1.   Foirmeacha chun fógra a thabhairt faoi chinntí i leith údarú taistil nó údarú taistil a bhfuil bailíocht chríochach theoranta aige (‘údarú taistil’ ina dhiaidh seo) a dhiúltú, a neamhniú nó a chúlghairm, ginfear iad go huathoibríoch trí bhíthin na mbogearraí dá dtagraítear in Airteagal 6(2)(m) de Rialachán (AE) 2018/1240.

Beidh na foirmeacha bunaithe ar na teimpléid in Iarscríbhinn I, II nó III.

2.   Leis na bogearraí, beidh an deis ann na foirmeacha seo a leanas a ghiniúint:

3.   Aistreoidh na Ballstáit na réimsí dar teideal “Ráiteas ar na fíorais ábhartha agus réasúnaíocht bhreise is cúis leis an gcinneadh” sna foirmeacha in Iarscríbhinn I, II, III agus íocfar na costais as buiséad ginearálta an Aontais i gcomhréir le hAirteagal 85(2) de Rialachán (AE) 2018/1240.

4.   De thairbhe na mbogearraí beidh Aonad Náisiúnta ETIAS an Bhallstáit atá freagrach in ann foirm a roghnú de réir an chineáil cinnidh a ghlactar (diúltú, neamhniú nó cúlghairm).

5.   Ansin cuirfidh na bogearraí liosta úr i láthair agus beidh gá ceann amháin ar a laghad de na forais is infheidhme maidir leis an gcinneadh a roghnú, mar a leagtar amach sna forálacha seo a leanas de Rialachán (AE) 2018/1240:

Beidh an réimse in Iarscríbhinn I, II, III dar teideal ‘Ráiteas ar na fíorais ábhartha agus réasúnaíocht bhreise is cúis leis an gcinneadh’ éigeantach. Go dtí go mbeidh an roinn sin comhlánaithe sna teangacha a roghnaíodh, cuirfidh Córas Faisnéise ETIAS cosc ar ghiniúint na bhfoirmeacha.

6.   I gcás ina mbaineann an cinneadh le húdarú taistil a bhfuil bailíocht chríochach theoranta aige a dhiúltú, a neamhniú nó a aisghairm, cuirfidh na bogearraí i láthair, sa bhreis ar an liosta i mír 5, an liosta seo a leanas d’fhorais le roghnú:

7.   I gcás ina mbaineann an cinneadh i leith údarú taistil a dhiúltú, a neamhniú nó a chúlghairm le duine a dhearbhaigh go dtagann sé faoi raon feidhme Airteagal 2(1), pointe (c) de Rialachán (AE) 2018/1240, ní áireofar sa liosta roghanna dá dtagraítear i mír 5 forais nach bhfuil infheidhme de bhun Airteagal 24 de Rialachán (AE) 2018/1240 agus de bhun Treoir 2004/38/CE ó Pharlaimint na hEorpa agus ón gComhairle (9).

8.   Nuair a bheidh na roghanna dá dtagraítear i míreanna 2 go 6 comhlánaithe ag Aonad Náisiúnta ETIAS an Bhallstáit atá freagrach, ginfidh na bogearraí na dréachtfhoirmeacha ábhartha go huathoibríoch. Beidh an uimhir iarratais chomhfhreagrach sna foirmeacha, agus réamhlíonfar na foirmeacha leis na sonraí dá dtagraítear sna forálacha seo a leanas de Rialachán (AE) 2018/1240:

9.   Sula dtarchuirtear an fhoirm chuig an iarratasóir, de thairbhe na mbogearraí beidh Aonaid Náisiúnta ETIAS an Bhallstáit atá freagrach in ann na roghanna a rinneadh agus an fhaisnéis sna foirmeacha a dheimhniú.

10.   Tar éis an deimhnithe de bhun mhír 9, ginfidh na bogearraí na foirmeacha i bhformáid PDF.

11.   Cuirfear na foirmeacha a ghintear leis an gcomhad iarratais agus tarchuirfear chuig an iarratasóir iad tríd an tseirbhís ríomhphoist dá dtagraítear i bpointe (f) in Airteagal 6(2) de Rialachán (AE) 2018/1240.

1.   Tabharfar an rogha d’iarratasóirí údarú taistil a chúlghairm tríd an suíomh gréasáin poiblí agus an aip le haghaidh gléasanna móibíleacha dá dtagraítear in Airteagal 16 de Rialachán (AE) 2018/1240.

