(1)

Le hAirteagal 9a(2) de Rialachán (AE) Uimh. 1093/2010, ceanglaítear ar an Údarás Baincéireachta Eorpach (ÚBE) bunachar sonraí lárnach den fhaisnéis arna bailiú i gcomhréir le hAirteagal 9a(1), pointe (a), den Rialachán sin a bhunú agus a choimeád cothrom le dáta. Mar thoradh air sin, maidir le sonrú a dhéanamh ar an gcaoi a bhfuil faisnéis le hanailísiú agus le cur ar fáil d’údaráis tuairiscithe ar bhonn riachtanas eolais agus rúnda, mar a cheanglaítear le hAirteagal 9a(3) den Rialachán sin, is cinnte go mbaineann sé le sonrú na mionsonraí chun an bunachar sonraí lárnach sin a bhunú.

(2)

Is gá na cásanna comhfhreagracha ina bhféadfadh laigí tarlú a shonrú. Áirítear leis an maoirseacht gníomhaíochtaí ábhartha uile na n-údarás tuairiscithe uile, gan dochar d’inniúlachtaí náisiúnta, atá le déanamh de bhun na ngníomhartha reachtacha earnála, agus dá bhrí sin, tá sí ilghnéitheach. Dá bhrí sin, ba cheart na cásanna comhfhreagracha a shonrú, ag féachaint do na gníomhaíochtaí maoirseachta a dhéanann na húdaráis tuairiscithe éagsúla.

(3)

Chun ábharthacht laige a chinneadh, is gá a shainmhíniú ginearálta a leagan amach chomh maith le liosta neamh-uileghabhálach critéar chun an sainmhíniú sin a shonrú a thuilleadh. Tá gá le sainmhíniú agus liosta critéar den sórt sin, ar thaobh amháin, chun cur chuige comhchuibhithe a bhaint amach agus an sainmhíniú ginearálta sin á chur i bhfeidhm, agus ar an taobh eile chun a áirithiú go ngabhtar gach laige ábhartha, de réir bhrí an tsainmhínithe ghinearálta, agus an comhthéacs sonrach á chur san áireamh.

(4)

Chun a áirithiú go dtuairiscíonn údaráis tuairiscithe laigí don bhunachar sonraí ag céim luath, ba cheart laige ábhartha a shainiú ar bhealach ina gcuimsítear ní hamháin laigí a léiríonn mainneachtain shuntasach i gcomhlíonadh na gceanglas is infheidhme a bhaineann le frithsciúradh airgid agus maoiniú sceimhlitheoireachta a chomhrac (AML/CFT), ach na laigí sin a d’fhéadfadh a bheith ina gcúis le mainneachtain den sórt sin freisin, fiú murar tharla an mhainneachtain sin go fóill. Tá údar leis sin freisin toisc gur cheart do na húdaráis sin nach bhfuil an leibhéal céanna faisnéise agus saineolais AML/CFT acu agus atá ag na húdaráis mhaoirseachta a ainmnítear mar údaráis mhaoirseachta atá inniúil faoi Threoir (AE) 2015/849 ó Pharlaimint na hEorpa agus ón gComhairle (2) faisnéis a thuairisciú don bhunachar sonraí ar bhonn na hiarrachta is fearr.

(5)

Chun an cineál faisnéise atá le cur isteach a leagan amach, is gá idirdhealú a dhéanamh idir faisnéis ghinearálta, faisnéis faoi laigí ábhartha agus faisnéis faoi na bearta arna ndéanamh.

(6)

Agus comhpháirteanna den fhaisnéis ghinearálta atá le cur isteach á leagan amach, ba cheart aird ar leith a thabhairt ar oibreoirí san earnáil airgeadais a oibríonn ar bhonn trasteorann, lena n-áirítear oibreoirí san earnáil airgeadais atá mar chuid de ghrúpa a bhfuil coláiste ag feidhmiú dó. Chun inchomparáideacht na faisnéise arna cur isteach a áirithiú, ba cheart d’údaráis AML/CFT próifíl riosca AML/CFT an oibreora san earnáil airgeadais a chur faoi bhráid ÚBE freisin mar chuid den fhaisnéis ghinearálta sin, trí úsáid a bhaint as catagóirí coiteanna.

