(1)   Ón 1 Eanáir 2024, glacfaidh an Ríocht Aontaithe páirt i gcláir agus i ngníomhaíochtaí an Aontais, nó i gcodanna díobh, arna mbunú leis na bunghníomhartha seo a leanas, agus rannchuideoidh sí leis na cláir agus leis na gníomhaíochtaí sin:

(2)   Ní bheidh feidhm ag an bPrótacal seo maidir le nósanna imeachta dámhachtana lena gcuirtear chun feidhme gealltanais bhuiséadacha le haghaidh 2021, 2022 agus 2023.

(1)   Glacfaidh an Ríocht Aontaithe páirt sna cláir agus sna gníomhaíochtaí de chuid an Aontais, nó i gcodanna díobh, dá dtagraítear in Airteagal 1 den Phrótacal, ón 1 Eanáir 2024 i leith, ar feadh a bhfuil fágtha díobh, nó go dtí go dtiocfaidh deireadh leis an gcreat airgeadais ilbhliantúil le haghaidh 2021-2027, cibé acu is giorra.

(2)   Beidh an Ríocht Aontaithe nó eintitis de chuid na Ríochta Aontaithe incháilithe faoi na coinníollacha a leagtar síos in Airteagal 711, maidir le nósanna imeachta dámhachtana an Aontais, lena gcuirtear chun feidhme gealltanais bhuiséadacha na gclár agus na ngníomhaíochtaí nó codanna díobh, dá dtagraítear in Airteagal 1 den Phrótacal seo laistigh de na teorainneacha ama a leagtar amach sa chéad mhír den Airteagal seo. Ní bheidh an Ríocht Aontaithe nó eintitis de chuid na Ríochta Aontaithe incháilithe le haghaidh cistiú ón Aontas faoi nósanna imeachta dámhachtana an Aontais lena gcuirtear chun feidhme gealltanais bhuiséadacha do 2021, 2022 agus 2023, gan dochar do na rialacha incháilitheachta is infheidhme maidir le heintitis de chuid tíortha neamh-chomhlachaithe a leagtar síos sa bhunghníomh nó do rialacha eile a bhaineann le cur chun feidhme chlár nó ghníomhaíocht an Aontais.

(1)   Faoi réir fhorálacha an Chomhaontaithe Trádála agus Comhair idir an tAontas Eorpach agus an Ríocht Aontaithe agus go háirithe forálacha Airteagal 711, glacfaidh an Ríocht Aontaithe páirt in Copernicus agus bainfidh sí tairbhe as seirbhísí agus táirgí Copernicus ar an mbealach céanna le tíortha rannpháirteacha eile.

(2)   Beidh rochtain iomlán ag an Ríocht Aontaithe ar Sheirbhís Bainistithe Práinne Copernicus agus tabharfaidh sí fógra don Choimisiún Eorpach faoin bpointe fócasach náisiúnta a fheidhmeoidh mar Úsáideoir Údaraithe Sheirbhís Bainistithe Práinne Copernicus.

(3)   Beidh rochtain ag an Ríocht Aontaithe, mar úsáideoir údaraithe, ar chomhpháirteanna Sheirbhís Slándála Copernicus a mhéid a chomhaontófar an comhar idir na páirtithe sna réimsí beartais ábhartha. Beidh na módúlachtaí maidir le gníomhachtú agus le húsáid faoi réir comhaontuithe sonracha. Leagfar síos rialacha mionsonraithe maidir le rochtain ar sheirbhísí den sórt sin sna comhaontuithe áirithe lena mbaineann, agus lena n-áirítear i ndáil le feidhmiú sonrach Airteagal 718 (4), Airteagal 719 (4) agus Airteagal 720 (5).

(4)   Chun críocha mhír 3, cuirfear tús leis an gcaibidlíocht idir an Ríocht Aontaithe agus an tAontas a luaithe is féidir tar éis rannpháirtíocht na Ríochta Aontaithe in Copernicus a bhunú sa Phrótacal seo agus i gcomhréir leis na forálacha lena rialaítear rochtain ar sheirbhísí den sórt sin. Má chuirtear moill shuntasach ar chomhaontú den sórt sin nó má bhíonn sé dodhéanta comhaontú a dhéanamh, déanfaidh an Coiste Speisialaithe um Rannpháirtíocht i gCláir an Aontais scrúdú ar an mbealach chun rannpháirtíocht na Ríochta Aontaithe in Copernicus a choigeartú agus a mhaoiniú a choigeartú, agus an staid sin á cur san áireamh.

