1.   

I gcás inarb iad Pinus parviflora Sieb. & Zucc., agus iad beangaithe ar fhréamhstoc speiceas Pinus eile, na plandaí sonraithe, ní bheidh aon phéacán ar an bhfréamhstoc.

2.   

Líon iomlán na bplandaí sonraithe a allmhairítear, ní rachaidh sé thar na cainníochtaí a cinneadh le haghaidh gach bliana, agus a thug an Ballstát allmhairithe fógra don Choimisiún agus do na Ballstáit eile ina leith, ag féachaint do na saoráidí gaibhniúcháin nó do na stáisiúin choraintín atá ar fáil.

3.   

Sula n-onnmhairítear na plandaí sonraithe chuig an Aontas, beidh ar a laghad fás dhá bhliain as a chéile déanta acu, agus coinneáil agus treorú déanta dhá bhliain as a chéile orthu, i bplandlanna údaraithe, ar plandlanna iad atá faoi réir córas rialaithe ag Eagraíocht Náisiúnta Cosanta Plandaí Phoblacht na Cóiré (‘NPPO’) agus atá údaraithe go sonrach chun onnmhairiú chuig an Aontas a dhéanamh. Faoin 30 Meán Fómhair gach bliain cuirfear liostaí bliantúla na bplandlann atá údaraithe go hoifigiúil ar fáil don Choimisiún. Áireofar ar na liostaí sin an líon plandaí a fhástar i ngach ceann de na plandlanna sin, a mhéid a mheastar iad a bheith oiriúnach lena dtabhairt isteach i gcríoch an Aontais.

4.   

I gcas plandaí Juniperus, plandaí de na géinis Chaenomeles Lindl., Crataegus L., Cydonia Mill., Juniperus L., Malus Mill., Photinia Ldl. agus Pyrus L., ar plandaí iad a bhí ag fás sna plandlanna údaraithe a luaitear i bpointe 3 ar feadh dhá bhliain roimh a n-iompórtáil, nó cóngarach do na plandlanna sin, is plandaí iad a mbeidh cigireacht oifigiúil déanta orthu ar a laghad sé huaire sa bhliain ag eatraimh iomchuí féachaint an bhfuil na lotnaidí i láthair orthu ar lotnaidí iad is ábhar imní maidir leis na plandaí i gceist. I gcás plandaí Chamaecyparis agus Pinus, sé huaire sa bhliain ar a laghad ag eatraimh iomchuí, beidh cigireacht oifigiúil déanta ar na plandaí den ghéineas Chamaecyparis Spach agus den ghéineas Pinus L., ar plandaí iad a fásadh sna plandlanna thuasluaite sin le haghaidh plandaí a chuirtear srian fáis orthu go nádúrtha nó go saorga, agus cóngarach do na plandlanna sin, féachaint an bhfuil na lotnaidí ábhartha i láthair orthu ar lotnaidí iad is ábhar imní maidir leis na plandaí i gceist.

5.   

Déanfaidh NPPO, na comhlachtaí náisiúnta inniúla nó na hoibreoirí gairmiúla faoi mhaoirseacht oifigiúil NPPO Phoblacht na Cóiré na plandaí inmhíolaithe a bhaint amach as an láithreán. Déanfar cóireáil éifeachtach ar na plandaí sonraithe atá fágtha agus coinneofar iad ar feadh tréimhse iomchuí agus déanfar cigireacht orthu lena áirithiú go bhfuil siad saor ó na lotnaidí sin.

Má bhraitear aon lotnaid is ábhar imní le linn na gcigireachtaí a dhéantar de bhun phointe 4, cuirfear sin ar an taifead go hoifigiúil, agus cuirfear na taifid ar fáil don Choimisiún arna iarraidh sin dó.

Má bhraitear aon cheann de na lotnaidí sin is ábhar imní, dícháileofar an phlandlann ó liosta na bplandlann údaraithe. Cuirfidh NPPO Phoblacht na Cóiré an Coimisiún ar an eolas faoin méid sin láithreach, agus bainfidh sé an phlandlann ó liosta na bplandlann údaraithe, dá dtagraítear i bpointe 3. Ní fhéadfaidh NPPO clárú an phlandlann sin a athnuachan ach an bhliain dár gcionn ar a luaithe.

6.   

7.   

Maidir leis na plandaí sonraithe, is plandaí iad a bheidh inrianaithe ón am a dtógtar as an bplandlann iad go dtí tráth a luchtaithe lena n-onnmhairiú, trí na feithiclí iompair a shéalú nó trí roghanna iomchuí eile.

8.   

Sonrófar an méid seo a leanas sa deimhniú:

9.   

I gcás plandaí Juniperus, cumhdóidh an tréimhse coinneála an tréimhse ón 1 Aibreán go dtí an 30 Meitheamh.

Le linn na tréimhse coinneála sin agus ina diaidh, is ábhar é a bheidh saor freisin, de réir mar a tugadh chun eolais, ó aon lotnaid is ábhar imní. Déanfaidh an t-údarás inniúil nó na hoibreoirí gairmiúla aird ar leith a thabhairt do chaomhnú na marcála nó an chóid inrianaitheachta dá dtagraítear i bpointe 6 (c) i gcás gach planda.

10.   

Aon bhaisc nach bhfuarthas í a bheith saor ó na lotnaidí is ábhar imní, le linn na tréimhse coinneála iariontrála dá dtagraítear i bpointe 9, scriosfaidh an t-údarás inniúil nó an t-oibreoir gairmiúil í láithreach faoi mhaoirseacht oifigiúil an údaráis inniúil.

11.   

Ansin ní fhéadfaidh NPPO clárú an phlandlann sin a athnuachan ach an bhliain dár gcionn ar a luaithe.