(7)

Ba cheart do na húdaráis stuamachta, mar chuid den fhaisnéis ghinearálta atá le tuairisciú acu, faisnéis a sholáthar maidir le toradh an mheasúnaithe riosca ábhartha ar aon phróiseas athbhreithnithe maoirseachta agus ar aon phróiseas comhchosúil eile a bhfuil tionchar ag riosca sciúrtha airgid agus maoinithe sceimhlitheoireachta an oibreora san earnáil airgeadais air mar aon le faisnéis faoi aon mheasúnú deiridh diúltach nó aon chinneadh diúltach maidir le hiarratais ar údarú, i gcás ina bhfuil an measúnú nó an cinneadh sin bunaithe freisin ar fhorais rioscaí sciúrtha airgid agus maoinithe sceimhlitheoireachta.

(8)

Chun inniúlachtaí ar leith na n-údarás AML/CFT baile agus óstach a chur san áireamh mar a leagtar amach i dTreoir (AE) 2015/849, is gá a shoiléiriú gur cheart d’údaráis AML/CFT baile agus óstacha araon na laigí ábhartha a shainaithníonn siad i bhfeidhmiú a n-inniúlachtaí faoi seach a thuairisciú do ÚBE. Is gá a shoiléiriú freisin gur cheart na bearta arna ndéanamh ag an údarás AML/CFT óstach a chur isteach sa bhunachar sonraí gan beann ar aon fhógra a thabhairt don údarás baile.

(9)

Is gá a áirithiú gur féidir le ÚBE a ról a fheidhmiú go héifeachtach maidir le gníomhaíochtaí a stiúradh, a chomhordú agus faireachán a dhéanamh orthu, gníomhaíochtaí chun sláine, trédhearcacht agus slándáil an chórais airgeadais a chur chun cinn chun cosc a chur ar úsáid an chórais sin chun críoch sciúrtha airgid nó maoinithe sceimhlitheoireachta, trí lánúsáid a bhaint as a chumhachtaí agus a uirlisí uile faoi Rialachán (AE) Uimh. 1093/2010 agus prionsabal na comhréireachta á urramú an tráth céanna. Dá bhrí sin, ba cheart do ÚBE a bheith in ann faisnéis atá aige ó fhoinsí eile a chomhcheangal chun anailís a dhéanamh ar an bhfaisnéis a chuirtear isteach sa bhunachar sonraí. Ba cheart do ÚBE féachaint le húsáid a bhaint as an bhfaisnéis sin chun a chúraimí uile a leagtar amach i Rialachán (AE) Uimh. 1093/2010 a bhaint amach.

(10)

Agus anailís á déanamh ar fhaisnéis arna cur isteach sa bhunachar sonraí agus arna cur ar fáil do na húdaráis tuairiscithe, ba cheart comhar leis an Údarás Eorpach um Árachas agus Pinsin Cheirde (ÚEÁPC) agus leis an Údarás Eorpach um Urrúis agus Margaí (ESMA) a áirithiú leis an Rialachán seo i gcomhréir le prionsabal an chomhair dhílis de bhun Airteagal 4(3) den Chonradh ar an Aontas Eorpach mar a shonraítear a thuilleadh in Airteagal 2(4) de Rialachán (AE) Uimh. 1093/2010, Airteagal 2(4) de Rialachán (AE) Uimh. 1094/2010 ó Pharlaimint na hEorpa agus ón gComhairle (3) agus Airteagal 2(4) de Rialachán (AE) Uimh. 1095/2010 ó Pharlaimint na hEorpa agus ón gComhairle (4). Go sonrach, ba cheart a shonrú go bhféadfaí an fhaisnéis a iarrann ÚBE ar na húdaráis sin nó a fhaightear ar shlí eile ó na húdaráis sin a úsáid, i gcás inarb iomchuí, chun críocha na hanailíse agus gur cheart do ÚBE an fhaisnéis sin a sholáthar do ÚEÁPC agus do ESMA, ar a thionscnamh féin nó ar iarraidh a fháil ó na húdaráis sin.