2.   Má roghnaíonn an t-iarratasóir an t-údarú taistil a chúlghairm, cuirfear iarraidh roimhe ar fhíordheimhniú a dhéanamh trí úsáid a bhaint as fíorú dhá fhachtóir.

3.   I dtús cuirfidh an t-iarratasóir isteach na sonraí seo a leanas:

Iarrfar ar an iarratasóir a dheimhniú go bhfuil rochtain aige ar an seoladh ríomhphoist dá dtagraítear sa chéad fhomhír, pointe (c), trí tic a chur i mbosca. Mura bhfuil rochtain aige ar an seoladh sin a thuilleadh, iarrfar air seoladh ríomhphoist nua a chur isteach le go bhfaighidh sé cód uathúil agus deimhniú cúlghairme.

4.   I gcás ina gcomhfhreagraíonn na sonraí a chuirtear isteach de bhun mhír 3 d’údarú taistil bailí, is é a bheidh i gceist leis an gcéad fhíordheimhniú go gcuirfidh an t-iarratasóir isteach na sonraí seo a leanas:

5.   Is é a bheidh i gceist leis an dara fíordheimhniú cód uathúil a bheidh le cur isteach sa leathanach gréasáin cúlghairme nó san aip.

Ginfear an cód uathúil go huathoibríoch agus seolfar chuig an iarratasóir é tríd an tseirbhís ríomhphoist dá dtagraítear in Airteagal 6(2), pointe (f) de Rialachán (AE) 2018/1240, nuair a chuirfear isteach na sonraí dá dtagraítear i míreanna 3 agus 4. Is éard a bheidh i seoladh ríomhphoist an fhaighteora an seoladh ríomhphoist a bhfuil rochtain ag an iarratasóir air, mar a dheimhnítear de bhun mhír 3.

6.   I gcás ina gcomhfhreagraíonn na sonraí a chuirtear isteach de bhun mhír 3, cé is moite den seoladh ríomhphoist dá dtagraítear i bpointe (c) den mhír sin, do na sonraí san fhoirm iarratais, seolfar ríomhphost chuig an seoladh ríomhphoist ar an bhfoirm iarratais ina bhfógraítear iarracht an t-údarú taistil a chúlghairm tríd an suíomh ghréasáin nó tríd an aip.

Leis an ríomhphost sin beidh an t-iarratasóir in ann a chur in iúl, faoi spriocdháta ar leith, nach é a bhí faoi deara na hiarrata ar chúlghairm. Chomh maith leis sin, cuirfidh sé an t-iarratasóir ar an eolas faoin gcaoi ar féidir teagmháil a dhéanamh le Láraonad ETIAS más gá. Coinneoidh Láraonad ETIAS taifid de gach ghníomhaíocht leantach.

7.   An cód uathúil dá dtagraítear i mír 5, nuair a chuirfidh an t-iarratasóir an cód sin isteach ar an leathanach gréasáin cúlghairme nó ar an aip chun an fíordheimhniú a dheimhniú, taispeánfaidh an suíomh gréasáin nó an aip faisnéis maidir leis an tréimhse choinneála 5 bliana i dtaobh comhaid iarratais a bhaineann le húdaruithe taistil cúlghairthe, rud dá dtagraítear in Airteagal 54(1), pointe (b), de Rialachán (AE) 2018/1240.

8.   Beidh ar an iarratasóir a dheimhniú go bhfuil an fhaisnéis dá dtagraítear i mír 7 léite aige agus go n-aontaíonn sé leis, agus beidh air cúlghairm an údaraithe taistil a dheimhniú chun an iarraidh ar chúlghairm a thabhairt chun críche.

9.   Rachaidh na cóid uathúla a ghintear de bhun mhír 5 in éag tar éis tréimhse ama réasúnta gearr. Nuair a sheolfar cód nua, déanfar neamhbhailiú ar na cóid a tháinig roimhe dá bharr sin. Ní bheidh na cóid inúsáidte ach aon uair amháin.

10.   Nuair a chlárófar iarraidh ar chúlghairm le seoladh ríomhphoist nach bhfuil mar an gcéanna leis an gceann a úsáideadh san fhoirm iarratais, ní sheolfar an iarraidh chríochnaithe chuig an Aonad Náisiúnta ETIAS le haghaidh próiseála roimh an spriocdháta dá dtagraítear sa dara fhomhír i mír 6. I ngach cás eile, seolfar chuig an Aonad Náisiúnta í gan moill mhíchuí.

