This document is an excerpt from the EUR-Lex website
Document 52016PC0798
Proposal for a REGULATION OF THE EUROPEAN PARLIAMENT AND OF THE COUNCIL adapting a number of legal acts in the area of Justice providing for the use of the regulatory procedure with scrutiny to Article 290 of the Treaty on the Functioning of the European Union
Togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena ndéantar roinnt gníomhartha dlíthiúla lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d’Airteagal 290 den Chonradh ar Fheidhmiú an Aontais Eorpaigh
Togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE lena ndéantar roinnt gníomhartha dlíthiúla lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d’Airteagal 290 den Chonradh ar Fheidhmiú an Aontais Eorpaigh
COM/2016/0798 final - 2016/0399 (COD)
AN COIMISIÚN EORPACH
An Bhruiséil,14.12.2016
COM(2016) 798 final
2016/0399(COD)
Togra le haghaidh
RIALACHÁN Ó PHARLAIMINT NA hEORPA AGUS ÓN gCOMHAIRLE
lena ndéantar roinnt gníomhartha dlíthiúla lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d’Airteagal 290 den Chonradh ar Fheidhmiú an Aontais Eorpaigh
(Téacs atá ábhartha maidir le LEE)
MEABHRÁN MÍNIÚCHÁIN
1.Comhthéacs an togra
I gcomhthráth leis an togra le haghaidh Rialachán ó Pharlaimint na hEorpa agus ón gComhairle lena ndéantar roinnt gníomhartha dlí lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d'Airteagal 290 agus Airteagal 291 den Chonradh ar Fheidhmiú an Aontais Eorpaigh ("CFAE" anseo feasta), baineann an togra seo le hailíniú trí cinn de ghníomhartha reachtacha i réimse an Cheartais ina dtagraítear fós don nós imeachta rialúcháin lena ngabhann grinnscrúdú.
Ní foláir na hionstraimí sin a ailíniú le togra ar leith ar an ábhar gur glacadh iad faoi bhunús dlí de bhun Theideal V de Chuid III CFAE agus dá bhrí sin níl siad ina gceangal ar gach Ballstát, agus tá siad ar neamhréir, mar sin, le bunúis dlí na mbunghníomhartha eile. Sna trí chás, chinn an Ríocht Aontaithe agus Éire a bheith rannpháirteach, i gcomhréir leis an bPrótacal maidir le seasamh na Ríochta Aontaithe agus na hÉireann atá i gceangal leis an gConradh, agus ní bhíonn an Danmhairg rannpháirteach i gcomhréir leis an bPrótacal maidir le seasamh na Danmhairge atá i gceangal leis an gConradh.
Le conradh Liospóin, rinneadh modhnú suntasach ar an struchtúr maidir leis na cumhachtaí is féidir leis an reachtóir a thabhairt don Choimisiún. Déantar idirdhealú soiléir leis an gconradh idir gníomhartha de chineál gar-reachtach ar thaobh amháin agus, ar an taobh eile, gníomhartha lena gcuirtear forálacha bunghnímh chun feidhme. Ina theannta sin, cuireann sé creat dlíthiúil iomlán difriúil ar fáil le haghaidh gach cineál gnímh.
Is iad an dá fhoráil atá i gceist Airteagal 290 agus Airteagal 291 CFAE, a tugadh isteach le Conradh Liospóin a tháinig i bhfeidhm an 1 Nollaig 2009( 1 ). Leis na forálacha déantar modhnuithe suntasacha ar na nósanna imeachta ar ar tugadh na "nósanna imeachta coiste" go dtí seo.
Ó thaobh na foclaíochta de, tá an sainmhíniú ar ghníomhartha tarmligthe in Airteagal 290(1) an-chosúil leis an sainmhíniú ar ghníomhartha atá, faoin gCinneadh 1999/468/CE 2 , arna leasú le Cinneadh 2006/512/CE ón gComhairle, ("an Cinneadh maidir leis an nós imeachta coiste"), faoi réir an nós imeachta rialúcháin lena ngabhann grinnscrúdú (NIRG) a bunaíodh in Airteagal 5a den Chinneadh sin. Sa dá chás, is gníomhartha a bhfuil feidhm ghinearálta leo atá i gceist agus tá sé mar aidhm leo eilimintí neamhriachtanacha áirithe den ghníomh reachtach a leasú nó a fhorlíonadh.
