(1)

Le Rialachán (AE) 2024/257 (1) ón gComhairle socraítear le haghaidh 2024, 2025 agus 2026 na deiseanna iascaireachta le haghaidh stoic éisc áirithe is infheidhme in uiscí an Aontais agus, i gcás soithí iascaireachta de chuid an Aontais, in uiscí áirithe nach uiscí de chuid an Aontais iad. Ba cheart na deiseanna iascaireachta sin a leasú, lena n-áirítear bearta áirithe atá nasctha go feidhmiúil leo, chun foilsiú na comhairle eolaíche a chur san áireamh chomh maith le torthaí an chomhairliúcháin le tríú tíortha agus eagraíochtaí réigiúnacha bainistithe iascaigh (ERBInna).

(2)

Le Rialachán (AE) 2024/257 socraítear go sealadach ag nialas na gabhálacha iomlána incheadaithe (TAC) le haghaidh ainseabhaithe (Engraulis encrasicolus) i bhfolimistéir 9 agus 10 den Chomhairle Idirnáisiúnta um Thaiscéalaíocht na Mara (ICES) agus in uiscí an Aontais i roinn 34.1.1 den Choiste Iascaigh um an Atlantach Thoir Láir (CECAF) le haghaidh na tréimhse ón 1 Iúil 2024 go dtí an 30 Meitheamh 2025, go dtí go bhfoilseoidh ICES a chomhairle eolaíoch i gcás ainseabhaithe i roinn 9a ICES le haghaidh na tréimhse sin. Chun go bhféadfar leanúint den iascaireacht go dtí go socrófar an TAC le haghaidh an stoic sin le haghaidh na tréimhse ón 1 Iúil 2024 go dtí an 30 Meitheamh 2025, ba cheart TAC sealadach a shocrú ar leibhéal 4 997 dtona le haghaidh na tréimhse ón 1 Iúil 2024 go dtí an 30 Meán Fómhair 2024. Comhfhreagraíonn an leibhéal sin do ghabhálacha an stoic sin arna ndéanamh ag na Ballstáit sa tríú ráithe de 2023.

(3)

An 28 Márta 2024 d’fhoilsigh an Coiste Eolaíoch, Teicniúil agus Eacnamaíoch um Iascach (CETEI) a thuairim maidir leis an tionchar socheacnamaíoch a bhaineann leis an TAC a shocrú le haghaidh mangach (Pollachius pollachius) i ranna 8a, 8b, 8d agus 8e ICES le haghaidh 2024 ar an leibhéal a mhol ICES agus lena léirítear leibhéal an TAC sin is gá chun feiniméan an ‘tachtspeicis’ a sheachaint (2). Dá bhrí sin, ba cheart an TAC cinntitheach le haghaidh 2024 a shocrú, lena chur in ionad an TAC sealadach a leagtar síos le Rialachán (AE) 2024/257 le haghaidh na tréimhse ón 1 Eanáir go dtí an 30 Meitheamh 2024. De bhun Airteagal 5(3) de Rialachán (AE) 2019/472 ó Pharlaimint na hEorpa agus ón gComhairle (3), ba cheart an TAC sin a shocrú ar leibhéal 959 dtona, lena gceadófar do na cabhlaigh, de réir na tuairime sin ó CETEI, leanúint d’fheidhmiú go dtí an ceathrú ráithe den bhliain agus an méid seo a leanas a laghdú dá réir: (i) feiniméan an ‘tachtspeicis’ agus dúnadh roimh am na n-iascach ábhartha; agus (ii) na tionchair shocheacnamaíocha ghaolmhara ar earnáil an iascaigh.

(4)

