(1)

Is é is aidhm do Threoir 2009/148/CE ó Pharlaimint na hEorpa agus ón gComhairle (4) oibrithe a chosaint ar rioscaí dá sábháilteacht agus dá sláinte a eascraíonn as nochtadh d’aispeist ag an obair. Leis an Treoir sin, déantar foráil maidir le leibhéal comhsheasmhach cosanta ar na rioscaí a bhaineann leis an nochtadh ceirde d’aispeist trí chreat de phrionsabail ghinearálta chun cur ar chumas na mBallstát a áirithiú go gcuirtear íoscheanglais i bhfeidhm ar bhealach comhsheasmhach. Is é is aidhm do na híoscheanglais sin oibrithe a chosaint ar leibhéal an Aontais, agus is féidir leis na Ballstáit forálacha níos déine a leagan síos.

(2)

Ba cheart feidhm a bheith ag forálacha na Treorach seo gan dochar d’fhorálacha Threoir 2004/37/CE ó Pharlaimint na hEorpa agus ón gComhairle (5) atá níos fabhraí d’oibrithe maidir le sábháilteacht agus sláinte ag an obair.

(3)

Is oibreán carcanaigineach an-chontúirteach í an aispeist, rud a bhfuil tionchar aici fós ar earnálacha eacnamaíocha éagsúla, amhail athchóiriú foirgneamh, mianadóireacht agus cairéalú, bainistiú dramhaíola agus comhrac dóiteáin, earnálacha lena mbaineann riosca mór go nochtfar oibrithe. Aicmítear aispeist mar charcanaigin de chatagóir 1A de bhun Iarscríbhinn VI, Cuid 3, a gabhann le Rialachán (CE) Uimh. 1272/2008 ó Pharlaimint na hEorpa agus ón gComhairle (6). De réir an staidrimh Eorpaigh maidir le galair cheirde, is í go mór fada an mhórchúis le hailse cheirde, agus 78 % d’ailsí ceirde ann a aithnítear sna Ballstáit mar ailsí a bhaineann le nochtadh d’aispeist. Nuair a n-ionanálaítear snáithíní aispeiste aerbheirthe, is féidir leo a bheith ina gcúis le galair thromchúiseacha amhail méisitéilióma agus ailse scamhóg, agus d’fhéadfadh sé go dtógfadh na chéad chomharthaí den ghalar 30 bliain ar an meán chun iad a léiriú ó thráth an nochta, rud as a leanfaidh básanna a bhaineann leis an obair ar deireadh. Dá bhrí sin, tá feidhm ag an Treoir seo maidir le gach gníomhaíocht, lena n-áirítear obair thógála, athchóirithe agus scartála, bainistiú dramhaíola, mianadóireacht agus comhrac dóiteáin, ar lena linn a nochtar oibrithe le linn a gcuid oibre do dheannach a eascraíonn as aispeist nó ábhair ina bhfuil aispeist nó a bhféadfadh siad a bheith nochta dóibh le linn a gcuid oibre.

(4)

I gcomhréir leis an gcur chuige ‘an tSláinte a Chuimsiú i ngach Beartas’, tá gné thrasghearrtha ag baint le sláinte oibrithe a chosaint ar nochtadh d’aispeist agus tá sé ábhartha maidir le go leor beartas agus gníomhaíochtaí de chuid an Aontais, go háirithe i réimse an chomhshaoil, réimse ina bhfuil gníomhaíocht an Aontais le rannchuidiú, inter alia, le cosaint shláinte an duine. Tá ról tábhachtach ag an Aontas freisin ar an leibhéal idirnáisiúnta chun dea-shampla a thabhairt maidir le galair a bhaineann le haispeist a chosc agus chun oibriú le heagraíochtaí idirnáisiúnta eile agus tríú tíortha chun toirmeasc domhanda ar an aispeist a bhaint amach. Ina theannta sin, tá feidhm ag an Treoir seo i sineirge le tionscnaimh eile de chuid an Aontais.