Ar an ábhar sin, fágadh Airteagal 5a den Chinneadh maidir leis an nós imeachta coiste lasmuigh de raon feidhme an athbhreithniúcháin ar an gCinneadh maidir leis an nós imeachta coiste faoi Rialachán 182/2011 3 ("an Rialachán maidir le Nós Imeachta Coistí") a glacadh ar bhonn Airteagal 291(3) CFAE maidir le cumhachtaí cur chun feidhme. Dá bhrí sin, ba ghá Airteagal 5a lena mbunaítear an NIRG a choinneáil go sealadach chun críocha bunghníomhartha atá ann cheana féin dá dtagraítear san Airteagal sin.
Dá réir sin, tá an NIRG fós sna trí bhunghníomh reatha a chumhdaítear leis an togra seo agus beidh feidhm ag an NIRG (i gcomhréir le hAirteagal 5a den Chinneadh maidir leis an nós imeachta coiste) maidir leis na gníomhartha sin go dtí go leasófar iad go foirmiúil agus go gcuirfear in oiriúint iad go foirmiúil do Chonradh Liospóin.
Tráth a glacadh Rialachán Uimh. 182/2011 thug an Coimisiún gealltanas athbhreithniú a dhéanamh ar na forálacha a ghabhann leis an nós imeachta sin, d'fhonn iad a oiriúnú in am trátha do na critéir a leagtar síos sa Chonradh ar Fheidhmiú an Aontais Eorpaigh 4 . Mhol an Coimisiún ailíniú na ngníomhartha sin ní ba thúisce ná sin, in 2013 5 , i bhfoirm togra ar leith freisin, ach mar thoradh ar an stad san idirbheartaíocht idirinstitiúideach ar na comhaid sin tharraing an Coimisiún siar an togra 6 , mar a fógraíodh ina Chlár Oibre 2015 7 .
Cíoradh ceist an ailínithe arís nuair a pléadh an t-athbhreithniú ar an gComhaontú Idirinstitiúideach maidir le Reachtóireacht Níos Fearr 8 . D'aithin na hinstitiúidí ar fad an gá atá leis an ailíniú agus gheall an Coimisiún go gcuirfeadh sé togra nua isteach faoi dheireadh 2016 maidir le hailíniú gníomhartha reachtacha a bhfuil tagairtí iontu fós don nós imeachta rialúcháin lena ngabhann grinnscrúdú. Freagairt ar an ngealltanas sin atá sa togra seo.
Ag an am céanna, cuireann an Comhaontú Idirinstitiúideach agus an Chomhthuiscint maidir le Gníomhartha Tarmligthe a ghabhann leis feabhas freisin ar an gcreat maidir le gníomhartha tarmligthe, agus ar an gcaoi sin tugann siad aghaidh ar an bpríomhúdar imní faoi deara cosc a chur go minic le glacadh na ngníomhartha tarmligthe ar thaobh na Comhairle, eadhon an comhairliúchán le saineolaithe de chuid na mBallstát. Leis an gComhaontú tugtar gealltanas soiléir go ndéanfar comhairliúchán le saineolaithe de chuid na mBallstát ar bhonn córasach i dtaca le hullmhú na ngníomhartha tarmligthe, lena n-áirítear an dréacht-téacs; ar an gcaoi sin, comhlíonfar príomhchoinníoll chun iarracht rathúil eile a thabhairt ar sheanfhorálacha an NIRG a ailíniú le Conradh Liospóin. Tá an gealltanas sin luaite go sainráite anois sna clásail chaighdeánacha nua atá le húsáid i ndréachtú cumhachtuithe don Choimisiún. Leis an gComhaontú aithnítear go soiléir chomh maith a thábhachtaí atá sé comhar a dhéanamh go luath le Parlaimint na hEorpa maidir le gníomhartha tarmligthe agus a thábhachtaí atá sé tuairimí ina dtaobh a roinnt léi go luath. Dearbhaítear sa Chomhaontú nach mór do Pharlaimint na hEorpa gach doiciméad, lena n-áirítear na dréacht-ghníomhartha tarmligthe, a fháil ag an am céanna le saineolaithe na mBallstát, agus déantar foráil ann go mbeidh rochtain chórasach agus éascaithe ag saineolaithe de chuid Pharlaimint na hEorpa ar chruinnithe ghrúpaí saineolaithe an Choimisiúin a bheidh ag ullmhú na ngníomhartha tarmligthe. Ar deireadh, beartaítear leis an gComhaontú go bhféadfar cuireadh a thabhairt don Choimisiún chuig cruinnithe i bParlaimint na hEorpa (nó sa Chomhairle) ionas go bhféadfar tuairimí breise a mhalartú i dtaobh ullmhú na ngníomhartha tarmligthe.
