EUR-Lex Access to European Union law
This document is an excerpt from the EUR-Lex website
Document 52012PC0643
Proposal for a REGULATION OF THE EUROPEAN PARLIAMENT AND OF THE COUNCIL on fluorinated greenhouse gases
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le gáis cheaptha teasa fhluairínithe
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le gáis cheaptha teasa fhluairínithe
/* COM/2012/0643 final - 2012/0305 (COD) */
Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le gáis cheaptha teasa fhluairínithe /* COM/2012/0643 final - 2012/0305 (COD) */
MEABHRÁN MÍNIÚCHÁIN 1. COMHTHÉACS AN TOGRA Tuairisc ar an bhfadhb agus cuspóirí Iarrtar leis an
gcomhdhearcadh eolaíoch idirnáisiúnta méadú teochta domhanda a theorannú go dtí
2˚C chun tionchar aeráide
neamh-inmhianaithe a sheachaint[1]. Maidir leis an gcuspóir sin, tá iarrtha ag an
gComhairle Eorpach astaíochtaí gás ceaptha teasa san AE a laghdú 80‑95 %
faoi 2050 i gcomparáid le leibhéil 1990 i gcomhthéacs gníomhaíochta comhchosúla
i dtíortha forbartha. Léirítear
i dTreochlár um Gheilleagar Ísealcharbóin an AE[2], chun an
cuspóir sin a bhaint amach ar an gcostas is ísle, nach mór do gach earnáil agus
gach gás ceaptha teasa bheith san áireamh, lena n-áirítear gáis cheaptha teasa
fhluairínithe (gáis-F) arbh fhéidir lena bpoitéinseal téimh bheith 23000 oiread
níos cumhachtaí ná dé-ocsaíd charbóin (CO2). I Meán Fómhair 2011 d'fhoilsigh an Coimisiún
tuarascáil[3]
maidir le cur i bhfeidhm Rialachán (CE) Uimh. 842/2006[4]. Is é an conclúid a bhí air go bhféadfadh laghdú suntasach astaíochtaí
teacht as an Rialachán dá mba rud é go ndéanfaí tuilleadh leasaithe air agus go
gcuirfí i bhfeidhm go hiomlán é. Luadh fosta gur ghá
tuilleadh a dhéanamh chun laghdú breise a dhéanamh ar astaíochtaí gáis-F san
AE. Trína áirithiú go gcuirtear roghanna malartacha slána
isteach in ionad gás‑F nach mbíonn aon tionchar acu nó nach mbíonn ach
tionchar laghdaithe acu ar an aeráid, d'fhéadfaí astaíochtaí bliantúla a
áirítear de réir a gcoibhéise i CO2 a ghearradh faoi dhá thrian faoi 2030 ar chostas measartha íseal[5]. I gcás luathghníomhaíochta chun feidhm a
bhaint as roghanna lacáiste atá réasúnta saor le haghaidh Gás‑F, is léir
go ndéanfadh sí costais níos airde a d'fhéadfadh a bheith ag gabháil le laghdú
ar gháis cheaptha teasa eile a sheachaint[6]. Tá luaite ag roinnt páirtithe leasmhara[7], áfach, go bhfuil sé deacair
teicneolaíochtaí malartacha atá "níos glaise" a thabhairt chun
margaidh faoi ghnáthdhálaí margaidh. Sa Danmhairg, ar an taobh eile, áit a
bhfuil rialacha náisiúnta níos déine ar gháis‑F i bhfeidhm, d'éirigh le
gnólachtaí nuathionscanta agus le FBManna teicneolaíochtaí nua glasa a nuáil
agus a thabhairt chun margaidh, rud a rinne ceannairí margaidh díobh. Sa chomhthéacs sin, tá sé mar aidhm ag an
togra seo: (1)
Ionad Rialachán (EC) Uimh. 842/2006 a ghabháil
maidir le gáis cheaptha teasa fhluairínithe áirithe chun rannchuidiú níos
éifeachtaí ó thaobh costais de a áirithiú chun cuspóirí aeráide an AE a bhaint
amach trí úsáid gás‑F a bhfuil tionchar mór acu ar an aeráid a
dhíspreagadh agus roghanna malartacha slána atá tíosach ar fhuinneamh a
spreagadh, agus tuilleadh leasaithe a dhéanamh ar shrianadh agus ar chóireáil
táirgí agus trealaimh a bhfuil a ré caite agus ina bhfuil gáis-F; (2)
Cur le fás inbhuanaithe, nuálaíocht a spreagadh
agus teicneolaíochtaí glasa a fhorbairt trí dheiseanna margaidh a fheabhsú do
theicneolaíochtaí malartacha agus do gháis a bhfuil tionchar íseal acu ar an
aeráid; (3)
An AE a chur i gcomhréir leis na torthaí eolaíochta
is déanaí ar an leibhéal idirnáisiúnta, de réir mar a thuairiscítear sa
Cheathrú Tuarascáil Mheasúnaithe ó IPCC na NA, m.sh. maidir leis na substaintí
a chumhdaítear sa Rialachán seo agus lena bpoitéinseal téimh dhomhanda a ríomh; (4)
Cuidiú le teacht ar chomhdhearcadh ar chomhaontú
idirnáisiúnta chun hidreafluaracarbóin (HFCanna), an grúpa gás‑F is
ábhartha, a laghdú go céimseach faoi Phrótacal Montréal; (5)
Rialachán (CE) Uimh. 842/2006 a shimpliú agus
a shoiléiriú chun an t-ualach riaracháin a laghdú de réir ghealltanas an
Choimisiúin i ndáil le rialáil níos fearr. Cúlra De réir an bhealaigh chost-éifeachtúil chun
geilleagar an AE a dhícharbónú, ba cheart astaíochtaí gás‑F a laghdú
tuairim is 70-78 % faoi 2050 agus 72-73 % faoi 2030 ar imeallchostas
lacáiste isteach agus amach le 50 EUR in aghaidh an tona de choibhéis CO2.2 San iomlán, is ionann
gáis-F agus 2 % de na gáis cheaptha teasa ar fad san AE inniu ach tá
poitéinseal téite atmaisféir i bhfad níos láidre acu ná CO2.
Úsáidtear iad i réimse trealaimh chuisniúcháin agus aerchóiriúcháin, i
gcúrinslithe agus i dtrealamh leictreach, spraeanna aerasóil, mar thuaslagóirí
nó i gcórais chosanta ar dhóiteáin. Tarlaíonn astaíochtaí go príomha le linn
úsáidí astaithe (spraeanna aerasóil nó tuaslagóirí mar shampla) nó de bharr
sceite le linn oibriú agus diúscartha táirgí agus trealaimh ina bhfuil gáis-F. D'fhorbair an earnáil tionsclaíochta gáis-F
mar ionadaithe ar shubstaintí a ídíonn an t-ózón atáthar a laghdú go céimseach
faoi Phrótacal Montréal. De bharr tuilleadh rachmais agus fáis ar an daonra,
díoltar níos mó táirgí agus trealaimh a bhíonn ag brath ar gháis‑F nó ar
shubstaintí a ídíonn an t-ózón. Dá thoradh sin, tá méadú géar tagtha ar fud an
domhain ar tháirgeadh agus ar úsáid gás‑F ó 1990 i leith agus beidh, mura
dtugtar aghaidh air, astaíochtaí nach beag ann san atmaisféar dá bharr. Ó
tharla gur minic a bhíonn saol fada ag táirgí agus trealamh ina bhfuil gáis-F,
i gcás nach dtugtar faoi ghníomhaíocht inniu, leanfar d'astaíochtaí arda a
d'fheadfaí a chosc, go ceann blianta fada romhainn. Díríonn an Rialachán reatha maidir le gás‑F
isteach go príomha ar shrianadh agus ar phróiseáil deiridh ré táirgí agus
trealamh ina bhfuil gáis-F. Táthar ag dréim le go ndéanfaidh beartais reatha an
AE maidir le gás‑F astaíochtaí gáis-F a chobhsú, má chuirtear easnaimh i
gcur i bhfeidhm beart áirithe ina gceart. Ní cosúil, áfach, go mbeidh laghdú ar
astaíochtaí ann i ndearbhthéarmaí murab é go gcuirtear tuilleadh bearta chun
feidhme. Níl ach roinnt beart i bhfeidhm chun úsáid gás‑F
a sheachaint faoi láthair. Mar sin féin, sa lá atá inniu ann, i mbeagnach gach
earnáil ina n-úsáidtear gáis-F, is féidir roghanna malartacha atá slán agus ar
a laghad chomh tíosach céanna ar fhuinneamh a chur isteach go hiomlán nó go
páirteach ina n-ionad. Ní mór do bhearta beartais, áfach, tabhairt san áireamh
go mbaineann sé seo le hiliomad cineálacha táirgí agus trealaimh agus is féidir
go mbraithfidh an indéantacht theicniúil agus costais agus sochair gáis-F a
mhalartú ar mhéid an táirge nó an trealaimh agus ar an áit ina n‑úsáidfear
é. Go hidirnáisiúnta, táthar ag tabhairt aghaidh
ar fhadhb mhéadaitheach na n-astaíochtaí gás‑F. In 2009, 2010, 2011 agus
2012 chuir roinnt rannpháirtithe i bPrótacal Montréal tograí isteach maidir le
soláthar agus tomhaltas HFCanna a laghdú go céimseach ar fud an domhain. Bheifí
ag dréim go mbeadh laghdú céimseach domhanda de bharr na mbeart dá bhforáiltear
faoin Rialachán seo de réir na dtograí reatha faoi Phrótacal Montréal agus go
mbeadh an AE, dá bhrí sin, ullamh d'oibleagáidí dá sórt amach anseo. Tá tacaíocht tugtha ag an AE do na tograí sin mar chomhlánú ar ghníomhaíocht
chun athrú aeráide a mhaolú faoi Chreat‑Coinbhinsiún na Náisiún Aontaithe
ar an Athrú Aeráide (CCNAAA)[8]. Is beag dul chun cinn atá déanta san
idirbheartaíocht go dtí seo mar gur dhiúltaigh an tSín, an India, an Bhrasaíl
agus tíortha eile an t-ábhar a phlé faoi Phrótacal Montréal. Mar sin féin, thug
Comhdháil na Náisiún Aontaithe maidir le Forbairt Inbhuanaithe (Rio+20) a
tacaíocht le fios le déanaí do laghdú céimseach ar thomhaltas agus ar
tháirgeadh HFCanna[9]. Lena chois sin, bunaíodh an Chomhghuaillíocht
um Aeráid Ghlan agus Aer Glan chun Truailleáin Aeráide Ghearrbheatha a Laghdú
in 2012. Chuaigh an G8, Clár Comhshaoil na Náisiún Aontaithe (CTNA), an Banc
Domhanda, agus an Coimisiún Eorpach isteach ann. Tosaíocht
le haghaidh gníomhaíochta is ea astaíochtaí HFCanna [10]. D'iarr Parlaimint na hEorpa arís
agus arís eile ar ghníomhaíocht uaillmhianach ar gháis‑F, go háirithe ar
HFCanna[11].
Baineann reachtaíocht reatha an AE maidir le
gáis-F le dhá phríomhghníomh reachtúla: (1)
Rialachán (CE) Uimh. 842/2006 ina ndírítear ar
sceitheadh a chosc le linn úsáide (srianadh) agus ag deireadh ré (go príomha)
trealaimh do-aistrithe agus ar líon teoranta toirmeasc ar ghás-F a bhaineann le
feidhmeanna nideoige a bhfuil míniú cúng orthu (an Rialachán maidir le gás‑F). (2)
Treoir 2006/40/EC ó Pharlaimint na hEorpa agus
ón gComhairle lena dtugtar isteach srianta ar úsáid gás‑F a bhfuil
potéinseal téimh dhomhanda iontu atá níos mó ná 150 i gcórais aerchóiriúcháin
mótarfheithiclí nua (an Treoir CAM). Comhlánaítear Rialachán (EC) Uimh. 842/2006
le deich Rialachán ón gCoimisiún lena mbunaítear formáid na dtuarascálacha[12], cineál na lipéad agus
ceanglais bhreise maidir le lipéadú[13],
gnáthcheanglais maidir le maoirseacht ar sceitheadh[14], [15],ceanglais maidir le cláir
oiliúna agus deimhniúcháin[16],
[17], [18], [19], [20]agus an fhormáid lena
dtuairisciú[21]. Comhsheasmhacht le beartais agus cuspóirí
eile an Aontais Leagtar amach ceart an Aontais Eorpaigh
gníomhú sa réimse seo in Airteagal 191 agus Airteagal 192 den
Chonradh ar Fheidhmiú an Aontais Eorpaigh (CFAE).
Tagraítear go sonrach in Airteagal 191 don chuspóir athrú aeráide a
chomhrac mar chuid de bheartas comhshaoil an AE. Urramaíonn gníomhaíocht sa
réimse sin prionsabal na coimhdeachta go hiomlán. Is
saincheist trasteorann í athrú aeráide a éilíonn gníomhaíocht ar bhonn an AE
uile, go háirithe ó tharla go bhfuil sprioc comhchoiteann maidir le laghdú
astaíochtaí ag an AE. Tá na laghduithe cost-éifeachtúla ar
astaíochtaí atá beartaithe ag teacht leis an mbealach atá leagtha amach i
dTreochlár Ísealcharbóin 2050 an AE. Cabhrófar le
hiomaíocht sa gheilleagar Eorpach le tacaíocht do roghanna malartacha nua agus
tacófar le fás glas go háirithe, ar aon dul le tosaíocht AE 2020 maidir le
fás inbhuanaithe[22]. Tugtar isteach bearta chun leasanna FBManna a
chosaint amhail 'Smaoinigh go beag ar dtús'[23],
agus san am céanna tugtar aird ar leith ar thionchar ar éifeachtúlacht fuinnimh
chun comhsheasmhacht a áirithiú leis an obair atá déanta ag an AE chun dearadh
éiceolaíoch[24]
agus éifeachtúlacht fuinnimh a spreagadh[25]. Ar deireadh, tá sé mar aidhm ag an togra an reachtaíocht a shimpliú
agus an t-ualach riaracháin d'údaráis phoiblí (san AE nó go náisiúnta) agus do
chuideachtaí a choinneáil chomh beag agus is féidir. 2. TORTHAÍ AN CHOMHAIRLIÚCHÁIN LEIS NA
PÁIRTITHE LEASMHARA AGUS MEASÚNUITHE TIONCHAIR Comhairliúchán leis na páirtithe leasmhara agus bailiú agus úsáid
saineolais Tá comhairle fhairsing theicniúil bailithe ag
an gCoimisiún ó roinnt staidéar saineolaithe[26], [27], [28], [29] lena n-áirítear staidéar
cuimsitheach ullmhúcháin5 le haghaidh athbhreithniú Rialachán (CE) Uimh. 842/2006. Iarradh ar ghrúpa saineolaithe de 47 ball ó earnálacha éagsúla
tionsclaíochta, ó na Ballstáit agus ó Eagraíochtaí Neamhrialtasacha Treoir agus
cabhair theicniúil a thabhairt chun an staidéar seo a dhéanamh. Rinne an
tAirmheán Comhpháirteach Taighde anailís mhaicreacnamaíoch ar na roghanna
beartais freisin. Thug an Coimisiún faoi chomhairliúchán leathan
le páirtithe leasmhara, lena n-áirítear comhairliúchán poiblí ar líne a mhair
trí mhí ó 26 Meán Fómhair go 19 Nollaig 2011, agus éisteacht oscailte sa
Bhruiséil an 13 Feabhra 2012. Is as earnáil na tionsclaíochta a tháinig trí
cheathrú cuid den 261 páirtí leasmhara a d'fhreagair an comhairliúchán ar líne.
Maidir leis na modhanna beartais is fónta in éagmais laghdaithe chéimsigh
dhomhanda HFCanna, thug níos lú ná 2 % de na páirtithe leasmhara 'gan
gníomhaíocht bhreise' mar fhreagra. Áirítear
ar na trí rogha beartais is minice a roghnaíodh bearta maidir le srianadh agus
aisghabháil, comhaontuithe deonacha, agus teorainneacha cainníochtúla ar
HFCanna a chur ar mhargadh an AE (laghdú céimseach). Mheas
cuid mhór freagróirí cuid mhór beart beartais a bheith cuí. Nochtaíodh in éisteacht na bpáirtithe
leasmhara, ar ar fhreastal breis agus 130 páirtí leasmhara, gurbh fhearr le
tromlach mór na hearnála tionsclaíochta laghdú céimseach ar sholáthar gás‑F,
nó thiocfadh leo maireachtáil leis. Chuirfeadh sé sin solúbthacht éigin faoi i
gcásanna nach measfaí teicneolaíochtaí malartacha a bheith oiriúnach fós. I
gcodarsnacht leis sin, measadh toirmisc ar threalamh nua a bheith rórighin nó
go mbeadh tacar casta díolúintí de dhíth orthu. Maidir
le húsáideoirí tráchtála trealaimh gáis-F, ba den tábhacht é nach n-éireodh
trealamh atá in úsáid faoi láthair iomarcach. Mheas
Eagraíochtaí Neamhrialtasacha agus páirtithe leasmhara ón earnáil
tionsclaíochta a oibríonn le teicneolaíochtaí malartacha go raibh sé
ríthábhachtach toirmisc a bheith ann a mbeadh miondíolúintí ag gabháil leo.
