This document is an excerpt from the EUR-Lex website
Document 32024R0833
Commission Implementing Regulation (EU) 2024/833 of 11 March 2024 amending Commission Regulation (EC) No 1768/95 as regards the liability for damage pursuant to Article 94(2) of Council Regulation (EC) No 2100/94
Rialachán Cur Chun Feidhme (AE) 2024/833 ón gCoimisiún an 11 Márta 2024 lena leasaítear Rialachán (CE) Uimh. 1768/95 a mhéid a bhaineann leis an dliteanas i leith damáiste de bhun Airteagal 94(2) de Rialachán (CE) Uimh. 2100/94 ón gComhairle
Rialachán Cur Chun Feidhme (AE) 2024/833 ón gCoimisiún an 11 Márta 2024 lena leasaítear Rialachán (CE) Uimh. 1768/95 a mhéid a bhaineann leis an dliteanas i leith damáiste de bhun Airteagal 94(2) de Rialachán (CE) Uimh. 2100/94 ón gComhairle
C/2024/1465
IO L, 2024/833, 12.3.2024, ELI: http://data.europa.eu/eli/reg_impl/2024/833/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
Iris Oifigiúil |
GA Sraith L |
|
2024/833 |
12.3.2024 |
RIALACHÁN CUR CHUN FEIDHME (AE) 2024/833 ÓN gCOIMISIÚN
an 11 Márta 2024
lena leasaítear Rialachán (CE) Uimh. 1768/95 a mhéid a bhaineann leis an dliteanas i leith damáiste de bhun Airteagal 94(2) de Rialachán (CE) Uimh. 2100/94 ón gComhairle
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 2100/94 ón gComhairle an 27 Iúil 1994 i dtaca le cearta comhphobail maidir le cineálacha plandaí (1), agus go háirithe Airteagal 14(3) de,
De bharr an mhéid seo a leanas:
|
(1) |
Le Rialachán (CE) Uimh. 1768/95 ón gCoimisiún (2) leagtar amach rialacha cur chun feidhme maidir leis an díolúine talmhaíochta dá bhforáiltear in Airteagal 14(3) de Rialachán (CE) Uimh. 2100/94. Go háirithe, le hAirteagal 18(2) den Rialachán sin foráiltear maidir le dliteanas chun damáiste breise a chúiteamh de bhun Airteagal 94(2) de Rialachán Uimh. 2100/94 i gcás neamhchomhlíonadh i ndáil le cineál amháin nó níos mó de chuid an tsealbhóra chéanna. |
|
(2) |
An 16 Márta 2023 dhearbhaigh an Chúirt Bhreithiúnais i gcás C-522/21 (3) go bhfuil Airteagal 18(2) de Rialachán (CE) Uimh. 1768/95 neamhbhailí. Shonraigh an Chúirt, a mhéid a leagtar amach in Airteagal 18(2) de Rialachán (CE) Uimh. 1768/95 méid an chúitimh atá le híoc i ndáil leis an táille cheadúnais, go mbunaítear leis an Airteagal sin toimhde dhofhrisnéise maidir leis an méid is lú den damáiste a bhain don sealbhóir agus cuirtear teorainn le rogha na Cúirte a dtugtar an cás os a comhair, rud atá contrártha d’Airteagal 94(2) de Rialachán (CE) Uimh. 2100/94 arna léirmhíniú ag an gCúirt. |
|
(3) |
Ar an gcúis sin, ba cheart an fhoráil sin a bhaint. |
|
(4) |
Thairis sin, ba cheart foráil nua a chur ina hionad chun a áirithiú go gcomhlíonfar Airteagal 94(2) de Rialachán (CE) Uimh. 2100/94 agus chun leasanna dlisteanacha an phóraitheora agus an fheirmeora a chosaint. |
|
(5) |
Mar is léir ón taithí a fuarthas, de ghnáth is éard a bhíonn in aon damáiste breise de bhun Airteagal 94(2) de Rialachán (CE) Uimh. 2100/94 costais na n-imscrúduithe a dhéanann an sealbhóir chun raon feidhme an neamhchomhlíonta sin a shainaithint agus chun meastóireacht a dhéanamh air. |
|
(6) |
Ar an gcúis sin, ba cheart a léiriú le hAirteagal 18(2) de Rialachán (CE) Uimh. 1768/95 go bhféadfadh na costais sin a bheith ina ngné ábhartha chun aon damáiste breise a bhain don sealbhóir a ríomh, ar damáiste é a tharla mar gheall ar shárú d’aon ghnó nó sárú faillíoch ar chearta an sealbhóra faoi Airteagal 14(3), an ceathrú fleasc, de Rialachán (CE) Uimh. 2100/94. Dá bhrí sin, ba cheart Rialachán (CE) Uimh. 1768/95 a leasú dá réir sin. |
|
(7) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Chearta maidir le Cineálacha Plandaí, |
TAR ÉIS AN RIALACHÁN SEO A GHLACADH:
Airteagal 1
Leasú ar Rialachán (CE) Uimh. 1768/95
Cuirtear an méid seo a leanas in ionad Airteagal 18(2) de Rialachán (CE) Uimh. 1768/95:
‘2. Murar chomhlíon an duine sin, d’aon ghnó nó go faillíoch, a oibleagáid de bhun Airteagal 14(3), an ceathrú fleasc, den bhunrialachán, i ndáil le cineál amháin nó níos mó de chuid an tsealbhóra chéanna, maidir leis an dliteanas chun cúiteamh a thabhairt don sealbhóir i ndáil le haon damáiste breise de bhun Airteagal 94(2) den bhunrialachán, féadfar a áireamh ann costais na n-imscrúduithe arna ndéanamh ag an sealbhóir chun raon feidhme an neamhchomhlíonta sin a shainaithint agus chun meastóireacht a dhéanamh air.’
Airteagal 2
Teacht i bhfeidhm
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh sé ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 11 Márta 2024.
Thar ceann an Choimisiúin
An tUachtarán
Ursula VON DER LEYEN
(1) IO L 227, 1.9.1994, lch. 1, ELI: http://data.europa.eu/eli/reg/1994/2100/2008-01-31.
(2) Rialachán (CE) Uimh. 1768/95 ón gCoimisiún an 24 Iúil 1995 lena gcuirtear chun feidhme rialacha maidir leis an díolúine talmhaíochta dá bhforáiltear in Airteagal 14 (3) de Rialachán (CE) Uimh. 2100/94 ón gComhairle i dtaca le cearta comhphobail maidir le cineálacha plandaí (IO L 173, 25.7.1995, lch. 14, ELI: http://data.europa.eu/eli/reg/1995/1768/oj).
(3) Breithiúnas an 16 Márta 2023, MS v Saatgut-Treuhandverwaltungs GmbH, C-522/21, EU:C:2023:218.
ELI: http://data.europa.eu/eli/reg_impl/2024/833/oj
ISSN 1977-0839 (electronic edition)