An 18 agus an 19 Meitheamh 2024, bhí comhairliúcháin ag an Aontas agus ag an Iorua maidir leis an méid seo a leanas: (i) leibhéal na ndeiseanna foriomlána iascaireachta le haghaidh séaclaí Artacha i ranna 3a agus 4a ICES le haghaidh na tréimhse ón 1 Iúil 2024 go dtí an 30 Meitheamh 2025; chomh maith le (ii) leibhéal an TAC le haghaidh séaclaí Artacha i roinn 3a ICES. Rinneadh toradh na gcomhairliúchán sin a dhoiciméadú i dTaifead Comhaontaithe a síníodh an 19 Meitheamh 2024. Ba cheart, dá bhrí sin, an TAC i gcomhair séaclaí Artacha i roinn 3a ICES a shocrú ar an leibhéal a comhaontaíodh leis an Iorua. Ina theannta sin, bhreithnigh an tAontas agus an Iorua aistrithe séaclaí Artacha in uiscí na hIorua sa Mhuir Thuaidh laisteas de 62oT ón Iorua chuig an Aontas, sa bhreis ar an leibhéal a leagtar amach i dTábla 2 den Taifead Comhaontaithe ar na comhairliúcháin iascaigh idir an tAontas agus an Iorua le haghaidh 2024, a síníodh an 8 Nollaig 2023. Ba cheart cuótaí na mBallstát le haghaidh séaclaí Artacha in uiscí na Graonlainne d’fholimistéir 5 agus 14 ICES a leasú dá réir sin.

(5)

Idir an 23 Bealtaine agus an 4 Meitheamh 2024, thionóil an tAontas, an Ríocht Aontaithe agus an Iorua comhairliúcháin maidir leis an méid seo a leanas: (i) leibhéal na ndeiseanna iascaireachta foriomlána le haghaidh salán (Sprattus sprattus) in uiscí an Aontais agus uiscí na Ríochta Aontaithe i bhfolimistéar 4 agus roinn 2a ICES agus in uiscí an Aontais agus uiscí na hIorua i roinn 3a ICES le haghaidh na tréimhse ón 1 Iúil 2024 go dtí an 30 Meitheamh 2025; agus (ii) leibhéil na TACanna le haghaidh salán sna limistéir sin. Rinneadh toradh na gcomhairliúchán sin a dhoiciméadú i dTaifead Comhaontaithe a síníodh an 11 Meitheamh 2024. Maidir leis na TACanna le haghaidh salán agus foghabhálacha gaolmhara le haghaidh na tréimhse ón 1 Iúil 2024 go dtí an 30 Meitheamh 2025 in: (i) uiscí an Aontais agus uiscí na Ríochta Aontaithe i bhfolimistéar 4 agus roinn 2a ICES; agus (ii) uiscí an Aontais agus uiscí na hIorua i roinn 3a ICES, ba cheart iad a shocrú ar na leibhéil a comhaontaíodh leis an Ríocht Aontaithe agus leis an Iorua.

(6)

Idir an 14 agus an 24 Bealtaine 2024, chuaigh an tAontas agus an Ríocht Aontaithe i mbun comhairliúcháin de bhun Airteagal 498(2), (4) agus (6) den Chomhaontú Trádála agus Comhair idir an tAontas Eorpach agus an Comhphobal Eorpach do Fhuinneamh Adamhach, de pháirt, agus Ríocht Aontaithe na Breataine Móire agus Thuaisceart Éireann, den pháirt eile (4) (an ‘Comhaontú’), maidir le leibhéal an TAC le haghaidh salán i ranna 7d agus 7e ICES le haghaidh na tréimhse ón 1 Iúil 2024 go dtí an 30 Meitheamh 2025. Rinneadh toradh na gcomhairliúchán sin a dhoiciméadú i dTaifead i Scríbhinn a síníodh an 30 Bealtaine 2024. Ba cheart, dá bhrí sin, an TAC le haghaidh salán agus foghabhálacha gaolmhara i ranna 7d agus 7e ICES le haghaidh na tréimhse sin a shocrú ar an leibhéal a comhaontaíodh leis an Ríocht Aontaithe.

(7)

Chomhaontaigh an tAontas agus an Ríocht Aontaithe, i mír (m) de Thaifead i Scríbhinn an Aontais Eorpaigh agus na Ríochta Aontaithe ar na comhairliúcháin iascaigh idir an Ríocht Aontaithe agus an tAontas Eorpach le haghaidh 2024, iarraidh chomhpháirteach a chur faoi bhráid ICES chun comhairle athbhreithnithe a fhoilsiú bunaithe ar thoradh an tagarmhairc agus chun an TAC le haghaidh an tsóil choitinn i Muir Éireann (SOL/07A) a leasú i gcomhréir leis an gcomhairle athbhreithnithe sin. An 13 Meitheamh 2024, chuaigh an tAontas agus an Ríocht Aontaithe i mbun comhairliúcháin de bhun Airteagal 498(5) den Chomhaontú agus é mar aidhm acu teacht ar chomhaontú maidir le TAC leasaithe le haghaidh an tsóil choiteann (Solea solea) i roinn 7a ICES le haghaidh 2024. Rinneadh toradh na gcomhairliúchán sin a dhoiciméadú i dTaifead i Scríbhinn a síníodh an 17 Meitheamh 2024. Is iomchuí, dá bhrí sin, leibhéal an TAC sin a leasú agus é a shocrú ar an leibhéal a comhaontaíodh leis an Ríocht Aontaithe.