(5)   Rialófar rannpháirtíocht ionadaithe na Ríochta Aontaithe i gcruinnithe an Bhoird um Chreidiúnú Slándála leis na rialacha agus na nósanna imeachta a bhaineann le rannpháirtíocht sa bhord sin, agus stádas na Ríochta Aontaithe mar thríú tír á chur san áireamh.

(1)   Faoi réir Airteagal 6, glacfaidh an Ríocht Aontaithe páirt mar thír chomhlachaithe i ngach cuid den chlár Fís Eorpach dá dtagraítear in Airteagal 4 de Rialachán (AE) 2021/695 a chuirtear chun feidhme trí bhíthin an chláir shonraigh arna bhunú le Cinneadh (AE) 2021/764 agus trí bhíthin ranníocaíocht airgeadais leis an Institiúid Eorpach um Nuálaíocht agus Teicneolaíocht arna bunú le Rialachán (AE) Uimh. 2021/819 ó Pharlaimint na hEorpa agus ón gComhairle an 20 Bealtaine 2021 maidir leis an Institiúid Eorpach um Nuálaíocht agus Teicneolaíocht (4).

(2)   Faoi réir fhorálacha an Chomhaontaithe Trádála agus Comhair idir an tAontas Eorpach agus an Ríocht Aontaithe agus go háirithe forálacha Airteagal 711, féadfaidh eintitis de chuid na Ríochta Aontaithe páirt a ghlacadh i ngníomhaíochtaí an Airmheáin Chomhpháirtigh Taighde (JRC) agus i ngníomhaíochtaí indíreacha faoi choinníollacha is coibhéiseach leo sin is infheidhme maidir le heintitis de chuid an Aontas.

(3)   I gcás ina nglacfaidh an tAontas bearta chun Airteagail 185 agus 187 den Chonradh ar Fheidhmiú an Aontais Eorpaigh a chur chun feidhme, féadfaidh an Ríocht Aontaithe agus eintitis de chuid na Ríochta Aontaithe páirt a ghlacadh sna struchtúir dhlíthiúla a chruthaítear faoi na forálacha sin, i gcomhréir leis na gníomhartha dlí de chuid an Aontais a bhaineann le bunú na struchtúr dlíthiúil sin.

(4)   Rialachán (AE) Uimh. 2021/819 nó gníomh dlí an Aontais lena n-ionadaítear an Rialachán sin, agus Cinneadh (AE) 2021/820 ó Pharlaimint na hEorpa agus ón gComhairle an 20 Bealtaine 2021 maidir leis an gClár Oibre Straitéiseach um Nuálaíocht de chuid na hInstitiúide Eorpaí um Nuálaíocht agus Teicneolaíocht (EIT) 2021-2027: Borradh a chur faoi Thallann agus faoi Chumas Nuálaíochta na hEorpa agus lena n-aisghairtear Cinneadh Uimh. 1312/2013/AE (5), beidh feidhm aige maidir le rannpháirtíocht eintiteas de chuid na Ríochta Aontaithe i bPobail Eolais agus Nuálaíochta i gcomhréir le hAirteagal 711.

(5)   I gcás ina nglacfaidh eintitis de chuid na Ríochta Aontaithe páirt i ngníomhaíochtaí de chuid an Airmheáin Chomhpháirtigh Taighde, beidh sé de cheart ag ionadaithe de chuid na Ríochta Aontaithe a bheith rannpháirteach mar bhreathnóirí ar Bhord Gobharnóirí an Airmheáin Chomhpháirtigh Taighde, gan cearta vótála. Faoi réir an choinníll sin, rialófar an rannpháirtíocht sin leis na rialacha agus na nósanna imeachta céanna is infheidhme maidir le hionadaithe na mBallstát, lena n-áirítear cearta labhartha agus nósanna imeachta maidir le faisnéis agus doiciméadacht a fháil i ndáil le pointe a bhaineann leis an Ríocht Aontaithe.

(6)   Chun an ranníocaíocht oibríochtúil de bhun Airteagal 714(5) a ríomh, na leithreasuithe faoi chomhair gealltanas tosaigh arna n-iontráil i mbuiséad an Aontais arna ghlacadh go cinntitheach i leith na bliana is infheidhme chun an clár Fís Eorpach a mhaoiniú, lena n-áirítear caiteachas tacaíochta an chláir, déanfar iad a mhéadú leis na leithreasuithe a chomhfhreagraíonn d’ioncam sannta seachtrach faoi Airteagal 2, mír 2, litir (a), pointe (iv) de Rialachán (AE) 2020/2094 ón gComhairle an 14 Nollaig 2020 lena mbunaítear Ionstraim Théarnaimh an Aontais Eorpaigh chun tacú leis an téarnamh i ndiaidh ghéarchéim COVID-19 (6).