Ní dhéanfaidh an cur in oiriúint do chóras na ngníomhartha tarmligthe difear do nósanna imeachta ar feitheamh ina bhfuil tuairim tugtha ag coiste cheana féin i gcomhréir leis an gCinneadh Coisteolaíochta.
2.Modh an ailínithe agus príomheilimintí an togra
Is é an pointe tosaigh chun raon feidhme an togra seo a chinneadh na gníomhartha dlí a chumhdaítear sna tograí reachtacha féin le haghaidh ailíniú a ghlac an Coimisiún in 2013. Ní áirítear sa togra seo gníomhartha a bhfuil tograí reachtacha aonair déanta ina leith idir an dá linn. Baineann sin le dhá ghníomh i réimse an Cheartais: maidir le Rialachán (CE) Uimh. 1896/2006 ó Pharlaimint na hEorpa agus ón gComhairle an 12 Nollaig 2006 lena gcruthaítear ordú Eorpach maidir le nós imeachta íocaíochta 9 agus Rialachán (CE) Uimh. 861/2007 ó Pharlaimint na hEorpa agus ón gComhairle an 11 Iúil 2007 lena mbunaítear Nós Imeachta Eorpach um Éilimh Bheaga 10 , tá ailíniú déanta orthu araon idir an dá linn le Rialachán (AE) 2015/2421 ó Pharlaimint na hEorpa agus ón gComhairle an 16 Nollaig 2015 lena leasaítear Rialachán (CE) Uimh. 861/2007 lena mbunaítear Nós Imeachta Eorpach um Éilimh Bheaga agus Rialachán (CE) Uimh. 1896/2006 lena gcruthaítear ordú Eorpach maidir le nós imeachta íocaíochta 11 .
Sna tograí le haghaidh ailíniú ó 2013, ba é an cur chuige reachtach a roghnaíodh gan na bunghníomhartha i gceist a leasú ar bhonn aonair, ach foráil a dhéanamh go ginearálta go mbeadh na tagairtí don NIRG atá sna bunghníomhartha le léamh mar thagairtí d'Airteagal 290, nó d'Airteagal 290 nó d'Airteagal 291. Faoin gcur chuige sin, níorbh fholáir i gcónaí gach bunghníomh aonair a léamh in éineacht leis an rialachán Omnibus ábhartha, i gcás inar glacadh é.
I bhfianaise na ndeacrachtaí a bhí ag an gComhairle go háirithe leis an gcur chuige sin, tá a mhalairt de chur chuige roghnaithe sa togra seo. Tá sé beartaithe anois go ndéanfar leasú ar gach bunghníomh lena mbaineann. Tá an cur chuige sin cosúil leis an gceann a roghnaíodh nuair a tugadh isteach na forálacha NIRG de thoradh beart comhchosúil in 2007 12 . Dá réir sin, déantar roinnt leasuithe ar gach bunghníomh. Athraítear foclaíocht na forála cumhachtúcháin, i.e. an téacs ina bhfuil an cumhachtú substainteach don NIRG, agus leanann an fhoráil sin an friotal a comhaontaíodh sna clásail chaighdeánacha d'airteagail lena ndéantar cumhachtaí a tharmligean. Cuirtear an t-airteagal caighdeánach maidir le feidhmiú an tarmligin, mar atá an t-airteagal nós imeachta, isteach i ngach bunghníomh agus scriostar tagairtí don NIRG. Luaitear go sainráite i gcás gach gnímh an gceadaítear leis an gcumhachtú leasú a dhéanamh ar an mbunghníomh. Áirítear i ngach bunghníomh anois na clásail chaighdeánacha nua ina ndéantar foráil don chomhairliúchán le saineolaithe na mBallstát i dtaca le hullmhú na ngníomhartha tarmligthe. Ní dhéantar foráil in aon chumhachtuithe eile do leasuithe ar ghníomhartha eile.
Maidir leis an rogha idir cumhachtaithe trí bhíthin gníomhartha tarmligthe agus cumhachtaithe trí bhíthin gníomhartha cur chun feidhme, tá na tograí ailíniúcháin ó 2013 bunaithe ar an toimhde go gcomhfhreagraíonn na bearta a chumhdaítear leis an nós imeachta rialúcháin lena ngabhann grinnscrúdú, go gcomhfhreagraíonn siad do na bearta sin is féidir a chumhdach le tarmligean na cumhachta dá dtagraítear in Airteagal 290 CFAE.