(8)

Chun gur féidir tús a chur leis an iascaireacht an 1 Iúil 2024, ba cheart cuóta de chuid an Aontais a shocrú le haghaidh péirsí mara (Sebastes spp.) in uiscí idirnáisiúnta i bhfolimistéir 1 agus 2 ICES le haghaidh 2024. Ba cheart an cuóta sin de chuid an Aontais a shocrú ar leibhéal 6 000 tona, i.e. ar an leibhéal céanna agus a bhí ann in 2023, go dtí go mbeidh comhairle eolaíoch ar fáil agus ionas gur féidir gníomhaíochtaí iascaireachta an Aontais le haghaidh an stoic in uiscí idirnáisiúnta a choinneáil ar an leibhéal stairiúil.

(9)

Ag an gcruinniú bliantúil a bhí aige in 2024, leasaigh Coimisiún Iascaigh an Aigéin Chiúin Thuaidh (NPFC) bearta le haghaidh ronnaigh Sheapánacha (Scomber japonicus) i limistéar Choinbhinsiún NPFC agus, den chéad uair, bhunaigh sé teorainneacha gabhála le haghaidh an stoic sin atá ar fáil do Pháirtithe Conarthacha uile NPFC, lena n-áirítear an tAontas, le haghaidh trálaer agus soithí peas-saighne faoi seach le haghaidh na tréimhse ón 1 Meitheamh 2024 go dtí an 31 Bealtaine 2025. Ina theannta sin, bhunaigh NPFC méid breise den stoc sin don Aontas le haghaidh na tréimhse céanna sin. Bhunaigh sé teorainneacha iarrachta gaolmhara freisin. Thairis sin, bhunaigh NPFC bearta atá nasctha go feidhmiúil leis na teorainneacha gabhála sin agus leis an méid breise sin, agus gan na bearta sin: (i) ní fhéadfaí na teorainneacha gabhála sin a bhunú le haghaidh Pháirtithe Conarthacha uile NPFC; agus (ii) níor mhór na deiseanna iascaireachta le haghaidh ronnaigh Sheapánacha i limistéar Choinbhinsiún NPFC a laghdú chun na speicis nach spriocspeicis iad a chosaint. Ba cheart na deiseanna iascaireachta sin agus na bearta sin atá nasctha go feidhmiúil leo a chur chun feidhme i ndlí an Aontais. Maidir leis na teorainneacha gabhála agus an méid breise don Aontas, ós rud é nach ndearna na Ballstáit iascaireacht ar an stoc sin san am atá caite, ba cheart na deiseanna iascaireachta sin a chionroinnt ar leibhéal an Aontais.

(10)

Le Rialachán (AE) 2024/897 ó Pharlaimint na hEorpa agus ón gComhairle (5), leasaítear, inter alia, Airteagal 33 de Rialachán (AE) 2017/2107 ó Pharlaimint na hEorpa agus ón gComhairle (6) trí fhoráil nua a chur isteach lena gcuirtear toirmeasc ar shoithí de chuid an Aontais dochar a dhéanamh do shiorcanna mácónna biorshrónacha a ghabhtar san Aigéan Atlantach lastuaidh de 5oT, agus lena gceanglaítear ar shoithí de chuid an Aontais na siorcanna mácónna biorshrónacha sin a scaoileadh san fharraige go pras, agus aird chuí á tabhairt ar shábháilteacht baill den chriú. Chun forálacha forluiteacha maidir leis an ábhar céanna a sheachaint, is iomchuí Airteagal 27(6) de Rialachán (AE) 2024/257 a scriosadh.

