(1)

Déantar foráil le hAirteagal 8ac(7), an chéad fhomhír de Threoir 2011/16/AE go bhfuil an Coimisiún, tar éis iarraidh réasúnaithe a fháil ó Bhallstát nó ar a thionscnamh féin, le cinneadh cé acu an bhfuil nó nach bhfuil an fhaisnéis atá le malartú go huathoibríoch ag údaráis inniúla an Bhallstáit sin agus dlínse nach dlínse de chuid an Aontais í, faoi chomhaontú idir na húdaráis sin agus an dlínse sin, coibhéiseach leis an bhfaisnéis a shonraítear i Roinn III, mír B, d’Iarscríbhinn V a ghabhann leis an Treoir sin. Le Rialachán Cur Chun Feidhme (AE) 2023/823 (2) ón gCoimisiún, leagtar síos rialacha maidir leis an bhforáil sin de Threoir 2011/16/AE a chur chun feidhme.

(2)

An 16 Feabhra 2023, fuair an Coimisiún iarraidh réasúnaithe ó údarás inniúil na Fionlainne le cinneadh cé acu an mbaineann nó nach mbaineann an fhaisnéis a cheanglaítear í a mhalartú go huathoibríoch de bhun comhaontú idir údaráis inniúla an Bhallstáit sin agus an Ríocht Aontaithe leis na gníomhaíochtaí faoi raon feidhme Threoir 2011/16/AE agus cé acu an bhfuil nó nach bhfuil sí coibhéiseach leis an bhfaisnéis a cheanglaítear faoi na rialacha tuairiscithe a leagtar amach sa Treoir sin.

(3)

Chun críocha an chinnidh, chuir údarás inniúil na Fionlainne na dréachtrialacháin ón Ríocht Aontaithe isteach mar a leagtar amach sna Rialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) (3) (‘na dréachtrialacháin’), a thiocfaidh i bhfeidhm an 1 Eanáir 2024 agus i gComhaontú Iltaobhach na nÚdarás Inniúil maidir le malartú uathoibríoch faisnéise faoi ioncam a dhíorthaítear trí ardáin dhigiteacha (4) (‘DPI-MCAA’), atá le tabhairt i gcrích idir údaráis inniúla na Fionlainne agus na Ríochta Aontaithe.

(4)

Leis na dréachtrialacháin cuirtear i bhfeidhm forálacha na Rialacha Samhla maidir le Tuairisciú ag Oibreoirí Ardán 2020 i leith Díoltóirí sa Gheilleagar Comhroinnte agus Poistíneachta, ar rialacha den Eagraíocht um Chomhar agus Forbairt Eacnamaíochta (ECFE) (5)iad, arna bhforlíonadh le Rialacha Samhlacha 2021 maidir le Tuairisciú ag Oibreoirí Ardán: Creat an Mhalartaithe Idirnáisiúnta agus Modúl Roghnach um dhíol earraí (6). Aon fhoclaíocht a shainmhínítear sna Rialacha Samhla ach nach sainmhínítear sna dréachtrialacháin, tá an bhrí chéanna léi sna dréachtrialacháin agus atá léi sna Rialacha Samhla.

(5)

Is creat dlíthiúil idirnáisiúnta é DPI-MCAA a d’fhorbair ECFE chun tacú leis an malartú uathoibríoch faisnéise bliantúil arna bhailiú faoi Rialacha Samhla ECFE ag dlínse chónaithe an oibreora ardán le dlínsí cónaithe na ndíoltóirí agus, i ndáil le hidirbhearta a bhaineann le réadmhaoin a fháil ar cíos, leis na dlínsí ina bhfuil an réadmhaoin sin lonnaithe, de réir mar a chinntear ar bhonn na nósanna imeachta maidir le dícheall cuí.

(6)

Tá an Ríocht Aontaithe agus an Fhionlainn araon ina sínitheoirí DPI-MCAA ach chun an comhaontú a thabhairt i gcrích, is gá an caidreamh malartaithe idir an dá pháirtí a ghníomhachtú i gcomhréir le Roinn 7 de DPI-MCAA.

(7)

I dtaca leis na sainmhínithe maidir leis an oibreoir ardán tuairiscithe a leagtar amach sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) agus de bhun Chomhaontú Iltaobhach na nÚdarás Inniúil maidir leis an malartú uathoibríoch faisnéise faoi ioncam a dhíorthaítear trí ardáin dhigiteacha (DPI-MCAA) atá le tabhairt i gcrích idir údaráis inniúla na Fionlainne agus na Ríochta Aontaithe, chinn an Coimisiún, go bhfuil na siad coibhéiseach leis na sainmhínithe a leagtar amach i Roinn I, fomhíreanna A(1) go A(4) d’Iarscríbhinn V a ghabhann le Treoir 2011/16/AE, i gcomhréir le hAirteagal 2 de Rialachán Cur Chun Feidhme (AE) 2023/823.

(8)

I dtaca leis na sainmhínithe maidir le díoltóirí intuairiscithe a leagtar amach sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) agus de bhun DPI-MCAA atá le tabhairt i gcrích idir údaráis inniúla na Fionlainne agus na Ríochta Aontaithe, chinn an Coimisiún go bhfuil siad coibhéiseach leis na sainmhínithe a leagtar amach i Roinn I, fomhíreanna B(1) go B(4), C(1) agus C(2), d’Iarscríbhinn V a ghabhann le Treoir 2011/16/AE, i gcomhréir le hAirteagal 3 de Rialachán Cur Chun Feidhme (AE) 2023/823.

