(1)

De bhun Airteagal 16(1) de Threoir 2008/72/CE, tá an Coimisiún le cinneadh a dhéanamh an bhfuil ábhar iomadaithe agus plandaithe glasraí, seachas síol, a tháirgtear i dtríú tír agus dá dtugtar na ráthaíochtaí céanna a mhéid a bhaineann leis na hoibleagáidí atá ar an soláthróir, le sainaitheantas, le saintréithe, le sláinte plandaí, leis an damhna fáis, leis an bpacáistíocht, le socruithe cigireachta, le marcáil agus le séalaithe, an bhfuil an t-ábhar sin coibhéiseach i ngach slí le hábhar iomadaithe agus plandaithe glasraí, seachas síol, a tháirgtear san Aontas agus a chomhlíonann ceanglais agus coinníollacha na Treorach sin.

(2)

Faoi láthair, go dtí go ndéanfaidh an Coimisiún cinneadh den sórt sin, féadfaidh Ballstáit a allmhairíonn ábhar den sórt sin ó thríú tíortha, go dtí an 31 Nollaig 2022, coinníollacha allmhairiúcháin a chur i bhfeidhm maidir leis na táirgí sin atá coibhéiseach ar a laghad leis na coinníollacha sin is infheidhme maidir le táirgí comhchosúla de chuid an Aontais.

(3)

Mar sin féin, ní leor an fhaisnéis atá ar fáil faoi láthair maidir leis na coinníollacha is infheidhme i dtríú tíortha chun a é chur ar a chumas don Choimisiún aon chinneadh den sórt sin a ghlacadh i leith aon tríú tír.

(4)

Chun nach gcuirfear isteach ar phatrúin trádála, an tréimhse ina gceadaítear do na Ballstáit coinníollacha táirgí den sórt sin a chur i bhfeidhm, coinníollacha atá coibhéiseach ar a laghad leis na coinníollacha is infheidhme maidir le táirgí comhchosúla de chuid an Aontais, ba cheart síneadh a chur leis an tréimhse sin go dtí dáta is faide amach ná an 31 Nollaig 2022. I bhfianaise na n-infheistíochtaí agus an ama is gá chun na táirgí sin a tháirgeadh i gcomhréir leis na coinníollacha allmhairiúcháin, is iomchuí síneadh seacht mbliana a chur leis an tréimhse sin.

(5)

Dá bhrí sin ba cheart Treoir 2008/72/CE a leasú dá réir.

(6)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,