Mheas siad laghdú céimseach a bheith mar chomhlánú ar thoirmisc. Bhí cuid de na páirtithe leasmhara nach raibh ag
iarraidh ach díriú isteach ar chur i bhfeidhm níos fearr an Rialacháin. Ag an staid sin, ní raibh seasamh oifigiúil ag na
Ballstáit ach léirigh siad tacaíocht do laghdú céimseach. Mhol gréasán na nGníomhaireachtaí um Chaomhnú
Comhshaoil[30]
sásra laghdaithe chéimsigh a chomhcheangal le toirmisc chun an laghdú céimseach
a threisiú. Measúnú
tionchair Rinne an Coimisiún measúnú tionchair ar
bheartais mhalartacha i dtaca lena n-éifeachtúlacht maidir le cuspóirí na
mbeartas a bhaint amach agus maidir lena dtionchar comhshaoil, eacnamaíoch agus
sóisialta ar pháirtithe leasmhara. Tugadh réimse leathan beartas chun bearta
reatha a chomhlánú faoi mheas. Ní raibh sna roghanna deiridh ach na
bearta sin amháin a léirigh coigilt mhór astaíochtaí ar chostas íseal lacáiste
agus iad a bheith i gcomhréir le beartais eile an AE. Leagadh síos cur i bhfeidhm iomlán an
Rialacháin maidir le gás‑F mar rogha bhunlíne. Rinneadh measúnú go mion
ar cheithre rogha beartais eile: (a)
Comhaontuithe deonacha; (b)
Raon feidhme leabhraithe le haghaidh beart maidir
le srianadh agus aisghabháil; (c)
Teorainneacha cainníochtúla ar sholáthar HFCanna
(laghdú céimseach); (d)
Toirmeasc ar tháirgí agus ar threalamh áirithe ina
bhfuil gáis-F a chur ar mhargadh an AE. Is é an bonn modheolaíochta a bhain leis an
measúnú tionchair mionanailís ar fhéidearthacht roghanna malartacha slána agus
tíosach ar fhuinneamh a thabhairt isteach sna 28 príomhearnáil ina n-úsáidtear
gáis-F. Ó tharla nár cuireadh teicneolaíochtaí malartacha san áireamh ach i
gcás inar measadh iad a bheith ar a laghad chomh tíosach céanna ar fhuinneamh
le teicneolaíochtaí traidisiúnta gáis-F, tugadh aghaidh ar astaíochtaí
indíreacha ó thomhaltas leictreachais ón tús. Tugadh tionchar ag staideanna éagsúla sa
slabhra táirgthe agus ag staideanna éagsúla úsáide faoi mheas, i.e. tionchar ar
tháirgeoirí ceimiceán, ar tháirgeoirí táirgí agus trealaimh, ar mhórdhíoltóirí,
ar úsáideoirí tionsclaíochta táirgí agus trealaimh, ar chuideachtaí a dhéanann
seirbhísiú ar threalamh agus ar thomhaltóirí deiridh. Léiríodh sa mheasúnú tionchair go dtabharfadh
laghdú céimseach HFCanna a dtabharfadh teorainneacha laghdaithe isteach de réir
a chéile go dtí 2030 do mhéid na ngás‑F sin atá le cur ar an margadh, an
méid is mó coigilte ar astaíochtaí, rud a laghdódh astaíochtaí an lae inniu dhá
thrian faoi 2030 (70 milliún tona de choibhéis CO2, a bheag nó a
mhór). Is cuí roinnt srianta a chur ar úsáid gás‑F, go háirithe chun
iontaofacht an laghdaithe chéimsigh a chosaint agus chun spriocdhíriú ar gháis‑F
nach n‑áirítear sa laghdú céimseach. Ba cheart bearta maidir le srianadh
agus aisghabháil a leabhrú chun modhanna áirithe iompair a chur san áireamh. Dá
gcuirfí iad sin i gcomhar a chéile, is mó a dhéanfadh na roghanna sin nuálaíocht
agus teicneolaíochtaí glasa a spreagadh. Bheadh costas íseal ar an ngeilleagar
agus ar an tsochaí i gcoitinne (-0.006 % an éifeacht is mó ar OTI), agus
thabharfaidís solúbacht don earnáil tionsclaíochta. Bheadh laghdú dhá thrian ar
astaíochtaí i gcomhréir leis na tograí reatha faoi Phrótacal Montréal agus
d'ullmhódh siad tionscal an AE do laghdú céimseach. Bheadh mar thoradh air
laghdú ar chostais de bharr dhul i bhfód níos mó ar an margadh agus de bharr
barraineachta scála le haghaidh teicneolaíochtaí malartacha, rud a chabhródh,
dá bhrí sin, le comhaontú a bhaint amach maidir leis na tograí faoi Phrótacal
Montréal. Is féidir costais riaracháin a choinneáil go
réasúnta íseal (foriomlán costas riaracháin de thart ar 2 mhilliún euro
in aghaidh na bliana le haghaigh laghdaithe chéimsigh). Is é is cúis leis sin
go gcuireann an scéim tuairiscithe faoi Rialachán (CE) Uimh. 842/2006
bunús na sonraí is gá ar fáil cheana féin chun roghanna beartais a chur chun
feidhme amach anseo. 3. EILIMINTÍ DLÍ AN TOGRA Achoimre ar an ngníomhaíocht atá beartaithe Coinníonn an togra forálacha reatha an
Rialacháin maidir le gás‑F, agus mionathraithe air chun a áitithiú go
ndéanfaidh na húdaráis náisiúnta an reachtaíocht a chur chun feidhme agus a
fhorfheidhmiú ar dhóigh níos fearr. Rinneadh cuid beart maidir le srianadh a
leathnú chun trucailí agus leantóirí cuisneacháin a chuimsiú. Tugtar forbhreathnú i dtábla comhghaoil atá in iarscríbhinn IX ar an
mbealach a rinneadh na forálacha atá ann cheana a chomhtháthú sa rialachán atá
beartaithe. Is é an beart nua is tábhachtaí teorainneacha
cainníochtúla ar sholáthar bulcshubstaintí HFC a thabhairt isteach san AE, agus
na teorainneacha sin a ísliú le himeacht ama. Comhlánaítear an laghdú céimseach
sin trí bhearta a áirithíonn go gcuimsítear na cainníochtaí a úsáidtear i
dtáirgí agus i dtrealamh sa sásra seo. Déanfaidh an sásra laghdaithe chéimsigh an
uasteorainn ar iomlán na mbulcHFCanna (i dtonaí de choibhéis CO2) a
chuirtear ar an margadh san AE a laghdú, agus calcfar air in 2015. Beidh an
chéad laghdú ina dhiaidh sin in 2016 agus bainfear amach 21 % de na
leibhéil díolacháin a baineadh amach in 2008-11 faoi 2030. Iompóidh táirgeoirí táirgí agus trealaimh a bhfuil soláthar teoranta os
a gcomhar amach ar theicneolaíochtaí malartacha más gá. Bunaítear an sásra laghdaithe chéimsigh ar an
iomlán ar an taithí arna gnóthú trí laghdú céimseach ar thomhaltas substaintí a
ídíonn an t-ózón. Ní mór cearta a bheith ag cuideachtaí a chuireann bulcHFCanna
ar mhargadh an AE bulcshubstaintí a chur ar mhargadh an AE den chéad uair. Leithroinneann an Coimisiún cuótaí saora ar chuideachtaí de bhonn
sonraí a tuairiscíodh roimhe, agus cuirtear forchoimeádas ar fáil
d'iontrálaithe nua. Ní mór do
chuideachtaí a chinntiú go bhfuil go leor ceart acu chun soláthar iarbhír
táirgí agus trealamh ar an margadh a chumhdach. Is féidir leo cuóta a aistriú eatarthu féin.
Déanann an Coimisiún an comhlíonadh a dheimhniú an bhliain dár gcionn, agus
déantar fíorú neamhspleách ar thuairiscí. Táthar ag dréim le go nglacfaidh thart
ar 100 cuideachta páirt agus áirithítear le tairseach go mbeidh díolúine ag
cuideachtaí nach gcuireann ach cainníochtaí beaga ar an margadh. Ba cheart HFCanna a allmhairítear i dtrealamh
réamhlochtaithe a áireamh freisin faoin laghdú céimseach agus mar sin tá bearta
comhlántacha fíor-riachtanach chun dul i ngleic leis na gáis sin chun
iontaofacht chomhshaoil[31]
an laghdaithe chéimsigh agus cothrom iomaíochta a áirithiú sa mhargadh. Mar sin
de, d'fhéadfaí fearais HFC nach bhfuil séalaithe go heirméiteach a tháirgiú san
AE nó a allmhairiú san AE ach níor mhór iad a líonadh san áit a shuiteálfaí iad[32]. Mar an gcéanna, cuirfear
toirmeasc ar aerchóiriúchán sobhogtha ina bhfuil HFCanna a chur ar an margadh ó
2020 amach. Tugtar roinnt toirmeasc eile isteach chun tacú
leis an sásra laghdaithe chéimsigh agus chun srian a chur ar gháis‑F eile
nach gcuimsítear sa sásra, ar toirmisc iad a bhfuarthas iad a bheith
cost-éifeachtúil maidir leis an laghdú iomlán is gá ar an leibhéal astaíochta.
Féach tábla 1 le haghaidh forbhreathnú Tábla 1: Achoimre ar fhorbhreathnú ar shrianta
ar threalamh nua Táirgí agus trealamh || Dáta toirmisc Úsáid HFC-23 i gcórais chosanta dóiteáin agus múchtóirí tine || 1 Eanáir 2015 Cuisneoirí agus reoiteoirí baile ina bhfuil HFCanna ag a bhfuil poitéinseal téimh dhomhanda de 150 nó níos mó || 1 Eanáir 2015 Cuisneoirí agus reoiteoirí le haghaidh úsáide tráchtála (córais shéalaithe go heirméiticeach) || 1 Eanáir 2017 le haghaidh HFCanna ag a bhfuil poitéinseal téimh dhomhanda de 2500 nó níos mó 1 Eanáir 2020 le haghaidh HFCanna ag a bhfuil poitéinseal téimh dhomhanda de 150 nó níos mó Fearais aerchóiriúcháin inaistrithe do sheomraí (séalaithe go heirméiticeach) ina bhfuil HFCanna le CTD de 150 nó níos mó || 1 Eanáir 2020 Lena chois sin, ní cheadófar trealamh cuisniúcháin
atá ann cheana ina bhfuil méid lochtaithe níos mó ná 5 thona de choibhéis CO2 a athlochtú le HFC ag a bhfuil poitéinseal
téimh dhomhanda an-ard (>2500) ó 2020 amach mar tá cuisneáin intiteáin níos
oiriúnaí agus níos tíosaí ar fhuinneamh ar fáil go leitheadach ar an margadh
cheana ag a bhfuil poitéinseal téimh dhomhanda níos lú. Leathnaítear sriantaí ar úsáid SF6
i dteilgean dísle maignéisiam chun saoráidí a úsáideann níos lú ná 850kg in
aghaidh na bliana a chuimsiú, mar chuir dul chun cinn teicneolaíochta úsáid den
sórt sin as feidhm. Ba cheart go bhféadfaí faireachán a dhéanamh
ar gháis‑F nach gcumhdaítear sa reachtaíocht reatha de bharr oibleagáidí
breise tuairiscithe. Bunús dlí Is é príomhchuspóir an Rialacháin ardleibhéal
cosanta a thabhairt don chomhshaol, go háirithe trí athrú aeráide a chomhrac. Bunaítear an togra seo mar sin ar Airteagal 192(1)
den Chonradh ar Fheidhmiú an Aontais Eorpaigh. Prionsabal
na coimhdeachta Ní féidir leis na Ballstáit cuspóirí an togra
a bhaint amach go leordhóthanach. Is fearr a
bhainfidh an AE na cuspóirí amach ar na fáthanna seo a leanas. Is saincheist trasteorann í an córas aeráide a
chosaint. Ní féidir leis na Ballstáit na fadhbanna a réiteach leo féin. Éilítear gníomhaíocht trasna an AE chomh maith le
gníomhaíocht ar fud an domhain de bharr mhéid na faidhbe. Tá sé mar chuspóir ag
an togra freisin creat dlí a chruthú chun comhaontú idirnáisiúnta a chur chun
feidhme ar laghdú céimseach HFCanna, ina mbeidh an AE rannpháirteach. Táthar ag
plé an chomhaontaithe san am atá i láthair ar leibhéal idirnáisiúnta. Foráiltear leis an Rialachán táirgí agus
trealamh áirithe ina bhfuil gáis-F a thoirmeasc ó chur ar an margadh ná óna
n-úsáid. Tá sé ábharach, dá bhrí sin, maidir le feidhmiú an mhargaidh
inmheánaigh. Díríonn an togra ar leasú agus comhlánú a
dhéanamh ar reachtaíocht an AE agus ar chuid forálacha a neartú chun a chur
chun feidhme agus a fhorfheidhmiú a fheabhsú ag na Ballstáit. Comhlíonann sé mar sin prionsabal na
coimhdeachta. Prionsabal
na comhréireachta Comhlíonann an togra prionsabal na
comhréireachta. Déantar na bearta de bhonn
measúnaithe chuimsithigh ar a gcost-éifeachtúlacht. Tá
na tairseacha le haghaidh costais lacáiste inghlactha ag teacht leis an
Treochlár Ísealcharbóin i[33]na
leagtar amach an straitéis iomlán chun athrú aeráide a chomhrac. Ligeann tréimhsí aistrithe atá fada go leor do na
hearnálacha lena mbaineann iad féin a chur in oiriúint ar bhealach éifeachtach
ó thaobh an gheilleagair de. I gcás ina ndéantar foráil maidir le srianta a
bheith ar fheidhmeanna áirithe gáis-F, áirithiú an togra go bhfuil roghanna
malartacha ar fáil atá infheidhme go teicniúil agus go heacnamaíoch. I gcás nach amhlaidh is fíor, ceadaítear maolú a
thabhairt. Ní bheartaítear forálacha mionsonraithe i
gcásanna inarbh fhearr a d'fhéadfaí na cuspóirí a bhaint amach trí
ghníomhaíocht i réimsí eile beartais, mar shampla trí bhíthin reachtaíocht
maidir le dramhaíl nó dearadh éiceolaíoch. Déantar
é sin chun forluí a sheachaint a d'fhéadfadh leithroinnt doiléir freagrachtaí a
bheith mar thoradh air, rud a chruthódh ualach breise d' údaráis phoiblí agus
do chuideachtaí. Rogha na
n-ionstraimí Is é Rialachán an ionstraim a roghnaítear mar
tá sé mar aidhm ag an togra ionad an Rialacháin atá ann faoi láthair a ghlacadh
agus é a fheabhsú, agus as siocair gur cheart don sásra laghdaithe chéimsigh
tógáil ar an gcóras arna bhunú ag leibhéal na hEorpa le haghaidh laghdaithe
chéimsigh ar shubstaintí a ídíonn ózón. Cruthaíodh
go bhfeidhmíonn an córas sin go héifeachtach. Chuirfeadh
aon athrú ar an gcóras ualach míchuí ar na Ballstáit agus ar na cuideachtaí atá
gníomhach san earnáil sin. 4. IMPLEACHT BHUISÉADACH Níl aon impleacht bhreise ar bhuiséad an
Aontais Eorpaigh. 2012/0305 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir le gáis cheaptha teasa fhluairínithe (Téacs atá ábhartha maidir leis an LEE) TÁ PARLAIMINT NA hEORPA AGUS
COMHAIRLE AN AONTAIS EORPAIGH, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 192(1) de, Ag féachaint don togra ón gCoimisiún Eorpach, Tar éis dóibh an dréachtghníomh reachtach
a chur chuig na parlaimintí náisiúnta, Ag féachaint don tuairim ó Choiste Eacnamaíoch
agus Sóisialta na hEorpa[34], Ag féachaint don tuairim ó Choiste na Réigiún[35], Ag gníomhú dóibh i gcomhréir leis an
ngnáthnós imeachta reachtach, De bharr an méid seo a leanas: (1) Sa Cheathrú Tuarascáil
Mheasúnaithe ón bPainéal Idir‑Rialtasach ar an Athrú Aeráide
("IPCC") de chuid Chreat-Choinbhinsiún na Náisiún Aontaithe ar an
Athrú Aeráide ("UNFCCC"), ar páirtí é an tAontas ann[36], sonraíodh, ar bhonn sonraí
eolaíocha atá ann cheana, go mbeadh ar thíortha forbartha astaíochtaí gás
ceaptha teasa a laghdú 80 % go 95 % faoi bhun astaíochtaí 1990 faoi
2050 chun teorainn a chur leis an athrú aeráide domhanda go dtí ardú teochta
2 ˚C agus tionchar aeráide neamh‑inmhianaithe a chosc dá bharr[37]. (2) Chun an sprioc sin a bhaint
amach, tá bealach costéifeachtach leagtha amach ag an gCoimisiún Eorpach i
dTreochlár um Gheilleagar Ísealcharbóin chun na laghduithe astúcháin foriomlána
is gá a bhaint amach san Aontas faoi 2050[38].
