(1)

Le Treoir (AE) 2019/879 ó Pharlaimint na hEorpa agus ón gComhairle (2) leasaíodh an sainmhíniú ar ‘dhliteanais incháilithe’, mar a leagadh síos ansin in Airteagal 2(1), pointe (71), de Threoir 2014/59/AE. De bhun an tsainmhínithe nua sin, ní bhaineann ‘dliteanais incháilithe’ ach leis na dliteanais sin atá incháilithe don íoscheanglas le haghaidh cistí dílse agus dliteanais incháilithe (ICDI). Ba cheart an leasú sin a léiriú i Rialachán Tarmligthe (AE) 2015/63 ón gCoimisiún (3), ina ndéileáiltear le ranníocaíochtaí ex ante le socruithe um maoiniú réitigh. Go háirithe, ba cheart na tagairtí sa Ghníomh Tarmligthe sin don sainmhíniú roimhe seo ar ‘dhliteanais incháilithe’, a leagadh síos in Airteagal 2(1), pointe (71) de Threoir 2014/59/AE, a choigeartú i gcomhréir le hAirteagal 2(1), pointe (71a), den Treoir sin, ina leagtar síos an sainmhíniú nua. Thairis sin, ba cheart coigeartú a dhéanamh freisin ar an bhfoirmle chun an táscaire ‘Cistí dílse agus dliteanais incháilithe arna sealbhú ag an institiúid de bhreis ar ICDI’ in Iarscríbhinn I, CÉIM I a ghabhann le Rialachán Tarmligthe (AE) 2015/63 a ríomh ionas nach n-áireofaí inti ach dliteanais atá incháilithe do ICDI.

(2)

Le Treoir (AE) 2019/879 leasaíodh Airteagal 45(1) agus (2) de Threoir 2014/59/AE freisin chun foráil a dhéanamh maidir le ríomh nua ICDI, ar dá réir a ríomhtar ICDI anois mar chéatadán de mhéid neamhchosanta iomláine ar riosca (TREA) agus mar chéatadán de thomhas neamhchosanta iomláine (TEM) an eintitis lena mbaineann. Dá bhrí sin, ba cheart a shonrú cén paraiméadar a ndéanfar an táscaire ‘Cistí dílse agus dliteanais incháilithe arna sealbhú ag an institiúid de bhreis ar ICDI’ dá dtagraítear i Rialachán Tarmligthe (AE) 2015/63 a ríomh ar a bhonn. Thairis sin, chun luach sách stuama an táscaire sin a áirithiú, ba cheart a leagan síos, chun an táscaire sin a ríomh, gur cheart úsáid a bhaint as an luach níos airde ICDI idir, ar thaobh amháin, ICDI arna ríomh de réir TREA agus, ar an taobh eile, ICDI arna ríomh de réir TEM.

(3)

Le Treoir (AE) 2019/879, cuireadh síneadh freisin leis an bhféidearthacht atá ag údaráis réitigh eintitis aonair a tharscaoileadh ó ICDI ar leibhéal aonair agus ina ionad sin ICDI a éileamh ar leibhéal comhdhlúite, agus go háirithe na cúinsí dá dtagraítear in Airteagal 45f(3) agus (4) agus Airteagal 45g de Threoir 2014/59/AE. Ba cheart an leasú sin ar Threoir 2014/59/AE a léiriú in Airteagal 8(2) de Rialachán Tarmligthe (AE) 2015/63.

(4)

