1.   Leis seo, bunaítear beart cúnaimh a bheidh chun tairbhe do Phoblacht Ruanda (“an tairbhí”) atá le maoiniú faoin tSaoráid Eorpach Síochána (SES) (“an beart cúnaimh”).

2.   Is é cuspóir an bhirt cúnaimh tacú le himscaradh leanúnach aonad d’Fhórsa Cosanta Ruanda i gcúige thuaidh Cabo Delgado i Mósaimbíc chun na gnóthachain chríochacha agus oirbheartaíochta atá déanta acu go dtí seo a leathnú, a chosaint agus a choinneáil. Ba cheart go n-áiritheofaí leis sin slándáil agus cosaint an daonra shibhialta i gcúigí thuaidh Mhósaimbíc, agus go n-éascófaí filleadh gníomhaireachtaí forfheidhmithe dlí agus filleadh struchtúr cuntasach eile stáit lena soláthraítear seirbhísí ar mhaithe leis an bpobal.

3.   Chun an cuspóir a leagtar amach i mír 2 a bhaint amach, rannchuideoidh an beart cúnaimh le tacú le himscaradh aonaid Fhórsa Cosanta Ruanda dá dtagraítear sa mhír sin. Ní úsáidfear an beart cúnaimh chun trealamh míleata nó ardáin mhíleata a sholáthar, ar trealamh nó ardáin iad atá ceaptha chun fórsa marfach a sheachadadh.

4.   Ar feadh tréimhse 20 mí ó dháta thabhairt i gcrích an chonartha idir an Riarthóir um bearta cúnaimh ag gníomhú dó mar oifigeach údarúcháin agus an t-eintiteas dá dtagraítear in Airteagal 4(2) den Chinneadh seo, i gcomhréir le hAirteagal 32(2), pointe (a) de Chinneadh (CBES) 2021/509 a mhairfidh an beart cúnaimh.

5.   Déanfar an conradh le haghaidh chur chun feidhme an bhirt cúnaimh a thabhairt i gcrích tráth nach luaithe ná tar éis don Choiste um an tSaoráid leasú a ghlacadh ar Rialacha Cur Chun Feidhme SES.

1.   EUR 20 000 000 a bheidh sa mhéid tagartha airgeadais a bheidh ceaptha chun an caiteachas a bhaineann leis an mbeart cúnaimh a chumhdach.

2.   Déanfar an caiteachas go léir a bhainistiú i gcomhréir le Cinneadh (CBES) 2021/509 agus leis na rialacha maidir le hioncam agus caiteachas a chur chun feidhme arna maoiniú faoi SES.

1.   Déanfaidh an tArdionadaí na socruithe is gá leis an tairbhí chun a áirithiú go gcomhlíonann sé na ceanglais agus na coinníollacha arna mbunú leis an gCinneadh seo mar choinníoll chun tacaíocht a sholáthar faoin mbeart cúnaimh.

2.   Áireofar sna socruithe dá dtagraítear i mír 1 forálacha lena gcuirtear d’oibleagáid ar an tairbhí an méid seo a leanas a áirithiú:

3.   Áireofar sna socruithe dá dtagraítear i mír 1 forálacha maidir le tacaíocht a chur ar fionraí agus a fhoirceannadh faoin mbeart cúnaimh i gcás ina bhfaighfear go bhfuil na hoibleagáidí a leagtar amach i mír 2 á sárú ag an tairbhí.

4.   Ní thabharfaidh an tArdionadaí an formheas dá dtagraítear i mír (2), pointe (g), ach amháin tar éis dó a fhíorú go bhfreagraíonn an trealamh comhchoiteann atá le haistriú, agus a luach tosaigh á chur san áireamh, don mhéid a caitheadh faoin mbeart cúnaimh seo ar threalamh comhchoiteann.

1.   Beidh an tArdionadaí freagrach as a áirithiú go gcuirfear an Cinneadh seo chun feidhme i gcomhréir le Cinneadh (CBES) 2021/509 agus leis na rialacha le haghaidh an ioncaim agus an chaiteachais faoi SES a chur chun feidhme, i gcomhréir leis an gCreat Modheolaíochta Comhtháite chun na bearta agus na rialuithe atá riachtanach le haghaidh bearta cúnaimh faoi SES a mheasúnú agus a shainaithint.

2.   Déanfaidh Aireacht Airgeadais agus Pleanála Eacnamaíche Phoblacht Ruanda cur chun feidhme na ngníomhaíochtaí dá dtagraítear in Airteagal 1(3).

1.   Déanfaidh an tArdionadaí faireachán ar urramú na n-oibleagáidí a leagtar amach in Airteagal 3 ag an tairbhí. Úsáidfear an faireachán sin chun feasacht a mhúscailt maidir leis an gcomhthéacs agus leis na rioscaí a ghabhann le sáruithe ar na hoibleagáidí arna mbunú i gcomhréir le hAirteagal 3, agus le rannchuidiú le sáruithe den sórt sin a chosc, lena n-airítear sáruithe ar an dlí idirnáisiúnta um chearta an duine agus an dlí daonnúil idirnáisiúnta ag aonaid de chuid Fhórsa Cosanta Ruanda dá dtugtar tacaíocht faoin mbeart cúnaimh.

2.   Déanfaidh an tArdionadaí meastóireacht deiridh ag deireadh na tréimhse cur chun feidhme chun a mheas ar rannchuidigh an beart cúnaimh leis na cuspóirí sonraithe a bhaint amach. D’fhéadfadh cuairteanna ar an láthair nó aon fhoirm éifeachtach eile d’fhaisnéis a chuirtear ar fáil go neamhspleách a bheith i gceist leis sin.

1.   Féadfaidh CPS cinneadh a dhéanamh cur chun feidhme an bhirt cúnaimh a chur ar fionraí go hiomlán nó go páirteach i gcomhréir le hAirteagal 64 de Chinneadh (CBES) 2021/509.

2.   Féadfaidh CPS a mholadh freisin go gcuirfidh an Chomhairle deireadh leis an mbeart cúnaimh.