Is é an tuiscint ghinearálta is bonn leis an togra nua go bhfuil an measúnú a rinneadh sna tograí Omnibus 2013 fós bailí. Níor ceapadh critéir nua, a mbeadh athbhreithniú domhanda ag teastáil dá ndroim, de thoradh na hidirbheartaíochta ar Omnibus 2013, ná de thoradh an cásdlí ar an ábhar 13 , ná de thoradh an Chomhaontaithe Idirinstitiúidigh maidir le Reachtóireacht Níos Fearr.
Maidir le fad an chumhachtaithe, is éard atá á mholadh ag an gCoimisiún cumhachtuithe ag a bhfuil fad éiginnte. Le linn na hidirbheartaíochta ar na tograí le haghaidh 2013 bhí an Chomhairle agus Parlaimint na hEorpa araon i bhfabhar fad cinnte 5 bliana a dhéanfaí a athnuachan go huathoibríoch tar éis tuarascáil ón gCoimisiún a bheadh le tíolacadh sula rachadh an tarmligean in éag. Sa togra nua tá an Coimisiún ag cloí leis an seasamh atá aige go bhfuil údar le fad éiginnte a bheith ag an gcumhachtú ar an ábhar go bhfuil an deis ag an reachtóir cumhachtú a chúlghairm i ngach cás agus aon tráth. Ar deireadh, leis an gComhaontú Idirinstitiúideach beidh níos mó trédhearcachta ann maidir le gníomhartha tarmligthe, go háirithe tríd an gclár comhpháirteach le haghaidh gníomhartha tarmligthe ar chinn na hinstitiúidí a chur ar bun faoi dheireadh 2017. Leis an gclár seo beidh forléargas simplí ar fáil ar na gníomhartha tarmligthe arna nglacadh faoi na hionstraimí ar fad.
3.Bunús dlí coimhdeacht
Tá an togra seo bunaithe ar bhunús dlí na mbunghníomhartha leasaithe. Ní bhaineann an tionscnamh seo ach le nósanna imeachta atá le cur i bhfeidhm ar leibhéal an Aontais agus gníomhartha bunaithe ar chumhachtaí tugtha á nglacadh.
2016/0399 (COD)
Togra le haghaidh
RIALACHÁN Ó PHARLAIMINT NA hEORPA AGUS ÓN gCOMHAIRLE
lena ndéantar roinnt gníomhartha dlíthiúla lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d’Airteagal 290 den Chonradh ar Fheidhmiú an Aontais Eorpaigh
(Téacs atá ábhartha maidir le LEE)
TÁ PARLAIMINT NA hEORPA AGUS COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 81(2) de,
Ag féachaint don togra ón gCoimisiún Eorpach,
Tar éis dóibh an dréachtghníomh reachtach a chur chuig na parlaimintí náisiúnta,
Ag gníomhú dóibh i gcomhréir leis an ngnáthnós imeachta reachtach,
De bharr an méid seo a leanas:
(1)Tugadh isteach le Conradh Liospóin idirdhealú idir na cumhachtaí arna dtarmligean chuig an gCoimisiún chun gníomhartha neamhreachtacha a bhfuil feidhm ghinearálta leo a ghlacadh chun eilimintí neamhriachtanacha áirithe de ghníomh reachtach a fhorlíonadh nó a leasú (gníomhartha tarmligthe), agus na cumhachtaí arna dtabhairt don Choimisiún chun gníomhartha a ghlacadh chun coinníollacha aonfhoirmeacha a áirithiú maidir le gníomhartha de chuid an Aontais atá ceangailteach ó thaobh dlí a chur chun feidhme (gníomhartha cur chun feidhme).
(2)Na bearta a fhéadfar a chumhdach le tarmligean na gcumhachtaí, dá dtagraítear in Airteagal 290(1) den Chonradh ar Fheidhmiú an Aontais Eorpaigh (CFAE), comhfhreagraíonn siad i bprionsabal dóibh sin a chumhdaítear leis an nós imeachta rialúcháin lena ngabhann grinnscrúdú a bunaíodh le hAirteagal 5a de Chinneadh 1999/468/CE ón gComhairle 14 .
