 (IO L 347, 20.12.2013, lch. 884).

(40)    Rialachán (AE) Uimh. 1046/2012 ón gCoimisiún an 8 Samhain 2012 lena gcuirtear chun feidhme Rialachán (CE) Uimh. 1059/2003 ó Pharlaimint na hEorpa agus ón gComhairle maidir le haicmiú comhchoiteann na naonad críche le haghaidh staidreamh (NUTS) a bhunú i dtaca le tarchur na hamshraithe le haghaidh an mhiondealaithe réigiúnaigh nua (IO L 310, 9.11.2012, lch. 34).