(5)

Is ann do chineálacha nochta d’aispeist nach n-eascraíonn as láimhseáil ghníomhach na haispeiste. Áirítear ar chineálacha nochta den sórt sin nochtadh éighníomhach, nuair a nochtar d’aispeist oibrithe a oibríonn i gcóngar duine atá ag obair le hábhair ina bhfuil aispeist, nó in áitreabh ina mbíonn ábhair ina bhfuil aispeist ag díghrádú i struchtúr foirgneamh, agus nochtadh tánaisteach, nuair a nochtar daoine do shnáithíní aispeiste a thugann daoine aonair a nochtar ag an obair abhaile óna gcuid éadaí nó gruaige den chuid is mó. Is féidir tionchar suntasach a bheith ag nochtadh éighníomhach agus nochtadh tánaisteach araon ar an tsláinte. Cé go bhfuil toirmeasc ar gach cineál aispeiste san Aontas, tá aispeist fós ann i roinnt struchtúr, go háirithe i bhfoirgnimh a tógadh sula raibh an toirmeasc ann, rud a d’fhéadfadh a bheith ina chúis le nochtadh ceirde agus nochtadh nach mbaineann le ceird freisin má shuaitear ábhair ina bhfuil aispeist san fhoirgneamh nó má dhéantar damáiste dóibh. Dá bhrí sin, tá sé ríthábhachtach i gcónaí nochtadh d’aispeist, i cibé foirm, a sheachaint. Maidir le nochtadh éighníomhach oibrithe d’aispeist, ceanglaítear le Treoir 89/391/CEE ón gComhairle (7) agus le Treoir 2009/148/CE go mbeidh measúnú ar na rioscaí uile do shábháilteacht agus sláinte oibrithe ag an obair ag fostóirí trí ghuaiseacha féideartha a shainaithint, lena n-áirítear na guaiseacha sin a eascraíonn as nochtadh éighníomhach d’aispeist, agus go gcuirfidh fostóirí i bhfeidhm na bearta coisctheacha agus cosanta is gá chun sábháilteacht agus sláinte oibrithe a chosaint, agus prionsabal na seachanta riosca i gcónaí mar an bpríomhbhonn d’aon bheart i gcónaí atá le cur chun feidhme. Maidir le nochtach tánaisteach d’aispeist nó d’ábhair ina bhfuil aispeist, is bealaí tábhachtacha iad na ceanglais sábháilteachta agus sláinte ceirde dá bhforáiltear sa Treoir seo chun nochtadh den sórt sin a sheachaint.

(6)

Bíonn mná, go háirithe, i mbaol cineálacha áirithe nochta d’aispeist, lena n-áirítear nochtadh tánaisteach. Is toisc riosca é dáileadh inscne na ngníomhaíochtaí ag an áit oibre maidir le faireachán a dhéanamh ar ghalair a bhaineann le haispeist agus maidir lena ndiagnóisiú, a gcóireáil agus a n-aithint. Tá sé ríthábhachtach, dá bhrí sin, difríochtaí inscne i nochtadh d’aispeist agus aimhréidheanna sláinte tar éis nochtadh den sórt sin a chur san áireamh chun galair arb é nochtadh den sórt sin is cúis leo a chosc agus a bhrath ar bhealach níos fearr.

(7)

Tar éis forbairtí eolaíocha agus teicneolaíocha nua sa réimse, tá scóip ann feabhas a chur ar chosaint oibrithe a nochtar d’aispeist agus, ar an gcaoi sin, an dóchúlacht go dtolgfaidh oibrithe nochta galair a bhaineann le haispeist a laghdú. Toisc gur carcanaigin neamhthairsí í aispeist, ní féidir, ó thaobh na heolaíochta de, leibhéal a shainaithint nach mbeadh éifeachtaí díobhálacha sláinte mar thoradh ar nochtadh faoina mbun. Ina ionad sin, is féidir gaol idir nochtadh agus riosca a bhunú, lena n-éascaítear socrú teorainnluach nochta ceirde (teorainnluach) trí leibhéal inghlactha riosca barrachais a chur san áireamh. Mar thoradh air sin, ba cheart athbhreithniú a dhéanamh ar an teorainnluach agus ar an modheolaíocht tomhais le haghaidh na haispeiste chun an riosca a laghdú trí leibhéil nochta a ísliú chun feabhas a chur ar chosaint oibrithe ar ghalair aispeiste a bhaineann leis an obair.

(8)

An maolú ar fhorálacha áirithe de Threoir 2009/148/CE maidir le nochtadh treallach agus ísealdéine dá bhforáiltear sa Treoir sin, níor cheart feidhm a bheith aige maidir le carcanaigin neamhthairsí amhail aispeist i ndáil le ceanglais a leagtar síos sa Treoir sin a bhaineann le nochtadh a chlárú agus le faireachas leighis a dhéanamh ar oibrithe.