Bunaítear leis an treochlár sin na rannchuidithe earnála is gá i sé réimse. Ba
cheart astaíochtaí neamh‑CO2 (lena n‑áirítear gáis
cheaptha teasa fhluairínithe ach gan astaíochtaí neamh‑CO2 ó
thalmhaíocht a áireamh) a laghdú 72 % go dtí 73 % faoi 2030 agus 70 %
go dtí 78 % faoi 2050, i gcomparáid le leibhéil 1990. Má bhunaítear iad ar
an mbliain tagartha 2005, is gá laghdú 60 % go dtí 61 % ar
astaíochtaí neamh‑CO2, seachas i gcás astaíochtaí ó
thalmhaíocht, faoi 2030. Measadh go raibh 90 milliún tona astaíochtaí gás
ceaptha teasa fluairínithe de choibhéis CO2 ann in 2005. Ciallaíonn
laghdú 60 % nár mhór astaíochtaí a laghdú go dtí timpeall 35 tona de
choibhéis CO2 faoi 2030. Nuair a chuirtear san áireamh 104 tona
astaíochtaí measta de choibhéis CO2 in 2030 bunaithe ar chur i
bhfeidhm iomlán na reachtaíochta reatha, is gá laghdú breise 70 tona de
choibhéis CO2. (3) Ba é an chonclúid ar
thuarascáil ón gCoimisiún[39]
maidir le cur i bhfeidhm, éifeachtaí agus leordhóthanacht
Rialachán (CE) Uimh. 842/2006[40]
go bhféadfadh na bearta reatha maidir le coimeád, má chuirtear i bhfeidhm ina n‑iomláine
iad, astaíochtaí gás ceaptha teasa fluairínithe a laghdú. Ba cheart na bearta
sin a choinneáil agus a shoiléiriú, dá bharr, ar bhonn na taithí a fuarthas
agus iad á gcur chun feidhme. Ba cheart bearta áirithe a chur i bhfeidhm ar
fhearais eile ina n‑úsáidtear cainníochtaí substaintiúla gás ceaptha
teasa fluairínithe, amhail trucailí agus leantóirí cuisniúcháin. San oibleagáid
chun taifid a bhunú agus a choinneáil ar threalaimh ina bhfuil gáis den chineál
sin ba cheart go gcumhdófaí freisin lascthrealamh leictreach. (4) Ba é an chonclúid ar
thuarascáil an Choimisiúin freisin gur féidir níos mó a dhéanamh chun astaíochtaí
gás ceaptha teasa fluairínithe a laghdú san Aontas, go háirithe trí úsáid na
ngás sin a sheachaint i gcás ina bhfuil teicneolaíochtaí eile ann atá sábháilte
agus tíosach ar fhuinneamh nach bhfuil aon tionchar acu nó nach bhfuil ach
tionchar beag acu ar an aeráid. Tá laghdú suas le dhá thrian d'astaíochtaí 2010
faoi 2030 costéifeachtach mar tá malairtí atá cruthaithe agus tástáilte le fáil
i go leor earnálacha. (5) Chun úsáid teicneolaíochtaí
den chineál sin a spreagadh, ba cheart go gcumhdófaí in oiliúint daoine a
chuireann gníomhaíochtaí i gcrích ina n‑úsáidtear gáis cheaptha teasa
fhluairínithe teicneolaíochtaí a bhfuil d'aidhm acu úsáid gás ceaptha teasa
fluairínithe a ionadú agus a laghdú. Ba cheart bailíocht theoranta a bheith ag
deimhnithe agus níor cheart tréimhse tosaigh na bailíochta a shíneadh ach
amháin ar bhonn oiliúna tréimhsiúla éigeantaí, chun a áirithiú go gcoinnítear
na daoine sin ar an eolas maidir le forbairtí teicniúla nua. (6) Chun comhleanúnachas a
áirithiú le ceanglais faireacháin agus thuairiscithe faoin UNFCCC agus le
Cinneadh 4/CMP.7 ó Chomhdháil na bPáirtithe atá ag feidhmiú mar chruinniú
na bPáirtithe do Phrótacal Kyoto, ba cheart poitéinseal téimh dhomhanda a ríomh
i dtéarmaí an phoitéinsil téimh dhomhanda 100 bliain i dtaca le cileagram
amháin gáis i gcoibhneas chileagram amháin CO2. Ba cheart go mbeadh
an ríomh, nuair is féidir, bunaithe ar an gceathrú tuarascáil mheasúnaithe arna
glacadh ag an IPCC. (7) Nuair a chuirtear san áireamh
go bhfuil roghanna oiriúnacha ann, ba cheart an toirmeasc reatha ar
heicseafluairíd sulfair a úsáid i dteilgean dísle maignéisiam agus athchúrsáil
cóimhiotal teilgin dísle maignéisiam a leathnú go saoráidí a úsáideann níos lú
ná 850 kg in aghaidh na bliana. Ar an gcuma chéanna, i gcás tréimhse oiriúnaí
idirthréimhsí, ba cheart go mbeadh toirmeasc ar chuisneáin ag a bhfuil
poitéinseal téimh dhomhanda ard (GWP) a úsáid chun trealamh cuisniúcháin ag a
bhfuil méid luchta arb ionann é agus 5 thona CO2 nó níos mó a
sheirbhísiú nó a chothabháil. (8) Ba cheart toirmisc bhreise a
thabhairt isteach maidir le trealamh nua a chur ar an margadh le haghaidh
cuisniúcháin, aerchóiriúcháin agus cosanta ar dhóiteáin a fheidhmítear trí
úsáid a bhaint as gáis cheaptha teasa fhluairínithe shonracha i gcás ina bhfuil
malairtí oiriúnacha ar úsáid na substaintí sin le fáil. I bhfianaise forbairtí
teicniúla amach anseo agus infhaighteachta roghanna costéifeachtacha ar úsáid
gás ceaptha teasa fluairínithe, ba cheart go dtabharfaí de chumhacht don
Choimisiún táirgí agus trealamh eile a chur san áireamh nó gan catagóirí
áirithe táirgí nó trealaimh a chur san áireamh, ar bhonn sealadach freisin,
nach bhfuil substaintí malartacha atá faoi theorainn poitéinsil téimh dhomhanda
shonraithe ar fáil dóibh ar chúiseanna teicniúla nó eacnamaíocha, lena n‑áirítear
soláthar neamhleor substaintí malartacha ar an margadh chun an t‑éileamh
a shásamh, nó i ngeall ar chaighdeáin sábháilteachta is infheidhme gan úsáid
roghanna ábhartha a chur san áireamh. (9) Níor cheart na toirmisc sin a
thabhairt isteach ach amháin i gcás ina mbeidh astaíochtaí gás ceaptha teasa
foriomlána atá níos ísle mar thoradh ar na toirmisc sin, go háirithe ó
sceitheadh aon ghás ceaptha teasa fluairínithe agus ó na hastaíochtaí CO2
atá mar thoradh ar a n‑ídiú fuinnimh. Dá bhrí sin, ba cheart go gceadófaí
trealamh ina bhfuil gáis cheaptha teasa fhluairínithe i gcás ina bhfuil a n‑astaíochtaí
gás ceaptha teasa foriomlána níos lú ná na hastaíochtaí sin a bheadh mar
thoradh ar threalamh coibhéiseach gan gháis cheaptha teasa fhluairínithe, a
bhfuil an t‑uasídiú fuinnimh atá ceadaithe leagtha amach i mbearta
ábhartha cur chun feidhme arna nglacadh faoi Threoir 2009/125/CE
(Ecodesign)[41]. (10) Chun a áirithiú nach
suiteálfaidh ach daoine atá deimhnithe mar is cuí cuisniúchán nach bhfuil
séalaithe go heirméiteach, aerchóiriú agus trealamh teaschaidéil, ba cheart go
mbeadh toirmeasc ar an trealamh sin atá réamhlíonta le hidreafluaracarbóin a
chur ar an margadh. Ba cheart go n‑áiritheofaí leis an mbeart sin freisin
go bhfuil na cainníochtaí ar fad arna n‑úsáid don chéadlíonadh i ndáil le
trealamh den chineál sin faoi réir ag na bearta laghdaithe. (11) Aithnítear gurb é an bealach
is éifeachtaí agus is costéifeachtaí chun astaíochtaí na substaintí sin a
laghdú san fhadtéarma líon na hidreafluaracarbón arna gcur ar an margadh a
laghdú de réir a chéile. (12) Chun laghdú de réir a chéile
ar líon na hidreafluaracarbón arna gcur ar an margadh a chur chun feidhme, ba
cheart don Choimisiún cuótaí a leithdháileadh ar tháirgeoirí agus ar allmhaireoirí
aonair as iad a chur ar an margadh sa chaoi is nach sárófar an teorainn
chainníochtúil fhoriomlán maidir le hidreafluaracarbóin a chur ar an margadh
san Aontas. (13) Ba cheart go mbeadh an
leithdháileadh cuótaí ar chuideachtaí aonair bunaithe ar chainníochtaí na
hidreafluaracarbón atá táirgthe nó allmhairithe acu le linn na tréimhse
tagartha ó 2008 go 2011. Sa chaoi is nach gcuirfear oibreoirí beaga as an
áireamh, áfach, ba cheart cúig faoin gcéad den teorainn chainníochtúil
fhoriomlán a fhorchoimeád le haghaidh allmhaireoirí agus táirgeoirí nach bhfuil
níos mó ná 1 tona gás ceaptha teasa fluairínithe allmhairithe ná táirgthe
acu sa tréimhse thagartha. (14) Tríd na cuótaí a athríomh go
rialta ba cheart go n‑áiritheodh an Coimisiún gur féidir le hoibreoirí
nua leanúint dá ngníomhaíochtaí ar bhonn na meánmhéideanna a chuir siad ar an
margadh le blianta beaga anuas. (15) Ba cheart go n‑áiritheodh
an Coimisiún go bhfuil lárchlárlann leictreonach ar bun chun na cuótaí a
bhainistiú, bunaithe ar an gcóras do thrádáil cheadúnúcháin faoi Rialachán (CE)
Uimh. 1005/2009 ó Pharlaimint na hEorpa agus ón gComhairle an
16 Meán Fómhair 2009 maidir le substaintí a ídíonn an ciseal
ózóin[42]. (16) Chun solúbthacht an mhargaidh
i mbulc‑hidreafluaracarbóin a choinneáil, ba cheart go gceadófaí cuótaí a
aistriú, chuig táirgeoirí agus allmhaireoirí freisin nach raibh gníomhach san
earnáil cheana. (17) Le gur féidir faireachán a
dhéanamh ar éifeachtacht an Rialacháin, ba cheart go leathnófaí raon feidhme na
n‑oibleagáidí tuairiscithe reatha le go gcumhdófaí substaintí
fluairínithe eile a bhfuil GWP suntasach acu nó ar dócha go dtiocfaidh siad in
ionad na ngás ceaptha teasa fluairínithe atá liostaithe in Iarscríbhinn I
chomh maith. Ar an gcúis chéanna, ba cheart go dtuairisceofaí scrios gás
ceaptha teasa fluairínithe agus allmhairiú na ngás sin nuair atá siad le fáil i
dtáirgí agus i dtrealamh. Ba cheart tairseacha de minimis a shocrú chun
ualach riaracháin díréireach a sheachaint, go háirithe maidir le fiontair
bheaga agus mheánmhéide agus micreafhiontair. (18) Ba cheart go ndéanfadh an
Coimisiún faireachán leanúnach ar na héifeachtaí a bheadh ag laghdú ar líon na
hidreafluaracarbón arna gcur ar an margadh, lena n‑áirítear an éifeacht a
bheadh ag laghdú ar an soláthar d'fhearais ina mbeadh astaíochtaí ag a bhfuil
saolré níos ísle mar thoradh orthu ná mar a bheadh dá n‑úsáidfí
teicneolaíocht mhalartach. Ba cheart go n‑áiritheofaí leis an
bhfaireachán freisin aimsiú luath ceisteanna sláinte nó sábháilteachta, de
dheasca an tionchair dhiúltaigh ar infhaighteacht táirgí íocshláinte. Ba cheart
athbhreithniú cuimsitheach a chur i gcrích roimh 2030 agus in am chun forálacha
an Rialacháin seo a oiriúnú i bhfianaise a chur chun feidhme agus forbairtí nua
agus, más iomchuí, chun bearta laghdaithe breise a ghlacadh. (19) Chun coinníollacha comhionanna
a áirithiú i gcur chun feidhme an Rialacháin seo, ba cheart cumhachtaí cur chun
feidhme a thabhairt don Choimisiún chun leagan amach taifead atá le coinneáil
maidir le trealamh arna shuiteáil, arna sheirbhísiú, arna chothabháil, arna
dheisiú nó arna dhíchoimisiúnú, leagan amach an fhógra maidir le cláir oiliúna
agus dheimhniúcháin agus leagan amach lipéad do tháirgí agus do threalamh a
chinneadh; chun luachanna tagartha a chinneadh d'allmhaireoirí agus do
tháirgeoirí bunaithe ar chainníochtaí na hidreafluaracarbón arna gcur ar an
margadh san Aontas agus chun an leagan amach agus na modhanna chun
tuarascálacha a chur isteach a chinneadh. Ba cheart na cumhachtaí sin a
fheidhmiú i gcomhréir le forálacha Rialachán (AE) Uimh. 182/2011 ó
Pharlaimint na hEorpa agus ón gComhairle an 16 Feabhra 2011 lena
leagtar síos na rialacha agus na prionsabail ghinearálta a bhaineann le sásraí
maidir le rialú ag na Ballstáit ar fheidhmiú cumhachtaí cur chun feidhme ag an
gCoimisiún[43]. (20) Chun dul chun cinn
teicneolaíoch agus forbairt na margaí a ndéanann an Rialachán seo difear dóibh
a chur san áireamh, agus chun comhlíonadh comhaontuithe idirnáisiúnta a
áirithiú, ba cheart an chumhacht chun gníomhartha a ghlacadh i gcomhréir le hAirteagal 290
den Chonradh ar Fheidhmiú an Aontais Eorpaigh a tharmligean chuig an gCoimisiún
i ndáil leis na nithe seo a leanas: ceanglais a shonrú le haghaidh scrúduithe
sceite caighdeánacha; an liosta de threalamh a leathnú faoi réir ag aisghabháil
shainordaitheach gás ceaptha teasa fluairínithe; na híoscheanglais agus na
coinníollacha a shonrú chun aitheantas frithpháirteach a thabhairt do chláir
oiliúna do dhaoine a shuiteálann, a chothabhálann, a dheisíonn nó a
dhíchoimisiúnaíonn an trealamh agus a scrúdaíonn sceitheadh agus a aisghabhann
gáis cheaptha teasa fhluairínithe, agus chun na daoine sin agus na cuideachtaí
a chuireann tascanna den chineál sin i gcrích a dheimhniú. na ceanglais
lipéadaithe a leasú; toirmeasc ar thuilleadh táirgí agus trealaimh a chur ar an
margadh ina bhfuil gáis cheaptha teasa fhluairínithe nó atá ag brath orthu;
uaschainníochtaí hidreafluaracarbón is féidir a chur ar an margadh a leasú agus
soláthar hidreafluaracarbón le haghaidh úsáidí sonracha criticiúla a dhíolúnú ón
gceanglas cuóta ar chúiseanna sláinte agus sábháilteachta; na rialacha a
chinneadh chun luachanna tagartha a athríomh le haghaidh hidreafluaracarbón
arna gcur ar an margadh ag gnóthais aonair agus an sásra maidir le
leithdháileadh cuótaí a leasú nó a fhorlíonadh; na tairseacha maidir le
ceanglais thuairiscithe a athbhreithniú; ceanglais a bhunú do na córais
thuairiscithe maidir le hastaíochtaí gás ceaptha teasa fluairínithe agus úsáid
na sonraí maidir le hastaíochtaí arna mbailiú ag na Ballstáit; lena n‑áirítear
substaintí eile a bhfuil poitéinseal suntasach téimh dhomhanda acu i liostaí na
substaintí arna gcumhdach ag an Rialachán seo agus na liostaí a thabhairt
cothrom le dáta ar bhonn fionnachtana eolaíocha nua, go háirithe poitéinseal
téimh dhomhanda na substaintí atá liostaithe sna hiarscríbhinní a ghabhann leis
an Rialachán. (21) Tá tábhacht ar leith leis go
ndéanfaidh an Coimisiún comhairliúcháin iomchuí le linn a chuid oibre
ullmhúcháin, lena n-áirítear ar leibhéal na saineolaithe. Agus gníomhartha tarmligthe
á n-ullmhú agus á dtarraingt suas aige, ba cheart don Choimisiún a áirithiú go
ndéantar na doiciméid ábhartha a tharchur chuig Parlaimint na hEorpa agus chuig
an gComhairle ar bhealach comhuaineach, tráthúil agus iomchuí. (22) Leasaítear agus comhlánaítear
leis an Rialachán seo Rialachán (CE) Uimh. 842/2006, agus ba cheart é a
chur ina ionad dá bhrí sin, TAR ÉIS AN RIALACHÁN SEO A GHLACADH: Caibidil I
Forálacha Ginearálta Airteagal 1
Sainmhínithe Chun críocha an Rialacháin seo, beidh feidhm
ag na sainmhínithe seo a leanas: (1)
ciallaíonn 'gáis cheaptha teasa fhluairínithe' na
hidreafluaracarbóin (HFCanna), sárfhluaracarbóin (PFCanna), heicseafluairíd
sulfair (SF6) agus gáis cheaptha teasa eile ina bhfuil fluairín, mar
atá liostaithe in Iarscríbhinn I, bídís ina n‑aonar nó i meascán; (2)
ciallaíonn 'poitéinseal téimh dhomhanda'
poitéinseal téimh aeráide gáis cheaptha teasa i gcoibhneas poitéinsil téimh
aeráide dé-ocsaíd-charbóin (CO2), arna ríomh i dtéarmaí poitéinsil
téimh 100 bliain cileagraim amháin gáis i gcomórtas le cileagram amháin CO2,
mar atá leagtha síos in Iarscríbhinn I, Iarscríbhinn II agus
Iarscríbhinn III; (3)
ciallaíonn 'tona(í) de choibhéis CO2'
cainníocht gás ceaptha teasa, nó cainníocht meascáin ina bhfuil na gáis sin,
curtha in iúl mar thoradh mheáchan na ngás ceaptha teasa i dtonaí méadracha
agus a bpoitéinseal téimh dhomhanda; (4)
ciallaíonn 'oibreoir' an duine nádúrtha nó
dlíthiúil a bhfuil an trealamh agus na córais arna gcumhdach ag an Rialachán
seo ina sheilbh aige agus a fheidhmíonn cumhacht iarbhír ar a bhfeidhmiú
teicniúil; (5)
ciallaíonn 'úsáid' úsáid gás ceaptha teasa
fluairínithe i dtáirgeadh, i gcothabháil nó i seirbhísiú, lena n‑áirítear
