This document is an excerpt from the EUR-Lex website
Document 32023R2573
Council Implementing Regulation (EU) 2023/2573 of 13 November 2023 implementing Regulation (EU) 2022/2309 concerning restrictive measures in view of the situation in Haiti
Rialachán Cur Chun Feidhme (AE) 2023/2573 ón gComhairle an 13 Samhain 2023 lena gcuirtear chun feidhme Rialachán (AE) 2022/2309 a bhaineann le bearta sriantacha i bhfianaise na staide i Háítí
Rialachán Cur Chun Feidhme (AE) 2023/2573 ón gComhairle an 13 Samhain 2023 lena gcuirtear chun feidhme Rialachán (AE) 2022/2309 a bhaineann le bearta sriantacha i bhfianaise na staide i Háítí
ST/14859/2023/INIT
IO L, 2023/2573, 14.11.2023, ELI: http://data.europa.eu/eli/reg_impl/2023/2573/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
Iris Oifigiúil |
GA Sraith L |
2023/2573 |
14.11.2023 |
RIALACHÁN CUR CHUN FEIDHME (AE) 2023/2573 ÓN gCOMHAIRLE
an 13 Samhain 2023
lena gcuirtear chun feidhme Rialachán (AE) 2022/2309 a bhaineann le bearta sriantacha i bhfianaise na staide i Háítí
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2022/2309 ón gComhairle an 25 Samhain 2022 a bhaineann le bearta sriantacha i bhfianaise na staide i Háítí (1), agus go háirithe Airteagal 16(3) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
(1) |
An 25 Samhain 2022, ghlac an Chomhairle Rialachán (AE) 2022/2309. |
(2) |
An 20 Deireadh Fómhair 2023, rinne Coiste Chomhairle Slándála na Náisiún Aontaithe, arna bhunú de bhun Rún 2653 (2022) ó Chomhairle Slándála na Náisiúin Aontaithe, an fhaisnéis a bhaineann le duine amháin sa liosta a leagtar amach in Iarscríbhinn I a ghabhann le Rialachán (AE) 2022/2309 a nuashonrú. |
(3) |
Ba cheart dá bhrí sin, Rialachán (AE) 2022/2309 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (AE) 2022/2309 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, an 13 Samhain 2023.
Thar ceann na Comhairle
An tUachtarán
J. BORRELL FONTELLES
IARSCRÍBHINN
In Iarscríbhinn I a ghabhann le Rialachán (AE) 2022/2309, cuirtear an méid seo a leanas in ionad iontráil 1:
‘1. |
Bhí Jimmy CHERIZIER (ar a dtugtar freisin ‘Barbeque’) ag gabháil do ghníomhartha a chuireann síocháin, slándáil agus cobhsaíocht Háítí i mbaol agus rinne sé gníomhartha a phleanáil, a stiúradh, nó a dhéanamh ar sháruithe tromchúiseacha ar chearta an duine iad. Tá Jimmy Cherizier ar na ceannairí droinge is mó tionchar i Háítí agus is é atá i gceannas ar chomhghuaillíocht de dhronga Háítí ar a dtugtar ‘G9 Family and Allies’ (‘Teaghlaigh agus Comhghuaillithe G9’].
Feidhm: Iar-Phóilín Dáta breithe: 30 Márta 1977 Áit bhreithe: Port-au-Prince, Háítí Náisiúntacht: Ó Háítí Uimhir aitheantais náisiúnta: 001-843-989-7 (NIF – Háítí) Seoladh: 16, Imp Manius, Delmas 40 B, Port-au-Prince, Háítí Dáta ainmniúcháin na Náisiún Aontaithe: an 21 Deireadh Fómhair 2022 |
Faisnéis bhreise ó insint achomair na gcúiseanna lena liostú a chuir an Coiste Smachtbhannaí ar fáil:
Agus é ar seirbhís mar oifigeach i bPóilíní Náisiúnta Háítí, rinne Cherizier an t-ionsaí marfach i mí na Samhna 2018 ar shibhialtaigh i gcomharsanacht in Port-au-Prince ar a dtugtar La Saline, a phleanáil agus ghlac sé páirt ann. Le linn an ionsaithe seo maraíodh ar a laghad 71 duine, scriosadh os cionn 400 teach agus rinne dronga armtha éigniú ar sheachtar ban ar a laghad. Le linn 2018 agus 2019, bhí Cherizier i gceannas ar ghrúpaí armtha in ionsaithe comhordaithe brúidiúla i gcomharsanachtaí Port-au-Prince. I mí na Bealtaine 2020, bhí Cherizier i gceannas ar dhronga armtha in ionsaí 5 lá i gcomharsanachtaí éagsúla de chuid Port-au-Prince inar maraíodh sibhialtaigh agus inar cuireadh tithe trí thine. Ón 11 Deireadh Fómhair 2022 ar aghaidh, tá Cherizier agus a chónaidhm de dhrong ‘Teaghlaigh agus Comhghuaillithe G9’ ag cur bac gníomhach ar shaorghluaiseacht breosla ó chríochfort breosla Varreux – an críochfort breosla is mó i Háítí. Chuir a chuid gníomhaíochtaí go díreach leis an bpairilís eacnamaíoch agus leis an ngéarchéim dhaonnúil i Háítí.’.
ELI: http://data.europa.eu/eli/reg_impl/2023/2573/oj
ISSN 1977-0839 (electronic edition)