(9)

Le Plean Sáraithe Ailse na hEorpa, a cuireadh i láthair i dteachtaireacht ón gCoimisiún an 3 Feabhra 2021, tacaítear leis an ngá atá le gníomhaíocht i réimse na cosanta oibrithe ar shubstaintí carcanaigineacha. Tá cosaint fheabhsaithe d’oibrithe a nochtar d’aispeist tábhachtach freisin i gcomhthéacs an aistrithe ghlais agus chur chun feidhme an Chomhaontaithe Ghlais don Eoraip, lena n-áirítear, go háirithe, an Rabharta Athchóiriúcháin don Eoraip, a seoladh i dteachtaireacht ón gCoimisiún an 14 Deireadh Fómhair 2020. Le moltaí na saoránach faoi chuimsiú na Comhdhála ar Thodhchaí na hEorpa, a bhí ar siúl ó Aibreán 2021 go Bealtaine 2022, leagadh béim freisin ar an tábhacht a bhaineann le dálaí córa oibre, go háirithe an t-athbhreithniú ar Threoir 2009/148/CE.

(10)

Faoi chuimsiú an tionscnaimh maidir le ‘Rabharta Athchóirithe don Eoraip’, arb é is aidhm dó foirgnimh a dhícharbónú, dul i ngleic leis an mbochtaineacht fuinnimh agus borradh a chur faoi cheannasacht an Aontais trí bhíthin éifeachtúlacht fuinnimh, tá sé ríthábhachtach gur tosaíocht é ábhair ina bhfuil aispeist a bhaint agus a dhiúscairt ar bhealach sábháilte, toisc gur féidir aistriú a chur ar atráth mar thoradh ar dheisiú, cothabháil, imchochlú nó séalú, rud a d’fhéadfadh, dá réir sin, rioscaí nochta na n-oibrithe a bhuanú. Dá bhrí sin, agus measúnú á dhéanamh acu i dtaobh an bhfuil riosca nochta d’aispeist nó d’ábhair ina bhfuil aispeist i gceist le haon ghníomhaíocht, ba cheart d’fhostóirí baint iomlán na haispeiste a mheas mar rogha thosaíochta thar aon ghníomhaíocht láimhseála eile, aon uair is indéanta í sin agus is chun tairbhe do chosaint oibrithe í. Ina theannta sin, ní mór oiliúint a chur go práinneach ar oibrithe a nochtar d’aispeist nó ar dócha go nochtfar di iad. Chun íoscheanglais maidir le hoiliúint ardcháilíochta a áirithiú, ba cheart foráil a dhéanamh in iarscríbhinn a ghabhann le Treoir 2009/148/CE maidir le híoscheanglais oiliúna, lena n-áirítear ceanglais shonracha, d’oibrithe i ngnóthais speisialaithe bainte aispeiste.

(11)

Is cuid thábhachtach de na socruithe ginearálta maidir le cosaint oibrithe a bunaíodh le Treoir 2009/148/CE é teorainnluach ceangailteach le haghaidh na haispeiste, ar teorainnluach é nach bhfuil le sárú, sa bhreis ar na bearta iomchuí bainistithe riosca agus ar sholáthar trealamh riospráide leordhóthanach agus trealamh cosanta pearsanta leordhóthanach eile.

(12)

Ba cheart athbhreithniú a dhéanamh ar an teorainnluach le haghaidh aispeiste a leagtar síos i dTreoir 2009/148/CE i bhfianaise mheastóireachtaí an Choimisiúin agus na fianaise eolaíche agus na sonraí teicniúla is déanaí. Tá gá le bearta coisctheacha agus cosanta neartaithe chun an teorainnluach athbhreithnithe sin a chur chun feidhme sna Ballstáit.

(13)

Ba cheart teorainnluach athbhreithnithe a leagan síos sa Treoir seo i bhfianaise na faisnéise atá ar fáil, lena n-áirítear fianaise eolaíoch maidir le héifeachtaí sláinte agus sonraí teicniúla atá cothrom le dáta, agus atá bunaithe ar mheasúnú críochnúil ar thionchar socheacnamaíoch agus infhaighteacht prótacal agus teicnící um nochtadh a thomhas ag an áit oibre. Ba cheart an fhaisnéis sin a bheith bunaithe ar thuairimí ón gCoiste um Measúnú Riosca de chuid na Gníomhaireachta Eorpaí Ceimiceán, a bunaíodh le Rialachán (CE) Uimh. 1907/2006 ó Pharlaimint na hEorpa agus ón gComhairle (8), agus ar thuairimí ón gCoiste Comhairleach um Shábháilteacht agus Sláinte ag an Obair (ACSH), a bunaíodh le Cinneadh ón gComhairle an 22 Iúil 2003 (9).