athlíonadh, táirgí agus trealaimh, nó i bpróisis eile; (6)
ciallaíonn 'cur ar an margadh' rud a sholáthar nó a
chur ar fáil do pháirtí eile san Aontas den chéad uair, ar íocaíocht nó saor in
aisce, nó é a úsáid thar a cheann féin i gcás táirgeora, nó é a allmhairiú
isteach i gcríoch chustaim an Aontais faoi nós imeachta custaim lena
gceadaítear úsáid nó oibriú na n‑earraí allmhairithe san Aontas; (7)
ciallaíonn 'córas atá séalaithe go heirméiteach'
córas ina séalaítear na codanna ar fad ina bhfuil gáis cheaptha teasa
fhluairínithe go heirméiteach le linn a mhonaraithe trína dtáthú, trína
bprásáil nó trína dteannadh trína nascadh buan agus sa chás sin, ní gá an
ciorcad cuisneáin a oscailt chun an córas a oibriú; (8)
ciallaíonn 'coimeádán nach féidir a athlíonadh'
coimeádán a ceapadh go sonrach chun gáis cheaptha teasa fhluairínithe a iompar
nó a stóráil agus nach féidir a athlíonadh gan é a leasú chun na críche sin nó
a chuirtear ar an margadh gan aon fhoráil a bheith déanta go gcuirfear ar ais é
le haghaidh athlíonta. (9)
ciallaíonn 'aisghabháil' bailiú agus stóráil gás
ceaptha teasa fluairínithe ó tháirgí, ó threalamh nó ó choimeádáin le linn
cothabhála nó seirbhísiú nó roimh dhiúscairt táirgí, trealaimh nó coimeádán; (10)
ciallaíonn 'athchúrsáil' athúsáid gáis cheaptha
teasa fhluairínithe aisghafa tar éis próisis glantacháin bhunúsaigh; (11)
ciallaíonn 'athshlánú' athphróiseáil gáis cheaptha
teasa fhluairínithe aisghafa chun feidhmíocht atá coibhéiseach le feidhmíocht
substainte íne a bhaint amach, agus an úsáid atá beartaithe di á cur san
áireamh; (12)
ciallaíonn 'scrios' an próiseas ina gclaochlaítear
nó ina ndianscaoiltear go buan gach cuid de ghás ceaptha teasa fluairínithe nó
cuid de ina substaint nó ina substaintí cobhsaí nach gáis cheaptha teasa
fhluairínithe iad; (13)
ciallaíonn 'do‑aistrithe' gan a bheith ag
gluaiseacht le linn oibrithe; (14)
ciallaíonn 'cúr aon ábhair' comhdhéanamh cúir atá i
gcoimeádán aerasóil aonair i bhfoirm leachtach neamh‑imoibrithe nó páirt‑imoibrithe
agus a leathnaíonn agus a chruann nuair a fhágann sé an coimeádán; (15)
ciallaíonn 'trucail chuisniúcháin' mótarfheithicil
a bhfuil uasmhais atá níos mó ná 3.5 tona aici a ceapadh agus a tógadh go
príomha chun earraí a iompar agus atá feistithe le haonad cuisniúcháin; (16)
ciallaíonn 'leantóir cuisniúcháin' feithicil a
ceapadh agus a tógadh le tarraingt ag trucail nó tarracóir, go príomha chun
earraí a iompar agus atá feistithe le haonad cuisniúcháin; Caibidil II
Coimeád Airteagal 2
Astaíochtaí a chosc 1. Beidh toirmeasc ar gháis
cheaptha teasa fhluairínithe a scaoileadh san atmaisféar d'aon turas i gcás
nach bhfuil gá leis an scaoileadh go teicniúil don úsáid atá beartaithe dó. 2. Glacfaidh oibreoirí trealaimh
ina bhfuil gáis cheaptha teasa fhluairínithe réamhchúraimí chun scaoileadh
neamhbheartaithe na ngás sin a chosc (dá ngairtear "sceitheadh" anseo
feasta). 3. I gcás ina n‑aimsítear
sceitheadh na ngás sin, áiritheoidh na hoibreoirí go ndeiseofar an trealamh gan
mhoill mhíchuí. I gcás ina bhfuil sceitheadh sa trealamh deisithe,
áiritheoidh na hoibreoirí go seiceálann daoine deimhnithe an trealamh laistigh
de mhí amháin tar éis an deisithe chun a fhíorú go raibh an deisiú éifeachtach. 4. Deimhneofar na daoine agus na
gnóthais a chuireann na tascanna seo a leanas i gcrích i gcomhréir le hAirteagal 8:
(a)
trealamh dá dtagraítear in Airteagal 3(1) a
shuiteáil, a sheirbhísiú, a chothabháil, a dheisiú nó a dhíchoimisiúnú; (b)
trealamh aerchóirithe soghluaiste ina bhfuil gáis
cheaptha teasa fhluairínithe a sheirbhísiú, a chothabháil, a dheisiú nó a
dhíchoimisiúnú; (c)
lascthrealamh leictreach ina bhfuil SF6
a shuiteáil, a sheirbhísiú, a chothabháil, a dheisiú nó a dhíchoimisiúnú; (d)
gáis cheaptha teasa fhluairínithe a sheachadadh nó
a fháil do na tascanna atá liostaithe i bpointe (a), i bpointe (b)
agus i bpointe (c). Agus na tascanna sin á gcur i gcrích acu,
glacfaidh na daoine agus na gnóthais dá dtagraítear sa chéad fhomhír bearta
réamhchúraim chun sceitheadh gás ceaptha teasa fluairínithe a chosc. 5. Aon duine a shannann an tasc
i dtaca le lascthrealamh leictreach ina bhfuil SF6 nó an trealamh dá
dtagraítear in Airteagal 3(1) a shuiteáil, a sheirbhísiú, a chothabháil, a
dheisiú nó a dhíchoimisiúnú do pháirtí eile, fionnfaidh sé go bhfuil na
deimhnithe is gá de bhun Airteagal 8 ag an bpáirtí eile do na tascanna
riachtanacha. Airteagal 3
Sceitheadh a lorg 1. Trealamh ina bhfuil gáis
cheaptha teasa fhluairínithe a bhfuil poitéinseal téimh dhomhanda acu arb
ionann é agus 5 thona CO2 nach bhfuil i gcúir, áiritheoidh
oibreoirí an trealaimh sin go scrúdófar an trealamh le haghaidh sceite.
Trealamh a bhfuil córais atá séalaithe go heirméiteach aige agus a bhfuil
amhlaidh tugtha le fios ar an lipéad, agus a bhfuil gáis cheaptha teasa
fhluairínithe ann a bhfuil poitéinseal téimh dhomhanda acu arb ionann é agus
níos lú ná 10 dtona CO2, ní bheidh an trealamh sin faoi réir
scrúduithe sceite faoin Airteagal seo, áfach. Cuirfidh daoine atá deimhnithe i gcomhréir leis na
rialacha dá bhforáiltear in Airteagal 8 na scrúduithe i gcrích. Baineann an mhír seo le hoibreoirí an trealaimh
seo a leanas ina bhfuil gáis cheaptha teasa fhluairínithe: (a)
trealamh cuisniúcháin do‑aistrithe; (b)
trealamh aerchóiriúcháin do‑aistrithe; (c)
teaschaidéil dho‑aistrithe; (d)
córais dho‑aistrithe chosanta ar dhóiteáin ; (e)
trucailí cuisniúcháin agus leantóirí cuisniúcháin. 2. Cuirfear na scrúduithe de
bhun mhír 1 i gcrích mar seo a leanas: (a)
trealamh ina bhfuil gáis cheaptha teasa
fhluairínithe a bhfuil poitéinseal téimh dhomhanda acu arb ionann é agus
5 thona CO2 nó níos mó, ach níos lú ná 50 tona CO2,
déanfar é a scrúdú le haghaidh sceite uair gach 12 mhí ar a laghad. (b)
trealamh ina bhfuil gáis cheaptha teasa
fhluairínithe a bhfuil poitéinseal téimh dhomhanda acu arb ionann é agus
50 tona CO2 nó níos mó, ach níos lú ná 500 tona CO2,
déanfar é a scrúdú le haghaidh sceite uair gach sé mhí ar a laghad. (c)
trealamh ina bhfuil gáis cheaptha teasa
fhluairínithe a bhfuil poitéinseal téimh dhomhanda acu arb ionann é agus 500 tona
CO2 nó níos mó, déanfar é a scrúdú le haghaidh sceite uair gach
trí mhí ar a laghad. 3. Maidir leis na córais
chosanta ar dhóiteáin dá dtagraítear i mír 1(d), i gcás ina bhfuil córas
cigireachta ann cheana a chomhlíonann caighdeáin ISO 14520 nó EN 15004, agus
ina ndéantar cigireacht ar an gcóras cosanta ar dhóiteáin a mhinice is gá i
gcomhréir le mír 2, measfar go gcomhlíonann na cigireachtaí sin
oibleagáidí mhír 1. 4. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena sonraítear na ceanglais do na scrúduithe sceite atá le cur i gcrích i
gcomhréir le mír 1 den Airteagal seo maidir le gach cineál trealaimh dá
dtagraítear sa mhír sin, lena sainaithnítear na codanna sin den trealamh is
dóichí a sceithfidh, agus lena leasaítear an liosta trealaimh i mír 1 den Airteagal
seo chun cineálacha eile trealaimh a áireamh i bhfianaise threochtaí an
mhargaidh agus dul chun cinn teicneolaíoch. Airteagal 4
Córais aimsithe sceite 1. Oibreoirí an trealaimh dá
dtagraítear in Airteagal 3(1) ina bhfuil gáis cheaptha teasa fhluairínithe
a bhfuil poitéinseal téimh dhomhanda acu arb ionann é agus 500 tona CO2
nó níos mó, áiritheoidh siad go gcuirtear an trealamh ar fáil le córas aimsithe
sceite lena gcuirtear an t‑oibreoir ar an airdeall maidir le haon
sceitheadh. Scrúdófar na córais aimsithe
sceite uair gach 12 mhí ar a laghad chun a áirithiú go bhfuil siad ag
feidhmiú i gceart. 2. De mhaolú ar phointe (b)
d'Airteagal 3(2), i gcás ina gcuirtear córas aimsithe sceite ar fáil do
threalamh ina bhfuil gáis cheaptha teasa fhluairínithe a bhfuil poitéinseal
téimh dhomhanda acu arb ionann é agus 50 tona CO2 nó níos mó,
ach níos lú ná 500 tona CO2, scrúdófar an trealamh le haghaidh
sceite uair gach 12 mhí ar a laghad. Airteagal 5
Taifid a choinneáil 1. Oibreoirí trealaimh ina
bhfuil gáis cheaptha teasa fhluairínithe nach bhfuil i gcúir, bunóidh agus
cothabhálfaidh siad, maidir le gach píosa trealaimh, taifid ar an eolas seo a
leanas lena sainaithnítear an trealamh: (a)
cainníocht agus cineál na ngás ceaptha teasa
fluairínithe arna suiteáil; (b)
cainníochtaí na ngás ceaptha teasa fluairínithe
arna gcur leis agus na fáthanna le hiad a chur leis; (c)
cainníocht na ngás ceaptha teasa fluairínithe arna
n‑aisghabháil; (d)
na rátaí sceite breathnaithe; (e)
sainaithint an ghnóthais agus an duine a shuiteáil,
a sheirbhísigh, a chothabháil agus, más infheidhme, a dheisigh nó a
dhíchoimisiúnaigh an trealamh; (f)
dátaí agus torthaí na scrúduithe arna gcur i gcrích
faoi Airteagal 3(1) agus Airteagal (3); (g)
más rud é gur díchoimisiúnaíodh an trealamh, na
bearta arna nglacadh chun na gáis cheaptha teasa fhluairínithe a aisghabháil
agus a dhiúscairt. Beidh feidhm ag an mír seo ar oibreoirí
lascthrealaimh leictrigh ina bhfuil SF6 agus oibreoirí an trealaimh
dá dtagraítear in Airteagal 3(2). 2. I gcás na dtaifead dá
dtagraítear i mír 1, seachas má chláraítear iad i mbunachar arna bhunú ag
údaráis inniúla na mBallstát, coinneoidh na hoibreoirí dá dtagraítear i
mír 1 na taifid go dtí dhá bhliain ar a laghad tar éis an trealamh a
dhíchoimisiúnú. I gcás na dtaifead dá dtagraítear i mír 1,
seachas má chláraítear iad i mbunachar arna bhunú ag údaráis inniúla na
mBallstát, coinneoidh na daoine nó na gnóthais atá ag cur na ngníomhaíochtaí dá
dtagraítear i mír 1(e) i gcrích d'oibreoirí cóipeanna de na taifid ar
feadh cúig bliana ar a laghad. Cuirfear na taifid ar fáil arna iarraidh sin don
údarás inniúil nó don Choimisiún. 3. Féadfaidh an Coimisiún leagan
amach na dtaifead dá dtagraítear i mír 1 a chinneadh agus an bealach ar
cheart iad a bhunú agus a chothabháil i ngníomh tarmligthe a shonrú. Glacfar an
gníomh cur chun feidhme sin i gcomhréir leis an nós imeachta scrúdúcháin dá
dtagraítear in Airteagal 21. Airteagal 6
Astaíochtaí ó tháirgeadh Glacfaidh táirgeoirí comhábhar fluairínithe na
réamhchúraimí ar fad is gá chun astaíochtaí gás ceaptha teasa fluairínithe a
chosc, a oiread is féidir, le linn táirgthe, iompair agus stórála. Áiritheoidh na táirgeoirí sin go scriosfar aon
trífhluaraimeatán (HFC-23) arna tháirgeadh ina sheachtháirge i gcainníochtaí
suntasacha mar chuid den phróiseas monaraíochta. Airteagal 7
Aisghabháil 1. Oibreoirí trealaimh, lena n‑áirítear
trealamh soghluaiste, ina bhfuil gáis cheaptha teasa fhluairínithe nach bhfuil
i gcúir, cuirfidh siad socruithe i bhfeidhm d'aisghabháil na ngás sin ag daoine
agus ag gnóthais a bhfuil na deimhnithe ábhartha acu dá bhforáiltear in Airteagal 8,
chun a áirithiú go n‑athchúrsálfar, go n‑athshlánófar nó go
scriosfar na gáis sin. Tá feidhm ag an oibleagáid sin maidir le
hoibreoirí an trealaimh seo a leanas: (a)
ciorcaid fhuaraithe trealaimh cuisniúcháin,
aerchóiriúcháin agus teaschaidéil; (b)
trealamh ina bhfuil tuaslagóirí bunaithe ar gháis
cheaptha teasa fhluairínithe; (c)
córais chosanta ar dhóiteáin agus múchtóirí
dóiteáin; (d)
lascthrealamh leictreach. 2. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena leasaítear an liosta trealaimh i mír 1 chun cineálacha eile trealaimh
a áireamh i bhfianaise a n‑ábharthachta atá ag dul i méid i ngeall ar an
bhforbairt tráchtála nó theicneolaíoch. 3. Roimh choimeádán gáis
cheaptha teasa fhluairínithe a dhiúscairt, socróidh an duine a d'úsáid an
coimeádán le haghaidh iompair nó stórála aisghabháil aon ghás iarmharach chun a
chinntiú go n‑athchúrsálfar, go n‑athshlánófar nó go scriosfar iad. 4. Úsáideoirí táirgí agus
oibreoirí trealaimh nach bhfuil liostaithe i mír 1 ina bhfuil gáis
cheaptha teasa fhluairínithe, socróidh siad aisghabháil na ngás, a oiread is
infheidhme, ag daoine atá cáilithe go hiomchuí, chun a chinntiú go n‑athchúrsálfar,
go n‑athshlánófar nó go scriosfar iad nó socróidh siad a scrios gan réamh‑aisghabháil. Airteagal 8
Oiliúint agus deimhniú 1. Bunóidh na Ballstáit cláir
oiliúna agus dheimhniúcháin do na daoine seo a leanas: (a) daoine a shuiteálann, a sheirbhísíonn, a
chothabhálann, a dheisíonn nó a dhíchoimisiúnaíonn an trealamh atá liostaithe
sa tríú fomhír d'Airteagal 3(1); (b) daoine a shuiteálann, a sheirbhísíonn, a
chothabhálann, a dheisíonn nó a dhíchoimisiúnaíonn lascthrealamh leictreach ina
bhfuil SF6; (c) daoine a chuireann na scrúduithe sceite
dá bhforáiltear in Airteagal 3(1) i gcrích; (d) daoine a aisghabhann gáis cheaptha teasa
fhluairínithe dá bhforáiltear in Airteagal 7. 2. Cumhdófar sna cláir oiliúna
dá bhforáiltear i mír 1 an méid seo a leanas: (a) rialacháin is infheidhme agus caighdeáin
theicniúla; (b) astaíochtaí a chosc; (c) gáis cheaptha teasa fhluairínithe a
aisghabháil; (d) trealamh de chineál agus de mhéid arna
chumhdach ag an deimhniú a láimhsiú go sábháilte; (e) teicneolaíochtaí chun úsáid gás ceaptha
teasa fluairínithe a ionadú nó a laghdú agus a láimhsiú go sábháilte. 3. Deimhnithe faoi na cláir
dheimhniúcháin dá bhforáiltear i mír 1, eiseofar iad ar an gcoinníoll go bhfuil
clár oiliúna arna bhunú i gcomhréir le mír 1 agus mír 2 curtha i gcrích ag
an iarratasóir. 4. Bunóidh na Ballstáit cláir
dheimhniúcháin do ghnóthais atá ag cur na ngníomhaíochtaí atá luaite i
bpointe (a) go pointe (d) de i mhír 1 i gcrích do pháirtithe
eile. 5. Beidh na deimhnithe dá
bhforáiltear i mír 1 agus mír 3 bailí ar feadh 5 bliana ar a mhéad. Féadfaidh
na Ballstáit fad a chur le bailíocht na ndeimhnithe dá bhforáiltear i
mír 1 i gcás ina bhfuil an duine lena mbaineann ag dul faoi oiliúint
thréimhsiúil éigeantach gach cúig bliana chun an t‑eolas ar na hábhair dá
dtagraítear i mír 2 a thabhairt cothrom le dáta. 6. Tabharfaidh na Ballstáit
fógra don Choimisiún maidir lena gcláir oiliúna agus dheimhniúcháin faoin [1
Eanáir 2015]. Aithneoidh siad deimhnithe arna n‑eisiúint i mBallstát
eile. Ní chuirfidh siad srian leis an tsaoirse maidir le seirbhísí a chur ar
fáil nó leis an tsaoirse bhunaíochta de bhrí gur eisíodh deimhniú i mBallstát
eile. 7. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena sonraítear na híoscheanglais don oiliúint agus don deimhniú dá
bhforáiltear i mír 1 agus lena sonraítear na coinníollacha d'aitheantas
frithpháirteach do dheimhnithe. Féadfaidh an Coimisiún leagan amach an fhógra
dá dtagraítear i mír 6 a chinneadh, trí bhíthin gníomhartha tarmligthe.