1.   Tar éis an iarraidh ar chúlghairm a bheith deimhnithe ag an iarratasóir de bhun Airteagal 2(8) agus, i gcás inarb iomchuí, an spriocdháta dá dtagraítear in Airteagal 2(6) a bheith thart, seolfaidh Lárchóras ETIAS fógra faoin iarraidh chuig ceann díobh seo a leanas:

2.   Beidh na nithe seo a leanas san fhógra dá dtagraítear i mír 1:

3.   Deimhneoidh an tAonad Náisiúnta ETIAS an chúlghairm agus an fhaisnéis bhreise a cuireadh isteach dá dtagraítear i bpointe (c) i mír 2. Cuirfear an fhaisnéis sin leis an gcomhad iarratais ansin.

4.   I gcás ina bhfuil an t-iarratasóir i láthair ar chríoch Ballstáit nuair a chlárófar an iarraidh sin, tiocfaidh an chúlghairm i bhfeidhm a luaithe a bheidh an t-iarratasóir imithe as an gcríoch agus ón nóiméad a chruthófar an taifead dul isteach/imeachta comhfhreagrach sa chóras dul isteach/imeachta (EES) i gcomhréir le hAirteagail 16(3) agus 17(2) de Rialachán (AE) 2017/2226 (10).

I ngach cás eile, tiocfaidh an chúlghairm i bhfeidhm nuair a dheimhneoidh an tAonad Náisiúnta ETIAS í de bhun mhír 3 den Airteagal seo.

1.   Tar éis don Aonad Náisiúnta ETIAS an chúlghairm a dheimhniú de bhun Airteagal 3(3), ginfear foirm go huathoibríoch le haghaidh dír-chúlghairme ar bhonn Iarscríbhinn IV, trí bhíthin na mbogearraí dá dtagraítear in Airteagal 6(2)(m) de Rialachán (AE) 2018/1240.

2.   Cuirfear an fhoirm a ghintear leis an gcomhad iarratais agus tarchuirfear chuig an iarratasóir í tríd an tseirbhís ríomhphoist dá dtagraítear i bpointe (f) in Airteagal 6(2) de Rialachán (AE) 2018/1240. Beidh na nithe seo a leanas sa teachtaireacht ríomhphoist:

3.   I gcás, de bhun Airteagal 2(3), inar chuir an t-iarratasóir isteach seoladh ríomhphoist nach ionann agus an seoladh a úsáideadh le haghaidh an iarratais, seolfar an fhoirm chuig an seanseoladh ríomhphoist agus chuig an seoladh ríomhphoist nua araon.

1.   Chun críocha Airteagal 2:

2.   Tar éis don iarratasóir an dír-chúlghairm a dheimhniú, de bhun Airteagal 2(8):

1.   Beidh an líon iarracht a fhéadfar a dhéanamh údarú taistil a chúlghairm leis an doiciméad taistil céanna, an uimhir iarratais chéanna nó an cód uathúil céanna faoi réir a theorannaithe. Sa bhreis air sin, déanfar bearta chun an suíomh gréasáin poiblí a chosaint ar rochtain neamhdhaonna.

2.   Mar chuid den phróiseas cúlghairme beidh bearta lena mbeidh an t-am istigh tar éis tréimhse díomhaointis a shaineofar go cuí.

3.   Sonraí breise maidir le rúndacht, sláine agus infhaighteacht na sonraí próiseáilte, cumhdófar iad leis na sonraíochtaí teicniúla dá dtagraítear in Airteagal 73(3) de Rialachán (AE) 2018/1240.

1.   Coinneofar log de ghníomhaíochtaí an iarratasóra. Beidh na nithe seo a leanas ann:

2.   Chomh maith leis sin, coinneofar log de ghníomhaíochtaí an Aonaid Náisiúnta ETIAS a dheimhníonn an dír-chúlghairm. Beidh na nithe seo a leanas ann:

3.   Na logaí dá dtagraítear i míreanna 1 agus 2, coinneofar iad i gCóras Faisnéise ETIAS i gcomhréir le hAirteagal 69 de Rialachán (AE) 2018/1240. Ní stórálfar iad ar feadh níos mó ná bliain amháin tar éis na tréimhse coinneála le haghaidh an chomhaid iarratais, mura bhfuil siad ag teastáil le haghaidh nósanna imeachta faireacháin a bhfuil tús curtha leo cheana féin. Tar éis na tréimhse sin nó tar éis a leithéid de nósanna imeachta a bheith críochnaithe, scriosfar iad go huathoibríoch.

Ní fhéadfar na logaí a úsáid ach chun críocha Airteagal 69(4) de Rialachán (AE) 2018/1240 amháin.