(11)

Is gá a shonrú an chaoi a gcuirtear faisnéis ar fáil d’údaráis tuairiscithe. In Airteagal 9a(2) de Rialachán (AE) Uimh. 1093/2010, luaitear go bhfuil ÚBE le háirithiú go gcuirtear faisnéis ar fáil d’údaráis tuairiscithe ar bhonn riachtanas eolais agus rúnda, agus tagraíonn Airteagal 9a(3) den Rialachán sin go sonrach d’iarrataí réasúnaithe. Tá an dá fhoráil mar chuid den phróiseas maidir leis an gcaoi a gcuirtear faisnéis ar fáil d’údaráis tuairiscithe. Chuige sin, ba cheart na gnéithe ar leith den iarraidh réasúnaithe atá le fáil ag ÚBE ó údaráis tuairiscithe a leagan amach freisin.

(12)

Chun a áirithiú go n-urramófar prionsabal na comhréireachta agus chun dúbláil faisnéise a sheachaint, ba cheart a mheas, maidir le húdarás AML/CFT a chuireann faisnéis isteach maidir le beart, go bhfuil an fógra dá dtagraítear in Airteagal 62 de Threoir (AE) 2015/849 maidir leis an mbeart sin á chur isteach aige freisin. Ina theannta sin, is gá a cheangal go sonróidh údarás AML/CFT nó údarás stuamachta a chuirfidh faisnéis isteach sa bhunachar sonraí lárnach, mar chuid dá aighneacht, ar chuir nó nár chuir an t-údarás sin fógra isteach cheana féin faoi Airteagal 97(6) de Threoir 2013/36/AE ó Pharlaimint na hEorpa agus ón gComhairle (5).

(13)

Chun a áirithiú go mbeidh an bunachar sonraí AML/CFT lárnach ina uirlis éifeachtach sa chomhrac i gcoinne sciúradh airgid agus mhaoiniú na sceimhlitheoireachta, is gá a áirithiú go gcuirfidh na húdaráis tuairiscithe an fhaisnéis sin isteach sa bhunachar sonraí lárnach ar bhealach tráthúil, agus is gá cáilíocht na faisnéise sin a áirithiú. Chuige sin, ba cheart faisnéis maidir le laigí ábhartha agus bearta arna nglacadh a chur isteach gan moill mhíchuí agus ba cheart do na húdaráis tuairiscithe freagairt gan moill mhíchuí d’aon iarraidh a dhéanfaidh ÚBE tar éis aon anailís seiceála cáilíochta a dhéanamh. Ar an gcúis chéanna, ba cheart do na húdaráis tuairiscithe cruinneas, iomláine, leordhóthanacht agus nuashonrú leanúnach na faisnéise sin a áirithiú, agus ba cheart faisnéis maidir le laige ábhartha a chur isteach go neamhspleách ar aon bheart a dhéantar mar fhreagairt uirthi.

(14)

Chun éifeachtúlacht ama a áirithiú, agus ar an gcaoi sin faireachán agus measúnú comhsheasmhach, córasach agus éifeachtach a chur chun cinn ar rioscaí i ndáil le sciúradh airgid agus maoiniú sceimhlitheoireachta i gcórais airgeadais an Aontais, ba cheart aighneachtaí agus iarrataí a dhéanamh i mBéarla. An tráth céanna, chun urraim do phrionsabal na comhréireachta a áirithiú agus chun costais iomarcacha do na húdaráis tuairiscithe a sheachaint, i gcás nach bhfuil na doiciméid tacaíochta ar fáil i mBéarla, ba cheart iad a chur isteach ina mbunteanga agus achoimre i mBéarla a bheith ag gabháil leo.