Faoi láthair, déantar foráil le hAirteagal 20(5) de Rialachán Tarmligthe (AE) 2015/63 maidir le córas idirthréimhseach lena gceadaítear d’institiúidí beaga ranníocaíocht a dhéanamh le socruithe náisiúnta um maoiniú réitigh nó leis an gCiste Réitigh Aonair le cnapshuim, seachas le ranníocaíocht lánfheidhme arna coigeartú de réir riosca. Leanfaidh an córas idirthréimhseach sin go dtí deireadh na tréimhse tosaigh dá bhforáiltear chun spriocleibhéal an Chiste Réitigh Aonair a bhaint amach, a dtiocfaidh deireadh leis an 31 Nollaig 2023, de bhun Airteagal 69 de Rialachán (AE) Uimh. 806/2014 ó Pharlaimint na hEorpa agus ón gComhairle (4). Mar sin féin, de bhun Airteagal 102(1) de Threoir 2014/59/AE, tagann deireadh leis an tréimhse thosaigh chun spriocleibhéal na socruithe náisiúnta um maoiniú réitigh a bhaint amach bliain ina dhiaidh sin, an 31 Nollaig 2024. Fágann sé sin nach gcaitear go comhionann le hinstitiúidí a dhéanann ranníocaíocht le socruithe náisiúnta um maoiniú réitigh agus le hinstitiúidí a dhéanann ranníocaíocht leis an gCiste Réitigh Aonair. Chun gur féidir le hinstitiúidí a dhéanann ranníocaíocht le socruithe náisiúnta um maoiniú réitigh ranníocaíocht a dhéanamh le cnapshuim go dtí deireadh thréimhse thosaigh a socraithe náisiúnta um maoiniú réitigh faoi seach, ba cheart síneadh aon bhliana amháin a chur leis an gcóras idirthréimhseach go dtí an 31 Nollaig 2024 trí thagairt d’Airteagal 102(1) de Threoir 2014/59/AE a chur in ionad na tagartha in Airteagal 20(5) de Rialachán Tarmligthe (AE) 2015/63 d’Airteagal 69(1) de Rialachán (AE) Uimh. 806/2014.

(5)

Ba cheart, dá bhrí sin, Rialachán Tarmligthe (AE) 2015/63 a leasú dá réir sin.

(6)

Is gá méid leordhóthanach ama a thabhairt do na húdaráis réitigh chun a gcinntí maidir le ranníocaíochtaí le socruithe um maoiniú réitigh a ghlacadh agus fógra a thabhairt ina leith i gcomhréir leis na ceanglais leasaithe. Is gá, dá bhrí sin, foráil a dhéanamh maidir le socrú idirthréimhseach don bhliain 2024 lena gcuirfear síneadh leis na sprioc-amanna do na fógraí sin.

(7)

Ós rud é gur gá do na húdaráis réitigh na ceanglais leasaithe a chur i bhfeidhm chun ranníocaíochtaí 2024 a ríomh agus a chruinniú a luaithe is féidir, is gá foráil a dhéanamh maidir le teacht i bhfeidhm an Rialacháin seo an lá tar éis lá a fhoilsithe.

(8)

Faoi Airteagal 14(4) de Rialachán Tarmligthe (AE) 2015/63, soláthróidh institiúidí an fhaisnéis is ábhartha chun na ranníocaíochtaí a ríomh do na húdaráis réitigh faoin 31 Eanáir gach bliain. Is gá mí amháin eile a thabhairt d’institiúidí chun an fhaisnéis sin a sholáthar in 2024.

(9)

Is gá éiginnteacht dhlíthiúil a sheachaint maidir leis an modh atá le cur i bhfeidhm chun faisnéis a thuairisciú agus chun ranníocaíochtaí le socruithe náisiúnta um maoiniú réitigh a ríomh. Chuige sin, ba cheart do na húdaráis réitigh a bheith in ann treoir a thabhairt d’institiúidí maidir leis an bhfaisnéis atá le soláthar chun a ranníocaíochtaí bliantúla a ríomh, agus síneadh an chórais idirthréimhseach cnapshuime in 2024 á chur san áireamh, i bhfad roimh an spriocdháta a bunaíodh chun na ranníocaíochtaí a bhailiú in 2024. Chun leanúnachas an tuairiscithe faisnéise agus an mhodha ríofa a áirithiú i rith tréimhsí ranníocaíochta, agus chun a chur ar a gcumas do na húdaráis réitigh na treoracha is gá a eisiúint ón 1 Nollaig 2023, ba cheart feidhm chúlghabhálach a bheith ag síneadh an chórais idirthréimhsigh atá le leagan síos in Airteagal 20(5), (8) agus (9) ón dáta sin,

(1)

in Airteagal 3, cuirtear an méid seo a leanas in ionad phointe 17:

(2)

in Airteagal 8, cuirtear an méid seo a leanas in ionad mhír 2:

(3)

in Airteagal 20, cuirtear an méid seo a leanas in ionad mhír 5:

(4)

in Airteagal 20, cuirtear isteach na míreanna 8 agus 9 seo a leanas:

(5)

Leasaítear Iarscríbhinn I i gcomhréir leis an Iarscríbhinn a ghabhann leis an Rialachán seo.