(14)

Leis na teicneolaíochtaí reatha atá ar fáil chun snáithíní aispeiste a thomhas, ní féidir tomhas a dhéanamh ar thiúchan an-íseal nuair a dhéantar snáithíní tanaí a chomhaireamh. Chun ardleibhéal cosanta a áirithiú do shláinte oibrithe, agus aird chuí á tabhairt ar a indéanta atá sé tomhas a dhéanamh, agus teicneolaíochtaí den sórt sin á n-úsáid, is gá, dá bhrí sin, rogha a dhéanamh idir snáithíní tanaí a chomhaireamh nó teorainneacha ísle tiúchana a chur i bhfeidhm. Roghnaigh roinnt Ballstát teorainnluach níos ísle gan snáithíní níos tanaí a chomhaireamh, agus roghnaigh Ballstáit eile teorainnluach níos airde agus comhaireann siad snáithíní tanaí. D’fhonn cur chuige cothrom a ráthú, ba cheart teorainnluachanna éagsúla a bhunú, ag brath ar mhéid an tsnáithín a chuirtear san áireamh chun snáithíní aispeiste san aer a thomhas, eadhon snáithíní a bhfuil leithead idir 0,2 micriméadar agus 3 mhicriméadar acu agus, ó thráth an aistrithe theicneolaíoch go micreascópacht leictreon, snáithíní a bhfuil leithead níos lú ná 0,2 micriméadar acu.

(15)

Agus an saineolas eolaíoch ábhartha agus cur chuige cothrom lena n-áirithítear, ag an am céanna, cosaint leordhóthanach d’oibrithe ar leibhéal an Aontais á gcur san áireamh, ba cheart teorainnluachanna athbhreithnithe a bhunú, ar cheart, ag brath ar an modh comhairthe snáithíní a úsáidtear i mBallstát ar leith, a bheith cothrom le 0,002 snáithín in aghaidh an cm3, agus snáithíní a bhfuil leithead idir 0,2 agus 3 mhicriméadar acu, nó 0,01 snáithíní in aghaidh an cm3, á gcomhaireamh, agus snáithíní a bhfuil leithead níos lú ná 0,2 micriméadar acu á gcomhaireamh freisin, mar mheán am-ualaithe (TWA) 8 n-uair an chloig.

(16)

Rinne an Coimisiún comhairliúchán dhá chéim idir na comhpháirtithe sóisialta ar leibhéal an Aontais i gcomhréir le hAirteagal 154 den Chonradh ar Fheidhmiú an Aontais Eorpaigh. Chuaigh sé i gcomhairle le ACSH freisin, a ghlac tuairim lena dtugtar faisnéis maidir leis na roghanna le haghaidh teorainnluachanna athbhreithnithe a chur chun feidhme go rathúil. Ghlac Parlaimint na hEorpa rún an 20 Deireadh Fómhair 2021 (10) lena n-iarrtar togra chun nuashonrú a dhéanamh ar Threoir 2009/148/CE chun treisiú a dhéanamh ar bhearta an Aontais maidir le hoibrithe a chosaint ar bhagairt na haispeiste.

(17)

Cé nach féidir na snáithíní is tanaí atá díobhálach don tsláinte a chomhaireamh le micreascópacht optúil, is í an modh is mó a úsáidtear faoi láthair chun an aispeist a thomhas go rialta. Ós rud é gur féidir teorainnluach atá cothrom le 0,01 snáithín in aghaidh an cm3 a thomhas le micreascópacht phaschodarsnachta (PCM), níl aon idirthréimhse ag teastáil chun an teorainnluach sin a chur chun feidhme. I gcomhréir le tuairim ACSH, ba cheart úsáid a bhaint as modh níos nua-aimseartha agus níos íogaire bunaithe ar mhicreascópacht leictreoin nó aon mhodh eile lena dtugtar torthaí coibhéiseacha nó níos cruinne, agus aird á tabhairt ar an ngá atá le tréimhse leordhóthanach oiriúnaithe theicniúil agus le comhsheasmhacht níos airde idir modheolaíochtaí éagsúla a chuirtear i bhfeidhm laistigh den Aontas faoi láthair. Chun go mbeidh dóthain ama ann na ceanglais nua a bhaineann le tomhas snáithíní aispeiste a chomhlíonadh, ba cheart gur 6 bliana a bheadh sa tréimhse thrasuí. Is maith atá an Coimisiún in ann tacú leis na Ballstáit, agus iad a éascú, a mhéid a bhaineann le rud eile a chur in ionad na modheolaíochta, go háirithe trí threoirlínte a fhorbairt.

