(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú.

(2)

I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas maidir le in–1,4-béite-mainionáis arna táirgeadh ag Paenibacillus lentus DSM 33618 a údarú mar bhreiseán beathaithe i bhfoirmliú soladach agus leachtach. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas sin.

(3)

Baineann an t-iarratas le hullmhóid d’in–1,4-béite-mainionáis arna táirgeadh ag Paenibacillus lentus DSM 33618 a údarú mar bhreiseán beathaithe le haghaidh gach speicis éanlaithe clóis lena ramhrú agus a thógtar le bheith ina mbéaróga nó a thógtar le haghaidh pórúcháin, le haghaidh bainbh scoite, bainbh scoite de mhionspeicis mhucúla, muca lena ramhrú agus mionspeicis mhucúla lena ramhrú (‘an spriocspeiceas’), agus iarrtar ann go n-aicmeofar an breiseán i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’.

(4)

Tháinig an tÚdarás Eorpach um Shábháilteacht Bia (‘an tÚdarás’) ar an gconclúid sa tuairim uaidh an 2 Feabhra 2023 (2) go bhfuil ullmhóid in–1,4-béite-mainionáise arna táirgeadh ag Paenibacillus lentus DSM 33618 sábháilte don spriocspeiceas, do thomhaltóirí agus don chomhshaol faoi na coinníollacha úsáide atá beartaithe. Tháinig an tÚdarás ar an gconclúid freisin nach greannaitheoir craicinn ná súl í ullmhóid in–1,4-béite-mainionáise arna táirgeadh ag Paenibacillus lentus DSM 33618 ach go meastar gur íogróir deirmeach í agus gur íogróir riospráide féideartha í. Tháinig an tÚdarás ar an gconclúid thairis sin go bhféadfadh in–1,4-béite-mainionáise arna táirgeadh ag Paenibacillus lentus DSM 33618 a bheith éifeachtúil ag leibhéal 32 000 U/kg de bheatha iomlán i sicíní lena ramhrú, sicíní a thógtar le bheith ina mbéaróga mionspeicis éanlaithe clóis lena ramhrú nó a thógtar le bheith ina mbéaróga nó a thógtar le haghaidh pórúcháin, muca lena ramhrú agus mionspeicis mhucúla lena ramhrú, agus ag leibhéal 48 000 U/kg de bheatha iomlán i dturcaithe lena ramhrú, turcaithe a thógtar le haghaidh pórúcháin, bainbh scoite, agus bainbh scoite de mhionspeicis mhucúla. Níor mheas sé go bhfuil gá le ceanglais shonracha maidir le faireachán iarmhargaidh. D’fhíoraigh an t-údarás freisin an tuarascáil maidir leis an modh anailíse ar an mbreiseán beathaithe i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Le litir dar dáta an 10 Iúil 2023 chuir an t-iarratasóir in iúl don Choimisiún go raibh sé ar intinn aige a mholadh go ndéanfaí athfhoirmliú leachtach ullmhóid in–1,4-béite-mainionáise arna táirgeadh ag Paenibacillus lentus DSM 33618, agus d’iarr sé go leanfaí de phróiseas údaraithe fhoirmliú soladach an bhreiseáin sin ar bhealach leithleach.

(6)

I bhfianaise an mhéid thuas, measann an Coimisiún go gcomhlíonann foirmliú soladach ullmhóid in–1,4-béite-mainionáise arna táirgeadh ag Paenibacillus lentus DSM 33618 na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart úsáid fhoirmliú soladach na hullmhóide sin a údarú le haghaidh an spriocspeicis. Ina theannta sin, measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte úsáideoirí an bhreiseáin a chosc.

(7)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,