(7)   Is iad na cearta is infheidhme maidir le tíortha comhlachaithe na cearta ionadaíochta agus rannpháirtíochta a bheidh ag an Ríocht Aontaithe sa Choiste um an Limistéar Eorpach Taighde agus ina fhoghrúpaí.

(8)   Féadfaidh an Ríocht Aontaithe páirt a ghlacadh i gCuibhreannas don Bhonneagar Taighde Eorpach (‘ERIC’) i gcomhréir leis na gníomhartha dlí lena mbunaítear ERIC agus a rannpháirtíocht sa chlár Fís 2020 á cur san áireamh i gcomhréir leis na téarmaí a bhfuil feidhm acu maidir leis an rannpháirtíocht sin roimh theacht i bhfeidhm an Phrótacail seo agus lena rannpháirtíocht sa chlár Fís Eorpach mar a bhunaítear sa Phrótacal seo iad.

(1)   Beidh feidhm ag Airteagal 716 maidir leis an gclár Fís Eorpach.

(2)   Beidh feidhm ag na módúlachtaí seo a leanas:

(3)   Cuirfear an sásra i bhfeidhm mar a leanas:

(4)   I ndáil le ranníocaíocht oibríochtúil na Ríochta Aontaithe le haghaidh bliain áirithe N, más rud é gur méid diúltach é méid na difríochta a ríomhtar i gcomhréir leis an modh a leagtar síos in Airteagal 716(2), agus go sáraíonn sé, i ndearbhthéarmaí, 16 % den ranníocaíocht oibríochtúil chomhfhreagrach le haghaidh bhliain N, déanfar ranníocaíocht oibríochtúil na Ríochta Aontaithe amach anseo le haghaidh bhliain N+2 a laghdú de réir na difríochta idir an dearbhmhéid a ríomhtar i gcomhréir leis an modh a leagtar síos in Airteagal 716(2) le haghaidh bhliain N, agus an méid a chomhfhreagraíonn do 16 % den ranníocaíocht oibríochtúil chomhfhreagrach le haghaidh bhliain N.

Tar éis dheireadh na tréimhse dá dtagraítear i mír 1 d’Airteagal 2 den Phrótacal seo, aon laghdú a dhéantar ar ranníocaíochtaí oibríochtúla amach anseo, dá dtagraítear sa chéad fhomhír den mhír seo, déanfar é a chur i bhfeidhm ar ranníocaíochtaí oibríochtúla na Ríochta Aontaithe le clár a thagann ina dhiaidh seo ina mbeidh an Ríocht Aontaithe rannpháirteach.

Má dhéantar ranníocaíocht oibríochtúil na Ríochta Aontaithe a choigeartú i mbliain N+2 i gcomhréir leis an gcéad fhomhír agus leis an dara fomhír, cuirfear an coigeartú sin san áireamh ar mhaithe le méid bliantúil le haghaidh bhliain N+2 a ríomh i gcomhréir le mír 4 d’Iarscríbhinn 47.

(1)   Ní ghlacfaidh an Ríocht Aontaithe ná eintitis de chuid na Ríochta Aontaithe páirt i gCiste na Comhairle Nuálaíochta Eorpaí (‘CNE’EIC) arna bhunú faoin gclár Fís Eorpach. Is é Ciste CNE an ionstraim airgeadais atá mar chuid de Luasaire CNE an chláir Fís Eorpach lena gcuirtear infheistíocht ar fáil trí chothromas nó trí fhoirm inaisíoctha eile (10).

(2)   Gach bliain, ó 2024 ar aghaidh, agus go dtí 2027, déanfar ranníocaíocht na Ríochta Aontaithe leis an gclár Fís Eorpach a choigeartú faoi mhéid a gheofar trí na méideanna measta le leithdháileadh ar thairbhithe Chiste CNE arna bhunú faoin gclár, cé is moite den mhéid a thagann as aisíocaíochtaí agus athshreabha, a iolrú faoin scála ranníocaíochta mar a shainítear in Airteagal 714(6).

(3)   I ndiaidh aon bhliain N ina ndearnadh coigeartú faoi mhír 2, déanfar ranníocaíocht na Ríochta Aontaithe sna blianta ina dhiaidh sin a choigeartú suas nó síos, tríd an difríocht idir an méid measta arna leithdháileadh ar thairbhithe Chiste CNE, dá dtagraítear in Airteagal 6(2) den Phrótacal seo, agus an méid a leithdháiltear ar thairbhithe Chiste CNE i mbliain N, a iolrú faoin scála ranníocaíochta, mar a shainmhínítear in Airteagal 714(6).