This document is an excerpt from the EUR-Lex website
Document 32022D1661
Council Implementing Decision (EU) 2022/1661 of 26 September 2022 amending Implementing Decision 2013/677/EU authorising Luxembourg to introduce a special measure derogating from Article 285 of Directive 2006/112/EC on the common system of value added tax
Cinneadh Cur Chun Feidhme (AE) 2022/1661 ón gComhairle an 26 Meán Fómhair 2022 lena leasaítear Cinneadh Cur Chun Feidhme 2013/677/AE lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha
Cinneadh Cur Chun Feidhme (AE) 2022/1661 ón gComhairle an 26 Meán Fómhair 2022 lena leasaítear Cinneadh Cur Chun Feidhme 2013/677/AE lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha
ST/12089/2022/INIT
IO L 250, 28.9.2022, p. 14–16
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
28.9.2022 |
GA |
Iris Oifigiúil an Aontais Eorpaigh |
L 250/14 |
CINNEADH CUR CHUN FEIDHME (AE) 2022/1661 ÓN gCOMHAIRLE
an 26 Meán Fómhair 2022
lena leasaítear Cinneadh Cur Chun Feidhme 2013/677/AE lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh,
Ag féachaint do Threoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha (1), agus go háirithe Airteagal 395(1) di,
Ag féachaint don togra ón gCoimisiún Eorpach,
De bharr an mhéid seo a leanas:
(1) |
Faoi Airteagal 285 de Threoir 2006/112/CE, féadfaidh na Ballstáit sin nár fheidhmigh an rogha faoi Airteagal 14 den Dara Treoir 67/228/CEE ón gComhairle (2) daoine inchánach a dhíolmhú ó cháin bhreisluacha (“CBL”) nach mó a láimhdeachas bliantúil ná EUR 5 000 nó a choibhéis san airgeadra náisiúnta. |
(2) |
Le Cinneadh Cur Chun Feidhme 2013/677/AE ón gComhairle (3), tugadh údarú do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE chun daoine inchánach nach airde a láimhdeachas bliantúil ná EUR 25 000 a dhíolmhú ó cháin bhreisluacha go dtí an 31 Nollaig 2016 (“beart speisialta”). |
(3) |
Leasaíodh Cinneadh Cur Chun Feidhme 2013/677/AE ar dtús le Cinneadh Cur Chun Feidhme (AE) 2017/319 ón gComhairle (4), lenar údaraíodh do Lucsamburg daoine inchánach nach mó ná EUR 30 000 a láimhdeachas bliantúil a dhíolmhú ó cháin bhreisluacha go dtí an 31 Nollaig 2019. Leasaíodh é ina dhiaidh sin le Cinneadh Cur Chun Feidhme (AE) 2019/2210 ón gComhairle (5), lenar údaraíodh do Lucsamburg an tairseach a mhéadú go dtí EUR 35 000 agus síneadh a chur le hiarratas an bhirt speisialta go dtí an 31 Nollaig 2022. |
(4) |
Le litir a cláraíodh leis an gCoimisiún an 11 Márta 2022, d’iarr Lucsamburg údarú chun leanúint den bheart speisialta a chur i bhfeidhm go dtí an 31 Nollaig 2024, an dáta faoina ndéanfaidh na Ballstáit Treoir (AE) 2020/285 ón gComhairle (6) a thrasuí, lena leagtar síos rialacha CBL níos simplí le haghaidh fiontair bheaga. Maidir leis an soláthar earraí agus seirbhísí a dhéanann daoine inchánach nach airde a láimhdeachas bliantúil ná EUR 85 000 nó choibhéis san airgeadra náisiúnta, de thoradh na Treorach sin, ón 1 Eanáir 2025, ceadófar do na Ballstáit an soláthar sin a dhíolmhú ó CBL. |
(5) |
De bhun Airteagal 395(2), an dara fomhír, de Threoir 2006/112/CE, tharchuir an Coimisiún an iarraidh a rinne Lucsamburg chuig na Ballstáit eile, trí litir dar dáta an 7 Aibreán 2022. Le litir dar dáta an 8 Aibreán 2022, thug an Coimisiún fógra do Lucsamburg go raibh an fhaisnéis uile is gá aige chun breithmheas a dhéanamh ar an iarraidh. |
(6) |
Tá an beart speisialta i gcomhréir le Treoir (AE) 2020/285, lena bhféachtar leis an ualach comhlíontachta ar fhiontair bheaga a laghdú agus le saobhadh iomaíochta sa mhargadh inmheánach a sheachaint. Féachann sí freisin le comhlíonadh ag fiontair bheaga a éascú chomh maith le faireachán ag údaráis chánach. Tá an tairseach EUR 35 000 comhsheasmhach leis an tairseach nua don díolúine arna leagan síos le Treoir (AE) 2020/285. |
(7) |
Leanfaidh an beart speisialta de bheith roghnach do dhaoine inchánach. Féadfaidh daoine inchánach na gnáthshocruithe CBL a roghnú fós de bhun Airteagal 290 de Threoir 2006/112/CE. |