(3)Maidir le tograí a rinneadh roimhe seo i dtaobh na reachtaíochta lena dtagraítear don nós imeachta rialúcháin lena ngabhann grinnscrúdú a ailíniú leis an gcreat reachtach a tugadh isteach le Conradh Liospóin 15 , tarraingíodh siar iad 16 mar thoradh ar an stad san idirbheartaíocht idirinstitiúideach.
(4)Ina dhiaidh sin, i gComhaontú Idirinstitiúideach an 13 Aibreán 2016 maidir le Reachtóireacht Níos Fearr 17 , tháinig Parlaimint na hEorpa, an Chomhairle agus an Coimisiún ar chomhaontú maidir le creat nua le haghaidh gníomhartha tarmligthe agus d'aithin siad go raibh gá leis an reachtaíocht atá ann cheana a ailíniú leis an gcreat reachtach a tugadh isteach le Conradh Liospóin. D'aontaigh siad, go háirithe, faoin ngá atá le hardtosaíocht a thabhairt d'ailíniú pras ar na bunghníomhartha uile ina dtagraítear fós don nós imeachta rialúcháin lena ngabhann grinnscrúdú. Gheall an Coimisiún go n-ullmhódh sé togra le haghaidh an ailínithe sin faoi dheireadh 2016.
(5)Comhlíonann na cumhachtuithe atá sna bunghníomhartha lena ndéantar foráil maidir le húsáid an nós imeachta rialúcháin lena ngabhann grinnscrúdú, comhlíonann siad na critéir in Airteagal 290 CFAE agus ba cheart iad a oiriúnú don fhoráil sin.
(6)Níor cheart go ndéanfadh an Rialachán seo difear do nósanna imeachta atá ar feitheamh, ar chuir an coiste in iúl cheana féin a thuairim ina leith i gcomhréir le hAirteagal 5a de Chinneadh 1999/468/CE roimh theacht i bhfeidhm an Rialacháin seo.
(7)Ba cheart, dá bhrí sin, na gníomhartha lena mbaineann a leasú dá réir.
TAR ÉIS AN RIALACHÁN SEO A GHLACADH:
Airteagal 1
Leasaítear na gníomhartha a liostaítear san Iarscríbhinn mar a leagtar amach inti iad.
Airteagal 2
Ní dhéanfaidh an Rialachán seo difear do nósanna imeachta atá ar feitheamh, ar chuir coiste cheana féin a thuairim ina leith i gcomhréir le hAirteagal 5a de Chinneadh 1999/468/CE.
Airteagal 3
Tiocfaidh an Rialachán seo i bhfeidhm ar an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil,
Thar ceann Pharlaimint na hEorpa Thar ceann na Comhairle
An tUachtarán An tUachtarán
AN COIMISIÚN EORPACH
An Bhruiséil,14.12.2016
COM(2016) 798 final
IARSCRÍBHINNÍ
a ghabhann le
Togra le haghaidh
RIALACHÁN Ó PHARLAIMINT NA hEORPA AGUS ÓN gCOMHAIRLE
lena ndéantar roinnt gníomhartha dlí lena ndéantar foráil maidir le húsáid an nós imeachta rialúcháin lena ngabhann grinnscrúdú a oiriúnú d'Airteagal 290 den Chonradh ar Fheidhmiú an Aontais Eorpaigh
(Text with EEA relevance)
IARSCRÍBHINN
1.Rialachán (CE) Uimh. 1206/2001 ón gComhairle an 28 Bealtaine 2001 maidir le comhar idir chúirteanna na mBallstát i dtaca le fianaise a ghlacadh in ábhair shibhialta nó tráchtála 1
Chun Rialachán (CE) Uimh. 1206/2001 a thabhairt cothrom le dáta, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún chun an Iarscríbhinn a ghabhann leis an Rialachán sin a leasú chun na foirmeacha caighdeánacha a thabhairt cothrom le dáta nó chun athruithe teicniúla a dhéanamh orthu. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena náirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, gheobhaidh Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus beidh rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.
Dá réir sin, leasaítear Rialachán (CE) Uimh. 1206/2001 mar a leanas:
(1) leasaítear Airteagal 19 mar a leanas:
(a) cuirtear an méid seo a leanas in ionad an teidil:
"Lámhleabhar";
(b) scriostar mír 2;
(2) cuirtear an tAirteagal 19a agus an tAirteagal 19b seo a leanas isteach:
"Airteagal 19a
Gníomhartha tarmligthe
Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 19b lena leasaítear an Iarscríbhinn chun na foirmeacha caighdeánacha a thabhairt cothrom le dáta nó chun athruithe teicniúla a dhéanamh ar na foirmeacha sin.";
"Airteagal 19b
An tarmligean a fheidhmiú
1. Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.