(15)

I gcás ina riarann eintiteas príobháideach oibriú scéime ráthaithe taiscí, ba cheart don údarás ainmnithe a dhéanann maoirseacht ar an scéim sin a áirithiú go dtuairiscíonn an scéim sin laigí ábhartha a shainaithnítear le linn a gníomhaíochtaí don údarás ainmnithe.

(16)

I bhfianaise líon mór na n-údarás tuairiscithe lena mbaineann agus chun na difríochtaí suntasacha sa mhinicíocht tuairiscithe a réamh-mheas toisc gur dócha, mar gheall ar a bhfreagrachtaí maoirseachta, nach dtuairisceoidh roinnt de na húdaráis tuairiscithe laigí ábhartha agus bearta AML/CFT chomh minic céanna le húdaráis tuairiscithe eile, agus chun éifeachtúlacht oibríochtúil agus costais a bhaint amach do na húdaráis tuairiscithe agus do ÚBE araon, ba cheart cur chuige seicheamhach a bheith mar chuid d’ailtireacht an bhunachair sonraí. Ar bhonn an chur chuige sheicheamhaigh sin, ba cheart rochtain dhíreach a bheith ag roinnt údarás tuairiscithe ar an mbunachar sonraí, agus rochtain indíreach a bheith ag roinnt údarás tuairiscithe eile.

(17)

Ba cheart na páirtithe uile a bhfuil baint acu le malartú faisnéise a bheith faoi cheangal ag ceanglais sicréideachta gairmiúla agus rúndachta. Dá bhrí sin, ba cheart forálacha sonracha a leagan amach maidir leis an gcaoi ar féidir an fhaisnéis a nochtadh a thuilleadh, agus ar an gcaoi sin caomhnófar an rúndacht.

(18)

An fhaisnéis a chuirtear isteach, a iarrtar, a roinntear nó a chuirtear ar fáil, nuair a bhaineann sí le daoine nádúrtha, ba cheart prionsabal na comhréireachta a urramú agus faisnéis faoi na daoine nádúrtha sin á próiseáil. Chuige sin, is gá an fhaisnéis arna próiseáil maidir le daoine nádúrtha a shonrú.

(19)

Chun éifeachtúlacht an bhunachair sonraí agus anailís ar an bhfaisnéis atá ann a áirithiú, ionas go mbeidh sé ina uirlis éifeachtach sa chomhrac i gcoinne sciúradh airgid agus mhaoiniú na sceimhlitheoireachta, ba cheart do ÚBE, mar chuid dá anailís, a bheith in ann an fhaisnéis a chuirtear faoina bhráid i gcomhréir leis an Rialachán seo a chomhcheangal le faisnéis eile atá ar fáil maidir le laigí ábhartha in oibreoirí aonair san earnáil airgeadais a fhágann go bhfuil siad leochaileach ó thaobh sciúradh airgid nó maoiniú sceimhlitheoireachta ar faisnéis í a fhaigheann ÚBE agus a chúraimí á gcur i gcrích aige laistigh de raon feidhme a shainordaithe. Chun ábharthacht na faisnéise comhcheangailte a áirithiú, nuair a bheidh sonraí pearsanta inti, ba cheart do na sonraí sin teacht faoi na catagóirí sonraí a liostaítear in Iarscríbhinn II. Ba cheart gur rud eisceachtúil a bheadh i gceist le sonraí pearsanta a chomhcheangal agus ní fhéadfar próiseáil den sórt sin a dhéanamh ach amháin chun críocha an Rialacháin seo a bhaint amach. D’fhéadfadh sé gur ghá na sonraí a chomhcheangal (i) chun cruinneas agus iomláine na sonraí a fhaightear ó údaráis inniúla a áirithiú nó (ii) chun a chur ar chumas ÚBE faisnéis ábhartha a chomhtháthú ina bhunachar sonraí, ar faisnéis í atá den chineál céanna leis an bhfaisnéis a tharchuireann na húdaráis inniúla ach a fhaightear trí bhealach eile amhail trína imscrúduithe ar sháruithe féideartha ar dhlí an Aontais de bhun Airteagal 17 de Rialachán (AE) Uimh. 1093/2010.