(8) |
De réir na faisnéise arna cur ar fáil ag Lucsamburg, ní bheidh ach éifeacht dhiomaibhseach ag an mbeart speisialta ar mhéid foriomlán an ioncaim cánach a bhailíonn Lucsamburg ag céim an tomhaltais deiridh. |
(9) |
Tar éis theacht i bhfeidhm Rialachán (AE, Euratom) 2021/769 ón gComhairle (7), ní aon ríomh ar chúiteamh le déanamh ag Lucsamburg maidir leis an ráiteas faoi acmhainní dílse CBL don bhliain airgeadais 2022 agus ina diaidh sin. |
(10) |
Ós rud é go raibh tionchar dearfach ag an mbeart speisialta ar shimpliú na n-oibleagáidí a bhaineann le CBL, agus é gur laghdaigh sé t-an ualach riaracháin agus na costais chomhlíontachta d’fhiontair bheaga agus d’údaráis chánach araon, agus ós rud é nach mbeidh aon tionchar mór aige ar an ioncam CBL iomlán a ghinfear, ba cheart údarú a thabhairt do Lucsamburg leanúint den bheart speisialta a chur i bhfeidhm. |
(11) |
Ba cheart teorainn ama a bheith le cur i bhfeidhm an bhirt speisialta. Ba cheart an teorainn ama a bheith leordhóthanach chun go mbeidh an Coimisiún in ann meastóireacht a dhéanamh ar éifeachtacht agus oiriúnacht na tairsí reatha. Thairis sin, de bhun Airteagal 3(1) de Threoir (AE) 2020/285, tá na Ballstáit, faoin 31 Nollaig 2024, leis na dlíthe, na rialacháin agus na forálacha riaracháin is gá a ghlacadh agus a fhoilsiú chun Airteagal 1 den Treoir sin a chomhlíonadh, agus tá siad leis na forálacha sin a chur i bhfeidhm ón 1 Eanáir 2025. Is iomchuí, dá bhrí sin, Lucsamburg a údarú chun an beart speisialta a chur i bhfeidhm go dtí an 31 Nollaig 2024. |
(12) |
Ba cheart, dá bhrí sin, Cinneadh Cur Chun Feidhme 2013/677/AE a leasú dá réir, |
TAR ÉIS AN CINNEADH SEO A GHLACADH:
Airteagal 1
Cuirtear an méid seo a leanas in ionad Airteagal 2 de Chinneadh Cur Chun Feidhme 2013/677/AE:
“Airteagal 2
Beidh feidhm ag an gCinneadh seo ón 1 Eanáir 2013 go dtí an 31 Nollaig 2024.”.
Airteagal 2
Gabhfaidh éifeacht leis an gCinneadh seo ar an dáta a dtabharfar fógra ina leith.
Airteagal 3
Dírítear an Cinneadh seo chuig Ard-Diúcacht Lucsamburg.
Arna dhéanamh sa Bhruiséil, an 26 Meán Fómhair 2022.
Thar ceann na Comhairle
An tUachtarán
Z. NEKULA
(1) IO L 347, 11.12.2006, lch. 1.
(2) An Dara Treoir 67/228/CEE ón gComhairle an 11 Aibreán 1967 maidir le comhchuibhiú reachtaíocht na mBallstát i dtaca le cánacha láimhdeachais — Struchtúr agus nósanna imeachta maidir le cur i bhfeidhm an chomhchórais cánach breisluacha (IO 71, 14.4.1967, lch. 1303).
(3) Cinneadh Cur Chun Feidhme 2013/677/AE ón gComhairle an 15 Samhain 2013 lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha (IO L 316, 27.11.2013, lch. 33).
(4) Cinneadh Cur Chun Feidhme (AE) 2017/319 ón gComhairle an 21 Feabhra 2017 lena leasaítear Cinneadh Cur Chun Feidhme 2013/677/AE lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha (IO L 47, 24.2.2017, lch. 7).
(5) Cinneadh Cur Chun Feidhme (AE) 2019/2210 ón gComhairle an 19 Nollaig 2019 lena leasaítear Cinneadh Cur Chun Feidhme 2013/677/AE lena n-údaraítear do Lucsamburg beart speisialta a thabhairt isteach de mhaolú ar Airteagal 285 de Threoir 2006/112/CE maidir leis an gcomhchóras cánach breisluacha (IO L 332, 23.12.2019, lch. 155).
(6) Treoir (AE) 2020/285 ón gComhairle an 18 Feabhra 2020 lena leasaítear Treoir 2006/112/CE maidir leis an gcomhchóras cánach breisluacha a mhéid a bhaineann leis an scéim speisialta d’fhiontair bheaga agus Rialachán (AE) Uimh. 904/2010 a mhéid a bhaineann leis an gcomhar riaracháin agus leis an malartú faisnéise chun faireachán a dhéanamh ar chur i bhfeidhm ceart na scéime speisialta d’fhiontair bheaga (IO L 62, 2.3.2020, lch. 13).
(7) Rialachán (AE, Euratom) 2021/769 ón gComhairle an 30 Aibreán 2021 lena leasaítear Rialachán (CEE, Euratom) Uimh. 1553/89 maidir leis na comhshocraíochtaí aonfhoirmeacha cinntitheacha chun acmhainní dílse a fhabhraíonn ó cháin bhreisluacha a bhailiú (IO L 165, 11.5.2021, lch. 9).