(9)

I dtaca leis na sainmhínithe maidir le gníomhaíocht ábhartha a leagtar amach sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) agus de bhun DPI-MCAA atá le tabhairt i gcrích idir údaráis inniúla na Fionlainne agus na Ríochta Aontaithe, chinn an Coimisiún go bhfuil siad coibhéiseach leis na sainmhínithe a leagtar amach i Roinn I, fomhíreanna A(8), A(10), A(11) agus C(9), d’Iarscríbhinn V a ghabhann le Treoir 2011/16/AE, i gcomhréir le hAirteagal 4 de Rialachán Cur Chun Feidhme (AE) 2023/823.

(10)

I dtaca leis na nósanna imeachta maidir le dícheall cuí a leagtar amach sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) agus de bhun DPI-MCAA atá le tabhairt i gcrích idir údaráis inniúla na Fionlainne agus na Ríochta Aontaithe, chinn an Coimisiún go bhfuil siad coibhéiseach leis na nósanna imeachta maidir le dícheall cuí a leagtar amach i Roinn II d’Iarscríbhinn V a ghabhann le Treoir 2011/16/AE agus leis na sainmhínithe a leagtar amach i Roinn I, fomhíreanna C(3) go C(7), d’Iarscríbhinn V a ghabhann le Treoir 2011/16/AE, i gcomhréir le hAirteagal 5 de Rialachán Cur Chun Feidhme (AE) 2023/823.

(11)

I dtaca leis na ceanglais maidir le tuairisciú a leagtar amach sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú agus de bhun DPI-MCAA atá le tabhairt i gcrích idir údaráis inniúla na Fionlainne agus na Ríochta Aontaithe, chinn an Coimisiún go bhfuil siad coibhéiseach leis na ceanglais maidir le tuairisciú a leagtar amach i Roinn III, fomhíreanna A(1), A(2), A(5), A(6) agus A(7) agus mír B d’Iarscríbhinn V a ghabhann le Treoir 2011/16/AE, agus leis na sainmhínithe a leagtar amach i Roinn I, fomhíreanna C(3) go C(8) d’Iarscríbhinn V a ghabhann le Treoir 2011/16/AE, i gcomhréir le hAirteagal 6 de Rialachán Cur Chun Feidhme (AE) 2023/823.

(12)

I dtaca leis na rialacha agus na nósanna imeachta riaracháin a leagtar síos sna Dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) agus de bhun DPI-MCAA atá le tabhairt i gcrích idir údaráis inniúla na Fionlainne agus na Ríochta Aontaithe, chun cur chun feidhme agus comhlíonadh éifeachtach na nósanna imeachta maidir le dícheall cuí a áirithiú, chinn an Coimisiún go bhfuil siad coibhéiseach leis na sainmhínithe a leagtar amach i Roinn IV, míreanna A go D d’Iarscríbhinn V a ghabhann le Treoir 2011/16/AE i gcomhréir le hAirteagal 7 de Rialachán Cur Chun Feidhme (AE) 2023/823.

(13)

Dá bhrí sin, i dtaca leis an bhfaisnéis a cheanglaítear í a mhalartú go huathoibríoch idir údaráis inniúla na Fionlainne agus na Ríochta Aontaithe de bhun DPI-MCAA, ba cheart a mheas go bhfuil sí coibhéiseach leis an bhfaisnéis a shonraítear i Roinn III, mír B, d’Iarscríbhinn V a ghabhann le Treoir 2011/16/AE. I gcomhréir le hAirteagal 8 de Rialachán Cur Chun Feidhme (AE) 2023/823, tá feidhm ag an gcinneadh coibhéise sin maidir leis an gcomhaontú céanna idir údaráis inniúla aon Bhallstáit eile agus an Ríocht Aontaithe.

(14)

Mar sin féin, níor cheart feidhm a bheith ag an gcinneadh coibhéise sin ach amháin ar choinníoll go nglacfaidh an Ríocht Aontaithe na dréachtrialacháin ina n-iomláine agus go gcuirfear DPI-MCAA i gcrích tríd an gcaidreamh malartaithe idir an Fhionlainn agus an Ríochta Aontaithe a ghníomhachtú i gcomhréir le Roinn 7 de DPI-MCAA.

(15)

Mar a cheanglaítear le hAirteagal 25(1) de Threoir 2011/16/AE, ba cheart gach malartú faisnéise idir údaráis inniúla na mBallstát agus dlínsí nach dlínsí de chuid an Aontais iad de bhun DPI-MCAA Rialachán (AE) 2016/679 ó Pharlaimint na hEorpa agus ón gComhairle a chomhlíonadh (7).

(16)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (8).

(17)

Tá na bearta dá bhforáiltear sa Rialachán seo i gcomhréir leis an tuairim ón gCoiste um chomhar riaracháin maidir le cánachas,

(i)

glacadh na Rialachán maidir le hOibreoirí Ardán 2022 (Ceanglais maidir le Dícheall Cuí agus Tuairisciú) sa leagan den téacs mar atá i láthair sna dréachtrialacháin maidir le hOibreoirí Ardán 2022 (Ceanglais maidir le Dícheall Cuí agus Tuairisciú) arna measúnú ag an gCoimisiún;

(ii)

tabhairt i gcrích DPI-MCAA idir údaráis inniúla na Fionlainne agus na Ríochta Aontaithe trí bhíthin an caidreamh malartaithe a ghníomhachtú i gcomhréir le Roinn 7 den chomhaontú sin.