(11)

Le hAirteagal 32 agus 34 go 36 de Rialachán (AE) 2017/2107, cuirtear toirmeasc cheana féin ar shoithí de chuid an Aontais aon pháirt de chonablach nó conablach iomlán siorcanna súisteála mórshúileacha (Alopias superciliosus), siorcanna bána aigéanacha (Carcharhinus longimanus), siorcanna ceann casúir den fhine Sphyrnidae agus síodsiorcanna (Carcharhinus falciformis), a ghabhtar i gcomhar le hiascaigh i limistéar Choinbhinsiún ICCAT, a choinneáil ar bord, a thrasloingsiú nó a thabhairt i dtír, agus ceanglaítear go ndéanfaí eiseamail gan díobháil a scaoileadh san fharraige go pras. Chun forálacha forluiteacha maidir leis an ábhar céanna a sheachaint, is iomchuí Airteagal 27(1) agus (3) go (5) de Rialachán (AE) 2024/257 a scriosadh.

(12)

De bhun Airteagal 8 de Rialachán (AE) 2023/2053 ó Pharlaimint na hEorpa agus ón gComhairle (7), chuir Ballstáit áirithe pleananna bainistíochta bliantúla athbhreithnithe maidir le hiascaireacht agus acmhainneacht faoi bhráid an Choimisiúin ina n-iarrtar 5 % dá gcuóta bliantúil de thuinníní gorma (Thunnus thynnus) san Aigéan Atlantach, lastoir de 45oI, agus sa Mheánmhuir a thabhairt anonn ó 2023 go 2024. Bunaithe ar na pleananna sin, an 23 Bealtaine 2024, chuir an Coimisiún plean bliantúil athbhreithnithe de chuid an Aontais le haghaidh 2024 faoi bhráid Rúnaíocht ICCAT lena fhormheas ag ICCAT. An 24 Bealtaine 2024, d’fhormheas ICCAT an plean bliantúil athbhreithnithe sin de chuid an Aontais. Chun comhsheasmhacht a áirithiú le plean bliantúil athbhreithnithe an Aontais arna fhormheas ag ICCAT, ba cheart, dá bhrí sin, an TAC le haghaidh tuinníní gorma san Aigéan Atlantach, lastoir de 45oI, agus sa Mheánmhuir le haghaidh 2024 a leasú dá réir sin.

(13)

De bhun Airteagal 15(7) de Rialachán (AE) 2023/2053, chuir Ballstáit áirithe pleananna bainistíochta feirmeoireachta athbhreithnithe le haghaidh tuinníní gorma i limistéar Choinbhinsiún ICCAT faoi bhráid an Choimisiúin. Bunaithe ar na pleananna athbhreithnithe sin, an 23 Bealtaine 2024, chuir an Coimisiún plean bliantúil athbhreithnithe de chuid an Aontais le haghaidh 2024 faoi bhráid Rúnaíocht ICCAT lena fhormheas ag ICCAT. An 24 Bealtaine 2024, d’fhormheas ICCAT an plean sin. Ba cheart, dá bhrí sin, uas-ionchur agus uasacmhainneacht feirmeoireachta an Aontais a leasú i gcomhréir leis an bplean sin. Ní dochar an méid sin do cheart na mBallstát a bpleananna bainistíochta feirmeoireachta a ullmhú agus a chur isteach do na blianta atá le teacht de réir Airteagal 15(3) agus (4) de Rialachán (AE) 2023/2053.

(14)

Tá earráidí áirithe in Airteagal 20(1) agus i dtáblaí TAC áirithe in Iarscríbhinn IA, Codanna B agus IK, a ghabhann le Rialachán (AE) 2024/257, agus in Airteagal 18(1) de Rialachán (AE) 2023/194 ón gComhairle agus Iarscríbhinn IA, Cuid D, a ghabhann leis (8) a mhéid a bhaineann le leibhéil na ndeiseanna iascaireachta, speicis, limistéir cur i bhfeidhm agus cóid tuairiscithe. Is iomchuí, dá bhrí sin, na forálacha sin a cheartú dá réir sin.

(15)

Ba cheart, dá bhrí sin, Rialacháin (AE) 2023/194 agus (AE) 2024/257 a leasú dá réir sin.