Faisnéis a bhaineann le hamhras faoi chionta coiriúla nó ciontuithe coiriúla arna ndéanamh ag custaiméir, ag úinéir tairbhiúil, ag comhalta den chomhlacht bainistíochta nó ag sealbhóir príomhfheidhme, d’fhéadfadh sí a bheith ina táscaire ar easpa macántachta nó sláine nó ar rioscaí ML/TF. D’fhéadfadh sé sin a bheith ina chúis shuntasach le laigí ábhartha i socruithe rialachais, oiriúnacht agus cuibheas oibreora san earnáil airgeadais, i sealbhóirí sealúchas cáilitheach, i samhail ghnó nó i ngníomhaíochtaí gnó, nó ina rannchuidiú le laigí ábhartha den sórt sin. Dá bhrí sin, féadfar faisnéis a bhaineann le drochamhras faoi chionta coiriúla nó le ciontú i gcionta coiriúla a áireamh sna sonraí pearsanta a shonraítear in Iarscríbhinn II.

Ní féidir ach na sonraí a bhaineann le laigí ábhartha a áireamh sa bhunachar sonraí. Ós rud é nach mbaineann na laigí ábhartha faoin Rialachán seo ach le teipeanna suntasacha i gcomhlíonadh aon cheann de na ceanglais a bhaineann le AML/CFT, áirithítear leis sin go mbeidh próiseáil na sonraí faoin Rialachán teoranta i gcónaí do sháruithe tromchúiseacha ar na ceanglais a bhaineann le AML/CFT, agus, dá bhrí sin, go mbeidh sí teoranta i gcónaí don mhéid atá riachtanach agus comhréireach.

Ba cheart na sonraí pearsanta uile a phróiseáiltear chun an Rialachán seo a chur chun feidhme a láimhseáil i gcomhréir le creat cosanta sonraí an Aontais, lena n-áirítear na prionsabail a bhaineann leis an bpróiseáil, amhail dlíthiúlacht, cothroime agus trédhearcacht, teorannú de réir cuspóra, íoslaghdú sonraí, cruinneas, teorannú stórála, sláine agus rúndacht, agus cuntasacht.

(20)

Tá feidhm ag dlíthe cosanta sonraí, go háirithe Rialachán (AE) 2016/679 ó Pharlaimint na hEorpa agus ón gComhairle (6) agus Rialachán (AE) 2018/1725 ó Pharlaimint na hEorpa agus ón gComhairle (7), maidir le próiseáil sonraí pearsanta.

(21)

Ba cheart do ÚBE, ESMA, ÚEÁPC agus na húdaráis tuairiscithe a bhfreagrachtaí faoi seach a chinneadh mar chomhrialaitheoirí sonraí pearsanta trí bhíthin socrú eatarthu i gcomhréir le hAirteagal 26 de Rialachán (AE) 2016/679 agus Airteagal 86 de Rialachán (AE) 2018/1725, a mhéid nach gcinntear na freagrachtaí sin le dlí an Aontais nó leis an dlí náisiúnta a bhfuil siad faoina réir.

(22)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 agus thug sé barúlacha foirmiúla uaidh an 24 Eanáir 2023.

(23)

I bhfianaise chineál comhlántach an tsainordaithe a leagtar amach in Airteagal 9a(1) de Rialachán (AE) Uimh. 1093/2010 a bhaineann leis an sainmhíniú ar laige agus ar a ábharthacht, le sonrú na gcásanna comhfhreagracha ina bhféadfadh laige tarlú agus le cineál agus cur chun feidhme praiticiúil an bhailiúcháin faisnéise, agus an tsainordaithe a leagtar amach i mír 3 den Airteagal sin maidir leis an gcaoi ar cheart anailís a dhéanamh ar fhaisnéis arna bailiú agus í a chur ar fáil ar bhonn riachtanais eolais agus rúnda, ba cheart na sonraíochtaí ábhartha a leagan amach in aon Rialachán amháin.