Glacfar na gníomhartha cur chun feidhme sin i gcomhréir leis an nós imeachta
scrúdúcháin dá dtagraítear in Airteagal 21. Caibidil III
Cur ar an margadh agus úsáid a rialú Airteagal 9
Srianta le cur ar an margadh 1. Cuirfear toirmeasc ar tháirgí
sonracha agus ar threalamh sonracha atá liostaithe in Iarscríbhinn III a
chur ar an margadh ón dáta atá sonraithe san Iarscríbhinn sin, agus déanfar
difreáil i gcás inarb infheidhme de réir cineáil nó de réir poitéinsil téimh dhomhanda
an gháis cheaptha teasa fhluairínithe atá sa táirge nó sa trealamh. Chun ríomh a dhéanamh ar phoitéinseal téimh
dhomhanda meascán de gháis cheaptha teasa fhluairínithe atá sna táirgí agus sa
trealamh sin cuirfear i bhfeidhm an modh atá leagtha amach in Iarscríbhinn IV. 2. Ní bheidh feidhm ag an
toirmeasc atá leagtha amach i mír 1 maidir le trealamh ar socraíodh ina
leith sna ceanglais éicidhearthóireachta arna nglacadh faoi
Threoir 2009/125/CE[44]
go mbeadh na hastaíochtaí saolré CO2 ón trealamh sin ní b’ísle ná
óna choibhéis de threalamh a chomhlíonann na ceanglais éicidhearthóireachta
agus nach bhfuil hidreafluaracarbóin ann, de bharr éifeachtúlachta fuinnimh
níos airde le linn a úsáidte. 3. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena leasaítear an liosta atá leagtha amach in Iarscríbhinn III chun
táirgí eile agus trealamh eile a áireamh ina bhfuil gáis cheaptha teasa
fhluairínithe ag a bhfuil poitéinseal téimh dhomhanda 150 nó níos mó, nó a
bhfuil a n‑oibríocht ag brath orthu, má tá sé léirithe go bhfuil malairtí
ar úsáid gás ceaptha teasa fluairínithe nó ar úsáid cineálacha sonracha gás
ceaptha teasa fluairínithe le fáil, agus gur lú a bheadh astaíochtaí iomlána
gás ceaptha teasa de bharr a n‑úsáidte, agus chun catagóirí áirithe
táirgí nó trealaimh a eisiamh, i gcás inarb iomchuí agus ar feadh tréimhse
sonraí ama, nach bhfuil substaintí malartacha a thagann faoi bhun na teorann
sonraithe do phoitéinseal téimh dhomhanda le fáil ar chúiseanna teicniúla,
eacnamaíocha nó sábháilteachta. Airteagal 10
Lipéadú agus faisnéis ar an táirge 1. Ní chuirfear táirgí ná
trealamh ina bhfuil gáis cheaptha teasa fhluairínithe ar an margadh gan bheith
lipéadaithe. Beidh feidhm ag an mír seo maidir leis na
cineálacha trealaimh seo a leanas: (a)
trealamh cuisniúcháin; (b)
trealamh aerchóiriúcháin; (c)
teaschaidéil (d)
córais chosanta dóiteán; (e)
lascthrealamh leictreach; (f)
cannaí aerasóil ina bhfuil gáis cheaptha teasa
fhluairínithe; (g)
na coimeádáin gháis cheaptha teasa fhluairínithe
uile; 2. Ar an lipéad a cheanglaítear
a bheith ann i gcomhréir le mír 1, léireofar an fhaisnéis seo a leanas: (a)
Go bhfuil gáis cheaptha teasa fhluairínithe sa
táirge nó sa trealamh; (b)
Ainm na ngás ceaptha teasa fluairínithe de réir an
chórais ainmniúcháin thionsclaíoch a nglactar leis, nó mura mbeidh an córas sin
ar fáil, an t‑ainm ceimiceach; (c)
Ón 1 Eanáir 2017 amach, cainníocht na ngás ceaptha
teasa atá sa táirge nó sa trealamh de réir meáchain agus choibhéis CO2.
I gcás ina bhfuil na gáis cheaptha teasa
fhluairínithe i gcóras atá séalaithe go heirméiteach, beidh sin léirithe i
ráiteas ar an lipéad. 3. Beidh an lipéad soléite
doscriosta agus cuirfear é gar do na poirt seirbhíse le haghaidh luchtú nó
aisghabháil an gháis cheaptha teasa fhluairínithe, nó ar an gcuid sin den
táirge nó den trealamh ina bhfuil an gás ceaptha teasa fluairínithe. 4. Ní chuirfear cúir ina bhfuil
gáis cheaptha teasa fhluairínithe ar an margadh gan lipéad lena sainítear iad
de réir an chórais ainmniúcháin thionsclaíoch a nglactar leis, nó mura mbeidh
an córas sin ar fáil, leis an ainm ceimiceach; Beidh sé léirithe go soiléir ar
an lipéad go bhfuil gáis cheaptha teasa fhluairínithe sa chúr sin. I gcás cúrchlár, beidh an fhaisnéis sin go soiléir
doscriosta ar na cláir. 5. Beidh an fhaisnéis dá dtagraítear
i mír 2 agus i mír 3 sna lámhleabhair treoracha a ghabhann leis na
táirgí agus leis an trealamh sin. I gcás táirgí agus trealaimh ina bhfuil gáis
cheaptha teasa fhluairínithe ag a bhfuil poitéinseal téimh dhomhanda 150 nó
níos mó, beidh an fhaisnéis sin sna tuairiscí a úsáidtear le haghaidh
fógraíochta. 6. Féadfaidh an Coimisiún
formáid na lipéad dá dtagraítear i mír 1 agus i mír 3 a chinneadh,
trí bhíthin gníomhartha tarmligthe. Glacfar na gníomhartha cur chun feidhme sin
i gcomhréir leis an nós imeachta scrúdúcháin dá dtagraítear in Airteagal 21. 7. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena leasaítear na ceanglais lipéadaithe atá leagtha amach i mír 1 agus i
mír 3 agus lena leasaítear liosta na dtáirgí agus an trealaimh atá i
mír 1 chun go n‑áireofar ann táirgí eile agus trealamh eile más
iomchuí i bhfianaise na forbartha tráchtála agus teicneolaíche. Airteagal 11
Úsáid a rialú 1. Beidh toirmeasc ar úsáid SF6
i dteilgean dísle agus in athchúrsáil cóimhiotal teilgin dísle maignéisiam.
Maidir le gléasraí ina n‑úsáidtear níos lú ná 850 kg SF6
in aghaidh na bliana, ní bheidh feidhm ag an toirmeasc sin ach ón 1 Eanáir
2015 amach. 2. Beidh toirmeasc ar SF6
a úsáid chun boinn feithiclí a líonadh. 3. Beidh toirmeasc ar gháis
cheaptha teasa fhluairínithe, nó meascáin ina bhfuil gáis cheaptha teasa
fhluairínithe, ag a bhfuil poitéinseal téimh dhomhanda 2 500 nó níos mó, a
úsáid chun trealamh cuisniúcháin ag a bhfuil méid luchta arb ionann é agus 5 thona
de CO2 nó níos mó a sheirbhísiú nó a chothabháil ón 1 Eanáir
2020 amach. Chun críche na forála seo, ríomhfar poitéinseal
téimh dhomhanda meascán ina bhfuil gáis cheaptha teasa fhluairínithe de bhun
Iarscríbhinn IV. Airteagal 12
Réamhluchtú trealaimh 1. Ón [ll/mm/bbbb][cuir
isteach an dáta trí bliana tar éis theacht i bhfeidhm an rialacháin seo]
amach, ní luchtófar trealamh cuisniúcháin, aerchóiriúcháin ná teaschaidéil le
hidreafluaracarbóin sula gcuirfear é ar an margadh nó sula gcuirfear ar fáil é
don úsáideoir deiridh le haghaidh a chéad shuiteála. Luchtófar an trealamh san áit a bhfuil sé
beartaithe é a úsáid, agus daoine atá deimhnithe i gcomhréir le hAirteagal 8
a luchtóidh é. 2. Ní bheidh feidhm ag
mír 1 maidir le trealamh atá séalaithe go heirméiteach ná trealamh ina
bhfuil cainníocht hidreafluaracarbón arb ionann é agus níos lú ná 2 % den
toilleadh iomlán a mheastar a bheidh ag an trealamh. Caibidil IV
An méid hidreafluaracarbón a chuirtear ar an margadh a laghdú Airteagal 13
An méid hidreafluaracarbón a chuirtear ar an margadh a laghdú 1. Áiritheoidh an Coimisiún nach
mó an chainníocht hidreafluaracarbón atá táirgeoirí agus allmhaireoirí i
dteideal a chur ar an margadh san Aontas gach bliain ná an uaschainníocht don
bhliain atá i gceist arna ríomh i gcomhréir le hIarscríbhinn V.