2. Déanfar an chumhacht chun gníomhartha tarmligthe a ghlacadh dá dtagraítear in Airteagal 19a a thabhairt don Choimisiún go ceann tréimhse neamhchinntithe ama amhail ó theacht i bhfeidhm an Rialacháin seo.
3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 19a a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.
4. Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr*.
5. A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.
6. Ní thiocfaidh gníomh tarmligthe a ghlactar de bhun Airteagal 19a i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.
_________________________
* IO L 123, 12.5.2016, lch. 1.";
(3) scriostar Airteagal 20.
2.Rialachán (CE) Uimh. 805/2004 ó Pharlaimint na hEorpa agus ón gComhairle an 21 Aibreán 2004 lena gcruthaítear Ordú Forfheidhmiúcháin Eorpach d'éilimh neamhchonspóidithe 2
Chun Rialachán (CE) Uimh. 805/2004 a thabhairt cothrom le dáta, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún chun na hIarscríbhinní a ghabhann leis an Rialachán sin a leasú agus chun na foirmeacha caighdeánacha a thabhairt cothrom le dáta. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena náirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, gheobhaidh Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus beidh rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.
Dá réir sin, leasaítear Rialachán (CE) Uimh. 805/2004 mar a leanas:
(1) cuirtear an méid seo a leanas in ionad Airteagal 31:
"Airteagal 31
Na hIarscríbhinní a leasú
Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 31a a lena leasaítear na hIarscríbhinní chun na foirmeacha caighdeánacha a thabhairt cothrom le dáta.";
(2) cuirtear isteach Airteagal 31a mar a leanas:
"Airteagal 31a
An tarmligean a fheidhmiú
1. Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.
2. Déanfar an chumhacht chun gníomhartha tarmligthe a ghlacadh dá dtagraítear in Airteagal 31 a thabhairt don Choimisiún go ceann tréimhse neamhchinntithe ama amhail ó theacht i bhfeidhm an Rialacháin seo.
3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 31 a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.
4. Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr*.
5. A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.
6. Ní thiocfaidh gníomh tarmligthe a ghlactar de bhun Airteagal 31 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.
________________________
* IO L 123, 12.5.2016, lch. 1.";
(3) scriostar Airteagal 32.
3.Rialachán (CE) Uimh. 1393/2007 ó Pharlaimint na hEorpa agus ón gComhairle an 13 Samhain 2007 maidir le doiciméid bhreithiúnacha agus doiciméid sheachbhreithiúnacha in ábhair shibhialta nó in ábhair tráchtála a sheirbheáil sna Ballstáit (doiciméid a sheirbheáil), agus lena naisghairtear Rialachán (CE) Uimh. 1348/2000 ón gComhairle 3
Chun Rialachán (CE) Uimh. 1393/2007 a thabhairt cothrom le dáta, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh a tharmligean chuig an gCoimisiún chun Iarscríbhinn I agus Iarscríbhinn II a ghabhann leis an Rialachán sin a leasú chun na foirmeacha caighdeánacha a thabhairt cothrom le dáta nó chun athruithe teicniúla a dhéanamh orthu. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena náirítear ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr. Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, gheobhaidh Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus beidh rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.
Dá réir sin, leasaítear Rialachán (CE) Uimh. 1393/2007 mar a leanas:
(1) cuirtear an méid seo a leanas in ionad Airteagal 17:
"Airteagal 17
Na hIarscríbhinní a leasú
Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 17a lena leasaítear Iarscríbhinn I agus Iarscríbhinn II chun na foirmeacha caighdeánacha a thabhairt cothrom le dáta nó chun athruithe teicniúla a dhéanamh ar na foirmeacha sin.”;
(2) cuirtear isteach Airteagal 17a mar a leanas:
"Airteagal 17a
An tarmligean a fheidhmiú
1. Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.
2. Déanfar an chumhacht chun gníomhartha tarmligthe a ghlacadh dá dtagraítear in Airteagal 17 a thabhairt don Choimisiún go ceann tréimhse neamhchinntithe ama amhail ó theacht i bhfeidhm an Rialacháin seo.
3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 17 a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.
4. Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr*.
5. A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.
6. Ní thiocfaidh gníomh tarmligthe a ghlactar de bhun Airteagal 17 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.
________________________
* IO L 123, 12.5.2016, lch. 1.";
(3) scriostar Airteagal 18.