(16)

Forálacha áirithe den Rialachán seo lena leasaítear forálacha de chuid Rialachán (AE) 2024/257 a bhaineann le deiseanna iascaireachta le haghaidh déadiasc (Dissostichus spp.) i limistéar Chomhaontú Iascaigh an Aigéin Indiaigh Theas SIOFA, ba cheart feidhm a bheith acu ón 1 Nollaig 2023, i gcomhréir le tréimhse chur i bhfeidhm na bhforálacha leasaithe. Ina theanna sin, maidir le forálacha an Rialacháin seo lena leasaítear forálacha de chuid Rialacháin (AE) 2023/194 agus (AE) 2024/257 maidir le: (i) mangaigh i ranna 8a, 8b, 8d agus 8e ICES; (ii) tuinníní gorma san Aigéan Atlantach, lastoir de 45oI, agus sa Mheánmhuir; agus (iii) forálacha eile faoi réir ceartú earráidí, ba cheart feidhm a bheith acu ón 1 Eanáir 2024, i gcomhréir le tréimhse chur i bhfeidhm na bhforálacha lena mbaineann. Ní dhéanann an cur i bhfeidhm cúlghabhálach sin difear do phrionsabal na deimhneachta dlíthiúla ná do phrionsabal an ionchais dhlisteanaigh, ós rud é go gcuirtear le leibhéal nó limistéar chur i bhfeidhm na ndeiseanna iascaireachta nó na dteorainneacha feirmeoireachta.

(17)

I bhfianaise na práinne atá le briseadh sna gníomhaíochtaí iascaireachta a sheachaint, ba cheart an Rialachán seo teacht i bhfeidhm lá a fhoilsithe in Iris Oifigiúil an Aontais Eorpaigh,

(1)

in Airteagal 1(2), cuirtear an pointe seo a leanas leis:

(2)

in Airteagal 4, cuirtear an pointe seo a leanas isteach:

(*1)   IO L 55, 28.2.2022, lch. 14. D’aontaigh an tAontas don Choinbhinsiún um Chaomhnú agus Bainistiú Acmhainní Iascaigh na Mórmhara san Aigéan Ciúin Thuaidh trí bhíthin Chinneadh (AE) 2022/314 ón gComhairle an 15 Feabhra 2022 maidir le haontachas an Aontais Eorpaigh don Choinbhinsiún um Chaomhnú agus Bainistiú Acmhainní Iascaigh na Mórmhara san Aigéan Ciúin Thuaidh (IO L 55, 28.2.2022, lch. 12).’;"

(3)

cuirtear an tAirteagal seo a leanas isteach:

(4)

in Airteagal 20(1), scriostar pointí (c) go (f);

(5)

cuirtear an méid seo a leanas in ionad Airteagal 27:

(6)

cuirtear an Roinn seo a leanas isteach:

(*2)   IO L 55, 28.2.2022, lch. 14. D’aontaigh an tAontas don Choinbhinsiún um Chaomhnú agus Bainistiú Acmhainní Iascaigh na Mórmhara san Aigéan Ciúin Thuaidh trí bhíthin Chinneadh (AE) 2022/314 ón gComhairle an 15 Feabhra 2022 maidir le haontachas an Aontais Eorpaigh don Choinbhinsiún um Chaomhnú agus Bainistiú Acmhainní Iascaigh na Mórmhara san Aigéan Ciúin Thuaidh (IO L 55, 28.2.2022, lch. 12).."

(7)

in Airteagal 55(1), scriostar pointe (d);

(8)

in Airteagal 59, leasaítear an tríú mír mar seo a leanas:

(9)

Leasaítear Iarscríbhinní IA, IB, ID, IK agus VI i gcomhréir le hIarscríbhinn I, cuid 1, a ghabhann leis an Rialachán seo;

(10)

Cuirtear Iarscríbhinní IM isteach i gcomhréir le hIarscríbhinn I, codanna II agus III, a ghabhann leis an Rialachán seo.

(1)

in Airteagal 18(1), cuirtear an méid seo a leanas in ionad phointe (p):

;

(2)

cuirtear an méid seo a leanas in ionad Airteagal 55(1), pointe (k):

;

(3)

Leasaítear Iarscríbhinn IA i gcomhréir le hIarscríbhinn II a ghabhann leis an Rialachán seo.