(18)

Dá ndéanfaí snáithíní aispeiste san aer a chomhaireamh trí úsáid a bhaint as modhanna anailíseacha atá bunaithe ar mhicreascópacht leictreoin, chuirfí feabhas suntasach i dtaca leis an bhfaireachán a dhéantar ar aispeist toisc go mbeifear in ann snáithíní níos tanaí a chomhaireamh dá bharr. Mar thoradh ar an aistriú chuig micreascópacht leictreoin, nó chuig aon mhodh eile lena dtugtar torthaí coibhéiseacha nó níos cruinne, d’fhéadfaí i bhfad níos mó snáithíní a shainaithint ná na snáithíní atá inbhraite le PCM. Bíonn am ag teastáil ó na Ballstáit agus ó fhostóirí chun taithí a fháil ar chomhaireamh na snáithíní a dhéantar le micreascópacht leictreoin, chun bearta coisctheacha feabhsaithe a chur chun feidhme agus chun sonraí nua nochta a bhailiú mar thoradh ar chur i bhfeidhm comhcheangailte an teorainnluacha agus an mhodha atá bunaithe ar mhicreascópacht leictreoin. Beidh tábhacht leis an taithí sin chun an bealach a réiteach chun measúnú a dhéanamh ar a indéanta atá sé na teorainnluachanna a laghdú tuilleadh.

(19)

Leis an tsampláil aispeiste, ba cheart nochtadh pearsanta an oibrí d’aispeist a léiriú. Dá bhrí sin, ba cheart samplaí a thógáil go tráthrialta le linn céimeanna oibríochtúla sonracha i gcásanna ionadaíocha agus réadúla ina nochtar oibrithe do dheannach aispeiste.

(20)

Agus na ceanglais maidir le híoslaghdú nochta a leagtar amach i dTreoracha 2009/148/CE agus 2004/37/CE á gcur san áireamh, ba cheart d’fhostóirí a áirithiú go ndéantar na rioscaí a bhaineann le hoibrithe a nochtadh d’aispeist ag an obair a laghdú oiread agus is féidir agus, in aon chás, go dtí an leibhéal is ísle is féidir go teicniúil.

(21)

Tá gá le bearta speisialta rialaithe agus réamhchúraimí, lena n-áirítear trí bhíthin teicneolaíocht úrscothach, d’oibrithe a nochtar, nó ar dócha go nochtfar iad, d’aispeist chun tiúchan snáithíní aispeiste san aer a ísliú go dtí an leibhéal is ísle agus is féidir go teicniúil faoi bhun an teorainnluacha, trí bhearta amhail súchán deannaigh ag an bhfoinse agus glanadh agus cothabháil an áitribh. Maidir le hobair i limistéir iata, tá gá le bearta sonracha chun oibrithe a chosaint, amhail sochtadh deannaigh, soláthar aeir úir agus úsáid scagairí HEPA. Is gnéithe tábhachtacha iad oibrithe a chur faoi réir nós imeachta dí-éillithe agus na ceanglais oiliúna ghaolmhara a neartú chun rannchuidiú go suntasach leis na rioscaí a bhaineann le nochtadh den sórt sin a laghdú.

(22)

Bearta coisctheacha chun sláinte oibrithe a nochtar d’aispeist a chosaint agus an gealltanas atá beartaithe do na Ballstáit maidir le faireachas a dhéanamh ar a sláinte, tá tábhacht ag baint leo, go háirithe an leanúint le faireachas sláinte a dhéanamh tar éis dheireadh an nochta. Ba cheart Iarscríbhinn I a ghabhann le Treoir 2009/148/CE, ar iarscríbhinn í a bhaineann le faireachas leighis ar oibrithe, a thabhairt cothrom le dáta i bhfianaise na faisnéise atá ann faoi láthair maidir le galair ar féidir nochtadh d’aispeist a bheith ina chúis leo. Tá sé tábhachtach go ndéanfaí athbhreithniú rialta ar Iarscríbhinn I chun éabhlóid an eolais eolaíoch a léiriú.

