1.   Nuair a gheobhaidh údarás custaim iarratas ar chinneadh a bhaineann le faisnéis cheangailteach agus aon doiciméad a ghabhann leis nó a thacaíonn léi de bhun Airteagal 19(1) de Rialachán Tarmligthe (AE) 2015/2446, ceadóidh sé an córas leictreonach dá dtagraítear in Airteagal 21 den Rialachán seo chun an méid seo a leanas a fhíorú:

2.   Maidir le cinneadh a bhaineann le faisnéis cheangailteach a bhfuil sé beartaithe ag an údarás custaim atá inniúil chun an cinneadh a dhéanamh a eisiúint, d’fhonn a áirithiú go bhfuil sé comhsheasmhach le cinntí atá ann cheana a bhaineann le faisnéis cheangailteach agus a eisíodh cheana, rachaidh an t-údarás custaim atá inniúil chun an cinneadh a dhéanamh i gcomhairle leis an gcóras leictreonach dá dtagraítear sa chéad mhír den Airteagal seo.

3.   Coimeádfaidh an t-údarás custaim taifead ar a cheadú leis an gcóras leictreonach.’

1.   Chun faisnéis a bhaineann le hiarratais agus cinntí a bhaineann le faisnéis cheangailteach nó le haon imeacht ina dhiaidh sin a mhalartú agus a stóráil, ar faisnéis í nó cinntí iad a d’fhéadfadh difear a dhéanamh don iarratas bunaidh nó don chinneadh bunaidh, úsáidfear córas leictreonach a bunaíodh chun na gcríoch sin de bhun Airteagal 16(1) den Chód.

2.   Déanfaidh údaráis chustaim faisnéis a bhaineann le hiarratais agus cinntí a bhaineann le faisnéis cheangailteach a chur ar fáil tríd an gcóras leictreonach dá dtagraítear i mír 1 gan mhoill agus 7 lá ar a dhéanaí tar éis don údarás custaim an fhaisnéis sin a fháil.

3.   Áireofar san fhaireachas dá dtagraítear in Airteagal 55 sonraí atá ábhartha chun faireachán a dhéanamh ar úsáid cinntí a bhaineann le faisnéis cheangailteach.

4.   An t-údarás custaim a fuair an t-iarratas agus a rinne an cinneadh maidir le faisnéis cheangailteach, tabharfaidh sé fógra tríd an gcóras leictreonach dá dtagraítear i mír 1 má dheonaítear tréimhse úsáide breisithe an chinnidh a bhaineann le faisnéis cheangailteach, agus sonróidh sé dáta deiridh na tréimhse úsáide breisithe agus cainníochtaí na n-earraí a chumhdaítear leis an tréimhse sin.

5.   Déanfaidh an Coimisiún torthaí an fhaireacháin dá dtagraítear i mír 3 a chur in iúl do na Ballstáit ar bhonn rialta chun tacú leis an bhfaireachán a dhéanfaidh na húdaráis chustaim ar chomhlíonadh na n-oibleagáidí a eascraíonn ón gcinneadh a bhaineann le faisnéis cheangailteach.

6.   Úsáidfear comhéadan comhchuibhithe trádálaithe de chuid an Aontais a dhear an Coimisiún agus na Ballstáit i gcomhaontú le chéile chun faisnéis a bhaineann le hiarratais agus cinntí a bhaineann le faisnéis cheangailteach a mhalartú.

7.   Agus iarratas ar chinneadh a bhaineann le faisnéis cheangailteach á phróiseáil ag na húdaráis chustaim, sonróidh siad stádas an iarratais sa chóras leictreonach dá dtagraítear i mír 1.

8.   Go dtí dáta imscartha na chéad chéime d’uasghrádú an chórais dá dtagraítear i mír 1 den Airteagal seo agus an chórais dá dtagraítear in Airteagal 56 den Rialachán seo, déanfaidh na húdaráis chustaim faireachán ar úsáid cinntí a bhaineann le faisnéis cheangailteach agus rialuithe custaim nó rialuithe iarscaoilte á ndéanamh acu i gcomhréir le hAirteagail 46 agus 48 den Chód. De mhaolú ar mhír 5 den Airteagal seo, go dtí an dáta imscartha sin, ní bheidh sé d’oibleagáid ar an gCoimisiún torthaí an fhaireacháin dá dtagraítear i mír 3 den Airteagal seo a chur in iúl do na Ballstáit.’

1.   I gcás ina gcinnfidh na húdaráis chustaim tréimhse úsáide breisithe a dheonú i gcomhréir le hAirteagal 34(9), an tríú fomhír, den Chód nó le hAirteagal 20a(6), an tríú fomhír, de Rialachán Tarmligthe (AE) 2015/2446, sonróidh siad an méid seo a leanas:

2.   Cuirfear deireadh le húsáid cinnidh ar deonaíodh tréimhse úsáide breisithe ina leith a luaithe a shroichfear na cainníochtaí sin.

Ar bhonn an fhaireachais dá dtagraítear in Airteagal 55, cuirfidh an Coimisiún na Ballstáit ar an eolas a luaithe a shroichfear na cainníochtaí sin.’

1.   Tabharfaidh an Coimisiún fógra gan mhoill do na húdaráis chustaim faoi chinntí BTI agus BOI a chur ar fionraí i gcomhréir le hAirteagal 34(10), pointe (a), den Chód agus faoi chinntí BVI i gcomhréir le hAirteagal 20a(7), pointe (a), de Rialachán Tarmligthe (AE) 2015/2446 sna cásanna seo a leanas:

2.   Eagróidh an Coimisiún comhairliúchán ar leibhéal an Aontais maidir le rangú taraife ceart agus aonfhoirmeach, maidir le cinneadh tionscnaimh nó maidir le luach custaim a chinneadh, a luaithe is féidir agus laistigh de 120 lá ar a dhéanaí ón bhfógra ón gCoimisiún dá dtagraítear i mír 1.

3.   Tabharfaidh an Coimisiún fógra do na húdaráis chustaim a luaithe a tharraingeofar siar fionraí.

4.   Chun críocha mhíreanna 1, 2 agus 3, measfar cinntí BOI a bheith neamh-aonfhoirmeach i gcás ina dtugann siad tionscnamh éagsúil d’earraí a bhfuil na nithe seo a leanas i gceist leo:

5.   Chun críocha mhíreanna 1, 2 agus 3, measfar cinntí BVI a bheith neamh-aonfhoirmeach i gcás ina gcuirfidh siad modh éagsúil luachála custaim nó critéir éagsúla ar fáil chun an luach custaim a bhunú i gcúinsí comhionanna nó i gcúinsí comhchosúla.’