Áiritheoidh gach táirgeoir agus gach allmhaireoir nach mó an chainníocht
hidreafluaracarbón arna ríomh i gcomhréir le hIarscríbhinn V a chuirfidh
sé ar an margadh ná an cuóta arna leithdháileadh air de bhun Airteagal 14(5)
nó arna aistriú chuige de bhun Airteagal 16. 2. Ní bheidh feidhm ag an Airteagal
seo ar hidreafluaracarbóin a allmhairítear isteach san Aontas lena scriosadh. Ní bheidh feidhm aige maidir le táirgeoirí nó
allmhaireoirí níos lú ná 1 000 tona de choibhéis CO2 de
hidreafluaracarbóin in aghaidh na bliana. 3. Beidh feidhm ag an Airteagal
seo agus ag Airteagail 14, 16,17 agus 22 maidir le hidreafluaracarbóin atá
i gcumaisc polól. 4. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20 (a)
lena leasaítear na huaschainníochtaí atá leagtha
amach in Iarscríbhinn V i bhfianaise forbairtí ar mhargadh na
hidreafluaracarbón agus na n‑astaíochtaí lena mbaineann; agus (b)
lena ndíolmhaítear cur ar an margadh i gcás úsáidí
sonracha ón gceanglas cuótaí atá leagtha amach i mír 1 i gcás ina bhfuil
gá le húsáid hidreafluaracarbón ar chúiseanna sláinte nó sábháilteachta agus
nach n‑áiritheofaí leorsholáthar ina éagmais. Airteagal 14
Cuótaí a leithdháileadh maidir le hidreafluaracarbóin a chur ar an margadh 1. Faoin 31 Meán Fómhair
2014 cinnfidh an Coimisiún, trí bhíthin cinntí cur chun feidhme, do gach
táirgeoir nó allmhaireoir a thuairiscigh sonraí faoi réir Airteagal 6 de
Rialachán (CE) Uimh. 842/2006, luach tagartha ar bhonn mheán bliantúil na
gcainníochtaí hidreafluaracarbón a thuairiscigh an táirgeoir nó an t‑allmhaireoir
a tháirg sé nó a d’allmhairigh sé idir 2008 agus 2011. Chun críocha an luach
tagartha a chinneadh, ní chuirfear san áireamh in aon chor na cainníochtaí a
tuairiscíodh ar mó iad ná an cuóta. Ríomhfar na luachanna tagartha i gcomhréir
le hIarscríbhinn V a ghabhann leis an Rialachán seo. Glacfar na gníomhartha cur chun feidhme sin i
gcomhréir leis an nós imeachta scrúdúcháin dá dtagraítear in Airteagal 21. 2. Féadfaidh táirgeoirí agus
allmhaireoirí nár thuairiscigh táirgeadh nó allmhairí faoi réir Airteagal 6
de Rialachán (CE) Uimh. 842/2006 don tréimhse thagartha dá dtagraítear i
mír 1 a dhearbhú go bhfuil rún acu hidreafluaracarbóin a tháirgeadh nó a
allmhairiú an bhliain ina dhiaidh sin. Déanfar an dearbhú sin don Choimisiún, agus
sonrófar ann na cineálacha hidreafluaracarbón agus na cainníochtaí a mheastar a
chuirfear ar an margadh. Eiseoidh an Coimisiún fógra maidir leis an
teorainn ama ar chur isteach na ndearbhuithe sin. Sula gcuirfear isteach
dearbhú de bhun mhír 2 agus mhír 3, cláróidh gnóthais sa chlár dá
bhforáiltear in Airteagal 15. 3. Faoin 31 Meán Fómhair
2017 agus gach tríú bliain ina dhiaidh sin, athríomhfaidh an Coimisiún na
luachanna tagartha do na táirgeoirí agus do na hallmhaireoirí dá dtagraítear i
mír 1 agus i mír 2 ar bhonn mheán bliantúil na gcainníochtaí
hidreafluaracarbón a táirgeadh nó a allmhairíodh i ndiaidh 1 Eanáir 2015,
mar a tuairiscíodh faoi réir Airteagal 17. Cinnfidh sé na luachanna tagartha
sin trí bhíthin gníomhartha cur chun feidhme. Glacfar na gníomhartha cur chun feidhme sin i
gcomhréir leis an nós imeachta scrúdúcháin dá dtagraítear in Airteagal 21. 4. Féadfaidh táirgeoirí agus
allmhaireoirí dár cinneadh luachanna tagartha a dhearbhú go measfar go mbeidh
cainníochtaí breise ann i gcomhréir leis an nós imeachta atá leagtha amach i
mír 2. 5. Leithdháilfidh an Coimisiún
cuótaí maidir le hidreafluaracarbóin a chur ar an margadh ar gach táirgeoir
agus ar gach allmhaireoir le haghaidh gach bliana ón mbliain 2015 amach, agus
an sásra leithdháilte atá leagtha síos in Iarscríbhinn VI á chur i
bhfeidhm aige. 6. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena gcinntear an sásra le haghaidh na luachanna tagartha a athríomh de bhun
mhír 3 agus lena leasaítear nó lena bhforlíontar an sásra le haghaidh
cuótaí a leithdháileadh atá leagtha amach in Iarscríbhinn VI. Airteagal 15
Clár cuótaí 1. Bunófar clár leictreonach le
haghaidh cuótaí maidir le hidreafluaracarbóin a chur ar an margadh. Glacfaidh
an Coimisiún bearta chun an clár leictreonach sin a chur ar bun agus chun a
áirithiú go n‑oibreoidh sé mar is ceart. Clárófar na nithe seo a leanas sa chlár
leictreonach sin: (a)
táirgeoirí agus allmhaireoirí ar ar leithdháileadh
cuóta maidir le cur ar an margadh i gcomhréir le hAirteagal 14(5); (b)
táirgeoirí agus allmhaireoirí a n‑aistrítear
cuóta chucu i gcomhréir le hAirteagal 16; (c)
táirgeoirí agus allmhaireoirí atá a dhearbhú go
bhfuil rún acu dearbhú a chur isteach de bhun Airteagal 14(2). 2. Áiritheoidh an Coimisiún go
gcuirfear na táirgeoirí agus na hallmhaireoirí agus údaráis inniúla na
mBallstát ar an eolas tríd an gclár faoin gcuóta a leithdháileadh agus faoi aon
athruithe air le linn na tréimhse leithdháilte. Airteagal 16
Cuótaí a aistriú Féadfaidh aon táirgeoir nó aon allmhaireoir
dár cinneadh luach tagartha de bhun Airteagal 14(1) nó (3) agus ar ar
leithdháileadh cuóta i gcomhréir le hAirteagal 14(5) an cuóta sin a
aistriú i gcás na gcainníochtaí uile nó aon chainníochta chuig gnóthas eile san
Aontas atá cláraithe sa chlár dá dtagraítear in Airteagal 15(1). Tabharfar
fógra don Choimisiún roimh ré maidir le haon aistriú den chineál sin. Caibidil V Tuairisciú Airteagal 17
Tuairisciú ar tháirgeadh, ar allmhairiú, ar onnmhairiú agus ar scriosadh 1. Faoin 31 Márta 2014
agus gach bliain ina dhiaidh sin, tabharfaidh gach táirgeoir, gach allmhaireoir
agus gach onnmhaireoir a tháirg, a d’allmhairigh nó a d’onnmhairigh níos mó ná
aon tona méadrach nó 1 000 tona de choibhéis CO2 de gháis
cheaptha teasa fhluairínithe agus de na gáis atá liostaithe in
Iarscríbhinn II le linn na bliana féilire roimhe sin, tuairisc don
Choimisiún ar na sonraí atá sonraithe in Iarscríbhinn VII i dáil le gach
ceann de na substaintí sin an bhliain féilire sin. 2. Faoin 31 Márta 2014 agus
gach bliain ina dhiaidh sin, tabharfaidh gach gnóthas a scrios níos mó ná aon
tona méadrach nó 1 000 tona de choibhéis CO2 de gháis cheaptha
teasa fhluairínithe agus de na gáis atá liostaithe in Iarscríbhinn II le
linn na bliana féilire roimhe sin, tuairisc don Choimisiún ar na sonraí atá
sonraithe in Iarscríbhinn VII i dáil le gach ceann de na substaintí sin an
bhliain féilire sin. 3. Faoin 31 Márta 2014 agus
gach bliain ina dhiaidh sin, tabharfaidh gach gnóthas a chuir ar an margadh
níos mó ná aon tona méadrach nó 10 000 tona de choibhéis CO2 de
gháis cheaptha teasa fhluairínithe agus de na gáis atá liostaithe in
Iarscríbhinn II a bhí i dtáirgí nó i dtrealamh a bhí ar an margadh le linn
na bliana féilire roimhe sin, tuairisc don Choimisiún ar na sonraí atá
sonraithe in Iarscríbhinn VII i dáil le gach ceann de na substaintí sin an
bhliain féilire sin. 4. Gach gnóthas atá, faoi réir
mhír 1 agus mhír 3, le tuairisciú maidir le níos mó ná 10 000
tona de choibhéis CO2 de hidreafluaracarbóin a chur ar an margadh le
linn na bliana féilire roimhe sin, déanfaidh sé, sula gcuirfear an tuairisc
isteach, a áirithiú go bhfíoraíonn iniúchóir neamhspleách beachtas na sonraí,
iniúchóir arna chreidiúnú de bhun Threoir 2003/87/CE[45] nó arna chreidiúnú chun ráitis
airgeadais a fhíorú i gcomhréir le reachtaíocht an Bhallstáit lena mbaineann. Coinneoidh an gnóthas an tuairisc fíoraithe go
ceann cúig bliana ar a laghad. Cuirfear an tuairisc fhíoraithe ar fáil don
údarás inniúil agus don Choimisiún arna iarraidh sin dóibh. 5. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena leasaítear na tairseacha maidir leis na hoibleagáidí dá bhforáiltear i
mír 1, i mír 2 agus i mír 3 más iomchuí, i bhfianaise fhorbairt
an mhargaidh, chun an fhéidearthacht a chosc nach ndéanfar faireachán ar
chainníochtaí móra gás ceaptha teasa fluairínithe arna dtáirgeadh, arna n‑allmhairiú
nó arna n‑onnmhairiú nó chun ualaigh riaracháin a laghdú i gcásanna inar
beag le rá na cainníochtaí arna dtuairisciú. 6. Féadfaidh an Coimisiún an
fhormáid agus an modh ina gcuirfear isteach na tuairiscí dá dtagraítear san Airteagal
seo a chinneadh trí bhíthin gníomhartha cur chun feidhme. Glacfar na gníomhartha cur chun feidhme sin i
gcomhréir leis an nós imeachta scrúdúcháin dá dtagraítear in Airteagal 21. 7. Déanfaidh an Coimisiún bearta
iomchuí chun rúndacht na faisnéise a chuirfear faoina bhráid a chosaint i
gcomhréir leis an Airteagal seo. Airteagal 18
Sonraí astaíochtaí a bhailiú 1. Baileoidh na Ballstáit sonraí
i ndáil le hastaíochtaí gás ceaptha teasa fluairínithe. Chun na críche sin, bunóidh siad ceann de na
córais seo a leanas, de réir mar is iomchuí: (a) córas lena gcoinnítear bunachar sonraí ar
leibhéal náisiúnta chun na sonraí arna dtaifeadadh i gcomhréir le hAirteagal 5(1)
a bhailiú; (b) córas lena ndéantar suirbhéanna ar
astaíochtaí ó shampla ionadaíoch oibreoirí faoi chlúdach fhorálacha Airteagal 5(1),
agus lena n‑eacharshuítear torthaí ó na suirbhéanna sin. 2. Cuirfear na sonraí arna
mbailiú i gcomhréir le mír 1 ar fáil don Choimisiún arna iarraidh sin dó.
Féadfaidh an Coimisiún na sonraí sin a chraobhscaoileadh chuig na Ballstáit
eile. 3. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena mbunaítear ceanglais maidir leis na córais bhailithe sonraí dá dtagraítear
sa dara fomhír de mhír 1 den Airteagal seo agus lena leagtar síos cé acu a
mbunófar nó nach mbunófar, i gcás earnálacha sonracha, córas i gcomhréir le
pointe (a) nó le pointe (b) den dara fomhír de mhír 1 den Airteagal
seo. Caibidil VI Forálacha críochnaitheacha Airteagal 19
Athbhreithniú 1. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena leasaítear Iarscríbhinn I sa dóigh go n‑áireofar ar an liosta
substaintí ag a bhfuil poitéinseal téimh dhomhanda mór agus a úsáidtear in
ionad substaintí atá liostaithe cheana san Iarscríbhinn sin agus a
allmhairítear, a onnmhairítear, a tháirgtear nó a chuirtear ar an margadh i
gcainníochtaí suntasacha. 2. Tabharfar de chumhacht don
Choimisiún gníomhartha tarmligthe a ghlacadh i gcomhréir le hAirteagal 20
lena dtugtar cothrom le dáta Iarscríbhinní I, II agus IV ar bhonn
fionnachtana nua eolaíocha, maidir le poitéinseal téimh dhomhanda na substaintí
atá liostaithe go háirithe. 3. Ar bhonn faisnéise maidir
leis an gcur ar an margadh arna cur i dtuairisc i gcomhréir le hAirteagal 17
agus maidir le hastaíochtaí gás ceaptha teasa fluairínithe arna gcur ar fáil i
gcomhréir le hAirteagal 18(2), déanfaidh an Coimisiún faireachán ar chur i
bhfeidhm agus ar éifeachtaí an Rialacháin seo. Ar dháta nach déanaí ná an 31 Nollaig 2020,
foilseoidh an Coimisiún tuarascáil maidir leis an bhfáil atá ar
hidreafluaracarbóin ar mhargadh an Aontais, agus ar hidreafluaracarbóin le
haghaidh feidhmeanna liachta go háirithe. Ar dháta nach déanaí ná an 31 Nollaig 2024,
foilseoidh sé tuarascáil chuimsitheach ar éifeachtaí an Rialacháin seo, lena n‑áirítear
réamhaisnéis maidir leis an éileamh leantach ar hidreafluaracarbóin ó 2030
amach. Airteagal 20
An tarmligean a fheidhmiú 1. Is faoi réir na gcoinníollacha
atá leagtha síos san Airteagal seo a thugtar de chumhacht
don Choimisiún gníomhartha tarmligthe a ghlacadh. 2. Tabharfar an chumhacht
gníomhartha tarmligthe a ghlacadh dá dtagraítear in Airteagail 3(4), 7(2),
8(7), 9(3), 10(7), 13(5), 14(6), 17(5), 18(3) agus 19(1) agus (2) ar an
gCoimisiún ar feadh tréimhse neamhchinntithe ó [ll/mm/bbbb][cuir isteach
dáta theacht i bhfeidhm an Rialacháin seo]. 3. Féadfaidh Parlaimint na
hEorpa nó an Chomhairle an chumhacht gníomhartha tarmligthe a ghlacadh dá
dtagraítear in Airteagail 3(4), 7(2), 8(7), 9(3), 10(7), 13(5), 14(6), 17(5),
18(3), 19(1) agus (2) a chúlghairm tráth ar bith. Maidir leis an gcinneadh
cúlghairm a dhéanamh, cuirfidh sé deireadh le tarmligean na cumhachta arna
shonrú sa chinneadh sin. Tiocfaidh sé i bhfeidhm an lá tar éis fhoilsiú an
chinnidh in Iris Oifigiúil an Aontais Eorpaigh nó ar dháta is déanaí a
shonrófar ann. Ní dhéanfaidh sé difear do bhailíocht aon cheann de na
gníomhartha tarmligthe atá i bhfeidhm cheana féin. 4. A luaithe a ghlacfaidh sé
gníomh tarmligthe, tabharfaidh an Coimisiún fógra ina leith go comhuaineach do
Pharlaimint na hEorpa agus don Chomhairle. 5. Ní thiocfaidh gníomh
tarmligthe a ghlacfar de bhun Airteagail 3(4), 7(2), 8(7), 9(3), 10(7),
13(5), 14(6), 17(5), 18(3) agus 19(1) agus (2) i bhfeidhm ach amháin mura
mbeidh aon agóid curtha in iúl ag Parlaimint na hEorpa nó ag an gComhairle
laistigh de thréimhse 2 mhí ón tráth a dtabharfar fógra i dtaobh an ghnímh
sin do Pharlaimint na hEorpa agus don Chomhairle nó más rud é, sula rachaidh an
tréimhse sin in éag, go mbeidh Parlaimint na hEorpa agus an Chomhairle araon
tar éis a chur in iúl don Choimisiún nach ndéanfaidh siad aon agóid. Cuirfear
dhá mhí leis an tréimhse sin ar thionscnamh Pharlaimint na hEorpa nó
na Comhairle. Airteagal 21
Nós imeachta coiste 1. Beidh coiste de chúnamh ag an
gCoimisiún. Coiste de réir bhrí Rialachán (AE) Uimh. 182/2011 a
bheidh sa Choiste sin. 2. I gcás ina ndéanfar tagairt
don mhír seo, beidh feidhm ag Airteagal 5 de Rialachán (AE) Uimh. 182/2011. Airteagal 22
Pionóis 1. Leagfaidh na Ballstáit síos
na rialacha maidir leis na pionóis is infheidhme maidir le sáruithe ar an