(24)

Le hAirteagal 9a de Rialachán (AE) Uimh. 1093/2010, cuirtear de chúram ar ÚBE faisnéis a bhailiú faoi na bearta arna ndéanamh ag na húdaráis tuairiscithe mar fhreagairt ar laigí ábhartha arna sainaithint. Ba cheart bearta den sórt sin a thuiscint mar aon bheart maoirseachta agus riaracháin, aon smachtbhanna agus aon phionós, lena n-áirítear bearta réamhchúraim nó sealadacha, arna ndéanamh ag údaráis tuairiscithe i gcomhthéacs gníomhaíochta maoirseachta mar a leagtar amach in Airteagal 2(5), an dara fomhír, de Rialachán (AE) 1093/2010, in Airteagal 2(5), an dara fomhír, de Rialachán (AE) 1094/2010 agus in Airteagal 2(5), an dara fomhír, de Rialachán (AE) 1095/2010.

(25)

Is ar na dréachtchaighdeáin theicniúla rialála arna gcur faoi bhráid an Choimisiúin ag ÚBE a bhunaítear an Rialachán seo.

(26)

Tá comhairliúcháin phoiblí oscailte déanta ag ÚBE maidir leis na dréachtchaighdeáin theicniúla rialála ar a bhfuil an Rialachán seo bunaithe, tá anailís déanta aige ar na costais agus ar na tairbhí a d’fhéadfadh a bheith ag baint leo agus d’iarr sé comhairle ón nGrúpa Geallsealbhóirí arna bhunú i gcomhréir le hAirteagal 37 de Rialachán (AE) Uimh. 1093/2010,

(1)

ciallaíonn ‘údaráis tuairiscithe’ aon cheann de na húdaráis dá dtagraítear i bpointí (2) go (7) den Airteagal seo agus an Bord Réitigh Aonair;

(2)

ciallaíonn ‘údarás AML/CFT’ an t-údarás a gcuirtear de chúram air a áirithiú go gcomhlíonann oibreoir san earnáil airgeadais Treoir (AE) 2015/849;

(3)

ciallaíonn ‘údarás stuamachta’ an t-údarás a gcuirtear de chúram air a áirithiú go gcomhlíonfaidh oibreoir san earnáil airgeadais an creat stuamachta a leagtar amach in aon cheann de na gníomhartha reachtacha dá dtagraítear in Airteagal 1(2) de Rialachán (AE) Uimh. 1093/2010, in Airteagal 1(2) de Rialachán (AE) Uimh. 1094/2010 agus in Airteagal 1(2) de Rialachán (AE) Uimh. 1095/2010 agus in aon dlí náisiúnta lena dtrasuitear na Treoracha dá dtagraítear sna forálacha sin, lena n-áirítear an Banc Ceannais Eorpach i ndáil le hábhair a bhaineann leis na cúraimí a thugtar dó le Rialachán (AE) Uimh. 1024/2013 ón gComhairle (8);

(4)

ciallaíonn ‘údarás institiúidí íocaíochta’ an t-údarás dá dtagraítear in Airteagal 22 de Threoir (AE) 2015/2366 ó Pharlaimint na hEorpa agus ón gComhairle (9);

(5)

ciallaíonn ‘údarás um iompar gnó’ an t-údarás a gcuirtear de chúram air a áirithiú go gcomhlíonfaidh oibreoir san earnáil airgeadais an creat um iompar gnó nó an creat cosanta tomhaltóirí a leagtar amach in aon cheann de na gníomhartha reachtacha dá dtagraítear in Airteagal 1(2) de Rialachán (AE) Uimh. 1093/2010, in Airteagal 1(2) de Rialachán (AE) Uimh. 1094/2010 agus in Airteagal 1(2) de Rialachán (AE) Uimh. 1095/2010 agus in aon dlí náisiúnta lena dtrasuitear na Treoracha dá dtagraítear sna forálacha sin;