(23)

Tá córas fógartha tábhachtach chun cur ar chumas údaráis inniúla na mBallstát maoirseacht a dhéanamh ar oibreacha ar lena linn a bhféadfaí aispeist a shuaitheadh agus chun a cheadú, i gcás inarb iomchuí, do na húdaráis inniúla idirghabháil a dhéanamh chun cosaint na n-oibrithe lena mbaineann a áirithiú.

(24)

Ba cheart d’fhostóirí gach beart is gá a dhéanamh chun ábhair a dtoimhdítear go bhfuil aispeist iontu a shainaithint, más iomchuí trí fhaisnéis a fháil ó úinéirí an áitribh chomh maith le foinsí eile faisnéise, lena n-áirítear cláir ábhartha. Mura bhfuil faisnéis den sórt sin ar fáil, ba cheart don fhostóir a áirithiú go ndéanann oibreoir cáilithe scrúdú, i gcomhréir leis an dlí náisiúnta agus leis an gcleachtas náisiúnta, ar an gcás inarb ann d’ábhair ina bhfuil aispeist agus ba cheart don fhostóir toradh scrúdaithe den sórt sin a fháil sula gcuirfear tús leis an obair. Ar bhonn na faisnéise a fuarthas, ba cheart don fhostóir, sula gcuirfear tús le haon tionscadal bainte aispeiste, nó le haon obair scartála, chothabhála nó athchóirithe, faisnéis a thaifeadadh a bhaineann le haispeist a bheith, nó a thoimhdítear a bheith, i bhfoirgnimh, i longa, in aerárthaí nó i suiteálacha eile a tógadh sular tháinig toirmeasc an Bhallstáit ar aispeist i bhfeidhm. Tá sé tábhachtach go gcuirfeadh fostóirí an fhaisnéis sin in iúl d’oibrithe a d’fhéadfadh a bheith nochta d’aispeist mar thoradh ar bheith ag obair léi, mar thoradh ar obair chothabhála nó mar thoradh ar ghníomhaíochtaí eile. Níor cheart sainaithint ábhar ina bhfuil aispeist an fostóir a scaoileadh ó thabhairt faoi mheasúnú riosca dá bhforáiltear sa Treoir seo.

(25)

Ba cheart Treoir 2009/148/CE a thabhairt cothrom le dáta go rialta chun an t-eolas eolaíoch agus na forbairtí teicniúla is déanaí a chur san áireamh. Aon uair a thugtar an Treoir sin cothrom le dáta, ba cheart a chur san áireamh measúnú ar chineálacha éagsúla snáithíní aispeiste agus ar a n-éifeachtaí díobhálacha ar an tsláinte. I gcomhthéacs na chéad meastóireachta eile de bhun Airteagal 22 den Treoir sin, ba cheart don Choimisiún measúnú a dhéanamh i dtaobh an gá raon feidhme na Treorach sin a leathnú, agus go háirithe chuig éiriainít, ríbicít, vinsít, rictirít agus fluara-éidinít, agus i dtaobh an gá bearta breise a dhéanamh chun cosaint ar nochtadh tánaisteach d’aispeist ag an áit oibre a áirithiú. Ba cheart don Choimisiún tuarascáil a chur faoi bhráid Pharlaimint na hEorpa agus na Comhairle, ina leagtar amach torthaí a mheasúnaithe, tar éis dó dul i gcomhairle leis na comhpháirtithe sóisialta. Ba cheart a bheith ag gabháil leis an tuarascáil, más iomchuí, togra reachtach chun Treoir 2009/148/CE a leasú dá réir sin.

(26)

Is gá tacaíocht theicniúil leordhóthanach agus spriocdhírithe a chur ar fáil chun cabhrú le fostóirí, go háirithe fiontair bheaga agus mheánmhéide, an Treoir seo a chur chun feidhme.

(27)

Sula ndéanfaidh siad obair scartála nó bainte aispeiste, ba cheart do ghnóthais ceadanna a fháil ó údaráis inniúla, ar ceadanna iad is féidir a athnuachan i gcomhréir leis an dlí náisiúnta agus leis an gcleachtas náisiúnta.