Rialachán seo agus glacfaidh siad na bearta uile is gá chun a áirithiú
go gcuirfear i bhfeidhm iad. Ní mór na pionóis dá bhforálfar a bheith
éifeachtach, comhréireach agus athchomhairleach. Tabharfaidh na Ballstáit fógra don Choimisiún faoi
na forálacha sin faoin [ll/mm/bbb][dáta teacht i bhfeidhm] ar a dhéanaí,
agus tabharfaidh siad fógra gan mhoill dó faoi aon leasuithe a dhéanfar ina
dhiaidh sin a mbeadh tionchar acu orthu. 2. I dteannta na bpionós dá
dtagraítear i mír 1, ní fhéadfar ach leithdháileadh cuóta laghdaithe a
leithdháileadh ar ghnóthais a sháraigh a gcuóta maidir le hidreafluaracarbóin a
chur ar an margadh, cuóta arna leithdháileadh i gcomhréir le hAirteagal 14(5)
nó arna aistriú chucu i gcomhréir le hAirteagal 16, don tréimhse
leithdháilte i ndiaidh an sárú a bhrath. 200 % den mhéid a sáraíodh an cuóta a bheidh
i méid an laghdaithe. Má tá méid an laghdaithe níos mó ná an méid atá le
leithdháileadh i gcomhréir le hAirteagal 14(5) mar chuóta don tréimhse
leithdháilte i ndiaidh an sárú a bhrath, ní leithdháilfear aon chuóta don
tréimhse leithdháilte sin agus laghdófar an cuóta do na tréimhsí leithdháilte
ina dhiaidh sin mar an gcéanna go dtí go mbeidh an méid iomlán bainte. Airteagal 23
Aisghairm Déanfar Rialachán (CE) Uimh. 842/2006
a aisghairm. Déanfar tagairtí don Rialachán aisghairthe a
fhorléiriú mar thagairtí don Rialachán seo agus léifear iad i gcomhréir leis an
tábla comhghaoil in Iarscríbhinn VIII. Airteagal 24
Teacht i bhfeidhm Tiocfaidh an Rialachán seo i bhfeidhm ar an
bhfichiú lá tar éis a fhoilsithe in Iris Oifigiúil an Aontais Eorpaigh. Beidh feidhm aige ón 1 Eanáir 2014 . Beidh an Rialachán
seo ina cheangal go huile agus go hiomlán agus infheidhme go díreach i ngach
Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle An tUachtarán An
tUachtarán IARSCRÍBHINN I Gáis
cheaptha teasa fhluairínithe dá dtagraítear in Airteagal 1 pointe (1) Substaint || Poitéinseal téimh dhomhanda[46] Ainmniú tionsclaíoch || Ainm ceimiceach Ainm Coiteann || Foirmle cheimiceach Roinn 1: Hidreafluaracarbóin (HFCanna) HFC-23 || trífhluaraimeatán (fluarafoirm) || CHF3 || 14800 HFC-32 || défhluaraimeatán || CH2F2 || 675 HFC-41 || fluaraimeatán (fluairíd meitile) || CH3F || 92 HFC-125 || peinteafhluaraimeatán || CHF2CF3 || 3 500 HFC-134 || 1,1,2,2-teitreafhluaraimeatán || CHF2CHF2 || 1 100 HFC-134a || 1,1,1,2-teitreafhluaraimeatán || CH2FCF3 || 1 430 HFC-143 || 1,1,2-trífhluaraimeatán || CH2FCHF2 || 353 HFC-143a || 1,1,1-trífhluaraimeatán || CH3CF3 || 4 470 HFC-152 || 1.2-défhluaraimeatán || CH2FCH2F || 53 HFC-152a || 1,2-défhluaraimeatán || CH3CHF2 || 124 HFC-161 || fluaraimeatán (fluairíd eitile) || CH3CH2F || 12 HFC-227ea || 1,1,1,2,3,3,3-heipteafhluaraprópán || CF3CHFCF3 || 3 220 HFC-236cb || 1,1,1,2,2,3- heicseafhluaraprópán || CH2FCF2CF3 || 1 340 HFC-236cb || 1,1,1,2,3,3- heicseafhluaraprópán || CHF2CHFCF3 || 1 370 HFC-236cb || 1,1,1,3,3,3- heicseafhluaraprópán || CF3CH2CF3 || 9 810 HFC-245ca || 1,1,2,2,3- peinteafhluaraprópán || CH2FCF2CHF2 || 693 HFC-245ca || 1,1,1,3,3- peinteafhluaraprópán || CHF2CH2CF3 || 1030 HFC-365 mfc || 1,1,1,3,3- peinteafhluarabútán || CF3CH2CF2CH3 || 794 HFC-43-10 mee || 1,1,1,2,2,3,4.5.5.5- deacafhluarapeantán || CF3CHFCHFCF2CF3 || 1 640 Roinn 2: Sárfhluaracarbóin (SFCanna) PFC-14 || sárfhluarameatán (teitreafluairíd charbóin) || CF4 || 7 390 PFC-116 || heicseafhluara‑eatán (sárfhluara‑eatán) || C2F6 || 12 200 PFC-218 || ochtafhluaraprópán (sárfhluaraprópán) || C3F8 || 8 830 PFC-3-1-10 (R-31-10) || deacafhluarabútán (sárfhluarabútán) || C4F10 || 8 860 PFC-4-1-12 (R-41-12) || dóideacafhluarapeantán (sárfhluarapeantán) || C5F12 || 9 160 PFC-5-1-14 (R-51-14) || teitridheacafhluaraheacsán (sárfhluaraheacsán) || C6F14 || 9 300 PFC-c-318 || ochtafhluaracioglabhútán (sárfhluaracioglabhútán) || c-C4F8 || 10 300 Roinn 3: Comhdhúileanna sárfhluairínithe eile || sulfarheacsafhluairíd || SF6 || 22 800 IARSCRÍBHINN II Gáis
fhluairínithe eile atá faoi réir tuairisciú i gcomhréir le hAirteagal 17 Substaint || Poitéinseal téimh dhomhanda[47] Ainm coiteann / ainm tionsclaíoch || Foirmle cheimiceach Roinn 1: Hidreafhluaracarbóin neamhsháithithe HFC-1234yf || CF3CF=CH2 || 4 Fn [48] HFC-1234yf || tras — CHF=CHCF3 || 7 Fn 48 Roinn 2: Éitir fhluairínithe HFE-125 || CHF2OCF3 || 14 900 HFE-134 || CHF2OCHF2 || 6 320 HFE-143a || CH3OCF3 || 756 HCFE-235da2 || CHF2OCHClCF3 || 350 HFE-245cb2 || CH3OCF2CF3 || 708 HFE-245fa2 || CHF2OCH2CF3 || 659 HFE-254cb2 || CH3OCF2CHF2 || 359 HFE-347 mcc3 || CH3OCF2CF2CF3 || 575 HFE-347pcf2 || CHF2CF2OCH2CF3 || 580 HFE-356pcc3 || CH3OCF2CF2CHF2 || 110 HFE-449sl (HFE-7100) || C4F9OCH3 || 297 HFE-569sf2 (HFE-7200) || C4F9OC2:5 || 59 HFE-43-10pccc124 (H-Galden 1040x) || CHF2OCF2OC2F4OCHF2 || 1 870 HFE-236ca12 (HG-10) || CHF2OCF2OCHF2 || 2 800 HFE-338pcc13 (HG-01) || CHF2OCF2CF2OCHF2 || 1 500 || (CF3)2CFOCH3 || 343 || CF3CF2CH2OH || 42 || (CF3)2CHOH || 195 HFE-227ea || CF3CHFOCF3 || 1 540 HFE-236ea2 || CHF2OCHFCF3 || 989 HFE-236fa || CF3CH2OCF3 || 487 HFE-245fa1 || CHF2CH2OCF3 || 286 HFE 263fb2 || CF3CH2OCH3 || 11 HFE-329 mcc2 || CHF2CF2OCF2CF3 || 919 HFE-338 mcf2 || CF3CH2OCF2CF3 || 552 HFE-347 mcf2 || CHF2CH2OCF2CF3 || 374 HFE-356 mec3 || CH3OCF2CHFCF3 || 101 HFE-356pcf2 || CHF2CH2OCF2CHF2 || 265 HFE-356pcf3 || CHF2OCH2CF2CHF2 || 502 HFE 365 mcf3 || CF3CF2CH2OCH3 || 11 HFE-374pc2 || CHF2CF2OCH2CH3 || 557 || - (CF2)4CH (OH) - || 73 || (CF3)2CHOCHF2 || 380 || (CF3)2CHOCH3 || 27 Roinn 3: Comhdhúileanna sárfhluairínithe eile PFPMIE || CF3OCF(CF3)CF2OCF2OCF3 || 10 300 trífhluairíd de nitrigín || NF3 || 17 200 trífhluarameitil peantafhluairíd de shulfar || SF5CF3 || 17 700 sárfhluaracioglaphrópán || c-C3F6 || 17,340 Fn [49] IARSCRÍBHINN III Toirmisc
maidir le cur ar an margadh dá dtagraítear in Airteagal 9(1) Táirgí agus trealamh I gcás inarb ábhartha, ríomhfar poitéinseal téimh dhomhanda meascán ina bhfuil gáis fhluairínithe téimh dhomhanda i gcomhréir le hIarscríbhinn IV, dá bhforáiltear i bhfomhír 2 d'Airteagal 9(1). || Dáta an toirmisc 1. Coimeádáin nach féidir a athlíonadh le haghaidh gáis cheaptha teasa fhluairínithe a úsáidtear chun trealamh cuisniúcháin, aerchóiriúcháin nó teaschaidéil, córais chosanta ar dhóiteán nó lascthrealamh a sheirbhísiú a chothabháil nó a líonadh nó lena n‑úsáid mar thuaslagóir || 4 Iúil 2007 2. Córais neamhghaibhnithe galaithe neamhdhírigh a bhfuil HCFanna agus SFCanna ina gcuisneáin iontu || 4 Iúil 2007 3. Córais chosanta ar dhóiteán agus múchtóirí dóiteáin || ina bhfuil SFCanna || 4 Iúil 2007 ina bhfuil HCF‑23 || 1 Eanáir 2015 4. Fuinneoga tí ina bhfuil gáis cheaptha teasa fhluairínithe || 4 Iúil 2007 5. Fuinneoga eile ina bhfuil gáis cheaptha teasa fhluairínithe || 4 Iúil 2008 6. Coisbhearta ina bhfuil gáis cheaptha teasa fhluairínithe || 4 Iúil 2006 7. Boinn ina bhfuil gáis cheaptha teasa fhluairínithe || 4 Iúil 2007 8. Cúir aon ábhair, ach amháin má tá ceangailte orthu caighdeáin náisiúnta sábháilteachta a bhaint amach, ina bhfuil gáis cheaptha teasa fhluairínithe ar 150 nó níos mó a bpoitéinseal téimh dhomanda || 4 Iúil 2008 9. Ginteoirí aerasóil arna margú agus arna mbeartú lena ndíol don phobal i gcoitinne chun críocha siamsaíochta agus maisithe, mar atá liostaithe i bpointe 40 d’Iarscríbhinn XVII de Rialachán (CE) Uimh. 1907/2006[50], agus adharca fógartha ina bhfuil HFCanna ar 150 nó níos mó a bpoitéinseal téimh dhomanda || 4 Iúil 2009 10. Cuisneoirí agus reoiteoirí tí ina bhfuil HFCanna ar 150 nó níos mó a a bpoitéinseal téimh dhomanda || 1 Eanáir 2015 11. Cuisneoirí agus reoiteoirí le haghaidh táirgí i seirbhísí miondíola agus bia a stóráil, a thaispeáint nó a dháileadh ("úsáid chun críocha tráchtála") - córais atá séalaithe go heirméiteach || ina bhfuil HFCanna ar 2500 nó níos mó a bpoitéinseal téimh dhomanda || 1 Eanáir 2017 ina bhfuil HFCanna ar 150 nó níos mó a bpoitéinseal téimh dhomanda || 1 Eanáir 2020 12. Fearais aerchóiriúcháin shoghluaiste (trealamh atá séalaithe go heirméiteach agus is féidir leis an úsáideoir deiridh a aistriú ó sheomra go seomra) ina bhfuil HFCanna ar 150 nó níos mó a bpoitéinseal téimh dhomanda || 1 Eanáir 2020 IARSCRÍBHINN IV Modh
ríofa poitéinsil téimh dhomhanda meascáin dá dtagraítear in Airteagal 9(1)
agus in Airteagal 11(3) Ríomhfar an poitéinseal téimh dhomhanda (PTD)
atá ag meascán ina bhfuil gáis cheaptha teasa fhluairínithe mar mheán ualaithe,
arna dhíorthú ó shuim chodáin mheáchain na substaintí ar leith iolraithe faoina
PTD féin, mura sonrófar a mhalairt, lena n‑áirítear substaintí nach gáis
cheaptha teasa fhluairínithe iad. Σ (Substaint X % x PTD) + (Substaint
Y % x PTD) + … (Substaint N % x PTD), más é % an cion de réir meáchain arb é a
lamháltas meáchain +/- 1 %. Mar shampla: má chuirtear an fhoirmle i
bhfeidhm ar chumasc gás ar 60 % de éitear démheitile,
10 % de HFC‑152a agus 30 % de iseabútán: Σ (60 % x 1) + (10 % x 125) +
(30 % x 4) → PTD iomlán = 14.3 Úsáidtear PTD na substaintí neamhfhluairínithe
seo a leanas chun PTD meascán a ríomh. I gcás substaintí eile nach bhfuil
liostaithe san iarscríbhinn seo, tugtar luach réamhshocraithe 0 dóibh. Substaint || Poitéinseal téimh dhomhanda[51] Ainm Coiteann || Ainmniú tionsclaíoch || Foirmle cheimiceach Meatán || || CH4 || 25 Ocsaíd nítriúil || || N2O || 298 Éitear démheitile || || CH3OCH3 || 1 Clóiríd mheitiléin || || CH2Cl2 || 9 Clóiríd mheitile || || CH3Cl || 13 Clóraform || || CHCl3 || 31 Eatán || R-170 || CH3CH3 || 6 Própán || R-290 || CH3CH2CH3 || 3 Bútán || R-600 || CH3CH2CH2CH3 || 4 Iseabútán || R-600a || CH(CH3)2CH3 || 3 Peantán || R-601 || CH3CH2CH2CH2CH3 || 20 Iseapeantán || R-601a || (CH3)2CHCH2CH3 || 4 Eatocsa-eitéin (éitear dé-eitile) || R-610 || CH3CH2OCH2CH3 || 4 Formáit mheitile || R-611 || HCOOCH3 || 25 Hidrigin || R-702 || H2 || 6 Amóinia || R-717 || NH3 || 0 Eitiléin || R-1150 || C2H5 || 4 Próipiléin || R-1270 || C3H6 || 2 IARSCRÍBHINN V An
uaschainníocht, na luachanna tagartha agus na cuótaí maidir le
hidreafluaracarbóin a chur ar an margadh a ríomh Ríomhfar an uaschainníocht dá dtagraítear in Airteagal 13(1)
trí na céatadáin seo a leanas a chur i bhfeidhm ar mheán bliantúil na
cainníochta iomláine a táirgeadh san Aontas agus a allmhairíodh isteach san
Aontas le linn na tréimhse 2008-2011: Blianta || 2015 || 100 % 2016–17 || 93 % 2018–20 || 63 % 2021–23 || 45 % 2024–26 || 31 % 2027–29 || 24 % 2030 || 21 % Ríomhfar an
uaschainníocht, na luachanna tagartha agus na cuótaí maidir le
hidreafluaracarbóin a chur ar an margadh dá dtagraítear in Airteagal 13
agus in Airteagal 14 mar chainníochtaí comhiomlánaithe gach cineáil
hidreafluaracarbón, curtha in iúl i dtona(í) de choibhéis CO2. Beidh ríomh luachanna tagartha agus cuótaí
maidir le hidreafluaracarbóin a chur ar an margadh dá dtagraítear in Airteagal 13
agus in Airteagal 14 bunaithe ar na cainníochtaí hidreafluaracarbón a
chuir táirgeoirí agus allmhaireoirí ar an margadh san Aontas le linn tréimhse
leithdháilte. Ní chuirfear san áireamh cainníochtaí atá le
hallmhairiú le linn na tréimhse céanna leithdháilte arna n‑aistriú chuig
gnóthas agus cuóta á ríomh nó comhréireacht le hAirteagal 13(2) á meas, ar
choinníoll go ndéantar an t‑allmhairiú le linn na tréimhse céanna agus go
dtuairiscíonn an t‑allmhaireoir i gcomhréir le hAirteagal 17(1) é.
Ní mór an t‑idirbheart a fhíorú i gcomhréir le hAirteagal 17(4) is
cuma cé na cainníochtaí atá i gceist. IARSCRÍBHINN VI An
sásra leithdháilte dá dtagraítear in Airteagal 14 1. An chainníocht atá le
leithdháileadh ar ghnóthais dár socraíodh luach tagartha faoi réir Airteagal 14(1)
agus (3) a chinneadh Gheobhaidh gach gnóthas dár socraíodh luach
tagartha, cuóta ar comhréir le 95 % den luach tagartha iolraithe faoin
gcéatadán atá léirithe in Iarscríbhinn V don bhliain ábhartha. 2. An chainníocht atá le
leithdháileadh ar ghnóthais a chuir isteach dearbhú faoi réir Airteagal 14(2)
a chinneadh Bainfear suim na gcuótaí arna leithdháileadh
faoi réir phointe 1 ó uaschainníocht na bliana ar leith sin atá leagtha
amach in Iarscríbhinn V chun an chainníocht a ríomh atá le leithdháileadh
ar ghnóthais nár socraíodh aon luach tagartha dóibh agus a chuir isteach
dearbhú faoi réir Airteagal 14(3) (cainníocht le leithdháileadh i
gcéim 1 den ríomh). 2.1. Céim 1 den ríomh Faigheann gach gnóthas leithdháileadh ar
comhréir leis an gcainníocht a iarradh ina dhearbhú, ach ní fhaigheann sé níos
mó ná sciar pro rata den chainníocht atá le leithdháileadh i
gcéim 1. Ríomhtar an sciar pro rata trí 100 a
roinnt ar líon na ngnóthas a chuir isteach dearbhú. Baintear suim na gcuótaí a
leithdháileadh i gcéim 1 ón gcainníocht atá le leithdháileadh i
gcéim 1 chun an chainníocht atá le leithdháileadh i gcéim 2 a
chinneadh. 2.2. Céim 2 den ríomh Faigheann gach gnóthas nach bhfuair 100 %
den chainníocht a iarradh ina dhearbhú i gcéim 1 leithdháileadh breise ar
comhréir leis an difríocht idir an chainníocht a iarradh agus an chainníocht a
fuarthas i gcéim 1. Ní mór, áfach, an chainníocht sin
a bheith níos lú ná an sciar pro rata nó ar aon mhéid leis den
chainníocht atá le leithdháileadh i gcéim 2. Ríomhtar an sciar pro rata trí 100 a
roinnt ar líon na ngnóthas atá incháilithe do leithdháileadh i gcéim 2.