(6)

ciallaíonn ‘údarás réitigh’ údarás réitigh mar a shainmhínítear in Airteagal 2(1), pointe (18), de Threoir 2014/59/AE ó Pharlaimint na hEorpa agus ón gComhairle (10);

(7)

ciallaíonn ‘údarás ainmnithe’ údarás ainmnithe mar a shainmhínítear in Airteagal 2(1), pointe (18), de Threoir ó Pharlaimint na hEorpa agus ón gComhairle (11);

(8)

ciallaíonn ‘ceanglas a bhaineann le AML/CFT’ aon cheanglas maidir le húsáid an chórais airgeadais chun airgead a sciúradh nó chun sceimhlitheoireacht a mhaoiniú a chosc agus a chomhrac, ar ceanglas é a fhorchuirtear ar oibreoir san earnáil airgeadais i gcomhréir leis na gníomhartha reachtacha dá dtagraítear in Airteagal 1(2) de Rialachán (AE) Uimh. 1093/2010, in Airteagal 1(2) de Rialachán (AE) Uimh. 1094/2010 agus in Airteagal 1(2) de Rialachán (AE) Uimh. 1095/2010, agus le haon dlí náisiúnta lena dtrasuitear na Treoracha dá dtagraítear sna hAirteagail sin;

(9)

ciallaíonn ‘beart’ aon bheart maoirseachta agus riaracháin, smachtbhanna agus pionós, lena n-áirítear beart réamhchúraim nó sealadach, arna dhéanamh ag údarás tuairiscithe mar fhreagairt ar laige a mheastar a bheith ábhartha i gcomhréir le hAirteagal 3.

(10)

ciallaíonn ‘brainse’ áit ghnó atá ina cuid spleách de réir dlí d’oibreoir san earnáil airgeadais agus a dhéanann go díreach na hidirbhearta go léir nó cuid díobh ar gné dhílis iad de ghnó an oibreora san earnáil airgeadais, cibé acu atá a oifig chláraithe nó a cheannoifig lonnaithe i mBallstát nó i dtríú tír;

(11)

ciallaíonn ‘máthairoibreoir san earnáil airgeadais’ oibreoir san earnáil airgeadais i mBallstát a bhfuil oibreoir eile san earnáil airgeadais aige ar fhochuideachta é nó a bhfuil rannpháirtíocht aige in oibreoir san earnáil airgeadais den sórt sin agus nach fochuideachta é féin d’oibreoir eile san earnáil airgeadais atá údaraithe sa Bhallstát céanna;

(12)

ciallaíonn ‘máthairoibreoir san earnáil airgeadais de chuid an Aontais’ máthairoibreoir san earnáil airgeadais i mBallstát nach bhfuil ina fhochuideachta d’oibreoir eile san earnáil airgeadais atá bunaithe in aon Bhallstát;

(13)

ciallaíonn ‘coláiste’ coláiste maoirseoirí dá dtagraítear in Airteagal 116 de Threoir 2013/36/AE, coláiste réitigh nó coláiste réitigh Eorpach mar a leagtar amach in Airteagail 88 agus 89 de Threoir 2014/59/AE, nó coláiste AML/CFT.

(a)

an fhaisnéis ghinearálta a shonraítear in Airteagal 5 den Rialachán seo;

(b)

an fhaisnéis faoi laigí ábhartha a shonraítear in Airteagal 6 den Rialachán seo;

(c)

an fhaisnéis faoi aon bheart arna ghlacadh a shonraítear in Airteagal 7 den Rialachán seo.