(28)

Bíonn comhraiceoirí dóiteáin agus pearsanra na seirbhísí éigeandála i mbaol a nochta d’aispeist le linn a gcuid oibre. Tá sé tábhachtach, dá bhrí sin, go ndéanfadh fostóirí na n-oibrithe sin measúnú, i gcomhréir leis an Treoir seo, ar an riosca d’oibrithe go nochtfaidís d’aispeist agus go ndéanfadh na fostóirí sin na bearta is gá chun sábháilteacht agus sláinte na n-oibrithe sin a chosaint. Chun tacú le fostóirí bearta den sórt sin a dhéanamh, tá sé tábhachtach go bhforbródh an Coimisiún treoirlínte lena gcuirtear san áireamh sainiúlachtaí ghníomhaíochtaí na n-oibrithe sin agus an fhaisnéis a bhaineann leis na rioscaí maidir lena nochtadh. Ba cheart do threoirlínte den sórt sin cur le dea-chleachtais atá ar fáil sna Ballstáit agus leis an gcomhairliúchán a dhéantar le geallsealbhóirí ábhartha. Ba cheart malartú dea-chleachtas níos córasaí ar fud na mBallstát a bhunú chun na críche sin.

(29)

Tá sé tábhachtach go ndéanfadh an Coimisiún, i gcomhar le ACSH, treoirlínte a fhorbairt agus a eisiúint tráth nach déanaí ná 2 bhliain ó dháta theacht i bhfeidhm na Treorach seo, chun cur chun feidhme na Treorach seo a éascú. Ba cheart a áireamh sna treoirlínte sin, i gcás inarb iomchuí, réitigh earnáilsonracha. Ba cheart a áireamh sna treoirlínte sin freisin táscairí d’fhostóirí maidir le conas tosaíocht a thabhairt do bhaint aispeiste nó ábhar ina bhfuil aispeist thar chineálacha eile láimhseála aispeiste agus measúnú á dhéanamh ar an riosca nochta d’aispeist nó d’ábhair ina bhfuil aispeist. Más iomchuí, ba cheart athbhreithniú a dhéanamh ar na treoirlínte sin gach 5 bliana i bhfianaise, go háirithe, forbairtí teicneolaíocha agus eolaíocha maidir le teicneolaíocht sainaitheanta aispeiste, teicneolaíocht tomhais aispeiste agus teicneolaíocht rabhaidh aispeiste.

(30)

Ní hamháin go bhfuil cogadh foghach na Rúise i gcoinne na hÚcráine ina chúis le fulaingt mhuintir na hÚcráine ach tá damáiste suntasach á dhéanamh freisin don bhonneagar, don tithíocht agus don timpeallacht thógtha i gcoitinne. Ós rud é nár chuir an Úcráin toirmeasc ar úsáid aispeiste go dtí 2017, tá riosca suntasach ag baint le hatógáil na tíre atá le teacht d’oibrithe, go háirithe dóibh siúd a láimhseálann brablach. Tá sé tábhachtach, dá bhrí sin, go ndéanfadh fostóirí de chuid an Aontais na rioscaí d’oibrithe maidir le nochtadh d’aispeist a chur san áireamh ar bhealach iomchuí agus iad i mbun gníomhaíochtaí atógála i dtríú tíortha.

(31)

I bhfianaise an mhéadaithe atá le teacht ar athchóirithe teirmeacha foirgneamh, tá géarghá le tacú le taighde agus forbairt chun an leibhéal cosanta is airde is féidir a áirithiú d’oibrithe a nochtar d’aispeist nó a d’fhéadfadh a bheith nochta di.

(32)

Ós rud é nach féidir leis na Ballstáit cuspóir na Treorach seo, eadhon oibrithe a chosaint ar rioscaí dá sábháilteacht agus dá sláinte, lena n-áirítear rioscaí den sórt sin a chosc, ar rioscaí iad a eascraíonn as nochtadh d’aispeist ag an obair, ar dócha go n-eascróidh siad as, a ghnóthú go leordhóthanach agus, de bharr fhairsinge agus éifeachta na Treorach seo, gur fearr is féidir é a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun an cuspóir sin a ghnóthú.

(33)

Ba cheart, dá bhrí sin, Treoir 2009/148/CE a leasú dá réir sin,

(1)

in Airteagal 1(1), cuirtear an fhomhír seo a leanas isteach:

‘Beidh feidhm ag forálacha Threoir 2004/37/CE ó Pharlaimint na hEorpa agus ón gComhairle (*1) i gcás ar bith ina bhfuil siad níos fabhraí do shábháilteacht agus do shláinte oibrithe ag an obair.