Baintear suim na gcuótaí a leithdháileadh i gcéim 2 ón gcainníocht atá le
leithdháileadh i gcéim 2 chun an chainníocht atá le leithdháileadh i
gcéim 3 a chinneadh. 2.3. Céim 3 den ríomh Athdhéantar céim 2 go dtí gur lú an chainníocht
atá fágtha atá le leithdháileadh sa chéad chéim eile ná 1 000 tona de
choibhéis CO2. 3. An chainníocht atá le
leithdháileadh ar ghnóthais a chuir isteach dearbhú faoi réir Airteagal 13(4)
a chinneadh Bainfear suim
na gcuótaí arna leithdháileadh faoi réir phointe 1 agus phointe 2 ó
uaschainníocht na bliana ar leith sin atá leagtha amach in Iarscríbhinn V
chun an chainníocht a ríomh atá le leithdháileadh ar ghnóthais dár socraíodh
luach tagartha agus a chuir isteach dearbhú faoi réir Airteagal 14(4). Beidh feidhm ag an sásra leithdháilte atá
leagtha amach faoi phointe 2.1 agus faoi phointe 2.2. IARSCRÍBHINN VII Sonraí
le tuairisciú de bhun Airteagal 17 1. Tuairisceoidh gach táirgeoir
dá dtagraítear in Airteagal 17(1) na nithe seo a leanas: (a)
táirgeadh iomlán gach substainte san Aontas, agus
na príomhchatagóirí cur i bhfeidhm ina n‑úsáidtear an tsubstaint á
sainiú; (b)
cainníochtaí gach substainte a chuir sé ar an
margadh san Aontas; (c)
cainníochtaí gach substainte a athchúrsáladh, a
athshlánaíodh agus a scriosadh, san ord sin; (d)
aon stoic atá acu ag tús agus ag deireadh na
tréimhse tuairiscithe. 2. Tuairisceoidh gach
allmhaireoir dá dtagraítear in Airteagal 17(1) na nithe seo a leanas: (a)
cainníocht gach substainte a d’allmhairigh sé
isteach san Aontas, lena sainítear na príomhchatagóirí cur i bhfeidhm ina n‑úsáidtear
an tsubstaint; (b)
cainníochtaí gach substainte a athchúrsáladh, a
athshlánaíodh agus a scriosadh, san ord sin. 3. Tuairisceoidh gach
onnmhaireoir dá dtagraítear in Airteagal 17(1) na nithe seo a leanas: (a)
cainníochtaí gach substainte a d’onnmhairigh sé as
an AE seachas substaintí atá le hathchúrsáil, le hathshlánú nó le scriosadh, (b)
cainníochtaí gach substainte a d’onnmhairigh sé atá
le hathchúrsáil, le hathshlánú nó le scriosadh, san ord sin. 4. Tuairisceoidh gach gnóthas dá
dtagraítear in Airteagal 17(2) na nithe seo a leanas: (a)
cainníochtaí gach substainte a scriosadh, lena n‑áirítear
cainníochtaí atá i dtáirgí nó i dtrealamh, (b)
stoic gach substainte nár scriosadh ach atá le
scriosadh, lena n‑áirítear cainníochtaí atá i dtáirgí nó i dtrealamh; (c)
an teicneolaíocht lena scriostar. 5. Tuairisceoidh gach gnóthas dá
dtagraítear in Airteagal 17(3) na nithe seo a leanas: (a)
catagóirí na dtáirgí nó an trealaimh; (b)
líon na n‑aonad; (c)
cainníochtaí gach substainte atá i dtáirgí nó i
dtrealamh. IARSCRÍBHINN VIII An
Tábla Comhghaoil Rialachán (CE) Uimh. 842/2006 || An Rialachán seo Airteagal 1 || - Airteagal 2 || Airteagal 1 Airteagal 3(1) || Airteagal 2(2) an chéad fhomhír d’Airteagal 3(2) || Airteagal 3(1) Airteagal 3(2), an dara fomhír || an dara fomhír d’Airteagal 2(3) Airteagal 3(2), an tríú fomhír || an chéad fhomhír d’Airteagal 3(1) Airteagal 3(3) || Airteagal 3(3) Airteagal 3(4) || Airteagal 3(4) Airteagal 3(5) || Airteagal 3(5) Airteagal 3(6) || Airteagal 4(1) Airteagal 3(7) || Airteagal 3(6) Airteagal 4(1) || Airteagal 6(1) Airteagal 4(2) || Airteagal 6(3) Airteagal 4(3) || Airteagal 6(4) Airteagal 4(4) || Airteagal 6(5) Airteagal 5(1) || Airteagal 8(7) an chéad abairt d’Airteagal 5(2) || Airteagal 8(1) agus (4) Airteagal 5(2) an dara habairt || an chéad abairt d’Airteagal 8(6) Airteagal 5(2) an tríú habairt || an dara habairt d’Airteagal 8(6) Airteagal 5(3) || Airteagal 2(5) Airteagal 5(4) || Airteagal 2(4), pointe (d) Airteagal 5(5) || Airteagal 8(8) Airteagal 6(1), an chéad fhomhír || an chéad fhomhír d’Airteagal 17(1) Airteagal 6(1) || Airteagal 17(1) agus Iarscríbhinn VII Airteagal 6(2) || Airteagal 17(5) Airteagal 6(3) || Airteagal 17(6) Airteagal 6(4) || Airteagal 18(1) Airteagal 7(1) an chéad fhomhír, an chéad abairt || Airteagal 10(1) Airteagal 7(1) an dara fomhír, an dara agus an tríú habairt || Airteagal 10(2) agus (3) Airteagal 7(2) || an chéad fhomhír d’Airteagal 10(1), Airteagal 7(3) an chéad abairt || Airteagal 10(6) Airteagal 7(3) an dara habairt || Airteagal 10(7) Airteagal 8(1) || Airteagal 11(1) Airteagal 8(2) || Airteagal 11(2) Airteagal 9(1) || Airteagal 9(1) Airteagal 9(2) || - Airteagal 9(3) || - Airteagal 10 || 19(3) Airteagal 11 || - Airteagal 12 || Airteagal 21 Airteagal 13(1) || an chéad fhomhír d’Airteagal 22(2) Airteagal 13(2) || an dara fomhír d’Airteagal 22(2) Airteagal 14 || - Airteagal 15 || Airteagal 24 Iarscríbhinn I — Cuid 1 || Iarscríbhinn I Iarscríbhinn I — Cuid 2 || Iarscríbhinn IV Iarscríbhinn II || Iarscríbhinn III [1] An Painéal Idir-Rialtasach ar an
Athrú Aeráide (IPCC), 'Contribution of Working Group III to the Fourth Assessment
Report of the Intergovernmental Panel on Climate Change, 2007 (Rannchuidiú
Mheitheal III leis an gCeathrú Tuarascáil Mheasúnaithe ón bPainéal
Idir-rialtasach ar an Athrú Aeráide, 2007)' www.ipcc.ch/publications_and_data/ar4/wg3/en/contents.html. [2] 'Treochlár um gheilleagar iomaíoch ísealcharbóin roimh
2050', COM (2011)112. eur-lex.europa.eu/LexUriServ/LexUriServ.do?uri=CELEX:52011DC0112:EN:NOT
[3] Tuarascáil ón gCoimisiún maidir le cur i bhfeidhm,
éifeachtaí agus leordhóthanacht an Rialacháin maidir le gáis cheaptha teasa
fhluairínithe áirithe (Rialachán (CE) Uimh. 842/2006), COM(2011) final. [4] Rialachán (CE) Uimh. 842/2006 ó Pharlaimint na
hEorpa agus ón gComhairle an 17 Bealtaine 2006 maidir le gáis cheaptha teasa
fhluairínithe áirithe, IO L 161, 14.6.2006, lch.1. [5] Schwarz et al., 2011, 'Preparatory study for a review of
Regulation (EC) No 842/2006 on certain florinated greenhouse gasses' (Staidéar
ullmhúcháin le haghaidh athbhreithniú ar Rialachán (CE) Uimh. 842/2006
maidir le gáis cheaptha teasa fhluairínithe áirithe), Öko-Recherche et al. [6] Ar mhaithe le peirspictíocht, freagraíonn na laghduithe
cost-éifeachtacha bliantúla ar astaíochtaí gáis-F a d'fhéadfadh a bheith ann
faoi 2030 a bheag nó a mhór don laghdú is gá do na tionscail atá cumhdaithe
faoi Chóras Trádála Astaíochtaí an AE a chur i bhfeidhm thar dhá bhliain. [7] "How to bring natural refrigerants faster to
market" ("Conas cuisneáin nádúrtha a thabhairt níos sciobtha chun
margaidh"), Summary report of ATMOsphere 2010 (Tuarascáil achoimreach ar
ATMOsphere 2010), Ceardlann Idirnáisiúnta ar chuisneáin nádúrtha. [8] Conclúidí na Comhairle an 10 Deireadh Fómhair 2011
maidir le hUllmhúcháin don 17ú seisiún de Chomhdháil na bPáirtithe (COP 17) i
gCreat-Choinbhinsiún na Náisiún Aontaithe ar an Athrú Aeráide (UNFCCC) agus an
7ú seisiún de Chruinniú na bPáirtithe i bPrótacal Kyoto in Durban. [9] http://www.uncsd2012.org/thefuturewewant.html.
[10] http://www.unep.org/CCAC/. [11] Rún ó Pharlaimint na hEorpa an 14 Meán Fómhair 2011, 'A comprehensive
approach to non-CO2 climate-relevant anthropogenic emmissions' ('Cur chuige
cuimsitheach maidir le hastaíochtaí antrapaigineacha neamh-CO2 a bhaineann le
haeráid') , P7_TA-PROV(2011)0384 agus Rún ó Pharlaimint n hEorpa an 15 Márta
2012, 'Competitive low carbon economy in 2050 – EP resolution on a roadmap for
moving to a competitive low carbon economy in 2050' (Geilleagar iomaíoch
ísealcharbóin roimh 2050 – rún ó Pharlaimint na hEorpa maidir le treochlár um
gheilleagar íomaíoch ísealcharbóin roimh 2050'), P7_TA-PROV(2012)0086. [12] Rialachán (CE) Uimh. 1493/2007 ón gCoimisiún an 17
Nollaig 2007, IO L 332, 18.12.2007, lch. 7. [13] Rialachán (CE) Uimh. 1494/2007 ón gCoimisiún an 17
Nollaig 2007, IO L 332, 18.12.2007, lch. 25. [14] Rialachán (CE) Uimh. 1516/2007 ón gCoimisiún an 19
Nollaig 2007, IO L 335, 20.12.2007, lch. 10. [15] Rialachán (CE) Uimh. 497/2007 ón gCoimisiún an 18 Nollaig 2007, IO L
333, 19.12.2007, lch. 4. [16] Rialachán (CE) Uimh. 303/2008 ón gCoimisiún an 2
Aibreán 2008, IO L 92, 3.4.2008, lch. 3. [17] Rialachán (CE) Uimh. 304/2008 ón gCoimisiún an 2
Aibreán 2008, IO L 92, 3.4.2008, lch. 12. [18] Rialachán (CE) Uimh. 305/2008 ón gCoimisiún an 2
Aibreán 2008, IO L 92, 3.4.2008, lch. 17. [19] Rialachán (CE) Uimh. 306/2008 ón gCoimisiún an 2
Aibreán 2008, IO L 92, 3.4.2008, lch. 21. [20] Rialachán (CE) Uimh. 307/2008 ón gCoimisiún an 2
Aibreán 2008, IO L 92, 3.4.2008, lch. 25. [21] Rialachán (CE) Uimh. 308/2008 ón
gCoimisiún an 2 Aibreán 2008, IO L 92, 3.4.2008, lch. 28. [22] http://ec.europa.eu/europe2020/priorities/sustainable-growth/index_en.htm. [23] http://ec.europa.eu/enterprise/policies/sme/small-business-act/index_en.htm. [24] http://ec.europa.eu/enterprise/policies/sustainable-business/ecodesign/index_en.htm. [25] http://ec.europa.eu/energy/efficiency/index_en.htm. [26] SKM Enviros,2012, 'Further assessment
of Policy Options for the Management and Destruction of Banks of ODS and
F-Gases in the EU.'('Measúnú Breise ar Roghanna Beartais le haghaidh Bainistiú
agus Scrios Bhainc na Substaintí a Ídíonn an Ciseal Ózóin agus na ngás‑F
san AE.') http://ec.europa.eu/clima/policies/ozone/research/docs/ods_f-gas_destruction_report_2012_en.pdf. [27] Becken et al., 2010 'Avoiding Florinated Greenhouse Gases
– Prospects for Phasing Out' (Gáis Cheaptha Teasa Fhluairínithe a Sheachaint -
Ionchas le haghaidh Laghdú Céimseach'), Umweltbundesesamp, Dessau, an
Ghearmáin. http://www.umweltbundesamt.de/uba-info-medien-e/3977.html. [28] Painéal Measúnaithe ar
Theicneolaíocht agus Geilleagar (TEAP Chlár Comhshaoil na Náisiún Aontaithe
(UNEP)), Nairobi, 2009. 'Assessment
of Alternatives to HCFCs and HFCs and Update of the TEAP 2005 Supplement Report
Data' (Measúnú ar Roghanna Malartacha ar HCFCanna agus HFCanna agus Nuashonrú
ar Fhorlíonadh ar Shonraí Thuarascáil TEAP 2005'), Prótacal Montréal,
Tuarascáil Painéal Measúnaithe ar Theicneolaíocht agus Geilleagar UNE. http://ozone.unep.org/teap/Reports/TEAP_Reports/teap-may-2009-decisionXX-8-task-force-report.pdf. [29] Clodic et al., 2011, '1990 to 2010
Refrigerant Inventories for Europe – Provisions ón banks and emmissions from
2006 to 2030 for the European Union' ('Fardail Cuisneán don Eoraip 1990 go dtí
2010– Forálacha maidir le bainc agus astaíochtaí ó 2006 go dtí 2030 don Aontas
Eorpach'), Armines/ERIE http://www.epeeglobal.org/refrigerants/F-Gas-review/. [30] Litir ó Ghréasán Eorpach Cheannairí Gníomhaireachtaí
Cosanta Comhshaoil chuig na Coimisinéir Potočnik, Hedegaard, Tajani and
Oettinger, 15 Bealtaine 2012. [31] In 2030, meastar go mbeidh beagnach
20 % de chainníochtaí hídreafluaracharbóin a chuirfear ar an margadh i
dtrealamh a allmhaireofar. Mura bhfuil
ar threalamh a allmhairítear dul i ngleic leis na srianta céanna soláthair atá
ar gháis‑F le trealamh a tháirgtear san AE, is dócha go mbeadh an sciar
trealaimh a allmhairítear agus, dá bhrí sin, soláthar neamhrialaithe gás‑F,
níos airde fós. [32] Dhéanfadh líonadh trealaimh HFC le
linn suiteála ar an láthair imní an tionscail seirbhíse (go príomha FBManna) a
mhaolú. Is é an t-imní atá orthu faoi láthair, nach suiteáltar trealamh mar is
ceart, agus nach n-úsáidtear saineolaithe deimhnithe mar is gá de réir an
Rialacháin maidir le gás‑F. Astaíochtaí
breise a bhíonn ann dá thoradh sin. AREA,
2010, 'Position paper: Review of
regulation (EC) No 842/2006 on certain florinated greenhouse gases -
pre-charged non-monobloc air conditioning equipment.' (Paipéar seasaimh:
Athbhreithniú ar Rialachán (CE) Uimh. 842/2006 maidir le gáis cheaptha
teasa fhluairínithe áirithe – trealamh aerchóiriúcháin réamhlochtaithe
neamh-aonbhloc') www.area-eur.be. [33] Treochlár chun bogadh i dtreo geilleagair
iomaíoch ísealcharbóin faoi 2050, COM(2011) 112
final. [34] IO C …, lch . [35] IO C …, lch . [36] Cinneadh ón gComhairle an
15 Nollaig 1993 maidir le conclúid Chreat-Choinbhinsiún na Náisiún
Aontaithe ar an Athrú Aeráide, IO L 33, 7.2.1994, lch. 11. [37] An Painéal Idir-Rialtasach ar an
Athrú Aeráide (IPCC), 'Contribution of Working Group III to the Fourth
Assessment Report of the Intergovernmental Panel on Climate Change, 2007
(Rannchuidiú Mheitheal III leis an gCeathrú Tuarascáil Mheasúnaithe ón bPainéal
Idir‑Rialtasach ar an Athrú Aeráide, 2007)', Maolú maidir le hAthrú
Aeráide, Caibidil 13.3.3. [38] Treochlár um gheilleagar iomaíoch
ísealcharbóin roimh 2050, COM(2011) 112 final. [39] Tuarascáil ón gCoimisiún maidir le
cur i bhfeidhm, éifeachtaí agus leordhóthanacht an Rialacháin i ndáil le gáis
cheaptha teasa fhluairínithe áirithe (Rialachán (CE) Uimh. 842/2006),
COM(2011) 581 final. [40] Rialachán (CE) Uimh. 842/2006 ó
Pharlaimint na hEorpa agus ón gComhairle an 17 Bealtaine 2006 maidir le
gáis cheaptha teasa fhluairínithe áirithe, IO L 161, 14.6.2006, lch. 1. [41] Treoir 2009/125/CE ó Pharlaimint
na hEorpa agus ón gComhairle an 21 Mean Fómhair 2009 lena mbunaítear creat
le haghaidh ceanglais éicidhearthóireachta maidir le táirgí a bhaineann le
fuinneamh, IO L 285, 285, 31.10.2009, lch. 10 [42] IO L 286, 31.10.2009,
lch. 1. [43] IO L 55, 28.2.2011,
lch. 13. [44] Treoir 2009/125/CE ó Pharlaimint
na hEorpa agus ón gComhairle an 21 Mean Fómhair 2009 lena creat do leagan
amach na gceanglas éicidhearthóireachta do tháirgí a úsáideann fuinneamh ,
IO L 285, 285, 31.10.2009, lch. 10 [45] Treoir 2003/87/CE ó Pharlaimint
na hEorpa agus ón gComhairle an 13 Meán Fómhair 2003 lena mbunaítear scéim
le haghaidh thrádáil na lamháltas astaíochtaí gáis cheaptha teasa laistigh den
Chomhphobal, IO L275, 25.10.2003, lch. 32. [46] Ar bhonn an Cheathrú Tuarascáil
Mheasúnaithe arna glacadh ag an bPainéal Idir-Rialtasach ar an Athrú Aeráide,
mura léirítear a mhalairt. [47] Ar bhonn an Cheathrú Tuarascáil
Mheasúnaithe arna glacadh ag an bPainéal Idir-Rialtasach ar an Athrú Aeráide,
mura léirítear a mhalairt. [48] Poitéinseal Téimh Dhomhanda de réir
na Tuarascála Measúnaithe 2010 ó Phainéal Measúnaithe Eolaíoch Phrótacal
Montréal (PME), Táblaí 1‑11, ina luaitear dhá thagairt eolaíoch
phiarmheasúnaithe. http://ozone.unep.org/Assessment_Panels/SAP/Scientific_Assessment_2010/index.shtml. [49] Íosluach de réir Iarrata ar
Réamhghníomhaíocht Chreat-Choinbhinsiún na Náisiún Aontaithe ar an Athrú
Aeráide [50] Rialachán (CE) Uimh. 1907/2006 ó
Pharlaimint na hEorpa agus ón gComhairle an 18 Nollaig 2006 maidir le Clárú,
Meastóireacht, Údarú agus Srianadh Ceimiceán (REACH) (IO L 396, 30.12.2006). [51] Ar bhonn an Cheathrú Tuarascáil Mheasúnaithe arna glacadh
ag an bPainéal Idir-Rialtasach ar an Athrú Aeráide, mura léirítear a mhalairt.