(a)

cineál na laige ábhartha mar a leagtar amach in Airteagal 2(1);

(b)

an chúis a measann an t-údarás tuairiscithe go bhfuil an laige ábhartha;

(c)

tuairisc ar an laige ábhartha;

(d)

an staid chomhfhreagrach inar tharla an laige ábhartha, mar a leagtar amach in Iarscríbhinn I;

(e)

amlíne na laige ábhartha;

(f)

tionscnamh na faisnéise maidir leis an laige ábhartha;

(g)

an ceanglas a bhaineann le AML/CFT lena mbaineann an laige ábhartha;

(h)

an cineál táirgí, seirbhísí nó gníomhaíochtaí a bhfuil an t-oibreoir san earnáil airgeadais údaraithe ina leith agus a ndéanann an laige ábhartha difear dó;

(i)

an mbaineann an laige ábhartha leis an oibreoir san earnáil airgeadais ina aonar, lena bhrainse, lena ghníomhaire nó lena dháileoir amháin, chomh maith le haon tionchar trasteorann a bheadh ag an laige ábhartha;

(j)

ar cuireadh faisnéis maidir leis an laige ábhartha in iúl do choláiste a bunaíodh don ghrúpa lena mbaineann an t-oibreoir san earnáil airgeadais; agus, mura bhfuil sí curtha in iúl go fóill, an chúis leis sin;

(k)

i gcás na n-údarás AML/CFT óstach, cibé ar cuireadh an fhaisnéis maidir leis an laige ábhartha in iúl don údarás AML/CFT baile nó don lárphointe teagmhála dá dtagraítear in Airteagal 45(9) de Threoir (AE) 2015/849, i gcás inarb infheidhme, agus, mura bhfuil sí curtha in iúl go fóill, an chúis leis sin;

(l)

an dealraitheach go bhfuil an laige ábhartha ina gné dhílis de dhearadh an táirge, na seirbhíse nó na gníomhaíochta lena mbaineann;

(m)

an dealraitheach go bhfuil an laige ábhartha nasctha le daoine nádúrtha sonracha, cibé acu custaiméir, úinéir tairbhiúil, comhalta den chomhlacht bainistíochta nó sealbhóir príomhfheidhme é, lena n-áirítear na cúiseanna a measann an t-údarás tuairiscithe gur dealraitheach go bhfuil an duine nádúrtha sin nasctha leis an laige ábhartha;

(n)

aon fhaisnéis chomhthéacsúil nó chúlra maidir leis an laige ábhartha, i gcás inarb eol sin ag an údarás tuairiscithe, lena n-áirítear:

(a)

tagairt don laige ábhartha a ndearnadh an beart ina leith, agus, i gcás inarb ábhartha, aon nuashonrú ar an bhfaisnéis arna soláthar i gcomhréir le hAirteagal 6;

(b)

an dáta a forchuireadh an beart;

(c)

cineál an bhirt, a uimhir thagartha inmheánach agus nasc chuige, má fhoilsítear é;

(d)

faisnéis iomlán maidir leis na daoine dlítheanacha agus nádúrtha ar forchuireadh an beart orthu;

(e)

tuairisc ar an mbeart, lena n-áirítear a bhunús dlí;

(f)

stádas an bhirt, lena n-áirítear ar tionscnaíodh aon achomharc i gcoinne an bhirt;

(g)

ar foilsíodh an beart agus conas a foilsíodh é, lena n-áirítear na cúiseanna le haon fhoilsiú gan ainm, moill ar fhoilsiú nó neamhfhoilsiú;

(h)

an fhaisnéis uile is ábhartha maidir le feabhsúchán na laige ábhartha lena mbaineann an beart, lena n-áirítear aon ghníomhaíocht atá beartaithe nó a rinneadh le haghaidh feabhsúchán den sórt sin, agus aon mhíniúchán breise is gá maidir leis an bpróiseas feabhsúcháin agus an amlíne ábhartha faoina bhfuil coinne le feabhsúchán;

(i)

ar cuireadh an fhaisnéis maidir leis an mbeart in iúl do choláiste a bunaíodh don ghrúpa lena mbaineann an t-oibreoir san earnáil airgeadais; agus, mura bhfuil sí curtha in iúl go fóill, an chúis leis sin;

(j)

i gcás na n-údarás AML/CFT óstach, ar cuireadh faisnéis maidir leis an mbeart in iúl don údarás inniúil AML/CFT baile; agus, mura bhfuil sí curtha in iúl go fóill, an chúis leis sin.