(*1)  Treoir 2004/37/CE ó Pharlaimint na hEorpa agus ón gComhairle an 29 Aibreán 2004 maidir le hoibrithe a chosaint ar na rioscaí a bhaineann le nochtadh do charcanaiginí, do shó-ghineacha nó do shubstaintí atá tocsaineach don atáirgeadh ag an obair (an Séú treoir ar leith de réir bhrí Airteagal 16(1) de Threoir 89/391/CEE ón gComhairle) (IO L 158, 30.4.2004, lch. 50).’;"

(2)

cuirtear an méid seo a leanas in ionad Airteagal 2:

(*2)  Rialachán (CE) Uimh. 1272/2008 ó Pharlaimint na hEorpa agus ón gComhairle an 16 Nollaig 2008 maidir le haicmiú, lipéadú agus pacáistiú substaintí agus meascán, agus lena leasaítear agus lena n-aisghairtear Treoracha 67/548/CEE agus 1999/45/CE, agus lena leasaítear Rialachán (CE) Uimh. 1907/2006 (IO L 353, 31.12.2008, lch. 1)."

(*3)  Uimhir sa tSeirbhís Achoimreachtaí Ceimiceán (CAS).’;"

(3)

leasaítear Airteagal 3 mar a leanas:

(4)

in Airteagal 4(3), cuirtear an méid seo a leanas in ionad an dara fomhír:

‘Beidh ar a laghad tuairisc ghairid ar an méid seo a leanas ar áireamh san fhógra:

Áiritheoidh na Ballstáit go gcoinneoidh na húdaráis inniúla an fhaisnéis dá dtagraítear i bpointe (d) den dara fomhír, i gcomhréir leis an dlí náisiúnta, ar feadh tréimhse nach faide ná mar is gá chun a áirithiú go gcuirfear oiliúint cheart ar oibrithe a dhéanann obair a bhaineann le haispeist, agus aird chuí á tabhairt ar éifeachtaí fadtéarmacha aispeiste ar shláinte oibrithe.’;

(5)

cuirtear an méid seo a leanas in ionad Airteagal 6:

(*4)  Treoir 2008/98/CE ó Pharlaimint na hEorpa agus ón gComhairle an 19 Samhain 2008 maidir le dramhaíl agus lena n-aisghairtear Treoracha áirithe (IO L 312, 22.11.2008, lch. 3).’;"

(6)

leasaítear Airteagal 7 mar seo a leanas:

(7)

cuirtear an méid seo a leanas in ionad Airteagal 8:

(8)

leasaítear Airteagal 10 mar seo a leanas:

(9)

in Airteagal 11, cuirtear an méid seo a leanas in ionad na chéad mhíre:

‘Sula gcuirfear tús le hobair scartála, chothabhála nó athchóirithe ar áitribh a tógadh roimh theacht i bhfeidhm thoirmeasc an Bhallstáit ar aispeist, déanfaidh fostóirí gach beart is gá chun ábhair a dtoimhdítear go bhfuil aispeist iontu a shainaithint, go háirithe trí fhaisnéis a fháil ó úinéirí an áitribh, ó fostóirí eile agus ó fhoinsí eile, lena n-áirítear cláir ábhartha. Mura bhfuil faisnéis den sórt sin ar fáil, áiritheoidh an fostóir go ndéanfaidh oibreoir cáilithe scrúdú i gcomhréir leis an dlí náisiúnta agus leis an gcleachtas náisiúnta ar an gcás inarb ann d’ábhair ina bhfuil aispeist agus gheobhaidh an fostóir sin toradh scrúdaithe den sórt sin sula gcuirfear tús leis an obair. Déanfaidh an fostóir aon fhaisnéis a fhaightear faoi chuimsiú scrúdú den sórt sin a chur ar fáil d’fhostóir eile, arna iarraidh sin agus chun an oibleagáid a leagtar síos sa mhír seo a chomhlíonadh agus chun na críche sin amháin.’;

(10)

in Airteagal 12, leasaítear an chéad mhír mar a leanas:

(11)

in Airteagal 13(2), an dara fomhír, cuirtear an méid seo a leanas in ionad phointe (c):

(12)

leasaítear Airteagal 14 mar seo a leanas:

(13)

cuirtear an méid seo a leanas in ionad Airteagal 15:

(14)

in Airteagal 18, scriostar mír 1;

(15)

cuirtear an t-airteagal seo a leanas isteach:

(16)

leasaítear Airteagal 19 mar a leanas:

(17)

cuirtear an méid seo a leanas in ionad Airteagal 21:

(18)

cuirtear an t-airteagal seo a leanas isteach:

(19)

in Iarscríbhinn I, cuirtear an méid seo a leanas in ionad phointe 1:

(20)

an téacs a leagtar amach san Iarscríbhinn a ghabhann leis an Treoir seo, cuirtear isteach é mar Iarscríbhinn Ia.